Oʻquv jarayonini takomillashtirish, oʻquv-moddiy bazasini yanada mustahkamlash va rivojlantirish, gidrometeorologiya ixtisosi mutaxassislari tayyorlash sifatini oshirish maqsadida Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining “Oliy va oʻrta maxsus oʻquv yurtlarini, hunar-texnika bilim yurtlarini, ilmiy-tadqiqot tashkilotlarini va sogʻliqni saqlash obyektlarini Oʻzbekiston Respublikasi yurisdiksiyasiga oʻtkazish haqida” 1991-yil 30-dekabrdagi 318-son qaroriga qisman oʻzgartirish kiritilib, Toshkent gidrometeorologiya texnikumi oʻquv-metodik rahbarlik Oʻzbekiston Respublikasi Oliy va oʻrta maxsus taʼlim vazirligida qoldirilgan holda belgilangan tartibda Oʻzbekiston Respublikasi Oliy va oʻrta maxsus taʼlim vazirligi qaramogʻidan Gidrometeorologiya bosh boshqarmasi tasarrufiga oʻtkazilsin.