Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini takomillashtirish toʻgʻrisida” 2007-yil 12-martdagi PQ–601-sonli qaroriga muvofiq hamda Oʻzbekiston Respublikasi Vazirlar Mahkamasining ijro etuvchi tuzilmasini maqbullashtirish maqsadida:

1. Oʻzbekiston Respublikasi Bosh vazirining yoqilgʻi-energetika kompleksi, kimyo, metallurgiya va mashinasozlik masalalari boʻyicha oʻrinbosari lavozimi tugatilsin.

2. Oʻzbekiston Respublikasi Vazirlar Mahkamasining tuzilmasiga quyidagi lavozimlar kiritilsin:

Oʻzbekiston Respublikasi Bosh vazirining mashinasozlik, metallurgiya, geologiya, mineral xomashyo qazib olish va qayta ishlashni rivojlantirish masalalari boʻyicha oʻrinbosari;

Oʻzbekiston Respublikasi Bosh vazirining yoqilgʻi-energetika kompleksi, kimyo va neft-kimyo sanoati masalalari boʻyicha oʻrinbosari.

4. Oʻzbekiston Respublikasi Vazirlar Mahkamasining Axborot-tahlil departamentiga yangi kiritilgan shuʼba mudiri lavozimiga Yagona tarif setkasi boʻyicha 18-razryadli ish haqi belgilansin.

5. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini qisman oʻzgartirish toʻgʻrisida” 2005-yil 25-iyuldagi PQ–131-sonli qarori, Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzuridagi Yirik investitsiya loyihalarini ekspertizadan oʻtkazish byurosini tashkil etish toʻgʻrisida” 2006-yil 3-apreldagi PQ–316-sonli hamda Oʻzbekiston Respublikasi Prezidentining “Yoqilgʻi-energetika kompleksi, metallurgiya, mashinasozlik va kimyo masalalari axborot-tahlil departamenti tuzilmasi toʻgʻrisida” 2006-yil 30-maydagi PQ–358-sonli qarorlari oʻz kuchini yoʻqotgan deb hisoblansin.

6. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.