Oʻzbekiston Respublikasi Hukumati bilan Qirgʻiz Respublikasi Hukumati, bundan keyin “Tomonlar” deb ataluvchilar,

ikki qardosh davlat oʻrtasidagi munosabatlarni yanada chuqurlashtirishga hamda oʻz mamlakatlarining fuqarolari oʻrtasida aloqalarni rivojlantirishga intilib,

Oʻzbekiston Respublikasi bilan Qirgʻiz Respublikasi oʻrtasida abadiy doʻstlik toʻgʻrisida 1996-yil 24-dekabrda imzolangan Shartnoma qoidalariga amal qilib,

ikkala davlat fuqarolarining oʻzaro kelib-ketishlari tartibi va shartlarini yoʻlga qoʻyish maqsadida,

1. Bir Tomon davlatining fuqarolari ushbu Bitimning 1 va 2-ilovalarida koʻrsatib oʻtilgan haqiqiy hujjatlar boʻyicha va ushbu Bitimda koʻzda tutilgan shartlarga muvofiq vizasiz 60 sutkagacha boshqa Tomon davlati hududiga kirishlarni, chiqishlarni tranzit oʻtishlari hamda unda vaqtincha boʻlishlari mumkin.

2. Tomonlar davlatlarining fuqarolari 60 sutkadan ortiq muddatga Tomonlar davlatlari hududlariga kirish va u yerda boʻlishni koʻzlasalar, oldindan vizalarni Tomonlarning qonunchiligi bilan oʻrnatilgan tartibda rasmiylashtiradilar.

1. Bir Tomon davlatining haqiqiy diplomatik, xizmat va milliy pasportiga ega va diplomatik vakolatxonalar, konsullik muassasalari hamda xalqaro tashkilotlar vakolatxonalari xizmatchilari hisoblanadigan, boshqa Tomon davlati hududida boʻlgan fuqarolari kirishdan keyin Tomonlar qonunchiligi bilan oʻrnatilgan tartibda akkreditatsiyani rasmiylashtiradilar va akkreditatsiya muddati davomida vizasiz u yerda boʻladilar.

2. Ushbu moddaning 1-bandi qoidalarida belgilangan guruh fuqarolari bilan ularning boshqa davlat hududida boʻlib turish davrida birga yashaydigan oila aʼzolari(er/xotin va voyaga yetmagan bolalar)ga ham tatbiq etiladi.

Tomonlar xalqaro aloqalar uchun ochiq boʻlgan oʻtkazish punktlari orqali haqiqiy va Tomonlar davlatlari milliy qonunchiligiga muvofiq tegishli ravishda rasmiylashtirilgan, chegarani kesib oʻtish huquqini beruvchi hujjatlarga ega Tomonlar davlatlari fuqarolarini uchinchi davlatlarga oʻtkazishga majbur va Tomonlarning vakolatli organlari tomonidan chiqish taqiqlangan shaxslarning uchinchi davlatlarga chiqib ketishiga yoʻl qoʻymaslik yuzasidan choralar koʻradilar.

Tomonlar xalqaro aloqalar uchun ochiq boʻlgan oʻtkazish punktlari orqali haqiqiy va Tomonlar davlatlari milliy qonunchiligiga muvofiq tegishli ravishda rasmiylashtirilgan, chegarani kesib oʻtish huquqini beruvchi hujjatlarga ega Tomonlar davlatlari fuqarolarini uchinchi davlatlarga oʻtkazishga majbur va Tomonlarning vakolatli organlari tomonidan chiqish taqiqlangan shaxslarning uchinchi davlatlarga chiqib ketishiga yoʻl qoʻymaslik yuzasidan choralar koʻradilar.

Tomonlar oʻzaro yozma roziliklariga asosan mazkur Bitimning 1 va 2-ilovalarida koʻrsatilgan hujjatlar roʻyxatidagi oʻzgarishlar yuzasidan qarorlar qabul qilishlari mumkin. Bunda, yangi hujjatlarga oʻzgartishlar kiritish holatida, Tomonlar ularning namunalarini diplomatik kanallar orqali ularni kuchga kiritishga 30 sutkadan kechiktirmasdan almashadilar.

Tomonlar mazkur Bitimni imzolaganlaridan keyin, mazkur Bitimning 1 va 2-ilovalarida koʻrsatilgan hujjatlarning namunalari bilan diplomatik kanallar orqali almashadilar.

Vizalar berish uchun konsullik yigʻimlarining tarif stavkalari Tomonlar tomonidan mazkur Bitimning 3-ilovasiga koʻra oʻzarolik shartlari asosida oʻrnatiladi.

Tomonlar oʻzarolik asosida quyidagi shaxslarni viza berishda konsullik yigʻimlaridan ozod qiladilar:

“Tomonlar oʻrtasidagi shartnomalarga koʻra fan, texnika, taʼlim, madaniyat, sanʼat va sport sohasidagi almashish tartibida ketayotganlarni;

Ulugʻ Vatan Urushi faxriylari va ularga tenglashtirilgan shaxslarni, tegishli guvohnomalarini koʻrsatgan holda 1 va 2-guruh nogironlarini;

16 yoshdan kichik va 60 yoshdan katta boʻlgan fuqarolarning;

Taklif qiluvchi oʻquv muassasalarining iltimosnomalariga asosan tomonlar davlatlari hududlaridagi oʻquv muassasalari va oʻtkaziladigan kurslarda oʻqiydiganlarni.

Mazkur Bitim kuchi amal qiladigan ikkala Tomon davlatlari fuqarolari Tomonlardan biri davlat hududlariga davlat chegarasini kesib oʻtish uchun moʻljallangan oʻtkazish punktlari orqali kirishlari, chiqishlari va tranzit oʻtishlari mumkin. Ushbu holda Tomonlarning milliy qonunchiligiga koʻra, davlat chegaralarini kesib oʻtishdagi tartiblarga rioya qilinishi kerak.

Davlat chegarasi orqali oʻtkazish punktlarining roʻyxati alohida bitimlar bilan belgilanadi.

Tomonlar davlatlari fuqarolari boshqa Tomon davlati hududida vaqtincha boʻlishlari davrida ushbu davlat qonunlari va qoidalariga rioya qilishlari shart.

Xizmat ishi yuzasidan bir Tomon davlati hududida boʻlgan fuqarolarning vaqtincha propiskasi va roʻyxatga olinishi boshqa Tomon davlati vakolatli organi tomonidan mazkur Bitimning ajralmas qismi hisoblangan 1 va 2-ilovalarida koʻrsatilgan hujjatlar hamda xizmat va safar guvohnomalari asosida boj va yigʻimlar olmasdan amalga oshiriladi.

Mazkur Bitim Tomonlarning boshqa Tomon davlatining ularning hududlarida boʻlishlari maqsadga muvofiq emas deb hisoblanadigan fuqarolarining kirishlarini rad etishi yoki vaqtincha boʻlish muddatlarini cheklashdagi huquqlariga taalluqli emas.

Tomonlarning harbiylari boshqa Tomon hududiga kirish, tranzit orqali oʻtish va chiqishi, agar ular davlat tomonidan yuklatilgan xizmat vazifalarini davlat chegarasining ayrim hududlarida bajarayotgan boʻlsalar, Tomonlarning vakolatli organlari tomonidan mazkur Bitimning ajralmas qismi boʻlib hisoblanadigan alohida bayonnomalar bilan belgilanadi.

Tomonlarning vakolatli organlari diplomatik notalar almashish yoʻli bilan aniqlanadi.

Istisno holatlarda (milliy xavfsizlikka, jamoat tartibiga yoki fuqarolar sogʻligʻiga tahdid, shuningdek, favqulodda holatlarda va boshq.) Tomonlar mazkur Bitim yoki uning ayrim qoidalarining amal qilishini vaqtincha toʻxtatib qoʻyish huquqini oʻzlarida saqlab qoladilar.

Ushbu holatda manfaatdor Tomon boshqa Tomon fuqarolarining vizasiz kirishlari, chiqishlari, vaqtincha boʻlishlari va tranzit oʻtishlariga tegishli cheklovlarni kiritishlari mumkin. Bu haqda tegishli Tomon diplomatik kanallar orqali koʻrsatilgan cheklovlar amalga kiritilishidan oldin 72 soat ichida bu haqda xabar beradi.

Mazkur Bitimni qoʻllash natijasida kelib chiqadigan masalalarni Tomonlar maslahatlashuvlar va muzokaralar yoʻli bilan hal etishadi.

Tomonlarning kelishuviga koʻra, mazkur Bitimga uning ajralmas qismi hisoblanadigan va mazkur Bitimning 16-moddasida koʻrsatilgan tartibda kuchga kiradigan alohida bayonnomalar bilan rasmiylashtiriladigan oʻzgartish va qoʻshimchalar kiritilishi mumkin.

Mazkur Bitim Oʻzbekiston Respublikasi va Qirgʻiz Respublikasi ishtirok etadigan boshqa xalqaro shartnomalardan kelib chiqadigan huquq va majburiyatlarga taalluqli emas.

Oʻzbekiston Respublikasi Hukumati bilan Qirgʻiz Respublikasi Hukumati oʻrtasidagi fuqarolarning oʻzaro kelib-ketishlari toʻgʻrisidagi 2000-yil 2-iyuldagi Bitim mazkur Bitim kuchga kirish vaqtidan boshlab oʻz kuchini yoʻqotadi.

Mazkur Bitim uning kuchga kirishi uchun zarur boʻlgan davlat ichki protseduralarini Tomonlar tomonidan amalga oshirilganligi haqida oxirgi yozma xabarnoma olingan kundan boshlab kuchga kiradi va bir Tomonning boshqa Tomondan mazkur Bitimning kuchini bekor qilish istagi haqida rasmiy xabarnoma olingan kundan eʼtiboran 90 kun oʻtishigacha amal qiladi.

Toshkent shahrida 2006-yil 3-oktabrda ikki asl nusxada, har biri oʻzbek, qirgʻiz va rus tillarida tuzildi, bunda barcha matnlar bir xil kuchga ega.

Ushbu Bitim qoidalarini talqin qilishda rus tilidagi matndan foydalaniladi.

1. Oʻzbekiston Respublikasi diplomatik pasporti;

2. Oʻzbekiston Respublikasi fuqarolik pasporti,

3. 16 yoshga toʻlmagan Oʻzbekiston Respublikasi fuqarosi guvohnomasi;

4. Tugʻilganlik haqida guvohnoma (rasm va uning egasi haqidagi maʼlumotlar mavjud ilovasi mavjud boʻlgan holda);

5. Oʻzbekiston Respublikasiga qaytish uchun guvohnoma.

1. Qirgʻiz Respublikasi diplomatik pasporti;

2. Qirgʻiz Respublikasi xizmat pasporti;

3. Qirgʻiz Respublikasi fuqarolik pasporti;

4. Qirgʻiz Respublikasi Umumfuqarolik pasporti;

5. Tugʻilganlik haqida guvohnoma (rasm va uning egasi haqidagi maʼlumotlar mavjud ilovasi mavjud boʻlgan holda);

6. Qirgʻiz Respublikasiga qaytish uchun guvohnoma.

6 oyga qadar— 10 AQSH dollari;

1 yilga qadar— 20 AQSH dollari.

Viza muddati uzaytirilganida konsullik yigʻimlari vizani rasmiylashtirilganidagi kabi undiriladi.