Oʻzbekiston Respublikasi Vazirlar Mahkamasining 2004-yil 1-martdagi 96-sonli qarori bilan belgilangan “Elektr energetikada nazorat boʻyicha davlat agentligini Elektr energetikada nazorat boʻyicha davlat inspeksiyasiga aylantirish toʻgʻrisidagi” “Oʻzdavenergonazorat” inspeksiyasining vazifa va funksiyalariga hamda oʻzbekiston Respublikasi Vazirlar Mahkamasining 2005-yil 27-yanvardagi 32-sonli qarori bilan tasdiqlangan “Elektr energiyasidan foydalanish qoidalari”ga muvofiq qaror qilamiz:

1. Elektr energetikada nazorat boʻyicha “Oʻzdavenergonazorat” davlat inspeksiyasi hamda Oʻzbekiston Respublikasi Mehnat va aholini ijtimoiy muhofaza qilish vazirligining 2006-yil 19-iyuldagi 113/116-sonli qarori bilan tasdiqlangan (2006-yil 18-avgust, roʻyxat raqami 1614 — Oʻzbekiston Respublikasi qonun hujjatlari toʻplami, 2006-yil 33-soni, 337-moddasi) “Elektr uskunalarini ekspluatatsiya qilishda xavfsizlik texnikasi qoidalari”ni XXIII bobini nomlanishidagi, 522 va 526-bandlaridagi “Oʻzdavenergonazorat inspeksiyasi” soʻzlari “energiya taʼminoti tashkiloti” soʻzlari bilan almashtirilsin, 522-bandida esa “xizmat safaridagi xodimlar huquqlari bilan” soʻzlari chiqarib tashlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtgan kunidan boshlab 10 kun davomida amalga kiritiladi.