“Xavfli ishlab chiqarish obyektlarining sanoat xavfsizligi toʻgʻrisida”gi Oʻzbekiston Respublikasi Qonuni talablarini amalga oshirish maqsadida Vazirlar Mahkamasi qaror qiladi:

1. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (keyingi oʻrinlarda “Sanoatkontexnazorat” davlat inspeksiyasi deb ataladi) barcha yuridik va jismoniy shaxslar tomonidan respublika hududida sanoat va radiatsiya xavfsizligiga, yer osti boyliklaridan foydalanish va ularni muhofaza qilishga doir qonun hujjatlari va normativ-texnik hujjatlarga, shuningdek davlat tomonidan tartibga solishning boshqa chora-tadbirlariga rioya etilishi ustidan davlat nazoratini belgilangan tartibda amalga oshiruvchi sanoat xavfsizligi sohasidagi maxsus vakolatli davlat organi etib belgilansin.

2. “Sanoatkontexnazorat” davlat inspeksiyasiga sanoat xavfsizligi, sanoat xavfsizligi sohasida faoliyat koʻrsatuvchi mutaxassislarni tayyorlash va qayta tayyorlash boʻyicha ekspert tashkilotlarni akkreditatsiya qilish vazifasi yuklansin.

3. Oʻzbekiston Respublikasi “Sanoatkontexnazorat” davlat inspeksiyasi markaziy apparatining tuzilmasi 1-ilovaga muvofiq tasdiqlansin.

4. Oʻzbekiston Respublikasi Vazirlar Mahkamasining “Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi faoliyatini tashkil etish toʻgʻrisida” 2004-yil 10-iyuldagi 323-son qaroriga (Oʻzbekiston Respublikasi QT, 2004-y., 7-son, 64-modda) 2-ilovaga muvofiq oʻzgartirish va qoʻshimchalar kiritilsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.R. Shoismatov zimmasiga yuklansin.

1. 1-bandning ikkinchi xatboshidagi “va markaziy apparati tuzilmasi” soʻzlari chiqarib tashlansin, “1 va 2-ilovalarga” soʻzlari “1-ilovaga” soʻzlari bilan almashtirilsin.

2. 2-bandning ikkinchi xatboshidagi “umumiy” soʻzidan oldin “cheklangan” soʻzi qoʻshilsin.

3. 1-ilovada:

“Neft va gaz sanoatini nazorat qilish” blokidagi “Neft va gaz” soʻzlari “Neft-gaz” soʻzlari bilan almashtirilsin;

“Yer osti boyliklarini muhofaza qilishni, mineral xomashyoni qayta ishlashni nazorat qilish va geologiya-marksheyderlik nazorati inspeksiyasi” blokidagi “xomashyoni” soʻzlaridan keyin “xavfsiz” soʻzi qoʻshilsin;

“Geologiya-razvedka ishlarini nazorat qilish inspeksiyasi” blokidagi “ishlarini” soʻzidan keyin “bexatar olib borishni” soʻzlari qoʻshilsin;

“Texnik koʻmaklashish va xizmat koʻrsatish markazi**” blokidagi “texnik” soʻzi chiqarib tashlansin, “va xizmat koʻrsatish” soʻzlari “sanoat xavfsizligi” soʻzlari bilan almashtirilsin;

“Qarshi MKTI” blokidagi “Qarshi” soʻzi “Qashqadaryo” soʻzi bilan almashtirilsin.

4. 2-ilova oʻz kuchini yoʻqotgan deb hisoblansin.

5. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi toʻgʻrisidagi nizomda (3-ilova):

a) 1-bandning birinchi xatboshi quyidagi tahrirda bayon qilinsin:

“1. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (“Sanoatkontexnazorat” davlat inspeksiyasi) barcha yuridik va jismoniy shaxslar tomonidan respublika hududida sanoat va radiatsiya xavfsizligiga, yer osti boyliklaridan foydalanish va ularni muhofaza qilishga doir qonun hujjatlari va normativ-texnik hujjatlarga, shuningdek davlat tomonidan tartibga solishning boshqa chora-tadbirlariga rioya etilishi ustidan davlat nazoratini belgilangan tartibda amalga oshiruvchi sanoat xavfsizligi sohasidagi maxsus vakolatli davlat boshqaruvi organi hisoblanadi”;

b) 4-banddagi “xavfsizlik texnikasi, nazorat ostidagi obyektlarning texnik xavfsizligi” soʻzlari “sanoat va radiatsiya xavfsizligi” soʻzlari bilan almashtirilsin;

v) 8-bandda:

ikkinchi xatboshi quyidagi tahrirda bayon qilinsin:

“yuridik va jismoniy shaxslar tomonidan sanoat va radiatsiya xavfsizligi sohasidagi, gaz taʼminoti va gazdan foydalanish, yer osti boyliklaridan foydalanish va ularni muhofaza qilish, mineral xomashyoni qayta ishlash va metallurgiya jihatidan saralash, geologiya-qidiruv ishlari, shuningdek kon ishlarini geologiya-marksheyderlik xizmati bilan taʼminlash boʻyicha qonun hujjatlari va normativ-texnik hujjatlar talablariga rioya qilinishi ustidan davlat nazoratini amalga oshirish”;

uchinchi xatboshidagi “sanoatda va konchilikda ishlarning” soʻzlari “sanoat va radiatsiya xavfsizligi ishlarining, shuningdek” soʻzlari bilan almashtirilsin;

beshinchi xatboshidagi “texnik xavfsizlik” soʻzlari “sanoat va radiatsiya xavfsizligi” soʻzlari bilan almashtirilsin;

oltinchi xatboshidagi “ishlarning bexatar olib borilishini” soʻzlari “sanoat va radiatsiya xavfsizligini” soʻzlari bilan almashtirilsin;

sakkizinchi xatboshidagi “texnik hujjatlarni” soʻzlari “normativ-texnik hujjatlarni” soʻzlari bilan almashtirilsin;

quyidagi mazmundagi toʻqqizinchi va oʻninchi xatboshi qoʻshilsin:

“sanoat xavfsizligini ekspertizadan oʻtkazish, sanoat xavfsizligi sohasida faoliyat koʻrsatuvchi mutaxassislarni tayyorlash va qayta tayyorlash tizimlarini joriy etish hamda ularning faoliyat koʻrsatishi va rivojlantirilishini taʼminlash;

sanoat xavfsizligini ekspertizadan oʻtkazish tartibini va ekspertiza xulosalarini rasmiylashtirish talablarini belgilash”;

g) 9-bandda:

uchinchi xatboshiga “uskunalar” soʻzidan keyin “loyihalashtirilishi, tayyorlanishi” soʻzlari qoʻshilsin;

oʻninchi xatboshi quyidagi tahrirda bayon qilinsin:

“kon qazuvchi va qayta ishlovchi korxonalarning geologiya-qidiruv ishlari loyihalarini, texnik loyihalarini, ishlarni bexatar olib borish yuzasidan texnik yechimlarga doir kon ishlari rejalarini, foydali qazilmalarni qidirish va qazib olishda, mineral xomashyoni qazib olish va qayta ishlashda foydali qazilmalarning kamayishi va maydalashuvi normativlarini kelishib oladi”;

oʻn oltinchi xatboshi chiqarib tashlansin;

oʻn yettinchi — yigirma toʻrtinchi xatboshi oʻn oltinchi — yigirma uchinchi xatboshi deb hisoblansin;

oʻn yettinchi xatboshi quyidagi tahrirda bayon qilinsin:

“sanoat va radiatsiya xavfsizligi hamda yer osti boyliklarini muhofaza qilish sohasida xavfli ishlab chiqarish obyektlari xodimlarini tayyorlash va attestatsiyadan oʻtkazish tartibini belgilaydi”;

oʻn toʻqqizinchi xatboshida “beradi” soʻzi “koʻrib chiqadi va tasdiqlaydi” soʻzlari bilan almashtirilsin;

yigirma birinchi xatboshi quyidagi tahrirda bayon qilinsin:

“sanoat xavfsizligi masalalari, sanoat xavfsizligi sohasida ekspert tashkilotlarini akkreditatsiya qilish va Davlat inspeksiyasi vakolatiga kiradigan boshqa masalalar boʻyicha normativ-huquqiy hujjatlar va normativ texnik hujjatlarni ishlab chiqadi va belgilangan tartibda qabul qiladi”;

quyidagi mazmundagi yigirma toʻrtinchi — oʻttiz uchinchi xatboshi qoʻshilsin:

“xavfli ishlab chiqarish obyektlari davlat reyestrida xavfli ishlab chiqarish obyektlari hisobini yuritadi;

tashkilotlarning xavfli ishlab chiqarish obyektini ishlatishga tayyorligini hamda xavfli ishlab chiqarish obyektidagi avariyalarning tarqalishini cheklash va oqibatlarini tugatishga doir saʼy-harakatlarini tekshiradi;

xavfli ishlab chiqarish obyektlarining sanoat xavfsizligi ekspertizasini tashkil etadi;

sanoat xavfsizligi sohasida ekspert tashkilotlari akkreditatsiyasini belgilangan tartibda amalga oshiradi;

sanoat xavfsizligi ekspertizasi natijasi boʻyicha ekspert xulosalarni tasdiqlaydi;

sanoat xavfsizligi deklaratsiyalari toʻgʻri ishlab chiqilishi va taqdim etilishi monitoringini olib boradi;

ishlab turgan va qurilayotgan xavfli ishlab chiqarish obyektlarida sanoat xavfsizligini deklaratsiyalashning oʻtkazilishini nazorat qiladi;

xavfli ishlab chiqarish obyektida avariya yuz bergan taqdirda boshqa shaxslarning hayoti, sogʻligʻi va (yoki) mol-mulkiga hamda atrof muhitga zarar yetkazilganligi uchun majburiy javobgarlikni sugʻurta qilishda xulosa beradi;

yuqori texnogen xavfli zonalarning davlat kadastri yuritilishini muvofiqlashtiradi;

mehnat xavfsizligi va yer osti boyliklarini muhofaza qilish, nazorat faoliyatini takomillashtirish, avariyalar va ishlab chiqarishda mayib boʻlishning oldini olish zarurligini targʻib qiladi”;

d) 10-bandning toʻqqizinchi xatboshida “barpo etish” soʻzlaridan keyin “loyihalash” soʻzi qoʻshilsin;

e) 11-bandda:

uchinchi xatboshida “ishlarni bexatar olib borish va yer osti boyliklarini muhofaza qilishga oid qoidalar va normalarni” soʻzlari “sanoat va radiatsiya xavfsizligi hamda yer osti boyliklarini muhofaza qilish talablarining” soʻzlari bilan almashtirilsin;

toʻrtinchi xatboshi quyidagi tahrirda bayon qilinsin:

“sanoat va radiatsiya xavfsizligi talablari buzilgan holda olib borilayotgan ishlarni belgilangan tartibda toʻxtatib turish, shuningdek odamlar hayoti xavf ostida qolganda yoki avariya holati vujudga kelganda ularni ish joylaridan chiqarish, ish joylarini yoki uskunalarini muhrlab qoʻyish”;

beshinchi xatboshi quyidagi tahrirda bayon qilinsin:

“yer osti boyliklarini muhofaza qilish hamda sanoat va radiatsiya xavfsizligi talablarini buzganlik uchun mansabdor shaxslar va fuqarolarni qonun hujjatlarida belgilangan tartibda oʻz vakolatlari doirasida maʼmuriy javobgarlikka tortish”;

quyidagi mazmundagi sakkizinchi — oʻninchi xatboshi qoʻshilsin:

“Davlat inspeksiyasi vakolatiga kiradigan masalalar boʻyicha xavfli ishlab chiqarish obyektlarini ishlatadigan tashkilotlarning rahbarlari hisobotlarini eshitish;

sanoat xavfsizligini ekspertiza qilish huquqini beradigan akkreditatsiyalash attestatining amal qilishini bekor qilish va toʻxtatib turish;

sanoat xavfsizligini ekspertiza qilish boʻyicha akkreditatsiya qilingan tashkilotlar faoliyatini inspeksion nazorat qilish, ular faoliyatini muvofiqlashtirish”;

sakkizinchi — oʻn yettinchi xatboshi oʻn birinchi — yigirmanchi xatboshi deb hisoblansin;

oʻn birinchi xatboshi quyidagi tahrirda bayon qilinsin:

“oʻz nazorati ostidagi korxonalar va davlat boshqaruvi organlari rahbarlariga sanoat va radiatsiya xavfsizligi hamda yer osti boyliklarini muhofaza qilish qoidalari, yoʻriqnomalari va boshqa normativ-texnik hujjatlar talablarini buzuvchi shaxslarni egallab turgan lavozimidan belgilangan tartibda boʻshatish yoki ishlarga texnik rahbarlik qilish huquqidan bir yilgacha muddatga mahrum etish toʻgʻrisida taqdimnoma kiritish”;

oʻn beshinchi xatboshi quyidagi tahrirda bayon qilinsin:

“tayyorlovchi zavodlarda va taʼmirlash korxonalarida oʻz nazorati ostidagi sanoat tarmoqlari uchun asbob-uskunalarning sanoat xavfsizligi talablariga muvofiqligini tekshirish, ular standartlar, sanoat xavfsizligi talablariga hamda tasdiqlangan loyiha yechimlariga muvofiq boʻlmagan taqdirda ularning ishlab chiqarilishini toʻxtatib qoʻyish va qoʻllanishini taqiqlash”;

j) 18-band quyidagi tahrirda bayon qilinsin:

“18. Xavfli ishlab chiqarish obyektlarini ishlatish bilan bogʻliq ishlarni muvofiqlashtirish uchun Davlat inspeksiyasi huzurida Davlat inspeksiyasi boshligʻi boshchilik qiladigan Sanoat xavfsizligi boʻyicha idoralararo kengash tashkil etiladi. Sanoat xavfsizligi boʻyicha idoralararo kengashning shaxsiy tarkibi va Kengash toʻgʻrisidagi nizom Oʻzbekiston Respublikasi Vazirlar Mahkamasi bilan kelishgan holda Davlat inspeksiyasi boshligʻi tomonidan tasdiqlanadi”;

z) quyidagi mazmundagi 19-band qoʻshilsin:

“19. Davlat inspeksiyasida tarkibiga Davlat inspeksiyasi boshligʻi (hayʼat raisi), uning oʻrinbosari, shuningdek Davlat inspeksiyasining boshqa rahbar xodimlari kiradigan 5 kishidan iborat hayʼat tashkil etiladi. Hayʼatning shaxsiy tarkibi Davlat inspeksiyasi boshligʻining taqdimnomasi boʻyicha Oʻzbekiston Respublikasi Vazirlar Mahkamasi tomonidan tasdiqlanadi.

Hayʼat oʻzining muntazam oʻtkaziladigan majlislarida sanoat va radiatsiya xavfsizligi sohasida davlat nazoratini takomillashtirish, idoraviy mansub tashkilotlarga amaliy rahbarlik qilish, qarorlar bajarilishini tekshirish, kadrlarni tanlash va ulardan foydalanish masalalarini koʻrib chiqadi, Davlat inspeksiyasining vakolatiga kiradigan masalalar boʻyicha idoraviy mansub va nazorat ostidagi tashkilotlarning rahbarlari hisobotlarini eshitadi.

Hayʼat majlisiga Davlat inspeksiyasi vakolatiga kiradigan masalalar boʻyicha vazirliklar, davlat qoʻmitalari, idoralar, mahalliy davlat hokimiyati organlari, korxonalar, muassasalar va tashkilotlarning rahbarlari taklif etilishi mumkin”;

i) 19-20-bandlar tegishli ravishda 20-21-bandlar deb hisoblansin.