Idoraviy meʼyoriy hujjatlarni tayyorlash va qabul qilish Qoidalarining (2000-yil 16-oktabr, roʻyxat raqami 979) 83 va 84-bandlariga muvofiq buyuraman:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi moliya vazirining 2006-yil 27-iyundagi 60-son “Samarqand viloyati va Toshkent shahrida gʻaznachilik ijrosida buxgalteriya hisobi haqida Vaqtinchalik qoidalarini tasdiqlash toʻgʻrisida”gi buyrugʻi (2006-yil 24-iyul roʻyxat raqami 1601 — Oʻzbekiston Respublikasi qonun hujjatlari toʻplami, 2006-y., 30-son, 298-modda);

Oʻzbekiston Respublikasi moliya vazirining 2006-yil 24-oktabrdagi 90-son “Samarqand viloyati gʻaznachilik ijrosida buxgalteriya hisobi haqida Vaqtinchalik qoidalarini tasdiqlash toʻgʻrisidagi buyrugʻiga oʻzgartirish va qoʻshimchalar kiritish haqida”gi buyrugʻi (2006-yil 11-noyabr, roʻyxat raqami 1601-1 — Oʻzbekiston Respublikasi qonun hujjatlari toʻplami, 2006-y., 46-47-son, 464-modda).

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.