Ўзбекистон Республикаси Вазирлар Маҳкамасининг
қарори
Ижтимоий ҳимояга муҳтож шахсларни моддий қўллаб-қувватлаш ҳамда ногиронлиги бўлган болаларни ижтимоий ҳимоя қилиш тизими такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида
Сўнгги йилларда республикамизда ижтимоий ҳимояга муҳтож шахсларни қўллаб-қувватлаш ва ногиронлиги бўлган болаларни ижтимоий ҳимоя қилиш, уларга давлат томонидан имтиёзлар тақдим этиш борасида кенг кўламли ишлар амалга оширилмоқда.
Шу билан бирга, ижтимоий ҳимоя қилиш тизимини қўллаб-қувватлаш борасида амалга оширилаётган ишларнинг ҳуқуқий механизмларини ҳар томонлама такомиллаштириш, ногиронлиги бўлган шахсларнинг ҳуқуқлари ва қонуний манфаатларини ҳимоя қилиш, уларга берилган имтиёзлардан самарали фойдаланишни таъминлаш ва кафолатлаш зарурати юзага келмоқда.
Ўзбекистон Республикаси Президентининг «Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида» 2023 йил 1 июндаги ПФ-82-сон Фармони ва «Ўзгалар парваришига муҳтож кексалар ва ногиронлиги бўлган шахсларга ижтимоий хизмат ва ёрдам кўрсатиш тизимини такомиллаштириш чора-тадбирлари тўғрисида» 2023 йил 27 декабрдаги ПҚ-410-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
Ўзбекистон Республикаси Ҳукуматининг айрим қарорларини Ўзбекистон Республикаси Президентининг 2023 йил 1 июндаги ПФ-82-сон Фармони ва 2023 йил 27 декабрдаги ПҚ-410-сон қарорига мувофиқлаштириш;
ижтимоий нафақаларни Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан тайинлаш ва тўлаш;
ижтимоий нафақаларни тўлаш тартиб-таомилларини рақамлаштириш;
ижтимоий нафақаларни тўлаш харажатларини молиялаштириш манбаларини аниқлаштириш;
руҳиятида нуқсони бор ногиронлиги бўлган болалар учун «Мурувват» интернат уйларида кундузги парваришлаш хизматини кўрсатиш тартиб-таомилларини такомиллаштириш;
ўзгалар парваришига муҳтож ёлғиз ва ёлғиз яшовчи кексалар ҳамда ногиронлиги бўлган шахсларга ижтимоий хизмат кўрсатиш тартибларини қайта кўриб чиқиш;
ногиронлиги бўлган болаларнинг таълим олиш ҳуқуқи кафолатларини янада мустаҳкамлаш, шу жумладан уларнинг хорижий тилларни ўрганишини рағбатлантириш;
Оилавий болалар уйининг битирувчиларига белгиланган қўшимча квота доирасида Адлия вазирлигининг юридик техникумларига кириш имтиҳонларида қатнашиш ҳуқуқини бериш.
2. Ўзбекистон Республикаси Президенти ҳузуридаги Ижтимоий ҳимоя миллий агентлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2024 йил 5 октябрь,
640-сон

Вазирлар Маҳкамасининг 2024 йил 5 октябрдаги 640-сон қарорига

ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Ўзбекистон Республикаси Адлия вазирлигининг юридик техникумларида ўқишни ташкил қилиш чоралари тўғрисида» 2018 йил 23 октябрдаги 858-сон қарорининг 11-банди қуйидаги таҳрирда баён этилсин:
«11. Ўзбекистон Республикаси Иқтисодиёт ва молия вазирлиги Ўзбекистон Республикаси Давлат бюджети параметрларида юридик техникумларда кам таъминланган оилалар аъзолари бўлган ўқувчилар, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар таълим олиши билан боғлиқ харажатлар учун зарур маблағларни назарда тутсин».
2. Вазирлар Маҳкамасининг 2020 йил 12 октябрдаги 646-сон қарори билан тасдиқланган Умумтаълим фанларини билиш даражасини аниқлаш ва сертификат бериш тартиби тўғрисидаги низомнинг 18-банди иккинчи хатбошиси қуйидаги таҳрирда баён этилсин:
«Ижтимоий ҳимоя ягона реестри» ахборот тизимида рўйхатга олинган шахсларга, I ва II гуруҳ ногиронлиги бўлган шахслар ҳамда ногиронлиги бўлган болаларга мазкур давлат хизматини кўрсатишда белгиланган тўловнинг 50 фоизи миқдорида чегирма қўлланилади».
3. Вазирлар Маҳкамасининг «Ўзбекистон Республикаси Адлия вазирлиги юридик техникумлари фаолиятини такомиллаштиришга доир қўшимча чора-тадбирлар тўғрисида» 2020 йил 30 октябрдаги 677-сон қарорида:
4-банднинг биринчи хатбошиси қуйидаги таҳрирда баён этилсин:
«4. «Ижтимоий ҳимоя ягона реестри» ахборот тизимида рўйхатга олинган шахсларнинг кириш синовларидан муваффақиятли ўтган фарзандлари, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентлар қўшимча қабул параметрлари асосида қонунчилик ҳужжатларига мувофиқ давлат гранти асосида ўқишга қабул қилинади»;
26-банд қуйидаги таҳрирда баён этилсин:
«26. Тест синовларининг натижалари Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг қайдномасига киритилади.
Танлов ва суҳбат натижалари юридик техникумларнинг қайдномасига киритилади.
Қайдномада абитуриентлар рўйхати таълим шакли, ҳар бир мутахассислик ва касб бўйича тўпланган энг юқори баллдан бошлаб камайиб бориш тартибида жойлаштирилади.
«Ижтимоий ҳимоя ягона реестри» ахборот тизимида рўйхатга олинган шахсларнинг фарзандлари, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентларнинг тест синовлари натижалари қайдномалари алоҳида шакллантирилади»;
бешинчи хатбоши қуйидаги таҳрирда баён этилсин:
«давлат гранти асосида — «Ижтимоий ҳимоя ягона реестри» ахборот тизимида рўйхатга олинган шахслар фарзандлари, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентлар»;
еттинчи хатбоши қуйидаги таҳрирда баён этилсин:

«Адлия вазирлигининг қарори «Ижтимоий ҳимоя ягона реестри» ахборот тизимида рўйхатга олинган шахслар фарзандлари, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентларни 5 сентябргача ўқишга қабул қилиш тўғрисида юридик техникум директорининг буйруғини расмийлаштириш учун асос ҳисобланади»;

Низомга 4-илованинг 2-банди бешинчи хатбошиси «I гуруҳ ногиронлиги тўғрисида белгиланган тартибда берилган шаклдаги маълумотномага эга бўлган шахслар» сўзларидан кейин «, шунингдек, ногиронлиги бўлган бола тўғрисидаги маълумотномага эга бўлган болалар» сўзлари билан тўлдирилсин;
б) 2-иловага 3-илованинг матни қуйидаги таҳрирда баён этилсин:
«Ўзбекистон Республикаси Адлия вазирлигининг юридик техникумларига ўқишга кириш учун имтиёзга эга бўлган абитуриентлар тоифаси ҳамда уларнинг реестрини шакллантириш учун масъул бўлган ваколатли органлар
РЎЙХАТИ

Т/р

Имтиёзлар турлари

(тоифалари)

Имтиёзларни бериш учун масъул ваколатли органлар

1.

I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентлар

Ўзбекистон Республикаси Президенти ҳузуридаги Ижтимоий ҳимоя миллий агентлиги,

Соғлиқни сақлаш вазирлиги,

Мактабгача ва мактаб таълими вазирлиги,

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

2.

Меҳрибонлик уйи, Болалар шаҳарчаси ва Оилавий болалар уйининг битирувчилари

Ўзбекистон Республикаси Президенти ҳузуридаги Ижтимоий ҳимоя миллий агентлиги

3.

«Ижтимоий ҳимоя ягона реестри» ахборот тизимида рўйхатга олинган шахслар фарзандлари

Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси

4.

Чет тилини билиш даражаси тўғрисида давлат намунасидаги B1 ва ундан юқори даражадаги малака сертификатига ва халқаро сертификатга эга бўлган абитуриентлар

Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

».
Олдинги таҳрирга қаранг.
(4-банд Ўзбекистон Республикаси Вазирлар Маҳкамасининг 2026 йил 21 майдаги 271-сонли қарорига асосан ўз кучини йўқотган — Қонунчилик маълумотлари миллий базаси, 22.05.2026 й., 09/26/271/0529-сон)
5. Вазирлар Маҳкамасининг «Аҳолини ижтимоий ҳимоя қилиш тизимини янада такомиллаштириш чора-тадбирлари тўғрисида» 2021 йил 21 октябрдаги 654-сон қарорида:
а) 3-банддаги «Давлат хизматлари агентлигининг» сўзлари «ФҲДЁнинг ягона электрон архиви» сўзлари билан алмаштирилсин;
Олдинги таҳрирга қаранг.
(5-банднинг «б» кичик банди Ўзбекистон Республикаси Вазирлар Маҳкамасининг 2026 йил 29 январдаги 35-сонли қарорига асосан ўз кучини йўқотган — Қонунчилик маълумотлари миллий базаси, 02.02.2026 й., 09/26/35/0101-сон)
Олдинги таҳрирга қаранг.
(5-банднинг «в» кичик банди Ўзбекистон Республикаси Вазирлар Маҳкамасининг 2026 йил 29 январдаги 35-сонли қарорига асосан ўз кучини йўқотган — Қонунчилик маълумотлари миллий базаси, 02.02.2026 й., 09/26/35/0101-сон)
Олдинги таҳрирга қаранг.
(5-банднинг «г» кичик банди Ўзбекистон Республикаси Вазирлар Маҳкамасининг 2026 йил 29 январдаги 35-сонли қарорига асосан ўз кучини йўқотган — Қонунчилик маълумотлари миллий базаси, 02.02.2026 й., 09/26/35/0101-сон)
6. Вазирлар Маҳкамасининг 2021 йил 25 октябрдаги 656-сон қарори билан тасдиқланган Етим болалар ва ота-она қарамоғидан маҳрум бўлган болаларни уй-жой билан таъминлаш тартиби тўғрисидаги низомда:
а) 38-банд ўз кучини йўқотган деб ҳисоблансин;
б) 2-илованинг изоҳ қисми қуйидаги таҳрирда баён этилсин:
«Изоҳ. Ордер эгаси 30 ёшга тўлгунига қадар уй-жойни сотишга, алмаштиришга ёки бошқача турдаги бегоналаштиришга йўл қўйилмайди. Ушбу ордер мазкур уй-жойни етим болалар ва ота-она қарамоғидан маҳрум бўлган болалар номига расмийлаштириш ҳамда уй-жойга кўчиб кириш учун асос ҳисобланади».
7. Вазирлар Маҳкамасининг 2022 йил 16 февралдаги 73-сон қарори билан тасдиқланган Чет тилини билиш даражасини аниқлаш бўйича давлат хизматлари кўрсатишнинг маъмурий регламентида:
а) 10-банднинг бешинчи хатбошиси «I ва II гуруҳ ногиронлиги бўлган шахсларга» сўзларидан кейин «ҳамда ногиронлиги бўлган болаларга» сўзлари билан тўлдирилсин;
б) 2-илованинг 9-позицияси қуйидаги таҳрирда баён этилсин:
«9. Қонунчилик ҳужжатларида белгиланган чегирма қўлланилиш ҳуқуқига эгалиги («Ижтимоий ҳимоя ягона реестри» ахборот тизимида рўйхатга олинган шахслар, I ва II гуруҳ ногиронлиги бўлган шахслар ҳамда ногиронлиги бўлган болалар):».
Олдинги таҳрирга қаранг.
(8-банд Ўзбекистон Республикаси Вазирлар Маҳкамасининг 2025 йил 17 декабрдаги 796-сонли қарорига асосан ўз кучини йўқотган — Қонунчилик маълумотлари миллий базаси, 19.12.2025 й., 09/25/796/1180-сон)
9. Вазирлар Маҳкамасининг «Ижтимоий ҳимояга муҳтож айрим тоифадаги шахсларга нафақа ва қўшимча тўловларни тайинлаш ҳамда тўлаш тартиби тўғрисидаги низомларни тасдиқлаш ва ушбу соҳага замонавий ахборот технологияларини кенг жорий этиш орқали давлат хизмати сифатини оширишга доир қўшимча чора-тадбирлар ҳақида» 2023 йил 23 мартдаги 119-сон қарорида:
а) 3-банднинг биринчи хатбошиси қуйидаги таҳрирда баён этилсин:
3. Фуқароларга нафақа ва қўшимча тўловларни «проактив шакл»да тайинлаш бўйича давлат хизмати ўз вақтида ва сифатли кўрсатилишини таъминлаб бориш мақсадида Ўзбекистон Республикаси Соғлиқни сақлаш вазирлиги, Мактабгача ва мактаб таълими вазирлиги, Адлия вазирлиги, Иқтисодиёт ва молия вазирлиги ҳузуридаги бюджетдан ташқари Пенсия жамғармаси ўзларининг тегишли ахборот тизимларини доимий равишда Ўзбекистон Республикаси Президенти ҳузурида Ижтимоий ҳимоя миллий агентлигининг «Ягона миллий ижтимоий ҳимоя» ахборот тизими билан тўлиқ интеграция қилсин»;
тўртинчи хатбошидаги «Иқтисодиёт ва молия вазирлиги ҳузуридаги бюджетдан ташқари Пенсия жамғармасининг туман (шаҳар) бўлими» сўзлари «Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг туман (шаҳар)лардаги «Инсон» ижтимоий хизматлар марказлари» сўзлари билан алмаштирилсин;
бешинчи хатбоши қуйидаги таҳрирда баён этилсин:
«нафақаларни тайинлаш бўйича давлат хизматларини кўрсатишдаги ахборот тизимлари (кейинги ўринларда — ахборот тизимлари) — Агентликнинг нафақа тайинлаш учун зарур бўлган маълумотлар сақланадиган «Ягона миллий ижтимоий ҳимоя», «ТИЭК» ва «Болаларни васийлик, ҳомийлик ва фарзандликка олиш» Иқтисодиёт ва молия вазирлиги ҳузуридаги бюджетдан ташқари Пенсия жамғармаси (кейинги ўринларда — Пенсия жамғармаси)нинг «Пенсия», Адлия вазирлигининг «ФҲДЁнинг ягона электрон архиви» ҳамда Соғлиқни сақлаш вазирлигининг «ОИВ инфекцияси аниқланган ҳолатлар мониторингини таъминлаш, реал вақт режимида дори воситалари ва диагностикумларнинг ҳаракатланишини кузатиб бориш имконини берувчи электрон ахборот тизими (кейинги ўринларда — «ОИТСга қарши кураш» ахборот тизими) тизимлари;»;
биринчи хатбошидаги «Агентлик томонидан ваколатли органнинг ахборот тизимига юборилган» сўзлари «Агентликнинг ахборот тизимлари орқали» сўзлари билан алмаштирилсин;
иккинчи хатбошидаги «Инсон» ижтимоий хизматлар марказларидаги (кейинги ўринларда — Марказ)» сўзлари «ваколатли органнинг» сўзлари билан алмаштирилсин;
7-банд «давлат хизматлари марказига» сўзларидан кейин «ёки ваколатли органнинг ижтимоий ходимлар гуруҳларига» сўзлари билан тўлдирилсин;
10-банддан «Агентлик,» ва «Мактабгача ва мактаб таълими вазирлиги,» сўзлари чиқариб ташлансин;
12 ва 13-бандлардаги «Агентлик» сўзи «Ваколатли орган» сўзлари билан алмаштирилсин;
20-банддаги «Агентлик томонидан берилган» сўзлари «ТИЭК» ахборот тизими орқали олинган» сўзлари билан алмаштирилсин;
21-банд қуйидаги таҳрирда баён этилсин:
«21. Ногиронлиги бўлган 18 ёшгача болаларга нафақа ҳамда парваришлаш нафақаси ваколатли орган томонидан «Ижтимоий ҳимоя ягона реестри» ахборот тизимига юборилган электрон маълумотлар асосида «проактив шакл»да тайинланади.
Ногиронлик, боқувчисини йўқотганлик ва ёшга доир нафақалар давлат хизматлари марказлари, ЯИДХП, ваколатли органнинг ижтимоий ходимлар гуруҳлари ёки ЯИДХП орқали мурожаат қилинганда, Ўзбекистон Республикаси Соғлиқни сақлаш вазирлиги, Адлия вазирлиги томонидан Агентликнинг «Ягона миллий ижтимоий ҳимоя» ахборот тизимига юборилган электрон маълумотлар асосида тайинланади»;
23, 24 ва 26-бандлардаги «ваколатли органнинг «Пенсия» сўзлари «Ягона миллий ижтимоий ҳимоя» сўзлари билан алмаштирилсин;
биринчи хатбошидаги «Агентлик» сўзи «ТИЭК» ахборот тизими» сўзлари билан алмаштирилсин;
учинчи хатбошидан «Мактабгача ва мактаб таълими вазирлигининг» сўзлари чиқариб ташлансин;
27 ва 28-бандлар қуйидаги таҳрирда баён этилсин:
«27. Ваколатли орган «Ягона миллий ижтимоий ҳимоя» ахборот тизими томонидан келиб тушган қонуний вакилнинг ногиронлиги бўлган 18 ёшгача бола ва ОИВга чалинган 18 ёшгача боланинг васийси ёки ҳомийси эканлиги ҳақидаги маълумотларни «Болаларни васийлик, ҳомийлик ва фарзандликка олиш» ахборот тизими орқали ўрганиб чиқади ва зарур маълумотларни «Ягона миллий ижтимоий ҳимоя» ахборот тизимига юборади.
28. Ваколатли орган Ўзбекистон Республикаси Адлия вазирлиги томонидан юборилган сўров натижалари ҳамда «Болаларни васийлик, ҳомийлик ва фарзандликка олиш» ахборот тизимидан олинган маълумотлар асосида «Ягона миллий ижтимоий ҳимоя» ахборот тизими орқали электрон равишда ногиронлиги бўлган 18 ёшгача боланинг қонуний вакилига тегишли нафақани тайинлаш ёки нафақа тайинлашни рад этиш тўғрисида қарор қабул қилади»;
29-банднинг учинчи хатбошиси қуйидаги таҳрирда баён этилсин:
«Болаларни васийлик, ҳомийлик ва фарзандликка олиш» ахборот тизимида қонуний вакилнинг ногиронлиги бўлган 18 ёшгача бола ва ОИВга чалинган 18 ёшгача боланинг васийси ёки ҳомийси эканлиги ҳақидаги маълумотлар аниқланмаганда»;
30-банднинг иккинчи ва учинчи хатбошиларидаги «Агентлик» сўзи «ТИЭК» ахборот тизимидан олинган» сўзлари билан алмаштирилсин;
32-банд қуйидаги таҳрирда баён этилсин:
«32. Ўзгалар парваришига муҳтож ногиронлиги бўлган 18 ёшгача боланинг қонуний вакилига «проактив шакл»да парваришлаш нафақаси тайинланиши учун ваколатли орган томонидан ногиронлиги бўлган 18 ёшгача бола ўзгалар парваришига муҳтож деб топилгандан сўнг ушбу Низомга 5-иловага мувофиқ электрон маълумотларни «ТИЭК» ахборот тизими орқали электрон маълумотларни «Ягона миллий ижтимоий ҳимоя» ахборот тизимига юборади»;
33-банддаги «ваколатли органнинг «Пенсия» сўзлари «Ягона миллий ижтимоий ҳимоя» сўзлари билан алмаштирилсин;
биринчи хатбоши қуйидаги таҳрирда баён этилсин:
«34. Ваколатли орган «ТИЭК» ахборот тизимидаги ҳамда Соғлиқни сақлаш вазирлиги томонидан юборилган электрон маълумотлар асосида:»;
учинчи хатбошидан «Мактабгача ва мактаб таълими вазирлигининг» сўзлари чиқариб ташлансин;
35-банддаги «ваколатли органнинг «Пенсия» сўзлари «Ягона миллий ижтимоий ҳимоя» сўзлари билан алмаштирилсин;
36 ва 37-бандлар қуйидаги таҳрирда баён этилсин:
«36. Ваколатли орган «Болаларни васийлик, ҳомийлик ва фарзандликка олиш» ахборот тизимига келиб тушган қонуний вакилнинг ногиронлиги бўлган 18 ёшгача боланинг васийси ёки ҳомийси эканлиги ҳақидаги маълумотларни ўрганиб чиқади ва 5 дақиқа ичида зарур маълумотларни «Ягона миллий ижтимоий ҳимоя» ахборот тизимига юборади.
37. Ваколатли орган Ўзбекистон Республикаси Адлия вазирлиги томонидан юборилган сўров натижалари ҳамда «Болаларни васийлик, ҳомийлик ва фарзандликка олиш» ахборот тизимидан олинган маълумотлар асосида «Ягона миллий ижтимоий ҳимоя» ахборот тизими орқали автоматик равишда ўзгалар парваришига муҳтож 18 ёшгача ногиронлиги бўлган боланинг қонуний вакилига парваришлаш нафақасини тайинлаш ёки тайинлашни рад этиш тўғрисида қарор қабул қилади»;
38-банднинг «б» кичик банди қуйидаги таҳрирда баён этилсин:
«б) «Болаларни васийлик, ҳомийлик ва фарзандликка олиш» ахборот тизимида қонуний вакилнинг ўзгалар парваришига муҳтож ногиронлиги бўлган 18 ёшгача боланинг васийси ёки ҳомийси эканлиги ҳақидаги маълумотлар аниқланмаганда»;
39-банднинг иккинчи хатбошисидаги «Агентлик» сўзи «ТИЭК» ахборот тизимида» сўзлари билан алмаштирилсин;
41 ва 42-бандлардаги «Марказларнинг» сўзи «ваколатли органнинг» сўзлари билан алмаштирилсин;
46-банд қуйидаги таҳрирда баён этилсин:
«46. Мурожаат қилувчи:
давлат хизматлари марказига келиб мурожаат этган тақдирда, унинг сўровномаси давлат хизматлари маркази ходими томонидан тўлдирилиб, мурожаат қилувчи томонидан тасдиқлангандан сўнг 5 дақиқа ичида;
ваколатли органнинг ижтимоий ходимлар гуруҳлари ходимига бевосита мурожаат этган тақдирда, унинг сўровномаси ваколатли органнинг ижтимоий ходимлар гуруҳлари ходими томонидан тўлдирилиб, мурожаат қилувчи томонидан тасдиқлангандан сўнг 5 дақиқа ичида;
ЯИДХП орқали мурожаат қилинганда автоматик тарзда ваколатли органнинг «Ягона миллий ижтимоий ҳимоя» ахборот тизимига электрон шаклда юборилади»;
47-банднинг учинчи ва тўртинчи хатбошиларидан «Мактабгача ва мактаб таълими вазирлигининг» ва «Агентликнинг» сўзлари чиқариб ташлансин;
48-банднинг биринчи хатбошиси қуйидаги таҳрирда баён этилсин:
«48. Ваколатли орган мурожаатчининг маълумотларини ўрганганидан сўнг 5 дақиқа ичида нафақа тайинлаш ёки тайинлашни рад этиш тўғрисида қарор қабул қилади ва бу ҳақдаги маълумотни тегишли давлат хизматлари марказига юборади ҳамда мурожаат қилувчини унинг мобил телефон рақамига СМС-хабар юбориш орқали хабардор қилади»;
49-банднинг биринчи хатбошисидан «ёки Марказ» сўзлари чиқариб ташлансин;
52-банднинг «а», «б» ва «в» кичик бандларидаги «Агентлик томонидан ваколатли органга «ТИЭК» ахборот тизими орқали юборилган» сўзлари «ТИЭК» ахборот тизими орқали олинган» сўзлари билан алмаштирилсин;
54-банд қуйидаги таҳрирда баён этилсин:
«54. Ваколатли орган сўровномани ахборот тизими орқали олгандан сўнг 5 дақиқа ичида:
қонуний вакил ушбу Низомнинг 19-бандида назарда тутилган шахснинг ҳомийси эканлиги ҳақидаги маълумотларни ўрганиш учун «Болаларни васийлик, ҳомийлик ва фарзандликка олиш» ахборот тизими орқали;
болаликдан ногиронлиги бўлган фарзанди бор (бўлган) онани фарзанди ногиронлиги болаликдан бўлган шахс (бола)лиги тўғрисидаги маълумотларни «ТИЭК» ахборот тизими орқали автоматик тарзда ўрганади»;
55-банддаги «Марказ» сўзи «ваколатли органнинг ижтимоий ходимлар гуруҳлари»сўзлари билан алмаштирилсин;
56-банд қуйидаги мазмундаги иккинчи хатбоши билан тўлдирилсин:
«Нафақа тайинланган шахсга унинг сўровига мувофиқ ваколатли орган томонидан ахборот тизимидаги маълумотлар асосида Агентлик томонидан тасдиқланган шаклдаги нафақа гувоҳномаси расмийлаштиради»;
57-банддан «Марказга» сўзи чиқариб ташлансин;
60-банд қуйидаги мазмундаги иккинчи хатбоши билан тўлдирилсин:
«Нафақа олувчи нафақа тўловини нақд пул шаклида олиш учун ваколатли органга, нақд пулсиз шаклда олиш учун тижорат банки филиалига ёки банк мобил иловалари орқали мурожаат қилади. Бунда нафақа олувчи нафақа тўловини амалга ошириш шакли, унга расмийлаштирилган банк пластик картасига доир маълумотлар тижорат банклари томонидан идоралараро электрон ҳамкорлик орқали электрон тарзда ваколатли органга юборилади»;
61-банд қуйидаги мазмундаги иккинчи — тўртинчи хатбошилар билан тўлдирилсин:
«Тўлиқ бўлмаган ой кунлари учун нафақа тўлови суммаси қуйидаги тартибда аниқланади:
тайинланган нафақа суммасини тегишли ойнинг календарь кунлари сонига бўлиш йўли билан бир кун учун тўлов суммаси аниқланади;
бир кун учун тўлов суммаси нафақа тўлови амалга оширилиши лозим бўлган тегишли ойнинг календарь кунлари сонига кўпайтирилади»;
62-банд қуйидаги мазмундаги иккинчи — саккизинчи хатбошилар билан тўлдирилсин:
«Вафот этган боқувчининг умумий ўрта таълим ташкилотининг битирувчи синфида ўқувчи сифатида таълим олаётган 18 ёшдан катта ёшдаги оила аъзосига боқувчисини йўқотганлик нафақаси жорий ўқув йилининг 1 июлига қадар тўланади.
Вафот этган боқувчининг таълим ташкилотига ўқувчи ёки талаба сифатида қабул қилинган 18 ёшдан катта ёшдаги оила аъзосига боқувчисини йўқотганлик нафақаси у ўқувчи ёки талабалар сафига қабул қилинган ойдан кейинги ойнинг биринчи санасидан бошлаб тўланади.
Вафот этган боқувчининг таълим ташкилотининг ўқувчиси ёки талабаси ҳисобланган 18 ёшдан катга ёшдаги оила аъзосига боқувчисини йўқотганлик нафақаси сўнгги ўқув йилининг 1 августига, бироқ вафот этганнинг оила аъзоси 23 ёшга тўлгунига қадар тўланади.
Вафот этган боқувчининг 18 — 23 ёшдаги оила аъзоси Ўзбекистон Республикаси ҳудудидаги таълим ташкилотининг ўқувчиси ёки талабаси эканлиги ваколатли орган томонидан мустақил равишда Олий таълим, фан ва инновациялар вазирлигининг ахборот тизимидан олинган электрон сўров орқали аниқланади. Бунда боқувчисини йўқотганлик нафақасининг тўлови Олий таълим, фан ва инновациялар вазирлигининг ахборот тизимидан олинган маълумотлар асосида аниқланади.
Боқувчисини йўқотганлик нафақасини олувчи академик таътилга чиққан тақдирда, нафақа тўлови академик таътил тугаган ойдан кейинги ойнинг биринчи санасига қадар тўхтатиб турилади.
Боқувчисини йўқотганлик нафақаси уни олувчи вафот этган боқувчининг 18 ёшдан катта ёшдаги оила аъзоси таълим ташкилотида ўқувчи ёки талабалар сафидан чиқарилган тақдирда, ўқувчи ёки талабалар сафидан чиқариш тўғрисидаги ҳужжат қабул қилинган ойнинг биринчи санасидан бошлаб тўхтатилади.
Бунда нафақа олувчиларнинг академик таътилга чиққанлиги ва талабалар сафидан чиқарилганлиги тўғрисида маълумотлар тегишли таълим ташкилоти томонидан Олий таълим, фан ва инновациялар вазирлигининг ахборот тизими орқали электрон шаклда, электрон шаклда тақдим этиш имконияти мавжуд бўлмаганда боқувчисини йўқотганлик нафақаси олувчи шахс томонидан ваколатли органга тақдим этилади»;
73-банднинг иккинчи хатбошисидаги «Пенсия жамғармаси бўлимининг» сўзлари «Ваколатли органнинг» сўзлари билан алмаштирилсин;
77-банд қуйидаги таҳрирда баён этилсин:
«77. Ушбу Низом қабул қилингунга қадар нафақа тайинлаш учун ариза билан бирга тақдим этилган барча ҳужжатлар ва ваколатли органнинг нафақа тайинлаш тўғрисидаги қарори нафақа олувчининг алоҳида шахсий ҳужжатлар йиғмажилдида сақланади.
Нафақа «проактив шакл»да тайинланганда ва нафақа тайинлаш учун давлат хизматлари марказига, ваколатли органнинг ижтимоий ходимлар гуруҳларига ёки ЯИДХП орқали мурожаат қилинганда, маълумотлар «Ягона миллий ижтимоий ҳимоя» ахборот тизимида сақланади.»;
низомга 1-илова қуйидаги таҳрирда баён этилсин:

«Ижтимоий ҳимояга муҳтож бўлган айрим тоифадаги шахсларга нафақа тайинлаш ва тўлаш тартиби тўғрисидаги низомга

1-ИЛОВА

Ногиронлиги бўлган 18 ёшгача болага ва (ёки) унинг қонуний вакилига «проактив шакл»да нафақани тайинлаш юзасидан давлат хизматини кўрсатиш

СХЕМАСИ

Босқичлар

Субъектлар

Механизм

Бажариш муддатлари

1-босқич

«ТИЭК» ахборот тизими

Ногиронлиги бўлган 18 ёшгача бола ва (ёки) унинг қонуний вакили тўғрисидаги маълумотларни «Ягона миллий ижтимоий ҳимоя» ахборот тизимига юборади.

Ногиронлик белгиланганидан сўнг5 дақиқа ичида

Соғлиқни сақлаш вазирлиги

ОИВга чалинган 18 ёшгача бўлган бола ёки унинг қонуний вакили тўғрисида маълумотларни «Ягона миллий ижтимоий ҳимоя» ахборот тизимига юборади.

ОИВ аниқланганидан сўнг 5 дақиқа ичида

2-босқич

«Ягона миллий ижтимоий ҳимоя» ахборот тизими

1. Қонуний вакилни ногиронлиги бўлган 18 ёшгача бола билан қариндошлик муносабатларини ўрганиш учун Адлия вазирлигига электрон сўров юборади.

2. Қонуний вакилни ногиронлиги бўлган 18 ёшгача болани васийси ёки ҳомийси эканлигини ўрганиш учун «Болаларни васийлик, ҳомийлик ва фарзандликка олиш» ахборот тизимига сўров юборади.

Маълумотлар олинганидан сўнг 5 дақиқа ичида

3-босқич

Адлия вазирлиги

Қонуний вакилни ногиронлиги бўлган 18 ёшгача бола ўртасидаги қариндошлик тўғрисидаги маълумотларни «Ягона миллий ижтимоий ҳимоя» ахборот тизимига юборади.

Сўров келиб тушганидан сўнг 5 дақиқа ичида

«Болаларни васийлик, ҳомийлик ва фарзандликка олиш» ахборот тизими

Қонуний вакилни ногиронлиги бўлган 18 ёшгача болани васийси ёки ҳомийси тўғрисидаги маълумотларни «Ягона миллий ижтимоий ҳимоя» ахборот тизимига юборади.

4-босқич

«Ягона миллий ижтимоий ҳимоя» ахборот тизими

1. Келиб тушган маълумотлар асосида нафақа тайинлаш ёки рад этиш тўғрисида қарор қабул қилади.

2. Нафақа тайинланган тақдирда мурожаат қилувчига нафақа тайинланган муддат, нафақа миқдори, нафақани қачон ва қаердан олиш тўғрисида СМС-хабар юборади.

Маълумот олинганидан сўнг 5 дақиқа ичида

3. Нафақа тайинлаш рад этилган тақдирда рад этиш сабаблари тўғрисида мурожаат қилувчига СМС-хабар юборади.

Қарор қабул қилинганидан сўнг 5 дақиқа ичида

»;
низомга 2-илованинг номи қуйидаги таҳрирда баён этилсин:

«Ўзбекистон Республикаси Президенти ҳузуридаги Ижтимоий ҳимоя миллий агентлигининг «ТИЭК» ахборот тизими орқали ногиронлиги бўлган 18 ёшгача болага ёки унинг қонуний вакилига «проактив шакл»да нафақа тайинлаш учун «Ягона миллий ижтимоий ҳимоя» ахборот тизимига юбориладиган

МАЪЛУМОТЛАР»;
низомга 4-илова қуйидаги таҳрирда баён этилсин:

«Ижтимоий ҳимояга муҳтож бўлган айрим тоифадаги шахсларга нафақа тайинлаш на тўлаш тартиби тўғрисидаги низомга

4-ИЛОВА

Ўзгалар парваришига муҳтож ногиронлиги бўлган 18 ёшгача боланинг қонуний вакилига «проактив шакл»да парваришлаш нафақасини тайинлаш юзасидан давлат хизматини кўрсатиш
СХЕМАСИ

Босқичлар

Субъектлар

Механизм

Бажариш муддатлари

1-босқич

«ТИЭК» ахборот тизими

Ўзгалар парваришига муҳтож ногиронлиги бўлган 18 ёшгача боланинг қонуний вакили тўғрисидаги маълумотларни «Ягона миллий ижтимоий ҳимоя» ахборот тизимига юборади.

Ногиронлик белгиланганидан сўнг 5 дақиқа ичида

Соғлиқни сақлаш вазирлиги

ОИТС IV босқичига чалинган 18 ёшгача бўлган боланинг қонуний вакили тўғрисидаги маълумотларни «Ягона миллий ижтимоий ҳимоя» ахборот тизимига юборади.

ОИВ аниқланганидан сўнг 5 дақиқа ичида

2-босқич

«Ягона миллий ижтимоий ҳимоя» ахборот тизими

1. Қонуний вакилни ўзгалар парваришига муҳтож ногиронлиги бўлган 18 ёшгача бола ўртасидаги қариндошлик муносабатларини ўрганиш учун Адлия вазирлигига сўров юборади.

2. Қонуний вакилни ўзгалар парваришига муҳтож ногиронлиги бўлган 18 ёшгача бола ва ОИТС IV босқичига чалинган 18 ёшгача болани васийси ёки ҳомийси эканлигини ўрганиш учун «Болаларни васийлик, ҳомийлик ва фарзандликка олиш» ахборот тизимига сўров юборади.

Маълумотлар олинганидан сўнг 5 дақиқа ичида

3-босқич

Адлия вазирлиги

Қонуний вакилни ўзгалар парваришига муҳтож ногиронлиги бўлган 18 ёшгача бола билан қариндошлик алоқалари тўғрисидаги маълумотларни «Ягона миллий ижтимоий ҳимоя» ахборот тизимига юборади.

Сўров келиб тушганидан сўнг 5 дақиқа ичида

«Болаларни васийлик, ҳомийлик ва фарзандликка олиш» ахборот тизими

Қонуний вакил ўзгалар парваришига муҳтож ногиронлиги бўлган 18 ёшгача болага васий ёки хомий тўғрисидаги маълумотларни «Ягона миллий ижтимоий ҳимоя» ахборот тизимига юборади.

4-босқич

«Ягона миллий ижтимоий ҳимоя» ахборот тизими

1. Келиб тушган маълумотларига асосан нафақа тайинлаш ёки рад этиш тўғрисида қарор қабул қилади.

Маълумот олинганидан сўнг 5 дақиқа ичида

2. Нафақа тайинланган тақдирда, нафақа тайинланган муддат, нафақа миқдори, нафақани қачон ва қаердан олиш тўғрисида қонуний вакилга СМС-хабар юборади.

3. Нафақа тайинлаш рад этилган тақдирда рад этиш сабаблари тўғрисида мурожаат қилувчига СМС-хабар юборади.

Қарор қабул қилинганидан сўнг 5 дақиқа ичида

»;
низомга 5-илованинг номи қуйидаги таҳрирда баён этилсин:

«Ўзбекистон Республикаси Президенти ҳузуридаги Ижтимоий ҳимоя миллий агентлигининг «ТИЭК» ахборот тизими орқали ўзгалар парваришига муҳтож ногиронлиги бўлган 18 ёшгача боланинг қонуний вакилига «проактив шакл»да парваришлаш нафақасини тайинлаш учун «Ягона миллий ижтимоий ҳимоя» ахборот тизимига юбориладиган

МАЪЛУМОТЛАР»;
низомга 7 — 9-иловалар қуйидаги таҳрирда баён этилсин:

«Ижтимоий ҳимояга муҳтож бўлган айрим тоифадаги шахсларга нафақа тайинлаш ва тўлаш тартиби тўғрисидаги низомга

7-ИЛОВА

Ногиронлик нафақасини тайинлаш юзасидан давлат хизматини кўрсатиш

СХЕМАСИ

Босқичлар

Субъектлар

Механизм

Бажариш муддатлари

1-босқич

Мурожаат қилувчи

(нафақа олиш ҳуқуқи пайдо бўлган шахс ёки унинг қонуний вакили)

1. Нафақа тайинлаш юзасидан Давлат хизматлари марказига, Марказларнинг ижтимоий ходимлар гуруҳларига келиб мурожаат қилади.

Хоҳишига кўра

2. Ягона интерактив давлат хизматлари порталидан рўйхатдан ўтган ҳолда сўровнома шаклини тўлдиради.

Мурожаат қилинганда

2-босқич

Давлат хизматлари маркази

Сўровномани тўлдириб, электрон шаклда «Ягона миллий ижтимоий ҳимоя» ахборот тизимига юборади.

Сўровнома тўлдирилгандан сўнг 5 дақиқа ичида

Марказларнинг ижтимоий ходимлар гуруҳлари

Сўровномани тўлдириб, «Ягона миллий ижтимоий ҳимоя» ахборот тизимига киритади.

Мурожаат қилинганда

Ягона интерактив давлат хизматлари портали

Сўровномани «Ягона миллий ижтимоий ҳимоя» ахборот тизимига юборади.

Автоматик тарзда

3-босқич

«Ягона миллий ижтимоий ҳимоя» ахборот тизими

1. Мурожаатчини ногиронлиги бўлган шахс эканлигини ўрганиш учун «ТИЭК» ахборот тизимига сўров юборади.

2. Қонуний вакил ногиронлиги бўлган шахсни ҳомийси эканлигини ўрганиш учун «Болаларни васийлик, ҳомийлик ва фарзандликка олиш» ахборот тизимига сўров юборади.

Сўровнома келиб тушганидан сўнг 5 дақиқа ичида

4-босқич

«Ягона миллий ижтимоий ҳимоя» ахборот тизими

1. «ТИЭК» ва «Болаларни васийлик, ҳомийлик ва фарзандликка олиш» ахборот тизимлари томонидан келиб тушган маълумотлар асосида нафақа тайинлаш ёки рад этиш тўғрисида қарор қабул қилади.

2. Нафақа тайинлангани ёки тайинлаш рад этилгани ҳақидаги маълумотларни Давлат хизматлари марказига юборади.

3. Ягона интерактив давлат хизматлари портали орқали нафақа тайинлаш учун мурожаат қилинган фуқаронинг мобил телефон рақамига нафақа тайинлаш рад этилганлиги ҳақида СМС-хабар юборади.

Қарор қабул қилинганидан сўнг 5 дақиқа ичида

5-босқич

Давлат хизматлари маркази ёки Марказларнинг ижтимоий ходимлар гуруҳлари

1. Нафақа тайинлаш рад этилган тақдирда рад этиш сабаблари тўғрисида мурожаат қилувчини хабардор қилади.

2. Нафақа тайинланган тақдирда нафақани қачон ва қаердан олиш тўғрисида мурожаат қилувчини хабардор қилади.

Маълумот олинганидан сўнг 5 дақиқа ичида

Ижтимоий ҳимояга муҳтож бўлган айрим тоифадаги шахсларга нафақа тайинлаш ва тўлаш тартиби тўғрисидаги низомга

8-ИЛОВА

Боқувчисини йўқотганлик нафақасини тайинлаш юзасидан давлат хизматини кўрсатиш

СХЕМАСИ

Босқичлар

Субъектлар

Механизм

Бажариш муддатлари

1-босқич

Мурожаат қилувчи

(нафақа олиш ҳуқуқи пайдо бўлган шахс ёки унинг қонуний вакил)

1. Нафақа тайинлаш юзасидан Давлат хизматлари марказига, Марказларнинг ижтимоий ходимлар гуруҳларига келиб мурожаат қилади.

Хоҳишига кўра

2. Ягона интерактив давлат хизматлари порталидан рўйхатдан ўтган ҳолда сўровнома шаклини тўлдиради.

Мурожаат қилинганда

2-босқич

Давлат хизматлари маркази

Сўровномани тўлдириб, электрон шаклда «Ягона миллий ижтимоий ҳимоя» ахборот тизимига юборади.

Сўровнома тўлдирилгандан сўнг 5 дақиқа ичида

Марказнинг ижтимоий ходимлар гуруҳлари

Сўровномани тўлдириб, «Ягона миллий ижтимоий ҳимоя» ахборот тизимига киритади.

 

Ягона интерактив давлат хизматлари портали

Сўровномани «Ягона миллий ижтимоий ҳимоя» ахборот тизимига юборади.

Автоматик тарзда

3-босқич

«Ягона миллий ижтимоий ҳимоя» ахборот тизими

1. Мурожаатчини вафот этган шахс билан қариндошлик алоқаларини ўрганиш учун Адлия вазирлигига сўров юборади.

2. Қонуний вакил ногиронлиги бўлган шахсни ҳомийси эканлигини ўрганиш учун «Болаларни васийлик, ҳомийлик ва фарзандликка олиш» ахборот тизимига сўров юборади.

Сўровнома келиб тушганидан сўнг 5 дақиқа ичида

4-босқич

«Ягона миллий ижтимоий ҳимоя» ахборот тизими

1. «ТИЭК» ва «Болаларни васийлик, ҳомийлик ва фарзандликка олиш» ахборот тизимлари томонидан келиб тушган маълумотлар асосида нафақа тайинлаш ёки рад этиш тўғрисида қарор қабул қилади.

2. Нафақа тайинлангани ёки тайинлаш рад этилгани ҳақидаги маълумотларни Давлат хизматлари марказига юборади.

3. Ягона интерактив давлат хизматлари портали орқали нафақа тайинлаш учун мурожаат қилган фуқаронинг мобил телефон рақамига нафақа тайинлаш рад этилганлиги ҳақида СМС-хабар юборади.

Маълумотлар ўрганилганидан сўнг 5 дақиқа ичида

5-босқич

Давлат хизматлари маркази ёки Марказларнинг ижтимоий ходимлар гуруҳлари

1. Нафақа тайинлаш рад этилган тақдирда рад этиш сабаблари тўғрисида мурожаат қилувчини хабардор қилади.

2. Нафақа тайинланган тақдирда нафақани қачон ва қаердан олиш тўғрисида мурожаат қилувчини хабардор қилади.

Маълумот олинганидан сўнг 5 дақиқа ичида

Ижтимоий ҳимояга муҳтож бўлган айрим тоифадаги шахсларга нафақа тайинлаш ва тўлаш тартиби тўғрисидаги низомга

9-ИЛОВА

Ёшга доир нафақани тайинлаш юзасидан давлат хизматини кўрсатиш

СХЕМАСИ

Босқичлар

Субъектлар

Механизм

Бажариш муддатлари

1-босқич

Мурожаат қилувчи

(нафақа олиш ҳуқуқи пайдо бўлган шахс ёки унинг қонуний вакили)

1. Нафақа тайинлаш юзасидан Давлат хизматлари марказига, Марказларнинг ижтимоий ходимлар гуруҳларига ёки Марказга келиб мурожаат қилади.

Хоҳишига кўра

2. Ягона интерактив давлат хизматлари порталидан рўйхатдан ўтган ҳолда сўровнома шаклини тўлдиради.

Мурожаат қилинганда

2-босқич

Давлат хизматлари маркази

Сўровномани тўлдириб, электрон шаклда «Ягона миллий ижтимоий ҳимоя» ахборот тизимига юборади.

Сўровнома тўлдирилгандан сўнг 5 дақиқа ичида

Марказ ижтимоий ходимлар гуруҳлари

Сўровномани тўлдириб, «Ягона миллий ижтимоий ҳимоя» ахборот тизимига киритади.

Ягона интерактив давлат хизматлари портали

Сўровномани «Ягона миллий ижтимоий ҳимоя» ахборот тизимига юборади.

Автоматик тарзда

3-босқич

«Ягона миллий ижтимоий ҳимоя» ахборот тизими

1. Қонуний вакил кекса ёшдаги шахснинг ҳомийси эканлигини ўрганиш учун «Болаларни васийлик, ҳомийлик ва фарзандликка олиш» ахборот тизимга сўров юборади.

2. Мурожаатчини фарзанди болаликдан ногиронлиги бор (бўлган) бола эканлигини ўрганиш учун «ТИЭК» ахборот тизимига сўров юборади.

3. Мурожаатчини болаликдан ногиронлиги бўлган шахс (бола) билан қариндошлик алоқаларини ўрганиш учун Адлия вазирлигига сўров юборади.

Сўровнома келиб тушганидан сўнг 5 дақиқа ичида

4-босқич

«Ягона миллий ижтимоий ҳимоя» ахборот тизими

1. Келиб тушган маълумотларга асосан нафақа тайинлаш ёки рад этиш тўғрисида қарор қабул қилади.

2. Нафақа тайинлангани ёки тайинлаш рад этилгани ҳақидаги маълумотларни Давлат хизматлари марказига юборади.

3. Ягона интерактив давлат хизматлари портали орқали нафақа тайинлаш учун мурожаат қилган фуқаронинг мобил телефон рақамига нафақа тайинлаш рад этилганлиги ҳақида СМС-хабар юборади.

Маълумотлар ўрганилганидан сўнг 5 дақиқа ичида

5-босқич

Давлат хизматлари маркази ёки Марказлар ижтимоий ходимлар гуруҳлари

1. Нафақа тайинлаш рад этилган тақдирда рад этиш сабаблари тўғрисида мурожаат қилувчини хабардор қилади.

2. Нафақа тайинланган тақдирда нафақани қачон ва қаердан олиш тўғрисида мурожаат қилувчини хабардор қилади.

Маълумот олинганидан сўнг 5 дақиқа ичида

».
10. Вазирлар Маҳкамасининг 2023 йил 20 октябрдаги 550-сон қарори билан тасдиқланган Туғилганликни қайд этиш билан боғлиқ комплекс давлат хизматларини кўрсатишнинг маъмурий регламентида:
«в» кичик банддан олтинчи хатбоши чиқариб ташлансин;
«г» кичик банднинг иккинчи хатбошисидаги «6 ойдан» сўзлари « 1 ойдан» сўзлари билан алмаштирилсин;
12-банд қуйидаги таҳрирда баён этилсин:
«12. Бир марталик нафақа миқдоридан болани доимий рўйхатга қўйиш бўйича давлат хизмати давлат божи ундирилмаган ҳолда амалга оширилади»;
б) 1-илованинг 7-босқичи қуйидаги таҳрирда баён этилсин:

«

7-босқич

Ижтимоий ҳимоя миллий агентлиги

1. Фарзанд туғилганда бериладиган бир марталик нафақа пулини расмийлаштириш ва натижаси бўйича ота ёки онага СМС-хабар юбориш.

Автоматик равишда

2. Ҳар бир тўлов ойи бошида ўтган ойда тўланган фарзанд туғилганда бериладиган бир марталик нафақаларнинг умумий суммасидан кам бўлмаган миқдордаги маблағларни АТ «Халқ банки»нинг ҳисобварағига молиялаштириш.

Ҳар ойнинг 5 санасига қадар

».
11. Вазирлар Маҳкамасининг «Ўзгалар парваришига муҳтож шахсларга ижтимоий хизмат ва ёрдам кўрсатишнинг сифат жиҳатидан янги тизимини жорий этиш тўғрисида» 2024 йил 11 мартдаги 123-сон қарорида:
«а» кичик банддан учинчи хатбоши чиқариб ташлансин;
тўртинчи-ўнинчи хатбошилар тегишлича учинчи-тўққизинчи хатбошилар деб ҳисоблансин;
«б» кичик банд қуйидаги мазмундаги тўққизинчи хатбоши билан тўлдирилсин:
«1 ойдан ортиқ муддатга чет элга чиққанда»;
тўққизинчи хатбоши ўнинчи хатбоши деб ҳисоблансин;
б) 2-илованинг 17-банди қуйидаги мазмундаги иккинчи-тўртинчи хатбошилар билан тўлдирилсин:
«Қуйидаги ҳолларда ўзгалар парваришига муҳтож шахсларга уйда ижтимоий-маиший хизмат кўрсатиш тўхтатилади:
Ижтимоий қўллаб-қувватлаш маркази ёки «Мурувват» интернат-уйига жойлаштирилганда — мазкур муассасаларга жойлаштирилган даврда;
Санаторий ёки даволаш муассасасида бўлганда — мазкур муассасаларда бўлган даврида».
(Қонунчилик маълумотлари миллий базаси, 08.10.2024 й., 09/24/640/0791-сон; 19.12.2025 й., 09/25/796/1180-сон; 02.02.2026 й., 09/26/35/0101-сон; 22.05.2026 й., 09/26/271/0529-сон)