Oʻzbekiston Respublikasi Oliy Kengashi qaror qiladi:

“Oʻzbekiston Respublikasida xalq deputatlari maaqomi toʻgʻrisida”gi Oʻzbekiston Respublikasi Qonunining 8-moddasiga quyidagi oʻzgartishlar kiritilsin:

birinchi qismidagi “SSJI” degan soʻz “Oʻzbekiston Respublikasi” degan soʻzlar bilan almashtirilsin;

modda quyidagi mazmundagi IV qism bilan toʻldirilsin: “Alohida hollarda Oʻzbekiston Respublikasi xalq deputatining maqomi Oʻzbekiston Respublikasi Oliy Kengashining qaroriga binoan muddatidan ilgari toʻxtatilishi mumkin. Xalq deputati degan yuksak nomni obroʻsizlantiruvchi xatti-harakatlari, uning davlat tuzilishi asoslarini qoʻporishga, ijtimoiy-siyosiy vaziyatni beqarorlashtirishga, shuningdek davlat hokimiyati va boshqaruvi idoralarining qonunga muvofiq qabul qilingan qarorlariga, fuqarolarning huquq va erkinliklariga qarshi qaratilgan gʻayrikonstitutsiyaviy xatti-harakatlarni sodir etishi yoki shunday xatti-harakatlarga daʼvat etishi shunday masalaning qarab chiqilishi uchun asos boʻlishi mumkin. Oʻzbekiston Respublikasi Oliy Kengashining Deputatlik odobi komissiyasi va Inson huquqlari qoʻmitasining fikrini hisobga olgan holda qabul qilinadi”.