Oʻzbekiston Respublikasining “Davlat statistikasi toʻgʻrisida”gi Qonunining 6-moddasiga asosan hamda Oʻzbekiston Respublikasi Vazirlar Mahkamasining 2003-yil 8-yanvardagi 8-sonli qarori bilan tasdiqlangan Oʻzbekiston Respublikasi Davlat statistika qoʻmitasi toʻgʻrisidagi nizomga muvofiq Oʻzbekiston Respublikasi Davlat statistika qoʻmitasi qaror qiladi:

1. Oʻzbekiston Respublikasi Makroiqtisodiyot va statistika vazirligi tomonidan 1999-yil 8-oktabrda 6-son bilan tasdiqlangan hamda Oʻzbekiston Respublikasi Sogʻliqni saqlash vazirligining tibbiy texnika va dori-darmon vositalarining sifatini nazorat qilish boʻyicha bosh boshqarmasi (1999-yil 23-oktabrdagi 29/904-sonli) bilan kelishilgan “Kimyo-farmatsevtika mahsulotini ishlab chiqarish boʻyicha yigʻma hisobotlarni tuzish tartibi toʻgʻrisida yoʻriqnoma” (2000-yil 22-may, roʻyxat raqami 928) oʻz kuchini yoʻqotgan deb topilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.