Oʻzbekiston Respublikasi Prezidentining “Qimmatli qogʻozlar bozorini yanada rivojlantirish chora-tadbirlari toʻgʻrisida” 2006-yil 27-sentabrdagi PQ-475-sonli qaroriga muvofiq:

1. Oʻzbekiston Respublikasi Prezidentining baʼzi hujjatlariga ilovaga muvofiq oʻzgartish va qoʻshimchalar kiritilsin.

2. Mazkur Farmonning ijrosini nazorat qilish Oʻzbekiston Respublikasi Prezidentining Mamlakatni isloh qilish va yangilashning huquqiy bazasini takomillashtirish masalalari boʻyicha Davlat maslahatchisining xizmati (F.X. Otaxonov) zimmasiga yuklansin.

1. Oʻzbekiston Respublikasi Prezidentining 1998-yil 2-oktabrdagi PF-2084-sonli Farmoni bilan tasdiqlangan aksiyadorlik tijorat banki Kengashi Namunaviy nizomida:

a) 4-bandning:

yettinchi xatboshidagi “bank obligatsiyalarini” soʻzlaridan keyin “(ochiq turdagi aksiyadorlik jamiyati shaklidagi banklar uchun)” soʻzlari qoʻshilsin;

oʻn yettinchi xatboshi sifatida quyidagi jumla ilova qilinsin: “bankni rivojlantirish biznes-rejasini tasdiqlash”;

oʻn yettinchi—yigirmanchi xatboshilari tegishli ravishda oʻn sakkizinchi—yigirma birinchi xatboshilari deb hisoblansin;

b) 5-band quyidagi mazmundagi xatboshi bilan toʻldirilsin:

“korporativ boshqaruv boʻyicha qonun hujjatlarida belgilangan talablarga rioya etish borasida bank aksiyadorlari umumiy yigʻilishlarida har yili hisobot berish”.

2. Oʻzbekiston Respublikasi Prezidentining “Pul massasi oʻsishini cheklash va moliya intizomiga rioya etish masʼuliyatini oshirish chora-tadbirlari toʻgʻrisida” 2002-yil 30-martdagi PF-3047-sonli Farmonining 8-bandi chiqarib tashlansin.

3. Oʻzbekiston Respublikasi Prezidentining “Oʻzbekiston Respublikasining 2006-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2005-yil 27-dekabrdagi PQ-244-sonli Farmoni 4-bandining toʻrtinchi xatboshidagi “stavka boʻyicha saqlab qolinsin” soʻzlaridan keyin “qimmatli qogʻozlar bozorida brokerlik faoliyatini yuritayotgan mikrofirmalar va kichik korxonalar bundan mustasno, ular yalpi daromadning 10 foizi miqdoridagi stavka boʻyicha yagona soliq toʻlaydilar” soʻzlari ilova qilinsin.