Oʻzbekiston Respublikasining “Davlat statistikasi toʻgʻrisida” va “Davlat bojxona xizmati toʻgʻrisida”gi qonunlariga asosan Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Davlat bojxona qoʻmitasi va Davlat statistika qoʻmitasi qaror qiladi:

1. Makroiqtisodiyot va statistika vazirligining 1998-yil 5-avgustdagi 14-12-05/65, Davlat bojxona qoʻmitasining 1998-yil 7-avgustdagi 34-01/07-2493, Tashqi iqtisodiy aloqalar vazirligining 1998-yil 6-avgustdagi DSP-01/204548-son qarorlari bilan tasdiqlangan va 1998-yil 22-sentabrda Oʻzdavstandart bilan kelishilgan “Davlat va bojxona tashqi savdo statistikasi maʼlumotlarini yigʻish va qayta ishlashning yagona uslubiyati toʻgʻrisida”gi nizom (1998-yil 11-noyabr, roʻyxat raqami 530) oʻz kuchini yoʻqotgan deb topilsin.

2. Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Davlat bojxona qoʻmitasi va Davlat statistika qoʻmitasining “Davlat va bojxona tashqi savdo statistikasi maʼlumotlarini yigʻish va qayta ishlash uslubiyati toʻgʻrisidagi nizomni tasdiqlash toʻgʻrisida” gi 2007-yil 31-iyuldagi 27, EG-01/10-4290, 01-02/15-17, 9-son qarori bekor qilinsin.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.