Oʻzbekiston Respublikasi Oliy Kengashi qaror qiladi:

Oʻzbekiston Respublikasining quyidagi qonun hujjatlariga, xususan:

I. 1959-yil 21-may kuni qabul qilingan Oʻzbekiston Respublikasi Qonuni bilan tasdiqlangan Oʻzbekiston Respublikasining Jinoyat kodeksiga (Oʻzbekiston Respublikasi Oliy Kengashining Axborotnomasi, 1959-yil, № 6, 2-modda) quyidagi oʻzgartish va qoʻshimchalar kiritilsin:

1. 13-modda quyidagi tahrirda bayon etilsin:

Zaruriy mudofaa holatida sodir etilgan, yaʼni mudofaalanuvchi yoxud boshqa kishining shaxsiyati manfaatlarini yoki huquqlarini, jamiyat yoki davlat manfaatlarini qonunga hilof tajovuzlardan tajovuz etuvchiga zarar yetkazgan holda sodir etilgan xatti harakat jinoyat deb hisoblanadi.

Tajovuzning xarakteri va xavfliligi darajasiga butunlay muvofiq kelmagan mudofaani, zaruriy mudofaa chegarasidan chetga chiqish deb taniladi.

Boshqa shaxslarga yoki hokimiyat organlariga yordam soʻrab murojaat etish yoxud tajovuzdan oʻzga yoʻsinda qutilish imkoniyati bor-yoʻqligidan qati nazar, zaruriy mudofaa huquqi shaxsga tegishlidir.

Tajovuz qilingandan soʻng jabrlanuvchi va boshqa shaxslar tomonidan jinoyatchini ushlash va uni tegishli hokimiyat organiga topshirish maqsadida qilingan harakat, agarda, bunday harakat jinoyatchini ushlash uchun zarur boʻlsa hamda tajovuzning xavflilik darajasiga, jinoyatchini ushlash sharoitiga muvofiq ravishda qilingan boʻlsa bunday harakat qonuniy hisoblanadi va zaruriy mudofaa deb taniladi”.

2. Kodeks quyidagi mazmundagi 17¹-modda bilan toʻldirilsin:

Bitta yoki bir nechta jinoyat qilish maqsadida ikki yoki undan koʻp shaxsning barqaror yoʻsindagi birlashuvi uyushgan guruh deb eʼtirof etiladi.

Uyushgan guruhni tuzgan yoki unga rahbarlik qilgan shaxs guruh sodir etgan barcha jinoyatlar uchun, basharti bu jinoyatlar uning yomon niyati bilan yoʻgʻrilgan boʻlsa, jinoiy javobgarlikka tortiladi”.

3. 23-moddada:

birinchi va ikkinchi qism quyidagi tahrirda bayon etilsin:

Ozodlikdan mahrum qilish olti oydan to oʻn yilgacha boʻlgan muddatga, juda ogʻir oqibatlarga olib kelgan alohida ogʻir jinoyatlar uchun yoki alohida xavfli retsidivistlarga yoxud uyushgan guruhlar aʼzolari sodir etgan alohida ogʻir jinoyatlar uchun, ushbu Kodeksning Maxsus qismida nazarda tutilgan hollarda, oʻn besh yilgacha boʻlgan muddatga belgilanadi. Alohida ogʻir jinoyat sodir etgan oʻn sakkiz yoshga toʻlmagan shaxsga ozodlikdan mahrum qilish oʻn ikki yilgacha boʻlgan muddatga belgilanadi. Oʻlim jazosi berishni afv etish tartibida ozodlikdan mahrum qilish bilan almashtirishda ozodlikdan mahrum qilish yigirma besh yil muddatga belgilanadi.

Oʻn yildan ortiq muddatga ozodlikdan mahrum qilish, shuningdek quyidagi hollarda belgilanishi mumkin:

1) ushbu Kodeksning 40-moddasida nazarda tutilgan hollarda jazo choralarini jamlashda —yigirma yilgacha, oʻn sakkiz yoshga toʻlmagan chogʻida jinoyat sodir etgan shaxsga oʻn ikki yilgacha;

2) ushbu Kodeksning 41-moddasida nazarda tutilgan hollarda jazo choralarini jamlashda — yigirma besh yilgacha, oʻn sakkiz yoshga toʻlmagan chogʻida jinoyat sodir etgan shaxsga esa oʻn besh yilgacha belgilanadi;

toʻrtinchi qismining uchinchi xatboshisida:

“Davlat yoki jamoat mulkini oʻgʻirlashlarga doir choralarni muttasil qabul qilmaslik” (114²-modda); davlat, kooperativ yoki jamoat mol-mulkiga tovlamachilik qilish (115¹-modda, birinchi qism); oʻzlashtirish yoxud rastrata qilishga yoʻl qoʻyish yoʻli bilan yoki xizmat mavqeyini suiisteʼmol qilish yoʻli bilan davlat yoki jamoat mol-mulkini aybni ogʻirlashtiruvchi holatlarsiz talon-toroj qilish (117-modda, birinchi qism va 118-modda, birinchi qism)” degan soʻzlar chiqarib tashlansin; “davlat yoki jamoat mol-mulkini firibgarlik yoʻli bilan aybni ogʻirlashtiruvchi holatlarsiz talon-toroj qilish (119-modda, birinchi qism); oʻzlashtirish yoki rastrata qilish (130-modda)” degan soʻzlar “mol-mulkka tovlamachilik qilish (128-modda, birinchi qism), oʻzganing mol-mulkini oʻzlashtirib olish yoki rastrata qilish yoʻli bilan talon-toroj qilish (130-modda, birinchi qism)” degan soʻzlar bilan almashtirilsin; 157³ va 157⁴ raqamlari tegishincha 157⁷ va 157⁸ raqamlari bilan almashtirilsin; “(175-moddaning “a” bandi)” degan soʻzlar “(175-moddaning birinchi qismi)” degan soʻzlar bilan almashtirilsin; “(191¹-modda)” degan soʻzlardan keyin “Prokurorning yoki militsiya xodimini qoʻrqitish” (194³-modda); “Prokurorning yoki militsiya xodimining faoliyatiga gʻayriqonuniy aralashuv” (194⁵-modda) degan soʻzlar bilan toʻldirilsin.

4. 37-modda quyidagi tahrirda bayon etilsin:

Jinoyat sodir etganlikda qonunda belgilangan tartibda aybdor deb topilgan shaxs jinoiy javobgarlikka tortiladi, Sud ushbu sodir qilingan jinoyat uchun ushbu Kodeks Umumiy qismining qoidalariga muvofiq Maxsus qismning javobgarlik toʻgʻrisidagi moddasida nazarda tutilgan jazoni belgilaydi.

Jazo tayinlashda sud sodir etilgan jinoyatning tabiati va jamoat uchun xavflilik darajasini, yetkazilgan zararning xususiyati va miqdorini, aybdorning shaxsini, javobgarlikni yengillashtiruvchi va ogʻirlashtiruvchi holatlarni hisobga oladi”.

5. 40-modda quyidagi tahrirda bayon etilsin:

Shaxs ushbu Kodeksning Maxsus qismning turli moddalarida koʻrsatilgan ikki yoki undan ortiq jinoyat qilgan taqdirda sud jazoni har bir xatti-harakat uchun qoidalarga binoan tayinlaydi, soʻngra ularni jamlash uchun yengilroq jazoni ogʻirrogʻi bilan qoplab yoki jazoning mazkur turi uchun ushbu Kodeksda nazarda tutilgan chegarada tayinlangan jazolarni toʻla yoki bir qismini qoʻshish yoʻli bilan belgilaydi, basharti sodir etilgan jinoyatlardan aqalli bittasi uchun qonunga koʻra 10 yil va undan ham koʻproq muddatga ozodlikdan mahrum etish tayinlanishiga yoʻl qoʻyiladigan boʻlsa, yigirma yilgacha boʻlgan muddatga ozodlikdan mahrum etish yoʻsinidagi jazo tayinlanishi mumkin, oʻn sakkiz yoshga toʻlmagan chogʻida jinoyat sodir etgan shaxsga qilingan jinoyatlarni qoʻshish asosida oʻn ikki yilgacha boʻlgan muddatga jazo tayinlanishi mumkin.

Jinoyatlarning jami uchun har xil turdagi jazolar qoʻshilgan taqdirda Ushbu Kodeksning 41¹-moddasida nazarda tutilgan qoidalarga muvofiq jazosining eng ogʻirroq turi tayinlanadi.

Aybdor ozodlikdan mahrum etishga hukm qilinganda axloq tuzatish-mehnat muassasasining turi uzil-kesil jazo tayinlanganidan keyin belgilanadi.

Jinoyatlarni jamlab turib belgilanadigan asosiy jazoga alohida jinoyatlar uchun Kodeksning tegishli moddalari bilan belgilab qoʻyiladigan chegarada tayinlanadigan qoʻshimcha jazolar qoʻshiladi.

Basharti ish boʻyicha hukm chiqarilganidan soʻng, mahkumning shu birinchi ish boʻyicha hukm chiqarilgunga qadar yana boshqa jinoyatda aybli ekanligi aniqlangan taqdirda ham jazo xuddi oʻsha tartibda tayinlanadi, bu holda birinchi hukm yuzasidan oʻtalgan jazo jinoyatlarning jami yuzasidan sud tayinlaydigan jazo muddatiga kiritiladi”.

6. 41-modda quyidagi tahrirda bayon etilsin:

Agar mahkum hukm chiqarilganidan keyin jazoni toʻla oʻtamay turib yangi jinoyat qilsa, sud yangi hukm boʻyicha tayinlangan jazo miqdorida oʻtalmay qolgan jazo muddatini butunlay yoki qisman qoʻshadi.

Ozodlikdan mahrum etish yoʻsinidagi uzil-kesil jazo yigirma besh yildan ortiq muddatga tayinlanishi mumkin emas. Yangi jinoyatni oʻn sakkiz yoshga toʻlmagan chogʻida sodir etgan shaxsga bir necha hukm yuzasidan ozodlikdan mahrum etish oʻn besh yilgacha boʻlgan muddatga tayinlanishi mumkin.

Bir necha hukm yuzasidan har xil jazolar qoʻshilganda ushbu Kodeksning 41¹-moddasida nazarda tutilgan qoidalarga muvofiq jazolarning eng ogʻirrogʻi uzil kesil tayinlanadi.

Bir necha hukm yuzasidan axloq tuzatish ishlari mahkumning ish haqidan har xil miqdorda ushlab qolish sharti bilan tayinlangan taqdirda bu jazolarning faqat muddatlari qoʻshiladi, ushlab qolinadigan pul miqdori hamda jazo muddatlari Ushbu Kodeksda koʻrsatilgan chegarada belgilanadi.

Ilgarigi hukm boʻyicha ushbu kodeksda belgilab qoʻyilgan chegarada tayinlangan, ammo ijro etilmagan qoʻshimcha jazolar hukmlarning jami yuzasidan tayinlangan jazoga qoʻshiladi”.

7. Kodeks quyidagi mazmundagi 41¹-modda bilan toʻldirilsin:

Har xil turdagi asosiy jazolar qoʻshilganda Ushbu Kodeksning 40 va 41-moddalarida nazarda tutilgan qoidalarga koʻra ozodlikdan mahrum qilishning bir kuniga:

1) intizom batalonida yoki tarbiya-mehnat profilaktoriysida saqlab turishning bir kuni;

2) surgun, badargʻa yoki axloq tuzatish ishlarining uch kuni toʻgʻri keladi.

Jazolarning boshqa turlari ozodlikdan mahrum etish, intizom bataloniga yoki tarbiya-mehnat profilaktoriysiga yuborish bilan, shuningdek axloq tuzatish-mehnat ishlari bilan qoʻshilganda ular alohida-alohida ijro etiladi”.

8. 64-moddaning sarlavhasi va birinchi qismi quyidagi tahrirda bayon etilsin:

Milliy yoki irqiy adovat yoki nizo qoʻzgʻatish, qasddan milliy qadr-qimmatni kamsitishga qaratilgan harakatlar sodir etish fuqarolarning diniy eʼtiqodlarini yoki ateistik qarashlarini haqoratlash, shuningdek, fuqarolarning irqiy, milliy mansubligiga yoki dinga munosabatiga qarab huquq yoki belgilab qoʻyilgan bevosita yoxud bilvosita afzalliklarini toʻgʻridan toʻgʻri yoki boshqa yoʻllar bilan chegaralab qoʻyish —

uch yilgacha muddatga ozodlikdan mahrum qilish yoki eng kam oylik ish haqining oʻn ikki hissasigacha miqdorda jarima solish bilan jazolanadi”.

9. 78-modda quyidagi tahrirda bayon etilsin:

Korxonalar, birlashmalar, muassasalar, banklarning hamda valyuta operatsiyalarini amalga oshiruvchi boshqa tashkilotlarning xodimlari tomonidan yashirish maqsadi boʻlmagan holda Oʻzbekiston Respublikasining vakolat berilgan banklaridagi valyuta schyotlariga chet el valyutasini vaqtida yoki toʻliq yetkazmaslik —

ikki yilgacha boʻlgan muddatga axloq tuzatish ishlari bilan yoki eng kam oylik ish haqi miqdorining oʻttiz hissasiga qadar boʻlgan miqdorda jarima solish bilan jazolanadi.

Korxonalar, birlashmalar, muassasalar, banklarning hamda valyuta operatsiyalarini amalga oshiruvchi boshqa tashkilotlarning xodimlari tomonidan Oʻzbekiston Respublikasining vakolat berilgan banklari hisobiga oʻtkazish lozim boʻlgan chet el valyutasi yoki uning bir qismining yashirib qoʻyilishi —

besh yilgacha muddatga ozodlikdan mahrum etish bilan jazolanadi.

Ushbu moddaning ikkinchi qismida nazarda tutilgan xatti-harakatlar takroran yoki gʻarazli maqsadlarda yoxud bir guruh shaxslar tomonidan oldindan til biriktirib turib sodir etilishi —

mol-mulkini musodara qilib uch yildan oʻn yilgacha boʻlgan muddatga ozodlikdan mahrum qilish bilan jazolanadi.

Ushbu moddaning ikkinchi qismida nazarda tutilgan xatti-harakatlarning uyushgan guruh tomonidan yoki uning manfaatlarini koʻzlab sodir etilishi —

mol-mulkini musodara qilib yetti yildan oʻn besh yilgacha boʻlgan muddatga ozodlikdan mahrum qilish bilan jazolanadi”.

10. Kodeks quyidagi mazmundagi 78¹-modda bilan toʻldirilsin:

Fuqarolarning valyuta operatsiyalari toʻgʻrisidagi qoidalarni buzishi, shuningdek valyuta boyliklari yoki qimmatli qogʻozlar bilan chayqovchilik qilishi —

mol-mulkini musodara qilib yoki musodara qilmay besh yilgacha muddatga ozodlikdan mahrum etish bilan yoxud eng kam oylik ish haqining yuz hissasi miqdorigacha jarima solish bilan jazolanadi, bunda valyuta boyliklari va qimmatli qogʻozlar muqarrar ravishda musodara etiladi.

Xuddi shu xatti-harakatlar ushbu moddada nazarda tutilgan jinoyatlar uchun ilgari sudlangan shaxs tomonidan sodir etilsa, shuningdek valyuta boyliklari yoki qimmatli qogʻozlar bilan koʻp miqdorda chayqovchilik qilish —

mol-mulkini musodara qilib uch yildan oʻn yilgacha muddatga ozodlikdan mahrum etish bilan jazolanadi”.

11. 84-moddaning jazo qismidagi “ikki yilgacha muddatga” degan soʻzlar “bir yilgacha muddatga yoki shu muddatga axloq tuzatish ishiga” degan soʻzlar bilan almashtirilsin.

12. 90-modda chiqarib tashlansin.

13. 110¹-modda:

ikkinchi qismidagi “ogʻir jinoyatlar” degan soʻzlardan keyin “yoxud uyushgan guruh tomonidan sodir etilgan jinoyatlar” degan soʻzlar kiritilsin;

moddaning izoh qismi chiqarib tashlansin.

14. Uchinchi bobning nomidan “sotsialistik” degan soʻz, bobning oʻzidan esa 114, 114¹, 114², 115, 115¹, 116, 117, 118, 119, 119¹, 120, 121, 122, 124¹-moddalar chiqarib tashlansin.

15. Kodeksdan “Toʻrtinchi bob. Grajdanlarning shaxsiy mulkiga qarshi jinoyatlar” degan soʻzlar chiqarib tashlansin.

16. 123, 125, 126, 127, 128, 129 va 130-moddalar quyidagi tahrirda bayon etilsin:

Oʻzganing mol-mulkini ehtiyotsizlik bilan nobud qilish yoki bu mol-mulkka zarar yetkazish, agar bu odam oʻlishiga yoki boshqa ogʻir oqibatlar kelib chiqishiga sabab boʻlsa —

ikki yilgacha muddatga ozodlikdan mahrum qilish yoki shu muddatga axloq tuzatish ishi bilan jazolanadi”.

Oʻgʻrilik, yaʼni oʻzganing mol-mulkini yashirin ravishda oʻgʻirlash —

uch yilgacha muddatga ozodlikdan mahrum qilish yoki ikki yilgacha muddatga axloq tuzatish ishi bilan jazolanadi.

Takroran yoki bir guruh shaxslar tomonidan til biriktirib turib sodir etilgan oʻgʻirlik —

mol-mulkini musodara qilib yoki musodara qilmay uch yildan yetti yilgacha muddatga ozodlikdan mahrum qilish bilan jazolanadi.

Turar joyga yoki oʻzga binoga kirib oʻgʻirlik qilish yoxud koʻp miqdordagi oʻgʻirlik —

mol-mulkini musodara qilib yetti yildan oʻn yilgacha muddatga ozodlikdan mahrum qilish bilan jazolanadi.

Juda ham koʻp miqdordagi oʻgʻirlik yoki alohida xavfli retsidivist yoxud uyushgan guruh tomonidan sodir etilgan oʻgʻirlik —

mol-mulkini musodara etib oʻn yildan oʻn besh yilgacha muddatga ozodlikdan mahrum etish bilan jazolanadi.

Izoh. Ilgari 125, 126, 128, 129 va 130-moddada yoki ushbu Kodeksning 67, 127, 210¹, 216¹, 216³-moddasida nazarda tutilgan jinoyatlardan birontasini sodir etgan shaxs tomonidan qilingan jinoyat 125, 126, 128, 129 va 130-moddada takroran qilingan jinoyat deb topiladi.

Talonchilik, yaʼni oʻzganing mol-mulkini ochiq ravishda oʻgʻirlash —

besh yilgacha muddatga ozodlikdan mahrum qilish yoki bir yildan ikki yilgacha muddatga axloq tuzatish ishi bilan jazolanadi.

Takroran yoki bir guruh shaxslar tomonidan til biriktirib turib qilingan, yoxud ancha hajmdagi, yoinki jabrlanuvchining hayoti va sogʻligʻi uchun xavfli boʻlmagan zoʻrlik ishlatish yoki shunday zoʻrlik ishlatish bilan qoʻrqitib qilingan talonchilik —

mol-mulkini musodara qilib yoki musodara qilmay besh yildan oʻn yilgacha muddatga ozodlikdan mahrum qilish bilan jazolanadi.

Turar joyga yoki oʻzga binoga kirib qilingan yoxud koʻp miqdordagi talonchilik —

mol-mulkini musodara qilib oʻn yildan oʻn ikki yilgacha muddatga ozodlikdan mahrum qilish bilan jazolanadi.

Juda ham koʻp miqdordagi yoki alohida xavfli retsidivist yoxud uyushgan guruh tomonidan sodir etilgan talonchilik —

mol-mulkini musodara qilib oʻn ikki yildan oʻn besh yilgacha muddatga ozodlikdan mahrum qilish bilan jazolanadi.

Bosqinchilik, yaʼni oʻzganing mol-mulkini egallash maqsadida jabrlanuvchining hayoti yoki sogʻligʻi uchun xavfli boʻlgan zoʻrlik ishlatib yoxud shunday zoʻrlik ishlatish xavfi bilan qoʻrqitib tajovuz qilish —

mol-mulkini musodara qilib yoki musodara qilmay besh yildan sakkiz yilgacha muddatga ozodlikdan maxrum qilish bilan jazolanadi.

Takroran yoki bir guruh shaxslar tomonidap til biriktirib turib qilingan bosqinchilik—

mol-mulkini musodara qilib besh yildan oʻn yilgacha muddatga ozodlikdan mahrum qilish bilan jazolanadi.

Turar joy yoki oʻzga binoga kirib turib qilingan yoinki qurolni yoki qurol sifatida foydalanilgan boshqa narsani ishlatib yoxud ishlatish bilan qoʻrqitib yoinki ogʻir tan jarohati yetkazib kilingan yoxud koʻp mikdordagi mol-mulkni egallash maqsadida qilingan bosqinchilik —

mol-mulkini musodara qilib oʻn yildan oʻn besh yilgacha muddatga ozodlikdan mahrum qilish bilan jazolanadi.

Juda ham koʻp miqdordagi mol-mulkni egallash maqsadida yoki alohida xavfli retsidivist yoxud uyushgan guruh tomonidan qilingan bosqinchilik —

mol-mulkini musodara qilib oʻn ikki yildan oʻn besh yilgacha muddatga ozodlikdan mahrum qilish bilan jazolanadi.

Izoh. Bosqinchilik yoki 67, 210¹, 216¹, 216³-moddada nazarda tutilgan jinoyatlar sodir etilganidan keyingi bosqinchilik takroran qilingan bosqinchilik deb eʼtirof etiladi.

Tovlamachilik, yani mol-mulkka zarar yetkazish yoki uni yoʻq qilib tashlash bilan, jabrlanuvchi yoki uning yaqin kishilar shaxsiyati ustidan zoʻrlik qilish bilan yoxud ular sir saqlanishini xohlaydigan malumotlarni oshkor etish bilan qoʻrqitib mol-mulkni yoki mulkiy huquqni berishni, mulkiy manfaat berilishini talab qilish yoinki mulkiy yoʻsindagi xatti-harakatlar sodir etish —

besh yilgacha muddatga ozodlikdan mahrum qilish bilan jazolanadi.

Koʻp miqdorda mol-mulk yoxud mulkiy manfaat olish maksadida taqroran yoki bir guruh shaxslar tomonidan til biriktirib turib qilingan tovlamachilik —

mol-mulkini musodara qilib besh yildan sakkiz yilgacha muddatga ozodlikdan mahrum qilish bilan jazolanadi.

Mol-mulkni egallab olish, unga zarar yetkazish yoki uni yoʻq qilish bilan yoxud shaxsni garovga olish bilan, jabrlanuvchini qiynash bilan yoki unga nisbatan uning hayoti yoki sogʻligʻi uchun havfli boʻlgan zoʻrlash bilan qilingan tovlamachilik —

mol-mulkini musodara qilib sakkiz yildan oʻn ikki yilgacha muddatga ozodlikdan mahrum qilish bilan jazolanadi.

Alohida xavfli retsidivist yoki uyushgan guruh tomonidan qilingan yoxud juda xam koʻp miqdorda mol-mulk yoki mulkiy manfaat olish maqsadida qilingan tovlamachilik —

mol-mulkini musodara qilib oʻn yildan oʻn besh yilgacha muddatga ozodlikdan mahrum qilish bilan jazolanadi.

Firibgarlik, yaʼni aldash yoki ishonchni suiisteʼmol qilish yoʻli bilan oʻzganing mol-mulkini yoki mulkiy huquqini egallash —

uch yilgacha muddatga ozodlikdan mahrum qilish yoki ikki yilgacha muddatga axloq tuzatish ishi bilan jazolanadi.

Takroran yoki bir guruh shaxslar tomonidan til biriktirib turib qilingan firibgarlik —

mol-mulkini musodara qilib yoki musodara qilmay toʻrt yildan sakkiz yilgacha muddatga ozodlikdan mahrum qilish bilan jazolanadi.

Koʻp miqdorda sodir etilgan firibgarlik —

mol-mulkini musodara qilib besh yildan oʻn yilgacha muddatga ozodlikdan mahrum qilish bilan jazolanadi.

Juda ham koʻp miqdordagi yoki alohida xavfli retsidivist yoxud uyushgan guruh tomonidan sodir etilgan firibgarlik —

mol-mulkini musodara qilib oʻn yildan oʻn besh yilgacha muddatga ozodlikdan mahrum qilish bilan jazolanadi.

Aybdorga ishonib topshirilgan oʻzganing mol-mulkini oʻzlashtirish yoki rastrata qilish yoxud xizmat vazifasini suiisteʼmol qilish yoʻli bilan oʻgʻirlash —

besh yilgacha muddatga ozodlikdan mahrum qilish yoki ikki yilgacha muddatga axloq tuzatish ishi bilan jazolanadi.

Takroran yoki bir guruh shaxslar tomonidan oldindan til biriktirib turib sodir etilgan shunday xatti-harakatlar —

mol-mulkini musodara qilib yoki musodara qilmay toʻrt yildan sakkiz yilgacha muddatga ozodlikdan mahrum qilish bilan jazolanadi.

Ushbu moddaning birinchi qismida nazarda tutilgan, koʻp mikdorda sodir etilgan shunday xatti-harakatlar —

mol-mulkini musodara qilib yetti yildan oʻn yilgacha muddatga ozodlikdan mahrum qilish bilan jazolanadi.

Ushbu moddaning birinchi qismida nazarda tutilgan, xatti-harakatlar juda xam koʻp miqdorda yoki alohida xavfli retsidivist yoxud uyushgan guruh tomonidan sodir etilgan taqdirda —

mol-mulkini musodara qilib oʻn yildan oʻn besh yilgacha muddatga ozodlikdan mahrum qilish bilan jazolanadi”.

17. Kodeks quyidagi mazmundagi 130¹-modda bilan toʻldirilsin:

Mulkchilik shaklidan qatʼi nazar korxona, muassasa, tashkilotning mol-mulkini oz miqdorda oʻgʻirlash, basharti ilgari shunday xatti-harakati uchun maʼmuriy javobgarlikka tortilgan shaxs tomonidan sodir etilgan boʻlsa —

bir yilgacha muddatga axloq tuzatish ishi bilan yoki eng kam oylik ish xaqining oʻn hissasigacha miqdorda jarima solish bilan jazolanadi.

Shunday xatti-harakatlar, basharti ilgari mayda oʻgʻirlik uchun sudlangan shaxs tomonidan sodir etilgan boʻlsa —

ikki yilgacha boʻlgan muddatga ozodlikdan mahrum qilish yoki xuddi shu muddatga axloq tuzatish ishi yoxud eng kam oylik ish haqining ellik hissasigacha miqdorda jarima solish bilan jazolanadi”.

18. 131, 132 va 133-modda quyidagi tahrirda bayon etilsin:

Topib olingan yoki aybdorga tasodifan oʻtib qolgan qimmatli mulkni yashirib qolish —

olti oygacha muddatga axloq tuzatish ishi bilan jazolanadi.

Jinoiy yoʻl bilan qoʻlga kiritilgan mol-mulkni bila turib oldindan vaʼda qilmay olish —

uch yilgacha muddatga ozodlikdan mahrum qilish yoki ikki yilgacha muddatga axloq tuzatish ishi bilan jazolanadi.

Xuddi shu xatti-harakatlarni sotish maqsadida qilish, shuningdek bunday mol-mulkni sotish —

mol-mulkini musodara qilib yoki musodara qilmay uch yildan yetti yilgacha muddatga ozodlikdan mahrum qilish bilan jazolanadi.

Ushbu moddada nazarda tutilgan, takroran yoki koʻp miqdorda uyushgan guruh tomonidan sodir etilgan xatti-harakatlar —

mol-mulkini musodara qilib yetti yildan oʻn yilgacha muddatga ozodlikdan mahrum qilish bilan jazolanadi.

Mol-mulkni qasddan nobud qilish yoki unga zarar yetkazish —

ikki yilgacha muddatga ozodlikdan mahrum qilish yoki olti oygacha muddatga axloq tuzatish ishi bilan jazolanadi.

Millatlararo adovat yoki diniy xurofotlar negizida yoxud xavfli usulda sodir etilgan yoki odam oʻlishiga yoxud boshqa ogʻir oqibatlar kelib chiqishiga sabab boʻlgan shunday xatti-harakatlar —

besh yildan oʻn yilgacha muddatga ozodlikdan mahrum qilish bilan jazolanadi”.

19. 149-moddaning ikkinchi qismidagi “ogʻir oqibatlar” degan soʻzlardan keyin “yoki uyushgan guruh manfaatlarini koʻzlab sodir etilgan” degan soʻzlar bilan toʻldirilsin.

20. 150-moddaning ikkinchi qismi quyidagi tahrirda bayon etilsin:

“Hokimiyat yoki xizmat vakolatidan tashqari chiqish zoʻrlik, qurol ishlatish, jabrlanuvchini, azoblaydigan va shaxsiy qadr-qimmatini xaqoratlaydigan xatti-harakatlarda namoyon boʻlsa yoxud uyushgan guruh manfaatini koʻzlab sodir etilsa —

uch yildan sakkiz yilgacha muddatga ozodlikdan mahrum qilish bilan jazolanadi”.

21. 152, 153, 154-modda quyidagi tahrirda bayon etilsin:

Mansabdor shaxsning har qanday turda shaxsan yoki vositachi orqali pora olishi, yaʼni pora berayotgan shaxsning manfaatlarini koʻzlab muayyan xatti-harakatni bajarganlik yoki bajarmaganlik uchun, egallab turgan xizmat vazifasidan foydalanib bajarishi lozim boʻlgan yoki qilishi mumkin boʻlgan xatti-harakatlarni bajarganlik yoki bajarmaganlik uchun pora olishi —

besh yildan oʻn yilgacha muddatga ozodlikdan mahrum qilish bilan jazolanadi.

Koʻp miqdorda, takroran, tovlamachilik yoʻli bilan pora olish yoki bir guruh mansabdor shaxslarning oldindan til biriktirib turib pora olishi —

mol-mulkini musodara qilib sakkiz yildan oʻn besh yilgacha muddatga ozodlikdan mahrum qilish bilan jazolanadi.

Juda koʻp miqdorda pora olish yoki masʼul vazifani egallab turgan mansabdor shaxs, yoxud ilgari poraxoʻrlik uchun sudlangan shaxs tomonidan yoxud uyushgan guruh manfaatlarini koʻzlab ish qilganlik yoki ish qilmaganlik uchun juda koʻp miqdorda pora olish —

mol-mulkini musodara qilib oʻn ikki yildan oʻn besh yilgacha muddatga ozodlikdan mahrum qilish bilan jazolanadi.

Mansabdor shaxsga pora berish —

uch yildan sakkiz yilgacha muddatga ozodlikdan mahrum qilish bilan jazolanadi.

Koʻp miqdorda, takroran yoki atayin pora beruvchi uchun bir guruh mansabdor shaxslarga pora berish —

mol-mulkini musodara qilib yoki musodara qilmay besh yildan oʻn yilgacha muddatga ozodlikdan mahrum qilish bilan jazolanadi.

Ilgari poraxoʻrlik uchun sudlangan shaxs tomonidan yoki uyushgan guruh manfaatlarini koʻzlab juda ham koʻp mikdorda pora berish —

mol-mulkini musodara qilib yoki musodara qilmay oʻn yildan oʻn besh yilgacha muddatga ozodlikdan mahrum qilish bilan jazolanadi.

Izoh. Basharti shaxs tovlamachilik bilan pora berishga koʻndirilgan boʻlsa yoki bu shaxs pora bergandan keyin bu haqda oʻz ixtiyori bilan kelib aytsa, u holda bunday shaxs jinoiy javobgarlikdan ozod etiladi.

Pora olish-berishda vositachilik qilish —

toʻrt yildan sakkiz yilgacha muddatga ozodlikdan mahrum qilish bilan jazolanadi.

Takroran, koʻp miqdorda yoki juda ham koʻp miqdorda pora olish-berishda yoxud atayin aybdor uchun bir guruh mansabdor shaxsdan pora olishda sodir etilgan shunday xatti-harakatlar —

mol-mulkini musodara qilib yoki musodara qilmay besh yildan oʻn yilgacha muddatga ozodlikdan mahrum qilish bilan jazolanadi.

Farazlik maqsadda pora olish-berishda vositachilik qilish yoki ilgari poraxoʻrlik uchun sudlangan shaxs tomonidan vositachilik qilish, shuningdek masʼul vazifani egallab turgan mansabdor shaxs tomonidan vositachilik qilish yoxud uyushgan guruh manfaatlarini koʻzlab vositachilik qilish —

mol-mulkini musodara qilib oʻn yildan oʻn besh yilgacha muddatga ozodlikdan mahrum qilish bilan jazolanadi”.

22. Kodeks quyidagi mazmundagi 154¹-modda bilan toʻldirilsin:

Davlat, kooperativ, xususiy yoki oʻzga yoʻsindagi muassasa, korxona, tashkilotning mansabdor shaxs boʻlmagan xizmatchisiga uni pora evaziga oʻziga ogʻdirib olgan shaxs manfaatlarini koʻzlab turib oʻz xizmat mavqeyidan foydalanganligi uchun gʻayriqonuniy tarzda moddiy mukofot yoki imtiyozlar berish yoxud xizmatlar koʻrsatish —

uch yilgacha muddatga ozodlikdan mahrum qilish bilan jazolanadi.

Takroran yoki uyushgan guruh manfaatlarini koʻzlab sodir etilgan shunday xatti-harakatlar —

uch yildan besh yilgacha muddatga ozodlikdan mahrum qilish bilan jazolanadi.

Davlat, kooperativ, xususiy yoki oʻzga yoʻsindagi muassasa, korxona, tashkilotning mansabdor shaxs boʻlmagan xizmatchisining uni pora evaziga oʻziga ogʻdirib olgan shaxs manfaatlarini koʻzlab turib oʻz xizmat mavqeyidan foydalanganligi uchun gʻayriqonuniy tarzda moddiy mukofot, imtiyozlar olishi yoxud unga xizmatlar koʻrsatilishi —

besh yildan sakkiz yilgacha muddatga ozodlikdan mahrum qilish bilan jazolanadi.

Takroran yoki bir guruh shaxslar tomonidan oldindan til biriktirib turib yoxud juda ham koʻp miqdordagi mukofot evaziga sodir etilgan xuddi shunday xatti-harakatlar —

mol-mulkini musodara qilib yoki musodara qilmay olti yildan oʻn yilgacha muddatga ozodlikdan mahrum qilish bilan jazolanadi.

Izoh: Ushbu moddaning birinchi va ikkinchi qismida nazarda tutilgan xatti-harakatlar, basharti pora evaziga oʻziga ogʻdirib olgan shaxsga nisbatan tovlamachilik sodir boʻlgan boʻlsa, jinoiy javobgarlikka tortishga sabab boʻlmaydi”.

23. 155-modda quyidagi mazmundagi ikkinchi qism bilan toʻldirilsin:

“Bir necha marta yoki uyushgan guruh manfaatlarini koʻzlab sodir etilgan shunday xatti-harakatlar —

ikki yildan besh yilgacha muddatga ozodlikdan mahrum qilish bilan jazolanadi”.

24. 157¹-modda quyidagi tahrirda bayon qilinsin:

Muayyan ishni har tomonlama, toʻla-toʻkis va xolisona koʻrib chiqishga toʻsqinlik qilish yoxud qonunga xilof sud hukmi chiqarilishiga erishish maqsadida sudyalar yoki xalq maslahatchilariga qanaqa shaklda boʻlsa xam taʼsir koʻrsatish —

uch yilgacha muddatga ozodlikdan mahrum qilish yoqi ikki yilgacha muddatga axloq tuzatish ishlari bilan jazolanadi”.

25. 157²-modda quyidagi tahrirda bayon qilinsin:

Sudya yoki xalq maslahatchisi odil sudlovni amalga oshirishi munosabati bilan sudyaga yoki xalq maslahatchisiga, shuningdek ularning yaqin qarindoshlariga nisbatan oʻldirish, tan jarohati yetkazish, mol-mulkini yoʻq qilib tashlash yoxud boshqa gʻayriqonuniy harakatlar qilish bilan qoʻrqitish —

uch yilgacha ozodlikdan mahrum qilish yoki eng kam oylik ish haqining yigirma hisassigacha miqdorda jarima solish bilan jazolanadi”.

Oʻsha harakatlar uyushgan guruh tomonidan yoxud uning manfaatlarini koʻzlab sodir etilganda —

uch yildan besh yilgacha ozodlikdan mahrum qilish bilan jazolanadi.

26. Kodeks quyidagi mazmundagi 157³, 157⁴, 157⁵, 157⁶-moddalar bilan toʻldirilsin:

Sudyaga yoki xalq maslahatchisiga, ularning odil sudlovni amalga oshirish boʻyicha faoliyati munosabati bilan yengil tan jarohati yetkazish —

uch yilgacha muddatga ozodlikdan mahrum qilish yoki eng kam oylik ish haqining oʻn ikki hissasigacha miqdorda jarima solish bilan jazolanadi.

Sudyaga yoki xalq maslahatchisiga, ularning odil sudlovni amalga oshirish boʻyicha vazifalarini bajarishi munosabati bilan yengilroq yoki ogʻir tan jarohati yetkazish —

uch yildan yetti yilgacha muddatga ozodlikdan mahrum qilish bilan jazolanadi.

Oʻsha harakatlar takroran yoxud oldindan til biriktirib turib bir guruh shaxslar yoki alohida xavfli retsidivist tomidan yoxud uyushgan guruh tomonidan yoki uyushgan guruhning manfaatlarini koʻzlab sodir etilganda —

yetti yildan oʻn besh yilgacha muddatga ozodlikdan mahrum qilish bilan jazolanadi.

Sudya yoki xalq maslahatchisi hayotiga, ularning odil sudlovni amalga oshirish boʻyicha vazifalarini bajarishi munosabati bilan tajovuz qilish, shuningdek oʻsha vajlar bilan ularning yaqin qarindoshlari hayotiga tajovuz qilish —

besh yildan oʻn yilgacha muddatga ozodlikdan mahrum qilish bilan jazolanadi.

Oʻsha harakatlar takroran yoxud oldindan til biriktirib turib bir guruh shaxslar yoki alohida xavfli retsidivist tomonidan yoxud uyushgan guruh tomonidan yoki uyushgan guruhning manfaatlarini koʻzlab sodir etilganda —

oʻn yildan oʻn besh yilgacha muddatga ozodlikdan mahrum qilish yoki oʻlim jazosi bilan jazolanadi.

Sudyani yoki xalq maslahatchisini ularning odil sudlovni amalga oshirish boʻyicha vazifalarini bajarishi munosabati bilan qasddan oʻldirish, shuningdek oʻsha vajlar bilan ularning yaqin qarindoshlarini oʻldirish —

oʻn besh yil muddatga ozodlikdan mahrum qilish yoki oʻlim jazosi bilan jazolanadi.

Sudya yoki xalq maslahatchisi odil sudlovni amalga oshirish boʻyicha vazifalarini bajarishi munosabati bilan sudyaning yoki xalq maslahatchisining yoxud ularning yaqin qarindoshlarining mulkiga qasddan zarar yetkazish yoki uni nobud qilish —

uch yildan besh yilgacha ozodlikdan mahrum qilish bilan jazolanadi.

Oʻsha harakatlar umumiy xavfli yoʻsinda sodir etilganda yoki odam oʻlishiga sabab boʻlgan yoxud uyushgan guruh tomonidan yoki uning manfaatlarini koʻzlab sodir etilganda —

sakkiz yildan oʻn besh yilgacha muddatga ozodlikdan mahrum qilish bilan jazolanadi”.

27. 157³ va 157⁴-moddalar muvofiq ravishda 157⁷ va 157⁸-modda deb hisoblansin.

28. 163-modda quyidagi tahrirda bayon etilsin:

Guvohni yoki jabrlanuvchini, ekspertni, tarjimonni pora evaziga oʻziga ogʻdirib olish yoki surishtiruv, dastlabki tergov vaqtida yoxud ishni sudda koʻrish paytida yuqorida nomi zikr etilgan shaxslarga yoki ularning yaqin qarindoshlariga nisbatan oʻldirish bilan qoʻrqitish, zoʻrlik qilish, mol-mulkni yoʻq qilish yoki shikastlash yoʻli bilan guvohni yoki jabrlanuvchini yolgʻon koʻrsatmalar berishga, ekspertni — yolgʻon xulosa berishga, tarjimonni notoʻgʻri tarjima qilishga majbur etish —

uch yilgacha ozodlikdan mahrum qilish yoki ikki yilgacha axloq tuzatish ishi bilan jazolanadi.

Oʻsha harakatlar uyushgan guruh tomonidan yoki uning manfaatlarini koʻzlab sodir etilganda —

uch yildan besh yilgacha ozodlikdan mahrum qilish bilan jazolanadi”.

29. Kodeks quyidagi mazmundagi 173²-modda bilan toʻldirilsin:

Bir turdagi mahsulotni yoki mollarni ishlab chiqaruvchi (xizmatlar koʻrsatuvchi) va shu mahsulot (xizmatlar) yoki mollar bozorida hukmron mavqega ega boʻlgan, mulk shaklidan qatʼi nazar, xoʻjalik yurituvchi subyektlar oʻrtasida oʻzaro til biriktirish yoʻli bilan ishlab chiqarish-texnika ahamiyatidagi mahsulot (xizmat)larning yoki xalq isteʼmol mollarining narxlarini sunʼiy ravishda koʻtarish yoki baland narxlarni saqlab turish —

ikki yilgacha muddatga ozodlikdan mahrum qilish yoki ikki yilgacha muddatga axloq tuzatish ishi yoxud eng kam oylik ish haqining oʻttiz hissasidan ellik hissasigacha miqdorda jarima solish bilan jazolanadi.

Raqobatchilarga nisbatan til biriktirish, zoʻrlik qilish yoki tahdid qilish yoʻli bilan mollarning narxlarini sunʼiy ravishda koʻtarish yoki baland narxlarni saqlab turish ularni sotish bilan shugʻullanayotgan xoʻjalik yurituvchi subyektlar tomondan sodir etilganda—

mol-mulkni musodara qilib yoki musodara qilmay besh yilgacha muddatga ozodlikdan mahrum qilish yoki ikki yilgacha muddatga axloq tuzatish ishi yoxud eng kam oylik ish haqining ellik hissasidan yuz hissasigacha miqdorda jarima solish bilan jazolanadi.

Ushbu moddada nazarda tutilgan xatti-harakatlar takroran yoki uyushgan guruh tomonidan yoxud uning manfaatlarini koʻzlab sodir etilganda —

mol-mulkini musodara qilib uch yildan yetti yilgacha muddatga ozodlikdan mahrum qilish bilan jazolanadi”.

30. Kodeks quyidagi mazmundagi 174, 174¹, 174²-modda bilan toʻldirilsin:

Soxta tadbirkorlik, yaʼni ustavida koʻrsatilgan faoliyatni amalga oshirish maqsadini koʻzlamasdan qarzlar, kreditlar olish, foydani soliqlardan ozod qilish (kamaytirish) yoki oʻzga mulkiy naf koʻrish maqsadida korxonalar va boshqa tadbirkorlik tashkilotlari tuzish —

mol-mulkini musodara qilib yoki musodara qilmay besh yilgacha muddatga ozodlikdan mahrum qilish yoki ikki yilgacha muddatga axloq tuzatish ishi yoxud eng kam ish haqining oʻttiz hissasidan ellik hissasigacha miqdorda jarima solish bilan jazolanadi.

Oʻsha harakatlar uyushgan guruh tomonidan sodir etilganda —

besh yildan oʻn yilgacha muddatga ozodlikdan mahrum qilish bilan jazolanadi.

Vazifasi doirasiga korxonalarni roʻyxatga olish, ularga kreditlar berish yoki ularning ishini nazorat qilib borish kiradigan davlat xizmatchilari, bank, soliq, moliya va boshqa idoralarning xodimlari soxta korxonalar (tashkilotlar)ni tuzishda koʻmaklashishi hamda ularning faoliyatida ishtirok etishi, gʻarazli yoki oʻzga shaxsiy manfaatdorlik mavjud boʻlgan taqdirda —

mol-mulkini musodara qilib yoki musodara qilmay uch yilgacha muddatga ozodlikdan mahrum qilish yoxud mol-mulkini musodara qilib yoki musodara qilmay ikki yilgacha muddatga axloq tuzatish ishi bilan jazolanadi.

Ushbu moddaning birinchi qismida koʻrsatilgan, faoliyatining gʻayriqonuniyligini oldindan biladigan va bundan daromad oladigan shaxslarning soxta korxona (tashkilot) faoliyatida ishtirok etishi, shuningdek daromad olish yoki boshqa shaxsiy naf koʻrish uchun bunday tashkilotlarning haqiqiy xususiyatini yashirishga koʻmaklashish —

mol-mulkini musodara qilib besh yilgacha muddatga ozodlikdan mahrum qilish yoki mol-mulkini musodara qilib bir yildan ikki yilgacha muddatga axloq tuzatish ishi bilan jazolanadi.

Ushbu moddada nazarda tuzilgan harakatlar uyushgan guruh manfaatlarini koʻzlab sodir etilganda —

mol-mulkini musodara qilib uch yildan sakkiz yilgacha muddatga ozodlikdan mahrum qilish bilan jazolanadi.

Soxta sinish, yaʼni tadbirkor tomonidan iqtisodiy jihatdan nochor ahvolda qolganlik va kreditorlar oldidagi majburiyatlarni bajarishning imkoni yoʻqligi haqida gʻirt yolgʻon eʼlon berish gʻarazli niyat bilan sodir etilganda yoxud kreditorlarga katta moddiy zarar yetkazganda —

mol-mulkini musodara qilib yoki musodara qilmay uch yilgacha muddatga ozodlikdan mahrum qilish yoki ikki yilgacha muddatga axloq tuzatish ishi bilan jazolanadi”.

31. 175-moddaning birinchi va ikkinchi qismlari quyidagi tahrirda bayon qilinsin:

“Chayqovchilik yaʼni tekin daromad olish maqsadida tartibga solinadigan davlat narxlari belgilangan mollarni savdo, umumiy ovqatlanish korxonalari (tashkilotlari)dan, shuningdek mulkchilik shaklidan qatʼi nazar, axoliga mollarni sotishni amalga oshirayotgan oʻzga korxonalardan sotib olish hamda bu mollarni davlat tomonidan belgilangan eng yuqori narxdan ortiqcha bahoda qayta sotish —

mol-mulkini musodara qilib yoki musodara qilmay besh yilgacha muddatga ozodlikdan mahrum qilish yoxud eng kam oylik ish haqining yigirma besh hissasigacha miqdorda jarima solish bilan jazolanadi.

Bir necha marta yoki yirik miqdorlarda yoxud bir guruh shaxslar tomonidan oldindan til biriktirib, shuningdek savdo xodimi tomonidan oʻz xizmat mavqeyidan foydalangan holda sodir etilgan chayqovchilik —

mol-mulkini musodara qilib uch yildan yetti yilgacha ozodlikdan mahrum qilish yoki eng kam oylik ish haqining yigirma besh hissasidan ellik hissasigacha miqdorda jarima solish bilan jazolanadi”.

32. 194¹, 194², ,194³, 194⁴, 194⁵, 194⁶-moddalar quyidagi tahrirda bayon etilsin:

Prokurorning, militsiya xodimining, tergovchining yoki surishtiruvni amalga oshiriyotgan shaxsning hayotiga ularning xizmat faoliyati munosabati bilan tajovuz qilish, shuningdek oʻsha vajlar bilan ularning yaqin qarindoshlari hayotiga tajovuz qilish —

besh yildan oʻn yilgacha muddatga ozodlikdan mahrum qilish bilan jazolanadi.

Oʻsha harakatlar takroran yoxud bir guruh shaxslar tomonidan til biriktirib turib yoki alohida xavfli retsidivist yoxud uyushgan guruh tomonidan yoki uyushgan guruhning manfaatlarini koʻzlab sodir etilganda —

oʻn yildan oʻn besh yilgacha muddatga ozodlikdan mahrum qilish yoki oʻlim jazosi bilan jazolanadi.

Prokurorga, militsiya xodimiga, tergovchiga yoki surishtiruvni amalga oshirayotgan shaxsga ularning xizmat faoliyati munosabati bilan yengil tan jarohati yetkazish, shuningdek bunday harakatlarni jamoat tartibini, fuqarolarning xuquq va erkinliklarini muhofaza etuvchi boshqa shaxslarga nisbatan sodir etish —

uch yilgacha muddatga ozodlikdan mahrum qilish yoki eng kam oylik ish haqining oʻn ikki hissasigacha miqdorda jarima solish bilan jazolanadi.

Prokurorga, militsiya xodimiga, tergovchiga yoki surishtiruvni amalga oshirayotgan shaxsga ular xizmat vazifalarini bajarishlari munosabati bilan yengilroq yoki ogʻir tan jarohati yetkazish, shuningdek bunday harakatlarni jamoat tartibini, fuqarolarning huquq va erkinliklarini muhofaza etuvchi boshqa shaxslarga nisbatan sodir etish —

uch yildan yetti yilgacha muddatga ozodlikdan mahrum qilish bilan jazolanadi.

Oʻsha harakatlar takroran yoxud bir guruh shaxslar tomonidan til biriktirib turib yoki alohida xavfli retsidivist yoxud uyushgan guruh tomonidan yoki uyushgan guruhning manfaatlarini koʻzlab sodir etilganda —

yetti yildan oʻn besh yilgacha muddatga ozodlikdan mahrum qilish bilan jazolanadi.

Prokurorni, militsiya xodimini, tergovchini yoki surishtiruvni amalga oshirayotgan shaxsni, ularning yaqin qarindoshlarini prokuror, militsiya xodimi, tergovchi yoki surishtiruvni amalga oshirayotgan shaxs xizmat vazifalarini bajarishi sababli oʻldirish bilan, tan jarohati yetkazish bilan, mol-mulkini yoʻq qilib tashlash bilan yoxud boshqa huquqqa xilof harakatlar sodir etish bilan qoʻrqitish —

uch yilgacha ozodlikdan mahrum qilish yoki eng kam oylik ish haqining yigirma hissasigacha miqdorda jarima solish bilan jazolanadi.

Oʻsha harakatlar uyushgan guruh tomonidan yoxud uning manfaatlarini koʻzlab sodir etilganda —

uch yildan besh yilgacha muddatga ozodlikdan mahrum qilish bilan jazolanadi.

Prokurorni yoki militsiya xodimini, tergovchini yoki surishtiruvni amalga oshirayotgan shaxsni ular xizmat vazifalarini bajarishlari munosabati bilan qasddan oʻldirish, shuningdek oʻsha vajlar bilan ularning yaqin qarindoshlarini oʻldirish —

oʻn besh yil muddatga ozodlikdan mahrum qilish yoki oʻlim jazosi bilan jazolanadi.

Prokurorning, militsiya xodimining, tergovchi yoki surishtiruvni amalga oshirayotgan shaxsning qonuniy xizmat faoliyatini oʻtashlarida ularning faoliyatiga toʻsqinlik qilish maqsadida kimning tomonidan boʻlishidan qatʼi nazar gʻayriqonuniy aralashuv —

uch yilgacha muddatga ozodlikdan mahrum qilish yoki ikki yilgacha muddatga axloq tuzatish ishi bilan jazolanadi.

Prokuror, militsiya xodimi, tergovchi yoki surishtiruvni amalga oshirayotgan shaxs xizmat vazifalarini bajarishi munosabati bilan prokurorning, militsiya xodimining, tergovchining yoki surishtiruvni amalga oshirayotgan shaxsning yoxud ularning yaqin qarindoshlarining mulkiga qasddan zarar yetkazish yoki uni nobud qilish —

uch yildan besh yilgacha ozodlikdan mahrum qilish bilan jazolanadi.

Oʻsha harakatlar umumiy xavfli yoʻsinda sodir etilganda yoki odam oʻlishiga sabab boʻlganda yoxud uyushgan guruh tomonidan yoki uning manfaatlarini koʻzlab sodir etilganda —

sakkiz yildan oʻn besh yilgacha muddatga ozodlikdan mahrum qilish bilan jazolanadi”.

33. Kodeks quyidagi mazmundagi 191⁹-modda bilan toʻldirilsin:

Ayni shunday harakatlar uchun maʼmuriy jazo choralari qoʻllanilgandan keyin fuqarolarning belgilangan tartibda taqiqlangan har qanday birlashmalarini tuzishga qaratilgan harakatlari, shu jumladan faoliyati milliy yoki irqiy adovat ixtilof yoki xusumatni qoʻzgʻatishga, milliy, irqiy, diniy negizda kuch ishlatishga qaratilgan, Oʻzbekiston Respublikasi hududining yaxlitligini zoʻrlik bilan oʻzgartirishni toʻgʻridan toʻgʻri maqsad qilib qoʻyuvchi siyosiy partiyalar, jamoat birlashmalari va ommaviy harakatlarni tuzish, shuningdek ularning faoliyatida faol qatnashish —

uch yilgacha muddatga ozodlikdan mahrum qilish yoki ikki yilgacha muddatga axloq tuzatish ishlariga jalb etish bilan jazolanadi”.

34. 210¹-moddaning uchinchi qismi quyidagi tahrirda bayon etilsin:

“Bosqinchilik yoʻli bilan yoxud alohida xavfli retsidivist yoki uyushgan guruh tomonidan juda koʻp miqdorda oʻq otish qurollarini, oʻq dorilarni yoki portlovchi moddalarni oʻgʻirlash —

mol-mulkini musodara qilib sakkiz yildan oʻn besh yilgacha muddatga ozodlikdan mahrum qilish bilan jazolanadi”.

35. 216³-modda uchinchi qismining tavsifi “shuningdek, narkotik vositalarning koʻp miqdorda” degan soʻzlardan keyin “yoxud uyushgan guruh tomonidan talon-toroj qilinishi” degan soʻzlar bilan toʻldirilsin.

36. 7¹-moddaning ikkinchi qismida:

“(78-moddaning ikkinchi qismi); davlat yoki jamoat mulkini koʻp miqdorda yoki juda koʻp miqdorda talon-taroj qilish (114-moddaning toʻrtinchi qismi; 117-moddaning uchinchi qismi; 118-moddaning uchinchi qismi; 119-moddaning uchinchi qismi; 119¹-modda); aybni ogʻirlashtiradigan holatlarda talonchilik qilish (115-moddaning ikkinchi, uchinchi va toʻrtinchi qismlari; 126-moddaning ikkinchi, uchinchi va toʻrtinchi qismlari); aybni ogʻirlashtiradigan holatlarda davlat, kooperativ yoki jamoat mulkiga nisbatan tovlamachilik qilganlik (115¹-moddaning ikkinchi va uchinchi qismlari); bosqinchilik qilish (116 va 127-moddalar); davlat yoki jamoat mulkini yoxud grajdanlarning shaxsiy mulkini aybni ogʻirlashtiradigan holatlarda qasddan nobud qilish yoki unga zarar yetkazish (122-moddaning ikkinchi qismi; 133-moddaning ikkinchi qismi); aybni ogʻirlashtiradigan holatlarda oʻgʻirlik qilganlik (125-moddaning ikkinchi, uchinchi va toʻrtinchi qismlari); aybni ogʻirlashtiradigan holatlarda grajdanlarning shaxsiy mulkiga nisbatan tovlamachilik qilganlik (128-moddaning ikkinchi va uchinchi qismlari)” degan soʻzlar “(78-moddaning uchinchi va toʻrtinchi qismlari, 78¹-moddaning ikkinchi qismi); aybni ogʻirlashtiradigan holatlarda oʻgʻirlik qilganlik (125-moddaning ikkinchi, uchinchi va toʻrtinchi qismlari); aybni ogʻirlashtiradigan holatlarda talonchilik qilganlik (126-moddaning ikkinchi, uchinchi va toʻrtinchi qismlari); bosqinchilik qilganlik (127-modda); aybni ogʻirlashtiradigan holatlarda mulkiga nisbatan tovlamachilik qilganlik (128-moddaning ikkinchi, uchinchi va toʻrtinchi qismlari); aybni ogʻirlashtiradigan holatlarda firibgarlik qilganlik (129-moddaning ikkinchi, uchinchi va toʻrtinchi qismlari); oʻzganing mulkini oʻzlashtirish yoki rastrata qilish yoʻli bilan talon-toroj qilish (130-moddaning ikkinchi, uchinchi va toʻrtinchi qismlari); jinoiy yoʻl bilan qoʻlga kiritilgan mulkni olish yoki sotish (132-moddaning uchinchi qismi); aybni ogʻirlashtiradigan holatlarda sodir etilgan mulkni qasddan nobud qilish yoki unga zarar yetkazish (133-moddaning ikkinchi qismi)” degan soʻzlar bilan almashtirilsin; “(175-moddaning “b” va “v” bandlarida)” degan soʻzlar “(175-moddaning ikkinchi va uchinchi qismlari)” degan soʻzlar bilan almashtirilsin; “(153-moddaning ikkinchi; 154-moddaning ikkinchi qismi)” degan soʻzlar “(153-moddaning ikkin�i va uchinchi; 154-moddaning ikkinchi va uchinchi qismi)” degan soʻzlar bilan almashtirilsin; “pora olish (152-modda)” degan soʻzlardan keyin “xizmatchini pora evaziga oʻziga ogʻdirib olish (154¹-moddaning ikkinchi va toʻrtinchi qismi)” degan soʻzlar bilan toʻldirilsin; “(157-moddaning ikkinchi qismi)” degan soʻzlardan keyin “sudyaga yoki xalq maslahatchisiga tan jarohati yetkazish (157³-moddaning uchinchi qismi); sudyaning yoki xalq maslahatchisining hayotiga tajovuz qilish (157⁴-modda); sudyani yoki xalq maslahatchisini qasddan oʻldirish (157⁵-modda); aybni ogʻirlashtiradigan holatlarda sudyaning yoki xalq maslahatchisining mulkiga qasddan zarar yetkazish yoki uni nobud qilish (157⁶-moddaning ikkinchi qismi)” degan soʻzlar bilan toʻldirilsin; “(159-moddaning ikkinchi qismi)” degan soʻzlardan keyin “narxlarni sunʼiy ravishda koʻtarish va baland narxlarni saqlab turish (173²-moddaning uchinchi qismi); soxta tadbirkorlik (174-moddaning ikkinchi qismi); soxta korxona tuzishga koʻmaklashish yoki uning faoliyatida ishtirok etish (174¹-moddaning uchinchi qismi)” degan soʻzlar bilan toʻldirilsin; “militsiya xodimining hayotiga tajovuz qilish (194¹-modda); militsiya xodimini qasddan oʻldirish (194⁴-modda)” degan soʻzlar “prokurorning yoki militsiya xodimining hayotiga tajovuz qilish (194¹-modda); prokurorga yoki militsiya xodimiga tan jarohati yetkazish (194²-moddaning uchinchi qismi); prokurorni yoki militsiya xodimini qasddan oʻldirish (194⁴-modda); aybni ogʻirlashtiradigan holatlarda prokurorning yoki militsiya xodimining mulkiga qasddan zarar yetkazish yoki uni nobud qilish (194⁶-moddaning ikkinchi qismi)” degan soʻzlar bilan almashtirilsin.

37. 10-moddaning:

ikkinchi qismidagi “(116 va 127-moddalar)” degan soʻzlar “(127-modda)” degan soʻzlar bilan; “(115 va 126-moddalar)” degan soʻzlar “(126-modda)” degan soʻzlar bilan; “(114 va 125-moddalar)” degan soʻzlar “(125-modda)” degan soʻzlar bilan almashtirilsin; “davlat, jamoat mulkini yoki shaxsiy mulkni qasddan nobud qilish yoki unga zarar yetkazish yomon okibatlar kelib chiqishiga sabab boʻlsa (122-moddaning ikkinchi qismi va 133-moddaning ikkinchi qismi)” degan soʻzlar “mulkni qasddan nobud qilish yoki unga zarar yetkazish (133-moddaning ikkinchi kismi)” degan soʻzlar bilan almashtirilsin.

38. 23¹-moddaning:

birinchi qismi 1-bandidagi “(78-moddaning ikkinchi qismi) degan soʻzlar “(78-moddaning uchinchi va toʻrtinchi qismlari, 78¹-moddaning ikkinchi qismi)” degan soʻzlar bilan almashtirilsin; “aybni ogʻirlashtiradigan holatlarda davlat, kooperativ yoki jamoat mulkiga nisbatan tovlamachilik qilganlik (115¹-moddaning ikkinchi va uchinchi qismlari); davlat yoki jamoat mulkini juda koʻp miqdorda talon-toroj qilganlik (119¹-modda); aybni ogʻirlashtiradigan holatlarda davlat, jamoat mulkini yoki grajdanlarning shaxsiy mulkini egallab olish maqsadida bosqinchilik qilganlik (116-moddaning ikkinchi qismi; 127-moddaning ikkinchi va uchinchi qismlari); aybni ogʻirlashtiradigan holatlarda grajdanlarning shaxsiy mol-mulkiga tovlamachilik qilganlik (128-moddaning ikkinchi va uchinchi qismlari); “militsiya xodimining hayotiga tajovuz qilganlik (194¹-modda)”; militsiya xodimini qasddan oʻldirganlik (194⁴-modda)” degan soʻzlar “bosqinchilik qilganlik (127-moddaning ikkinchi, uchinchi va toʻrtinchi qismlari)”, “mulkka nisbatan tovlamachilik qilganlik (128-moddaning ikkinchi, uchinchi va toʻrtinchi qismlari); talon-toroj qilganlik (130-moddaning ikkinchi, uchinchi va toʻrtinchi qismlari); sudyaga yoki xalq maslahatchisiga tan jarohati yetkazganlik (157³-moddaning uchinchi qismi); sudyaning yoki xalq maslahatchisining hayotiga tajovuz qilganlik (157⁴-modda); sudyani yoki xalq maslahatchisini qasddan oʻldirganlik (157⁵-modda); aybni ogʻirlashtiradigan holatlarda sudyaning yoki xalq maslahatchisining mulkiga qasddan zarar yetkazganlik yoki uni nobud qilganlik (157⁶-moddaning ikkinchi qismi)”; “prokurorning yoki militsiya xodimining hayotiga tajovuz qilganlik (194¹-modda); prokurorga yoki militsiya xodimiga tan jarohati yetkazganlik (194²-moddaning uchinchi qismi); prokurorni yoki militsiya xodimini qasddan oʻldirganlik (194⁴-modda); aybni ogʻirlashtiradigan holatlarda prokurorning yoki militsiya xodimining mulkiga qasddan zarar yetkazganlik yoki uni nobud qilganlik (194⁶-moddaning ikkinchi qismi)” degan soʻzlar bilan almashtirilsin;

birinchi qismi 2-bandidagi “(78-modda)” degan soʻzlar “(78, 78¹-moddalar)” degan soʻzlar bilan almashtirilsin; davlat yoki jamoat mulkini aybni ogʻirlashtiradigan holatlarda talon-toroj qilganlik (114-moddaning ikkinchi, uchinchi va toʻrtinchi qismlari; 115-moddaning ikkinchi, uchinchi va toʻrtinchi qismlari; 117-moddaning ikkinchi va uchinchi qismlari; 118-moddaning ikkinchi va uchinchi qismlari; 119-moddaning ikkinchi va uchinchi qismlari; 119¹-modda); davlat, kooperativ yoki jamoat mulkiga nisbatan aybni ogʻirlashtiradigan holatlarda tovlamachilik qilganlik (115¹-moddaning ikkinchi va uchinchi qismlari)”, davlat, jamoat mulkini yoki grajdanlarning shaxsiy mulkini egallab olish maqsadida bosqinchilik qilganlik (116 va 127-moddalar)”; aybni ogʻirlashtiradigan holatlarda qilingan oʻgʻirlik, talonchilik yoki firibgarlik (125-moddaning ikkinchi va uchinchi qismlari; 126-moddaning ikkinchi va uchinchi qismlari; 129-moddaning ikkinchi va uchinchi qismlari)”, “aybni ogʻirlashtiradigan holatlarda grajdanlarning shaxsiy mol-mulkiga tovlamachilik qilganlik (128-moddaning ikkinchi va uchinchi qismlari)” degan soʻzlar “aybni ogʻirlashtiradigan holatlarda qilingan oʻgʻirlik, talonchilik yoki firibgarlik (125-moddaning ikkinchi, uchinchi va toʻrtinchi qismlari; 126-moddaning ikkinchi, uchinchi va toʻrtinchi qismlari; 129-moddaning ikkinchi, uchinchi va toʻrtinchi qismlari); bosqinchilik (127-modda); tovlamachilik (128-moddaning ikkinchi, uchinchi va toʻrtinchi qismlari); oʻzganing mulkini oʻzlashtirish yoki rastrata qilish yoʻli bilan oʻgʻirlaganlik (130-moddaning uchinchi va toʻrtinchi qismlari); jinoiy yoʻl bilan qoʻlga kiritilgan mulkni olish yoki sotish (132-moddaning uchinchi qismi); aybni ogʻirlashtiradigan holatlarda sodir etilgan mulkni qasddan nobud qilganlik yoki unga zarar yetkazganlik (133-moddaning ikkinchi qismi)” degan soʻzlar bilan almashtirilsin; “pora olish (152-modda)” degan soʻzlardan keyin “sudyaga yoki xalq maslahatchisiga tan jarohati yetkazganlik (157³-moddaning uchinchi qismi); sudyaning yoki xalq maslahatchisining hayotiga tajovuz qilganlik (157⁴-modda); sudyani yoki xalq maslahatchisini qasddan oʻldirganlik (157⁵-modda); aybni ogʻirlashtiradigan holatlarda sudyaning yoki xalq maslahatchisining mulkiga qasddan zarar yetkazganlik yoki nobud qilganlik (157⁶-moddaning ikkinchi qismi)” degan soʻzlar bilan toʻldirilsin; “(175-moddaning “b” va “v” bandlari); militsiya xodimining hayotiga tajovuz qilganlik (194¹-modda); militsiya xodimini qasddan oʻldirganlik (194⁴-modda)” degan soʻzlar “(175-moddaning ikkinchi va uchinchi qismlari); prokurorning yoki militsiya xodimining hayotiga tajovuz qilganlik (194¹-modda); prokurorga yoki militsiya xodimiga tan jarohati yetkazganlik (194²-moddaning uchinchi qismi); prokurorni yoki militsiya xodimini qasddan oʻldirganlik (194⁴-modda); aybni ogʻirlashtiradigan holatlarda prokurorning yoki militsiya xodimining mulkiga qasddan zarar yetkazganlik yoki uni nobud qilganlik (194⁶-moddaning ikkinchi qismi)” degan soʻzlar bilan almashtirilsin.

39. 50-moddaning:

oltinchi qismidagi “(78-moddaning ikkinchi qismi)” degan soʻzlar “(78-moddaning uchinchi va toʻrtinchi qismlari, 78¹-moddaning ikkinchi qismi)” degan soʻzlar bilan almashtirilsin; “davlat yoki jamoat mulkini juda koʻp miqdorda talon-toroj qilganlik (119¹-modda), bosqinchilik bilan sodir etilgan talon-toroj bundan mustasnodir” degan soʻzlar “oʻzganing mulkini oʻzlashtirish yoki rastrata qilish yoʻli bilan oʻgʻirlaganlik (130-modda) bosqinchilik bilan sodir etilgan oʻgʻirlik bundan mustasnodir” degan soʻzlar bilan almashtirilsin; “153-moddaning ikkinchi qismi; 154-moddaning ikkinchi qismi;” degan soʻzlar “153-moddaning ikkinchi va uchinchi qismi; 154-moddaning ikkinchi va uchinchi qismlari” degan soʻzlar bilan almashtirilsin.

40. 50¹-moddaning:

3-bandida “davlat, kooperativ yoki jamoat mulkiga nisbatan aybni ogʻirlashtiradigan holatlarda tovlamachilik qilganlik (115¹-moddaning uchinchi qismi); davlat, jamoat mulkini yoki grajdanlarning shaxsiy mulkini egallab olish maqsadida aybni ogʻirlashtiradigan holatlarda bosqinchilik qilganlik (116-moddaning ikkinchi qismi; 127-moddaning ikkinchi va uchinchi qismlari); bosqinchilik yoʻli bilan davlat yoki jamoat mulkini juda koʻp miqdorda talon-toroj qilganlik (119¹-modda); aybni ogʻirlashtiradigan holatlarda oʻgʻirlik qilganlik (125-moddaning ikkinchi va uchinchi qismlari); aybni ogʻirlashtiradigan holatlarda grajdanlarning shaxsiy mulkiga nisbatan tovlamachilik qilganlik (128-moddaning uchinchi qismi); militsiya xodimi yoki xalq drujinachisi hayotiga ularning jamoat tartibini saqlash yuzasidan xizmat yoki jamoat faoliyati munosabati bilan tajovuz qilganlik (194¹-modda)” degan soʻzlar “oʻgʻirlik qilganlik (125-moddaning ikkinchi, uchinchi va toʻrtinchi qismlari); talonchilik qilganlik (126-moddaning ikkinchi, uchinchi va toʻrtinchi qismlari); bosqinchilik qilganlik (127-modda); aybni ogʻirlashtiradigan holatlarda tovlamachilik qilganlik (128-moddaning ikkinchi, uchinchi va toʻrtinchi qismlari); firibgarlik qilganlik (129-moddaning toʻrtinchi qismi); oʻzganing mulkini oʻzlashtirish yoki rastrata qilish yoʻli bilan talon-toroj qilganlik (130-moddaning toʻrtinchi qismi); sudyaga yoki xalq maslahatchisiga tan jarohati yetkazganlik (157³-moddaning uchinchi qismi); sudyaning yoki xalq maslahatchisining hayotiga tajovuz qilganlik (157⁴-modda); sudyani yoki xalq maslahatchisini qasddan oʻldirganlik 157⁵-modda); aybni ogʻirlashtiradigan holatlarda sudyaning yoki xalq maslahatchisining mulkiga qasddan zarar yetkazganlik yoki nobud qilganlik (156⁶-moddaning ikkinchi qismi); baland narxlarni sunʼiy ravishda keltirib chiqarish va saqlab turish (173²-moddaning uchinchi qismi); soxta tadbirkorlik (174-moddaning ikkinchi qismi); soxta korxona tuzishga koʻmaklashish yoki uning faoliyatida ishtirok etish (174¹-moddaning uchinchi qismi); prokurorning yoki militsiya xodimining hayotiga tajovuz qilganlik (194¹-modda); prokurorga yoki militsiya xodimiga tan jarohati yetkazganlik (194²-moddaning uchinchi qismi); prokurorni yoki militsiya xodimini qa�ddan oʻldirganlik (194⁴-modda); aybni ogʻirlashtiradigan holatlarda prokurorning yoki militsiya xodimining mulkiga qasddan zarar yetkazganlik yoki uni nobud qilganlik (194⁶-moddaning ikkinchi qismi)” degan soʻzlar bilan almashtirilsin.

41. 51-moddaning:

oltinchi qismi 2-bandidagi “davlat, jamoat mulkini yoki grajdanlarning shaxsiy mulkini egallab olish maqsadida aybni ogʻirlashtiradigan holatlarda qilingan bosqinchilik (116-moddaning ikkinchi qismi; 127-moddaning ikkinchi va uchinchi qismlari); militsiya xodimi yoki xalq drujinachisi hayotiga ularning jamoat tartibini saqlash yuzasidan xizmat yoki jamoat faoliyati munosabati bilan aybni ogʻirlashtiradigan holatlarda tajovuz qilganlik (194¹-modda)” degan soʻzlar “oʻgʻirlik qilganlik (125-moddaning uchinchi va toʻrtinchi qismlari); talonchilik qilganlik (126-moddaning uchinchi va toʻrtinchi qismlari); bosqinchilik qilganlik (127-moddaning uchinchi va toʻrtinchi qismlari); tovlamachilik qilganlik (128-moddaning uchinchi va toʻrtinchi qismlari); firibgarlik qilganlik (129-moddaning uchinchi va toʻrtinchi qismlari); jinoiy yoʻl bilan qoʻlga kiritilgai mulkni olish yoki sotish (132-moddaning ikkinchi va uchinchi qismlari); sudyaning yoki xalq maslahatchisining hayotiga tajovuz qilganlik (157⁴-modda); sudyani yoki xalq maslahatchisini qasddan oʻldirganlik (157⁵-modda); aybni ogʻirlashtiradigan holatlarda sudyaning yoki xalq maslahatchisining mulkiga qasddan zarar yetkazganlik yoki uni nobud qilganlik (157⁶-moddaning ikkinchi qismi); prokurorning yoki militsiya xodimining hayotiga tajovuz qilganlik (194¹-modda); prokurorni yoki militsiya xodimini qasddan oʻldirganlik (194⁴-modda); aybni ogʻirlashtiradigan holatlarda prokurorning yoki militsiya xodimining mulkiga qasddan zarar yetkazganlik yoki uni nobud qilganlik (194⁶-moddaning ikkinchi qismi)” degan soʻzlar bilan almashtirilsin.

42. 169-moddaning:

birinchi qismidagi “davlat yoki jamoat mulkini oʻgʻirlash, oʻzlashtirish yoki rastrata qilish, xizmat mansabini suiisteʼmol qilish va firibgarlik yoʻli bilan takroran yoki bir guruh shaxslar bilan oldindan til biriktirib talon-toroj qilish (114-moddaning ikkinchi qismi; 117-moddaning ikkinchi qismi; 118-moddaning ikkinchi qismi; 119-moddaning ikkinchi qismi); talonchilik qilish (115-moddaning birinchi qismi, 126-moddaning birinchi qismi); davlat, kooperativ yoki jamoat mulkiga nisbatan tovlamachilik qilish (115¹-moddaning birinchi qismi); bosqinchilik qilish (116-moddaning birinchi qismi; 127-moddaning birinchi qismi); fuqarolarning shaxsiy mulkini aybni ogʻirlashtiradigan holatlarda oʻgʻirlash (125-moddaning ikkinchi kismi); alohida xavfli retsidivist tomonidan qilingan yoki jabrlanuvchiga katta zarar yetkazgan holda qilingan firibgarlik (129-moddaning uchinchi qismi); davlat yoki jamoat mulkini yoxud fuqarolarning shaxsiy mulkini aybni ogʻirlashtiradigan holatlarda qasddan nobud qilish yoki unga zarar yetkazish (122-moddaning ikkinchi qismi; 133-moddaning ikkinchi qismi)” degan soʻzlarni oʻgʻirlash (125-moddaning ikkinchi qismi); talonchilik qilish (126-moddaning birinchi qismi); bosqinchilik qilish (127-moddaning birinchi qismi); tovlamachilik qilish (128-moddaning birinchi qismi); firibgarlik qilish (129-moddaning toʻrtinchi qismi); jinoiy yoʻl bilan qoʻlga kiritilgan mulkni olish yoki sotish (132-moddaning ikkinchi qismi); aybni ogʻirlashtiradigan holatlarda mulkni qasddan nobud qilish yoki unga zarar yetkazish (133-moddaning ikkinchi qismi)” degan soʻzlar bilan; “(175-moddaning “b” va “v” bandlari)” degan soʻzlar “(175-moddaning ikkinchi va uchinchi qismlari)” degan soʻzlar bilan almashtirilsin;

ikkinchi qismidagi “davlat yoki jamoat mulkini oʻgʻirlash, oʻzlashtirish yoki rastrata qilish, xizmat vazifasini suiisteʼmol qilish va firibgarlik yoʻli bilan koʻp yoki juda katta miqdorda talon-toroj qilish yoxud bu mulkning alohida xavfli retsidivist tomonidan talon-toroj qilinishi (114-moddaning uchinchi va toʻrtinchi qismlari; 117-moddaning uchinchi, 118-moddaning uchinchi, 119-moddaning uchinchi qismlari, 119¹-modda); aybni ogʻirlashtiradigan holatlarda talonchilik qilish (115-moddaning ikkinchi, uchinchi va toʻrtinchi qismlari; 126-moddaning ikkinchi, uchinchi va toʻrtinchi qismlari); davlat, kooperativ yoki jamoat mulkiga nisbatan aybni ogʻirlashtiradigan holatlarda tovlamachilik qilish (115¹-moddaning ikkinchi va uchinchi qismlari); aybni ogʻirlashtiradigan holatlarda bosqinchilik qilish (116-moddaning ikkinchi; 127-moddaning ikkinchi va uchinchi qismlar); fuqarolarning shaxsiy mulkini uyga kirib oʻgʻirlash yoki alohida xavfli retsidivist tomonidan sodir qilingan oʻgʻirlik (125-moddaning uchinchi va toʻrtinchi qismlari)”; aybni ogʻirlashtiradigan holatlarda grajdlarning shaxsiy mulkini tovlamachilik qilish (128-moddaning ikkinchi va uchinchi qismlari) degan soʻzlar “aybni ogʻirlashtiradigan holatlarda oʻgʻirlash (125-moddaning uchinchi va toʻrtinchi qismlari); aybni ogʻirlashtiradigan holatlarda talonchilik qilish (126-moddaning ikkinchi, uchinchi va toʻrtinchi qismlari); aybni ogʻirlashtiradigan holatlarda bosqinchilik qilish (127-moddaning ikkinchi, uchinchi va toʻrtinchi qismlari); aybni ogʻirlashtiradigan holatlarda tovlamachilik qilish (128-moddaning ikkinchi, uchinchi va toʻrtinchi qismlari); oʻzganing mulkini oʻzlashtirish yoki rastrata qilish yoʻli bilan talon-toroj qilish (130-moddaning ikkinchi, uchinchi va toʻrtinchi qismlari); jinoiy yoʻl bilan qoʻlga kiritilgan mulkni olish yoki sotish (132-moddaning ikkinchi va uchinchi qismlari)” degan soʻzlar bilan almashtirilsin, (153-moddaning ikkinchi qismi; 154-moddaning ikkinchi qismi); “militsiya xodimi yoki xalq drujinachisining hayotiga ularning jamoat tartibini saqlash yuzasidan xizmat yoki ijtimoiy faoliyati munosabati bilan tajovuz qilish (194¹-modda)” degan soʻzlar “153-moddaning ikkinchi va uchinchi qismlari; 154-moddaning ikkinchi va uchinchi qismlari); sudyaning yoki xalq maslahatchisining hayotiga tajovuz qilish (157⁴-modda); sudyani yoki xalq maslahatchisini qasddan oʻldirish (157⁵-modda); aybni ogʻirlashtiradigan holatlarda sudyaning yoki xalq maslahatchisining mulkiga qasddan zarar yetkazish yoki uni nobud qilish (157⁶-moddaning ikkinchi qismi); soxta tadbirkorlik (174-moddaning ikkinchi qismi); soxta korxona tuzishga koʻmaklashish yoki uning faoliyatida ishtirok etish (174¹-moddaning uchinchi qismi); “prokurorning yoki militsiya xodimining hayotiga tajovuz qilish (194¹-modda); prokurorni yoki militsiya xodimini qasddan oʻldirish (194⁴-modda); aybni ogʻirlashtiradigan holatlarda prokurorning yoki militsiya xodimining mulkiga qasddan zarar yetkazish yoki uni nobud qilish (194⁶-moddaning ikkinchi qismi)” degan soʻzlar bilan almashtirilsin.

43. 170-moddadagi:

“davlat yoki jamoat mulkini oʻgʻirlash, oʻzlashtirish yoki rastrata qilish, xizmat vazifasini suisteʼmol qilish va firibgarlik yoʻli bilan koʻp yoki juda katta miqdorda talon-toroj qilish yoxud bu mulkning alohida xavfli retsidivist tomonidan talon-toroj qilinishi (114-moddaning uchinchi va toʻrtinchi qismlari; 117-moddaning uchinchi qismi; 118-moddaning uchinchi kismi; 119-moddaning uchinchi qismi; 119¹-modda)”; “aybni ogʻirlashtiradigan holatlarda talonchilik qilish (115-moddaning uchinchi va toʻrtinchi qismlari; 126-moddaning uchinchi va toʻrtinchi qismlari); aybni ogʻirlashtiradigan holatlarda davlat, kooperativ yoki jamoat mulkiga nisbatan tovlamachilik qilish (115¹-moddaning ikkinchi va uchinchi qismlari); aybni ogʻirlashtiradigan holatlarda bosqinchilik qilish (116-moddaning ikkinchi qismi; 127-moddaning ikkinchi va uchinchi qismlari); grajdanlar shaxsiy mulkining alohida xavfli retsidivist tomonidan oʻgʻirlanishi (125-moddaning toʻrtinchi qismi); aybni ogʻirlashtiradigan holatlarda grajdanlarning shaxsiy mulkiga tovlamachilik qilish (128-moddaning ikkinchi va uchinchi qismlari)” degan soʻzlar “oʻgʻirlash (125-moddaning uchinchi, toʻrtinchi qismlari); aybni ogʻirlashtiradigan holatlarda talonchilik qilish (126-moddaning uchinchi va toʻrtinchi qismlari); aybni ogʻirlashtiradigan holatlarda bosqinchilik qilish (127-moddaning uchinchi va toʻrtinchi qismlari aybni ogʻirlashtiradigan holatlarda tovlamachilik qilish (128-moddaning uchinchi va toʻrtinchi qismlari); firibgarlik qilish (129-moddaning uchinchi va toʻrtinchi qismlari); aybni ogʻirlashtiradigan holatlarda oʻzganing mulkini oʻzlashtirish yoki rastrata qilish yoʻli bilan talon-toroj qilish (130-moddaning toʻrtinchi qismi); jinoiy yoʻl bilan qoʻlga kiritilgan mulkni olish yoki sotish (132-moddaning uchinchi qismi)” degan soʻzlar bilan almashtirilsin, (153-moddaning ikkinchi qismi; 154-moddaning ikkinchi qismi); militsiya xodimi yoki xalq drujinachisining hayotiga ularning jamoat tartibini saqlash yuzasidan xizmat yoki ijtimoiy faoliyati munosabati bilan tajovuz qilish (194¹-modda)” degan soʻzlar (153-moddaning ikkinchi va uchinchi qismlari; 154-moddalarning ikkinchi va uchinchi qismlari); sudyaning yoki xalq maslahatchisining hayotiga tajovuz qilish (157⁴-modda); sudyani yoki xalq maslahatchisini qasddan oʻldirish (157⁵-modda); sudyaning yoki xalq maslahatchisining mulkiga qasddan zarar yetkazish yoki uni nobud qilish (157⁶-modda.); soxta tadbirkorlik (174-moddaning ikkinchi qismi); soxta korxona tuzishga koʻmaklashish yoki uning faoliyatida ishtirok etish (174¹-moddaning uchinchi qismi) prokurorning yoki militsiya xodimining hayotiga tajovuz qilish (194¹-modda); prokurorni yoki militsiya xodimini qasddan oʻldirish (194⁴-modda); prokurorning yoki militsiya xodimining mulkiga qasddan zarar yetkazish yoki uni nobud qilish (194⁶-moddaning ikkinchi qismi)” degan soʻzlar bilan almashtirilsin.

II. 1959-yil 21-may kuni qabul qilingan Oʻzbekiston Respublikasi Qonuni bilan tasdiqlangan Oʻzbekiston Respublikasining Jinoyat-protsessual kodeksiga (Oʻzbekiston Respublikasi Oliy Sovetining Vedomostlari, 1959-yil, № 6, 3-modda) quyidagi oʻzgartishlar va qoʻshimchalar kiritilsin:

1. 97-modda quyidagi mazmunda boʻlgan 8-band bilan toʻldirilsin:

“8) Davlat bojxona qoʻmitasining idoralari — kontrabanda hamda Oʻzbekiston Respublikasidan tashqariga tovar-moddiy boyliklarni gʻayriqonuniy yoʻl bilan olib chiqib ketilayotganligi toʻgʻrisidagi ishlar boʻyicha”.

2. 108-moddaning:

birinchi qismidagi “130” raqami “130¹” raqami bilan, “132-moddaning “a” va “b” bandlarida” degan soʻzlar “132-moddaning birinchi va ikkinchi qismlari” degan soʻzlar bilan almashtirilsin; “114¹”, “120” raqamlari, “122-moddaning birinchi qismi” degan soʻzlar chiqarib tashlansin;

uchinchi qismi “124” raqamidan keyin “130-moddaning uchinchi va toʻrtinchi qismlarida” degan soʻzlar bilan toʻldirilsin; “171—173” raqamlaridan keyin “173²-moddaning uchinchi qismida; 174, 174¹, 174²” degan soʻzlar bilan, “191⁸” raqamidan keyin “191⁹” raqami bilan toʻldirilsin;

toʻrtinchi qismidagi “129, 132-moddaning “v” bandida” degan soʻzlar “129, 130-moddaning birinchi va ikkinchi qismlarida, 132-moddaning uchinchi qismida” degan soʻzlar bilan almashtirilsin; “167” raqamidan keyin “173²-moddaning birinchi va ikkinchi qismlarida” degan soʻzlar bilan toʻldirilsin; toʻrtinchi qismidan “114, 114², 115, 115¹, 116, 119, 121, 122-moddaning ikkinchi qismi” degan soʻzlar chiqarib tashlansin;

beshinchi qismidagi “78, 117, 118, 119¹-moddalarida nazarda tutilgan” degan soʻzlar “78, 78¹-moddalarida nazarda tutilgan” degan soʻzlar bilan almashtirilsin.

3. 198-moddaning birinchi qismidagi “157⁴” raqami “157⁸” raqami bilan, “194¹” raqami “194¹—194⁶” raqamlari bilan almashtirilsin.

4. 199-moddaning birinchi qismidagi “157⁴” raqami “157⁸” raqami bilan almashtirilsin, “194¹” raqami “194¹—194⁶” raqamlari bilan almashtirilsin.

III. 1985-yil 13-dekabrda qabul qilingan Oʻzbekiston Respublikasi Qonuni bilan tasdiqlangan Oʻzbekiston Respublikasining Maʼmuriy xuquqbuzarliklar toʻgʻrisidagi kodeksiga (Oʻzbekiston Respublikasi Oliy Sovetining Vedomostlari, 1985-yil, № 35, 411-modda) quyidagi qoʻshimchalar va oʻzgartishlar kiritilsin:

1. 56-moddaning sarlavhasi va tavsif qismi quyidagi tahrirda bayon etilsin:

Mulkchilik shaklidan qatʼi nazar korxona, muassasa va tashkilotning mulkiga nisbatan mayda oʻgʻirlik qilish —”

2. Kodeks quyidagi mazmundagi 166³ va 222¹-moddalar bilan toʻldirilsin:

Mahalliy davlat korxonalari ishlab chiqargan spirtli ichimliklar, oziq-ovqat mahsulotlari va sanoat mollarini, shuningdek chet elda ishlab chiqarilgan mahsulot va mollarni molning sifatini hamda ishlab chiqarish belgisini tasdiqlovchi hujjatlarsiz xoʻjalik yurituvchi subyektlar tomonidan sotish, shuningdek sotish maqsadida olish —

spirtli ichimliklar, oziq-ovqat mahsulotlari va sanoat mollari musodara qilinib eng kam oylik ish haqining oʻn hissasidan yigirma hissasigacha miqdorda jarima solinishiga sabab boʻladi.

Oʻsha harakatlar maʼmuriy jazo chorasi qoʻllanilganidan keyin bir yil mobaynida takroran sodir etilganda —

spirtli ichimliklar, oziq-ovqat mahsulotlari va sanoat mollari musodara qilinib eng kam oylik ish haqining yigirma hissasidan qirq hissasigacha miqdorda jarima solinishiga sabab boʻladi”.

Maxsus diniy taʼlimga ega boʻlmay turib hamda diniy boshqarma, markazining ijozatini olmay, diniy taʼlim berish, shuningdek xususiy tartibda diniy taʼlim berish —

eng kam oylik ish haqining besh hissasigacha boʻlgan miqdorda jarima solinishiga sabab boʻladi”.

3. Belgilab qoʻyilsinki, 166³-moddada nazarda tutilgan maʼmuriy huquqbuzarliklarga doir bayonnomalar ichki ishlar idoralarining vakolat berilgan mansabdor shaxslari tomonidan tuziladi.

4. 228-moddaning birinchi qismi “166¹” raqamidan keyin “166³” raqami bilan, “222” raqamidan keyin “222¹” raqami bilan toʻldirilsin.

5. 229-modda “195—199” raqamlaridan keyin “222¹” raqami bilan toʻldirilsin.

6. 321-moddaning ikkinchi xatboshisi “156” raqamidan keyin “166³” raqami bilan toʻldirilsin.

7. 173-moddaning birinchi qismidagi “yigirma besh soʻmdan oshmasa” degan soʻzlar “eng kam oylik ish haqidan oshmasa” degan soʻzlar bilan almashtirilsin.

8. 188⁴-moddaning sarlavhasi va tavsif qismi quyidagi tahrirda bayon etilsin:

Fuqarolarning belgilangan tartibda taqiqlangan har qanday birlashmalarni tuzishga qaratilgan harakatlar qilishi, shuningdek ularning faoliyatida faol ishtirok etishi”.

IV. 1963-yil 23-mart Qonuni bilan tasdiqlangan Oʻzbekiston Respublikasining Grajdanlik kodeksiga (Oʻzbekiston Respublikasi Oliy Sovetining Vedomostlari, 1963-yil, № 9, 30-modda) quyidagi oʻzgartishlar va qoʻshimchalar kiritilsin:

1. 200-moddaning birinchi qismi “depozitiga” degan soʻzlardan keyin “yoki Oʻzbekiston Respublikasining qonunlarida nazarda tutilgan hollarda bankka” degan soʻzlar bilan toʻldirilsin;

2. 204-modda quyidagi tahrirda bayon etilsin:

Garov tufayli kreditor (garovga oluvchi) qarzdor majburiyatlarini bajarmagan taqdirda garovga qoʻyuvchi garovga qoʻygan mol-mulk qiymatidan taʼminlanish huquqiga egadir.

Garov bilan bogʻliq huquqiy munosabatlar Oʻzbekiston Respublikasining “Garov toʻgʻrisida”gi Qonuni va boshqa qonun xujjatlari bilan tartibga solinadi”;

3. 205—215-moddalar chiqarib tashlansin.

V. Oʻzbekiston Respublikasining 1963-yil 23-mart Qonuni bilan tasdiqlangan Oʻzbekiston Respublikasining Grajdanlik-protsessual kodeksiga (Oʻzbekiston Respublikasi Oliy Sovetining Vedomostlari, 1963-yil, № 9, 31-modda) quyidagi oʻzgartishlar va qoʻshimchalar kiritilsin:

455-modda quyidagicha mazmundagi ikkinchi qism bilan toʻldirilsin:

“Undirish garov narsasiga qaratilganda garovga oluvchining talablarini qondirishga boshqa kreditorlarga nisbatan ustunlik beriladi. Oʻzbekiston Respublikasining qonunlarida nazarda tutilgan istisnolar bundan mustasno”;

ushbu moddaning ikkinchi qismi uchinchi qism deb hisoblansin.

VI. 1992-yil 9-dekabrda qabul qilingan “Prokuratura toʻgʻrisida”gi Oʻzbekiston Respublikasi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 29-modda) 39-moddasining birinchi qismi uchinchi xatboshisidagi “rayosatlari sud hayʼatlari ishni kassatsiya tartibida qarab chiqib, qabul qilgan qarorlariga” degan soʻzlar “sud xayʼatlari ishni kassatsiya tartibida qarab chiqib, qabul qilgan ajrimlariga” degan soʻzlar bilan almashtirilsin.

VII. 1992-yil 3-iyulda qabul qilingan “Umumiy harbiy majburiyat va harbiy xizmat toʻgʻrisida”gi Oʻzbekiston Respublikasi Qonuni (Oʻzbekiston Respublikasi Oliy Kengashining Axborotnomasi, 1992-yil, № 10, 401-modda) 17-moddasi 1-bandining toʻrtinchi xatboshisi quyidagi tahrirda bayon etilsin:

“Oʻrta umumiy taʼlim, hunar texnika bilim yurtlari, kunduzgi diniy oʻrta oʻquv yurtlarida tahsil koʻrayotgan chaqiriluvchilarning chaqirish muddati — toʻliq umumiy taʼlim olgunlariga qadar, lekin koʻpi bilan 21 yoshgacha, ishlab chiqarishdan ajralgan holda oliy oʻquv yurtlarida taʼlim olayotgan studentlarga hamda kunduzgi diniy oliy oʻquv yurtlarida tahsil koʻrayotgan fuqarolarga chaqirish muddati — oʻquv yurtini bitirgunlariga qadar taʼlim olishni davom ettirishlari maqsadida uzaytiriladi”.

VIII. 1991-yil 15-fevralda qabul qilingan “Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (Oʻzbekiston Respublikasi Oliy Kengashining Axborotnomasi, 1991-yil, № 4, 86-modda)ning 9-moddasi quyidagi mazmunda boʻlgan ikkinchi qism bilan toʻldirilsin:

“Diniy tashkilotlarning moliyaviy va mulkiy xayriyalariga soliq solinmaydi”.