Belgilarni xalqaro ro‘yxatdan o‘tkazish to‘g‘risidagi Madrid bitimiga doir Bayonnomaga (Madrid, 1989-yil 27-iyun) quyidagi shartlar inobatga olingan holda qo‘shilinsin:

1) Bayonnomaning 5 (2) (b) moddasiga taalluqli: “O‘zbekiston Respublikasi xalqaro ro‘yxatdan o‘tgan belgini muhofaza bilan ta’minlashni rad etishi to‘g‘risida Xalqaro byuroning belgini Bayonnomaning 3ter moddasiga muvofiq muhofaza qilish O‘zbekiston Respublikasida qo‘llanilishi haqidagi bildirishnomasi olingan sanadan boshlab 18 oydan kechiktirmasdan Xalqaro byuroga ma’lum qiladi”;

2) Bayonnomaning 8 (7) (a) moddasiga taalluqli: “O‘zbekiston Respublikasida Bayonnomaning 8-moddasida nazarda tutilgan qo‘shimcha va qo‘shilgan bojlardan ajratmaning bir qismi o‘rniga talabnoma beruvchidan yoki xalqaro ro‘yxatdan o‘tkazilgan belgining egasidan belgini muhofaza qilishga taalluqli bo‘lganlik yoki xalqaro ro‘yxatdan o‘tganlik muddatini uzaytirish to‘g‘risida xalqaro talabnoma berganlik uchun yakka tartibda boj belgilanadi va undiriladi”.