Ўзбекистон Республикаси Президентининг
қарори
Театрларнинг жамият маданий ҳаётидаги аҳамиятини ошириш ва улар фаолиятини янада қўллаб-қувватлаш чора-тадбирлари тўғрисида
[Кўчирма]
Мамлакатимизда театр санъатини янада ривожлантириш, театрлар фаолиятини такомиллаштириш ва уларнинг моддий-техник базасини мустаҳкамлаш, соҳада ижодий ҳамкорлик ва эркинликни таъминлаш, спектаклларнинг бадиий савиясини оширишни қўллаб-қувватлаш, шунингдек, бюджет маблағлари ва бошқа ресурслардан самарали фойдаланиш, соҳага жаҳон театр санъатининг илғор тажрибалари ва замонавий технологияларни жорий этиш мақсадида:
1. 2025 — 2030 йилларда 1-иловага мувофиқ:
буюк тарихий шахсларнинг ибратли ҳаёти ва ижоди, уларнинг болалиги ва ёшлигини ифодаловчи миллий қаҳрамон образлари;
инсоннинг жамиятдаги ўрни ва қадр-қимматини тарғиб этувчи «Инсон қадри учун» эзгу ғояси асосида янги саҳна асарлари яратиб борилсин.
Белгилансинки:
театр жамоалари давлат буюртмаси асосида яратилган спектакллар билан режа асосида республика бўйлаб гастроль сафарларига юборилади;
театр санъатининг замонавий жанр ва йўналишларидаги спектаклларга ҳам давлат буюртмаси бериб борилади;
давлат театрларида вазирликлар, идоралар ва бошқа ташкилотларнинг буюртмалари асосида уларнинг бюджетдан ташқари маблағлари ва қонунчилик ҳужжатлари билан тақиқланмаган бошқа манбалар ҳисобидан спектакллар саҳналаштирилади.
2. 2025 — 2028 йилларда давлат театрлари биноларини қуриш, реконструкция қилиш, мукаммал таъмирлаш ва модернизация қилишнинг манзилли дастури 2-иловага мувофиқ тасдиқлансин.
Бунда лойиҳалаш ва қурилиш-монтаж ишларини амалга оширишда қуйидагилар инобатга олинади:
театрнинг йўналиши келиб чиққан ҳолда архитектура-режалаштириш, саҳна механизмлари, томоша залининг акустик талабларга жавоб бериши, замонавий рақамли ва дастурлаштирилган технологиялар билан жиҳозлаш ва ландшафт ечимларини қўллаш;
ташриф буюрувчилар, хусусан, имконияти чекланган шахслар учун қулай шарт-шароитлар яратиш, туристларга хизмат кўрсатишни ривожлантириш;
театрларнинг замонавий янги концепциялари, соҳага хорижий илғор тажрибаларни самарали қўллаш.
3. Театр санъатини янада ривожлантириш бўйича чора-тадбирлар дастури 3-иловага мувофиқ тасдиқлансин.
4. Маданият ва санъатни ривожлантириш жамғармаси 2025-2026 йилларда Абдулла Қодирийнинг «Ўткан кунлар» романи асосида мюзикл яратсин, унинг тантанали премьерасини, алоҳида режа асосида мамлакатимиз ва жаҳон бўйлаб гастролларини ташкил этсин.
5. Театр санъатида ижодий ҳамкорликни ривожлантириш, драматурглар ва ёш режиссёрларни рағбатлантириш мақсадида:
драматурглар учун Маҳмудхўжа Беҳбудий номидаги мукофот ҳамда ёш режиссёрлар учун Ўзбекистон Республикаси халқ артисти ва санъат арбоби Баҳодир Йўлдошев номидаги мукофот таъсис этилсин, ушбу мукофотлар бўйича танловлар ҳар икки йилда ўтказилиб, уларнинг ғолиблари меҳнатга ҳақ тўлашнинг энг кам миқдорининг 50 баробари миқдорида пул мукофоти билан тақдирлансин;
режиссёр — драматург — композитор — рассом тамойили асосида ижодий ҳамкорликни кенгайтиришга қаратилган 2025 йилдан бошлаб ҳар йили август ойида «Нигоҳ» ижодий лойиҳаси амалга оширилсин;
«Нигоҳ» ижодий лойиҳаси доирасида ҳамкорликда яратилган ва ижодий танлов асосида аниқланган энг яхши 5 та асарни ушбу лойиҳа гранти асосида театрларда саҳналаштириш ҳамда режиссёр, драматург, композитор, рассомларни моддий рағбатлантириб бориш амалиёти жорий қилинсин;
миллий академик мусиқа санъатини ривожлантириш ва оммалаштириш мақсадида ҳар икки йилда миллий композиторлар танлови ўтказиб борилсин.
6. Театрлар билан таълим ташкилотларининг узвий ҳамкорлигини йўлга қўйиш мақсадида:
Ўзбекистон давлат санъат ва маданият институтига мақсадли қабул квоталари театрлардаги кадрларга бўлган эҳтиёжни инобатга олиб белгилансин;
касбий таълим ташкилотларининг сўнгги босқич ўқувчилари, учинчи ва тўртинчи босқич бакалавр ҳамда магистратура талабаларининг ҳафтада камида икки кун театрларда амалий машғулотлар ўташи йўлга қўйилсин;
ҳар йили давлат буюртмаси учун бюджетдан ажратиладиган маблағлар доирасида мусиқий театр, драматик ва қўғирчоқ театри режиссёрлиги йўналиши бўйича битирувчиларининг бештагача энг яхши битирув малакавий ишлари учун меҳнатга ҳақ тўлашнинг энг кам миқдорининг 100 баробаригача миқдорда давлат буюртмаси бериб борилсин;
ҳар йили бештагача мақсадли илмий-тадқиқот лойиҳалари белгиланган тартибда Давлат бюджетидан илмий фаолиятга оид давлат дастурларини амалга ошириш учун ажратилган маблағлар ҳисобидан молиялаштирилсин.
Маданият вазирлиги Олий таълим, фан ва инновациялар вазирлиги билан биргаликда ушбу бандда белгиланган вазифаларнинг самарали бажарилишини таъминласин.
7. Театр санъати ҳамда театр танқидчилигида «устоз-шогирд» анъаналари ва маҳорат мактабларини ривожлантириш мақсадида театр санъатидаги истеъдодли ва юқори малакали ижодкорлар, театршунослар ва санъатшуносларнинг маҳорат мактаблари ташкил этилсин.
Бунда:
маҳорат мактаблари ташкил этиладиган ижодкорлар рўйхати Маданият вазирлиги ҳайъати қарори билан тасдиқланади;
маҳорат мактабини яратган ижодкорлар белгиланган тартибда асосий иш жойининг (ташкилотининг) бюджетдан ташқари ривожлантириш жамғармаси ҳисобидан ҳар чоракда базавий ҳисоблаш миқдорининг 30 баравари миқдорида маҳорат мактабларида ўқитиш самарадорлигини баҳолаш асосида қўшимча рағбатлантириб борилади;
маҳорат мактабларига уларни ташкил этган ижодкорлар фаолият юритадиган ташкилот объектларидан маҳорат дарсларини ўтиш учун жой ажратилади ва бошқа зарур шарт-шароитлар яратилади;
маҳорат мактаблари хорижий мутахассислар билан шартномалар асосида ҳам ташкил этилиши мумкин.
8. Болалар ва ўқувчи-талабаларнинг театр санъатига бўлган қизиқишини янада ошириш ва уларнинг ижодий қобилиятини ривожлантириш мақсадида:
а) Мактабгача ва мактаб таълими вазирлиги томонидан:
мактабгача таълим ташкилотларида болалар учун стол усти, бармоқ, қўлқопли ва қўғирчоқли кичик саҳна кўринишларини саҳналаштириш ҳамда болалар ижодий жамоалари фаолияти йўлга қўйилсин;
давлат умумий ўрта таълим муассасаларида мактаб театр жамоалари ташкил этилсин ҳамда улар ўртасида «Турон» мактаб театри республика танлови ўтказиб борилсин;
«Баркамол авлод» болалар мактабларида «Тасаввур» қўғирчоқ театри тўгараклари ташкил этилсин;
б) Олий таълим, фан ва инновациялар вазирлиги томонидан олий таълим муассасаларида талабалар театр-студиялари фаолияти кенгайтирилсин ҳамда улар ўртасида театр-студиялар республика кўрик-фестивали ўтказиб борилсин.
Белгилансинки, ушбу бандда назарда тутилган:
тадбирларнинг юқори босқичлари телетанлов ва теле-шоу шаклида ташкил этилади;
тадбирларнинг республика босқичида 1, 2 ва 3-ўринни эгаллаган жамоалар тегишли равишда базавий ҳисоблаш миқдорининг 100, 70 ва 50 баравари миқдорида бир марталик пул мукофоти билан тақдирланади.
Ўзбекистон Ёзувчилар уюшмаси Республика Маънавият ва маърифат маркази, Маданият вазирлиги билан ҳамкорликда болалар ва ўқувчи-талабаларнинг ёши, қизиқишлари, таълим-тарбия олиши, ижодий ва интеллектуал ривожланишини инобатга олиб, 2025 йилдан бошлаб ҳар йили 10 та пьеса яратиб, уларнинг электрон тўпламини тузсин.
9. Маданият вазирлиги ҳузуридаги Театрлар фаолияти бўйича бадиий кенгаш тугатилиб, спектаклларнинг жанри ва мавзусини инобатга олган ҳолда ихтисослашган бадиий-эксперт гуруҳлари ташкил этилсин ва улар фаолиятига мутаносиб равишда ҳақ тўлаб борилсин.
Давлат театрларида бош режиссёр театр бадиий кенгашининг раҳбари ҳисоблансин (бундан бадиий раҳбар лавозими жорий этилган театрлар мустасно). Бош режиссёрнинг бадиий фаолиятига театр директорининг аралашувига йўл қўйилмайди.
10. Алишер Навоий номидаги Ўзбекистон давлат академик катта театри ҳузурида ушбу театрнинг амалдаги штат жадвали доирасида юридик шахс мақомига эга бўлмаган Театр режиссёрлари академияси ташкил этилсин.
Белгилансинки:
Театр режиссёрлари академияси Маданият вазирлигига тегишли бинолар, театр саҳналари, декорация ва бошқа жиҳозлардан ўқув мақсадларида бепул фойдаланиши мумкин;
Театр режиссёрлари академияси давлат буюртмаси асосидаги спектаклларни саҳналаштириш жараёнига ижодий кўмаклашади;
Театр режиссёрлари академиясида давлат театрлари режиссёрлари ҳар икки йилда, шу жумладан, янги тайинланган режиссёрлар ўз фаолиятини бошлашидан олдин камида икки ой давомида индивидуал дастур асосида амалий машғулотлардан ўтади, шунингдек, ушбу дастур доирасида янги жанр ва йўналишлардаги спектаклларни саҳналаштириш амалий тажрибадан ўтказилади. Театр режиссёрлари фақат Театр режиссёрлари академиясида малака оширади;
давлат театрларида бош режиссёрга нисбатан интизомий жазолар қўллаш Театр режиссёрлари академияси билан мажбурий тартибда келишган ҳолда амалга оширилади.
Маданият вазирлиги икки ой муддатда Театр режиссёрлари академияси фаолиятини ташкил этсин, шунингдек, келгусида унинг самарали фаолияти олиб боришига ҳар томонлама кўмаклашсин.
11. Театрлар фаолиятига таҳлилий баҳо бериш ва театр танқидчилигини рағбатлантириш мақсадида қуйидагилар жорий этилсин:
театршунослик ва санъатшунослик йўналиши докторантлари ҳамда профессор-ўқитувчиларнинг ҳар ойда камида иккита спектакль томоша қилиш ва ҳар чоракда камида бир маротаба янги спектакль кўриги ва муҳокамасида иштирок этиш;
ҳар бир театрга театр танқидчилари сифатида театршунос, санъатшунос, драматургларни жалб этиш;
театр танқидчилари ва драматурглари клубини ташкил этиш ҳамда ҳар чоракда камида бир маротаба бадиий танқид ва драматургияни ривожлантириш бўйича давра суҳбатлари, семинарлар ва омма эътиборида бўлган саҳна асарлари муҳокамасини ўтказиш.
Маданият вазирлиги икки ой муддатда ушбу бандда назарда тутилган театр танқидчилигини рағбатлантириш тартибини белгиласин. Бунда ҳар бир янги асар бўйича меҳнатга ҳақ тўлашнинг энг кам миқдорида Маданият вазирлигига ажратиладиган бюджет маблағлари ҳисобидан рағбатлантириш назарда тутилсин.
12. Театрларда давлат буюртмаси асосида спектаклларни саҳналаштириш ҳамда тарихий ва замонавий мавзулар бўйича саҳна асарларини яратишни рағбатлантириш мақсадида:
миллий мумтоз ва замонавий адабиётимизнинг юқори бадиий-ғоявий савияга эга асарларини театрларда саҳналаштириш мақсадида инсценировка учун ҳар йили 10 тагача давлат буюртмаси бериб борилсин;
ҳар йили спектаклларни саҳналаштириш учун нодавлат театр ва театр-студияларга Маданият вазирлиги томонидан унинг ҳисоб-китобларига мувофиқ давлат буюртмасини бериб бориш йўлга қўйилсин;
2025 йилдан бошлаб, ҳар икки йилда тарихий ва замонавий мавзулар бўйича «Энг яхши пьесалар» танлови ташкил этилсин ва танловда ғолиб деб топилган 20 та энг яхши пьесалар театрларда саҳналаштирилиб, ҳар бир йўналиш бўйича танлов ғолибларига меҳнатга ҳақ тўлашнинг энг кам миқдорининг 50 баробаригача миқдорда бир марталик мукофот пули берилсин;
жаҳон драматургияси намуналаридан таржима қилинган асарлар бўйича ҳар йили «Энг яхши таржима саҳна асарлари» танлови жорий этилсин ва танлов ғолибларига меҳнатга ҳақ тўлашнинг энг кам миқдорининг 50 баробаригача миқдорда бир марталик мукофот пули берилсин;
2027 йил якунига қадар маданият ва санъат таълим муассасалари ўқувчи-талабалари учун таълим жараёнида фойдаланадиган 50 тагача хорижий адабиётларни давлат буюртмаси асосида ўзбек тилига таржима қилиш амалиёти жорий қилинсин;
2025 йилдан бошлаб, ҳар йили 25 нафар ижодий ва ёрдамчи ходимларнинг хорижий давлатлар театрларида маҳоратини оширишни йўлга қўйиш тизими жорий қилинсин.
13. Белгилансинки, 2025 йилдан бошлаб, Ўзбекистон театр жамоаларининг миллий рейтинги тузилади ҳамда ҳар йили 27 март — Халқаро театр кунида эълон қилинади.
Бунда:
театр ходимлари миллий рейтингга, шунингдек, Маданият вазирлиги томонидан белгиланадиган театрлар ижодий ходимларининг спектакль саҳналаштириш ва ижро этиш меъёрларига мувофиқ ҳолда рағбатлантирилади;
миллий рейтинг театрлар ва уларнинг ижодий ходимларининг фаолиятини баҳолаш ҳамда йил давомида намойиш этилган саҳна асарларига томошабинларнинг муносабатлари асосида шакллантирилади.
14. Аҳоли, айниқса, ёшларнинг театрларга доимий ташрифларини назарда тутувчи «Театр — ибратхонадир» дастури амалга оширилсин. Белгилансинки, унинг доирасида:
спектаклларнинг чипталарига чегирмалар тақдим қилиш ва акциялар ўтказиш тавсия этилади;
«Маҳалла еттилиги» аъзолари билан биргаликда ҳар ойда маҳаллаларда «Театр куни» тадбирлари ўтказиш йўлга қўйилади. Бунда ижодий учрашувлар ва театрлаштирилган композиция намойишлари ёки театрларга ташрифлар ташкил этилади;
«Темир дафтар», «Аёллар дафтари» ва «Ёшлар дафтари»га киритилган фуқаролар ва ногиронлиги бўлган шахслар давлат театрларининг спектаклларига бепул киритилади.
15. Белгилаб қўйилсинки, театрга томошабинларни жалб этишни рағбатлантириш мақсадида 2025 йилдан бошлаб:
театрлар фаолияти, шу жумладан, уларда намойиш этилаётган асарларни реклама қилиш харажатларини молиялаштириш учун давлат буюртмаси асосида асарларни яратиш учун режалаштирилган бюджет маблағларининг 10 фоизигача миқдорда маблағ йўналтиришга;
чипталарни реализация қилишни аутсорсинг асосида амалга оширишга;
театрнинг асосий фаолиятига салбий таъсир кўрсатмаган ҳолда савдо нуқталарини, пулли хизматлар кўрсатиш шохобчаларини, шу жумладан, реклама воситаларини жойлаштиришга, ташриф буюрувчилар учун «Саҳна ортига саёҳат» мавзусидаги экскурсияларни ташкил этишга;
театрлар брендини яратиш, фаолиятини тарғиб қилиш, маркетинг ва қўшимча пулли хизматларни йўлга қўйишда хусусий сектор хизматларидан фойдаланишга рухсат берилади.
Белгилансинки, давлат театрлари томонидан спектакль премьералари камида бир ой олдин эълон қилиб борилади.
16. Маданият ва санъатни ривожлантириш жамғармаси ва Маданият вазирлигининг театрлар фаолиятини оммалаштириш, уларга ташриф буюрувчиларни рағбатлантириш мақсадида Билет операциялари ягона электрон тизими орқали сотилган театр чипталари асосида совринли ўйинлар ташкил қилиш тўғрисидаги таклифига розилик берилсин.
17. Мамлакатимизда мусиқали театр санъатини ривожлантиришга қўшаётган ҳиссаси ҳамда бу соҳада эришаётган улкан ютуқлари учун Муқимий номидаги Ўзбекистон давлат мусиқали театрига «Академик» мақоми берилсин.
18. Белгилансинки, 2026 йил якунига қадар Ўзбекистон давлат ёшлар театри фаолияти замонавий намунали театр сифатида ташкил этилади.
Бунда ушбу театрда жаҳоннинг нуфузли театрларидаги энг илғор тажрибалар асосида замонавий кўринишдаги спектакллар, томоша дастурларини намойиш этиш ҳамда уни театр технологиялари билан жиҳозлаш назарда тутилади.
Маданият вазирлиги Тошкент шаҳри ҳокимлиги билан биргаликда ушбу бандда белгиланган вазифаларнинг самарали бажарилишини таъминласин.
19. 2025 йил 1 январдан бошлаб 2026 йил 31 декабрга қадар ҳуқуқий эксперимент тариқасида Ўзбекистон давлат ёшлар театри ҳамда Алишер Навоий номидаги Ўзбекистон давлат академик катта театрига молиявий, ижодий ва ташкилий масалаларни мустақил ҳал қилиш ваколати берилсин.
Бунда:
амалдаги умумий штат бирликларидан кўп бўлмаган миқдорда ва иш ҳақи фонди доирасида штат бирликлари сони ва лавозимлар ҳамда Давлат бюджетидан ажратиладиган маблағлар ҳисобидан қўшимча рағбатлантириш миқдорлари ушбу театрлар томонидан мустақил белгиланади;
ижодий жараёнларга маҳаллий ва хорижий юқори малакали ижодкор ва мутахассислар ушбу театрлар томонидан жалб этилади;
ушбу театрлар томонидан театрлар фаолияти билан боғлиқ давлат харидлари улар фаолиятининг ўзига хос жиҳатларини инобатга олган ҳолда амалга оширилади;
театрлар директори, бадиий раҳбари, бош режиссёри фаолияти самарадорлик кўрсаткичлари (KPI) Маданият вазирлиги томонидан белгиланади;
штат лавозимларидан оқилона фойдаланиш ҳолатини ўрганиш, шунингдек, бадиий, бошқарув ва ёрдамчи ходимлар аттестациядан ўтказилиши мумкин.
Ушбу театрлар томонидан намойиш этиладиган спектакллари сони, томошабинларни жалб қилиш ҳамда маблағ ишлаб топиш режаси 2024 йилдаги кўрсаткичларни камида 20 фоизга оширилган ҳолда бажарилиши белгиланади.
Маданият вазирлиги Иқтисодиёт ва молия вазирлиги билан биргаликда ушбу бандда назарда тутилган масалалар бўйича театрларга амалий ёрдам кўрсатиб борсин.
20. Вазирлар Маҳкамаси 2025 йил сентябрь ойига қадар Тошкент шаҳрида давлат театрлари учун декорациялар ва театр жиҳозларини сақлашга марказлаштирилган омбор биносини белгилаш, шунингдек, декорация ва либослар ишлаб чиқариш цехларини ташкил этиш чораларини кўрсин.
21. Маданият вазирлиги ва Маданият ва санъатни ривожлантириш жамғармаси томонидан белгиланган тартибда шакллантириладиган рўйхатлар бўйича хориждан олиб келинадиган, театрларнинг фаолияти учун зарур бўлган мусиқа асбоб-ускуналари, техник жиҳозлар, декорациялар, чироқлар, грим маҳсулотлари ва бошқа ашёлар 2030 йил 1 январга қадар божхона божидан озод этилсин.
22. Ўзбекистон Республикаси Президентининг айрим қарорларига 4-иловага мувофиқ ўзгартириш ва қўшимчалар киритилсин.
23. Маданият вазирлиги Адлия вазирлиги, манфаатдор вазирлик ва идоралар билан биргаликда икки ой муддатда:
давлат театрларининг бугунги замонавий ва тез ўзгариб бораётган замонда аҳолининг маданий эҳтиёжларини қаноатлантириш ва маънавиятини юксалтиришдаги ўрни ва аҳамиятини чуқур таҳлил қилиб, ушбу мақсадлар учун ажратилаётган ресурслардан самарали фойдаланиш бўйича таклифларни;
қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
24. Мазкур қарор ижросини самарали ташкил қилишга масъул ва шахсий жавобгар этиб маданият вазири О.А. Назарбеков белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ҳамда назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 22 ноябрь,
ПҚ-399-сон
Ўзбекистон Республикаси Президентининг 2024 йил 22 ноябрдаги ПҚ-399-сон қарорига
2-ИЛОВА
2025 — 2028 йилларда давлат театрлари биноларини қуриш, реконструкция қилиш, мукаммал таъмирлаш ва модернизация қилишнинг
МАНЗИЛЛИ ДАСТУРИ

Т/р

Театрлар номи

Амалга ошириш муддати

Молиялаштириш манбаси

Янги қурилиш

1.

Тошкент вилоятида кўп функцияли драма театри

2025 — 2027 йиллар

Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида ажратилган маблағлар ҳамда қонунчиликда тақиқланмаган бошқа манбалар ҳисобидан

Реконструкция қилиш

1.

Ўзбекистон давлат сатира театри

2025-2026 йиллар

Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида ажратилган маблағлар ҳисобидан

2.

Самарқанд вилояти қўғирчоқ театри

3.

Андижон вилояти мусиқали драма театри

2026-2027 йиллар

4.

Ўзбекистон давлат мусиқали комедия (оперетта) театри

5.

Ўзбекистон давлат ёш томошабинлар театри

2027-2028 йиллар

6.

Фарғона вилояти рус драма театри

7.

Самарқанд вилояти рус драма театри

2028-2029 йиллар

Мукаммал таъмирлаш

1.

Бердақ номидаги Қорақалпоқ давлат академик мусиқали театри

2025-2026 йиллар

Ўзбекистон Республикасининг Давлат бюджети

2.

Қўқон шаҳар мусиқали драма театри

2026-2027 йиллар

3.

Бухоро вилояти мусиқали драма театри

2027-2028 йиллар

Изоҳ: ушбу дастурга асосан янги қуриладиган, реконструкция қилинадиган ва мукаммал таъмирланадиган театрлар бинолари томоша заллари акустика талабларига жавоб бериши, биноларни жиҳозлаш ишлари замонавий технологиялар асосида амалга оширилиши лойиҳа-смета ҳужжатларида алоҳида назарда тутилади.
Ўзбекистон Республикаси Президентининг 2024 йил 22 ноябрдаги ПҚ-399-сон қарорига
3-ИЛОВА
Театр санъатини янада ривожлантириш бўйича чора-тадбирлар
ДАСТУРИ

Т/р

Чора-тадбирлар номи

Ҳужжат шакли

Ижро муддати

Молиялаштириш манбаси

Масъул ижрочилар

1.

Буюк тарихий шахсларнинг ибратли ҳаёти ва ижоди, уларнинг болалиги ва ёшлигини ифодаловчи миллий қаҳрамон образлари билан янги саҳна асарлари яратиш.

Бунда:

ушбу спектаклларни йиллар кесимида саҳналаштириш режаси Маданият вазирлиги таклифлари асосида Вазирлар Маҳкамаси томонидан тасдиқлаш;

Маданият вазирлиги томонидан давлат буюртмаси мавзусини эълон қилиш ва ғолиб бўлган давлат театрида спектакль саҳналаштириш;

театр жамоаларини ушбу спектакллар билан республика бўйлаб гастроль сафарларига юбориш.

Маданият вазирининг буйруғи

2025 йил февраль ойидан бошлаб, алоҳида режа асосида

2025 йилда Маданият вазирлигига ажратиладиган бюджет маблағлари,

келгуси йилларда Давлат бюджети маблағлари

Маданият вазирлиги

(О. Назарбеков),

Ёзувчилар уюшмаси

(С. Сайидов),

Республика Маънавият ва маърифат маркази

(О. Хасанов),

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

2.

Инсоннинг жамиятдаги ўрни ва қадр-қимматини тарғиб этувчи «Инсон қадри учун» эзгу ғояси асосида янги саҳна асарлари яратиш.

Бунда:

«Инсон қадри учун» эзгу ғояси асосида янги саҳна асарларини яратишда буюртмачи ҳисобланган тегишли вазирлик ва идоралар, Маданият вазирлиги ва спектакль саҳналаштирадиган давлат театри билан уч томонлама шартнома тузиш;

ушбу спектаклларни йиллар кесимидаги саҳналаштириш режасини Маданият вазирлиги, тегишли вазирлик ва идоралар таклифлари асосида Вазирлар Маҳкамаси томонидан тасдиқлаш;

театр жамоаларини ушбу спектакллар билан республика ҳудудлари бўйича гастроль сафарларига юбориш.

Амалий чора-тадбирлар

2025 йил апрель ойидан бошлаб, алоҳида режа асосида

Вазирликлар ва идораларнинг бюджетдан ташқари маблағлари ва қонунчилик ҳужжатлари билан тақиқланмаган бошқа манбалар

Вазирлик ва идоралар,

Маданият вазирлиги

(О. Назарбеков),

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

3.

Миллий мумтоз ва замонавий адабиётимизнинг юқори бадиий-ғоявий савияга эга асарларини театрларда саҳналаштириш мақсадида инсценировка учун ҳар йили 10 тагача давлат буюртмаси бериб бориш.

Амалий чора-тадбирлар

2025 йилдан бошлаб доимий равишда

Маданият вазирлигига ажратиладиган бюджет маблағлари

Маданият вазирлиги

(О. Назарбеков),

Ёзувчилар уюшмаси

(С. Сайидов),

Республика Маънавият ва маърифат маркази

(О. Хасанов)

4.

Нодавлат театр ва театр-студияларга давлат буюртмаси бериш тартиби тўғрисидаги низомни тасдиқлаш.

Вазирлар Маҳкамаси қарори лойиҳаси

2025 йил март

Маданият вазирлигига ажратиладиган бюджет маблағлари

Маданият вазирлиги

(О. Назарбеков),

Адлия вазирлиги

(А. Ташкулов)

Ушбу низомга мувофиқ, 2025 йилдан бошлаб ҳар йили нодавлат театр ва театр-студияларга давлат буюртмаларини бериб бориш, уларни тегишли давлат театрларида намойиш этиш.

2025 йилдан бошлаб,

ҳар йили

5.

Мусиқий театр, драматик ва қўғирчоқ театри режиссёрлиги йўналиши бўйича битирувчиларининг бештагача энг яхши битирув малакавий ишлари учун давлат буюртмасини бериш тартиби тўғрисидаги низомни тасдиқлаш.

Маданият вазирининг буйруғи

2025 йил апрель

Маданият вазирлигига ажратиладиган бюджет маблағлари

Маданият вазирлиги

(О. Назарбеков),

Олий таълим, фан ва инновациялар вазирлиги

(К. Шарипов)

Ушбу низомга мувофиқ 2024/2025 ўқув йилидан бошлаб, битирувчиларга малакавий ишлари учун давлат буюртмасини бериб бориш ҳамда ўқув-театр студияси ва тегишли давлат театрларида намойиш этиш.

2024/2025 ўқув йилидан бошлаб,

ҳар йили

6.

Драматурглар учун Маҳмудхўжа Беҳбудий номидаги мукофот ҳамда ёш режиссёрлар учун Ўзбекистон Республикаси халқ артисти ва санъат арбоби Баҳодир Йўлдошев номидаги мукофот тўғрисидаги низомларни тасдиқлаш.

Вазирлар Маҳкамаси қарори лойиҳаси

2025 йил апрель

Давлат бюджети маблағлари

Маданият вазирлиги

(О. Назарбеков),

манфаатдор вазирлик ва идоралар

7.

Режиссёр — драматург — композитор — рассом тамойили асосида ижодий ҳамкорлик майдонини кенгайтиришга қаратилган «Нигоҳ» ижодий лойиҳаси тўғрисидаги низомни тасдиқлаш.

Ижрочиларнинг қўшма қарори

2025 йил февраль

Маданият вазирлигига ажратиладиган бюджет маблағлари, қонунчилик ҳужжатлари билан тақиқланмаган бошқа манбалар

Маданият вазирлиги

(О. Назарбеков),

Ёзувчилар уюшмаси

(С. Сайидов),

Бадиий академия

(А. Нуридинов),

Ўзбекистон композиторлари ва бастакорлари уюшмаси

(Р. Абдуллаев)

Ушбу низомга мувофиқ «Нигоҳ» ижодий лойиҳасини 2025 йилдан бошлаб ҳар йили август ойида ташкил этиб бориш.

2025 йилдан бошлаб,

ҳар йили август ойида

8.

Ўзбекистон театр арбоблари уюшмаси ҳузурида театр танқидчилари ва драматурглар клуби фаолиятини йўлга қўйиш.

Амалий чора-тадбирлар

2025 йил февраль

Ўзбекистон театр арбоблари уюшмасига ажратиладиган маблағлар,

ҳомийлик хайриялари ҳамда қонунчилик ҳужжатлари билан тақиқланмаган бошқа манбалар

Ўзбекистон театр арбоблари уюшмаси

(Ё. Ахмедов),

Маданият вазирлиги

(О. Назарбеков),

Ёзувчилар уюшмаси

(С. Сайидов)

9.

Миллий академик мусиқа санъатини ривожлантириш ва оммалаштириш мақсадида миллий композиторлар танлови тўғрисидаги низомни тасдиқлаш.

Ижрочиларнинг қўшма қарори

2025 йил март

Давлат бюджети маблағлари,

ҳомийлик хайриялари ҳамда қонунчилик ҳужжатлари билан тақиқланмаган бошқа манбалар

Маданият вазирлиги

(О. Назарбеков),

Ўзбекистон композиторлари ва бастакорлари уюшмаси

(Р. Абдуллаев)

Ушбу низомга мувофиқ танловни 2025 йилдан бошлаб, ҳар икки йилда ўтказиб бориш.

2025 йилдан бошлаб,

ҳар икки йилда

10.

Тарихий ва замонавий мавзулар бўйича «Энг яхши пьесалар» танлови ва жаҳон драматургияси намуналаридан таржима қилинган асарлар бўйича «Энг яхши таржима саҳна асарлари» танлови тўғрисидаги низомларни тасдиқлаш.

Маданият вазирининг буйруғи

2025 йил апрель

Маданият вазирлигига ажратиладиган бюджет маблағлари

Маданият вазирлиги

(О. Назарбеков),

Ёзувчилар уюшмаси

(С. Сайидов),

Республика Маънавият ва маърифат маркази

(О. Хасанов)

Ушбу низомларга мувофиқ танловларни 2025 йилдан бошлаб ҳар йили ўтказиб бориш.

Амалий чора-тадбирлар

2025 йилдан бошлаб ҳар йили

11.

Адабий қисм мудири лавозими театрларнинг ижодий ишлаб чиқариш ишларида муҳим аҳамиятга эга эканлигини инобатга олиб, малака талабларини қайта кўриб чиқиб, тасдиқлаш.

Бунда аҳоли, айниқса ёшларнинг мамлакатимиз ижтимоий-сиёсий ва маданий ҳаётидаги ўзгаришларни билиши, уларнинг турмуш тарзи, хоҳишлари юзасидан улар ўртасида мулоқот ва ижтимоий сўровномалар ўтказиш ҳамда театрнинг репертуарини шакллантириш, замонавий миллий ва жаҳоннинг энг илғор драматургияси намуналарини излаб топиш ва тавсия этиш бўйича асосий вазифаларни назарда тутиш.

Амалий чора-тадбирлар

2025 йил апрель

-

Маданият вазирлиги

(О. Назарбеков)

12.

Маданият ва санъат таълим муассасалари ўқувчи-талабалари учун таълим жараёнида фойдаланиладиган 50 тагача хорижий адабиётларни давлат буюртмаси асосида ўзбек тилига таржима қилиш амалиётини жорий қилиш.

Амалий чора-тадбирлар

2025 — 2028 йиллар

Маданият вазирлигига ажратиладиган бюджет маблағлари

Маданият вазирлиги

(О. Назарбеков),

Олий таълим, фан ва инновациялар вазирлиги

(К. Шарипов),

Ёшлар ишлари агентлиги

(А. Саъдуллаев)

13.

25 нафар ижодий ва ёрдамчи ходимларнинг хорижий давлатлар театрларида маҳоратини оширишни йўлга қўйиш тизимини жорий қилиш.

Бунда театрларда самарали фаолият юритиб келаётган ижодий ва ёрдамчи ходимларни малака оширишга юбориш ва мазкур муддат якунлангач, уларнинг хорижда қолиб кетишининг олдини олиш ҳамда мамлакатимиз театрларида фаолият юритиши учун барча зарур шарт-шароитларни яратиш.

Амалий чора-тадбирлар

2025 — 2028 йиллар

Ташкилотларнинг бюджетдан ташқари маблағлари,

қонунчилик ҳужжатлари билан тақиқланмаган бошқа манбалар

Маданият вазирлиги

(О. Назарбеков),

Ташқи ишлар вазирлиги

(Б. Саидов)

14.

Аҳоли, айниқса, ёшларнинг театр томошалари, кино намойишлари ва бошқа маданий-маърифий ҳамда спорт тадбирларига ташрифларини тизимли ташкил этиш, доимий таҳлилини юритиб бориш мақсадида Ягона электрон тизим фаолиятини йўлга қўйиш.

Ижрочиларнинг қўшма қарори

2025 йил январь

Тегишли вазирлик ва идораларнинг бюджетдан ташқари маблағлари, ҳомийлик хайриялари,

қонунчилик ҳужжатлари билан тақиқланмаган бошқа манбалар

Маданият вазирлиги

(О. Назарбеков),

Ёшлар ишлари агентлиги

(А. Саъдуллаев),

Ёшлар иттифоқи

(Х. Сатторов),

Республика Маънавият ва маърифат маркази

(О. Хасанов)

15.

Ўзбекистон давлат ёшлар театри ҳамда Алишер Навоий номидаги Ўзбекистон давлат академик катта театрига молиявий, ижодий ва ташкилий масалаларни мустақил ҳал қилиш ваколати берилаётганлиги муносабати билан ушбу театрларга ҳар томонлама, хусусан, спектакль намойишларига томошабинларни жалб қилишда амалий ёрдам кўрсатиб бориш.

Амалий чора-тадбирлар

2025 йил январдан бошлаб

Тегишли вазирлик ва идораларнинг бюджетдан ташқари маблағлари, ҳомийлик хайриялари

Маданият вазирлиги

(О. Назарбеков),

Олий таълим, фан ва инновациялар вазирлиги

(К. Шарипов),

вазирлик ва идоралар,

Тошкент шаҳри ҳокимлиги

(Ш. Умурзаков)

16.

Ўзбекистон театр жамоаларининг миллий рейтингини баҳолаш ва рағбатлантириш тартиби тўғрисидаги низомни тасдиқлаш.

Маданият вазирининг буйруғи

2025 йил февраль

Маданият вазирлигига ажратиладиган бюджет маблағлари

Маданият вазирлиги

(О. Назарбеков),

Ўзбекистон театр арбоблари уюшмаси

(Ё. Ахмедов)

17.

Қуйидагиларни:

мактабгача таълим ташкилотларида болалар учун стол усти, бармоқ, қўлқопли ва қўғирчоқли кичик саҳна кўринишлари саҳналаштириш ҳамда болалар жамоаларини тузиш;

умумий ўрта таълим муассасаларида мактаб театр жамоаларини ташкил этиш ҳамда улар ўртасида «Турон» мактаб театри республика танловини ўтказиш;

«Баркамол авлод» болалар мактабларида «Тасаввур» қўғирчоқ театри тўгаракларини ташкил этиш.

Амалий чора-тадбирлар

2025 йилдан бошлаб доимий

Мактабгача ва мактаб таълими вазирлигининг бюджетдан ташқари маблағлари ва қонунчилик ҳужжатлари билан тақиқланмаган бошқа манбалар

Мактабгача ва мактаб таълими вазирлиги

(Х. Умарова),

Маданият вазирлиги

(О. Назарбеков),

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

18.

Олий таълим муассасаларида талабалар театр-студияларини ривожлантириш ҳамда улар ўртасида театр-студиялар республика кўрик-фестивалини ўтказиш тўғрисидаги низомни ишлаб чиқиш.

Ижрочиларнинг қўшма қарори

2025 йилдан бошлаб доимий

Олий таълим муассасаларини ривожлантириш жамғармаси маблағлари ва олий таълим муассасаларининг бюджетдан ташқари маблағлари

Олий таълим, фан ва инновациялар вазирлиги

(К. Шарипов),

Маданият вазирлиги

(О. Назарбеков),

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

19.

Умумий ўрта таълим муассасалари ўртасида ўтказиладиган «Турон» мактаб театри республика танлови ҳамда олий таълим муассасалари ўртасида ўтказиладиган талабалар театр-студиялари республика фестивалининг юқори босқичларини телетанлов ва теле-шоу шаклида ташкил этиш.

Ижрочиларнинг қўшма қарори

2025 йилдан бошлаб доимий

Тегишлича Мактабгача ва мактаб таълими вазирлигининг бюджетдан ташқари маблағлари,

Олий таълим муассасаларини ривожлантириш жамғармаси маблағлари,

қонунчилик ҳужжатлари билан тақиқланмаган бошқа манбалар

Мактабгача ва мактаб таълими вазирлиги

(Х. Умарова),

Олий таълим, фан ва инновациялар вазирлиги

(К. Шарипов),

Маданият вазирлиги

(О. Назарбеков),

Ўзбекистон Миллий телерадиокомпанияси

(А. Джурабаев)

20.

Давлат театрларида саҳна асарларининг бадиий савияси, саҳнавий талқини юзасидан таклиф ва тавсиялар бериш мақсадида жанр ва мавзуни инобатга олган ҳолда ихтисослашган бадиий-эксперт гуруҳлари тўғрисидаги низомни тасдиқлаш.

Вазирлар Маҳкамаси қарори лойиҳаси

2025 йил февраль

2025 йилдан бошлаб, Маданият вазирлигига ажратиладиган бюджет маблағлари,

келгуси йилларда Давлат бюджети маблағлари

Маданият вазирлиги

(О. Назарбеков)

21.

Болалар, ўқувчи ва талабаларнинг ёши, қизиқишлари, таълим ва тарбия олиши, ижодий ва интеллектуал ривожланишини инобатга олиб, ҳар йили 10 та пьеса яратиш.

Ушбу пьесаларни Маданият вазирлиги электрон тизимига ҳамда бошқа тегишли ахборот-ресурс манбаларига белгиланган тартибда жойлаштириб бориш.

Амалий чора-тадбирлар

2025 йилдан бошлаб доимий

Ижрочилар маблағлари,

қонунчилик ҳужжатлари билан тақиқланмаган бошқа манбалар

Ёзувчилар уюшмаси

(С. Сайидов),

Республика Маънавият ва маърифат маркази

(О. Хасанов),

Маданият вазирлиги

(О. Назарбеков),

Мактабгача ва мактаб таълими вазирлиги

(Х. Умарова),

Олий таълим, фан ва инновациялар вазирлиги

(К. Шарипов)

22.

Қорақалпоғистон Республикаси, вилоятлар ва Тошкент шаҳрига бошқа ҳудудлардан келиб театрларда фаолият олиб борадиган режиссёрларнинг ҳар ойлик турар жой ижараси ҳамда озиқ-овқат учун харажатларини қоплаб бериш.

Амалий чора-тадбирлар

2025 йилдан бошлаб доимий

Театрларнинг бюджетдан ташқари маблағлари

Маданият вазирлиги

(О. Назарбеков)

23.

Ўзбекистон театр арбоблари уюшмасини молиявий қўллаб-қувватлаш ва театр ижодкорларини қўллаб-қувватлаш ҳамда моддий-техника базасини мустаҳкамлаш мақсадида 2025 йилда 1,0 млрд, 2026 йилда 2,0 млрд, 2027 йилда 2,0 млрд сўм миқдорида молиявий ёрдам кўрсатиш.

Ўзбекистон театр арбоблари уюшмасининг ҳудудий бўлимларини тегишли ҳудудда жойлашган Маданият вазирлиги тизимидаги давлат театрлари биноларига текин фойдаланиш ҳуқуқи асосида жойлаштириш.

Амалий чора-тадбирлар

2025-2026 йиллар

Маданият вазирлигига ажратиладиган бюджет маблағлари

Маданият вазирлиги

(О. Назарбеков),

Ўзбекистон театр арбоблари уюшмаси

(Ё. Ахмедов)

24.

«27 март — Халқаро театр куни» муносабати билан маданий тадбир ташкил этиш ҳамда самарали фаолият юритиб келаётган театр ходимларини муносиб рағбатлантириб бориш.

Амалий чора-тадбирлар

2025 йилдан бошлаб доимий

Маданият вазирлигига ажратиладиган бюджет маблағлари, маҳаллий бюджет маблағлари,

театрларнинг бюджетдан ташқари маблағлари,

қонунчилик ҳужжатлари билан тақиқланмаган бошқа манбалар

Маданият вазирлиги

(О. Назарбеков),

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

25.

Муқимий номидаги Ўзбекистон давлат академик мусиқали театрига «Академик» мақоми берилиши муносабат билан театрнинг ижодий фаолиятини янада кенгайтириш.

Маданият вазирининг буйруғи

2025 йилдан бошлаб доимий

Маданият вазирлигига ажратиладиган бюджет маблағлари, театрнинг бюджетдан ташқари маблағлари

Маданият вазирлиги

(О. Назарбеков)

26.

Театр санъати равнақига муносиб ҳисса қўшган таниқли ижодкорлар таваллуд саналарини кенг нишонлаш, уларнинг ижодини чуқур ўрганиш ва тарғиб этиш.

Амалий чора-тадбирлар

Доимий

Маданият вазирлигига ажратиладиган бюджет маблағлари, театрларнинг бюджетдан ташқари маблағлари, ҳомийлик хайриялари

Маданият вазирлиги

(О. Назарбеков)

27.

Театрлар биноларида имконияти чекланган шахслар ҳаракатланиши учун зарурий шароитлар яратиш мақсадида тифлошарҳловчи ҳамда сурдотаржимон фаолиятини жорий этиш.

Амалий чора-тадбирлар

2025 — 2030 йилларда

Маданият вазирлигига ажратиладиган бюджет маблағлари, театрларнинг бюджетдан ташқари маблағлари, ҳомийлик хайриялари

Маданият вазирлиги

(О. Назарбеков)

28.

«Янги Ўзбекистон театрлари — учинчи Ренессанс остонасида» номли китоб-альбомини тайёрлаш ва чоп этиш.

Амалий чора-тадбирлар

2026 йил давомида

Маданият вазирлигининг бюджет маблағлари ва бюджетдан ташқари жамғармаси маблағлари

Маданият вазирлиги

(О. Назарбеков)

29.

Ўзбек Миллий қўғирчоқ театрининг маъмурий-бошқарув, бадиий раҳбар ҳамда артист ходимлари иш ҳақини ошириш бўйича таклифлар ишлаб чиқиш.

Вазирлар Маҳкамаси қарори лойиҳаси

2025 йил март

Давлат бюджети маблағлари

Маданият вазирлиги

(О. Назарбеков)

30.

Ўзбекистон давлат ёшлар театри ва Алишер Навоий номидаги Ўзбекистон давлат академик катта театри томонидан театрлар фаолияти билан боғлиқ давлат харидларини улар фаолиятининг ўзига хос жиҳатларини инобатга олган ҳолда амалга ошириш бўйича тартибни ишлаб чиқиш.

Вазирлар Маҳкамаси қарори лойиҳаси

2025 йил февраль

-

Маданият вазирлиги

(О. Назарбеков)

31.

Давлат театрларининг ижодий фаолияти ҳамда ходимларнинг маҳоратини янада яхшилаш, замонавий технологиялардан унумли фойдаланиш мақсадида хорижий мамлакатлардан етук ва малакали мутахассисларни таклиф этиш.

Амалий чора-тадбирлар

2025 йил бошлаб доимий

Театрларнинг бюджетдан ташқари маблағлари

Маданият вазирлиги

(О. Назарбеков),

Ташқи ишлар вазирлиги

(Б. Саидов)

32.

Ўзбекистон давлат санъат ва маданият институти ҳузуридаги Педагог кадрларни қайта тайёрлаш ва уларнинг малакасини ошириш тармоқ марказида давлат театрлари директори лавозимига номзодларни менежерлик ўқув курсларида ўқитиш ҳамда уларга менежерлик сертификатини бериш тизимини жорий қилиш.

Бунда давлат театрлари директорлари ва ўринбосарлари ҳамда ушбу лавозимларга номзодларни менежерлик ўқув курсларида ўқитиш ва уларга менежерлик сертификатини бериш тартиби тўғрисидаги низомни белгиланган тартибда тасдиқлаш.

Ижрочиларнинг қўшма қарори

2025 йил январь

Театрларнинг бюджетдан ташқари маблағлари

Маданият вазирлиги

(О. Назарбеков),

Олий таълим, фан ва инновациялар вазирлиги

(К. Шарипов)

33.

Театрлар фаолиятига таҳлилий баҳо бериш, спектакллар ҳақида мақола, рецензиялар ёзиш, ижодкорларнинг ижодий портретларини яратишда театр танқидчилигини янада ривожлантириш ҳамда уларни рағбатлантириш тартиби тўғрисидаги низомни тасдиқлаш.

Маданият вазирининг буйруғи

2025 йил февралдан бошлаб доимий

Маданият вазирлигига ажратиладиган бюджет маблағлари

Маданият вазирлиги

(О. Назарбеков),

Ўзбекистон театр арбоблари уюшмаси

(Ё. Ахмедов)

34.

Театрларнинг ижодий фаолияти ва томошаларини реклама қилиш учун кенг қамровли ва доимий PR стратегиясини амалга ошириш.

Бунда:

давлат театрларининг мавжуд расмий веб-сайтларини такомиллаштириш, ижтимоий тармоқлардаги фаолиятини янада яхшилаш;

театрлар фаолияти бўйича видеороликлар ва театр ҳаёти ҳақида туркум кўрсатувлар тайёрлаб оммавий ахборот воситаларида намойишини ташкил этиш;

Тошкент шаҳри ва республиканинг туристик марказларида театрлар рекламасини жойлаштириш;

театрлар фаолиятини маҳаллий телеканаллар ва республиканинг бошқа оммавий ахборот воситаларида ёритиш;

миллий авиакомпаниянинг хорижий ва ички рейсларининг борт журналларида, шунингдек, аэропортлар, вокзаллар ва автовокзалларнинг вестибюллари, кутиш жойлари, кириш-чиқиш жойларидаги реклама жойларида театрлар фаолияти тўғрисидаги маълумотларни жойлаштириш;

аҳоли кенг фойдаланадиган Instagram, YouTube, Facebook ва ВКонтакте каби ижтимоий тармоқларда театрларнинг саҳифаларини очиш;

ижтимоий тармоқларда кенг аудиторияга эга блогер ва инфлюэнсерларни жалб этган ҳолда театрлар бўйлаб махсус экскурсия ташкил этиш ва уларнинг ижтимоий тармоқлари орқали кенг аудиторияга намойиш этиш;

театрларга ўз фаолиятини ёритиш учун билетлар сотувидан олинган маблағлар ҳисобидан ижтимоий тармоқларда ҳамда интернет тармоғида реклама хизматларини ташкил қилиш (SMM, таргет) учун шартномалар тузишга рухсат бериш.

Амалий чора-тадбирлар

Доимий

Театрларнинг бюджетдан ташқари маблағлари,

ҳомийлик хайриялари,

қонунчилик ҳужжатлари билан тақиқланмаган бошқа манбалар

Маданият вазирлиги

(О. Назарбеков)

Ўзбекистон ахборот ва оммавий коммуникациялар агентлиги

(А. Ходжаев),

Ўзбекистон миллий телерадиокомпанияси

(А. Джурабаев),

Транспорт вазирлиги

(И. Махкамов),

«Uzbekistan Airports» АЖ

(Ж. Умарходжаев),

«Uzbekistan Airways» АЖ

(Ш. Худойқулов),

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

35.

Ўзбек, қорақалпоқ ва жаҳон мумтоз санъати анъаналарини, хусусан, театр санъатини янада ривожлантириш ва тарғиб қилишда «Қорақалпоғистон санъат саройи» давлат муассасаси ролини ошириш мақсадида ушбу муассаса ходимларининг иш ҳақи миқдорларини 2025 йил 1 январдан бошлаб — 20 фоизга, 2025 йил 1 июлдан бошлаб — яна 15 фоизга ошириш.

Амалий чора-тадбирлар

2025 йил 1 январь

2025 йил 1 июль

Давлат бюджети маблағлари

Маданият вазирлиги

(О. Назарбеков),

Иқтисодиёт ва молия вазирлиги

(И. Норқулов),

Қорақалпоғистон Республикаси Вазирлар Кенгаши

(Ф. Эрманов)

36.

Алишер Навоий номидаги Ўзбекистон давлат академик катта театрининг балет полини таъмирлаш ҳамда гастроллар учун кўчма балет пол яратиш.

Амалий чора-тадбирлар

2025 йил

Давлат бюджети маблағлари

Маданият ва санъатни ривожлантириш жамғармаси

(Г. Умерова),

Маданият вазирлиги

(О. Назарбеков)

37.

Алишер Навоий номидаги Ўзбекистон давлат академик катта театрига балет мактаби учун юқори малакали хорижий мутахассисларни жалб қилишга рухсат бериш.

Амалий чора-тадбирлар

2025 йил

Давлат бюджети маблағлари

Маданият ва санъатни ривожлантириш жамғармаси

(Г.  Умерова),

Маданият вазирлиги

(О. Назарбеков)

38.

Алишер Навоий номидаги Ўзбекистон давлат академик катта театрини мусиқа чолғулари билан таъминлаш.

Амалий чора-тадбирлар

2025 йил

Давлат бюджети маблағлари

Маданият ва санъатни ривожлантириш жамғармаси

(Г.  Умерова),

Маданият вазирлиги

(О. Назарбеков)

Ўзбекистон Республикаси Президентининг 2024 йил 22 ноябрдаги ПҚ-399-сон қарорига
4-ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2014 йил 4 декабрдаги «Ўзбекистон Республикасининг 2015 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги ПҚ-2270-сон қарорига 35-илованинг изоҳ қисми 3-банди қуйидаги таҳрирда баён этилсин:
«3. Болалар мусиқа ва санъат мактабларини сақлаб туриш билан боғлиқ барча харажатлар (иш ҳақи ва унга тенглаштирилган тўловлар, коммунал харажатлар) Ўзбекистон Республикаси Давлат бюджети маблағлари ҳисобидан қоплаб борилади».
2. Ўзбекистон Республикаси Президентининг 2022 йил 2 февралдаги «Маданият ва санъат соҳасини янада ривожлантиришга доир қўшимча чора-тадбирлар тўғрисида»ги ПҚ-112-сон қарори қуйидаги мазмундаги 21-банд билан тўлдирилсин:
«21. Маданият вазирлиги тизимидаги болалар мусиқа ва санъат мактабларининг:
директори, директор ўринбосарлари, ўқитувчи ва концертмейстерларининг иш ҳақи миқдорлари 2025 йил 1 январдан бошлаб 10 фоизга оширилсин;
2025 йил 1 февралдан бошлаб коммунал хизматлардан фойдаланиш бўйича белгиланган ҳар ойлик харажатлар лимити Ўзбекистон Республикаси Давлат бюджети маблағлари ҳисобидан молиялаштирилсин.
Маданият вазирлиги Иқтисодиёт ва молия вазирлиги билан биргаликда 2025 йил 1 февралга қадар:
а) болалар мусиқа ва санъат мактабларида ота-оналар томонидан болаларнинг болалар мусиқа ва санъат мактабларида ўқиши учун ҳақ тўлаш ва ундан фойдаланиш тартиби тўғрисидаги низомга тегишли ўзгартиришлар киритсин.
Бунда мазкур маблағлар болалар мусиқа ва санъат мактабларининг моддий-техник базасини мустаҳкамлаш, маъмурий-бошқарув ходимлари, барча тоифадаги ходимларни моддий рағбатлантириб бориш, ўқувчи, ўқитувчи ва концертмейстерларни республика ҳамда халқаро танловлар, фестиваллар, ижодий машғулотларга юбориш билан боғлиқ харажатларни тўлашга йўналтирилиши назарда тутилсин;
б) болалар мусиқа ва санъат мактабларида Давлат бюджети маблағлари ҳисобидан қопланадиган коммунал тўловлар бўйича ҳар ойлик лимитни тасдиқласин.
Белгилансинки:
мазкур банднинг ижроси учун талаб этиладиган харажатлар Маданият вазирлиги томонидан тақдим этилган ҳисоб-китобларга мувофиқ 2025 йилдан бошлаб Давлат бюджети параметрларида назарда тутилади;
болалар мусиқа ва санъат мактаблари учун коммунал хизматлардан фойдаланиш бўйича белгиланган лимитдан ортиқ сарфланган коммунал хизматлар учун тўловлар ота-оналар бадали тўловлари ҳисобидан молиялаштирилади».
3. Ўзбекистон Республикаси Президентининг 2021 йил 27 декабрдаги «Опера ва балет санъатини янада ривожлантириш чора-тадбирлари тўғрисида»ги ПҚ-64-сон қарорида:
а) 7-банднинг биринчи хатбошисидаги «тўртта» сўзи «иккита» сўзи билан алмаштирилсин;
б) 9-банднинг биринчи хатбошисидаги «ҳар йили» сўзлари «ҳар икки йилда бир маротаба» сўзлари билан алмаштирилсин;
в) 2-илованинг матни қуйидаги таҳрирда баён қилинсин:
«Алишер Навоий номидаги Ўзбекистон давлат академик катта театри томонидан 2022 — 2026 йилларда энг сара миллий, жаҳон опера ва балет асарларини саҳналаштириш репертуар
РЕЖАСИ

Т/р

Спектакллар номи

Муддати

1.

«Алишер Навоий» операси, М. Бафоев

2022 йил

2.

«Жалолиддин Мангуберди» балети, Р. Абдуллаев

3.

«Маскарад бали» операси, Ж. Верди

2023 йил

4.

«Шоир қалби» операси, М. Ашрафий

5.

«Евгений Онегин» операси, П. Чайковский

2024 йил

6.

«Оққуш кўли» балети, П. Чайковский

7.

«Кашмир афсонаси» балети, Г. Мушель

2025 йил

8.

«Дон Жуан» операси, В. Моцарт

9.

«Асилзода хоним» балети, П. Чайковский

2026 йил

10.

«Золушка» балети, С. Прокофьев

11.

«Севги тумори» балети, М. Ашрафий

2027 йил

12.

«Ромео ва Жульетта» операси, Ш. Гуно

13.

«Спартак» балети, А. Хачатурян, Ю. Григорович

2028 йил

14.

«Зайнаб ва омон» операси, Т. Содиқов, Б. Зейдман, Ю. Ражабий, Д. Закиров

15.

«Корсар» балети, А. Адан

2029 йил

16.

«Бобур» операси, (танлов)

17.

«Алпомиш» операси, Х. Раҳимов

2030 йил

18.

«Насриддиннинг ёшлиги» балети, С. Юдаков

19.

«Турандот» операси, Пуччини

2031 йил

20.

«Раймонда» балети, А. Глазунов

Изоҳ: заруратга кўра Маданият вазирлиги ёки Маданият ва санъатни ривожлантириш жамғармасига Ўзбекистон Республикаси Президенти Администрацияси билан келишган ҳолда ушбу режага ўзгартириш киритиш ҳуқуқи берилади»;
г) 6-илованинг матни қуйидаги таҳрирда баён қилинсин:
«Алишер Навоий номидаги Ўзбекистон давлат академик катта театрининг Васийлик кенгаши
ТАРКИБИ

1.

Б.Б. Сиддиқов

—

«Ўзбекнефтгаз» АЖ бошқаруви раиси, Васийлик кенгаши раиси

2.

Г.О. Умерова

—

Маданият ва санъатни ривожлантириш жамғармаси раиси, Васийлик кенгаши раиси ўринбосари

3.

А.Б. Таджиханов

—

маданият вазирининг биринчи ўринбосари, Васийлик кенгаши раиси ўринбосари

4.

А.Х. Хурсанов

—

«Олмалиқ кон-металлургия комбинати» АЖ раиси

5.

Қ.С. Санақулов

—

«Навоий кон-металлургия комбинати» АЖ раиси

6.

О.Э. Мусаев

—

Ўзбекистон маданият, спорт ва туризм ходимлари касаба уюшмаси Республика Кенгаши раиси

7.

Р.А. Абдуллаев

—

Ўзбекистон композиторлари ва бастакорлари уюшмаси раиси

8.

Р.Б. Усмонов

—

Алишер Навоий номидаги Ўзбекистон давлат академик катта театри директори, Васийлик кенгаши котиби

Изоҳлар:
Васийлик кенгаши раисига Васийлик кенгаши таркибига бошқа ҳомийлар, меценат ва тадбиркорлик субъектларини уларнинг ташаббуси асосида киритиш ҳуқуқи берилади;
Васийлик кенгаши аъзолари бошқа ишга ўтган тақдирда, унинг таркибига ушбу лавозимларга янги тайинланган ёки зиммасига тегишли вазифаларни бажариш юкланган шахслар киритилади».
4. Ўзбекистон Республикаси Президентининг 2023 йил 10 октябрдаги «Ўзбекистон Республикаси темир йўл транспорти соҳасини тубдан ислоҳ қилиш чора-тадбирлари тўғрисида»ги ПҚ-329-сон қарорида:
а) 6-илованинг 11-позицияси чиқариб ташлансин;
б) 7-илова қуйидаги мазмундаги 20-позиция билан тўлдирилсин:

«

20.

Темирйўлчилар маданият саройи

Андижон вилояти,

Андижон шаҳри,

Мустақиллик МФЙ,

Истиқлол кўчаси, 7-уй

Давлат активларини бошқариш агентлиги

Андижон вилояти ёшлар театри

».

(Қонунчилик маълумотлари миллий базаси, 04.12.2024 й., 07/24/399/1000-сон)