|
Ҳужжат кучини йўқотган " " 06.03.1997
|
Ўзбекистон Республикаси Вазирлар Маҳкамасининг
қарори
Олдинги таҳрирга қаранг.
ҚИШЛОҚ ХЎЖАЛИГИ КОРХОНАЛАРИ МОЛ-МУЛКИНИНГ
ДАВЛАТ МАЖБУРИЙ СУҒУРТАСИ ТЎҒРИСИДА
ДАВЛАТ МАЖБУРИЙ СУҒУРТАСИ ТЎҒРИСИДА
(қарорнинг номи Ўзбекистон Республикаси Вазирлар Маҳкамасининг 1995 йил 4 апрелдаги 116-сон қарори таҳририда)
LexUZ шарҳиМазкур қарор Ўзбекистон Республикаси Вазирлар Mаҳкамасининг 1997 йил 6 мартдаги 125-сон «Ўзагросуғурта» давлат-акциядорлик суғурта компанияси фаолиятини ташкил этиш масалалари тўғрисида»ги қарорига мувофиқ ўз кучини йўқотган.
Олдинги таҳрирга қаранг.
«Суғурта тўғрисида»ги Ўзбекистон Республикасининг Қонунига мувофиқ ҳамда қишлоқ хўжалиги корхоналари мол-мулкини табиий офатлар ва бошқа қутилмаган ҳодисалар оқибатидан кўпроқ даражада суғуртавий ҳимоя қилишни таъминлаш мақсадида Вазирлар Маҳкамаси қарор қилади:
(қарорнинг муқаддимаси Ўзбекистон Республикаси Вазирлар Маҳкамасининг 1995 йил 4 апрелдаги 116-сон қарори таҳририда)
1. 1994 йилнинг 1 январидан бошлаб хўжаликлараро ташкилотлар ва Ўзбекистон Республикасининг барча вазирликлари ва идораларининг қишлоқ хўжалиги корхоналари мол-мулкининг давлат мажбурий суғуртаси жорий қилинсин.
Белгилаб қўйилсинки, хўжаликлараро ташкилотлар, қишлоқ хўжалиги корхоналари мол-мулкининг давлат мажбурий суғуртаси Ўзбекистон Республикаси давлат суғурта органлари томонидан ўтказилади.
(1-банд Ўзбекистон Республикаси Вазирлар Маҳкамасининг 1995 йил 4 апрелдаги 116-сон қарори таҳририда)
2. Белгилаб қўйилсинки:
Олдинги таҳрирга қаранг.
қишлоқ хўжалиги экинлари ҳосили (боғлар ва узумзорлар ҳосилидан ташқари) қурғоқчилик, иссиқлик етишмаслиги, ортиқча намгарчилик, зах босиб чириш, аёз, совуқ уриши, дўл, жала, бўрон, довул, сув тошқини, сувсизлик ёки суғориш манбаларида сувнинг камайиб кетиши, мазкур жой учун хос бўлмаган об-ҳаво ёки бошқа табиий шароитлар натижасида, шунингдек, ўсимликлар касалликлари, зараркунандалари ҳамда ёнғин туфайли нобуд бўлиши ёхуд зарарланиши ҳодисасидан;
(2-банднинг иккинчи хатбошиси Ўзбекистон Республикаси Вазирлар Маҳкамасининг 1995 йил 4 апрелдаги 116-сон қарори таҳририда)
6 ойлик ва ундан катта ёшдаги қорамоллар, қўй ва эчкилар, 4 ойлик ва ундан катта ёшдаги чўчқалар, 1 ёшлик ва ундан катта ёшдаги йилқилар, туялар, хачирлар, эшаклар — табиий офатлар, юқумли касалликлар, электр токи уриши ва ёнғин натижасида нобуд бўлиш (ҳаром ўлиш, мажбуран сўйиш ёки йўқ қилиш) ҳодисасидан давлат мажбурий суғуртасидан ўтказилиши керак. Наслдорлик гувоҳномаси бўлган ҳайвонлар юқумли касалликлар ва бошқа кўнгилсиз воқеалар туфайли нобуд бўлиш ҳодисасидан ҳам суғурта қилинган ҳисобланади;
6 ойлик ва ундан катта ёшдаги уй паррандалари, мўйнали ҳайвонлар, 4 ойлик ва ундан катта ёшдаги қуёнлар ҳамда асалари оилалари — табиий офатлар, юқумли касалликлар ва ёнғиндан нобуд бўлиш (ҳаром ўлиш, мажбуран сўйиш ёки йўқ қилиш) ҳодисасидан;
бинолар, иншоотлар, кўп йиллик дов-дарахтлар, балиқ овлаш ва транспорт кемалари, бошқа мулклар—сув тошқини, бўрон, довул, жала, дўл, одатдагидан кўра кўп қор ёғиши, ўпирилиш, кўчки, ер ости сувлари таъсир қилиши, сел, яшин уриши, зилзила, ер чўкиши, ёнғин, портлаш ва фалокатлар натижасида вайрон бўлиш ёки шикастланиш ҳодисасидан, қурғоқчилик, аёз, ўсимликлар касалликлари ҳамда зараркунандалари туфайли нобуд бўлиши ҳодисасидан, пўртана, туман, муз қатлами натижасида зарарланиш, саёзликка ботиб қолиш ҳодисасидан давлат мажбурий суғуртасидан ўтказилиши керак.
3. Ҳар бир қишлоқ хўжалиги корхонаси учун суғурта тўловлари қишлоқ хўжалиги корхоналарининг ҳисобга олиш ва ҳисобот маълумотлари асосида давлат суғурта органлари томонидан бир йилда икки марта ҳисоблаб чиқилади ва қуйидаги муддатларда тўланади:
30 фоизи — 1 июнгача
30 фоизи — 1 сентябргача
40 фоизи — 1 ноябргача
Тўлаш муддати ўтказиб юборилганда кечиктирилган ҳар бир кун учун 0,05 фоиз миқдорида жарима (пеня) ундириб олинади.
(3-банднинг биринчи хатбошиси Ўзбекистон Республикаси Вазирлар Маҳкамасининг 1995 йил 4 апрелдаги 116-сон қарори таҳририда)
Олдинги таҳрирга қаранг.
4. Қишлоқ хўжалиги корхоналари мол-мулкининг давлат мажбурий суғуртасига доир суғурта тўловлари ставкаларининг миқдори 1-иловага мувофиқ тасдиқлансин.
(4-банд Ўзбекистон Республикаси Вазирлар Маҳкамасининг 1995 йил 4 апрелдаги 116-сон қарори таҳририда)
5. Мол-мулкнинг муайян тури бўйича уч йил мобайнида суғурта қопламаси тўланмаган қишлоқ хўжалиги корхоналарига суғурта тўловлари бўйича 10 фоиз, тўрт йил мобайнида тўланмаган бўлса — 20 фоиз, беш ва ундан ортиқ йил давомида тўланмаган бўлса — 30 фоиз миқдорида имтиёзлар берилсин.
6. Қишлоқ хўжалиги корхоналари мол-мулкини суғурта қилиш бўйича Республика захира жамғармаси қуйидагилар ҳисобидан ҳосил қилинсин:
қишлоқ хўжалиги корхоналари мол-мулкининг давлат мажбурий суғуртасига доир тўловлардан 10 фоиз миқдоридаги ажратмалар;
қишлоқ хўжалиги корхоналари мол-мулкининг давлат мажбурий суғуртаси бўйича даромадларнинг харажатлардан ортиқ бўлган қисми.
Белгилаб қўйилсинки, захира жамғармаси маблағлари республика давлат суғурта Бош бошқармасининг махсус ҳисобида сақланади ва қишлоқ хўжалиги корхоналарига суғурта қопламаси тўлаш учун маблағлар етишмаганда ундан фойдаланилади.
(6-банд Ўзбекистон Республикаси Вазирлар Маҳкамасининг 1995 йил 4 апрелдаги 116-сон қарори таҳририда)
7. Қишлоқ хўжалиги корхоналари мол-мулкининг давлат мажбурий суғуртасига оид тўловлардан ажратмалар қуйидаги миқдорларда белгилансин:
суғурта қилиниши керак бўлган қишлоқ хўжалиги экинлари, ҳайвонлари ва бошқа мулкнинг нобуд бўлиши ва зарарланишининг олдини олиш тадбирлари учун — 1 фоиз;
давлат суғурта органлари ишини юритиш, оммавий-тушунтириш ишларини олиб бориш ва қишлоқ хўжалиги корхоналари мол-мулкининг суғуртасини ўтказиш бўйича бошқа харажатлар учун — 4 фоиз.
8. Ўзбекистон Республикаси Молия вазирлиги икки ҳафта муддатда ушбу қарорни қўлланиш бўйича Йўриқномани ҳамда суғурталанган мол-мулкнинг нобуд бўлиши ва шикастланишининг олдини олиш тадбирлари рўйхатини ишлаб чиқсин ва тасдиқласин.
9. 2-иловага мувофиқ норматив ҳужжатлар ўз кучини йўқотган деб ҳисоблансин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б. С. Ҳамидов зиммасига юклатилсин.
Ўзбекистон Республикасининг Бош вазири А. МУТАЛОВ
Тошкент ш.,
1993 йил 23 декабрь,
608-сон
Олдинги таҳрирга қаранг.
қишлоқ хўжалиги корхоналари мол-мулкининг давлат мажбурий
суғуртасига доир суғурта тўловлари ставкалари миқдори
суғуртасига доир суғурта тўловлари ставкалари миқдори
(илованинг номи Ўзбекистон Республикаси Вазирлар Маҳкамасининг 1995 йил 4 апрелдаги 116-сон қарори таҳририда)
Олдинги таҳрирга қаранг.
|
I. Қишлоқ хўжалиги экинлари ҳосилининг суғурта бўйича: | |
| |
(қийматига нисбатан фоизлари) |
|
кузги дон экинлари | |
| Қорақалпоғистон Республикасида, Андижон, Наманган вилоятларида | — 4,0 |
| Бухоро, Навоий вилоятларида | — 6,0 |
| Жиззах, Тошкент вилоятларида | — 7,0 |
| Қашқадарё, Самарқанд, Сирдарё вилоятларида | — 9,0 |
| қолган вилоятларда | — 10,0 |
|
баҳорги дон ва дуккакли дон экинлари (шолидан ташқари): | |
| Андижон, Жиззах, Наманган, Сирдарё, Хоразм вилоятларида | — 6,0 |
| Қашқадарё, Сурходарё, Фарғона вилоятларида | — 8,0 |
| Қорақалпоғистон Республикаси ва қолган вилоятларда | — 10,0 |
|
шоли: | |
| Жиззах, Қашқадарё, Сирдарё вилоятларида | — 2,0 |
| Қорақалпоғистон Республикасида, Хоразм вилоятида | — 3,0 |
| Андижон, Наманган, Тошкент вилоятларида | — 5,0 |
| Сурхондарё вилоятида | — 7,0 |
| қолган вилоятларда | — 8,0 |
|
ғўза (техника экинларидан ташқари): | |
| Фарғона вилоятида | — 1,8 |
| Бухоро вилоятида | — 2,8 |
| Навоий, Сурхондарё, Тошкент вилоятларида | — 4,0 |
| Қорақалпоғистон Республикасида, Сирдарё, Хоразм вилоятларида | — 5,0 |
| Жиззах вилоятида | — 6,0 |
| Самарқанд вилоятида | — 9,0 |
| қолган вилоятларда | — 3,0 |
|
техника экинлари: | |
| Қорақалпоғистон Республикасида, Самарқанд, Сурхондарё вилоятларида | — 1,0 |
| Наманган вилоятида | — 2,0 |
| Навоий вилоятида | — 3,0 |
| Фарғона, Хоразм вилоятларида | — 9,0 |
| қолган вилоятларда | — 4,0 |
|
картошка, сабзоват ва полиз экинлари ҳамда уларнинг уруғлари (ёпиқ жойда ўстириладиган экинлардан ташқари): | |
| Наманган, Сурхондарё вилоятларида | — 5,0 |
| Жиззах, Самарқанд вилоятларида | — 7,0 |
| Қорақалпоғистон Республикасида, Бухоро, Тошкент, Фарғона вилоятларида | — 9,0 |
| қолган вилоятларда | — 6,0 |
|
ёпиқ жойда ўстириладиган экинлар: | |
| Хоразм вилоятида | — 2,0 |
| Жиззах, Қашқадарё, Тошкент вилоятларида | — 4,0 |
| қолган вилоятларда | — 1,0 |
|
озуқабоп экинлар ва уларнинг уруғлари (силос, кўк озуқа учун етиштириладиган маккажўхоридан ҳамда силосбоп экинлардан ташқари): | |
| Бухоро, Қашқадарё, Навоий, Сурхондарё вилоятларида | — 4,0 |
| қолган вилоятларда | — 3,0 |
|
силос, кўк озуқа учун етиштириладиган маккажўхори ва силосбоп экинлар: | |
| Жиззах, Наманган вилоятларида | — 3,0 |
| Андижон, Сурхондарё, Сирдарё вилоятларида | — 5,0 |
| Қашқадарё вилоятида | — 6,0 |
| Хоразм вилоятида | — 8,0 |
| Бухоро, Навоий вилоятларида | — 10,0 |
| Қорақалпоғистон Республикасида | — 11,0 |
| қолган вилоятларда | — 7,0 |
| кўчатхоналар бўйича — ҳамма ерда | — 2,0 фоиз |
|
II. Қишлоқ хўжалиги ҳайвонлари, уй паррандалари, қуёнлар, мўйнали ҳайвонлар, асалари оилалари суғурта бўйича — уларнинг шу йилнинг 1 январидаги балансда бўлган (йўқлама қилиш) тўлиқ нархига нисбатан қуйидаги фоизларда (иш ҳайвонларини суғурта қилишда — амортизацияни ҳисобга олган ҳолда): | |
|
қорамол: | |
| Андижон, Хоразм вилоятларида | — 1,0 |
| Қорақалпоғистон Республикасида, қолган вилоятларда | — 0,5 |
|
чўчқалар: | |
| Андижон, Хоразм вилоятларида | — 1,0 |
| Қорақалпоғистон Республикасида, Наманган, Фарғона вилоятларида | — 0,5 |
| қолган вилоятларда | — 0,3 |
|
қўй ва эчкилар: | |
| Қорақалпоғистон Республикасида, Бухоро, Жиззах, Навоий вилоятларида | — 3,0 |
| Андижон, Наманган вилоятларида | — 2,0 |
|
йилқилар: | |
| Андижон, Хоразм вилоятлари | — 1,0 |
| Қорақалпоғистон Республикасида, Жиззах, Наманган, Сирдарё, Фарғона вилоятларида | — 0,5 |
| қолган вилоятларда | — 0,3 |
|
туя, эшак ва хачирлар: | |
| Қорақалпоғистон Республикасида, Сурхондарё, Фарғона, Хоразм вилоятлари | — 0,5 |
| қолган вилоятларда | — 0,3 |
|
уй паррандалари: | |
| Қашқадарё, Сирдарё, Тошкент вилоятларида | — 0,5 |
| Фарғона, Хоразм вилоятларида | — 2,0 |
| Қорақалпоғистон Республикасида ва қолган вилоятларда | — 1,0 |
|
асалари оилалари: | |
| Қорақалпоғистон Республикасида, Андижон, Тошкент, Фарғона, Хоразм вилоятларида | — 2,0 |
| Сурхондарё, Сирдарё вилоятларида | — 1,0 |
| қолган вилоятларида | — 0,5 |
|
мўйнали ҳайвонлар ва қуёнлар: | |
| Тошкент, Хоразм вилоятларида | — 2,0 |
| Қорақалпоғистон Республикасида ва қолган вилоятларда | — 1,0 |
|
III. Бинолар, иншоотлар ва бошқа мол-мулк суғуртаси бўйича — амортизацияни ҳисобга олган ҳолда уларнинг шу йилнинг 1 январидаги балансдаги (йўқлама қилиш) тўлиқ нархига нисбатан, маҳсулот, хом ашё в материаллар суғурта бўйича эса — уларнинг балансдаги (йўқлама қилиш) тўлиқ нархига нисбатан қуйидаги фоизларда: | |
|
бинолар, иншоотлар, узатиш қурилмалари, куч, иш машиналари ва бошқа машиналар, транспорт воситалари, асбоб-ускуналар ҳамда анжомлар: | |
| Бухоро, Сурхондарё вилоятларида | — 1,0 |
| Қорақалпоғистон Республикасида, Қашқадарё, Навоий, Тошкент вилоятларида | — 0,4 |
| Жиззах, Самарқанд вилоятларида | — 0,2 |
| қолган вилоятларда | — 0,3 |
|
маҳсулот, хом ашё ва материаллар: | |
| Қорақалпоғистон Республикасида, Хоразм вилоятида | — 0,6 |
| Бухоро, Навоий, Қашқадарё, Самарқанд вилоятларида | — 0,5 |
| қолган вилоятларда | — 0,4 |
|
кўп йиллик дов-дарахтлар: | |
| Қорақалпоғситон Республикасида, Бухоро, Қашқадарё, Сурхондарё вилоятларида | — 1,0 |
| Андижон, Наманган, Самарқанд, Фарғона, Хоразм вилоятларида | — 0,5 |
| қолган вилоятларда | — 0,3 |
| Ов, транспорт кемалари ва бошқа кемалар, ов қуроллари суғуртаси бўйича ҳамма ерда | — 0,4 |
(1-илова Ўзбекистон Республикаси Вазирлар Маҳкамасининг 1995 йил 21 августдаги 329-сон қарори таҳририда)
Ўз кучини йўқотган норматив ҳужжатлар
РЎЙХАТИ
1. Ўзбекистон Компартияси Марказий Комитети ва Ўзбекистон ССР Министрлар Советининг КПСС МК ва СССР Министрлар Советининг «Табиий офатлар ва бошқа ноқулай об-ҳаво шароитлари натижасида совхозлар ва бошқа давлат қишлоқ хўжалиги корхоналари кўрган зарарни қоплаш тартибини такомиллаштириш тўғрисида» 1978 йил 1 июндаги 499-сон қарори юзасидан 1978 йил 12 июлдаги 397-сон қарори;
2. Ўзбекистон ССР Министрлар Советининг «Колхозлар, совхозлар ва бошқа давлат корхоналарининг мулкини давлат мажбурий суғуртасидан ўтказишга оид қўшимча чора тадбирлар тўғрисида» 1978 йил 10 октябрдаги 596-сон қарори;
3. Ўзбекистон ССР Министрлар Советининг «Ўзбекистон ССР Министрлар Советининг 1978 йил 10 октябрдаги 596-сон қарори билан тасдиқланган, суғурта қилиниши керак бўлган қишлоқ хўжалиги экинлари ва ҳайвонлар, бинолар, иншоотлар, мол-мулкнинг нобуд бўлиши ва зарарланишининг олдини олиш бўйича тадбирлари рўйхатини тўлдириш ва ўзгартириш тўғрисида» 1979 йил 13 сентябрдаги 648-сон қарори;
4. Ўзбекистон ССР Министрлар Советининг СССР Министрлар Советининг «Колхозлар, шунингдек, совхозлар ва СССР Давлат агросаноат комитети системасидаги бошқа давлат қишлоқ хўжалиги корхоналари мол-мулкининг давлат мажбурий суғуртаси бўйича тўловлардан ажратмалар миқдорини ўзгартириш тўғрисида» 1980 йил 6 ноябрдаги 995-сон қарори юзасидан 1980 йил 19 ноябрдаги 776-сон қарори (ЎзССР ҚТ, 1980 й., 11-сон, 41-модда);
5. Ўзбекистон ССР Министрлар Советининг «Суғурта тўловларидан ажратмалар ҳисобидан маблағ билан таъминланадиган суғурта қилиниши керак бўлган қишлоқ хўжалиги экинлари ва ҳайвонлар, бинолар, иншоотлар ва бошқа мол-мулкнинг нобуд бўлиши ҳамда зарарланишининг олдини олиш тадбирларининг рўйхатини қисман ўзгартириш тўғрисида» 1986 йил 14 апрелдаги 190-сон қарори;
6. Ўзбекистон ССР Министрлар Советининг «Колхозларнинг мол-мулкларини давлат мажбурий суғуртасидан ўтказиш тўғрисида» 1990 йил 17 октябрдаги 334-сон қарори;
7. Ўзбекистон ССЖ Президенти ҳузуридаги Вазирлар Маҳкамасининг «Колхозлар, совхозлар ва бошқа давлат қишлоқ хўжалиги корхоналари мол-мулкининг давлат мажбурий суғуртаси бўйича тўловлар ставкаларининг миқдорлари ва тўлаш муддатлари тўғрисида» 1991 йил 10 январдаги 2-сон қарори;
8. Ўзбекистон Республикаси Президенти ҳузуридаги Вазирлар Маҳкамасининг «Республикада деҳқон (фермер) хўжаликларини янада ривожлантириш ва мустаҳкамлаш чора-тадбирлари тўғрисида» 1991 йил 30 декабрдаги 315-сон қарори 8-бандининг учинчи хатбоши.
