Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini takomillashtirish toʻgʻrisida” 2007-yil 12-martdagi PQ-601-sonli hamda “Oʻzbekiston Respublikasi Vazirlar Mahkamasining ijro etuvchi tuzilmasini tasdiqlash toʻgʻrisida” 2007-yil 22-martdagi PQ-607-sonli qarorlariga muvofiq:

1. Oʻzbekiston Respublikasi Prezidentining baʼzi hujjatlariga 1-ilovaga muvofiq oʻzgartishlar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

1. Oʻzbekiston Respublikasi Prezidentining “Temir-tersak, qora va rangli metallar chiqindilarini tayyorlash va qayta ishlashga topshirishni nazorat qilish va muvofiqlashtirish boʻyicha Respublika komissiyasi tarkibini tasdiqlash toʻgʻrisida” 2005-yil 19-dekabrdagi F-2400-son farmoyishi ilovasining uchinchi xatboshidagi “Qurbanov D. — Yoqilgʻi-energetika kompleksi, kimyo, metallurgiya va mashinasozlik masalalari axborot-tahlil departamenti yetakchi mutaxassisi” soʻzlari “Qurbanov D. — Mashinasozlik, metallurgiya, geologiya, mineral xomashyo qazib olish va qayta ishlashni rivojlantirish masalalari axborot-tahlil departamenti bosh mutaxassisi” soʻzlari bilan almashtirilsin.

2. Oʻzbekiston Respublikasi Prezidentining “Baʼzi respublika komissiyalari va kengashlari tarkiblari hamda ularning faoliyatini tashkil etish masalalari toʻgʻrisida” 2006-yil 21-iyuldagi PQ-423-son qarori 2-ilovasidagi:

a) oʻn birinchi xatboshi quyidagi ikki xatboshi koʻrinishidagi tahrirda bayon etilsin:

“Mamadaliyev R.M. — Yoqilgʻi-energetika kompleksi, kimyo va neft-kimyo sanoati masalalari axborot-tahlil departamenti mudiri

Badalov S.S. — Mashinasozlik, metallurgiya, geologiya, mineral xomashyo qazib olish va qayta ishlashni rivojlantirish masalalari axborot-tahlil departamenti mudiri”;

b) oʻn ikkinchi — oʻn yettinchi xatboshilari tegishli ravishda oʻn uchinchi — oʻn sakkizinchi xatboshilar deb hisoblansin;

v) oʻn toʻrtinchi xatboshidagi “Vazirlar Mahkamasining Agrosanoat va suv xoʻjaligi komplekslari masalalari axborot-tahlil departamenti” soʻzlari “Vazirlar Mahkamasining Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari masalalari axborot-tahlil departamenti” soʻzlari bilan almashtirilsin.

1. “Oʻzbekiston Respublikasi Prezidentining baʼzi hujjatlariga oʻzgartishlar kiritish toʻgʻrisida” Oʻzbekiston Respublikasi Prezidentining 2006-yil 6-iyuldagi PF-3767-sonli Farmoni ilovasining 6-bandi.

2. “Oʻzbekiston Respublikasi Prezidentining ayrim farmonlari va qarorlariga oʻzgartishlar kiritish toʻgʻrisida” Oʻzbekiston Respublikasi Prezidentining 2006-yil 14-sentabrdagi PF-3800-sonli Farmoni ilovasining 4-bandi.

3. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi ijro etuvchi tuzilmasiga qisman oʻzgartishlar kiritish toʻgʻrisida” 2006-yil 3-martdagi PQ-296-sonli qarorining 2-bandi.

4. “Oʻzbekiston Respublikasi Prezidentining ayrim qarorlariga oʻzgartishlar kiritish toʻgʻrisida” Oʻzbekiston Respublikasi Prezidentining 2006-yil 17-apreldagi PQ-324-sonli qarori ilovasining 2-bandi.

5. “Oʻzbekiston Respublikasi Prezidentining ayrim qarorlariga oʻzgartishlar kiritish toʻgʻrisida” Oʻzbekiston Respublikasi Prezidentining 2006-yil 6-iyundagi PQ-369-sonli qarorining 2-bandi.