LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Respublika neyroxirurgiya ilmiy markazining moddiy-texnika bazasini, faoliyat ko‘rsatishi uchun shart-sharoitlarni yanada yaxshilash hamda Toshkent shahar turg‘un sog‘liqni saqlash muassasalari tarmog‘ini maqbullashtirish maqsadida Vazirlar Mahkamasi qaror qiladi:
1. O‘zbekiston Respublikasi Sog‘liqni saqlash vazirligi, Toshkent shahar hokimligi va “Toshkent traktor zavodi” ochiq aksiyadorlik jamiyatining Respublika neyroxirurgiya ilmiy markaziga “Toshkent traktor zavodi” ochiq aksiyadorlik jamiyatining Tibbiyot-sanitariya qismi binolarini (shu jumladan qurilishi tugallanmagan binolarini) tekin berish to‘g‘risidagi taklifiga rozilik berilsin.
“Toshkent traktor zavodi” ochiq aksiyadorlik jamiyati (Isayev) va O‘zbekiston Respublikasi Sog‘liqni saqlash vazirligi (Nazirov) bir oy muddatda “Toshkent traktor zavodi” ochiq aksiyadorlik jamiyati Tibbiyot-sanitariya qismi binolari, inshootlari va asbob-uskunalari belgilangan tartibda Respublika neyroxirurgiya ilmiy markazi balansiga berilishini ta’minlasinlar.
Belgilab qo‘yilsinki, balansdan balansga tekin berilayotgan binolar (shu jumladan qurilishi tugallanmagan binolar), inshootlar va asbob-uskunalar qiymati soliq solish obyekti hisoblanmaydi.
Respublika neyroxirurgiya ilmiy markazi quvvatlarini, uning tashkiliy tuzilmasini, shtatlar jadvalini va xarajatlar smetasini ishlab chiqsin va tasdiqlasin hamda ularni O‘zbekiston Respublikasi Moliya vazirligida qayta ro‘yxatdan o‘tkazsin;
Respublika neyroxirurgiya ilmiy markazining tarkibiy bo‘linmalari “Toshkent traktor zavodi” ochiq aksiyadorlik jamiyati Tibbiyot-sanitariya qismining foydalanilayotgan binosida joylashtirilishini ta’minlasin;
Respublika neyroxirurgiya ilmiy markazi balansiga qabul qilinayotgan foydalanilayotgan binolar va inshootlarni mukammal ta’mirlash bo‘yicha, qo‘shimcha operatsiya bloklari, reanimatsiya bo‘limi va laboratoriyalar tashkil etishni hisobga olgan holda, tasdiqlangan loyiha-smeta hujjatlarini, shuningdek yuqori texnologiyali tibbiyot asbob-uskunalarini demontaj qilish va o‘rnatish xarajatlariga ehtiyoj hisob-kitoblarini ko‘rib chiqish uchun O‘zbekiston Respublikasi Moliya vazirligi kiritsin;
Respublika neyroxirurgiya ilmiy markazi balansiga berilayotgan 6 qavatli binoning qurilishini tugallash loyihasining texnik-iqtisodiy asoslanishi ishlab chiqilishini ta’minlasin.
Respublika neyroxirurgiya ilmiy markazi balansiga qabul qilinayotgan foydalanilayotgan binolar va inshootlarni mukammal ta’mirlashga, shuningdek Respublika neyroxirurgiya ilmiy markazining yuqori texnologiyali tibbiyot asbob-uskunalarini demontaj qilish va o‘rnatish uchun loyiha-smeta hujjatlari va asoslangan hisob-kitoblar asosida O‘zbekiston Respublikasi Vazirlar Mahkamasining Zaxira jamg‘armasidan zarur budjet mablag‘lari ajratsin;
Toshkent shahar mahalliy budjeti va respublika budjeti xarajatlarining tasdiqlangan parametrlariga tegishli o‘zgartirishlar kiritsin.
4. Toshkent shahar hokimligi (To‘xtayev) O‘zbekiston Respublikasi Sog‘liqni saqlash vazirligi bilan birgalikda:
“Toshkent traktor zavodi” ochiq aksiyadorlik jamiyati Tibbiyot-sanitariya qismining bo‘shayotgan koyka-o‘rinlari va shtatlarini qayta taqsimlash masalasini hal qilsin;
vrachlar va o‘rta tibbiyot xodimlari ishga joylashtirilishini, shuningdek ilgari “Toshkent traktor zavodi” ochiq aksiyadorlik jamiyati Tibbiyot-sanitariya qismi tomonidan xizmat ko‘rsatib kelingan zavod xodimlari va aholi hududiy tibbiyot muassasalariga biriktirilishini ta’minlasin.
5. O‘zbekiston Respublikasi Iqtisodiyot vazirligi va Moliya vazirligi 2008-yilgi va keyingi yillar Investitsiya dasturini shakllantirishda ko‘rsatib o‘tilgan obyekt qurilishini tugallash uchun zarur moliyaviy resurslar ajratsinlar.
(5-band O‘zbekiston Respublikasi Vazirlar Mahkamasining 2008-yil 19-iyundagi 135-sonli qarori tahririda)
“Toshkent traktor zavodi” ochiq aksiyadorlik jamiyati Tibbiyot-sanitariya qismi binolarini Respublika neyroxirurgiya ilmiy markazi uchun rekonstruksiya qilish bo‘yicha — “O‘ztibloyiha” mas’uliyati cheklangan jamiyat;
markaziy transport magistralidan Respublika neyroxirurgiya ilmiy markazi hududiga olib keladigan yo‘llar bo‘yicha — “ToshkentboshplanLITI” davlat unitar korxonasi loyihalarni ishlab chiquvchilar etib belgilansin.
7. O‘zbekiston Respublikasi Davlat arxitektura va qurilish qo‘mitasi (Toxtayev) ko‘rsatib o‘tilgan loyihalarning Davlat shaharsozlik ekspertizasidan o‘tkazilishini ta’minlasin.
8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari N.M. Xanov va R.S. Qosimov zimmasiga yuklansin.