|
Ҳужжат кучини йўқотган " " 07.12.2019
|
Ўзбекистон Республикаси Вазирлар Маҳкамасининг
қарори
Ўзбекистон Республикаси Ахборот технологиялари ва коммуникацияларини ривожлантириш вазирлигининг МАХСУС АВАРИЯ-ТИКЛАШ БОШҚАРМАСИ ФАОЛИЯТИНИ ТАШКИЛ ЭТИШ ТЎҒРИСИДА
(қарор номи Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2019 йил 6 декабрдаги 973-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўсмирларни ҳарбий-ватанпарварлик руҳида тарбиялаш ҳамда Ўзбекистон Республикаси Қуролли Кучлари ва давлат хизмати учун кадрлар захирасини тайёрлаш тизимини такомиллаштиришга оид қўшимча чора-тадбирлар тўғрисида» 2019 йил 28 июндаги ПҚ-4375-сон қарори)» қарорига асосан ўз кучини йўқотган.
Ўзбекистон Республикаси Ахборот технологиялари ва коммуникацияларини ривожлантириш вазирлигининг доимий тайёр турувчи авария-тиклаш бўлинмаларини табиий ва техноген тусдаги фавқулоддаги вазиятларни бартараф этиш бўйича ишларни амалга ошириш чоғида бошқаришни ҳамда уларнинг профессионал тайёргарлигини яхшилаш мақсадида Вазирлар Маҳкамаси қарор қилади:
(муқаддима Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
1. 15361-ҳарбий қисм (Ўзбекистон Республикаси Ахборот технологиялари ва коммуникацияларини ривожлантириш вазирлигининг 24-алоҳида алоқа бригадаси) Ўзбекистон Республикаси Ахборот технологиялари ва коммуникацияларини ривожлантириш вазирлигининг Махсус ахборот-тиклаш бошқармаси этиб қайта ташкил қилинсин.
(1-банднинг биринчи хатбошиси Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
Қайта ташкил қилиш 15361-ҳарбий қисмни таъминлаш учун бюджет сметасида назарда тутилган пул маблағларини кўпайтирмасдан амалга оширилсин.
2. Ўзбекистон Республикаси Ахборот технологиялари ва коммуникацияларини ривожлантириш вазирлигининг Махсус авария-тиклаш бошқармаси тўғрисидаги низом 1-иловага ҳамда унинг ташкилий тузилмаси тасдиқлансин.
(2-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
3. Белгилаб қўйилсинки, Махсус авария-тиклаш бошқармаси харажатларини маблағ билан таъминлаш Ўзбекистон Республикаси бюджет маблағлари ҳисобига амалга оширилади.
Ўзбекистон Республикаси Иқтисодиёт вазирлиги ҳамда Молия вазирлиги ҳар йили қурилишлар инвестиция дастурида Ўзбекистон Республикаси Ахборот технологиялари ва коммуникацияларини ривожлантириш вазирлигининг Махсус авария-тиклаш бошқармасига асосий фондларни реконструкция қилиш ва ривожлантириш учун капитал қўйилмалар ҳамда молиявий маблағлар ажратилишини назарда тутсинлар.
(3-банднинг иккинчи хатбошиси Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
4. Махсус авария-тиклаш бошқармасининг ҳарбий хизматчилари, ходимлари ва мутахассислари хизматни ўташ масалалари, меҳнатга ҳақ тўлаш, пенсия таъминоти, тиббий ва маиший хизмат кўрсатиш шарт-шароитлари бўйича, шу жумладан уларнинг оила аъзолари, Ўзбекистон Республикаси Фавқулодда вазиятлар вазирлиги ҳарбий хизматчилари, ходимлари ва мутахассисларининг тегишли тоифаларига тенглаштирилсин.
5. Белгилансинки:
Махсус авария-тиклаш бошқармасининг контракт бўйича ҳарбий хизматчиларини бутлаш, лавозимга тайинлаш, уларга ҳарбий унвонлар бериш, уларни захирага (истеъфога) бўшатиш, пенсия билан таъминлаш бошқарма бошлиғининг такдимномасига биноан Ўзбекистон Республикаси Фавқулодда вазиятлар вазирлиги томонидан амалга оширилади;
(5-банднинг иккинчи хатбошиси Ўзбекистон Республикаси Вазирлар Маҳкамасининг 2017 йил 22 августдаги 660-сонли қарори таҳририда — ЎР ҚҲТ, 2017 й., 34-сон, 896-модда)
Махсус авария-тиклаш бошқармасини муддатли хизмат ҳарбий хизматчилари билан бутлаш белгиланган тартибда, бошқарма бошлиғининг буюртманомасига биноан Ўзбекистон Республикаси Мудофаа вазирлиги орқали амалга оширилади.
(6-банднинг биринчи хатбоши Ўзбекистон Республикаси Вазирлар Маҳкамасининг 2004 йил 7 майдаги 215-сонли қарори билан чиқарилган— ЎР ҚҲТ, 2004 й., 19-сон, 220-модда)
Олдинги таҳрирга қаранг.
(6-банд Ўзбекистон Республикаси Вазирлар Маҳкамасининг 2017 йил 22 августдаги 660-сонли қарорига асосан ўз кучини йўқотган — ЎР ҚҲТ, 2017 й., 34-сон, 896-модда)
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари И.Ҳ. Жўрабеков зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1998 йил 1 июль,
274-сон
Ўзбекистон Республикаси Ахборот технологиялари ва коммуникацияларини ривожлантириш вазирлигининг махсус авария-тиклаш бошқармаси тўғрисида
НИЗОМ
(1-илова номи Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
I. Умумий қоидалар
1. Махсус авария-тиклаш бошқармаси (15361-ҳарбий қисм), кейинги ўринларда «Бошқарма» деб аталади, Ўзбекистон Республикаси Ахборот технологиялари ва коммуникацияларини ривожлантириш вазирлигининг таркибий бўлинмаси ҳисобланади
(1-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
2. Бошқарма ўз фаолиятида Ўзбекистон Республикаси Конституциясига, Ўзбекистон Республикаси қонунларига, Ўзбекистон Республикаси Олий Мажлисининг бошқа қарорларига Ўзбекистон Республикаси Президентининг фармонларига, Ўзбекистон Республикаси Вазирлар Маҳкамасининг қарорлари ва фармойишларига, Қуролли Кучларнинг умумқўшин уставларига, Фавқулотда вазиятлар вазирлиги ҳамда Ўзбекистон Республикаси Ахборот технологиялари ва коммуникацияларини ривожлантириш вазирлигининг буйруқлари ва директиваларига, шунингдек мазкур Низомга амал қилади.
(2-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
3. Бошқарманинг шахсий таркиби қуйидагилардан иборат бўлади:
а) контракт бўйича оддий аскар, сержант ва зобитлар таркибида ҳақиқий ҳарбий хизматни ўтаётган ҳарбий хизматчилар;
б) ҳақиқий ҳарбий муддатли хизматга чақирилган ҳарбий хизматчилар;
в) Қуролли Кучлар ишчилари ва хизматчилари.
(3-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
4. Фавқулодда вазиятлар вақтида махсус вазифаларни бажариш ва уларнинг оқибатларини бартараф этиш учун жалб этилган Бошқарма кучлари ва воситаларига Ўзбекистон Республикаси Ахборот технологиялари ва коммуникацияларини ривожлантириш вазирлиги билан келишган ҳолда Ўзбекистон Республикаси Фавқулодда вазиятлар вазирлиги бевосита раҳбарлик қилади.
(4-банд Ўзбекистон Республикаси Вазирлар Маҳкамасининг 2017 йил 22 августдаги 660-сонли қарори таҳририда — ЎР ҚҲТ, 2017 й., 34-сон, 896-модда)
5. Бошқарма ҳарбий хизматчилари ҳарбий хизматда бўладилар. Улар шу жумладан уларнинг оилалари белгиланган таъминот, ҳуқуқлар ва имтиёзларнинг барча турларидан Ўзбекистон Республикаси Фавқулотда вазиятлар вазирлиги нормалари бўйича фойдаланадилар.
6. Бошқарманинг контракт бўйича ҳарбий хизматчилари Ўзбекистон Республикаси Фавқулодда вазиятлар вазирлигининг контракт бўйича ҳарбий хизматчилари учун қабул қилинган кийим-кечак, эмблема ва фарқланиш белгиларига эга бўлади.
(6-банд Ўзбекистон Республикаси Вазирлар Маҳкамасининг 2017 йил 22 августдаги 660-сонли қарори таҳририда — ЎР ҚҲТ, 2017 й., 34-сон, 896-модда)
Бошқарманинг муддатли ҳарбий хизматчилари Ўзбекистон Республикаси Мудофаа вазирлигининг муддатли ҳарбий хизматчилари учун белгиланган нормаларга мувофиқ кийим-кечак билан таъминланади.
7. Бошқарма ўз фаолиятини Ўзбекистон Республикаси Ахборот технологиялари ва коммуникацияларини ривожлантириш вазирлигининг бошқа бўлимлари (бўлинмалари) ва бошқармалари, шунингдек Миллий гвардия, Фавқулотда вазиятлар вазирлиги, Мудофаа вазирлиги, Давлат хавфсизлик хизмати, Ўзбекистон Республикаси Президенти Давлат хавфсизлик хизмати, Ички ишлар вазирлиги бошқа бўлинмалари ва хизматлари билан ўзаро хамкорликда амалга оширади.
(7-банд Ўзбекистон Республикаси Вазирлар Маҳкамасининг 2018 йил 15 декабрдаги 1021-сонли қарори таҳририда — Қонун ҳужжатлари маълумотлари миллий базаси, 17.12.2018 й., 09/18/1021/2335-сон)
8. Бошқарманинг оператив, махсус ва бошқа транспорт воситалари давлат автомобиль назорати органларида рўйхатдан ўтказилиши керак ва белгиланган тартибда тасдиқланган таниш белгилари, махсус сигналлар ва алоқа воситалари билан жиҳозланади.
9. Бошқарма юридик шахс ҳисобланади, Ўзбекистон Республикаси Давлат герби тасвирланган, ўз номи Ўзбекистон Республикасининг давлат тилида ёзилган муҳрга эга бўлади.
II. Бошқарманинг асосий вазифалари
10. Қуйидагилар Бошқарманинг асосий вазифалари ҳисобланади:
а) тинч даврда:
ахборот-коммуникация технологияларини ривожлантириш, модернизация қилиш, техник ва технологик қайта жиҳозлаш соҳасида давлат сиёсатини амалга ошириш мақсадида Ўзбекистон Республикаси Ахборот технологиялари ва коммуникацияларини ривожлантириш вазирлигининг таркибий бўлинмалари билан ҳамкорликда Ўзбекистон Республикаси алоқа объектлари ва телекоммуникация тармоқларида авария-тиклаш ҳамда қурилиш-монтаж ишларини бажариш;
сафарбарлик захирасининг моддий воситаларини ва фавқулодда вазиятларда авария-тиклаш ишларини бажариш учун уларнинг захирасини тўплаш ҳамда ва сифатли сақлаш;
Ўзбекистон Республикаси Ахборот технологиялари ва коммуникацияларини ривожлантириш вазирлигининг Махсус авария-тиклаш бошқармасини сафарбарликка жалб этиш режасини ишлаб чиқиш, тайёрлаш ва амалга ошириш;
Бошқармани белгиланган вазифаларни бажаришга доимий жанговар тайёргарлик даражасида сақлаш;
мобиль алоқа воситаларини ва Ўзбекистон Республикаси фуқаро муҳофазаси бошлиғининг мобиль бошқарув пунктини белгиланган мақсадда қўллашга доимий тайёр ҳолда сақлаш ва уларнинг техник таъминотини модернизация қилиш;
Ахборот технологиялари ва коммуникацияларини ривожлантириш вазирлиги тузилмаси объектларини ҳарбийлаштирилган ҳолда қўриқлаш;
Бошқарма ҳарбий хизматчилари ва хизматчиларини ўқув маркази базасида ўқитиш, қайта тайёрлаш ва уларнинг малакасини оширишни ташкил қилиш ва кейинчалик муддатли ҳарбий хизматчиларни Ўзбекистон Республикаси Мудофаа вазирлигининг мудофаа ишлари бошқармалари ва бўлимлари орқали махсус тузилмаларга бириктириш;
Бошқарма шахсий таркибини Ўзбекистон Республикасининг Президенти ва халқига, ҳарбий қасамёд ва ҳарбий бурчга садоқат, Ватан тарихи ва анъаналарини чуқур ҳурмат қилиш, Ўзбекистон Республикаси Конституцияси ва қонунлари қоидаларини сўзсиз бажариш, командирларга (бошлиқларга) онгли равишда бўйсуниш руҳида тарбиялашга қаратилган тизимли ишларни ташкил этиш;
Ўзбекистон Республикаси Ахборот технологиялари ва коммуникацияларини ривожлантириш вазирлиги билан келишган ҳолда жанговар тайёргарлик, алоҳида муҳим ва тоифаларга ажратилган алоқа объектларини қўриқлаш, идоралараро ўқув-машғулотларда тезкор алоқани таъминлаш ва бошқа махсус вазифаларни бажариш масалаларида Ўзбекистон Республикаси Миллий гвардия, Фавқулодда вазиятлар вазирлиги, Мудофаа вазирлиги, Ички ишлар вазирлиги, Давлат хавфсизлик хизмати, Ўзбекистон Республикаси Президенти Давлат хавфсизлик хизмати билан ҳамкорлик қилиш.
(10-банднинг «а» кичик банди ўнинчи хатбошиси Ўзбекистон Республикаси Вазирлар Маҳкамасининг 2018 йил 15 декабрдаги 1021-сонли қарори таҳририда — Қонун ҳужжатлари маълумотлари миллий базаси, 17.12.2018 й., 09/18/1021/2335-сон)
III. Бошқарманинг шахсий таркибини бутлаш ва хизматни ўташ
11. Бошқармани контракт бўйича ҳарбий хизматчилар билан бутлаш Ўзбекистон Республикаси Фавқулодда вазиятлар вазирлиги орқали амалга оширилади.
(11-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
12. Бошқарма бошлиғи ва унинг ўринбосарлари, Ўзбекистон Республикаси Ахборот технологиялари ва коммуникацияларини ривожлантириш вазири ва Фавқулодда вазиятлар вазирининг қўшма буйруғи билан лавозимга тайинланади.
(12-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
13. Бошқарманинг таркибий бўлинмаларида мансабдор шахслар бошқарма бошлиғи томонидан тайинланади, контракт бўйича ҳарбий хизматчиларга ҳарбий унвонлар қонунчиликда белгиланган тартибда берилади.
(13-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
14. Контракт бўйича ҳарбий хизматчиларни қабул қилиш, тайинлаш ва бўшатиш Фавқулодда вазиятлар вазирлиги билан келишган ҳолда амалга оширилади.
15. Контракт бўйича ҳарбий хизматчиларнинг Бошқарма ичида бир лавозимдан бошқасига ўтиши Бошқарма бошлиғининг буйруғи билан амалга оширилади.
Олдинги таҳрирга қаранг.
(16-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарорига асосан ўз кучини йўқотган — ЎР ҚҲТ, 2015 й., 26-сон, 338-модда)
17. Бошқармани муддатли ҳарбий хизматчилар билан бутлаш Бошқарма бошлиғининг буюртманомаси бўйича белгиланган тартибда Ўзбекистон Республикаси Мудофаа вазирлиги орқали амалга оширилади.
IV. Молиявий таъминоти
18. Бошқарма сарф-харажатлари Ўзбекистон Республикаси бюджети маблағлари ҳисобига маблағ билан таъминланади.
19. Бошқарманинг объектларни қўриқловчи идоравий қўриқлаш бўлинмаларининг таъминоти билан боғлиқ харажатлар Ўзбекистон Республикаси Давлат бюджети маблағлари ҳисобидан, Ўзбекистон Республикаси Ахборот технологиялари ва коммуникацияларини ривожлантириш вазирлиги тизимининг нодавлат мулк объектларини қўриқлаш Бошқарма билан тузилган шартномаларга мувофиқ ушбу объектлар маблағлари ҳисобидан молиялаштирилади.
(19-банд Ўзбекистон Республикаси Вазирлар Маҳкамасининг 2017 йил 22 августдаги 660-сонли қарори таҳририда — ЎР ҚҲТ, 2017 й., 34-сон, 896-модда)
20. Харажатларнинг йиллик бюджет сметасини Ўзбекистон Республикаси Ахборот технологиялари ва коммуникацияларини ривожлантириш вазири тасдиқлайди.
(20-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
21. Бошқармани маблағ билан таъминлаш ҳар ойда бир йилга тасдиқланган сметанинг ўн иккидан бир қисми доирасида амалга оширилади.
22. Сафарбарлик захирасига ғамланадиган моддий бойликларга ва фавқулодда вазиятлар давридаги захирага ҳақ тўлаш белгиланган тартибда Ўзбекистон Республикаси Вазирлар Маҳкамаси ҳузуридаги Давлат захираларини бошқариш қўмитаси томонидан амалга оширилади.
(22-банд Ўзбекистон Республикаси Вазирлар Маҳкамасининг 2013 йил 23 августдаги 233-сонли қарори таҳририда — ЎР ҚҲТ, 2013 й., 34-сон, 458-модда)
23. Бошқарманинг молия-хўжалик фаолияти Ўзбекистон Республикаси Ахборот технологиялари ва коммуникацияларини ривожлантириш вазирлиги Ўзбекистон Республикаси Молия вазирлиги томонидан назорат қилинади.
(23-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
V. Моддий-маиший таъминоти
24. Бошқарма ўз фондларида жойлаштирилади.
25. Контракт бўйича ҳарбий хизматчилар қонун ҳужжатларида белгиланган тартибда уй-жой билан таъминланади.
(25-банд Ўзбекистон Республикаси Вазирлар Маҳкамасининг 2017 йил 22 августдаги 660-сонли қарори таҳририда — ЎР ҚҲТ, 2017 й., 34-сон, 896-модда)
26. Бошқарма таъминотнинг барча турлари билан табеллар ва таъминот нормаларига мувофиқ тўғридан-тўғри шартномалар тузилиши йўли билан вазирликлар ва идораларнинг таъминотчи органларига ҳақ тўлаш ҳисобига таъминланади.
27. Бошқармага ёнилғи-мойлаш материалларига фондлар моторесурсларнинг нормалари ва белгиланган лимитларига мувофиқ ҳисобланган эҳтиёжига кўра Ўзбекистон Республикаси Ахборот технологиялари ва коммуникацияларини ривожлантириш вазирлиги орқали ажратилади.
(27-банд Ўзбекистон Республикаси Вазирлар Маҳкамасининг 2015 йил 27 июндаги 171-сонли қарори таҳририда — ЎР ҚҲТ, 2015 й., 26-сон, 338-модда)
