Oʻzbekiston Respublikasining “Davlat statistikasi toʻgʻrisida”gi Qonunining 6-moddasiga asosan va Oʻzbekiston Respublikasi Vazirlar Mahkamasining 2003-yil 8-yanvardagi 8-son qarori bilan tasdiqlangan Oʻzbekiston Respublikasi Davlat statistika qoʻmitasi toʻgʻrisidagi nizomga muvofiq, Oʻzbekiston Respublikasi Davlat statistika qoʻmitasi, Oʻzbekiston Respublikasi Qishloq va suv xoʻjaligi vazirligi, “Oʻzpaxtasanoat” uyushmasi va “Sifat” paxta tolasini sertifikatlash markazi qaror qiladi:

1. Makroiqtisodiyot va statistika vazirligining 2001-yil 10-oktabrdagi 33-sonli, Qishloq va suv xoʻjaligi vazirligining 49-2-178-sonli, “Oʻzpaxtasanoat” uyushmasining 1-sonli hamda “Sifat” paxta tolasini sertifikatlash markazining 01/935-sonli “2-paxta (yillik, mavsumiy) va 50-tp (mavsumiy) paxta xomashyosini qayta ishlash boʻyicha hisobotni toʻldirish tartibi toʻgʻrisida yoʻriqnomani tasdiqlash haqida”gi qaror (2001-yil 10-noyabr, roʻyxat raqami 1081 — Meʼyoriy hujjatlar axborotnomasi, 2001-yil, 21-son) oʻz kuchini yoʻqotgan deb topilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.