Oʻzbekiston Respublikasi Vazirlar Mahkamasining 2004-yil 28-oktabrdagi 508-sonli qarori bilan tasdiqlangan “Oʻsimlik dunyosi obyektlaridan foydalanish, ularni Oʻzbekiston Respublikasiga olib kirish va uning tashqarisiga olib chiqish tartibi toʻgʻrisida nizom” qabul qilinganligi munosabati bilan “Oʻzbekiston Respublikasida kamyob va yoʻqolib ketish xavfi ostidagi yovvoyi holda oʻsuvchi oʻsimliklar turlarini muhofaza qilish tartibi (18.0227714.26-93-sonli Rahbariy hujjat)” oʻz ahamiyatini yoʻqotganligini inobatga olib buyuraman:

1. Oʻzbekiston Respublikasi tabiatni muhofaza qilish Davlat qoʻmitasining 1994-yil 24-fevraldagi 11-TK-sonli qarori bilan tasdiqlangan (1993-yil 29-dekabr, roʻyxat raqami 9) “Oʻzbekiston Respublikasida kamyob va yoʻqolib ketish xavfi ostidagi yovvoyi holda oʻsuvchi oʻsimliklar turlarini muhofaza qilish tartibi (118.0227714.26-93-sonli Rahbariy hujjat)” oʻz kuchini yoʻqotgan deb hisoblansin.

2. Ushbu buyruq Oʻzbekiston Respublikasi Adliya vazirligida davlat roʻyxatiga olingan kundan oʻn kun oʻtgandan soʻng kuchga kiritilsin.

3. Ushbu buyruq bajarilishini nazorat qilish Davlat bionazorati boshligʻi K. Abidovga yuklatilsin.