ЎЗБЕКИСТОН РЕСПУБЛИКАСИ ИҚТИСОДИЁТ ВАЗИРЛИГИ
ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРЛИГИ
ЎЗБЕКИСТОН РЕСПУБЛИКАСИ МЕҲНАТ ВА АҳОЛИНИ ИЖТИМОИЙ МУҲОФАЗА ҚИЛИШ ВАЗИРЛИГИНИНГ

Қарори

КАДРЛАРНИ ДАВЛАТ ГРАНТЛАРИ АСОСИДА МАҚСАДЛИ ТАЙЁРЛАШ ТАРТИБИ ТЎҒРИСИДА НИЗОМНИ ТАСДИҚЛАШ ҲАҚИДА

[Ўзбекистон Республикаси Адлия вазирлиги томонидан 2005 йил 6 августда 1506-сон билан давлат рўйхатидан ўтказилди]

Ўзбекистон Республикаси Президентининг 2005 йил 2 июндаги «2005/2006 ўқув йилида Ўзбекистон Республикаси олий таълим муассасаларига қабул тўғрисида»ги ПҚ-92-сон қарорининг 6-бандини бажариш мақсадида қарор қиламиз:

1. «Кадрларни давлат грантлари асосида мақсадли тайёрлаш тартиби тўғрисида низом» иловага мувофиқ тасдиқлансин.

2. Мазкур Низом Ўзбекистон Республикаси Адлия вазирлиги томонидан давлат рўйхатидан ўтказилгандан ўн кундан сўнг кучга киради.

Иқтисодиёт вазири Р. АЗИМОВ

Тошкент ш.,

2005 йил 7 июль,

58-сон

Олий ва ўрта махсус таълим вазири Р. ҚОСИМОВ

Тошкент ш.,

2005 йил 7 июль,

154-1-сон

Халқ таълими вазири Т. ЖЎРАЕВ

Тошкент ш.,

2005 йил 7 июль,

19-сон

Меҳнат ва аҳолини ижтимоий муҳофаза қилиш вазири в.б. А. АКБАРОВ

Тошкент ш.,

2005 йил 7 июль,

02/2658-сон

Иқтисодиёт вазирлиги, Олий ва ўрта махсус таълим вазирлиги, Халқ таълими вазирлиги, Меҳнат ва аҳолини ижтимоий муҳофаза қилиш вазирлигининг
2005 йил 7 июлдаги 58, 154-1, 19 ва 02/2658-сонли қарори билан ТАСДИҚЛАНГАН

Кадрларни давлат грантлари асосида мақсадли тайёрлаш тартиби тўғрисида

НИЗОМ

Мазкур Низом Ўзбекистон Республикаси Президентининг 2005 йил 2 июндаги ПҚ-92-сон «2005/2006 ўқув йилида Ўзбекистон Республикаси олий таълим муассасаларига қабул тўғрисида»ги қарорининг 6-бандига мувофиқ, олий таълим муассасаларида давлат грантлари асосида мақсадли тайёрланган кадрларни камида уч йил ишлаб бериш шарти билан, таълим муассасалари, корхона ва ташкилотларга ишга тақсимлаш қоидалари ва тартибини белгилайди.

I. Умумий қоидалар

1. Барча таълим йўналишлари бўйича давлат грантлари асосида таҳсил олган олий таълим муассасалари бакалавр ва магистрлари (кейинги ўринларда матнда битирувчилар деб юритилади) 2005/2006 ўқув йилидан бошлаб мажбурий тартибда камида уч йил ишлаб бериш шарти билан таълим муассасаларига, корхона ва ташкилотларга (кейинги ўринларда матнда иш берувчи деб юритилади) ишга тақсимланади.

2. Олий таълим муассасаларини давлат грантлари асосида бакалавриатни тамомлаган битирувчилар магистратурага тўлов-контракт асосида ўқишга қабул қилинган тақдирда, камида уч йил ишлаб бериш мажбурияти магистратурани якунлагандан сўнг ушбу Низом талаблари асосида амалга оширилади.

3. Агар битирувчи олий таълим муассасаларининг бакалавриати ва магистратурасида давлат грантлари асосида ўқиган тақдирда, унинг ишлаб бериш мажбурияти камида уч йил деб ҳисобланади.

4. Олий таълим муассасаларини тўлов-контракт асосида бакалавриатни тамомлаган битирувчилар магистратурага давлат грантлари асосида ўқишга қабул қилинган тақдирда камида уч йил ишлаб бериш мажбурияти магистратурани якунлагандан сўнг ушбу Низом талаблари асосида амалга оширилади.

5. Битирувчиларни эгаллаган таълим йўналиши ва касбий тайёргарлигига кўра тақсимлашни мувофиқлаштириш учун тасарруфида олий таълим муассасалари бўлган вазирлик, идоралар қошида махсус комиссиялар тузилади.

II. Битирувчиларга бўлган эҳтиёжни аниқлаш ва буюртмаларни шакллантириш

6. Иш берувчи кадрларга бўлган эҳтиёжни, мавжуд бўш иш жойлари ҳақидаги маълумотларни ҳар йили 1 апрелга қадар аниқлайдилар ҳамда махсус комиссияга иш жойи кўрсатилган ҳолда, кафолатланган талабнома (буюртма)ни тақдим этадилар.

7. Ўз тасарруфида олий таълим муассасалари бўлган вазирлик ва идоралар олий маълумотли кадрларга бўлган эҳтиёж ҳамда уларга бўлган буюртмаларни йўналишлар бўйича умумлаштириб, олий таълим муассасалари битирувчилари тақсимоти кўрсаткичларини шакллантиради.

8. Махсус комиссия томонидан буюртмалар асосида шакллантирилган тақсимот кўрсаткичлари тегишли олий таълим муаcсасаларига юборилади.

III. Битирувчиларни ишга тақсимлаш тартиби

9. Олий таълим муассасаларида битирувчиларни ишга тақсимлаш улар олий таълим муассасасини битиришидан камида 1 ой олдин ўтказилади.

10. Битирувчиларнинг тақсимоти олий таълим муассасаси ректори тасдиқлаган олий таълим муассасасининг тақсимот комиссияси (кейинги ўринларда матнда тақсимот комиссия деб юритилади) томонидан ўтказилади. Тақсимот комиссия таркибига: олий таълим муассасаси ректори - комиссия раиси, факультет декани, кафедра мудирлари ҳамда манфаатдор вазирлик ва идоралар, иш берувчилар вакиллари аъзо қилиб киритилади.

11. Олий таълим муассасаси битирувчиларни ишга тақсимланиш жараёнидан олдин битирувчилардан қаерда ишлашни хоҳлаши тўғрисида сўров-анкеталари тўлдириб олинади.

12. Олий таълим муассасаси тақсимот комиссияси:

а) битирувчиларни олий таълим муассасасида эгаллаган таълим йўналишлари ва малакасига, кадрларга бўлган буюртмага асосан ҳамда уларнинг рейтинги, оилавий шароити, доимий яшаш жойи ва таклиф этилаётган иш жойларида ишлаш истагини ҳисобга олган ҳолда ишга тақсимлайди;

б) ҳар бир битирувчини таклиф қилинаётган иш жойи, меҳнат ва маиший шароитлар, лавозими, иш ҳақи миқдори тўғрисидаги ва бошқа зарур маълумотлар билан таништиради;

в) мажлис баённомаси ва битирувчилар шахсий тақсимоти қайдномасини юритади (1-илова).

13. Юқори рейтинг тўплаган битирувчилар биринчилар қаторида мавжуд бўлган иш жойларига ўзларининг ихтиёри билан жойлашиш ҳуқуқига эга бўладилар.

14. Олий таълим муассасаларида ўз ҳисобидан тўлов-контракт бўйича таълим олган битирувчилар ўз ихтиёри билан тақсимот комиссиясида иштирок этиши ва унинг розилиги асосида комиссия қарори билан таклиф этилаётган иш жойларига ишга юборилиши мумкин.

15. Агар тақсимот комиссияси битирувчини иш билан таъминлай олмаса, унга мустақил ишга жойлашиш имконияти берилганлиги тўғрисида маълумотнома (2-илова) тақдим этади.

16. Тақсимот комиссияси ишини тугатгандан сўнг битирувчиларни уларнинг саломатлиги, оилавий шароити ўзгариши асосида қайта тақсимлаш масаласи олий таълим муассасаларининг тақсимот комиссиялари томонидан кўриб чиқилиши мумкин.

17. Олий таълим муассасаси тақсимот комиссияси иши тугагандан сўнг бир ҳафтадан, бироқ битирувчи ўқишни тугатган кундан сўнг уч кундан кечиктирмай, ишга юборилаётган ҳар бир битирувчига қуйидаги ҳужжатларни беради:

олий маълумот тўғрисидаги дипломдан кўчирма;

ишга юборилганлик тўғрисидаги йўлланма (3-илова);

тақсимот комиссияси қароридан ва тақсимот рўйхатидан кўчирма.

Мустақил ишга жойлашиш имконияти берилган битирувчиларга мазкур бандда назарда тутилган муддатларда мустақил ишга жойлашиш имконияти берилганлиги тўғрисида маълумотнома ва олий маълумот тўғрисидаги дипломнинг асл нусхаси берилади.

Олий таълим муассасаси ректори мазкур бандда кўрсатилган ҳужжатларни битирувчига ўз вақтида берилишига шахсан жавобгардир. Битирувчига белгиланган нусхадаги йўлланма ўрнига бошқа ҳужжатлар берилишига рухсат этилмайди.

18. Битирувчи мазкур Низом талаблари асосида тақсимот бўйича уч йил ишлаб бергандан кейин унга олий таълим муассасаси томонидан бир ҳафта муддатда меҳнат дафтарчасига мувофиқ дипломнинг асл нусхаси берилади.

IV. Тақсимот асосида юборилган битирувчиларни ишга қабул қилиш ва уларнинг меҳнати

19. Битирувчилар ўқишни тамомлагандан сўнг кўпи билан уч ойгача бўлган муддатда иш жойига етиб келишлари ва иш бошлашлари лозим.

20. Иш берувчи иш жойига етиб келган битирувчи томонидан тақдим этилган йўлланмани тасдиқлайди ва ўн кун муддат ичида йўлланмани тегишли олий таълим муассасасига юборади.

21. Иш берувчи олий таълим муассасаси битирувчилари билан ўрнатилган тартибда ишга юборилганлик тўғрисидаги йўлланмага мувофиқ меҳнат шартномаси тузади.

Танлов асосида ишга қабул қилинадиган лавозимларга битирувчилар йўлланма асосида танловсиз қабул қилинади.

22. Битирувчи томонидан мажбурий ишлаб берилиши лозим бўлган уч йиллик муддатга қуйидаги муддатлар ҳам киради:

таълим муассасаси, корхона ёки ташкилотда турли лавозимларда ишлаган муддат;

таълим муассасаси, корхонаси ёки ташкилот мансуб бўлган тизимдаги (вазирлик, идора ёки бошқа хўжалик бошқаруви органи) бошқа таълим муассасаларида, корхона ва ташкилотларда иш берувчининг розилигига кўра ишлаган муддат;

меҳнат таътилида, шу жумладан ижтимоий таътилларда бўлган муддат;

муддатли ҳарбий хизмат ёки сафарбарлик чақируви резервидаги ҳарбий хизмат ўталган муддат.

23. Битирувчи уч йил мажбурий ишлагандан сўнг шу иш берувчида ишни давом эттириш масаласи иш берувчи ва ходимнинг ўзаро келишувига мувофиқ меҳнат қонунчилиги асосида ҳал этилади.

LexUZ шарҳи

Қаранг: Ўзбекистон Республикаси Меҳнат кодексининг 12-боби.

V. Битирувчиларга бериладиган имтиёзлар

24. Ишга тақсимланган битирувчи таълим муассасалари, корхона ва ташкилотларга ишга жойлашгач, иш берувчи унга меҳнат қилиши учун шарт-шароитларни яратади, уй-жой билан таъминлаш чораларини кўради.

25. Иш берувчи ёш мутахассисларнинг меҳнатини рағбатлантириш ва уларнинг лавозимларини ошириш чораларини кўради, уларга илмий иш билан шуғулланиш учун имконият яратади.

26. Олий таълим муассасаларини тугатган ва ишга юборилган битирувчи тақсимот комиссияси қароридан норози бўлган тақдирда олий таълим муассасаси бўйсунадиган тегишли вазирлик ёки идорага ёхуд судга мурожаат этиш ҳуқуқига эга.

VI. Якуний қоидалар

27. 2005/2006 ўқув йилидан бошлаб, ҳар ўқув йилининг бошида, яъни сентябрь ойида, олий таълим муассасаларига бакалавриат ва магистратура бўйича давлат грантлари асосида қабул қилинган талабалар билан олий таълим муассасаси ўртасида ўқишни тамомлагандан сўнг таълим муассасалари, корхона ва ташкилотларда камида уч йил ишлаб бериш тўғрисида шартнома тузилиши лозим.

Битирувчи узрсиз сабабларга кўра тақсимланган жойда ишлашни хоҳламаса, унга нисбатан амалдаги қонунчилик асосида чоралар кўрилади.

LexUZ шарҳи

Қаранг: Вазирлар Маҳкамасининг 2017 йил 27 сентябрдаги 769-сонли қарори билан тасдиқланган Тиббиёт кадрларини тайёрлашни янада такомиллаштириш чора-тадбирлари тўғрисида.

28. Ушбу Низом Ўзбекистон Республикаси Соғлиқни сақлаш вазирлиги, Маданият ва спорт ишлари вазирлиги, Қишлоқ ва сув хўжалиги вазирлиги, Ўзбекистон Республикаси Бадиий академияси, «Ўзбекистон темир йўллари» ДАК, Ўзбекистон алоқа ва ахборотлаштириш агентлиги ва Ўзбекистон касаба уюшмалари Федерацияси билан келишилган.

Соғлиқни сақлаш вазири Ф. НАЗИРОВ

Тошкент ш.,

2005 йил 4 июль

Маданият ва спорт ишлари вазири А. АЗИЗХЎЖАЕВ

Тошкент ш.,

2005 йил 4 июль

Қишлоқ ва сув хўжалиги вазири С. ИСМОИЛОВ

Тошкент ш.,

2005 йил 4 июль

Бадиий академия раиси Т. ҚЎЗИЕВ

Тошкент ш.,

2005 йил 4 июль

«Ўзбекистон темир йўллари» ДАК раиси О. РАМАТОВ

Тошкент ш.,

2005 йил 4 июль

Ўзбекистон алоқа ва ахборотлаштириш агентлиги Бош директори А. АРИПОВ

Тошкент ш.,

2005 йил 4 июль

Ўзбекистон касаба уюшмалари Федерацияси Кенгашининг раиси Д. ЖАҲОНГИРОВА

Тошкент ш.,

2005 йил 4 июль

Кадрларни давлат грантлари асосида мақсадли тайёрлаш тартиби тўғрисидаги низомга
1-ИЛОВА

‎	‎	‎	‎	‎	‎	‎‎200___ й. ___________________ ни
‎	‎	‎	‎	‎	‎	‎‎^{(олий таълим муассасаси номи)‎ ‎}
‎‎‎БИТИРУВЧИЛАР ШАХСИЙ ТАҚСИМОТИ ҚАЙДНОМАСИ ‎
Т/р‎‏	Фамилияси, исми шарифи	жинси	Туғил ган йили	оилавий аҳволи	доимий яшаш жойи (ота-онасининг, турмуш ўртоғининг манзили)	Битирувчи тугатган таълим йўналиши (мутахассислиги)	‎‎қаерга ишга юборилади		Битирувчи имзоси‎‏
Т/р‎‏	Фамилияси, исми шарифи	жинси	Туғил ган йили	оилавий аҳволи	доимий яшаш жойи (ота-онасининг, турмуш ўртоғининг манзили)	Битирувчи тугатган таълим йўналиши (мутахассислиги)	Таълим муассасаси, корхона ва ташкилот номи	лавозими‎	Битирувчи имзоси‎‏
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎

Кадрларни давлат грантлари асосида мақсадли тайёрлаш тартиби тўғрисидаги низомга
2-ИЛОВА

МУСТАҚИЛ ИШГА ЖОЙЛАШИШ ИМКОНИЯТИ ‎БЕРИЛГАНЛИГИ ТЎҒРИСИДА ‎ ___- СОНЛИ МАЪЛУМОТНОМА ‎‎ ‎

‎‎20___й. «__» _____________ да __________________________________________________ ни‎
(ОТМнинг номи тўлиқ ёзилади)‎
______________________________________________________________________________‎
таълим йўналиши (мутахассислиги) бўйича тамомлаган _________________________________‎
______________________________________________________________________________‎‎
(исми шарифи тўлиқ ёзилади)‎ ^‎
Кадрларни давлат грантлари асосида мақсадли тайёрлаш тартиби тўғрисида низомнинг III бўлимининг 15-бандига мувофиқ мустақил ишга жойлашиш имконияти берилади.‎
‎	‎
Олий таълим ‎муассасаси ректори ‎	_________________________ ‎(имзо)‎ ^‎
М.Ў‎	‎

Кадрларни давлат грантлари асосида мақсадли тайёрлаш тартиби тўғрисидаги низомга
3-ИЛОВА

(Вазирлик номи)‎‎		‎‎
ИШГА ЮБОРИЛГАНЛИК ‎ТЎҒРИСИДА‎		(Битирувчи иш жойига келгач 10 кунлик муддатда тўлдирилиб, олий таълим муассасасига кайтарилади.‎
№ йўлланма бўлаги‎		ИШГА ЮБОРИЛГАНЛИК ‎ТЎҒРИСИДА‎
20_ й. «__»___________‎		‎
_______________________________________‎		№ йўлланма‎
__________________________________‎_____		(Иш берувчи:таълим муассасаси, корхона ва ташкилот номи) __________‎________________________________________
__________________________________‎_____		__________________________________________________‎‎
(олий таълим муассасаси номи тўлиқ ёзилади‎) ‎		__________________________________маълум киладики,‎
__________________________________‎_____		олий таълим муассасасини тамомлаган номи кўрсатилади) __________________________________________________‎
__________________________________‎_____		__________________________________________________‎
(исми, шарифи тўлик ёзилади) ‎		(исми шарифи тўлиқ ёзилади)‎
__________________________________‎_____		20____й «____»____________________да‎
___________________ лавозимида ишлаш учун ‎		иш жойига етиб келди ва лавозимига тайинланди.‎
__________________________________‎‎_____
(таълим муассасаси, корхона ва ташкилотнинг номи) ‎		‎
_____________ихтиёрига юборилади‎		‎
Етиб келиш муддати: ___‎		Раҳбар‎	(имзо)‎
М.Ў. ‎ ‎ ‎сана ‎		М.Ў. ‎ ‎ ‎сана‎
‎	‎	‎	‎

(Ўзбекистон Республикаси Қонун ҳужжатлари тўплами, 2005 й., 32-33-сон, 258-модда)