Oʻzbekiston Respublikasi Prezidentining 2006-yil 21-apreldagi “Toʻqimachilik sanoati korxonalarini moliyaviy sogʻlomlashtirish va ularga paxta tolasi sotish mexanizmini takomillashtirish chora-tadbirlari toʻgʻrisida”gi PQ–330-sonli qarorining ijrosini taʼminlash, shuningdek, tanlov asosida investorlar tomonidan sotib olingan yoki boshqaruvga qabul qilingan iqtisodiy nochor toʻqimachilik korxonalarining faoliyat yuritishini taʼminlash uchun qulay shart-sharoit yaratish maqsadida:

1. Belgilansinki, toʻqimachilik sanoati korxonalari uchun investorlar va boshqaruv kompaniyalarini tanlab olish boʻyicha Hukumat komissiyasi qarorlari bilan toʻqimachilik korxonalari mulkini oldi-sotdi yoki ishonchli boshqaruvga topshirish bitimlarini amalga oshirishda:

2. Toʻqimachilik sanoati korxonalari uchun investorlar va boshqaruv kompaniyalarini tanlab olish boʻyicha Hukumat komissiyasi qarorlari bilan sotib olingan mulk negizida yangitdan barpo etiladigan yoki ishonchli boshqaruvga topshirilgan toʻqimachilik korxonalariga quyidagilar:

Oʻzbekiston Respublikasi Prezidentining 2006-yil 29-avgustdagi “Paxta tolasini sotish va hisob-kitob qilish mexanizmini tartibga solish toʻgʻrisida”gi PQ-456-sonli qarori bilan belgilangan xorijiy investitsiyalar ishtirokidagi korxonalar uchun nazarda tutilgan paxta tolasini tashqi savdo kompaniyalari orqali chet el valyutasiga xarid qilish mexanizmi;

Oʻzbekiston Respublikasi Vazirlar Mahkamasining 2005-yil 27-yanvardagi “Respublika toʻqimachilik tarmogʻiga investitsiyalar jalb etish chora-tadbirlari toʻgʻrisida”gi 38-sonli qarorida nazarda tutilgan imtiyozlar tatbiq etilsin.

3. “Toshkent Toʻytepa Tekstil” MChJning mulki tanlov natijasida “Srentex Industrues” (Hindiston) kompaniyasi oʻziga qarashli “Spenteks Toshkent Toʻytepa” MChJ tomonidan 81,0 mln. AQSh dollari miqdoridagi summaga sotib olingani, oldi-sotdi shartnomasi kuchga kirganida toʻlanadigan birinchi toʻlov miqdori 20,25 mln. AQSh dollariga teng boʻlishi, qolgan qismi keyingi toʻrt yil mobaynida toʻlanishi maʼlumot uchun qabul qilinsin.

4. Mazkur Qarorning ijrosini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.