Fermer xo‘jaliklarini barqaror rivojlantirish uchun qulay shart-sharoitlar yaratish, hosildorligi past bo‘lgan yerlarda davlat ehtiyojlari uchun qishloq xo‘jaligi mahsulotlari yetishtiruvchi xo‘jaliklarga samarali va amaliy davlat madadini ko‘rsatish maqsadida:

2. O‘zbekiston Respublikasi Iqtisodiyot vazirligi Moliya vazirligi, Qishloq va suv xo‘jaligi vazirligi, Yer resurslari, geodeziya, kartografiya va davlat kadastri davlat qo‘mitasi bilan birgalikda ikki oy muddatda quyidagilarni nazarda tutgan holda hosildorligi past bo‘lgan yerlarda davlat ehtiyojlari uchun qishloq xo‘jaligi mahsulotlari yetishtiruvchi fermer xo‘jaliklarini qo‘llab-quvvatlash to‘g‘risida nizom ishlab chiqsin va tasdiqlash uchun Vazirlar Mahkamasiga kiritsin:

hosildorligi past bo‘lgan yerlarni belgilashning aniq mezonlari va mexanizmi;

hosildorligi past bo‘lgan yerlarda davlat ehtiyojlari uchun qishloq xo‘jaligi mahsulotlari yetishtiruvchi fermer xo‘jaliklarini qo‘llab-quvvatlash tartibi;

ajratiladigan mablag‘lardan maqsadli foydalanish ustidan amaliy nazorat tizimi.

3. 2008-yilning 1-yanvaridan boshlab fermer xo‘jaliklariga qishloq xo‘jaligi texnikasini imtiyozli asosda lizingga berish muddati 7 yildan 10 yilgacha uzaytirilsin.

4. O‘zbekiston Respublikasi Adliya vazirligi manfaatdor vazirliklar, idoralar, tijorat banklari bilan birgalikda bir oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.

5. Mazkur qarorning ijrosini nazorat qilish O‘zbekiston Respublikasi Bosh vaziri Sh. M. Mirziyoyev zimmasiga yuklansin.