Ўзбекистон Республикаси Президентининг
Фармони
Республикада агросаноат соҳасига янги бозор механизмларини жорий этиш ҳамда саноатлашган боғ ва токзорларни барпо қилишнинг қўшимча чора-тадбирлари тўғрисида
Мамлакатимиз аҳолисини озиқ-овқат билан таъминлаш, интенсив усулда боғ ва токзорлар барпо қилиш, иссиқхона хўжаликларини ривожлантириш ва қишлоқ хўжалиги маҳсулотларини етиштиришни кўпайтириш, қайта ишлаш, экспорт салоҳиятини ошириш ҳамда юқори даромадли иш ўринларини ташкил этиш мақсадида:
1. Қишлоқ хўжалиги вазирлиги ҳамда Иқтисодиёт ва молия вазирлигининг:
Қишлоқ хўжалиги вазирлиги ҳузуридаги Қишлоқ хўжалигида хизматлар кўрсатиш агентлиги негизида Қишлоқ хўжалиги вазирлиги ҳузуридаги Агросаноатни ривожлантириш агентлигини (кейинги ўринларда — Агентлик) ташкил этиш;
Агентлик ҳузурида Боғдорчилик ва иссиқхона хўжалигини ривожлантириш жамғармаси ҳамда Виночиликни ривожлантириш жамғармаси негизида юридик шахс мақомига эга бўлмаган Агросаноатни ривожлантириш агентлиги ҳузуридаги Агросаноатни ривожлантириш ва қўллаб-қувватлаш давлат мақсадли жамғармасини ташкил этиш тўғрисидаги таклифлари маъқуллансин.
2. Қуйидагилар:
Агентлик фаолиятининг устувор йўналишлари 1-иловага мувофиқ;
Қорақалпоғистон Республикаси ва вилоятларда 2024-2025 йилларда тоғ олди ва қир-адирлик, иқтисодий самарасиз ҳамда эскирган боғ ва токзорлар ўрнида янгидан саноатлашган интенсив мевали боғ ва токзорлар барпо этишнинг мақсадли кўрсаткичлари 2-иловага мувофиқ тасдиқлансин.
3. 2024 йил 1 октябрдан бошлаб республикада саноатлашган янги интенсив боғ ва токзорларни барпо этиш ҳамда молиялаштириш бўйича қуйидаги тизим жорий этилсин:
а) туман (шаҳар) ҳокимликлари Агентлик билан бирга мунтазам равишда янгидан ташкил этиладиган саноатлашган янги интенсив боғ ва токзорларни (кейинги ўринларда — янги боғлар) ҳамда иссиқхоналарни барпо этиш мақсадида захирадаги ер участкалари ҳамда ер эгалари, ердан фойдаланувчилар, ижарачилар ва қишлоқ хўжалиги корхоналарига (кейинги ўринларда — ер эгалари) тегишли паст ҳосилли пахта ва ғалла ер майдонлари, тоғ олди, қир-адирликлар, шунингдек, самарасиз ҳамда эскирган боғ ва токзорлар рўйхатини шакллантириб боради. Бунда:
ер эгаларига тегишли ерларда янги боғларни барпо этиш Агентлик томонидан ишлаб чиқиладиган лойиҳанинг техник-иқтисодий асосларига мувофиқ амалдаги ер эгаларининг ўзлари томонидан амалга оширилади;
захирадаги ер участкаларида янги боғларни барпо этиш Агентлик томонидан ишлаб чиқиладиган лойиҳанинг техник-иқтисодий асосларига мувофиқ Агентлик ёки у томонидан танланган тадбиркорлик субъектлари томонидан амалга оширилади;
захирадаги ер участкалари янги боғларни барпо этиш учун Агентликка ёки у томонидан танланган тадбиркорлик субъектига Вазирлар Маҳкамаси томонидан тўғридан-тўғри ижара ҳуқуқи билан ажратилади, бунда, истисно тариқасида, инвестиция лойиҳасининг қиймати 10 миллион АҚШ долларидан кам бўлишига, энг яхши таклифни танлаш бўйича танлов ўтказилмаслигига, олдиндан махсус ҳисобвараққа пул жойлаштирмасдан ҳамда ер участкаларининг аниқ рўйхатини ер ижараси шартномаларида белгилаш шарти билан ер участкаларини реализация қилишга рухсат берилади;
Агентликка ўзига ижара ҳуқуқи билан ажратилган ер участкаларини тўғридан-тўғри шартномалар асосида тадбиркорлик субъектларига қайта ижарага бериш ҳуқуқи берилади;
захирадаги ер участкаларини ижарага (қайта ижарага) олган тадбиркорлик субъектлари Агентлик томонидан ишлаб чиқилган техник-иқтисодий асосларда белгиланган шартларга мувофиқ янги боғларни барпо этиш мажбуриятини олади, бунда янги боғларни барпо этишда Агросаноатни ривожлантириш ва қўллаб-қувватлаш давлат мақсадли жамғармаси (кейинги ўринларда — Жамғарма) маблағларидан фойдаланилмайдиган тақдирда, уларга фақат техник шарт берилади;
б) Агентлик янги боғларни барпо қилиш учун ҳудудларнинг ихтисослашуви ҳамда тупроқ-иқлим шароитидан келиб чиқиб, мева ва узумлар навларини инобатга олиб, лойиҳанинг техник-иқтисодий асосларини ишлаб чиқади.
Бунда Агентлик томонидан ишлаб чиқилган техник-иқтисодий асослар бўйича янги боғларни барпо этиш лойиҳасини амалга ошириш бошланганда, лойиҳа доирасидаги ҳар бир гектар ер майдони учун базавий ҳисоблаш миқдорининг 50 фоизи миқдорида бир марталик техник-иқтисодий асослар тўлови жорий этилади;
в) лойиҳанинг техник-иқтисодий асосларида белгиланган шартларда ва муддатларда янги боғлар ҳамда иссиқхоналарни ташкил этиш учун талабгорга ер участкаси боғ ва токзорлардан фойдаланиш ҳуқуқи билан бирга 30 йил муддатгача ижарага берилади;
г) ер участкаси ижарага олингандан бошлаб лойиҳанинг техник-иқтисодий асосларида белгиланган суғориш тизимларини жорий этиш ва ер майдонларини экишга тайёрлаш, кўчат экиш ишлари кўпи билан 14 ой муддатда тўлиқ бажарилмаганда, ер участкасининг ижара шартномаси қонунчиликда белгиланган тартибда бекор қилинади;
LexUZ шарҳиҚаранг: Ўзбекистон Республикаси «Ижара тўғрисида»ги Қонунининг 13-моддаси.
д) 2025 йилдан бошлаб янги боғларни барпо этишда фақат кўчатчиликка ихтисослашган хўжаликлар етиштирган ва мувофиқлик сертификатига эга бўлган кўчатлар экилади.
Бунда Агентлик мувофиқлик сертификатига эга бўлган кўчатлар етказиб берувчи кўчатчиликка ихтисослашган хўжалик ёки «in-vitro» лабораториялари реестрини юритади ҳамда доимий равишда экиладиган сертификатланган кўчатларнинг экилиши ва агротехника тадбирларини мониторинг қилади;
е) кўчатчиликка ихтисослашган хўжаликлар ёки «in-vitro» лаборатория томонидан талабгорга етказиб берилган кўчатларнинг навларига боғ ҳосилга киргунига қадар 3 йил давомида кафолат бериши шарт;
ж) талабгорлар томонидан янгидан барпо этиладиган боғларга замонавий сув тежовчи технологияларни ўрнатиши мажбурий ҳисобланади.
4. Белгилансинки, боғлар ва иссиқхоналардан белгиланган тартиб ва шартлар асосида фойдаланиш ҳолати Агентлик томонидан доимий мониторинг қилиб борилади.
Бунда мониторинг натижасида боғлар ва иссиқхоналардан самарасиз ҳамда ноқонуний ёки бошқа мақсадларда фойдаланиш, ўзбошимчалик билан бузиб ташлаш ҳолатлари аниқланганда, Агентлик томонидан ҳар йили 1 октябрга қадар ер майдонларини қайтариб олиш ҳамда келтирилган зарарни қоплаш бўйича назорат органларига хулоса киритиб борилади.
Қишлоқ хўжалиги вазирлиги Агентлик билан биргаликда икки ой муддатда иқтисодий жиҳатдан самарасиз, кам ҳосил берадиган боғ ва токзорларнинг яроқсизлигини аниқлаш ва улар ўрнига янги боғлар барпо этиш тартиби бўйича Вазирлар Маҳкамасига таклиф киритсин.
5. 2024 йил 1 октябрдан бошлаб республикада янги боғларни барпо этишни Жамғарма кредит ресурслари ҳисобидан тижорат банклари орқали молиялаштиришнинг қуйидаги тартиби жорий этилсин:
биринчи босқичда — ерни экишга тайёрлаш учун имтиёзли кредитнинг 10 фоизигача миқдорда;
иккинчи босқичда — кўчат сотиб олиш ва экиш харажатларига имтиёзли кредитнинг 40 фоизигача миқдорда;
учинчи босқичда — суғориш тизимларини ўрнатиш харажатларига имтиёзли кредитнинг 30 фоизигача миқдорда;
тўртинчи босқичда — боғ ҳосилга киргунга қадар 3 йил парваришлаш харажатларига имтиёзли кредитнинг 20 фоизи миқдорида ажратилади.
Бунда:
янги боғларни барпо этиш бўйича лойиҳанинг техник-иқтисодий асосларида кўзда тутилган ер майдонига мутаносиб равишда, аммо 1 гектарга кўпи билан базавий ҳисоблаш миқдорининг 500 бараваридан ошмаган миқдорда имтиёзли кредитлар ажратилади;
ташаббускорларга йиллик Марказий банк асосий ставкасидан 4 фоизлик пункт юқори ставкада (шундан банк маржаси 4 фоиз) миллий валютада 3 йиллик имтиёзли давр билан 7 йил муддатга кредитлар ажратилади;
мазкур шартлар мева ва узум маҳсулотларини замонавий саралаш, қадоқлаш ва қайта ишлашни ташкил этиш лойиҳаларига ҳам татбиқ этилади.
6. Агентликка янги боғларни барпо этиш бўйича лойиҳа ташкилотлари, маҳаллий ва хорижий маслаҳатчиларни (экспертларни) қонунчиликда белгиланган тартибда жалб қилишга рухсат этилсин.
LexUZ шарҳиҚаранг: Вазирлар Маҳкамасининг 2019 йил 25 мартдаги 244-сонли «Ўзбекистон Республикасига хориждан ишчи кучини жалб қилиш ва ундан фойдаланиш тартиби тўғрисидаги низомни тасдиқлаш ҳақида»ги қарори.
7. Иқтисодиёт ва молия вазирлиги, Солиқ қўмитаси ҳамда Қишлоқ хўжалиги вазирлигининг 2025 йил 1 январдан бошлаб иқтисодий жиҳатдан самарасиз, кам ҳосилли боғ ва токзорларни яроқсиз деб топиш, улар ўрнида интенсив боғ ва токзор барпо этиш ёки ҳайдаладиган ерлар тоифасига ўтказиш тўғрисида хулосани қабул қилувчи туман (шаҳар) комиссияси томонидан иқтисодий жиҳатдан самарасиз ва кам ҳосилли боғ ва токзорлар деб хулоса берилган санадан бошлаб 12 ой давомида янги боғ ёки токзорлар барпо этилмаган тақдирда ушбу боғ ва токзорлар жойлашган майдонлар учун ер солиғини 3 бараварга ошириш тўғрисидаги таклифи маъқуллансин.
Бунда, Агентлик иқтисодий жиҳатдан самарасиз, кам ҳосил берадиган деб топилган боғлар ва токзорлар тўғрисидаги маълумотларнинг солиқ тўловчилар кесимида Солиқ қўмитасига тегишли ахборот тизимларини интеграция қилиш орқали тақдим этиб борилишини таъминлайди.
Иқтисодиёт ва молия вазирлиги уч ой муддатда мазкур Фармондан келиб чиқиб, Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.
8. Қишлоқ хўжалиги вазирлигининг Агентлик ҳузурида юридик шахс мақомига эга бўлган кўчат етиштиришга ва намунавий боғларни барпо этишга ихтисослашган корхонани ташкил этиш тўғрисидаги таклифига розилик берилсин.
9. Қишлоқ хўжалиги вазирлиги (А. Шукуров) Агентлик ҳузурида Тошкент вилоятида сертификатланган кўчатларни етиштирадиган «in-vitro» лаборатория ва ихтисослашган кўчатчилик мажмуасини барпо этиш учун халқаро молия институтларининг грантлари ҳисобидан 8 миллион АҚШ доллари миқдорида маблағларни йўналтириш чораларини кўрсин.
10. Белгилансинки, 2025 йил 1 январдан бошлаб:
Ўзбекистон Республикаси кафолати остида жалб қилинган хорижий кредитлар ҳисобидан замонавий иссиқхоналарни ташкил этиш ҳамда майдони 1 гектар ва ундан юқори бўлган янги боғлар барпо этиш лойиҳаларини, техник-иқтисодий асослари мавжуд бўлганда ҳамда Агентлик томонидан ижобий хулоса берилганда амалга оширишга рухсат этилади;
Олдинги таҳрирга қаранг.
2028 йил 1 январга қадар ташаббускорлар янги боғларни барпо этишда ўз эҳтиёжлари учун хорижий давлатлардан (қўшни давлатлардан ташқари) 3-иловада назарда тутилган рўйхатдаги пайвандтагли мевали кўчатлар ва пайвандтаглар, пайвандустлари, оналик материаллари ва техникаларни импорт қилишда қўшилган қиймат солиғи ва божхона божларидан озод этилади;
(10-банднинг учинчи хатбошиси Ўзбекистон Республикаси Президентининг 2024 йил 27 декабрдаги ПФ-227-сонли Фармони таҳририда — Қонунчилик маълумотлари миллий базаси, 28.12.2024 й., 06/24/227/1089-сон)
Олдинги таҳрирга қаранг.
Иқтисодиёт ва молия вазирлиги уч ой муддатда Солиқ кодексига ушбу банддан келиб чиқадиган ўзгартириш ва қўшимчалар тўғрисидаги Қонун лойиҳасини Вазирлар Маҳкамасига киритсин.
(10-банд Ўзбекистон Республикаси Президентининг 2024 йил 24 декабрдаги ПФ-224-сонли Фармонига асосан тўртинчи хатбоши билан тўлдирилган — Қонунчилик маълумотлари миллий базаси, 27.12.2024 й., 06/24/224/1068-сон)
11. Агентлик 2024 йил 1 декабрдан бошлаб фермер ва деҳқон хўжаликларининг нуфузини ошириш, қайта ишловчи ва экспорт қилувчи корхоналарга кўмаклашишга қаратилган «мева-сабзавот маҳсулотлари етиштирувчиларни баҳолаш» тизими жорий этилсин ҳамда ҳар йили ўзининг расмий веб-сайтида мева-сабзавот маҳсулотлари етиштирувчилар рейтингини эълон қилиб борсин.
12. Агентлик мева-сабзавотчилик йўналишидаги маҳсулот етиштирувчи, қайта ишловчи субъектлар, иссиқхона хўжаликлари ҳамда Агентлик манфаатларини кўзлаб судга киритилган даъволар ва шикоятлар юзасидан давлат божи тўлашдан озод қилинсин.
Вазирлар Маҳкамаси икки ой муддатда «Давлат божи тўғрисида»ги Ўзбекистон Республикаси Қонунига ушбу имтиёзни белгилашга оид қўшимча киритишни назарда тутувчи қонун лойиҳасини Олий Мажлис Қонунчилик палатасига киритсин.
13. Қишлоқ хўжалиги вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 4-иловага мувофиқ ўзгартириш ва қўшимчалар киритилсин.
15. Мазкур Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев белгилансин.
Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 30 сентябрь,
ПФ-151-сон
Ўзбекистон Республикаси Президентининг 2024 йил 30 сентябрдаги ПФ-151-сон Фармонига
1-ИЛОВА
1-ИЛОВА
Қишлоқ хўжалиги вазирлиги ҳузуридаги Агросаноатни ривожлантириш агентлиги фаолиятининг устувор йўналишлари
1. Интенсив мевачилик, узумчилик, виночилик ва иссиқхона хўжаликларини барқарор ривожлантиришни таъминлашга ҳамда экспорт салоҳиятини оширишга кўмаклашишга қаратилган мақсадли комплекс дастурларни амалга ошириш.
2. Замонавий ресурс тежамкор технологияларни, шу жумладан томчилатиб ва ёмғирлатиб суғориш тизимларини қўллаган ҳолда интенсив боғ плантациялари, иссиқхона хўжаликлари майдонларини кенгайтириш чораларини кўриш.
3. Ҳудудларнинг тупроқ-иқлим шароитларини ҳисобга олган ҳолда, боғдорчилик, узумчилик ва иссиқхона хўжалигида илмий ютуқлар, илғор илмий ишланмалар ва инновацион агротехнологиялардан кенг фойдаланишни ташкил этиш.
4. Қишлоқ хўжалиги маҳсулотларини етиштиришни саноатлаштириш, шунингдек, мевали боғ ва узумзорларни тайёр ҳолда барпо этиш ҳамда уларни ташаббускорларга сотиш чораларини кўриш, шунингдек, янги боғ ва токзорлар ораларига қишлоқ хўжалиги экинларини экилишини ва улардан самарали фойдаланилишини ташкил этиш.
5. Соҳада «даладан дастурхонгача» тамойили асосида қўшилган қиймат занжирини жорий қилиш, қишлоқ хўжалиги маҳсулотлари экспортига кўмаклашиш, шунингдек, мева ва узум маҳсулотларини етиштирувчи субъектларни ривожлантириш ҳамда халқаро стандарт талабларини жорий этишга кўмаклашиш.
6. «In-vitro» лабораторияларда кафолатланган, вирусдан ҳоли бўлган кўчатлар етиштиришни рағбатлантириш механизмини ҳамда кўчатларни сертификатлаштириш тизимини йўлга қўйиш.
7. Мева ва узум навларининг миллий брендларини яратиш чораларини кўриш ҳамда мева ва узум маҳсулотларини сақлаш ва қайта ишлаш, миллий брендларни тарғиб қилиш, хорижий мутахассисларни жалб этиш, ташқи бозорларга чиқиш, экспорт географияси ва маҳсулот турларини кенгайтириш бўйича маркетинг тадқиқотларини ўтказиш.
8. Интенсив боғдорчилик, узумчилик ва ҳимояланган жойларда сабзавотчилик бўйича замонавий билим ва тажрибаларни татбиқ қилиш ишларини ташкил этиш.
9. Фермер ва деҳқон хўжаликларига ҳамда тадбиркорлик субъектларига кўмаклашиш мақсадида Агентлик расмий веб сайтида янги боғларни барпо этиш мақсадидаги очиқ электрон танловларни, кўчатчиликка ихтисослашган хўжалик ёки «In-vitro» лабораториялар ҳамда янги ташкил этилган боғ ва токзорларнинг реестрини, малакали агрономлар ва импорт қилишда божхона божларидан озод этиладиган мевали кўчатлар ва пайвандтаглар, пайвандустлари, оналик материаллари рўйхатини, балли баҳолаш тизими бўйича мевачилик ва узумчилик маҳсулотлари етиштирувчилар рейтингини эълон қилиб бориш.
Ўзбекистон Республикаси Президентининг 2024 йил 30 сентябрдаги ПФ-151-сон Фармонига
2-ИЛОВА
2-ИЛОВА
Қорақалпоғистон Республикаси ва вилоятларда 2024-2025 йилларда иқтисодий самарасиз ҳамда эскирган боғ ва токзорлар ўрнида янгидан саноатлашган интенсив мевали боғ ва токзорлар барпо этишнинг
МАҚСАДЛИ КЎРСАТКИЧЛАРИ
|
Т/р |
Ҳудуд номи |
Жами мевали боғ ва узумзор барпо этиш жами режа, (гектар) |
2024 йил мавсуми |
Тоғ олди ва қир-адирликлар |
Самарасиз боғ |
2025 йил мавсуми |
Тоғ олди ва қир-адирликлар |
Самарасиз боғ |
|
|
1. |
Қорақалпоғистон Республикаси |
1 000 |
200 |
- |
200 |
800 |
- |
800 |
|
|
2. |
Андижон вилояти |
4 000 |
800 |
300 |
500 |
3 200 |
500 |
2 700 |
|
|
3. |
Бухоро вилояти |
2 500 |
500 |
- |
500 |
2 000 |
- |
2 000 |
|
|
4. |
Жиззах вилояти |
4 700 |
1 200 |
500 |
700 |
3 500 |
1 500 |
2 000 |
|
|
5. |
Қашқадарё вилояти |
2 000 |
700 |
500 |
200 |
1 300 |
1 000 |
300 |
|
|
6. |
Навоий вилояти |
800 |
300 |
200 |
100 |
500 |
300 |
200 |
|
|
7. |
Наманган вилояти |
6 400 |
3 000 |
2 000 |
1 000 |
3 400 |
2 000 |
1 400 |
|
|
8. |
Самарқанд вилояти |
6 500 |
2 200 |
2 000 |
200 |
4 300 |
4 000 |
300 |
|
|
9. |
Сурхондарё вилояти |
2 500 |
800 |
300 |
500 |
1 700 |
1 000 |
700 |
|
|
10. |
Сирдарё вилояти |
2 500 |
500 |
- |
500 |
2 000 |
- |
2 000 |
|
|
11. |
Тошкент вилояти |
3 500 |
1 500 |
1 000 |
500 |
2 000 |
1 700 |
300 |
|
|
12. |
Фарғона вилояти |
6 000 |
2 000 |
1 000 |
1 000 |
4 000 |
2 000 |
2 000 |
|
|
13. |
Хоразм вилояти |
800 |
300 |
- |
300 |
500 |
- |
500 |
|
|
ЖАМИ |
43 200 |
14 000 |
7 800 |
6 200 |
29 200 |
14 000 |
15 200 |
|
Ўзбекистон Республикаси Президентининг 2024 йил 30 сентябрдаги ПФ-151-сон Фармонига
3-ИЛОВА
3-ИЛОВА
Янги боғларни барпо этиш учун хорижий давлатлардан пайвандтагли мевали кўчатлар ва пайвандтаглар, пайвандустлари, оналик материаллари ва техникаларни импорт қилишда қўшилган қиймат солиғи ва божхона божларидан озод этилган товарлар
РЎЙХАТИ
|
Т/р |
Товар номлари |
ТИФ ТН коди |
|
1. |
Пиёзбошлар, туганаклар, туганаксимон илдизлар, туганак пиёзлар, илдизпоялар |
0601 |
|
2. |
Кўчат ва бошқа тирик ўсимликлар (шу жумладан, уларнинг илдизлари), қаламчалар ва пархишлар |
0602 |
|
3. |
Темир ёки пўлатдан электр изоляцияланмаган симлар, трослар, арқонлар, буралган симлар, строплар ва шунга ўхшаш буюмлар |
7312 10 810 8 |
|
4. |
Боғ шпалерларини мустаҳкамлаш учун темир анкерлар |
7326 20 000 9 |
|
5. |
Ёғоч шпалерлар |
4418 91 700 0 |
|
6. |
Шпалерлар (темир) |
7326 90 980 7 |
|
7. |
Тупроқни тайёрлаш ва қайта ишлов бериш учун қишлоқ хўжалиги, боғдорчилик ёки ўрмон хўжалиги машиналари ва плуглар |
8432 10 000 0 |
|
8. |
Дискли бороналар |
8432 21 000 0 |
|
9. |
Ер юмшаткичлар ва культиваторлар |
8432 29 100 0 |
|
10. |
Бороналар |
8432 29 300 0 |
|
11. |
Тупроқни ишлов бериш учун фрезалар |
8432 29 500 0 |
|
12. |
Органик ва ноорганик ўғитларни пурковчи ва тақсимловчи мосламалар, экиш ва кўчат ўтқазиш машиналари, бошқа машиналар |
8432 (31 900 0, 39 900 0, 41 000 0, 42 000 0, 80 000 0) |
|
13. |
Қишлоқ хўжалиги ишлари учун тракторлар (бир ўқли тракторлардан ташқари) |
8701 (91 100 0, 92 100 0, 93 100 0, 94 100 0) |
Ўзбекистон Республикаси Президентининг 2024 йил 30 сентябрдаги ПФ-151-сон Фармонига
4-ИЛОВА
4-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2021 йил 3 февралдаги «Қишлоқ хўжалигида билим ва инновациялар тизими ҳамда замонавий хизматлар кўрсатишни янада ривожлантириш тўғрисида»ги ПФ-6159-сон Фармонида:
а) 2-илованинг 14-банди қуйидаги таҳрирда баён этилсин:
|
« |
|||
|
14. |
Лавозими бўйича |
Агросаноатни ривожлантириш агентлиги директори |
|
|
»; |
б) 3-илованинг 4-позицияси «Бириктирилаётган вазирлик, идора ва хўжалик бирлашмалари» устунидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
2. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида:
а) 1-иловада:
«4. Қишлоқ хўжалиги вазирлиги» бўлими «Вазирлик ва идора номи» устунидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин;
изоҳлар қисми қуйидаги мазмундаги 5.4.1-кичик банд билан тўлдирилсин:
«5.4.1. 16 та штат бирлиги Қишлоқ хўжалиги вазирлиги ҳузуридаги Агросаноатни ривожлантириш агентлигининг Агросаноатни ривожлантириш ва қўллаб-қувватлаш давлат мақсадли жамғармаси маблағлари ҳисобидан молиялаштирилади»;
б) 2-илованинг 4.4-кичик банди қуйидаги таҳрирда баён этилсин:
«4.4. Агросаноатни ривожлантириш агентлиги»;
в) 2а-илованинг 4.4-позицияси қуйидаги таҳрирда баён этилсин:
|
« |
|||
|
4.4 |
Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги |
Агросаноатни ривожлантириш агентлиги |
Агентство развития агропромышленности |
|
». |
3. Ўзбекистон Республикаси Президентининг 2023 йил 1 июндаги «Пиллачилик соҳасида касаначиликни қўллаб-қувватлаш ҳамда пилла етиштириш учун озуқа базасини янада кенгайтиришнинг қўшимча чора-тадбирлари тўғрисида»ги ПФ-85-сон Фармони 7-бандининг биринчи хатбошисидаги «Қишлоқ хўжалиги вазирлиги ҳузуридаги Қишлоқ хўжалигида хизматлар кўрсатиш агентлиги» сўзлари «Қишлоқ хўжалиги вазирлиги» сўзлари билан алмаштирилсин.
4. Ўзбекистон Республикаси Президентининг 2023 йил 10 июндаги «Маъмурий ислоҳотлар доирасида қишлоқ хўжалиги ва озиқ-овқат соҳасида давлат бошқарувини самарали ташкил қилиш чора-тадбирлари тўғрисида»ги ПФ-90-сон Фармонида:
а) 1-банднинг еттинчи хатбошисидаги «Қишлоқ хўжалигида хизматлар кўрсатиш агентлигининг» сўзлари «Агросаноатни ривожлантириш агентлигининг» сўзлари билан алмаштирилсин;
б) 5-бандда:
биринчи ва иккинчи хатбошилардаги тегишли келишикдаги «Қишлоқ хўжалигида хизматлар кўрсатиш агентлиги» сўзлари тегишли келишикдаги «Агросаноатни ривожлантириш агентлиги» сўзлари билан алмаштирилсин;
«б» кичик банд қуйидаги таҳрирда баён этилсин:
«б) Қишлоқ хўжалиги маҳсулотларини қайта ишлаш ва озиқ-овқат саноатига хизмат кўрсатиш бўлимини ташкил этиш чораларини кўрсин».
в) 2-иловада «Қишлоқ хўжалигида хизматлар кўрсатиш агентлиги» блоки «Агросаноатни ривожлантириш агентлиги» блоки билан алмаштирилсин;
г) 6-илованинг матни қуйидаги таҳрирда баён этилсин:
«Агросаноатни ривожлантириш агентлиги
ТАШКИЛИЙ ТУЗИЛМАСИ
|
Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги |
|||||||||||||||||||||||||||
|
Қорақалпоғистон Республикаси ва вилоятлар бўлимлари |
«Қишлоқ хўжалигини стандартлаштириш маркази» ДУК |
||||||||||||||||||||||||||
|
Туманлар (Қувасой шаҳри) лойиҳа офислари |
Кўчат етиштиришга ихтисослашган ва кўргазмали дала майдонларини ташкил этадиган корхона |
||||||||||||||||||||||||||
|
». |
|||||||||||||||||||||||||||
д) 9-илова қуйидаги мазмундаги 4-банд билан тўлдирилсин:
«4. Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги ходимларига Ягона тариф сеткаси бўйича меҳнатга ҳақ тўлаш шартлари:
а) Давлат бюджети ҳисобидан:
Ягона тариф сеткаси бўйича тасдиқланган разрядларга мувофиқ лавозим маоши тўланади;
Агентлик марказий аппарати ҳамда вилоят, туман (шаҳар) ҳудудий бўлимлари ва лойиҳа офислари ходимлари лавозим маошларини Ягона тариф сеткаси бўйича меҳнатга ҳақ тўлашнинг тасдиқланган разрядларига асосан белгилашда тариф коэффициентлари 1,4 бараварга оширилган миқдорда қўлланилади;
лавозим маошининг 40 фоизи миқдорида устама (меҳнатни рағбатлантириш коэффициенти) тўланади;
кўп йиллик хизмати учун лавозим маошига 20 фоиздан 100 фоизгача миқдорда устама тўланади;
ўз вазифаларини виждонан, шунингдек алоҳида муҳим ва масъулиятли ишларни бажараётган ходимларни икки ойлик меҳнатга ҳақ тўлаш фонди доирасида мукофотланади;
йилда бир марта ойлик меҳнатга ҳақ тўлаш фонди миқдорида моддий ёрдам кўрсатилади;
б) ҳар йили Давлат бюджетидан Агросаноатни ривожлантириш ва қўллаб-қувватлаш давлат мақсадли жамғармасига ажратиладиган трансферт ҳисобидан:
Агентлик марказий аппарати ходимларига ўз хизмат вазифаларини виждонан бажарганликлари учун Агентлик директори томонидан лавозим маошининг (рағбатлантирувчи коэффициентни ҳисобга олган ҳолда) 300 фоизгача ҳамда ҳудудий бўлинмалар ва туманлар (Қувасой шаҳри) ходимларига 200 фоизгача миқдорда ҳар ойлик устамалар тўланади;
алоҳида ўрнак кўрсатган Агентлик марказий аппарати ходимларига лавозим маошининг (рағбатлантирувчи коэффициентни ҳисобга олган ҳолда) 100 фоизигача миқдорда ойлик устамалар тўланади;
Агентлик ва унинг тизимидаги ходимлар расман байрам деб эълон қилинган кунлар, (1 январь — Янги йил, 8 март — Хотин-қизлар куни, 21 март — Наврўз байрами, 9 май — Хотира ва қадрлаш куни, 1 сентябрь — Мустақиллик куни, 8 декабрь — Ўзбекистон Республикаси Конституцияси куни, диний байрамлар Рўза ҳайити (Ийд-ал-Фитр) ва Қурбон ҳайити (Ийд-ал-Адҳа) ва қишлоқ хўжалиги ходимларининг касб байрамлари куни муносабати билан лавозим маошининг (рағбатлантирувчи коэффициентни ҳисобга олган ҳолда) икки баробари миқдорида мукофотланади;
қишлоқ хўжалиги маҳсулотларини харид қилиш учун ходимларга бир йилда бир маротаба базавий ҳисоблаш миқдорининг 10 баробаригача бўлган миқдорда тўловлар амалга оширилади;
ходимларни ижтимоий муҳофаза қилиш ва уларнинг меҳнати самарадорлигини ошириш мақсадида ҳар ойда (жамоа шартномасига мувофиқ) транспорт харажатлари учун базавий ҳисоблаш миқдорининг бир баробаригача миқдорида ва овқатланиш харажатларини қоплаш учун базавий ҳисоблаш миқдорининг икки баробаригача миқдорда тўловлар амалга оширилади;
фан номзоди ёки фалсафа доктори (PhD) илмий даражасига ёки хорижий давлатларнинг унга тенглаштирилган бошқа илмий даражаларига эга ходимлари ойлик лавозим маошига (рағбатлантириш коэффициентини инобатга олган ҳолда лавозим маошига нисбатан коэффициентларда) — 30 фоизгача устамалар белгиланади;
фан доктори ёки фан доктори (DSc) илмий даражасига ёки хорижий давлатларнинг унга тенглаштирилган бошқа илмий даражаларига эга ходимлари ойлик лавозим маошига (рағбатлантириш коэффициентини инобатга олган ҳолда лавозим маошига нисбатан коэффициентларда) — 35 фоизгача устамалар белгиланади.
Заруратга кўра, касаба уюшмаси ташкилоти билан келишилган ҳолда ходимлар ва (ёки) уларнинг оила аъзоларига қуйидаги ҳолатларда базавий ҳисоблаш миқдорининг 10 баробаригача бўлган миқдорда моддий ёрдам тўлаб берилади:
ходим вафот этганда — бунда моддий ёрдам хотинига (эрига) тўлаб берилади, агар ходимнинг хотини (эри) бўлмаса, моддий ёрдам фарзандларига ёки қонуний вакилларига (васийлари ва ҳомийларига) ёхуд уларнинг вояга етмаган фарзандларини асраб олган шахсларга тўлаб берилади, шунингдек, ходим турмуш қурмаган бўлса, моддий ёрдам ота-онаси ёки боқимандалар ўртасида тенг улушларда тақсимланади;
яқин қариндоши вафот этганда (ота, она, турмуш ўртоғи, фарзанди) — вафоти тўғрисида гувоҳнома нусхаси тақдим этилганда.
Изоҳ:
Агросаноатни ривожлантириш ва қўллаб-қувватлаш давлат мақсадли жамғармаси маблағлари ҳисобидан сақланадиган штат бирликлари учун мазкур шартларнинг «а» ва «б» кичик бандларида назарда тутилган барча тўловлар Агросаноатни ривожлантириш ва қўллаб-қувватлаш давлат мақсадли жамғармаси маблағлари ҳисобидан тўланади».
5. Ўзбекистон Республикаси Президентининг 2024 йил 16 февралдаги «Республикада озиқ-овқат хавфсизлигини таъминлашнинг қўшимча чора-тадбирлари тўғрисида»ги ПФ-36-сон Фармонига 4-иловада:
9, 10, 49, 50 ва 51-позициялари «Масъуллар» устунидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин,
11-позицияси «Масъуллар» устунидаги «Қишлоқ хўжалигида хизматлар кўрсатиш агентлиги» сўзлари «Қишлоқ хўжалиги вазирлиги» сўзлари билан алмаштирилсин;
24-позицияси «Масъуллар» устунидаги «Қишлоқ хўжалигида хизматлар кўрсатиш агентлиги» сўзлари «Ёғ-мой саноати уюшмаси» сўзлари билан алмаштирилсин.
6. Ўзбекистон Республикаси Президентининг 2024 йил 21 февралдаги «Ўзбекистон-2030» стратегиясини «Ёшлар ва бизнесни қўллаб-қувватлаш йили»да амалга оширишга оид давлат дастури тўғрисида»ги ПФ-37-сон Фармонига 2-илованинг 52-позицияси «Ҳамижрочилар» устунидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
7. Ўзбекистон Республикаси Президентининг 2019 йил 19 июлдаги «Халқаро тикланиш ва тараққиёт банки иштирокида «Фарғона водийсида қишлоқ тадбиркорлигини ривожлантириш» лойиҳасини амалга ошириш чора-тадбирлари тўғрисида»ги ПҚ-4399-сон қарорида:
2-бандининг учинчи хатбошисидаги «Ўзбекистон Республикаси Қишлоқ хўжалиги вазирлиги» сўзлари «Ўзбекистон Республикаси Қишлоқ хўжалиги вазирлиги ҳузуридаги Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази (кейинги ўринларда — Марказ)» сўзлари билан алмаштирилсин;
4-банддаги «Агентлик» сўзи «Марказ» сўзи билан алмаштирилсин;
5-банддаги «Агентлик бош директори» сўзлари «Марказ директори» сўзлари билан алмаштирилсин;
7-банддаги «Агентлик» сўзи «Марказ» сўзи билан алмаштирилсин.
8. Ўзбекистон Республикаси Президентининг 2019 йил 11 декабрдаги «Мева-сабзавотчилик ва узумчилик тармоғини янада ривожлантириш, соҳада қўшилган қиймат занжирини яратишга доир қўшимча чора-тадбирлар тўғрисида»ги ПҚ-4549-сон қарорида:
4-банддаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин;
8-банднинг иккинчи хатбошисидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
9. Ўзбекистон Республикаси Президентининг 2020 йил 10 апрелдаги «Япония халқаро ҳамкорлик агентлиги (JICA) иштирокидаги «Мева-сабзавотчилик тармоғида қўшилган қиймат занжири яратишни ривожлантириш» лойиҳасини амалга ошириш чора-тадбирлари тўғрисида»ги ПҚ-4669-сон қарори 5-бандининг биринчи хатбошисидаги «Қишлоқ хўжалигида хизматлар кўрсатиш агентлиги» сўзлари «Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази» сўзлари билан алмаштирилсин.
10. Ўзбекистон Республикаси Президентининг 2020 йил 11 августдаги «Халқаро тикланиш ва тараққиёт банки ҳамда Халқаро тараққиёт уюшмаси иштирокида «Ўзбекистон Республикаси қишлоқ хўжалигини модернизация қилиш» лойиҳасини амалга ошириш чора-тадбирлари тўғрисида»ги ПҚ-4803-сон қарорига 2а-илованинг 4-позицияси «Чора-тадбир номи» устунидаги «Боғдорчилик ва иссиқхона хўжалигини ривожлантириш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
11. Ўзбекистон Республикаси Президентининг 2021 йил 22 июлдаги ПҚ-5189-сон қарори билан тасдиқланган Вазирликлар, давлат қўмиталари, давлат бошқарувининг бошқа органлари ва хўжалик бирлашмалари раҳбарлари ўринбосарларининг фаолияти кўрсаткичларини ишлаб чиқиш, мониторинг қилиш ва самарадорлигини баҳолаш тартиби тўғрисидаги низомга 2-илованинг «IV. Агентликлар» бўлими 15-бандидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
12. Ўзбекистон Республикаси Президентининг 2021 йил 28 июлдаги «Узумчиликни ривожлантиришда кластер тизимини жорий этиш, соҳага илғор технологияларни жалб қилишни давлат томонидан қўллаб-қувватлашнинг қўшимча чора-тадбирлари тўғрисида»ги ПҚ-5200-сон қарорига 4-илованинг 1-позицияси «Ижро учун масъуллар» устунидаги «Боғдорчилик ва иссиқхона хўжалигини ривожлантириш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
13. Ўзбекистон Республикаси Президентининг 2021 йил 12 ноябрдаги «Германия тараққиёт банки иштирокида «Кичик ва ўрта бизнесни молиявий қўллаб-қувватлаш» лойиҳасини амалга ошириш чора-тадбирлари тўғрисида»ги ПҚ-9-сон қарори 1-бандининг «в» кичик банди қуйидаги таҳрирда баён этилсин:
«в) Лойиҳани амалга ошириш муддати 6 йил (2021 — 2026 йиллар) этиб белгиланганлиги маълумот учун қабул қилинсин».
14. Ўзбекистон Республикаси Президентининг 2021 йил 23 ноябрдаги «Мева-сабзавотчилик ва узумчиликда оилавий тадбиркорликни ривожлантириш, қишлоқ хўжалиги ишлаб чиқаришида деҳқон хўжаликларининг улушини ошириш чора-тадбирлари тўғрисида»ги ПҚ-20-сон қарорида:
а) 13-бандда:
учинчи хатбошидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин;
тўртинчи хатбошидаги «Боғдорчилик ва иссиқхона хўжалигини ривожлантириш жамғармаси» сўзлари «Агросаноатни ривожлантириш ва қўллаб-қувватлаш давлат мақсадли жамғармаси» сўзлари билан алмаштирилсин;
б) 3-илованинг тўртинчи хатбошисидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
15. Ўзбекистон Республикаси Президентининг 2021 йил 15 декабрдаги «Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида»ги ПҚ-52-сон қарорида:
а) 1-банд қуйидаги мазмундаги «в» кичик банд билан тўлдирилсин:
«в) «маҳалла еттилиги»нинг тавсиясига асосан шакллантириладиган рўйхатга киритилган ҳамда электрон онлайн-аукцион савдолари орқали деҳқон хўжалиги юритиш учун ер майдонларини ижарага олган ёшларга — мини-техника, уруғ ва кўчат хариди учун йиллик 14 фоиз ставкада (шундан 2 фоизи банк маржаси), 6 ойлик имтиёзли давр билан 7 йилгача муддатга 100 миллион сўмгача кредитлар ажратилади.
Бунда қарор доирасида барча турдаги кредитларни «маҳалла еттилиги»нинг кафиллиги асосида ажратишга рухсат берилади ҳамда улар кредитларнинг натижадорлиги учун тенг жавобгар бўлади»;
б) 8-бандда:
биринчи хатбошидаги «Қишлоқ хўжалигида хизматлар кўрсатиш агентлигининг» сўзлари «Агросаноатни ривожлантириш агентлигининг» сўзлари билан алмаштирилсин;
иккинчи хатбоши чиқариб ташлансин;
учинчи хатбоши иккинчи хатбоши деб ҳисоблансин;
в) 9-банднинг бешинчи хатбошиси қуйидаги таҳрирда баён этилсин:
«мева ва узум етиштириш, уларни сақлаш, саралаш, қайта ишлаш ва экспортини ташкил этишга кўмаклашиш вазифалари юклатилсин»;
г) 10-банднинг тўртинчи хатбошисидаги «бюджетдан ташқари» сўзлари «жамғармаси» сўзи билан алмаштирилсин.
16. Ўзбекистон Республикаси Президентининг 2022 йил 27 апрелдаги «Қишлоқ хўжалиги маҳсулотларини етиштириш харажатларини молиялаштириш ва уларни харид қилиш тизимини такомиллаштириш чора-тадбирлари тўғрисида»ги ПҚ-225-сон қарорига 1-илованинг 3-банди қуйидаги таҳрирда баён этилсин:
|
« |
|||
|
3. |
Лавозими бўйича |
— |
Агросаноатни ривожлантириш агентлиги директори, Комиссия раиси ўринбосари |
|
». |
17. Ўзбекистон Республикаси Президентининг 2022 йил 15 июндаги «Жиззах вилоятида қишлоқ хўжалигида фойдаланиладиган ерларни кенгайтириш ва қишлоқ хўжалиги маҳсулотларини ишлаб чиқариш ҳажмларини ошириш чора-тадбирлари тўғрисида»ги ПҚ-278-сон қарорида:
а) 3-банднинг биринчи хатбошисидаги «Қишлоқ хўжалиги вазирлиги ҳузуридаги Боғдорчилик ва иссиқхона хўжалигини ривожлантириш агентлиги» сўзлари «Қишлоқ хўжалиги вазирлиги» сўзлари билан алмаштирилсин;
б) 9-банднинг «а»кичик бандида:
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин.
18. Ўзбекистон Республикаси Президентининг 2022 йил 10 сентябрдаги «Деҳқон хўжаликлари ташкил этишни қўллаб-қувватлаш орқали аҳоли даромадларини ошириш бўйича қўшимча чора-тадбирлар тўғрисида»ги ПҚ-373-сон қарорининг 5-бандида:
биринчи хатбошидан «, Х. Каримов» сўзлари чиқариб ташлансин;
учинчи хатбошисидаги «Қишлоқ хўжалигида хизматлар кўрсатиш агентлиги» сўзлари «Қишлоқ хўжалиги вазирлиги» сўзлари билан алмаштирилсин;
саккизинчи хатбошидан «, Қишлоқ хўжалигида хизматлар кўрсатиш агентлиги директори Х.М. Каримов» сўзлари чиқариб ташлансин.
19. Ўзбекистон Республикаси Президентининг 2022 йил 6 октябрдаги «Қишлоқ хўжалиги маҳсулотлари етиштиришни молиявий қўллаб-қувватлашнинг қўшимча чора-тадбирлари тўғрисида»ги ПҚ-387-сон қарорида:
а) 5-бандда:
биринчи хатбошидан «Қишлоқ хўжалигида хизматлар агентлиги директори Х. Каримов,» сўзлари чиқариб ташлансин;
учинчи хатбошидаги «Қишлоқ хўжалигида хизматлар агентлиги» сўзлари «Қишлоқ хўжалиги вазирлиги» сўзлари билан алмаштирилсин;
б) 6-банднинг биринчи хатбошисидан «ҳамда Қишлоқ хўжалигида хизматлар агентлиги директори (Х. Каримов)» сўзлари чиқариб ташлансин.
20. Ўзбекистон Республикаси Президентининг 2022 йил 2 ноябрдаги «Иссиқхона хўжаликлари фаолияти самарадорлигини ошириш юзасидан қўшимча чора-тадбирлар тўғрисида»ги ПҚ-413-сон қарорида:
а) 1-банднинг биринчи хатбошисидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин»;
б) 2-банд «б» кичик бандининг иккинчи хатбошисидаги «Қишлоқ хўжалигида хизматлар кўрсатиш агентлигига» сўзлари «Агросаноатни ривожлантириш агентлигига» сўзлари билан алмаштирилсин;
в) 2-илованинг 3-банди қуйидаги таҳрирда баён этилсин:
|
« |
|||
|
3. |
Лавозимига кўра |
— |
Агросаноатни ривожлантириш агентлиги директори, Ишчи гуруҳ раҳбари ўринбосари |
|
». |
21. Ўзбекистон Республикаси Президентининг 2023 йил 26 январдаги «Пахта хом ашёси етиштирувчилар фаолиятини янада қўллаб-қувватлашнинг қўшимча чора-тадбирлари тўғрисида»ги ПҚ-23-сон қарори 5-бандидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
22. Ўзбекистон Республикаси Президентининг 2023 йил 3 февралдаги «2023 — 2025 йилларда «Қашқадарё вилоятини комплекс ижтимоий-иқтисодий ривожлантириш ва аҳоли турмуш даражасини янада яхшилашга доир қўшимча чора-тадбирлар тўғрисида»ги ПҚ-44-сон қарори 13-бандининг биринчи хатбошисидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
23. Ўзбекистон Республикаси Президентининг 2023 йил 5 апрелдаги «2023 йилда қишлоқ хўжалиги маҳсулотлари ишлаб чиқариш, қайта ишлашни кенгайтириш ва қўллаб-қувватлашнинг қўшимча чора-тадбирлари тўғрисида»ги ПҚ-113-сон қарорининг 2-бандида:
а) биринчи хатбошидаги «Қишлоқ хўжалигида хизматлар кўрсатиш агентлиги (кейинги ўринларда — Агентлик)» сўзлари «Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази» сўзлари билан алмаштирилсин;
б) «а» кичик бандда:
биринчи хатбошидаги «Агентликнинг» сўзи «Агросаноатни ривожлантириш агентлигининг (кейинги ўринларда — Агентлик)» сўзлари билан алмаштирилсин;
иккинчи хатбошидаги «Агентлик «Агросервис оператор» ДУК билан биргаликда» сўзлари «Агросервис оператор» ДУК» сўзлари билан алмаштирилсин.
24. Ўзбекистон Республикаси Президентининг 2023 йил 12 апрелдаги «Қишлоқ хўжалиги корхоналари дала четларидаги ер майдонларида маҳсулот етиштириш тизимини такомиллаштириш чора-тадбирлари тўғрисида»ги ПҚ-121-сон қарорида:
а) 2-банддаги «Қишлоқ хўжалигида хизматлар кўрсатиш агентлигига» сўзлари «Агросаноатни ривожлантириш агентлигига» сўзлари билан алмаштирилсин;
б) 4-банднинг биринчи хатбошидаги «Агентликка бириктирилган илмий-тадқиқот институтларига» сўзлари «Сабзавот, полиз экинлари ва картошкачилик илмий-тадқиқот институти ҳамда Академик М. Мирзаев номидаги боғдорчилик, узумчилик ва виночилик илмий-тадқиқот институтига» сўзлари билан алмаштирилсин;
в) 5-илованинг 2-бандидаги «Қишлоқ хўжалигида хизматлар кўрсатиш агентлиги (Х.М. Каримов)га» сўзлари «Агросаноатни ривожлантириш агентлигига» сўзлари билан алмаштирилсин.
25. Ўзбекистон Республикаси Президентининг 2023 йил 2 майдаги «2023 — 2025 йилларда Жиззах вилоятини комплекс ижтимоий-иқтисодий ривожлантириш ва аҳоли турмуш даражасини янада яхшилашга доир қўшимча чора-тадбирлар тўғрисида»ги ПҚ-146-сон қарори 12-бандининг иккинчи хатбошисидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин.
26. Ўзбекистон Республикаси Президентининг 2023 йил 7 июлдаги «Аграр соҳада илм-фан, таълим ва ишлаб чиқаришни интеграция қилиш орқали сифат ва самарадорликни оширишнинг қўшимча чора-тадбирлари тўғрисида»ги ПҚ-216-сон қарори 5-бандининг биринчи хатбошисидаги «Қишлоқ хўжалигида хизматлар кўрсатиш агентлигининг» сўзлари «Агросаноатни ривожлантириш агентлигининг» сўзлари билан алмаштирилсин.
27. Ўзбекистон Республикаси Президентининг 2023 йил 3 августдаги «2023 — 2026 йилларда узумчилик ва виночилик соҳасини янада ривожлантиришга қаратилган чора-тадбирлар тўғрисида»ги ПҚ-260-сон қарорида:
а) 5-банддаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин;
б) 3-иловада:
4-позицияда:
«Амалга ошириш механизми» устунидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин;
«Масъуллар» устунидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин;
18-позициянинг «Тадбирлар номи» устунидаги «Қишлоқ хўжалигида хизматлар кўрсатиш агентлиги» сўзлари «Агросаноатни ривожлантириш агентлиги» сўзлари билан алмаштирилсин;
в) 4-илованинг 7-банди қуйидаги таҳрирда баён этилсин:
|
« |
|||
|
7. |
Лавозими бўйича |
— |
Агросаноатни ривожлантириш агентлиги директори |
|
»; |
г) 5-илованинг 1-банди биринчи хатбошисидаги «Қишлоқ хўжалигида хизматлар кўрсатиш агентлигига» сўзлари «Агросаноатни ривожлантириш агентлигига» сўзлари билан алмаштирилсин.
28. Ўзбекистон Республикаси Президентининг 2024 йил 5 мартдаги «Аҳоли хонадонларида саноат усулида маҳсулот ишлаб чиқаришни қўллаб-қувватлаш ҳамда томорқа ва деҳқон хўжаликларида янги захираларни ишга солишга доир чора-тадбирлар тўғрисида»ги ПҚ-115-сон қарорининг 5-бандидаги «Қишлоқ хўжалигида хизматлар кўрсатиш агентлиги (Н. Абдуллаев)» сўзлари «Агросаноатни ривожлантириш агентлиги» сўзлари билан ва «2024 йил» сўзлари «2025 йил» сўзлари билан алмаштирилсин.
29. Ўзбекистон Республикаси Президентининг 2024 йил 19 апрелдаги «Иқтисодиётда давлат иштирокини қисқартиришнинг қўшимча чора-тадбирлари тўғрисида»ги ПҚ-162-сон қарорига 2-илованинг 1010-позицияси чиқариб ташлансин.
30. Вазирлар Маҳкамасининг 2021 йил 3 апрелдаги «Ўзбекистон Республикаси Қишлоқ хўжалиги вазирлиги ҳузурида «Агросервис оператор» давлат унитар корхонасини ташкил этиш тўғрисида»ги 180-сон қарорида:
3-банднинг учинчи хатбошисидаги «Боғдорчилик ва иссиқхона хўжалигини ривожлантириш агентлиги» сўзлари «Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази» сўзлари билан алмаштирилсин;
6-банднинг иккинчи хатбошисидаги «Боғдорчилик ва иссиқхона хўжалигини ривожлантириш агентлиги қошидаги Боғдорчилик ва иссиқхона хўжалигини ривожлантириш жамғармаси маблағлари» сўзлари «Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази томонидан ажратиладиган маблағлар» сўзлари билан алмаштирилсин.
31. Вазирлар Маҳкамасининг 2021 йил 24 июлдаги 458-сон қарори билан тасдиқланган Қишлоқ хўжалиги бирлашмаларининг аъзолари, мева-сабзавот кластерлари иштирокчилари ва тадбиркорлик субъектларига маҳаллий шароитда етиштирилган интенсив кўчатлар (пакана ва ярим пакана) хўраки, кишмишбоп ва саноатбоп ток кўчатлари ҳамда пайвандтагларни сотиб олиш харажатларининг бир қисмини қоплаш учун субсидия ажратиш тўғрисидаги низомга 1-илова ўз кучини йўқотган деб ҳисоблансин.
(Қонунчилик маълумотлари миллий базаси, 02.10.2024 й., 06/24/151/0764-сон; 28.12.2024 й., 06/24/227/1089-сон)
