|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
ФОСФОРЛИ ЎҒИТЛАР ИШЛАБ ЧИҚАРИШ УЧУН ЖЕРОЙ-САРДАРА КОНИ ХОМ АШЁСИДАН ФОСФОРИТ КУКУНИ ИШЛАБ ЧИҚАРИШ ҲАЖМЛАРИНИ КЎПАЙТИРИШ ЧОРА-ТАДБИРЛАРИ ТЎҒРИСИДА
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Вазирлар Маҳкамасининг «1998 — 2002 йилларда Ўзбекистон кимё саноати корхоналарини комплекс ривожлантириш дастури тўғрисида» 1998 йил 25 мартдаги 129-сон қарорини бажариш юзасидан, Жерой-Сардара кони хом ашёсидан фосфорлик ўғитлар ишлаб чиқаришни кўпайтириш мақсадида Вазирлар Маҳкамаси қарор қилади:
1. «Қизилқумнодирметаллолтин» концернининг Қизилқум фосфорит комбинатининг биринчи навбати ишлаб чиқарилишини кенгайтириш тўғрисидаги таклифига розилик берилсин. У қуйидагиларни назарда тутади:
қувватини 300 минг тонна бойитилмаган фосфорит кукунидан 600 минг тоннагача, шу жумладан 1999 йил май ойида фойдаланишга топширган ҳолда қуруқ бойитиш схемаси бўйича 400 минг тонна концентратга кўпайтириш (1-илова*);
* 1-илова берилмайди.
Самарқанд кимё заводини йилига 400 минг тонна ҳажмидаги ва Қўқон суперфосфат заводини — йилига 200 минг тонна ҳажмидаги фосфорит кукуни билан таъминлаш.
2. Қуйидагилар:
Самарқанд кимё заводининг пилот қурилмасида Жерой-Сардара конининг Тошқўра участкаси рудасидан қуруқ бойитиш усули билан фосфорит кукуни олиш бўйича тадқиқотлар ўтказилганлиги, бунинг натижасида фосфорли ўғитлар ишлаб чиқариш талабларини қониқтирувчи концентрат олинганлиги;
Олдинги таҳрирга қаранг.
«Қизилқумнодирметаллолтин» концерни томонидан танлов натижаларига кўра:
Германиянинг «Крупп-Полизиус» фирмаси билан 8,68 млн. АҚШ долларилик пишириш қурилмаси асбоб-ускуналари етказиб беришга;
Американинг «Катерпиллар Оверсиз А.О.» компанияси билан Қизилқум фосфорит комбинати учун 28 млн. АҚШ долларилик кон асбоб-ускуналари етказиб беришга, шу жумладан 8,68 млн. АҚШ долларилик оғир юк кўтарувчи техникаларни тузатиш (двигатель, узатмалар қутиси, гидравлика асбоб-ускуналари) линияси ва эҳтиёт қисмлар етказиб беришга;
Россиянинг «Горнозаводчик-плюс» фирмаси билан 2,6 млн. АҚШ долларилик фосфор рудасини қуруқ бойитиш асбоб-ускуналари етказиб беришга контрактлар имзоланганлиги маълумот учун қабул қилинсин»;
(2-банднинг учинчи хатбоши Ўзбекистон Республикаси Вазирлар Маҳкамасининг 1999 йил 5 февралдаги 51-сонли қарори таҳририда)
3. Белгилансинки, кон асбоб-ускуналари, оғир юк кўтарувчи техникаларни тузатиш линияси ва уларга эҳтиёт қисмларни импорт бўйича етказиб бериш:
хорижий банкнинг АҚШнинг Эксимбанки суғурта қопламаси остида Ўзбекистон Республикаси Ташқи иқтисодий фаолият миллий банкига 5 йил муддатга бериладиган 25,004 млн АҚШ доллари (контракт қийматининг 85 фоизи ва АҚШ Эксимбанкнинг суғурта мукофоти) миқдоридаги кредити;
«Катерпиллар Оверсиз А.О.» компаниясининг «Қизилқумнодирметаллолтин» концернига 2 йил муддатга бериладиган 4,2 млн АҚШ доллари (контракт қийматининг 15 фоизи) миқдоридаги кредити ҳисобидан маблағ билан таъминланади.
Кредит ресурслари «Қизилқумнодирметаллолтин» концерни маблағлари ҳисобига жадвалга мувофиқ қайтарилсин (2-илова*).
* 2-илова берилмайди.
Қуйидагилар:
Германиянинг «Круп-Полизиус» фирмаси томонидан 8,68 млн. АҚШ доллари миқдоридаги пишириш қурилмаси асбоб-ускуналари етказиб берилишини маблағ билан таъминлаш Навоий кон-металлургия комбинатининг маҳсулотини экспорт қилишдан олинган ўз валюта маблағлари ҳисобига;
Россиянинг «Горнозаводчик-плюс» ёпиқ турдаги акциядорлик жамияти томонидан фосфор рудасини қуруқ бойитиш схемаси бўйича 2,6 млн. АҚШ доллари миқдоридаги асбоб-ускуналар етказиб берилишини маблағ билан таъминлаш 1999 йилга импорт прогнози ҳажмида Навоий кон-металлургия комбинатининг ўз маблағлари ҳисобига амалга оширилиши маълумот учун қабул қилинсин.
(3-банд Ўзбекистон Республикаси Вазирлар Маҳкамасининг 1999 йил 5 февралдаги 51-сонли қарори таҳририда)
4. Ўзбекистон Республикаси Ташқи иқтисодий фаолият миллий банки:
25,004 млн АҚШ доллари суммасига кредит битимини, АҚШ Эксимбанкининг 1,204 млн АҚШ доллари миқдоридаги суғурта мукофотини ҳисобга олган ҳолда, икки ой муддатда расмийлаштирсин;
кўрсатиб ўтилган кредитни банкнинг бир фоиздан ортиқ бўлмаган маржаси билан «Қизилқумнодирметаллолтин» концернига қайта молияласин.
5. «Қизилқумнодирметаллолтин» концерни контрактлар бўйича аванс тўловлари тўлаш учун 4,2 млн АҚШ доллари суммасига «Катерпиллар оверсиз А.О.» компанияси билан кредит битимини бир ой муддатда расмийлаштирсин.
6. Ўзбекистон Республикаси Молия вазири мазкур лойиҳа учун жалб этилаётган валюта кредитлари бўйича хорижий банкка, «Катерпиллр Оверсиз А.О.» компаниясига ва Ўзбекистон Республикаси Ташқи иқтисодий фаолият миллий банкига белгиланган тартибда кафолат беришга вакил қилинсин.
7. Ўзбекистон Республикаси Адлия вазирлиги Ўзбекистон Республикаси Ҳукумати кафолатлари бўйича кредит томонлари талабларига мувофиқ шакллар бўйича белгиланган тартибда юридик хулоса берсин.
11. «Қизилқумнодирметаллолтин» концерни, Ўрта Осиё саноат технолгияси илмий-тадқиқот-ишлаб чиқариш институти:
бир ой муддатда Қизилқум фосфорит комбинати биринчи навбатини кенгайтиришнинг техник-иқтисодий асосланишини ишлаб чиқсинлар ва уни тасдиқлаш учун белгиланган тартибда Вазирлар Маҳкамасига киритсинлар;
икки ой муддатда Қизилқум фосфоритларини қайта ишлаш шартларига татбиқан техник талабларини ҳисобга олган ҳолда базис лойиҳани ишлаб чиқсинлар.
12. Вазирлар Маҳкамасининг Инвестиция дастурлари департаменти экспертиза, вазирликлар ва идораларнинг ваколатли органларини жалб қилган ҳолда Қизилқум фосфорит комбинатини саноат йўли билан ўзлаштиришнинг биринчи навбатини кенгайтиришнинг техник-иқтисодий асосланишини белгиланган тартибда кўриб чиқсин ва уни тасдиқлаш юзасидан таклифлар киритсин.
13. Ўзбекистон Республикаси Вазирлар Маҳкамасининг 1997 йил 19 декабрдаги 557-сон қарорига мувофиқ Қизилқум фосфорит комбинатининг биринчи навбатини реконструкция қилиш ва кенгайтириш бўйича қурилиш-монтаж ишларини ишчи лойиҳалаштириш билан бир вақтда амалга оширишга истисно тариқасида рухсат берилсин.
14. «Ўзбекнефтгаз» корпорацияси, Ўзбекистон Республикаси Коммунал хизмат кўрсатиш вазирлиги, «Қизилқумнодирметаллолтин» концерни бир ой муддатда Қизилқум фосфорит комбинатини кенгайтиришни ҳисобга олган ҳолда унинг биринчи навбатининг газ таъминоти масаласи бўйича қарор қабул қилсинлар.
Олдинги таҳрирга қаранг.
15. Ташқи ишлар вазирлиги «Навоий кон-металлургия комбинати» буюртманомалари бўйича хорижий мутахассисларга консуллик йиғимлари ундирмаган ҳолда кириш визалари расмийлаштирилишини таъминласин.
(15-банд Ўзбекистон Республикаси Вазирлар Маҳкамасининг 2004 йил 19 майдаги 237-сонли қарори таҳририда — ЎР ҚҲТ, 2004 й., 20-сон, 236-модда)
Олдинги таҳрирга қаранг.
16. Ички ишлар вазирлиги «Навоий кон-металлургия комбинати» буюртманомалари бўйича хорижий мутахассисларнинг Ўзбекистон Республикаси ҳудудидаги яшаш жойи бўйича визалар ва рўйхатдан ўтказиш билан боғлиқ масалалар визалар расмийлаштирилганлиги ва рўйхатдан ўтказганлик учун йиғимлар ундирмасдан ҳал этилишини таъминласин.
(16-банд Ўзбекистон Республикаси Вазирлар Маҳкамасининг 2004 йил 19 майдаги 237-сонли қарори таҳририда— ЎР ҚҲТ, 2004 й., 20-сон, 236-модда)
17. Лойиҳани тайёрлаш ва амалга ошириш бўйича ишлаш учун келаётган хорижий мутахассисларга Ўзбекистон Республикаси ҳудудида ишлаганлик ва транспортнинг барча турларида юриш учун Ўзбекистон Республикаси фуқаролари учун назарда тутилган тарифлар бўйича ҳақ тўлаш ҳуқуқи берилсин.
Олдинги таҳрирга қаранг.
18. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
(18-банд Ўзбекистон Республикаси Вазирлар Маҳкамасининг 1999 йил 5 февралдаги 51-сонли қарори таҳририда)
Вазирлар Маҳкамасининг Раиси И. КАРИМОВ
Тошкент ш.,
1998 йил 3 июл,
278-сон
