“Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga asosan 2004-yil 22-martda Oʻzbekiston Respublikasi Vazirlar Mahkamasi tomonidan “Kinovideomahsulotlarini ishlab chiqarish, koʻpaytirish, dublyaj qilish, sotish va ularning prokati boʻyicha faoliyat turlarini litsenziyalash toʻgʻrisida nizomni tasdiqlash haqida”gi 135-sonli qarori qabul qilinganligi munosabati bilan meʼyoriy hujjatlarni tartibga keltirish maqsadida buyuraman:

1. Oʻzbekiston Respublikasi Adliya vazirligida 1997-yil 15-oktabrda 371-son bilan roʻyxatga olingan “Oʻzbekkino” davlat-aksiyadorlik kompaniyasi tomonidan tasdiqlangan “Kinovideofaoliyat bilan shugʻullanish huquqini beradigan maxsus ruxsatnoma (litsenziya) berish va roʻyxatga olish tartibi” oʻz kuchini yoʻqotgan deb hisoblansin.

2. “Oʻzbekkino” davlat-aksiyadorlik kompaniyasi tomonidan tasdiqlangan “Kinovideofaoliyat bilan shugʻullanish huquqini beradigan maxsus ruxsatnoma (litsenziya) berish va roʻyxatga olish tartibi” oʻz kuchini yoʻqotganligi haqida Oʻzbekiston Respublikasi Adliya vazirligiga axborot berilsin.

3. Ushbu buyruqning bajarilishini nazorat etish Bosh direktor oʻrinbosari J. Qosimov zimmasiga yuklatilsin.