403-сон 23.07.2026. Жиззах шаҳрининг бош режасига ўзгартириш киритиш лойиҳасини тасдиқлаш тўғрисида

Ўзбекистон Республикаси Вазирлар Маҳкамасининг

қарори

Жиззах шаҳрининг бош режасига ўзгартириш киритиш лойиҳасини тасдиқлаш тўғрисида

Жиззах шаҳрини комплекс ривожлантириш, қурилиш ишларини режалаштириш, мазкур ишларнинг сифати ва даражасини ошириш, шаҳарнинг меъморий-режалаштириш қиёфасини ҳамда инфратузилмасини янада яхшилаш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Президентининг «Шаҳарсозлик фаолияти соҳасида давлат бошқаруви тизимини янада такомиллаштириш ҳамда 2023 — 2027 йилларда аҳоли пунктларининг шаҳарсозлик ҳужжатларини ишлаб чиқиш дастурларини тасдиқлаш чора-тадбирлари тўғрисида» 2023 йил 11 сентябрдаги ПҚ-299-сон қарорига мувофиқ «Ўзшаҳарсозлик ЛИТИ» бош лойиҳа институти давлат муассасаси (кейинги ўринларда — бош лойиҳа ташкилоти) томонидан Жиззах шаҳрининг бош режасига ўзгартириш киритиш лойиҳаси ишлаб чиқилгани;

Жиззах шаҳрининг бош режасига ўзгартириш киритиш лойиҳаси Вазирлар Маҳкамаси ҳузуридаги Республика архитектура-шаҳарсозлик кенгаши ҳамда Урбанизация ва уй-жой бозорини барқарор ривожлантириш миллий қўмитаси (кейинги ўринларда — Миллий қўмита) билан белгиланган тартибда келишилгани;

Ўзбекистон Республикаси Президентининг 2026 йил 30 январдаги «2026-2027 йилларда Жиззах вилоятини ижтимоий-иқтисодий ривожлантиришни жадаллаштириш бўйича қўшимча чора-тадбирлар тўғрисида»ги ПҚ-35-сон қарорига асосан Жиззах шаҳри ва Шароф Рашидов туманини ягона агломерация сифатида ривожлантириш бўйича бош режа ва шаҳарсозлик ҳужжатлари ишлаб чиқилгани маълумот учун қабул қилинсин.

2. Жиззах шаҳрини комплекс ривожлантириш мақсадида:

Жиззах шаҳрининг бош режасига ўзгартириш киритиш лойиҳасининг асосий ечимлари 1-иловага мувофиқ;

Жиззах шаҳрининг бош режасига ўзгартириш киритиш лойиҳасининг техник-иқтисодий кўрсаткичлари 2-иловага мувофиқ тасдиқлансин.

3. Жиззах вилояти ҳокимлиги:

а) Қурилиш ва уй-жой коммунал хўжалиги вазирлиги, Инвестициялар, саноат ва савдо вазирлиги, Иқтисодиёт ва молия вазирлиги, бошқа манфаатдор вазирлик ва идоралар билан биргаликда икки ой муддатда қисқа, ўрта ва узоқ муддатли истиқболга мўлжалланган қурилиш ҳамда хорижий инвестицияларни жалб қилиш истиқболларини режалаштиришни ҳисобга олган ҳолда, Жиззах шаҳрининг бош режасини рўёбга чиқариш бўйича комплекс чора-тадбирлар дастурини ишлаб чиқсин ва тасдиқлаш учун Вазирлар Маҳкамасига киритсин;

б) ушбу қарор билан тасдиқланган Жиззах шаҳрининг бош режасига ўзгартириш киритиш лойиҳасининг асосий ечимларига мувофиқ Жиззах шаҳри чегарасини ўзгартириш юзасидан илтимосномани белгиланган тартибда Вазирлар Маҳкамасига тақдим этсин;

в) манфаатдор вазирликлар, идоралар ва хўжалик бирлашмалари билан биргаликда қуйидагиларни таъминласин:

бош режа ва батафсил режалаштириш лойиҳаларида белгиланган кўчаларнинг қизил чизиқлари доирасидаги майдонларда жисмоний ва юридик шахслар томонидан ер участкаларининг бош режага зид равишда эгаллаб олинишини чеклаш;

бош режага асосан йўл инфратузилмасини ривожлантириш, саноат зонаси, савдо ва маиший хизмат кўрсатиш, кўкаламзорлаштириш ва дарахт экиш учун мўлжаллаган рекреация ҳудудларида бошқа мақсадлар учун бош режага зид равишда объектларни жойлаштириш ҳамда қурилиш ишларини амалга оширишга йўл қўймаслик мақсадида доимий назорат ўрнатилишини таъминлаш;

бино ва иншоотларни жойлаштиришда тарихий зона ва шаҳарнинг бошқа ҳудудларида жойлашган маданий ёдгорликларнинг муҳофаза зоналари талабларига қатъий риоя этилишини таъминлаш;

энергия тежамкор замонавий технологияларни жорий этиш орқали сув таъминоти, оқова сув, ирригация, электр энергияси, газ, иссиқлик ва телекоммуникациялар таъминоти объектларини модернизация қилиш;

ҳудуднинг шаҳарсозлик қиёфасини шакллантирувчи мавжуд майдонлар, ободонлаштирилган хиёбонлар ва боғларни реконструкция қилиш ҳамда янгиларини қуриш орқали шаҳарнинг меъморий қиёфасини яхшилаш;

уй-жой, таълим, соғлиқни сақлаш, спорт, маданият, санъат ва дам олиш объектларини қуриш, реконструкция қилиш ҳамда капитал таъмирлаш ҳисобидан ижтимоий ва туризм инфратузилмасини ривожлантириш;

илмий-гидрогеологик тадқиқотлар асосида сизот сувлар сатҳини пасайтириш бўйича шаҳар ҳудудини муҳандислик жиҳатидан тайёрлаш тадбирларини ишлаб чиқиш ва амалга ошириш;

г) биринчи навбатда қурилиш ишлари олиб бориладиган ҳудудларнинг батафсил режалаштириш лойиҳаларини ишлаб чиқсин ҳамда уларнинг босқичма-босқич амалга оширилишини ташкил этсин;

д) Жиззах шаҳрининг бош режасига ўзгартириш киритиш лойиҳасининг комплекс амалга оширилиши юзасидан муаллифлик назоратини ўрнатиш бўйича бош лойиҳа ташкилоти билан шартнома имзолаш, ишларни бажариш ва молиялаштириш ўз вақтида ташкил этилишини таъминласин.

4. Белгилансинки, инвесторлар ва ижтимоий соҳа муассасалари томонидан киритилган таклифлар (лойиҳалар) Жиззах шаҳрининг бош режасига ўзгартириш киритиш лойиҳасида ушбу объектларни жойлаштириш мақсадида Жиззах вилояти Қурилиш ва уй-жой коммунал хўжалиги бошқармаси ҳузуридаги архитектура-шаҳарсозлик кенгашида кўриб чиқилади ва келишилади.

5. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ва Жиззах вилояти ҳокими У.М. Мустофоев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2026 йил 23 июль,

403-сон

Вазирлар Маҳкамасининг 2026 йил 23 июлдаги 403-сон қарорига
1-ИЛОВА

Жиззах шаҳрининг бош режасига ўзгартириш киритиш лойиҳасининг

АСОСИЙ ЕЧИМЛАРИ

Жиззах шаҳрининг бош режасида аҳоли пункти ҳудудини ижтимоий-иқтисодий ривожланиш хусусиятларини, табиий-иқлим шароитларини ҳамда келажакда аҳоли сони инобатга олган ҳолда ривожлантиришнинг асосий йўналишлари, ҳудудларнинг зоналаштирилиши ва уларни қуриш навбати, аҳоли пункти ҳудудини табиий ва техноген хусусиятга эга фавқулодда вазиятлар таъсиридан муҳофаза қилиш, муҳандислик, транспортга оид ва ижтимоий инфратузилмаларни ривожлантириш чора-тадбирлари, аҳоли пунктининг қурилган ва қурилмаган ҳудудлари нисбати, аҳоли пунктини ривожлантириш учун захира ҳудудлар ва чегаралар ҳамда аҳоли пунктининг иқтисодий, саноат ва ҳудудий салоҳияти, аҳолининг кўпайиш суръатини назарда тутувчи лойиҳа ечимлари белгиланган.

Шаҳарсозлик ва ижтимоий-иқтисодий масалаларда шаҳарнинг саноат салоҳияти, ишчи ресурслари ривожланиши, табиий-экологик муҳитнинг ўзгариши Жиззах вилояти ва Жиззах шаҳрининг шу соҳалардаги ривожланиш йўналиши билан боғлиқ.

Жиззах шаҳрида 2043 йил охирига қадар (кейинги ўринларда — ҳисоб даври) қуйидагилар режалаштирилган:

1. Аҳоли сони ва ҳудуди:

аҳоли сони ўсиши — 191,62 минг кишидан ҳисоб даврида — 460,0 минг кишига;

шаҳарнинг ҳудуди — 6 520,0 гектардан ҳисоб даврида — 12 730,0 гектарга ўзгаради.

2. Уй-жой қурилиши ва уй-жой фонди:

уй-жой фонди умумий майдони — 3 048,88 минг кв метрдан ҳисоб даврида — 9 660,0 минг кв метрга;

уй-жой майдони билан таъминланиш даражаси бир кишига — 15,91 кв метрдан ҳисоб даврида — 21,0 кв метрга;

уй-жой фонди қисқариши ҳисоб даврида — 447,0 кв метрни ташкил қилади.

Ҳисоб даврида уй-жой фондининг қаватлар кесимида:

1-2 қаватли якка тартибдаги уйлар — 2 144,88 минг кв метрдан ҳисоб даврида — 3 822,68 минг кв метрни;

2 қаватли коттеж уйлар — 0,8 минг кв метрдан ҳисоб даврида — 304,1 минг кв метрни;

2 қаватли уйлар — 148,5 минг кв метрдан ҳисоб даврида — 59,4 минг кв метрни;

4-5 қаватли уйлар — 656,6 минг кв метрдан ҳисоб даврида — 2 993,45 минг кв метрни ташкил қилади.

7 — 9 қаватли уйлар — 98,1 минг кв метрдан ҳисоб даврида — 678,66 минг кв метрни;

9 — 12 қаватли уйлар ҳисоб даврида — 1 396,35 минг кв метрни;

16 қаватдан юқори уйлар ҳисоб даврида — 405,36 минг кв метрни ташкил қилади.

3. Ижтимоий соҳада:

аҳолининг ижтимоий соҳа объектларига бўлган талабини амалдаги меъёрларга мослаштириш мақсадида соҳа кўрсаткичлари қуйидаги тарзда ўзгаради:

мактабгача таълим ташкилотлари — 11 849 ўриндан ҳисоб даврида — 29 440 ўринни;

умумтаълим мактаблари — 34 357 ўриндан ҳисоб даврида — 78 200 ўринни;

шифохоналар — 2 323 ўриндан ҳисоб даврида — 11 413 ўринни;

поликлиникалар бир сменада — 5 595 та ташрифдан ҳисоб даврида — 19 380 та ташриф;

дўконлар савдо майдони — 44 066 кв.метрдан ҳисоб даврида — 134 500 кв метрни;

умумий овқатланиш корхоналари — 8 025 ўриндан ҳисоб даврида — 21 250 ўринни;

клублар, маданият саройлари — 1 870 ўриндан ҳисоб даврида — 18 685 ўринни;

кинотеатрлар ҳисоб даврида — 12 205 ўринни;

театрлар — 785 ўриндан ҳисоб даврида — 2 775 ўринни;

меҳмонхоналар — 1 030 ўриндан ҳисоб даврида — 2 760 ўринни;

маиший хизмат кўрсатиш корхоналари — 580 иш ўрни ҳисоб даврида — 3 695 иш ўринларини ташкил қилади.

4. Жамоат транспорти, автомобиль йўллари ва кўчалар ҳисоб даврида:

шаҳар магистраль кўчаларининг узунлиги — 90,35 кмдан ҳисоб даврида — 263,14 км;

йилига ташиладиган йўловчилар ҳисоб даврида — 230,0 миллион йўловчини ташкил қилади.

5. Муҳандислик ва техник инфратузилма соҳалари бўйича ҳисоб даврида:

а) сув таъминоти бўйича:

ичимлик сувининг умумий таъминоти кунига — 32,36 минг куб метрдан ҳисоб даврида — 107,64 минг куб метрни;

коммунал-маиший эҳтиёжлар кунига — 15,75 минг куб метрдан ҳисоб даврида — 82,80 минг куб метрни;

саноат ва ишлаб чиқариш эҳтиёжлари кунига — 7,23 минг куб метрдан ҳисоб даврида — 16,56 минг куб метрни;

ҳисобга олинмаган бошқа эҳтиёжлар кунига — 7,8 минг куб метрдан ҳисоб даврида — 8,28 минг куб метрни ташкил қилади;

б) канализация бўйича:

умумий оқова сув ҳажми кунига — 11,45 минг куб метрдан ҳисоб даврида — 67,34 минг куб метрни;

коммунал-маиший корхоналар оқова сувлари кунига — 5,25 минг куб метрдан ҳисоб даврида — 51,52 минг куб метрни;

саноат ва ишлаб чиқариш корхоналари оқова сувлари кунига — 6,2 минг куб метрдан ҳисоб даврида — 13,24 минг куб метрни;

тозалаш иншоотининг умумий қуввати кунига — 30,0 минг куб метрдан ҳисоб даврида — 75,0 минг куб метрни ташкил қилади;

в) иссиқлик таъминоти бўйича:

умумий марказлашган иссиқлик таъминоти қуввати — 33,1 Гкал/соатдан ҳисоб даврида — 788,47 Гкал/соатни;

уй-жой фонди иссиқлик эҳтиёжлари — 4,8 Гкал/соатдан ҳисоб даврида — 397,216 Гкал/соатни;

коммунал-маиший корхоналар иссиқлик эҳтиёжлари — 1,2 Гкал/соатдан ҳисоб даврида — 384,642 Гкал/соатни ташкил қилади;

г) газ таъминоти бўйича:

газнинг умумий истеъмоли йилига — 211 483,4 минг куб метрдан ҳисоб даврида — 465 580,3 минг куб метрни;

иситиш қозонхоналари газ таъминоти йилига — 2 059,1 минг куб метрдан ҳисоб даврида — 160 527,9 минг куб метрни;

уй-жой фонди газ таъминоти йилига — 121 536,5 минг куб метрдан ҳисоб даврида — 190 047,4 минг куб метрни;

коммунал-маиший эҳтиёжлар газ таъминоти йилига — 36 291,1 минг куб метрдан ҳисоб даврида — 44 293,0 минг куб метр;

саноат ва ишлаб чиқариш корхоналари газ таъминоти йилига — 51 596,7 минг куб метрдан ҳисоб даврида — 70 712,0 минг куб метрни ташкил қилади.

д) электр таъминоти бўйича:

умумий электр энергияси истеъмоли йилига — 496,531 миллион кВт с дан ҳисоб даврида — 1 428,171 миллион кВт с;

саноат ва ишлаб чиқариш корхоналари эҳтиёжлари йилига — 157,731 миллион кВт с дан ҳисоб даврида — 409,306 миллион кВт с;

уй-жой коммунал эҳтиёжлар йилига — 236,991 миллион кВт с дан ҳисоб даврида — 1 012,0 миллион кВт с;

ҳисобга олинмаган бошқа эҳтиёжлар йилига — 101,809 миллион кВт с дан ҳисоб даврида — 6,865 миллион кВт с ни ташкил қилади.

е) санитар тозалаш бўйича:

қаттиқ маиший чиқиндиларни қайта ишлаш ҳажми йилига — 208,9 минг куб метрдан ҳисоб даврида — 436,0 минг куб метр;

қаттиқ маиший чиқинди полигони, чиқиндихоналарнинг фойдаланиш ҳудуди ҳисоб даврида — 26,5 гектарни ташкил қилиш режалаштирилган.

6. Шаҳарни функционал ҳудудлаштириш ва меъморий режалаштириш.

Шаҳар ҳудудий ва сон жиҳатдан ўсиши шимоли-ғарбий, шимоли-шарқий ва жанубдаги турар жой массивларига яқин туташган Ш. Рашидов туманидаги 24 та маҳалланинг қўшиб олиниши ҳисобидан кенгаяди. Ҳозирда шаҳарда 34 та маҳалла мавжуд. Ушбу ҳудудда асосан кўп қаватли турар жойлар ҳамда аҳолига хизмат кўрсатиш объектлари қурилиши режалаштирилган.

Жиззах шаҳри аҳоли пунктлари гуруҳ тизимининг маркази бўлиб, бу унинг режалаштириш тузилмасида ва уларнинг вилоят маркази томон ривожланиши билан магистрал кўчалар тармоғи қурилишида ўз ифодасини топади. Ушбу магистрал кўчалар тармоғи «Учтепа» МФЙ, «Сайхон» МФЙ ва «А. Темур» МФЙни боғлаш билан биргаликда Самарқанд ва Тошкент вилоятларини ҳам боғлайди.

Шаҳар ҳудуди асосан турар жой ва саноат зоналаридан иборат. Саноат ҳудуди мавжуд саноат ҳудудлари негизида ривожлантирилмоқда ҳамда шаҳарнинг ғарбий қисмида янги саноат ҳудуди ташкил этиш режалаштирилди.

Ўз навбатида, турар жой ҳудуди маъмурий-иқтисодий, маданий-маърифий, соғлиқни сақлаш ва турар жой зоналарига бўлинади.

Шаҳар ҳудуди 4 та режалаштириш қисмига бўлинган:

биринчи режалаштириш қисми Жиззах шаҳрининг шарқий, шимоли-шарқий ҳамда жануби-шарқий марказий ҳудуди қисмларини қамраб олади ва меҳнат, дам олиш, тиббиёт ва таълим муассасаларини ўз ичига олган турар жой, ишлаб чиқариш, маъмурий, спорт ва бошқа функционал ҳудудлар мажмуасидан иборат. Ушбу қисм бош режада 15 та турар жой массивига бўлиб ишлаб чиқилган;

иккинчи режалаштириш қисми шаҳарнинг шимоли-ғарбий, ғарбий ҳамда марказий қисмларини ўз ичига олади. Ушбу қисмда ҳам турар жой, дам олиш, тиббиёт ва таълим муассасаларини ўз ичига олган, маъмурий, спорт ва бошқа функционал ҳудудлар мажмуасидан иборат. Иккинчи режалаштириш қисмида янги саноат ҳудудини ташкил этиш режалаштирилган;

учинчи режалаштириш қисмига ғарб тарафга ривожланган бўлиб, мавжуд «А. Темур» МФЙдан иборат бўлиб, «Хайробод», «Туёқли», «Каттақишлоқ», «Шариллоқ», «Оқтошота» МФЙлари киради — (Янги Ўзбекистон);

тўртинчи режалаштириш ҳудуди жанубий қисмга ривожланган бўлиб, ушбу қисмга «Хайробод», «Туёқли», «Каттақишлоқ», «Шариллоқ», «Оқтошота» МФЙлари ҳамда Янги Ўзбекистон массиви киради;

Умумшаҳар автомобиль йўллари тизими шаҳарнинг мавжуд асосий кўчалар тармоғини ривожлантиради ва тартибга солади. Шу мақсадда шаҳарнинг мавжуд автомобиль йўллари билан боғланган шаҳар миқёсидаги автомобиль йўлларини яратиш, кейинчалик уларни айланма автомобиль йўлларига олиб чиқиш ва кейинчалик Пахтакор, Самарқанд, Ғаллаорол, Учтепа ва Боғдон шаҳарчалари билан боғлашдан иборатдир.

«Шимолий айланма йўл»нинг яратилиши Ўзбекистон Миллий автомагистралидан Фориш тумани томон келаётган транзит транспорт воситаларининг шаҳарни айланиб ўтиши ҳамда қўшни аҳолига хизмат кўрсатишни яхшилаш имконини беради.

Умумшаҳар марказининг жойлашуви марказда сақланади, шаҳарнинг шимоли-ғарбий йўналишдаги умумий ривожланиши ва шимоли-шарқий қисмида режалаштириш ҳудуднинг янги марказига мос равишда ривожланмоқда.

Шаҳарнинг архитектура ва тарихий қисмлари икки ҳудудда жойлашган. Улардан бири шарқий режалаштириш ҳудудининг шимолий қисмида собиқ Ўрда қалъаси ўрнида жойлашган бўлиб, Жиззах қўзғолони қурбонлари хотирасига бағишланган ёдгорлик мажмуаси ҳудудидир.

Иккинчиси эса саноат ҳудудида жойлашган бўлиб, «Қалия тепа» деб номланган тепалик ҳудуди бўлиб, у ерда вақти-вақти билан археологик қазишмалар олиб борилади. Ушбу тарихий обидалар атрофида қўриқланадиган ҳудудлар мавжуд.

Бош режада Сангзор дарёсининг қирғоғи бўйлаб аҳоли дам олиш масканини ташкил этиш режалаштирилган. Дарёнинг яшил қирғоқ бўйлари мавжудлиги иқлим шароитига фойдали таъсир кўрсатади ва шаҳар аҳолисининг турмуш шароитини яхшилашга ёрдам беради.

Шаҳардаги умумий яшил майдонлар Ўрда ҳудудидаги, кўчадаги мавжуд марказий боғлар билан ифодаланади. И. Каримов, Ш. Рашидов, шунингдек, турар жой массивлари боғлари, турар жой ва режалаштириш массивлари марказларини боғловчи асосий пиёдалар йўллари бўйлаб яшил хиёбонлар ташкил этилади.

Бош режа мавжуд қабристонларни уларнинг атрофидаги уй-жойлардан санитар-ҳимоя ҳудудларини босқичма-босқич шакллантириш билан ёпишни режалаштирмоқда.

Шунингдек, канал, ариқ ва коллекторларнинг санитар-ҳимоя ҳудудларини кўкаламзорлаштириш орқали ташкил этиш кўзда тутилган.

7. Шаҳарнинг экологик ривожланиши:

шаҳарларда экологик муҳитни яхшилаш, атроф-муҳит ва аҳоли саломатлигига салбий таъсир кўрсатиш омилларини камайтириш мақсадида экологик талабларга мос равишда лойиҳада қуйидаги тадбирларни амалга ошириш режалаштирилган:

умумий фойдаланишдаги кўкаламзор ҳудудлар — 50,1 гектардан ҳисоб даврида — 460,0 гектарни ва киши бошига — 2,61 кв метрдан 10 кв метр;

санитар-ҳимоя ҳудудлари — 13,9 гектардан ҳисоб даврида — 698,6 гектар ва киши бошига — 0,73 кв метрдан 15,19 кв метр.

Муҳандислик ишлари бўйича ҳудудни тайёрлаш тадбирлар лойиҳа қисмлари ҳудуддаги ёғин сувларини тўғри йўналиш орқали чиқариш, улардан унумли фойдаланиш, ариқлар ва каналлар орқали яшил ҳудудларни суғоришда:

суғориш ҳудуди — 2 213,9 гектардан ҳисоб даврида — 6 122,1 гектар;

сув миқдори — 3 690,0 л/секунддан ҳисоб даврида — 7 659 л/секунд;

ерости сизот сувлари сатҳини камайтириш ҳудуди — 10,5 гектардан ҳисоб даврида — 1 233,0 гектарни ташкил этади.

Вазирлар Маҳкамасининг 2026 йил 23 июлдаги 403-сон қарорига
2-ИЛОВА

Жиззах шаҳрининг бош режасига ўзгартириш киритиш лойиҳасининг

ТЕХНИК-ИҚТИСОДИЙ КЎРСАТКИЧЛАРИ

Т/р	Кўрсаткичлар	Ўлчов бирлиги	Ҳозирги ҳолати	Ҳисоб даври
I	Аҳоли
1	Жиззах шаҳри аҳоли сони;	минг киши	191,62	460,0
	Аҳолининг ёш таркиби:	минг киши фоиз	191,62 100,0	460,0 100,0
	мактабгача ёшдаги болалар (0 — 6 ёш)	минг киши фоиз	28,87 15,1	71,76 15,6
	мактаб ёшидаги болалар (7 — 17 ёш)	минг киши фоиз	33,21 17,3	78,2 17,0
	меҳнатга лаёқатли ёшдаги аҳоли (18 — 59 ёшли эркаклар, 18 — 54 ёшли аёллар)	минг киши фоиз	105,43 55,0	251,62 54,7
	меҳнатга лаёқатли ёшдан катта аҳоли	минг киши фоиз	24,11 12,6	58,42 12,7
	Аҳолининг меҳнат таркиби:
	шаҳарнинг шакллантирувчи гуруҳи	минг киши фоиз	38,32 20,0	92,0 20,0
	шаҳарга хизмат кўрсатувчи гуруҳ	минг киши фоиз	42,16 22,0	105,8 23,0
II	Шаҳарни шакллантириш аҳамиятига эга объектлар
	Саноат корхоналари	киши	10621	16010
	Илмий-тадқиқот ва лойиҳалаштириш ташкилотлари	киши	702	1500
	Маъмурий, хўжалик ва жамоат ташкилотлари	киши	6950	7078
	Уқув муассасалари	киши	4085	4315
	Қурилиш ташкилотлари	киши	3931	9200
	Транспорт:
	Автомобиль транспорти	киши	1027	9007
	Темир йўл транспорти	киши	1090	1100
	Тайёрлов-таъминот ташкилотлари	киши	813	1400
	Соғлиқни сақлаш муассасалари	киши	8776	19615
	Қишлоқ хўжалиги ташкилотлари	киши	696	3634
	Дам олиш ва туризм муассасалари	киши	179	500
	Бошқа ташкилотлар	киши	598	1200
III	Ҳудуд
	Шаҳар чегарасидаги ҳудуд, жами:	га кв м/киши	6520,0 340,26	12730,0 276,74
а)	турар жой ҳудудлари, жами:	га кв м/киши	4211,6 219,79	10175,2 221,20
	шу жумладан:
	турар жой ҳудудлари	га кв м/киши	3101,2 161,84	7290,4 158,49
	хизмат кўрсатиш корхоналари	га кв м/киши	275,90 14,40	684,60 14,88
	умумий фойдаланишдаги кўкаламзорлар	га кв м/киши	50,10 2,61	460,0 10,0
	спорт иншоотлари ва майдонлари	га кв м/киши	29,60 1,54	161,0 3,50
	кўчалар, йўллар, йўлаклар	га кв м/киши	330,4 17,24	1144,5 24,88
	бошқа ҳудудлар	га кв м/киши	424,40 22,15	434,70 9,45
б)	уй-жой бўлмаган ҳудудлар	га кв м/киши	2308,4 120,47	2554,8 55,54
	саноат корхоналари, қурилиш корхоналари, тайёрлов-таъминот ташкилотлари омборхоналари, транспорт ташкилотлари ҳудудлари	га кв м/киши	503,2 26,26	790,9 17,19
	илмий-тадқиқот институтлари, лойиҳа ташкилотлари, олий ўқув муассасалари ҳудудлари	га кв м/киши	61,4 3,20	82,5 1,79
	ташқи транспорт ҳудудлари	га кв м/киши	173,7 9,06	173,7 3,78
	кўчалар, йўллар, йўлаклар, майдонлар, автомобиль турар жойлари	га кв м/киши	39,6 2,01	71,2 1,55
	махсус ҳудудлар	га кв м/киши	14,4 0,75	19,9 0,43
	сув сатҳлари (дарё ва унинг қирғоғи, канал ва коллекторлар)	га кв м/киши	95,1 4,96	114,7 2,49
	санитар ҳимоя ҳудудлари, шу жумладан: саноат корхоналари , қабристон, ЭТЛ муҳандислик тармоқлари	га кв м/киши	13,9 0,73	698,6 15,19
	қишлоқ хўжалик аҳамиятига эга ҳудудлар	га кв м/киши	197,2 10,29	32,5 0,71
	махсус муҳандислик тадбирларини ўтказиш талаб этиладиган ҳудудлар (сув босадиган ерлар, адирликлар, жарлар ва бошқалар)	га кв м/киши	1189,7 62,09	352,6 7,67
	Қалия-тепа археологик ҳудуди	га кв м/киши	21,2 1,11	21,2 0,46
	шаҳар қурилиши учун захира ҳудудлар	га кв м/киши	-	197,0 4,28
IV	Аҳоли зичлиги
	Шаҳар чегарасидаги ҳудуд бўйича	киши/га	29,4	36,1
	Турар жой ҳудуди бўйича	киши/га	45,5	45,2
V	Уй-жой қурилиши
	Уй-жой фонди умумий майдони	минг кв м	3048,88	9660,0
	Уй-жой фондининг қаватлар сони бўйича тақсимланиши	минг кв м фоиз	3048,88 100,0	9660,0 100,0
	1-2-қаватли якка тартибдаги уйлар	минг кв м фоиз	2144,88 70,35	3822,68 39,6
	2 қаватли секцияли уйлар	минг кв м фоиз	148,5 4,87	59,4 0,6
	2 қаватли коттеж уйлар	минг кв м фоиз	0,8 0,03	304,1 3,2
	4-5 қаватли уйлар	минг кв м фоиз	656,6 21,54	2993,45 30,9
	7 — 9 қаватли уйлар	минг кв м фоиз	98,1 3,21	678,66 7,0
	9 — 12 қаватли уйлар	минг кв м фоиз	-	1396,35 14,5
	16 қаватли уйлар	минг кв м фоиз	-	405,36 4,2
	Уй-жой фонди билан умумий таъминланиш даражаси	кв м киши	15,91	21,0
	Уй-жой фонди қисқариши:	минг кв м	-	447,0
	Янги қурилишга нисбатан	фоиз	-	8,6
	Мавжуд уй-жой фондига нисбатан	фоиз	-	9,0
	Янги уй-жой қурилишлари	минг кв м фоиз	-	5169,02 100,0
	1-2 қаватли уйлар	минг кв м фоиз	-	217,8 4,2
	2 қаватли коттеж типидаги уйлар	минг кв м фоиз	-	303,3 5,9
	4-5 қаватли секцияли уйлар	минг кв м фоиз	-	2336,85 45,2
	7 — 9 қаватли уйлар	минг кв м фоиз	-	560,86 10,9
	9 — 12 қаватли уйлар	минг кв м фоиз	-	1344,85 26,0
	16 қаватли уйлар	минг кв м фоиз	-	405,36 7,8
VI	Ижтимоий соҳа объектлари
	Мактабгача таълим ташкилотлари, жами	ўрин	11849	29440
	1000 кишига	ўрин	62	64
	Умумтаълим мактаблари, жами:	ўрин	34357	78200
	1000 кишига	ўрин	179	170
	Шифохоналар, жами:	ўрин	2323	11413
	1000 кишига	ўрин	12,12	24,81
	Поликлиникалар, жами:	қатнов	5595	19380
	1000 кишига	қатнов	29,2	42,1
	Дўконлар, жами:	кв м савдо майдони	44066,0	134500,0
	1000 кишига	кв м савдо майдони	229,9	292,4
	Умумий овқатланиш корхоналари, жами:	ўрин сони	8025	21250
	1000 кишига	ўрин сони	41,9	46,2
	Маданият саройи, клублар, жами:	ўрин	1870	18685
	1000 кишига	ўрин	9,8	40,6
	Кинотеатрлар, жами:	ўрин	-	12205
	1000 кишига	ўрин	-	26,5
	Театрлар, жами:	ўрин	785	2775
	1000 кишига	ўрин	4	6/5,5
	Меҳмонхоналар, жами:	ўрин	1030	2760
	1000 кишига	ўрин	5,4	6
	Кир ювиш корхоналари, жами:	1 кг қуруқ кийим сменада	-	105800
	1000 кишига	1 кг қуруқ кийим сменада	-	230
	Маиший хизмат кўрсатиш корхоналари, жами:	ишчи ўрин	580	3695
	1000 кишига	ишчи ўрни	3	8
VII	Шаҳар жамоат транспорти ва магистраль кўчалар тармоғи
	Бир кишининг бир йилда барча шаҳар транспорт воситаларида қатновлари сони	қатнов	-	500
	Йилига ташиладиган йўловчилар сони	млн йўловчи	-	230
	Шаҳар магистрал йўли ва кўчалари тармоқлари
	Шаҳар магистрал кўчаларининг узунлиги, жами:	км	90,35	263,14
	жумладан:
	шаҳар аҳамиятидаги магистрал кўчаларнинг узунлиги	км	65,4	157,84
	шаҳар кўча тармоқларининг зичлиги, жами:	км кв м	0,80	2,06
	жумладан:
	шаҳар аҳамиятидаги магистрал кўчалар зичлиги	км кв м	0,60	1,24
VIII	Муҳандислик ускуналари ва ободонлаштириш
а)	ичимлик суви ва таъминоти:
	ичимлик сувининг умумий таъминоти, жами:	минг м³ сутка 1 сутка киши	32,36 169	107,64 252
	жумладан:
	коммунал-маиший эҳтиёжлар	минг м³ сутка 1 сутка киши	15,75 82	82,80 180
	саноат ва ишлаб чиқариш корхоналари эҳтиёжлари	минг м³/сутка	7,23	16,56
	ҳисобга олинмаган бошқа эҳтиёжлар учун	минг м³/сутка	7,8	8,28
	сув иншоотлари қуввати	минг м³/сутка	84,1	118,4
	сув олиш манбалари: ерости сув иншоотлари	минг м³/сутка
	Зарафшон дарёсидан сув олувчи		74,1	82,0
	«Узунбулоқ» ерусти сув иншооти ва якка тартибдаги қудуқлар		10,0	36,4
	уй-жой фондини марказлашган ичимлик суви билан таъминланиши	фоиз	97,7	100,0
б)	канализация:
	умумий оқова сув ҳажми, жами:	минг м³/сутка	11,45	67,34
	жумладан:
	хўжалик-маиший чиқинди оқова сувлари	минг м³/сутка	5,25	51,52
	саноат ва ишлаб чиқариш корхоналари оқова сувлари	минг м³/сутка	6,2	13,24
	ҳисобга олинмаган бошқа корхоналардан чиқадиган оқова сувлар	минг м³/сутка	-	2,58
	тозалаш иншоотининг умумий қуввати	минг м³/сутка	30,0	75,0
	уй-жой фондининг оқова сув тармоғи билан таъминлангани	фоиз	35,0	70,0
в)	электр таъминоти:
	умумий электр энергияси истеъмоли	млн кВт соат йил	496,531	1428,171
	жумладан:
	саноат ва ишлаб чиқариш корхоналари	млн кВт соат йил	157,731	409,306
	уй-жой, коммунал эҳтиёжлар	млн кВт соат йил	236,991	1012,0
	ҳисобга олинмаган бошқа эҳтиёжлар	млн кВт соат йил	101,809	6,865
г)	иссиқлик таъминоти:
	умумий марказлашган иссиқлик таъминоти қуввати	Гкал/соат (МВт)	33,1 (38,5)	788,47 (917)
	иссиқлик узатиш, жами:	Гкал/соат (МВт)	6,0 (6,97)	781,858 (909,30)
	жумладан:
	уй-жой фонди эҳтиёжлари	Гкал/соат (МВт)	4,8 (5,58)	397,216 (461,96)
	жамоат, коммунал ва маиший бинолар эҳтиёжлари	Гкал/соат (МВт)	1,2 (1,39)	384,642 (447,33)
	уй-жой фондининг марказлашган иссиқлик ва иссиқ сув қуввати билан таъминланиши	фоиз	5,0	100,0
д)	газ таъминоти:
	газнинг умумий истеъмоли	минг н м³ йил	211483,4	465580,3
	жумладан:
	уй-жой фонди газ таъминоти	минг н м³ йил	121536,5	190047,4
	коммунал ва маъмурий эҳтиёжлар газ таъминоти	минг н м³ йил	36291,1	44293,0
	саноат ва ишлаб чиқариш корхоналари газ таъминоти	минг н м³ йил	51596,7	70712,0
	иситиш қозонхоналари газ таъминоти	минг н м³ йил	2059,1	160527,9
	газлаштирилган хонадонлар сони	дона	73551	81579
	уй-жой фондининг табиий газ билан таъминлангани	фоиз	100,0	100,0
е)	ҳудудни санитар тозалаш:
	қаттиқ маиший чиқиндиларни қайта ишлаш ҳажми	минг м³ йил	208,9	436,0
	қаттиқ маиший чиқинди полигони, чиқиндихоналарнинг фойдаланиш майдони	га	26,5 13,2	26,5 26,1
ж)	ҳудудни муҳандислик тайёрлаш:
	суғориш майдони	га	2213,9	6122,1
	яшил майдонларни суғориш учун ҳисобланган сув миқдори	л/сек	3690,0	7659,0
	ерости сизот сувлари сатҳини камайтириш ҳудуди	га	10,5	1233,0

Вазирлар Маҳкамасининг 2026 йил 23 июлдаги 403-сон қарорига
3-ИЛОВА

Ўзбекистон Республикаси Ҳукуматининг ўз кучини йўқотаётган айрим қарорлари

РЎЙХАТИ

1. Вазирлар Маҳкамасининг «2030 йил давригача Жиззах шаҳрининг бош режасини тасдиқлаш тўғрисида» 2013 йил 30 сентябрдаги 266-сон қарори.

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзи қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида» 2016 йил 26 октябрдаги ПФ-4853-сон Фармони)» 2017 йил 25 мартдаги 155-сон қарорига 1-илованинг 12-банди.

(Қонунчилик маълумотлари миллий базаси, 24.07.2026 й., 09/26/403/0775-сон)