Oʻzbekiston Respublikasining “Bojxona xizmati toʻgʻrisida”gi, “Tashqi iqtisodiy faoliyat toʻgʻrisida”gi va “Muhofaza choralari, antidemping va kompensatsiya bojlari toʻgʻrisida”gi qonunlari (Oʻzbekiston Respublikasi Oliy Majlisining Axborotnomasi, 2004-yil, № 1-2, 4-modda), Oʻzbekiston Respublikasi Vazirlar Mahkamasining 2005-yil 19-maydagi “Muhofaza choralari, antidemping va kompensatsiya bojlari toʻgʻrisida”gi Oʻzbekiston Respublikasining Qonunini amalga oshirish chora-tadbirlari toʻgʻrisida”gi 129-sonli qaroriga (Oʻzbekiston Respublikasi qonun hujjatlari toʻplami, 2005-yil, 21-son, 149-modda) muvofiq Oʻzbekiston Respublikasi Davlat bojxona qoʻmitasi, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Moliya vazirligi qaror qiladi:

1. Ilova qilinayotgan maxsus, antidemping va kompensatsiya bojlarini hisoblash, undirish va qaytarish tartibi toʻgʻrisidagi nizom tasdiqlansin.

Mazkur Nizom Oʻzbekiston Respublikasining “Muhofaza choralari, antidemping va kompensatsiya bojlari toʻgʻrisida”gi Qonuni, Oʻzbekiston Respublikasi Vazirlar Mahkamasining “Muhofaza choralari, antidemping va kompensatsiya bojlari toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 2005-yil 19-maydagi 129-son qaroriga (Oʻzbekiston Respublikasi qonun hujjatlari toʻplami, 2005-yil, 21-son, 149-modda) muvofiq maxsus, antidemping va kompensatsiya bojlarini (bundan keyin alohida bojxona bojlari deb yuritiladi) hisoblash, undirish va qaytarish tartibini belgilaydi.

2. Alohida bojxona bojlari (vaqtinchalik alohida bojxona bojlari) stavkalari va qoʻllash muddatlari, zarur hollarda esa qaytarish shartlari Oʻzbekiston Respublikasi Vazirlar Mahkamasining “Muhofaza choralari, antidemping va kompensatsiya bojlari toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida”gi 2005-yil 19-maydagi 129-son qaroriga muvofiq vakolatli organ tomonidan oʻtkazilgan tekshiruvlar natijalariga koʻra Oʻzbekiston Respublikasi Vazirlar Mahkamasi tomonidan belgilanadi.

10. Kelib chiqish mamlakati nomaʼlum boʻlgan tovarlarga toʻlangan alohida bojxona bojlari summasi, importyor tomonidan bojxona rasmiylashtiruvi amalga oshirilgan kundan boshlab bir yildan kechiktirmasdan tovarning kelib chiqishi toʻgʻrisidagi sertifikat taqdim etilgan taqdirda (tovarlariga alohida bojxona bojlari joriy qilingan mamlakatlar bundan mustasno), “Ortiqcha toʻlangan yoki undirilgan bojxona toʻlovlarini qaytarish toʻgʻrisidagi yoʻriqnoma”ga (2000-yil 14-iyul, roʻyxat raqami 947, — Meʼyoriy hujjatlar axborotnomasi, 2000-yil, 13-son) (bundan keyin Yoʻriqnoma deb yuritiladi) muvofiq qaytariladi.

16. Agar maxsus bojlar vaqtinchalik maxsus bojlardan kam miqdorda qoʻllanilgan boʻlsa, oradagi farqi toʻlovchiga Yoʻriqnomaga asosan qaytarib beriladi.

17. Agar tekshirish natijalariga koʻra vakolatli organ tomonidan tovar importi koʻpayganligi oqibatida iqtisodiyot tarmogʻiga jiddiy zarar yetkazilmaganligi yoki jiddiy zarar yetkazilishi xavfi yoʻqligi aniqlangan boʻlsa, Oʻzbekiston Respublikasi Vazirlar Mahkamasining qaroriga koʻra, vaqtinchalik bojni undirish toʻxtatiladi, oldin toʻlangan vaqtinchalik maxsus bojlar summalari esa Yoʻriqnomaga asosan toʻlovchiga qaytarib beriladi.

24. Agar antidemping bojlari vaqtinchalik antidemping bojlaridan kam miqdorda qoʻllanilgan boʻlsa, oradagi farq Yoʻriqnomaga asosan toʻlovchiga qaytariladi.

25. Agar vakolatli organning tekshiruv natijalariga koʻra demping narxlar boʻyicha tovarlar importi oqibatida iqtisodiyot tarmogʻiga jiddiy zarar yetkazilmaganligi yoki jiddiy zarar yetkazish xavfi yoʻqligi aniqlangan boʻlsa, Oʻzbekiston Respublikasi Vazirlar Mahkamasining qarori bilan vaqtinchalik antidemping bojlarining undirilishi toʻxtatiladi, ilgari toʻlangan summalar Yoʻriqnomaga asosan toʻlovchiga qaytariladi.

32. Agar kompensatsiya bojlari vaqtinchalik kompensatsiya bojlaridan kam miqdorda qoʻllanilgan boʻlsa, oradagi farq Yoʻriqnomaga asosan toʻlovchiga qaytariladi.

33. Agar vakolatli organning tekshiruv natijalariga koʻra subsidiya bilan taʼminlangan tovar importi oqibatida iqtisodiyot tarmogʻiga jiddiy zarar yetkazilmaganligi yoki jiddiy zarar yetkazish xavfi yoʻqligi aniqlangan boʻlsa, Oʻzbekiston Respublikasi Vazirlar Mahkamasining qarori bilan vaqtinchalik kompensatsiya bojlarining undirilishi toʻxtatiladi, ilgari toʻlangan summalar Yoʻriqnomaga asosan toʻlovchiga qaytariladi.

Bojxona yuk deklaratsiyasining 47-grafasi, “Tur” ustunida “Bojxona yuk deklaratsiyasini toʻldirish tartibi toʻgʻrisidagi yoʻriqnoma” (1999-yil noyabr, roʻyxat raqami 834 — Meʼyoriy hujjatlar axborotnomasi, 1999-yil, 12-son), bilan tasdiqlangan Bojxona toʻlovlari klassifikatoriga muvofiq alohida bojxona bojlari turining kodi koʻrsatiladi.