“Idoraviy normativ hujjatlarni tayyorlash va qabul qilish qoidalari” (2000-yil 16-oktabr, roʻyxat raqami 979)ning 83 va 84-bandlariga asosan Oʻzbekiston Respublikasi Moliya vazirligi, Markaziy bank Boshqaruvi va Davlat soliq qoʻmitasi qaror qiladi:

1. Oʻzbekiston Respublikasi Moliya vazirligi, Markaziy bank Boshqaruvi va Davlat soliq qoʻmitasining 2002-yil 6-fevraldagi 30, 210-V va 2002-28-son qarori bilan tasdiqlangan “Qishloq xoʻjaligi tovar ishlab chiqaruvchilari tomonidan toʻlanadigan yagona yer soligʻi summasidan qishloq xoʻjaligini texnika bilan taʼminlashni davlat tomonidan qoʻllab-quvvatlash jamgʻarmasiga oʻtkaziladigan qatʼiy belgilangan ajratmalar tartibi toʻgʻrisidagi nizom” (2002-yil 6-mart, roʻyxat raqami 1105 — Meʼyoriy hujjatlar axborotnomasi, 2002-y., 5-son) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.