Ўзбекистон Республикаси Президентининг
Қарори
Инвестициявий ва инфратузилмавий лойиҳаларнинг лойиҳаолди, давлат харидига доир тендер бўйича харид қилиш ҳужжатлари ва техник топшириқлар ҳамда шартномаларни экспертизадан ўтказиш тартибини янада такомиллаштириш чора-тадбирлари тўғрисида
«Давлат харидлари тўғрисида»ги Қонун ва Ўзбекистон Республикаси Президентининг 2021 йил 22 октябрдаги «Норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказишни янада такомиллаштириш чора-тадбирлари тўғрисида»ги ПҚ-5263-сон қарорига мувофиқ, шунингдек, инвестициявий ва инфратузилмавий лойиҳаларнинг лойиҳаолди, давлат харидига доир тендер бўйича харид қилиш ҳужжатлари ва техник топшириқлар ҳамда шартномалар экспертизасини ўтказиш тартибини янада такомиллаштириш мақсадида:
1. Қуйидагилар:
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш, комплекс экспертизадан ўтказиш ва тасдиқлаш тартиби тўғрисидаги низом 1-иловага мувофиқ;
Давлат харидига доир тендер бўйича харид қилиш ҳужжатларини ва техник топшириқларни комплекс экспертизадан ўтказиш тартиби тўғрисидаги низом 2-иловага мувофиқ;
Шартномалар, импорт контрактлари ва уларга қўшимча келишувлар лойиҳаларини экспертизадан ўтказиш ва рўйхатга олиш тартиби тўғрисидаги низом 3-иловага мувофиқ;
Лойиҳаларнинг техник-иқтисодий асоси ва техник-иқтисодий ҳисоб-китобини, давлат харидига доир тендер бўйича харид ҳужжатлари ва техник топшириқларни комплекс экспертизадан ўтказиш хизмати қийматини аниқлаш тартиби бўйича йўриқнома 4-иловага мувофиқ тасдиқлансин.
Олдинги таҳрирга қаранг.
2. Белгилансинки, «Лойиҳалар ва харидлар самарадорлигини ошириш маркази» ДМ (кейинги ўринларда — Марказ) қонунчилик ҳужжатларига мувофиқ:
(2-банднинг биринчи хатбошиси Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
а) қуйидаги ҳужжатларни комплекс экспертизадан ўтказади:
Олдинги таҳрирга қаранг.
инвестициявий ва инфратузилмавий лойиҳаларнинг лойиҳаолди ҳужжатларини;
(2-банд «а» кичик бандининг иккинчи хатбошиси Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
давлат харидига доир тендер бўйича харид ҳужжатларини ва техник топшириқларни;
б) давлат буюртмачилари томонидан қонунчиликда белгиланган тартибда тўғридан-тўғри музокаралар асосида тузиладиган шартномалар, импорт контрактлари ва уларга қўшимча келишувларнинг лойиҳаларини экспертизадан ўтказади ва рўйхатга олади.
LexUZ шарҳиБунда, Марказ билан харид предметининг нархини белгилаш ва (ёки) етказиб берувчини аниқлаш масалалари келишиб олинмаган тақдирда, норматив-ҳуқуқий ҳужжатларда муайян етказиб берувчиларнинг номини ва (ёки) товарлар (ишлар, хизматлар) қийматини кўрсатиш тақиқланади.
Олдинги таҳрирга қаранг.
Марказга комплекс экспертизадан ўтказиш учун киритилган чет элда ишлаб чиқарилган ахборот қурилма, ускуналар, барча турдаги ахборот тизимлари, мобил иловалар ва бошқа дастурий таъминотларни харид қилиш бўйича лойиҳалар «Рақамли Ўзбекистон — 2030» стратегиясини амалга ошириш бўйича мувофиқлаштириш комиссиясининг ижобий қарори тақдим этилганидан кейин кўриб чиқилади.
(2-банд Ўзбекистон Ўзбекистон Республикаси Президентининг 2025 йил 21 апрелдаги ПҚ-147-сонли қарорига асосан еттинчи хатбоши билан тўлдирилган — Қонунчилик маълумотлари миллий базаси, 22.04.2025 й., 07/25/147/0367-сон)
3. Шундай тартиб ўрнатилсинки, унга мувофиқ:
Олдинги таҳрирга қаранг.
а) давлат харидига доир тендер бўйича харид ҳужжатларини, техник топшириқларни ҳамда шартномалар, импорт контрактлари ва уларга қўшимча келишувлар лойиҳаларини (шартномалар ва импорт контрактлари қиймати оширилганда) комплекс экспертизадан ўтказиш учун тўловлар (тендер бўйича харид ҳужжатлари ва техник топшириқлар бўйича — ҳар бир лотнинг бошланғич нархидан, қўшимча келишув лойиҳаси бўйича — қўшимча келишув суммасидан келиб чиққан ҳолда) харид предмети нархининг қўшилган қиймат солиғини (кейинги ўринларда — ҚҚС) инобатга олмаган ҳолда 0,1 фоизи миқдорида, бироқ базавий ҳисоблаш миқдорининг 200 бараваридан ортиқ бўлмаган миқдорда ҳисобланиб, ушбу миқдорга ҚҚС алоҳида қўшилган ҳолда ундирилади. Бунда Ўзбекистон Республикаси бюджет тизими бюджетлари ҳамда Тикланиш ва тараққиёт жамғармаси маблағлари ҳисобига амалга ошириладиган товарлар (ишлар, хизматлар)нинг давлат харидларига доир тендер бўйича харид ҳужжатларини комплекс экспертизадан ўтказганлик учун ушбу кичик бандда белгиланган сумманинг 10 фоизи миқдорида ҳақ ундирилади;
(3-банднинг «а» кичик банди Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Олдинги таҳрирга қаранг.
б) лойиҳаларнинг техник-иқтисодий асосланишини комплекс экспертизадан ўтказганлик учун тўловлар ҚҚСни ҳисобга олмаган ҳолда лойиҳа умумий суммасининг 0,03 фоизи миқдорида, бироқ эквиваленти 4 минг АҚШ долларидан кам бўлмаган ва 100 минг АҚШ долларидан кўп бўлмаган миқдорда ҳисобланиб, ушбу миқдорга ҚҚС алоҳида қўшилган ҳолда ундирилади;
(3-банднинг «б» кичик банди Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
в) лойиҳаларнинг техник-иқтисодий ҳисоб-китобларини комплекс экспертизадан ўтказганлик учун лойиҳаларнинг техник-иқтисодий асосланишини комплекс экспертизадан ўтказганлик учун белгиланган сумманинг 50 фоизи миқдорида ҳақ ундирилади;
г) экспертиза 100 фоизлик олдиндан ҳақ тўлаш шарти билан ўтказилади;
Олдинги таҳрирга қаранг.
(3-банднинг «д» кичик банди Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан чиқарилган — Қонунчилик маълумотлари миллий базаси, 16.03.2026 й., 07/26/104/0241-сон)
4. Ўзбекистон Республикаси Президентининг айрим қарорлари 5-иловага мувофиқ ўз кучини йўқотган деб ҳисоблансин.
5. Иқтисодий тараққиёт ва камбағалликни қисқартириш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 25 июль,
ПҚ-332-сон
Ўзбекистон Республикаси Президентининг 2022 йил 25 июлдаги ПҚ-332-сон қарорига
1-ИЛОВА
1-ИЛОВА
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш, комплекс экспертизадан ўтказиш ва тасдиқлаш тартиби тўғрисидаги
НИЗОМ
1-боб. Умумий қоидалар
1. Ушбу Низом инвестициявий ва инфратузилмавий лойиҳалар бўйича лойиҳаолди ҳужжатлари ҳамда уларни ишлаб чиқиш учун техник топшириқларни (кейинги ўринларда — ҳужжатлар) ишлаб чиқиш, комплекс экспертизадан ўтказиш ва тасдиқлаш тартибини белгилайди.
Олдинги таҳрирга қаранг.
2. Ушбу Низом қуйидаги лойиҳалар бўйича ишлаб чиқиладиган ҳужжатларга татбиқ этилади:
а) қиймати 15 миллион АҚШ доллари эквивалентига тенг ва ундан юқори бўлган қуйидаги лойиҳалар:
бюджет тизими бюджетлари, давлат мақсадли жамғармалари, белгиланган тартибда ташкил этилган бошқа жамғармалар, Тикланиш ва тараққиёт жамғармаси маблағлари ҳисобидан молиялаштириладиган лойиҳалар. Бунда қиймати базавий ҳисоблаш миқдорининг 50 минг бараваридан кам бўлган лойиҳалар бўйича ишчи лойиҳа ишлаб чиқилади ва уларни экспертизадан ўтказиш «Шаҳарсозлик ҳужжатларини экспертиза қилиш республика маркази» ДМ ёки унинг ҳудудий бошқармалари томонидан амалга оширилиши лозим;
корпоратив буюртмачилар томонидан амалга оширилаётган лойиҳалар;
б) Ўзбекистон Республикаси Президентининг солиқлар ва божхона тўловлари бўйича имтиёзлар тақдим этишни кўзда тутадиган алоҳида қарорлари асосида амалга ошириладиган лойиҳалар;
в) молиялаштириш манбаидан қатъи назар, стратегик фойдали қазилмаларни қазиб олиш ва/ёки қайта ишлашни кўзда тутувчи лойиҳалар (олтин изловчилар усулида қазиб олишдан ташқари), шунингдек, қиймати 10 миллион АҚШ доллари эквивалентидан ортиқ бўлган давлат-хусусий шериклик (ДХШ) асосида амалга оширилаётган лойиҳалар. Бунда маҳсулотни тақсимлаш тўғрисидаги битимлар (МТТБ) ва давлат-хусусий шериклик (ДХШ) асосида амалга оширилаётган лойиҳаларнинг лойиҳаолди ҳужжатлари ваколатли органларнинг тармоқ илмий-техник кенгашидан тегишли хулосалар олингандан сўнг улар бўйича тузилган битим шартлари асосида техник-технологик ва архитектура-қурилиш ечимлари ҳамда лойиҳанинг молиявий-иқтисодий самарадорлиги ва молиялаштириш манбаларининг мавжудлиги экспертиза қилинади;
г) давлат ташқи қарзи (халқаро молия институтлари ва хорижий ҳукумат молия ташкилотлари қарз маблағлари бундан мустасно) ҳисобидан молиялаштириладиган лойиҳаларни амалга ошириш доирасида қиймати 5 миллион АҚШ доллари эквивалентига тенг ва ундан юқори бўлган лойиҳалар. Бунда ушбу кичик банд давлат ташқи қарзи ҳисобидан тижорат банклари орқали қайта молиялаштириладиган лойиҳаларга татбиқ этилмайди.
(2-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
3. Ушбу Низом қуйидаги лойиҳалар бўйича ишлаб чиқиладиган ҳужжатларга татбиқ этилмайди:
а) Ўзбекистон Республикаси номидан (Ўзбекистон Республикаси Ҳукумати) номидан ёки Ўзбекистон Республикаси кафиллиги остида жалб этилаётган тўлиқ ёки қисман халқаро молия институтлари ва хорижий ҳукумат молия ташкилотларининг қарз (кредитлари) ҳисобидан амалга ошириладиган лойиҳалар;
б) Ўзбекистон Республикаси Президентининг қарорлари билан лойиҳани ишлаб чиқиш, экспертизадан ўтказиш ва тасдиқлашнинг алоҳида тартиби белгиланган лойиҳалар;
Олдинги таҳрирга қаранг.
в) лойиҳаолди ҳужжатлари асосида қабул қилинган Ўзбекистон Республикаси Президентининг фармонлари ва қарорлари, Вазирлар Маҳкамасининг қарорларига мувофиқ, лойиҳаолди ҳужжатлари комплекс экспертизадан ўтказилмайдиган лойиҳалар;
(3-банд «а» кичик банди Ўзбекистон Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан «в» кичик банди билан тўлдирилган — Қонунчилик маълумотлари миллий базаси, 16.03.2026 й., 07/26/104/0241-сон)
Олдинги таҳрирга қаранг.
(3-банднинг «в» кичик банди Ўзбекистон Республикаси Президентининг 2025 йил 26 декабрдаги ПФ-259-сонли Фармонига асосан чиқарилган — Қонунчилик маълумотлари миллий базаси, 27.12.2025 й., 06/25/259/1224-сон)
Олдинги таҳрирга қаранг.
г) молиялаштириш манбаидан қатъи назар, хусусий тадбиркорлик субъектлари томонидан амалга оширилаётган (бундан маҳсулотни тақсимлаш тўғрисидаги битимларга мувофиқ амалга оширилаётган лойиҳалар мустасно) лойиҳала.
(3-банднинг «в» кичик банди Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Ушбу Низом, шунингдек, қийматининг 70 фоизи тўғридан-тўғри хорижий инвестициялар ҳисобидан молиялаштириладиган лойиҳаларга, қолган қисмининг молиялаштириш манбаидан қатъи назар татбиқ этилмайди (ушбу Низомнинг 2-банди «г» кичик бандида кўрсатилган лойиҳалар бундан мустасно).
Олдинги таҳрирга қаранг.
4. Ушбу Низомнинг 2 ва 3-бандларида белгиланган талаблардан қатъи назар, лойиҳа ташаббускорлари (буюртмачилар) инвестициявий ва инфратузилма лойиҳалари бўйича ҳужжатларни «Лойиҳалар ва харидлар самарадорлигини ошириш маркази» ДМ (кейинги ўринларда — Марказ)га комплекс экспертизадан ўтказиш учун ихтиёрий равишда ва шартнома асосида киритиши мумкин.
(4-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
5. Ушбу Низомда қуйидаги асосий тушунчалардан фойдаланилади:
ташаббускор (буюртмачи) — лойиҳа ташаббускори бўлган давлат органлари, бюджет ташкилотлари, юридик ёки жисмоний шахслар;
инвестициявий лойиҳа — иқтисодий, ижтимоий ва бошқа фойда олиш мақсадида инвестиция жалб қилиниши ёки амалга оширилиши мўлжалланган лойиҳа;
инфратузилма лойиҳаси — паст рентабелли ёки рентабелсиз ижтимоий, йўл-транспорт, сув хўжалиги ва муҳандислик-коммуникация объектларини қуриш, модернизациялаш, реконструкция қилиш ва кенгайтиришга қаратилган лойиҳа;
лойиҳаолди ҳужжатларини ишлаб чиқиш учун техник топшириқ (техник топшириқ) — лойиҳа учун ишлаб чиқилаётган лойиҳаолди ҳужжатларининг асосий йўналишлари, унинг техник тавсифи, сифат кўрсаткичлари ва техник-иқтисодий талаблари, ҳужжатларни ишлаб чиқиш учун зарур таомилларни бажариш ва уларнинг таркиби бўйича кўрсатмалар, шунингдек, бошқа махсус талабларни белгиловчи ҳужжат;
ишлаб чиқувчи — ташаббускор (буюртмачи) томонидан қонунчилик ҳужжатларига мувофиқ ёки шартнома асосида жалб қилинган, агар қонунчиликда мазкур фаолият тури билан шуғулланиш учун лицензия олиш назарда тутилган бўлса, тегишли соҳада объектларни лойиҳалаштиришга лицензия олган, лойиҳаолди ёки лойиҳа ҳужжатларини ишлаб чиқувчи ижрочи;
техник-иқтисодий асослар ёки техник-иқтисодий ҳисоб-китоб (ТИА/ТИҲК) — лойиҳанинг умуман энг кўп миқдордаги қийматини ва молиялаштириш эҳтиёжи ҳажмини кўриб чиқилган молиялаштиришнинг дастлабки шартларини ҳисобга олган ҳолда белгилаб берувчи муқобил вариантларни ўрганиш асосида лойиҳани амалга оширишнинг энг самарали техник-технологик ва ташкилий ечимини танлашни асослаб берувчи лойиҳаолди ҳужжатлар;
ишчи лойиҳа (ИЛ) — энг кўп қиймат акс этган асосий техник-иқтисодий кўрсаткичлар ва ишчи ҳужжатлар бўлган ҳамда ишчи чизмалардан ташкил топган лойиҳа ҳужжати;
ишчи ҳужжатлар — алоҳида бинолар ва иншоотлар ҳамда иш турлари учун ишчи чизмалар жамланмасидан иборат лойиҳа ҳужжати. Мураккаб объектлар бўйича ишчи ҳужжатларни тайёрлашда бутун бино ва иншоот учун ишлаб чиқиладиган ишчи чизмалари билан бирга лойиҳанинг аниқлаштирувчи материаллари бўйича қўшимча ўрганишлар амалга оширилади. Ишчи ҳужжатларда, спецификациялар, жиҳозлар ва маҳсулотларнинг тегишли турларига эса ўлчам схемалари, бино ва иншоот учун ишчи қурилиш чизмаларининг паспортлари тузилиши, шунингдек, иш ҳақи ва асосий қурилиш материаллари харажатлари ва уларнинг қийматлари (лойиҳа сметаси) кўрсатилиши лозим. Қоидага кўра, ишчи ҳужжатлар белгиланган тартибда тасдиқланган ТИА/ТИҲК асосида ишлаб чиқилади;
халқаро молия институтлари (ХМИ) — давлатлараро битимлар асосида тузилган, Ўзбекистон Республикаси аъзо бўлган молиявий ва иқтисодий ташкилотлар;
хорижий ҳукумат молия ташкилотлари (ХҲМТ) — Ўзбекистон Республикасида лойиҳаларни молиялаштириш ёки биргаликда молиялаштиришни амалга ошираётган хорижий ҳукумат молия ташкилотлари;
тармоқ илмий-техник кенгаши (ТИТК) — дунё бозорларининг ривожи, илғор технологияларни жорий қилиш ва маҳаллий хом ашёни чуқур қайта ишлаш йўналишларини инобатга олган ҳолда, лойиҳанинг асосий техник-технологик ечимларини унинг тармоқ ривожланиш истиқболларига мувофиқлиги нуқтаи назаридан аниқлаш мақсадида давлат ва хўжалик бошқаруви органлари, маҳаллий ижро этувчи ҳокимият органлари, инвестиция лойиҳалари ташаббускори бўлган ташкилотларнинг қарори билан ташкил этиладиган коллегиал орган;
стратегик фойдали қазилмалар — олтин, кумуш, мис, қўрғошин, рух, вольфрам, уран, платина ва платиноидлар, нодир металлар ва нодир ер элементлари, темир, марганец, қимматбаҳо тошлар, ҳамда углеводородлар (нефть, газ, конденсат) ва улар билан боғлиқ компонентлар, саноат аҳамиятига молик ер ости сувлари, кўмир, ёнувчи сланецлар;
олтин изловчилар усулида қазиб олиш — ер қаъри участкаларидан, шу жумладан сочма олтин конларидан тадбиркорлик таваккалчилиги асосида қимматбаҳо металларни носаноат усулда қазиб олиш;
6. Лойиҳаолди ҳужжатларни ишлаб чиқиш, комплекс экспертизадан ўтказиш ва тасдиқлаш ушбу Низомга 1-иловада берилган схемага мувофиқ амалга оширилади.
2-боб. Ҳужжатларни ишлаб чиқиш
7. Техник топшириқ ташаббускор (буюртмачи) томонидан ишлаб чиқилади. Техник топшириқнинг таркиби ва талаблари ушбу Низомга 2-иловага мувофиқ белгиланади.
8. Лойиҳаларнинг лойиҳаолди ва лойиҳа ҳужжатларини ишлаб чиқиш қуйидаги вариантлар асосида амалга оширилади:
а) лойиҳанинг ТИА/ТИҲКни ишлаб чиқилганидан сўнг унинг ишчи ҳужжатларини тайёрлаш;
б) ишчи лойиҳани ишлаб чиқиш.
Олдинги таҳрирга қаранг.
9. Лойиҳанинг ТИА/ТИҲКни ишлаб чиқиш, тасдиқланган техник топшириқ асосида ҳамда лойиҳани амалга оширишнинг дастлабки манбаларини ва молиялаштириш шартлари бўйича ўрганишларни инобатга олган ҳолда ишлаб чиқувчи томонидан амалга оширилади.
(9-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
10. Лойиҳани амалга ошириш шартларига қараб, лойиҳаолди ва лойиҳа ҳужжатлари қуйидаги вариантлардан бири асосида ушбу Низомга 3-иловада берилган схемага мувофиқ ишлаб чиқилади:
а) инвестиция лойиҳаларини амалга оширишда — Марказда экспертизадан ўтказган ҳолда ТИА ишлаб чиқиш;
б) инфратузилма лойиҳаларини амалга оширишда — Марказда экспертизадан ўтказган ҳолда ТИҲК ишлаб чиқиш;
в) молиялаштириш манбаидан қатъи назар, аҳоли яшаш пунктларининг бош режаларида назарда тутилган, намунавий ва такроран қўлланилувчи лойиҳалардан фойдаланилган ҳолда қуриладиган ижтимоий соҳа, йўл-транспорт, сув хўжалиги, муҳандислик-коммуникация ва бошқа инфратузилма объектлари бўйича — экспертиза фаолиятини амалга оширишга лицензияга эга ташкилотларда экспертизадан ўтказган ҳолда ишчи лойиҳасини ишлаб чиқиш.
Шу билан бирга, Ўзбекистон Республикаси Президентининг алоҳида қарорлари билан лойиҳаолди ва/ёки лойиҳа ҳужжатларини ишлаб чиқишнинг бошқа тури ҳам белгиланиши мумкин.
3-боб. Экспертиза ўтказиш
11. Ҳужжатларни комплекс экспертизадан ўтказиш учун ташаббускор (буюртмачи)лар Марказга қуйидаги ҳужжатларни электрон шаклда (қонунчиликда белгиланган бошқача талаблар бундан мустасно) Ягона интерактив давлат хизматлари порталида ёки Марказнинг электрон ахборот платформасида жойлаштирган ҳолда тақдим этадилар:
Олдинги таҳрирга қаранг.
(11-банднинг «а» кичик банди Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан чиқарилган — Қонунчилик маълумотлари миллий базаси, 16.03.2026 й., 07/26/104/0241-сон)
б) ТИА/ТИҲК бўйича:
комплекс экспертиза ўтказиш учун ташаббускор (буюртмачи) ва лойиҳа номи, лойиҳанинг қиймати ва молиялаштириш манбалари, комплекс экспертиза ўтказиш учун тақдим этилаётган ҳужжатлар рўйхати кўрсатилган ариза;
мазкур Низомнинг 4-иловасига мувофиқ бирламчи материаллар ва ҳужжатлар илова қилинган ҳолда, лойиҳанинг ТИА/ТИҲК;
Лойиҳанинг ТИА/ТИҲК бўйича ТИТК хулосаси.
Экспертиза учун киритилаётган ҳужжатларнинг тузилиши ва мазмуни мазкур Низом талабларига мос бўлиши лозим.
12. Марказ томонидан:
Олдинги таҳрирга қаранг.
(12-банднинг «а» кичик банди Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан чиқарилган — Қонунчилик маълумотлари миллий базаси, 16.03.2026 й., 07/26/104/0241-сон)
б) лойиҳанинг ТИА/ТИҲК:
мазкур Низомнинг 4-иловаси ва тасдиқланган техник топшириқ талабларига мувофиқлиги;
Ўзбекистон Республикаси Президентининг ёки Ўзбекистон Республикаси Ҳукуматининг тегишли қарорлари ва топшириқлари билан белгиланган вазифаларни ва/ёки тасдиқланган тармоқ ривожлантириш дастурларини/концепцияларини (улар мавжуд бўлган тақдирда) инобатга олган ҳолда лойиҳани амалга оширишнинг ижтимоий аҳамияти ва мақсадга мувофиқлиги;
лойиҳа натижасида кўзда тутилаётган маҳсулот ёки хизматга нисбатан мавжуд ва кутилаётган талаб;
техник-технологик ечимлар ва лойиҳада назарда тутилган ускуналар нархларининг чегараланган параметрларини асосланганлиги;
лойиҳанинг молиявий-иқтисодий самарадорлиги ва сарфланган маблағларни қоплай олиши;
Ўзбекистон Республикасининг Шаҳарсозлик кодекси, норматив ҳужжатлар талабларига ва қурилиш қийматининг юзага келган бозор конъюнктурасига мувофиқлиги жиҳатидан экспертиза қилинади.
Ўзбекистон Республикаси Президенти ва Ўзбекистон Республикаси Ҳукуматининг алоҳида қарорлари асосида харид қилинаётган товарларнинг (ишларнинг, хизматларнинг) етказиб берувчилари ва/ёки уларнинг қиймати белгилаб қўйилганда, ҳамда шартномалар ва импорт контрактларини экспертиза қилиш бўйича Марказнинг ижобий хулосаси олинган лойиҳалар ТИА/ТИҲКдаги товарлар (ишлар, хизматлар) нархларини белгилаш қисми экспертизадан ўтказилмайди.
13. Ҳужжатларни экспертизадан ўтказиш учун Марказ ва ташаббускор (буюртмачи) ўртасида хизматлар кўрсатиш бўйича шартнома тузилади. Кўрсатиладиган хизмат қиймати ушбу қарор билан тасдиқланган Лойиҳаларнинг ТИА ва ТИҲКни, давлат харидига доир тендер бўйича харид ҳужжатлари ва техник топшириқларни комплекс экспертизадан ўтказиш хизмати қийматини аниқлаш тартиби бўйича йўриқномага мувофиқ белгиланади.
Комплекс экспертиза 100 фоизлик олдиндан ҳақ тўлаш шарти билан ўтказилади.
Олдинги таҳрирга қаранг.
Олдинги таҳрирга қаранг.
14. Лойиҳаолди ҳужжатларни комплекс экспертизадан ўтказиш қуйидаги муддатларда амалга оширилади:
(14-банднинг биринчи хатбошиси Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Олдинги таҳрирга қаранг.
(14-банднинг иккинчи хатбошиси Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан чиқарилган — Қонунчилик маълумотлари миллий базаси, 16.03.2026 й., 07/26/104/0241-сон)
Олдинги таҳрирга қаранг.
(14-банднинг учинчи хатбошиси Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан чиқарилган — Қонунчилик маълумотлари миллий базаси, 16.03.2026 й., 07/26/104/0241-сон)
қиймати 5,0 млн АҚШ долларидан 50,0 млн АҚШ долларигача бўлган «кичик» инвестициявий лойиҳалар — 20 иш кунидан;
қиймати 50,0 млн АҚШ долларидан 200,0 млн АҚШ долларигача бўлган «ўрта» инвестициявий лойиҳалар — 25 иш кунидан;
қиймати 200,0 млн АҚШ долларидан 1,0 млрд АҚШ долларигача бўлган «йирик» инвестициявий лойиҳалар — 30 иш кунидан;
қиймати 1,0 млрд АҚШ доллар ва ундан юқори бўлган «мега» лойиҳалар — 45 иш кунидан ортиқ бўлмаган муддатда.
(14-банд Ўзбекистон Республикаси Президентининг 2025 йил 26 декабрдаги ПФ-259-сонли Фармони таҳририда — Қонунчилик маълумотлари миллий базаси, 27.12.2025 й., 06/25/259/1224-сон)
Олдинги таҳрирга қаранг.
15. Комплекс экспертизадан ўтказиш муддатини ҳисоблаш хизматлар ҳақи тўланганлиги тасдиқланган кундан бошланади.
(15-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
16. Ташаббускор (буюртмачи) томонидан мазкур Низом талаблари бажарилмаган, шу жумладан тақдим этилган ҳужжатлар тўлиқ бўлмаган тақдирда, Марказ ҳужжатлар тақдим этилгандан кейин кўпи билан уч иш куни ичида ёзма равишда номувофиқликлар ҳақида ташаббускор (буюртмачи)га хабар беради. Ушбу ҳолатда ташаббускор (буюртмачи) қайта ишланган ва тўлдирилган ҳужжатларни тақдим этган кун экспертизадан ўтказиш муддатининг бошланган санаси ҳисобланади.
17. Марказ ҳужжатларни экспертизадан ўтказишда қуйидаги ҳуқуқларга эга:
зарур ҳолларда шартнома асосида давлат ва нодавлат ташкилотлар, шу жумладан, лойиҳа институтлари, инжиниринг ва консалтинг компаниялари, илм-фан ва таълим муассасалари, шунингдек, халқаро ташкилотлар, хорижий ва миллий компаниялар мутахассисларини жалб қилиш;
экспертиза ишларини олиб бориш учун зарур бўлган вазирликлар ва идораларнинг фаолиятига дахлдор тегишли маълумотлар ва материалларни улардан сўраб олиш;
лойиҳанинг хусусияти ва амалга ошириш соҳасидан келиб чиққан ҳолда, лойиҳаолди ҳужжатларини комплекс экспертизадан ўтказиш давомида ушбу Низомнинг 12-бандида кўрсатилган талабларга аниқлик киритиш мақсадида лойиҳа доирасида маҳсулотлар (ишлар, хизматлар) ишлаб чиқаришда (бажаришда, кўрсатишда) қўлланиладиган меъёрлар, талаблар ва стандартларни ташаббускор (буюртмачи)дан сўраб олиш.
Олдинги таҳрирга қаранг.
Марказ лойиҳаолди ҳужжатларини комплекс экспертизадан ўтказиш бўйича ишлар ва хизматларни субпудрат шартлари асосида бошқа ташкилотларга бериш ҳуқуқига эга эмас.
(17-банднинг бешинчи хатбошиси Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
18. Комплекс экспертизага тақдим этилган ҳужжатлар сифати, ишончлилиги ва тўлиқлиги учун жавобгарлик ташаббускор (буюртмачи), ишлаб чиқувчи ва ТИТК зиммасига юкланади.
19. Ташаббускор(буюртмачи)га ТИА/ТИҲК комплекс экспертизадан ўтказиш якунлари бўйича ушбу Низомнинг 5-иловасига мувофиқ шаклда хулоса тақдим этилади.
20. Эътирозлар юзага келган тақдирда ташаббускор (буюртмачи) уларни бартараф этади ва мазкур Низомнинг 11-бандига мувофиқ қайта ишланган ҳужжатларни такрорий экспертизадан ўтказиш учун Марказга тақдим этади.
Бунда, ташаббускор (буюртмачи) томонидан фақатгина Марказнинг эътирозларини инобатга олган ҳолда қайта ишланган ҳужжатлар киритилади.
Олдинги таҳрирга қаранг.
(20-банднинг учинчи хатбошиси Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан чиқарилган — Қонунчилик маълумотлари миллий базаси, 16.03.2026 й., 07/26/104/0241-сон)
Олдинги таҳрирга қаранг.
21. Эътирозлар ташаббускор (буюртмачи) томонидан бартараф этилганда, лойиҳаолди ҳужжатларни такрорий экспертизадан ўтказиш ўн беш иш кунидан ортиқ бўлмаган муддатда амалга оширилади.
(21-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
22. Қайта ишланган ҳужжатларни комплекс экспертизадан ўтказишда ташаббускор (буюртмачи)га аввал берилган хулосада кўрсатилмаган янги асослар бўйича эътирозлар билдиришга йўл қўйилмайди, аввал берилган эътирозларни бартараф этиш доирасида қўшимча равишда тақдим этилган материаллар билан боғлиқ эътирозлар бундан мустасно.
Олдинги таҳрирга қаранг.
Марказнинг ҳужжатлар бўйича эътироз ва таклифлари соҳавий норматив-ҳуқуқий ҳужжатлар, меъёрлар, талаблар, стандартлар ва бошқа норматив ҳужжатларга мажбурий тарзда ҳавола қилинган ҳолда шакллантирилади. Бунда тегишли ҳаволаси бўлмаган эътироз ва таклифлар асоссиз деб ҳисобланади.
(22-банд Ўзбекистон Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан хатбоши билан тўлдирилган — Қонунчилик маълумотлари миллий базаси, 16.03.2026 й., 07/26/104/0241-сон)
23. Ташаббускор (буюртмачи) Марказнинг ижобий хулосаси асосида:
Олдинги таҳрирга қаранг.
(23-банднинг «а» кичик банди Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан чиқарилган — Қонунчилик маълумотлари миллий базаси, 16.03.2026 й., 07/26/104/0241-сон)
б) лойиҳанинг ТИА/ТИҲК бўйича — ушбу Низомнинг 6-иловасига мувофиқ шаклда лойиҳанинг ТИА/ТИҲК асосий техник-иқтисодий параметрларини тасдиқлашга доир қарор лойиҳасини тайёрлайди ва белгиланган тартибда киритади.
Олдинги таҳрирга қаранг.
24. Лойиҳаолди ҳужжатлар Марказнинг ижобий хулосаси олингандан сўнг бир йил (365 календарь кун) давомида тасдиқланмаган тақдирда, улар ушбу Низомда белгиланган тартибда комплекс экспертизадан ўтказиш учун янгидан киритилган ҳисобланади.
(24-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
4-боб. Лойиҳаларнинг тасдиқланган ТИА/ТИҲКга ўзгартиришлар (тузатишлар) киритиш тартиби
25. Лойиҳаларнинг тасдиқланган ТИА/ТИҲКга ўзгартиришлар (тузатишлар) киритиш учун қуйидагилар асос бўлади:
қўшимча молиялаштириш (қарзлар/кредитлар) жалб этиш зарурати;
лойиҳанинг қиймати, молиялаштириш манбалари ва шартларида юз берган ўзгаришлар, башарти бу ўзгаришлар лойиҳанинг молиявий самарадорлигининг ёмонлашувига олиб келса;
лойиҳанинг ТИА/ТИҲК асосий техник-иқтисодий кўрсаткичларига таъсир қилувчи техник-технологик ечимларида ўзгаришлар юз берса (қиймат кўрсаткичларининг пасайиш ҳолатлари бундан мустасно);
Ўзбекистон Республикаси Президенти ёки Ўзбекистон Республикаси Ҳукуматининг алоҳида қарорларига мувофиқ лойиҳанинг тузатилган ТИА/ТИҲК ишлаб чиқиш кўзда тутилган бошқа ўзгартиришлар.
Лойиҳани амалга оширишни якунлаш натижалари бўйича ТИА/ТИҲК лойиҳаларига ўзгартиришлар (тузатишлар) киритишга йўл қўйилмайди.
26. Лойиҳаларнинг тасдиқланган ТИА/ТИҲКга ўзгартиришлар (тузатишлар) киритиш ташаббускор (буюртмачи) томонидан лойиҳанинг белгиланган тартибда тузатилган ТИА/ТИҲК ишлаб чиқилган ҳолда амалга оширилади.
Агар лойиҳанинг аввал тасдиқланган ТИА/ТИҲК бўйича Марказ хулосаси берилган бўлса, лойиҳанинг тузатилган ТИА/ТИҲКни экспертизадан ўтказиш учун тўлов ундирилмайди, ушбу Низомнинг 25-банди тўртинчи хатбошида кўрсатилган ҳоллар бундан мустасно. Ушбу ҳолатда экспертиза учун тўлов лойиҳаолди ҳужжатларни комплекс экспертизаси учун ўрнатилган тўлов миқдорининг 50 фоизи миқдорида ундирилади.
27. Лойиҳанинг тузатилган ТИА/ТИҲКни экспертизадан ўтказиш ва тасдиқлаш ушбу Низомда ўрнатилган тартибда бажарилади.
28. Ўзбекистон Республикаси Президенти ёки Ўзбекистон Республикаси Ҳукуматининг алоҳида қарорларига мувофиқ лойиҳа қиймати камайтирилган тақдирда (лойиҳанинг асосий техник-технологик кўрсаткичлари сақланган ҳолда), лойиҳа ТИА/ТИҲКга ўзгартиришлар (тузатишлар) киритиш талаб этилмайди.
5-боб. Якунловчи қоидалар
29. Марказнинг мансабдор шахслари ҳужжатларни комплекс экспертизадан ўтказиш натижаларининг ҳаққонийлиги ва холислиги учун жавобгардирлар.
30. Ушбу Низомни қўллаш масалалари бўйича баҳслар ва келишмовчиликлар белгиланган тартибда кўриб чиқилади.
31. Ушбу Низом талабларини бузишда айбдор бўлган шахслар қонунчиликка мувофиқ жавобгарликка тортилади.
LexUZ шарҳиҚаранг: Ўзбекистон Республикаси Маъмурий жавобгарлик тўғрисидаги кодексининг 1758-моддаси.
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш,комплекс экспертизадан ўтказиш ва тасдиқлаш тартиби тўғрисидаги низомга
1-ИЛОВА
1-ИЛОВА
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш, комплекс экспертизадан ўтказиш ва тасдиқлаш
СХЕМАСИ
Олдинги таҳрирга қаранг.
Босқичлар | Т/р | Тадбирлар | Муддатлар | Масъул ижрочилар |
1-босқич. Техник топшириқ ишлаб чиқиш | 1. | Техник топшириқ ишлаб чиқиш, уни ТИТК билан келишиш | Лойиҳа ташаббускорлари (буюртмачилари), ТИТК | |
2-босқич. Лойиҳанинг ТИА(ТИҲК)ни ишлаб чиқиш ва экспертизадан ўтказиш | 2. | Лойиҳани амалга оширишни молиялаштиришнинг дастлабки шартлари ва манбаларини ҳисобга олган ҳолда тасдиқланган техник топшириқ асосида ТИА/ТИҲК ишлаб чиқиш ва ТИТК хулосасини олиш. | Лойиҳа ташаббускорлари (буюртмачилари) | |
3. | ТИА/ТИҲК бўйича: | Марказ | ||
50,0 млн АҚШ долларигача бўлган «кичик» лойиҳалар | Кўпи билан 20 иш куни | |||
қиймати 50,0 млн АҚШ долларидан 200,0 млн АҚШ долларигача бўлган «ўрта» лойиҳалар | Кўпи билан 25 иш куни | |||
қиймати 200,0 млн АҚШ долларидан 1,0 млрд АҚШ долларигача бўлган «йирик» лойиҳалар | Кўпи билан 30 иш куни | |||
қиймати 1,0 млрд АҚШ доллар ва ундан ортиқ бўлган «мега» лойиҳалар | Кўпи билан 45 иш куни | |||
4. | Келтирилган эътирозларни бартараф этиш, ТИТК билан келишиш (технологик ва архитектура-қурилиш ечимлари ўзгарадиган ҳолатларда) ва лойиҳа ТИА/ТИҲКни Марказга такроран киритиш | Лойиҳа ташаббускорлари (буюртмачилари), лойиҳалаштириш ташкилоти, ТИТК | ||
5. | Қайта ишланган лойиҳа ТИА/ТИҲКни экспертизадан ўтказиш ва хулоса бериш | Ҳужжатлар пакети тўлиқ тақдим қилингандан кейин кўпи билан 15 иш куни | Марказ | |
6. | Марказнинг ижобий хулосаси асосида лойиҳа ТИА/ТИҲК параметрларини тасдиқлаш бўйича тегишли қарор лойиҳасини тайёрлаш | Белгиланган муддатларга мувофиқ | Лойиҳа ташаббускорлари (буюртмачилари) | |
7. | Ишчи ҳужжатлар ҳамда тендер (танлов) ва бошқа ҳужжатларни тайёрлаш ва экспертизадан ўтказиш | Ташаббускорлар (буюртмачилар), масъул органлар | ||
(1-илованинг матни Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш,комплекс экспертизадан ўтказиш ва тасдиқлаш тартиби тўғрисидаги низомга
2-ИЛОВА
2-ИЛОВА
|
«КЕЛИШИЛГАН» |
«ТАСДИҚЛАЙМАН» | |
|
_______________________ |
_______________________________________ | |
|
20___ йил ____ даги ___-сон ТИТК йиғилиши баённомаси асосида |
(ташаббускор вакилининг Ф.И.Ш., лавозими) | |
|
_______________________ | ||
|
(имзо) | ||
|
|
М.Ў. 20____ й. «_____» ___________________ | |
|
____________________________________________________________________________ (инвестиция/инфратузилма лойиҳасининг номланиши) | ||
|
ЛОЙИҲАСИ УЧУН ТИА/ТИҲК ИШЛАБ ЧИҚИШГА |
||
|
Т/р |
Асосий маълумотлар ва талаблар рўйхати |
Асосий маълумотлар ва талаблар мазмуни |
|
1. |
Лойиҳа ТИА/ТИҲКни ишлаб чиқиш учун асос. |
Ҳужжатларни ишлаб чиқиш учун асос бўлган ҳужжат/ҳужжатларнинг (Ўзбекистон Республикаси Президенти ёки Ҳукумати қарорлари, баённомалар, шартномалар, битимлар ва бошқалар) номи кўрсатилади. |
|
2. |
Ташаббускор (буюртмачи)нинг номи. |
Лойиҳа ташаббускори (буюртмачиси)нинг тўлиқ номи ва реквизитлари кўрсатилади. |
|
3. |
Лойиҳа ташкилотининг номланиши. |
Муайян ташкилотни белгилаш бўйича йўриқнома ҳужжатлари мавжуд бўлган тақдирда, ушбу бандда лойиҳа ташкилотининг тўлиқ номи (йўриқнома ҳужжати кўрсатилган ҳолда) келтирилади. Тегишли йўриқнома ҳужжати мавжуд бўлмаган тақдирда, ушбу бандга «танлов асосида аниқланади» деб ёзилади. |
|
4. |
Лойиҳанинг ҳисоб-китоб қилинган умумий қиймати. |
Лойиҳанинг йўриқнома ҳужжатлари ёки ташаббускорнинг бошқа ҳужжатлари, қарорлари асосидаги тахминий қиймати кўрсатилади. Шунингдек, харид қилинаётган ускуналарнинг мақбул вариантини танлаш, инвестиция давридаги молиявий харажатлар ва лойиҳанинг бошқа харажатлари бўйича таҳлиллар асосида чегараланган энг кўп қийматни аниқлаш тўғрисида кўрсатма берилади. |
|
5. |
Қурилиш тури. |
Қурилиш тури кўрсатилади (янги қурилиш, реконструкция, модернизация, кенгайтириш, капитал таъмирлаш). |
|
6. |
Навбатлар, ишга тушириш мажмуалари, қурилиш босқичларини ажратиб кўрсатиш. Бир вақтнинг ўзида лойиҳалаштириш ва қуриш. |
Навбатлар, ишга тушириш мажмуалари, қурилиш босқичларини ажратиб кўрсатиш тўғрисидаги талаблар кўрсатилади. Бир вақтнинг ўзида лойиҳалаштириш ва қурилиш амалга оширилганда уни ўтказиш тўғрисидаги қарор санаси ва рўйхатга олиш рақами кўрсатилади. |
|
7. |
Корхона таркиби. |
Лойиҳа хусусиятларини ҳисобга олган ҳолда корхонанинг таркиби: асосий ва ёрдамчи бино ва иншоотларнинг дастлабки рўйхати, уларга қўйиладиган техник-технологик талаблар, асосий кўрсаткичлари кўрсатилади. |
|
8. |
Ишлаб чиқариш кооперацияси ва корхона инфратузилмаси. |
Корхонанинг шерик корхоналар билан ҳамкорликдаги фаолияти, шунингдек, унинг инфратузилмаси таркиби кўрсатилади. |
|
9. |
Ишлаб чиқариладиган (кўрсатиладиган) маҳсулотлар (хизматлар) номенклатураси. |
Лойиҳа хусусиятларини ҳисобга олган ҳолда ишлаб чиқариладиган маҳсулотлар (хизматлар) номенклатураси кўрсатилади. |
|
10. |
Корхонанинг ишлаш тартиби. |
Лойиҳа хусусиятларини ҳисобга олган ҳолда объектнинг йил давомидаги иш билан таъминланганлик даражаси, иш сменалари кўрсатилади. |
|
11. |
Лойиҳанинг кўлами ва қуввати. |
Йўриқнома ҳужжатлари ёки ташаббускорнинг бошқа ҳужжатлари, қарорлари асосида лойиҳанинг кўлами ва қуввати кўрсатилади. Шунингдек, маркетинг тадқиқотлари асосида лойиҳа қувватини аниқлаштириш бўйича кўрсатмалар берилади. |
|
12. |
Лойиҳа амалга ошириладиган жой. |
Лойиҳани амалга ошириш жойи тўғрисидаги аниқ маълумот кўрсатилади. |
|
13. |
Лойиҳанинг мақсади ва вазифалари. |
Лойиҳанинг мақсади ва вазифалари аниқ, шу жумладан миқдорий кўрсаткичларда баён қилинади. |
|
14. |
Лойиҳани амалга ошириш даври. |
Йўриқнома ҳужжатлари ёки ташаббускорнинг бошқа ҳужжатлари, қарорлари асосида лойиҳани амалга ошириш мўлжалланаётган давр тўғрисидаги маълумот кўрсатилади. |
|
15. |
Молиялаштириш манбалари. |
Кўзда тутилаётган молиялаштириш манбалари (ташаббускорнинг ўз маблағлари, бюджет маблағлари, банк кредитлари ва бошқалар) кўрсатилади. |
|
16. |
Қурилишнинг алоҳида шарт-шароитлари. |
Қурилиш майдони (трассаси)нинг хусусиятлари (сейсмологик бардошлилиги, тупроқ тури, сув ва тупроқ баландлиги ва бошқалар) кўрсатилади. |
|
17. |
Лойиҳани амалга ошириш вариантлари. |
Лойиҳанинг ҳар бир бўлимида лойиҳа мақсадларига эришишнинг камида иккита мумкин бўлган вариантлари бўйича қиёсий таҳлил ўтказиш вазифасини қўйган ҳолда, ушбу мақсадларга эришиш йўллари (технологик, молиялаштириш схемалари бўйича, ишлар хусусиятлари бўйича ва бошқалар) кўрсатилади. |
|
18. |
Лойиҳани молиявий асослантиришга қўйиладиган талаблар. |
Молиявий асослантириш асосли ишлаб чиқариш харажатлари ва савдо тушумидан келиб чиққан ҳолда бажарилиши лозим. Бунда, Солиқ кодекси ва норматив-ҳуқуқий ҳужжатларга мувофиқ солиққа тортишнинг амалдаги барча ставкаларига таяниш зарур. Шунингдек, асослантирилган молиявий ҳужжатларни тақдим этган ҳолда, корхона молиявий аҳволининг тўлиқ таҳлили ҳамда барча бирламчи молиявий маълумотларнинг далиллари киритилиши, қабул қилинган стандартларга мувофиқ келувчи ҳисоблаш методикасини қўллаш талаб этилади. |
|
19. |
Лойиҳани иқтисодий асослантиришга қўйиладиган талаблар. |
Иқтисодий асослантириш лойиҳанинг иқтисодий самарадорлигини, хусусан, тармоқ, ҳудуд ва умуман, миллий иқтисодиёт учун иқтисодий фойдани аниқ акс эттиришни инобатга олган ҳолда бажарилади. Шунингдек, лойиҳанинг тармоққа таъсири, унинг иқтисодиёт учун ижобий самарасини асослантириш, эҳтимолий иқтисодий хавф-хатарлар, уларнинг даражалари ва бу хавф-хатарларни камайтириш чора-тадбирларини кўрсатиш керак бўлади. |
|
20. |
Лойиҳавий ечимлар учун қўйиладиган асосий талаблар. |
Лойиҳалаштириш объектига қараб, лойиҳанинг шаҳарсозлик, архитектура-режалаштириш, конструктив, технологик ва бошқа ечимларига қўйиладиган талаблар кўрсатилади. Шунингдек, лойиҳа хусусиятларидан келиб чиққан ҳолда технологик ва муҳандислик ускуналар, атроф- муҳитни муҳофаза қилиш, санитар-эпидемиологик вазият ва бошқаларга қўйиладиган талаблар ҳам кўрсатилади. |
|
21. |
Изланиш ишларини олиб бориш. |
Лойиҳа хусусиятларидан келиб чиққан ҳолда, муҳандислик тадқиқотлари (муҳандислик геологияси, гидрогеология, топографик съёмкалар ва бошқалар) ўтказиш зарурати кўрсатилади. |
|
22. |
Ободонлаштириш ва рекультивация бўйича талаблар. |
Ҳудудни ободонлаштириш, кўчатлар ўтқазиш, ички йўллар, пиёдалар йўлкалари, автомобиль тўхташ жойлари ва бошқаларни қуриш, шунингдек, ерларни чопиқ қилиш бўйича талаблар келтирилади. |
|
23. |
Лойиҳалаштиришнинг алоҳида шартлари. |
Амалга оширилаётган лойиҳанинг хусусиятлари ва ўзига хослигидан келиб чиқиб, лойиҳалаш ташкилотига қўйиладиган талаблар акс эттирилиши лозим. |
|
24. |
Лойиҳалаштиришга қўйиладиган талаблар. |
Лойиҳа ТИА/ТИҲК Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш, комплекс экспертизадан ўтказиш ва тасдиқлаш тартиби тўғрисидаги низом талабларига мувофиқ ишлаб чиқилиши лозим. |
|
25. |
Нархни шакллантириш бўйича талаблар. |
Лойиҳанинг кўриб чиқилаётган вариантлари чегараланган қийматини ҳисоблаш (яхлитланган нормативлар, шу каби объектлар бўйича нарх кўрсаткичлари ва бошқалардан фойдаланиш) бўйича талаблар кўрсатилади. |
|
26. |
Лойиҳа ТИАни ишлаб чиқиш муддатлари. |
Лойиҳалаштириш хизматлари кўрсатиш шартномаси тузилган санадан бошлаб лойиҳани ишлаб чиқишнинг аниқ муддатлари (ой) кўрсатилади. |
|
27. |
Иш натижаларини тақдим қилиш бўйича талаблар. |
Лойиҳанинг ишлаб чиқилган ТИА/ТИҲКни ___ нусхада чоп этилган шаклда ва 1 нусха таҳрир қилинадиган электрон шаклда ташаббускорга тақдим қилиш лозим. Маълумотлар ҳажмига қараб лойиҳа бўлимлари бир китобга бирлаштирилиши ёки алоҳида китоблар шаклида тайёрланиши мумкин. |
|
28. |
Бирламчи ҳужжатлар рўйхати. |
Лойиҳа ТИА/ТИҲКни ишлаб чиқиш учун зарур бўлган, ишлаб чиқувчининг талаби билан ташаббускор томонидан мазкур техник топшириққа илова кўринишида бериладиган барча бирламчи ҳужжатлар. |
Изоҳ Техник топшириқнинг асосий маълумотлари ва талаблари рўйхати лойиҳалаштирилаётган объектнинг ўзига хос хусусиятлари, мураккаблиги ва қандай мақсадга мўлжалланганлигига қараб ўзгартирилиши, кенгайтирилиши ёки қисқартирилиши мумкин.
Олдинги таҳрирга қаранг.
(изоҳ қисмининг иккинчи хатбошиси Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан чиқарилган — Қонунчилик маълумотлари миллий базаси, 16.03.2026 й., 07/26/104/0241-сон)
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш,комплекс экспертизадан ўтказиш ва тасдиқлаш тартиби тўғрисидаги низомга
3-ИЛОВА
3-ИЛОВА
Лойиҳаолди ва лойиҳа ҳужжатларини ишлаб чиқиш вариантлари
СХЕМАСИ
|
1-вариант |
|
2-вариант |
|
3-вариант | |||
|
|
|||||||
|
2 ва 3-вариантлар бўйича амалга оширилаётган лойиҳалардан ташқари, инвестиция лойиҳалари бўйича |
Ижтимоий, йўл-транспорт ва муҳандислик-коммуникация объектлари бўйича инфратузилма лойиҳаларини амалга оширишда якка тартибдаги лойиҳани ишлаб чиқишда |
Молиялаштириш манбаидан қатъи назар, аҳоли яшаш пунктларининг бош режаларида назарда тутилган, намунавий ва такроран қўлланилувчи лойиҳалардан фойдаланилган ҳолда қуриладиган ижтимоий соҳа, йўл-транспорт, муҳандислик-коммуникация ва бошқа инфратузилма объектлари бўйича | |||||
|
ТИА |
|
ТИҲК |
|
ИЛ | |||
|
|
|||||||
|
Ишчи ҳужжатларни, тендер (танлов) ва бошқа ҳужжатларни тайёрлаш |
Ишчи ҳужжатларни, тендер (танлов) ва бошқа ҳужжатларни тайёрлаш |
Тендер (танлов) ҳужжатларни тайёрлаш | |||||
Изоҳ. Ўзбекистон Республикаси Президентининг тегишли қарорлари қабул қилинган тақдирда лойиҳаолди ва лойиҳа ҳужжатларини ишлаб чиқишда бошқача тартиб қўлланилишига йўл қўйилади.
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш,комплекс экспертизадан ўтказиш ва тасдиқлаш тартиби тўғрисидаги низомга
4-ИЛОВА
4-ИЛОВА
Лойиҳа учун техник-иқтисодий асослар ва техник-иқтисодий ҳисоб-китобларнинг (ТИА/ТИҲК)
намунавий тузилиши
Лойиҳа ТИА/ТИҲК мундарижаси:
1. Лойиҳанинг қисқача мазмуни.
2. Кириш.
3. Маркетинг бўлими.
4. Техник-технологик бўлим.
5. Экологик бўлим.
6. Институционал бўлим.
7. Архитектура-қурилиш бўлими.
8. Молия бўлими.
9. Иқтисодий бўлим.
10. Ижтимоий бўлим.
11. Лойиҳа бўйича умумий хулосалар.
Олдинги таҳрирга қаранг.
111. Харидлар стратегияси.
(111-банд Ўзбекистон Республикаси Президентининг 2025 йил 26 декабрдаги ПФ-259-сонли Фармонига асосан киритилган — Қонунчилик маълумотлари миллий базаси, 27.12.2025 й., 06/25/259/1224-сон)
12. Иловалар.
Лойиҳанинг қисқача мазмунида қуйидагилар келтирилиши лозим:
лойиҳанинг номланиши;
ташаббускор номланиши;
лойиҳанинг ҳисоб-китоб қилинган умумий қиймати, капитал қўйилмалар кесимида;
лойиҳа кўлами, шу жумладан, унинг қуввати;
лойиҳанинг таркибий қисмлари — асосий объектларнинг нархлари кўрсатилган ҳолда;
лойиҳа амалга ошириладиган жой (вилоят, шаҳар);
лойиҳанинг мақсади ва вазифалари, шу жумладан миқдорий ифодаланган шаклда;
асосий фойда кўрувчилар акс эттирилган ҳолда, мақсадли гуруҳлар;
молиялаштириш манбалари ва схемалари;
молиялаштириш йиллар кесимида кўрсатилган ҳолда лойиҳани амалга ошириш даври.
Киришда лойиҳа амалга оширилаётган жойдаги мавжуд сиёсий, ижтимоий-иқтисодий, табиий-иқлим, ҳуқуқий ва бошқа шарт-шароитлар тавсифланади, шу жумладан, кўрсаткичлар, инфратузилма билан таъминланганлиги, инвестиция иқлими ва кўзда тутилаётган жойни тавсифловчи бошқа ижтимоий-иқтисодий кўрсаткичлар ва лойиҳанинг таъсир доираси акс эттирилади. Ушбу бўлимда лойиҳадан кўзланган мақсаднинг Тармоқни ривожлантириш концепциясига мувофиқлигини асослантириш зарур, шунингдек, лойиҳадан кўзланган мақсадга эришишнинг барча йўллари кўрсатилиши ва лойиҳанинг кейинги бўлимларида уларнинг ҳар бири бўйича қиёсий таҳлил ўтказилиши талаб этилади.
Маркетинг бўлимида лойиҳада кўзда тутилаётган маҳсулот (хизмат)га бўлган мавжуд ва истиқболдаги (лойиҳанинг яшаш даври мобайнида) талабга баҳо берилади.
Ушбу бўлимда қуйидагилар акс эттирилиши лозим:
маҳсулот (хизмат)нинг бозордаги, шу жумладан экспорт ҳажмлари ва нархлари таҳлилини ҳисобга олган ҳолда талаб таҳлили (унинг тенденциялари);
лойиҳани амалга ошириш ва ишлаши билан боғлиқ бўлган харид қилинадиган хомашё, материаллар, товарлар (ишлар ва хизматлар) бозорлари ва бошқа ишлаб чиқариш омиллари таҳлили. Бу ишлаб чиқарувчилар ва етказиб берувчилар, уларнинг етказиб бериш нархлари, сифати ва шартлари, шунингдек, лойиҳа эҳтиёжларини қондириш имкониятларини қиёсий таҳлил қилишни назарда тутади;
ушбу соҳадаги мавжуд объектлар ишини таҳлил қилиш, шу жумладан рақобатчиларни таҳлил қилиш;
маҳсулот (хизматлар)ни сотиш бўйича тадбирлар;
тижорат хавф-хатарлари, хатарларнинг асосий белгиловчи омиллари ва хатарларни камайтириш бўйича кўзда тутилган тадбирлар;
камида 3 та компаниянинг тижорат таклифлари (прайс-варақлар ва бошқалар) асосида харид қилинаётган ускуналар нархини асослантириш.
Бунда, асбоб-ускунанинг нархини асословчи номенклатура — асосий нарх шакллантирувчи компонентларни ҳисобга олган ҳолда ва уларнинг ҳар бир бирлиги нархи базавий ҳисоблаш миқдорининг икки минг беш юз бараваридан юқори бўлганлари танланади;
мумкин бўлган логистиканинг мавжудлиги, жумладан, темир йўл, автомобиль йўллари, дарё ва ҳаво транспорти, шунингдек, омборхона иншоотлари;
маркетинг тадқиқотларида фойдаланилган ахборот манбалари ва уларни ўтказиш методикаси.
Техник-технологик бўлим лойиҳани амалга оширишнинг турли технологик ечимларини ўзида акс эттириб, унда лойиҳа тузилиши, лойиҳа бўйича техник ечимлар, лойиҳанинг ҳал қилувчи кўрсаткичлари, компонентлари, шунингдек, уларнинг ҳисоб-китоб қилинган қийматлари баён қилинади.
Ушбу бўлимда қуйидагилар акс эттирилиши лозим:
технологик схема босқичлари бўйича маҳсулот ишлаб чиқариш технологик жараёнининг тавсифи;
лойиҳани амалга ошириш бўйича турли технологик ечимлар таҳлили, уларнинг афзалликлари ва камчиликлари, танланган вариантни асослантириш;
лойиҳа жойлаштириладиган манзил, бунда лойиҳа учун танланган жой танлови, хомашё манбалари ва етказиб берувчилари, маҳсулот ва хизматларнинг истеъмолчиларига нисбатан жойлашган масофа, муҳандислик-транспорт (темир йўл магистраллари, автомобиль йўллари, қувурлар, энергетика манбалари ва ҳоказо) ва алоқа инфратузилмасига яқинлик, географик ўзига хосликлар;
лойиҳа қувватини ўзлаштириш суръатини тахминий асослантиришни белгилаб берувчи лойиҳа кўлами;
машина ва ускуналар сонини ва технологияси танловини асослантириш, дунё стандартларига мувофиқлиги, шу вақтгача фойдаланилаётган ускуналар билан технологик мувофиқ келиши, «нарх-сифат» бўйича энг мақбул мувофиқлик, технологиялар ва ускуналар танловининг муқобил вариантлари, инновацион ускуналарни қўллаш, лойиҳада сифат кўрсаткичларидан фойдаланилиши, лойиҳага қўйиладиган техник ва технологик талабларни белгиловчи норматив ҳужжатлар;
хатарларнинг асосий омилларини белгиловчи техник хатарларни баҳолаш, ўзгаришларнинг тахминий хусусиятлари ва кўлами, хатарларни камайтириш бўйича кўзда тутилган тадбирлар.
Лойиҳа ва техник ечимларни танлашда салбий экологик таъсири энг кам ва ижтимоий-иқтисодий самараси энг юқори бўлган ечимлар танлаб олинади.
Экологик бўлимда лойиҳанинг экологик жиҳатлари акс эттирилади. Ушбу бўлимда қуйидагилар акс эттирилиши лозим:
лойиҳанинг атроф муҳит ҳолатига таъсирини баҳолаш, лойиҳани амалга ошириш натижасида етказиладиган экологик зарар миқдорини баҳолаш ва Ўзбекистон Республикаси Экология ва атроф-муҳитни муҳофаза қилиш давлат қўмитаси хулосасини инобатга олган ҳолда, унинг салбий таъсирини камайтириш бўйича кўзда тутилаётган чора-тадбирлар;
ҳам ҳудудда, ҳам бутун мамлакатдаги экологик вазиятни яхшилаш учун лойиҳада назарда тутилаётган чора-тадбирлар ва уларнинг миқдор кўринишидаги натижалари.
Институционал бўлим лойиҳанинг бутун яшаш даври давомида уни бошқариш схемасини ўз ичига олган бўлиши ҳамда ҳуқуқий асослар, бошқарув тузилмаси ва молиявий харажатлар баҳоси тасвирланиши лозим. Лойиҳани амалга оширишда иштирок этувчиларнинг ўзаро биргаликдаги ҳаракати, харажатлар, фойда ва мажбуриятлар тақсимоти, шунингдек, институционал хавф-хатарлар, хатарларнинг асосий омилларини белгиловчи жиҳатлар, ўзгаришларнинг тахминий хусусиятлари ва кўлами, хатарларни камайтириш бўйича кўзда тутилган тадбирлар.
Архитектура-қурилиш бўлимида қуйидагилар акс эттирилиши лозим:
Вазият режаси:
қурилиш майдони (трассаси)нинг шаҳарсозлик талаблари, туманни режалаштириш лойиҳалари, шаҳар ва қишлоқ аҳоли пунктларининг бош режаларига мувофиқ ҳолда жойлаштириш схемалари, тармоқлар, темир ва автомобиль йўллари, нефть ва газ қувурлари, энергия тизимлари, алоқа тармоқларини инобатга олган ҳолда ҳудудни архитектура-режалаштириш лойиҳалари тавсифи;
Бош режа схемаси, бино ва корпуслар жойлашуви:
бош режа, майдондаги ички ва ташқи транспорт бўйича ечимлар, асосий режалаштириш ечимлари, ободонлаштириш ва кўкаламзорлаштириш бўйича тадбирлар, муҳандислик тармоқлари ва коммуникацияларни жойлаштириш, корхонани қўриқлашни ташкил қилиш бўйича ечимлар, асосий кўрсаткичлар (ҳудуд майдони, қурилишлар, кириш йўллари ва майдончалар, дарахтлар, йўллар ва коммуникацияларнинг узунлиги, бинолар зичлиги ва бошқалар) тавсифи;
Қурилиш майдони (трассаси)нинг хусусиятлари:
муҳандислик-геологик, муҳандислик-гидрометеорологик (иқлим) шарт-шароитлари, қурилиш майдонининг сейсмик хусусияти ва бошқалар тўғрисидаги маълумотлар.
Асосий ҳажм-режалаштириш ва конструкция ечимлари, уларнинг хусусиятлари:
асосий бино ва иншоотлар бўйича конструкция ечимларини шаҳарсозлик талабларига мувофиқ асослантириш ва уларнинг тавсифи;
таъмирланадиган бино ва иншоотларни техник текширувдан ўтказиш ва уларнинг юк кўтариш имконияти ҳолати тўғрисидаги хулосалар асосида ушбу бино ва иншоотларнинг таянч конструкцияларини таъмирлаш-тиклаш ишлари ёки уларни кучайтириш йўллари бўйича техник ечимлар тавсифи;
ишчиларга санитар-маиший хизмат кўрсатиш бўйича ечимлар тавсифи;
қурилишдаги махсус тадбирлар баёни (объектнинг портлаш ва ёнғин хавфсизлиги, қурилиш конструкцияларини нурашдан ҳимоялаш, шовқин ва титрашдан ҳимоялаш, чўкишга, зилзилага қарши ва бошқа тадбирлар);
ишчилар саломатлигини муҳофаза қилиш ва аҳолининг имконияти чекланган қатлами ҳаёти фаолияти учун шарт-шароитларни таъминлаш (зарурат бўлганда) бўйича ечимлар;
Участкани тайёрлаш ва ўзлаштириш:
қурилишни лойиҳада белгиланган муддатларда амалга ошириш, майдонда ички ва ташқи тайёргарлик ишларини бажаришга ёрдам берадиган ташкилий ва техник чора-тадбирлар баёни.
Муҳандислик ускуналари, тармоқлари ва тизимлари:
муҳандислик тармоқлари, коммуникациялари, иншоотлари ва ускуналари (сув таъминоти, оқава тармоқлари, электр таъминоти, газ таъминоти, иссиқлик таъминоти, ёнғинни ўчириш, ҳаво айланиши, алоқа, хабар бериш тизими ва ҳоказо) бўйича асосий кўрсаткичлар ва параметрлар билан муҳим технологик ва техник ечимлар баёни;
Қурилиш-монтаж ишлари ҳажмининг пул ифодасидаги қиймати:
ўхшаш лойиҳалар, оммавий лойиҳалар, такроран қўлланиладиган якка тартибдаги лойиҳалардан фойдаланган ҳолда амалга оширилган вариантларни, тижорат таклифлари асосида ва (ёки) қабул қилинган лойиҳа ечимлари бўйича қурилиш чизмалари, нуқсон далолатномалари, жисмоний ишлар ҳажмлари асосида қурилиш-монтаж ишларининг чегараланган қиймати ҳисоб-китоблари.
Архитектура-қурилиш бўлимига иловалар ичида қуйидагилар тақдим этилади:
мавжуд ва лойиҳалаштирилаётган ташқи коммуникациялар, муҳандислик тармоқлари ва селитеб ҳудудлар, санитар ҳимоя зоналари, алоҳида муҳофаза қилинадиган ҳудудларнинг чегаралари, трассалар режаси (чизиқ бўйлаб жойлашган иншоотлар учун) кўрсатилган ҳолда қурилиш майдонининг жойлашув схемаси;
мавжуд, лойиҳалаштирилаётган, реконструкция қилинадиган ва бузилиши керак бўлган бино ва иншоотлар, ободонлаштириш ва кўкаламзорлаштириш жойлари, майдон ичидаги муҳандислик тармоқлари ва транспорт коммуникациялари бўйича муҳим ечимлар чизилган, ишга тушириш мажмуаларига кирувчи объектлар ажратиб кўрсатиладиган бош режа схемаси;
асосий юк кўтарувчи ва тўсиқ конструкцияларни схемада акс эттирган ҳолда асосий бино ва иншоотларнинг режалари, кесимлари ва олд томони;
муҳандислик коммуникацияларини улаш (олиб ўтиш) учун техник шартлар; муҳандислик тармоқларининг принципиал чизмалари; техник кўрсаткичлари акс эттирилган ҳолда, лойиҳада қабул қилинган ускуна ва материаллар рўйхати.
Смета ҳужжатлари қуйидагилардан иборат бўлади:
реестр (лойиҳанинг рақамланган бетлардан иборат маҳаллий смета ҳисоб-китоблар бўйича мундарижаси);
қурилиш қийматини ҳисоблаш методикаси кўрсатилган тушунтириш хати;
қийматнинг йиғма смета ҳисоб-китоблари (қурилишнинг бошланғич баҳоси, объектнинг батафсил йиғма ҳисоб-китоблари, контракт-шартнома бўйича нархлар);
лойиҳада кўзда тутилган барча объектлар бўйича маҳаллий ресурс сметалари ва маҳаллий ресурс ведомостлари;
бошқа харажатлар ва (пудрат ташкилоти белгиланган тақдирда) давлат экспертизасидан ўтказилган машина ва механизмларни ишлатиш қиймати ҳисоб-китоблари.
Смета ҳужжатлари 1 нусхада, таҳрир қилиш имконияти бўлган электрон шакли билан бирга тақдим этилади.
Молия бўлими молиявий харажатлар ва даромадларнинг дастлабки баҳолари ва асосларини, лойиҳани молиялаштиришнинг муқобил схемалари ва манбаларини, шунингдек, лойиҳани амалга оширишнинг молиявий самарадорлигини баҳолаш, молиявий моделини ўзида акс эттиради. Ушбу бўлимда қуйидагилар акс эттирилиши лозим:
лойиҳанинг амалга ошириш йиллари ва технологик босқичлари бўйича инвестиция даври, лойиҳа доирасидаги чора-тадбирларнинг кетма-кетлиги ва давомийлигини график кўринишида, вақт бўйича (график-режа), молиялаштириш манбалари ва ҳажмларини инобатга олган ҳолда акс эттирилган лойиҳани амалга оширишнинг батафсил графиги;
инвестиция харажатларининг умумий ҳисоб-китоби, молиялаштириш эҳтиёжларининг лойиҳа босқичлари ва молиялаштириш ҳажмлари бўйича тақсимоти;
ишлаб чиқариш харажатлари (эксплуатация харажатлари) ҳисоб-китоби;
лойиҳанинг бошқа харажатлари ҳисоб-китоби;
сотишдан тушган даромадни ҳисоблаш;
айланма маблағларни ҳисоблаш;
лойиҳанинг қуйидагиларни ўз ичига олган молиявий кўрсаткичлари:
маҳсулот таннархи, тарифлар, маҳсулот (хизмат)нинг сотиш нархи ҳисоб-китоби;
молиявий натижаларни ҳисоблаш (фойда ва зарар);
пул маблағлари оқимининг йиғма ҳисоб-китоби;
лойиҳанинг молиявий кўрсаткичларини ҳисоблаш, жумладан: соф даромад (NV), фойдалиликнинг ички нормаси (IRR) ва оддий ўзини қоплаш муддати;
дисконт усуллари ёрдамида лойиҳани таҳлил қилиш, шу жумладан соф дисконт даромад (NPV) ва харажатларни қоплашнинг дисконтланган муддатини ҳисоблаш;
ноаниқлик шароитида таҳлил қилиш, жумладан асосий параметрлар (сотиш ҳажми ва нархи, тўғридан-тўғри харажатлар) бўйича сезгирлик таҳлили, лойиҳанинг зарарсизлик нуқтасини таҳлил қилиш;
кредит ёки бюджет маблағларини олаётган лойиҳа иштирокчиларининг жорий молиявий ҳолатини таҳлили, шу жумладан:
корхонанинг ликвидлигини баҳолаш;
корхонанинг мустақиллигини баҳолаш;
ўз маблағларининг даромадлилигини баҳолаш;
киритилган маблағларнинг даромадлилигини мажбуриятларни инобатга олган ҳолда баҳолаш;
молиялаштириш схемаси, манбалари ва шартлари, шунингдек, уларнинг муқобил вариантлари;
молиявий хавф-хатарларни баҳолаш, хатарларнинг асосий омилларини белгиловчи жиҳатлар, ўзгаришларнинг тахминий хусусиятлари ва кўлами, хатарларни камайтириш бўйича кўзда тутилган тадбирлар.
Иқтисодий бўлимда лойиҳанинг бутун республика ёки ҳудуд иқтисодиёти нуқтаи назаридан таҳлили акс эттирилади. Ушбу бўлимда қуйидагилар кўрсатилиши лозим:
лойиҳанинг иқтисодий фойда ва харажатларини баҳолаш, шу жумладан лойиҳа натижалари, оқибатлари ва таъсири таҳлили, сарф-харажатлари ва ўлчаб бўлмайдиган фойдалари, қўшилган фойдалар ва сарфлари, қайтариб бўлмайдиган сарф-харажатлари, ташқи таъсирлар, лойиҳадан келадиган билвосита фойдани баҳолаш;
лойиҳанинг ҳудуд инфратузилмасига ва тармоқ (турдош тармоқлар) ривожига таъсирини баҳолаш;
тармоқларни ривожлантириш Концепциялари доирасида, лойиҳани ва ишлаб чиқариш кучларини оптимал жойлаштириш, мавжуд қувватлардан фойдаланиш, шунингдек, хомашё ва ишлаб чиқариладиган маҳсулот бозори конъюнктураси билан узвий боғлиқликда лойиҳани амалга оширишнинг мақсадга мувофиқлиги.
Ижтимоий бўлим лойиҳанинг ижтимоий жиҳатларини ва уни амалга оширишдан бенефициарлар кўрадиган фойдани ўзида акс эттиради. Ушбу бўлимда қуйидагилар кўрсатилиши лозим:
лойиҳанинг меҳнат ресурсларига эҳтиёжи ва унинг аҳоли бандлигига таъсири;
ишчилар ва мутахассисларни ўқитиш ва қайта тайёрлаш дастури;
меҳнат муҳофазаси ва техника хавфсизлиги нормалари;
мавжуд қувватлардан фойдаланиш ва уларни оптимал жойлаштириш доирасида лойиҳанинг қабул қилинган ҳукумат қарорлари ҳамда тармоқлар, ҳудудлар бўйича ижтимоий соҳадаги ва «бошқа тармоқлардаги» ривожлантириш Концепцияларига мувофиқлигини ҳисобга олган ҳолда унинг ижтимоий аҳамияти.
Умумий хулосаларда лойиҳанинг асосий устунликлари ва камчиликлари, лойиҳани амалга оширишнинг энг мақбул вариантини танлаш бўйича хулосалар ва тафсилотлар, бошқа хулосалар акс эттирилади.
ТИА/ТИҲКга қуйидагиларнинг нусхаси илова қилиниши лозим:
юридик ҳужжатлар, шу жумладан:
амалга оширилаётган ва амалга ошириш режалаштирилган лойиҳаларни инобатга олган ҳолда, корхона (қарз олувчи) бўйича лойиҳани молиялаштириш учун ўз маблағлари етарли эканлигини асословчи пул маблағлари оқими прогнози;
харид қилинаётган ускуналар бўйича тижорат таклифлари (прайс-варақлар ва бошқалар) ва/ёки тузилган шартномалар (улар мавжуд бўлганда);
корхонанинг (қарз олувчи, инвесторлар, кафиллар, лойиҳа бўйича кафолат берувчилар) давлат солиқ хизмати органлари томонидан тасдиқланган сўнгги 3 йил учун тўлиқ йиллик молиявий ҳисоботи (охирги уч йил ичида ташкил этилган корхоналар улар тузилган кундан бошлаб тузилган молиявий ҳисоботларни тақдим этадилар);
хорижий шериклар (таъсисчилар) тўғрисида маълумот;
Экология ва атроф-муҳитни муҳофаза қилиш давлат қўмитасининг хулосаси;
Ўзбекистон Республикаси Давлат геология ва минерал ресурслар қўмитаси ҳузуридаги фойдали қазилмалар захиралари бўйича Давлат комиссияси хулосаси (зарур ҳолларда);
Ўзбекистон Республикаси Давлат геология ва минерал ресурслар қўмитасининг қуриладиган участканинг ер қаърида фойдали қазилмалар йўқлиги тўғрисидаги хулосаси;
ТИТК таркибини ташкил этиш ва тасдиқлаш тўғрисидаги буйруқ нусхаси;
технологик регламентлар (зарур ҳолларда);
ҳисоблаш формулалари ва дастлабки маълумотларга ҳаволаларни акс эттирган ҳолда электрон таҳрирланадиган шаклдаги лойиҳани амалга оширишнинг молиявий модели;
Олдинги таҳрирга қаранг.
Харидлар стратегияси бўлимида харид лотларини режалаштириш, тендерларнинг бошланғич нархлари белгиланади;
(12-банд Ўзбекистон Республикаси Президентининг 2025 йил 26 декабрдаги ПФ-259-сонли Фармонига асосан хатбоши билан тўлдирилган — Қонунчилик маълумотлари миллий базаси, 27.12.2025 й., 06/25/259/1224-сон)
Изоҳ: ТИҲКни тайёрлашда маркетинг бўлими, шунингдек, лойиҳани амалга оширишдан келадиган молиявий фойдаларни акс эттирувчи материаллар ва ҳисоб-китоблар тавсиявий характерга эга.
Шунингдек, хусусий тадбиркорлик субъектлари томонидан амалга оширилаётган лойиҳаларнинг лойиҳаолди ҳужжатлари учун ушбу намунавий тузилиш тавсиявий характерга эга.
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш,комплекс экспертизадан ўтказиш ва тасдиқлаш тартиби тўғрисидаги низомга
5-ИЛОВА
5-ИЛОВА
Олдинги таҳрирга қаранг.
«Тасдиқлайман» «Лойиҳалар ва харидлар самарадорлигини ошириш маркази» ДМ директори | |
___________________________ 20___ йил «_____»____________ | |
________________________________________________________ бўйича (киритилган ҳужжатлар ва лойиҳа номланиши) ______-сон хулоса | |
20___ йил «_____» ________________ | |
1. Экспертиза ўтказиш учун асос: | |
2. Лойиҳа ташаббускорининг номланиши ва экспертиза мазмуни: | |
Лойиҳа ташаббускорининг номланиши | |
Киритилган ҳужжатнинг номланиши | |
Лойиҳанинг номланиши | |
Лойиҳа ташкилотининг номланиши | |
3. Экспертиза ўтказишда фойдаланиладиган ҳужжатлар ва материаллар номланиши. 4. Асосий техник-иқтисодий параметрлар. 5. Экспертиза якунлари бўйича хулоса ва эътирозлар. 6. Киритилган ҳужжатлар бўйича хулоса. | |
Марказ директори ўринбосари: Марказ Бошқармаси бошлиғи: Марказ бўлими бошлиғи: Мутахассис: | |
(5-илова Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Инвестициявий ва инфратузилмавий лойиҳаларнинг лойиҳаолди ҳужжатларини ишлаб чиқиш,комплекс экспертизадан ўтказиш ва тасдиқлаш тартиби тўғрисидаги низомга
6-ИЛОВА
6-ИЛОВА
Лойиҳа ТИА/ТИҲК асосий техник-иқтисодий параметрлари
|
Т/р |
Кўрсаткич номланиши |
Ўлчов бирлиги (валюта бирлиги) |
Жами |
Шу жумладан: | ||
|
Бюджет маблағлари |
Кредитлар, шу жумладан, Ўзбекистон Республикаси Тикланиш ва тараққиёт жамғармаси кредитлари |
Марказлашмаган (ўз маблағлари, тўғридан-тўғри инвестициялар) | ||||
|
1. |
Лойиҳанинг умумий қиймати |
|||||
|
2. |
Капитал қўйилмалар қиймати |
|||||
|
Шу жумладан: машина ва ускуналар ЭКВда миллий валютада |
||||||
|
қурилиш-монтаж ишлари |
||||||
|
инвестиция давридаги молиявий харажатлар |
||||||
|
дастлабки айланма капитал ЭКВда миллий валютада |
||||||
|
бошқа харажатлар ЭКВда миллий валютада |
||||||
|
3. |
Мавжуд асосий фондлар қиймати |
|||||
|
4. |
Корхонанинг қуввати, шу жумладан: ишлаб чиқариладиган маҳсулотнинг йиллик ҳажми мўлжалланаётган йиллик экспорт ҳажми |
Тегишли ўлчов бирлигида | ||||
|
5. |
Мўлжалланаётган ишга жойлаштирилувчилар сони шундан, янги яратилаётган иш ўрни |
нафар нафар | ||||
|
6. |
Лойиҳанинг мўлжалланаётган ўзини қоплаш муддати* |
йил | ||||
|
7. |
Инвестиция даврининг давомийлиги |
ой | ||||
|
8. |
Яратилаётган ишлаб чиқариш фондларининг қиймати |
Валюта бирлигида (экв.) | ||||
|
9. |
Кредит ва бошқа қарз маблағларини сўндириш муддати |
йил | ||||
|
шу жумладан, валютадаги қарзлар |
йил | |||||
Изоҳ: * ТИҲК тасдиқлашда тўлдирилмайди
Ўзбекистон Республикаси Президентининг 2022 йил 25 июлдаги ПҚ-332-сон қарорига
2-ИЛОВА
2-ИЛОВА
Давлат харидига доир тендер бўйича харид қилиш ҳужжатларини ва техник топшириқларни комплекс экспертизадан ўтказиш тартиби тўғрисидаги
НИЗОМ
1-боб. Умумий қоидалар
Олдинги таҳрирга қаранг.
1. Ушбу Низом давлат харидига доир тендер бўйича харид қилиш ҳужжатларини ва техник топшириқларни «Лойиҳалар ва харидлар самарадорлигини ошириш маркази» ДМда (кейинги ўринларда — Марказ) комплекс экспертизадан ўтказиш тартибини белгилайди.
(1-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
2. Ушбу Низомда қуйидаги асосий тушунчалардан фойдаланилади:
Марказнинг электрон ахборот платформаси — Марказнинг давлат буюртмачиларининг тендер бўйича харид қилиш ҳужжатлари ва техник топшириқларини жойлаштириш ва келишишни, шунингдек, экспертизадан ўтказиш натижалари тўғрисидаги ахборотни жойлаштиришни таъминловчи Интернет тармоғидаги махсус электрон ахборот платформаси;
давлат хариди — давлат буюртмачиларининг товарларга (ишларга, хизматларга) бўлган эҳтиёжларини пуллик асосда таъминлаш жараёни;
давлат буюртмачиси — давлат харидларини амалга оширувчи юридик шахс (бюджет ва корпоратив буюртмачилар);
бюджет буюртмачилари — давлат органлари ва муассасалари, бюджет ташкилотлари, харид қилиш тартиб-таомилларини амалга ошириш учун йўналтириладиган бюджет маблағларини олувчилар, давлат мақсадли жамғармалари, бюджет ташкилотларида ташкил этилган бошқа жамғармалар;
корпоратив буюртмачилар —
давлат корхоналари;
устав фондида (устав капиталида) давлат улуши 50 фоиз ва ундан ортиқ бўлган юридик шахслар;
устав фондида (устав капиталида) ушбу банднинг еттинчи ва саккизинчи хатбошиларида кўрсатилган ташкилотларнинг улуши жами 50 фоиз ва ундан ортиқ бўлган юридик шахслар;
устав фондида (устав капиталида) ушбу банднинг тўққизинчи хатбошисида кўрсатилган ташкилотларнинг улуши жами 50 фоиз ва ундан ортиқ бўлган юридик шахслар;
тендер — давлат харидини амалга оширишнинг рақобатли тартиб-таомили воситасида давлат харидларининг ижрочисини аниқлаш тартиб-таомилини назарда тутувчи танлов бўлиб, унинг натижаларига кўра давлат харидлари тўғрисидаги шартномани бажаришнинг энг яхши шартларини таклиф этган харид қилиш тартиб-таомилларининг иштирокчиси ғолиб деб топилади;
давлат харидига доир тендер бўйича харид қилиш ҳужжатлари (тендер ҳужжатлари) — тендерни ташкил этиш шартлари ва ўтказиш тартиби, шунингдек, тендерга қўйилаётган товарларнинг (ишларнинг, хизматларнинг) малакавий, техник, нарх ва бошқа тавсифлари тўғрисидаги бирламчи маълумотларни ўз ичига олган ҳужжатлар тўплами;
техник топшириқ — давлат буюртмачиси томонидан товарнинг (ишнинг, хизматнинг) асосий мақсадига, унинг тавсифига қўйиладиган талаблар, давлат харидининг бирламчи маълумотлари, мақсадлари ва вазифалари, товарни етказиб бериш, ишларни бажариш, хизматларни кўрсатиш муддатлари, сифат кафолатлари, техник тавсифи ва ҳажми, ҳисобот шакллари (зарур ҳолларда), товарларга (ишларга, хизматларга) қўйиладиган талабларнинг асослантирилиши, эквивалент кўрсаткичлар, иқтисодий, бошқа махсус талабларни ўз ичига олган ҳужжат;
давлат харидлари электрон тизимининг оператори (оператор) — давлат харидларининг субъектларига давлат харидларининг электрон тизимларида харид қилиш тартиб-таомилларини амалга ошириш билан боғлиқ хизматлар кўрсатадиган, давлат харидлари соҳасидаги ваколатли орган томонидан белгиланадиган махсус ваколатли юридик шахсдир;
энг яхши таклифларни танлаш (танлаш) — харид қилиш тартиб-таомилларининг бир нечта иштирокчисидан олинган таклифларни таққослаш асосида давлат харидларини амалга оширишнинг рақобатли усули;
харид комиссияси — харид тартиб-таомилларининг ғолибини танлаш тўғрисида қарор қабул қилиш ваколатига эга бўлган коллегиал орган;
ариза берувчи — тендер ҳужжатлари ва техник топшириқни комплекс экспертизадан ўтказиш учун тегишли ариза билан Марказга мурожаат қилган давлат буюртмачиси ёки у томонидан белгиланган тартибда ваколат берилган шахс;
махсус ахборот портали (портал) — давлат харидлари соҳасидаги ваколатли орган томонидан юритиладиган, давлат харидлари амалга оширилиши тўғрисидаги эълонлар, давлат харидларининг якунлари, иштирокчиларнинг таклифлари ҳақидаги ахборотни ва қонунчиликда назарда тутилган бошқа ахборотни электрон шаклда кўздан кечиришни, шунингдек амалга оширилган электрон давлат харидлари тўғрисида давлат харидлари электрон тизимларининг операторлари томонидан киритиладиган (юбориладиган) ахборотни тўплашни таъминловчи веб-сайтдир (махсус электрон платформа).
3. Қуйидагилар Марказда экспертизадан ўтказилади:
а) битта шартнома бўйича қуйидаги миқдорлардан ортиқ бўлган давлат харидларининг тендер ҳужжатлари (ушбу Низомга 1-иловага мувофиқ схема бўйича):
бюджет буюртмачиси томонидан амалга ошириладиган, суммаси базавий ҳисоблаш миқдорининг олти минг бараваридан ортиқ бўлган харидлар;
корпоратив буюртмачи томонидан амалга ошириладиган, суммаси базавий ҳисоблаш миқдорининг йигирма беш минг бараваридан ортиқ бўлган харидлар. Агар корпоратив буюртмачи давлат харидини бюджет тизимининг бюджетлари маблағлари ҳисобидан амалга ошираётган бўлса, мазкур харид доирасида корпоратив буюртмачига бюджет буюртмачиси сифатида қаралади;
б) давлат ташқи қарзи (халқаро молия институтлари ва хорижий ҳукумат молия ташкилотларининг қарз маблағлари бундан мустасно) ҳисобидан молиялаштириладиган лойиҳаларни амалга ошириш доирасида қиймати 1 миллион АҚШ доллари эквивалентига тенг ва ундан юқори бўлган товарларни (ишларни, хизматларни) харид қилиш бўйича тендер ҳужжатлари (давлат ташқи қарзи ҳисобидан тижорат банклари орқали қайта молиялаштириладиган лойиҳаларга нисбатан татбиқ этилмайди).
Агар Ўзбекистон Республикаси Президентининг фармонлари ва қарорлари, Ўзбекистон Республикаси Вазирлар Маҳкамасининг қарорлари билан давлат буюртмачиларига тендер ўтказмасдан харидларни амалга ошириш ҳуқуқи берилса, харид қилиш тартиб-таомили давлат харидининг суммасидан қатъи назар танлаш орқали амалга оширилади. Бунда товарларнинг (ишларнинг, хизматларнинг) қиймати базавий ҳисоблаш миқдорининг йигирма беш минг (бюджет буюртмачилари учун олти минг) баравари миқдоридан ошган ҳолларда давлат харидига доир техник топшириқ экспертиза қилиш учун Марказга киритилади (ушбу Низомга 2-иловага мувофиқ схема бўйича).
Давлат буюртмачиси ихтиёрий равишда шартнома асосида товарлар (ишлар, хизматлар) қиймати бир шартнома бўйича базавий ҳисоблаш миқдорининг беш минг бараваридан йигирма беш минг бараваригача (бюджет буюртмачилари учун базавий ҳисоблаш миқдорининг беш минг бараваридан олти минг бараваригача) бўлган танлаш ҳужжатларининг техник топшириқларини комплекс экспертизадан ўтказиш учун Марказга киритиши мумкин. Бунда комплекс экспертизадан ўтказиш учун тўлов молиялаштириш манбаидан қатъи назар, техник топшириқларни комплекс экспертизадан ўтказиш учун белгиланган хизмат нархи миқдорида ҳисобланади.
Олдинги таҳрирга қаранг.
4. Бинолар, иншоотлар ва муҳандислик коммуникацияларини капитал қуриш ва таъмирлаш бўйича қиймати базавий ҳисоблаш миқдорининг йигирма беш минг бараваридан ортиқ товарларнинг (ишларнинг, хизматларнинг) давлат харидини амалга ошириш учун харид қилиш ҳужжатлари Марказга техник топшириқ шаклида лойиҳа-смета ҳужжатлари билан биргаликда киритилади ва улардаги товарлар (ишлар, хизматлар) ҳажмлари ва нарх параметрларининг асослилиги юзасидан экспертизадан ўтказилади.
(4-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Олдинги таҳрирга қаранг.
41. Тендер ҳужжатлари ва техник топшириқ ишлаб чиқилган ҳолда қабул қилинган Ўзбекистон Республикаси Президентининг фармонлари ва қарорлари, Вазирлар Маҳкамасининг қарорларида назарда тутилган ҳолларда тендер ҳужжатлари ва техник топшириқ Марказда экспертизадан ўтказилмайди.
(41-банд Ўзбекистон Республикаси Президентининг 2026 йил 13 мартдаги ПҚ-104-сонли қарорига асосан киритилган — Қонунчилик маълумотлари миллий базаси, 16.03.2026 й., 07/26/104/0241-сон)
2-боб. Тендер ҳужжатлари ва техник топшириқнинг экспертиза предмети
5. Тендер ҳужжатлари ёки техник топшириқ қуйидагилар юзасидан экспертизадан ўтказилади:
мазкур Низом талабларига мувофиқлиги;
давлат харидини амалга оширишнинг асосланганлиги;
номланишлар ва атамаларни ягона шаклда қўллаш ҳамда уларнинг турли маъноларда талқин қилинишига йўл қўймаслик;
тендер иштирокчилари учун қонунчиликда белгиланган талабларга риоя қилиниши (лицензия, иш тажрибасининг мавжудлиги, молиявий ҳолати, техник жиҳозланганлик, давлат харидларининг аниқ объектига қараб бошқа малака талаблари);
тендер иштирокчиси таклифининг техник ва нарх қисмларини баҳолаш мезонларининг холислиги ва асослантирилганлиги;
бошланғич нархнинг ўртача бозор конъюнктурасига мослиги;
тендер ҳужжатлари ёки техник топшириқни такроран киритишда ижобий хулоса беришни рад этиш сабаблари бартараф қилинганлиги.
Харид қилинаётган товарларнинг (ишларнинг, хизматларнинг) ўзига хос хусусиятларидан келиб чиққан ҳолда, тендер ҳужжатлари ва техник топшириқни комплекс экспертизадан ўтказиш давомида ушбу Низомнинг 6 ва 7-бандларида кўрсатилган талабларга аниқлик киритиш мақсадида ариза берувчидан қўшимча маълумотлар сўралиши мумкин.
3-боб. Тендер ҳужжатлари ёки техник топшириқни экспертизадан ўтказиш учун тақдим этиладиган ҳужжатлар
6. Тендер ҳужжатларини экспертизадан ўтказиш учун давлат буюртмачиси (ариза берувчи) Марказга қуйидаги ҳужжатларни электрон шаклда (қонунчиликда белгиланган бошқа талаблар бундан мустасно) тақдим этади:
ушбу Низомга 3-иловага мувофиқ шакл бўйича ариза;
тендер ҳужжатлари (барча иловалари билан бирга) ҳамда давлат буюртмачисининг муҳри ва ваколатли шахс имзоси ёки QR код билан тасдиқланган техник топшириқ;
порталда ва оммавий ахборот воситаларида эълон қилиш учун тендер ўтказиш ҳақидаги эълоннинг тўлиқ матни;
тендер ҳужжатларини ишлаб чиқиш даврида амалда бўлган тижорат таклифи, биржа котировкаси, прайс-варақлар ва бошқалар, шунингдек нархларнинг таққослама жадвали кўринишида нарх шаклланишига асос бўлувчи тасдиқловчи ҳужжатлар (бунда тақдим этилган барча таклифларда ушбу таклифларни билдирган субъектларнинг юридик манзиллари ва алоқа реквизитлари бўлиши ҳамда давлат буюртмачисининг имзоси ва муҳри ёки QR код билан тасдиқланган бўлиши керак);
ваколатли ташкилотларнинг хулосалари, агар қонунчиликда товарларнинг (ишларнинг, хизматларнинг) давлат харидлари учун уларни олиш талаби назарда тутилган бўлса;
тендер бўйича харид қилиш ҳужжатларини экспертизадан ўтказиш учун давлат буюртмачилари томонидан инвестициявий ва инфратузилмавий лойиҳалар бўйича лойиҳаолди ва лойиҳа ҳужжатларига, шунингдек, жорий фаолият бўйича — ишлаб чиқариш нормативларига мувофиқ давлат харидларини амалга ошириш зарурлиги бўйича асослантирувчи ҳужжатлар.
7. Техник топшириқни экспертизадан ўтказиш учун давлат буюртмачиси (ариза берувчи) Марказга қуйидаги ҳужжатларни электрон шаклда (қонунчиликда белгиланган бошқача талаблар бундан мустасно) тақдим этади:
ушбу Низомга 4-иловага мувофиқ шакл бўйича ариза;
давлат буюртмачисининг муҳри ва ваколатли шахси имзоси ёки QR код билан тасдиқланган (барча иловалари билан бирга) техник топшириқ;
техник топшириқни ишлаб чиқиш даврида амалда бўлган тижорат таклифи, биржа котировкаси, прайс-варақлар ва бошқалар, шунингдек нархларнинг таққослама жадвали кўринишида нарх шаклланишига асос бўлувчи тасдиқловчи ҳужжатлар (бунда тақдим этилган барча таклифларда ушбу таклифларни билдирган субъектларнинг юридик манзиллари ва алоқа реквизитлари бўлиши ҳамда давлат буюртмачисининг имзоси ва муҳри ёки QR код билан тасдиқланган бўлиши керак);
ваколатли ташкилотларнинг хулосалари, агар қонунчиликда товарларнинг (ишларнинг, хизматларнинг) давлат харидлари учун уларни олиш талаби назарда тутилган бўлса;
техник топшириқни экспертизадан ўтказиш учун давлат буюртмачилари томонидан инвестициявий ва инфратузилмавий лойиҳалар бўйича лойиҳаолди ва лойиҳа ҳужжатларига, шунингдек, жорий фаолият бўйича — ишлаб чиқариш нормативларига мувофиқ давлат харидларини амалга ошириш зарурлиги бўйича асослантирувчи ҳужжатлар.
8. Ҳар бир тендер ҳужжати ёки ҳар бир техник топшириқ, харид қилиш тартиб-таомилларини амалга оширишдан олдин Марказга алоҳида аризалар орқали тақдим этилади.
Шу билан бирга, тендернинг ҳар бир лоти ёки техник топшириқ бир хил турдаги товарлардан, фойдаланиш мақсадлари, уларнинг вазифалари ва техник хусусиятларига қараб шакллантирилади.
4-боб. Тендер ҳужжатлари ва техник топшириқнинг таркибига асосий талаблар
9. Тендер ҳужжатлари қуйидагиларни ўз ичига олиши лозим:
тендер иштирокчиси учун йўриқнома;
тендер ҳужжатларининг техник қисми;
тендер ҳужжатларининг нарх қисми;
шартнома лойиҳаси.
10. Тендер иштирокчиси учун йўриқномада қуйидагилар акс эттирилади:
тендерни ўтказиш шакли (очиқ ёки ёпиқ);
тендер ўтказиладиган жойнинг манзили (электрон тендер ўтказадиган операторнинг номи ва унинг веб-сайтига ҳавола);
таклифларни тақдим этиш муддати;
давлат буюртмачисининг (харид қилиш тартиб-таомили ташкилотчиси) иштирокчилар билан боғланиш учун алоқа боғловчи шахслар сифатида белгиланган бир ёки бир нечта мансабдор шахсларининг ёки бошқа ходимларининг фамилияси, исми, шарифи, лавозими ва манзили;
тендер иштирокчиларига қўйиладиган талаблар;
тендер иштирокчилари томонидан коррупция кўринишларига йўл қўймаслик бўйича аризани тақдим этиш мажбурийлиги ҳақидаги талаб;
дастлабки малака танловини ўтказиш тартиби, агар давлат буюртмачиси томонидан шундай қарор қабул қилинса;
тендер таклифини расмийлаштириш тартиби ва уни имзолашга қўйиладиган талаблар;
тендерда иштирок этиш учун таклифни давлат тилида ва заруратга қараб, бошқа тилларда тайёрлаш мажбурийлиги тўғрисидаги талаб;
тендер иштирокчиси таклифининг техник ва нархга оид қисми, уларни баҳолаш тартиби ҳақидаги ахборот;
иштирокчи томонидан тендер таклифи харид комиссиясига тақдим қилинганидан сўнг унга ўзгартиришлар киритиш ва уларни расмийлаштириш тартиби;
тўлов нархлари ва валютасини тақдим қилиш бўйича кўрсатма;
таклифларни харид комиссиясига топшириш тартиб-таомили бўйича талаблар;
тендер иштирокчиларига тендер бўйича харид қилиш ҳужжатлари қоидаларига доир тушунтиришларни тақдим этиш тартиби, муддати, бошланадиган ва тугайдиган сана;
таклифнинг таъминот усули, шу жумладан тендер иштирокчисининг келишилган муддат даврида ўз таклифини қайтариб олмаслигига кафолат берувчи пул закалатини киритиш ва қайтариб олиш тартиби, миқдори (агар харид комиссияси томонидан иштирокчиларга нисбатан таклифларнинг таъминланиши зарурлиги тўғрисидаги талабни белгилаш тўғрисидаги қарор қабул қилинган бўлса);
тендер таклифларини тақдим қилиш муддатини узайтириш имкониятининг кўрсатилиши;
ўтказилаётган тендер доирасидаги ҳар қандай ҳужжатларнинг махфийлигига кўрсатма;
тендер иштирокчиларининг таклифларини баҳолаш мезонлари ва кўриб чиқиш тартиби.
11. Тендер ҳужжатларининг техник қисми ёки техник топшириқда қуйидагилар акс эттирилади:
а) товарларнинг давлат харидида:
товарнинг тавсифи (қўлланилиш соҳаси, функционал тавсифлар ва истеъмол хусусиятлари);
товарни сотиб олишдан кўзланган мақсадлар;
харид амалга оширилаётган лойиҳа учун асослар;
товарни суғурталаш зарурати бўйича талаблар;
товарнинг зарур техник тавсифига қўйиладиган талаблар;
товарнинг маркировкасига, уни қадоқлаш, юклаш ва ташишга қўйиладиган талаблар;
агар давлат хариди тавсифида бошқача тартиб назарда тутилмаган бўлса, товарнинг янги, аввал ишлатилмаган, фойдаланилмаган бўлиши тўғрисидаги кўрсатма;
товарнинг қисмларига қўйиладиган талаблар;
товарга хизмат кўрсатиш ва уни эксплуатация қилишга қўйиладиган талаблар;
товарнинг эксплуатация қилиш учун материаллари, қўшимча эҳтиёт қисмлари ва харажатларига қўйиладиган талаблар;
товарнинг техник тартибга солиш соҳасидаги норматив ҳужжатларга мувофиқлиги бўйича талаблар;
товарнинг сони, етказиб бериш миқдори, даврийлиги, муддати ва жойи бўйича талаблар;
лойиҳа ҳужжатларини тайёрлаш, шеф-монтаж, монтаж ва созлаш ишларини амалга ошириш (агар ушбу ишлар етказиб берувчи томонидан бажарилса) бўйича талаблар;
ходимларни ўқитиш бўйича талаблар;
товар билан бирга бериладиган ҳужжатларга талаблар;
кафолат ва кафолатдан кейинги хизмат кўрсатиш бўйича талаблар (муддати, жойи);
товарнинг яроқлилик муддати, сақлаш муддати, сифат кафолатларига қўйиладиган талаблар;
товарнинг ишлаб чиқарилган йилига қўйиладиган талаблар;
б) ишлар ва хизматларнинг давлат харидида:
асосий техник-иқтисодий кўрсаткичларни акс эттирган ҳолда, бажариладиган ишлар ва кўрсатиладиган хизматларнинг номланиши ва фойдаланиш мақсадлари;
харид амалга оширилаётган лойиҳа учун асослар;
буюртмачининг ҳақиқий эҳтиёжларини инобатга олган ва амалдаги норматив ҳужжатлардан келиб чиқиб асослантирган ҳолда ижрочидан талаб қилинадиган ишлар, хизматлар рўйхати ва уларнинг ҳажми (миқдори);
аниқ манзилни (манзилларни) кўрсатган ҳолда ишларни бажариш ва хизматлар кўрсатиш жойи;
ишларни бажариш ва хизматларни кўрсатиш шартлари;
давлат буюртмачиси томонидан ишлаб чиқилган ва тасдиқланган, иштирокчига бажариладиган ишлар ва кўрсатиладиган хизматларнинг мураккаблигидан келиб чиққан ҳолда қўйиладиган талаблар;
ишлар ва хизматлар кўрсатилиши лозим бўлган давр (даврлар) ёки ишлар якунланиши ва хизматлар кўрсатилиши шарт бўлган аниқ санани ёхуд ишларни бажариш ва хизматларни кўрсатишнинг давлат буюртмачиси учун мақбул энг қисқа муддати ёки шартнома тузилгандан (аванс тўланган, бошқа ҳолат) кейинги ижрочи ишга киришиши ва хизматлар кўрсатишни бошлаши лозим бўлган муддатни кўрсатган ҳолда ишларни бажариш ва хизматларни кўрсатиш муддатлари (даврлари);
ишларни бажариш ва хизматларни кўрсатиш хавфсизлигига, уларнинг натижаларига қўйиладиган талаблар. Агар ижрочидан шартномани бажариш жараёнида учинчи шахслар олдида жавобгарликни суғурталаш талаб этилса ёки кўрсатиладиган хизматлар инсонлар соғлиғи ва ҳаётига хавф туғдириши эҳтимоли мавжуд бўлса, хизматлар кўрсатишнинг хавфсизлигини таъминлаш бўйича қўшимча талаблар кўрсатилиши лозим;
ишлар ва хизматлар натижаларини топшириш ва қабул қилиш тартиби. Ишлар ва хизматларни бажаришнинг ҳар бир босқичи бўйича ва умумий натижаларни топшириш ва қабул қилишни таъминлаш бўйича тадбирлар, ҳар бир босқич ва умумий давр бўйича расмийлаштирилиши ва топширилиши лозим бўлган ҳисобот, техник ва бошқа ҳужжатлар (синовлар, назорат остида ишга тушириш, ишлар ва хизматларни топширишда техник назорат далолатномалари, бошқа ҳужжатларни имзолаш талаблари)нинг мазмуни кўрсатиб ўтилади;
давлат буюртмачисига ишлар ва хизматларни якунлаш ва натижаларини топшириш бўйича техник ва бошқа ҳужжатларни тақдим қилиш бўйича талаблар;
давлат буюртмачисининг ходимларини бажарилган ишлар ва кўрсатилган хизматлар юзасидан ижрочи томонидан техник ўқитиш бўйича талаблар;
ишлар ва хизматларнинг сифати кафолатлари ҳажми (ижрочининг кафолат муддати давридаги давлат буюртмачиси учун талаб этиладиган энг мақбул ёки аниқ белгиланган мажбуриятлари) бўйича талаблар;
ишлар ва хизматлар натижаларининг сифатига кафолат муддатини кўрсатиш тўғрисидаги талаблар;
ижрочи томонидан ишларни бажариш ва хизматларни кўрсатиш бўйича мажбуриятларни бажариш асносида юзага келган интеллектуал мулк объектларига нисбатан мутлақ ҳуқуқларни давлат буюртмачисига топшириш шартларини кўрсатган ҳолда муаллифлик ҳуқуқлари;
давлат буюртмачисининг ихтиёрига кўра ишлар, хизматлар ва уларни кўрсатиш шартларига қўйиладиган бошқа талаблар.
Санаб ўтилган талаблар товарларнинг (ишларнинг, хизматларнинг) ўзига хос хусусиятларига қараб тендер ҳужжатларининг техник қисмига ва/ёки техник топшириққа киритилади.
12. Тендер ҳужжатлари ёки техник топшириқда қуйидаги шартларга риоя этилиши лозим:
товарларга (ишларга, хизматларга) қўйиладиган талабларни бир маъноли ифодалаш ва тавсифлаш имкони бўлмаган товарларни (ишларни, хизматларни) харид қилиш ҳолатларидан ташқари, мазкур талаблар аниқ ўлчанадиган бўлиши, сонларда ифодаланиши ва/ёки бошқа муқобили йўқ кўрсаткичлар шаклида бўлиши (ҳа/йўқ, мавжуд/мавжуд эмас, дан/гача);
товарларга (ишларга, хизматларга) қўйиладиган талаблар давлат хариди иштирокчилари сонининг асоссиз чекланишига олиб келмаслиги лозим;
норматив-техник жиҳатдан тартибга солинмайдиган ва/ёки ностандарт кўрсаткичларни қўллаш кенг тарқалган товарларни (ишларни, хизматларни) харид қилиш ҳолатларидан ташқари, товарларга (ишларга, хизматларга) талабларни белгилашда барчага маълум бўлган (стандарт), амалдаги норматив-техник ҳужжатларда назарда тутилган кўрсаткичлар, атамалар ва қисқартмалар қўлланилиши лозим;
муомалада бўлиш хусусиятлари ва/ёки хавфсизлик (шу жумладан истеъмол, саноат, экологик) талаблари қонунчиликда назарда тутилмаган товарлар (ишлар, хизматлар) харид қилинаётганда уларга талаблар мавжуд халқаро нормаларга мувофиқ белгиланиши лозим;
давлат томонидан харид қилинаётган товарлар (ишлар, хизматлар) хусусиятларини тавсифлашнинг бошқа етарли даражада аниқ йўли мавжуд бўлмаган ҳоллардан ташқари (бунда товарларни (ишларни, хизматларни) бошқа ишлаб чиқарувчининг эквивалент товарлари (ишлари, хизматлари) билан алмаштириш имконияти изоҳда кўрсатилиши шарт), давлат хариди объектининг тавсифига муайян товар белгиси ёки номи, патенти, конструкцияси ёки модели, аниқ ишлаб чиқарувчи ёки тайёрлаш манбаи киритилмаслиги лозим.
13. Товарларга (ишларга, хизматларга) қўйиладиган талабларда товар белгилари, хизмат кўрсатиш белгилари, патентлар, фойдаланиладиган моделлар, саноат намуналари, товарнинг келиб чиқиш жойи ёки ишлаб чиқарувчиси номи кўрсатилган тақдирда, уларни кўрсатишни асослаб берувчи, шу жумладан тендер ҳужжатларининг техник қисмида ёки техник топшириқда товарларнинг (ишларнинг, хизматларнинг), эквивалентини етказиб бериш имконияти мавжудлиги тўғрисидаги қўшимча маълумотлар тақдим этилиши лозим.
Инвестицион лойиҳа ва/ёки капитал қурилиш билан боғлиқ товарларнинг (ишларнинг, хизматларнинг) давлат харидини амалга оширишда тендер ҳужжатларининг техник қисми ёки техник топшириқ амалга оширилаётган лойиҳаларнинг лойиҳаолди ёки лойиҳа ҳужжатлари тасдиқланган параметрларига мувофиқ бўлиши лозим.
14. Тендер ҳужжатларининг нарх қисмида қуйидагилар акс эттирилади:
етказиб бериш шартлари;
тўлов шартлари ва тўлов графиги;
биржа котировкалари, тайёрловчи заводлар, товарларнинг (ишларнинг, хизматларнинг) ишлаб чиқарувчилари ёки уларнинг расмий дилерлари (дистрибьюторлари) ва бошқа етказиб берувчилар берган тижорат таклифлари, прайс-варақлардан келиб чиққан ҳолда белгиланадиган нарх кўрсаткичларининг ўртача даражасини ўрганиш якунлари бўйича дастлабки ҳисоб-китобларга асосланган товарларнинг (ишларнинг, хизматларнинг) бошланғич нархи;
бўлажак давлат харидларини молиялаштириш манбалари ва миқдорлари мавжудлигини тасдиқловчи ҳужжатлар (кредит шартномаси, банк маълумотномаси, қурилишларнинг манзилли рўйхати, давлат бошқаруви органининг қарори ва бошқалар).
Тендер ҳужжатларининг нарх қисмини ва техник топшириқ бўйича товарлар (ишлар, хизматлар) харидининг аризада белгиланган бошланғич нархини экспертизадан ўтказишда қуйидагилардан фойдаланилади:
товарларнинг (ишларнинг, хизматларнинг) бозор конъюнктурасини ўрганиш натижалари;
биржа котировкалари, тайёрловчи заводлар, товарларнинг (ишларнинг, хизматларнинг) ишлаб чиқарувчилари ёки уларнинг расмий дилерлари (дистрибьюторлари) берган тижорат таклифлари, прайс-варақлар, шунингдек, худди шу каби импорт контрактлар тўғрисидаги маълумотлардан келиб чиққан ҳолда белгиланадиган нарх кўрсаткичларининг ўртача даражаси;
оммавий ахборот воситалари ва Интернет тармоғидаги ахборотлар;
бевосита тайёрловчи заводлар, етказиб берувчилар, ишлаб чиқарувчилар ёки уларнинг расмий дилерларидан (дистрибьюторларидан) олинган маълумотлар.
Агар давлат буюртмачиси танловига кўра давлат харидлари маҳаллий ишлаб чиқарувчилар ўртасида амалга ошириладиган бўлса (уч ёки ундан ортиқ иштирокчилар — маҳаллий ишлаб чиқарувчилар бўлган тақдирда), нарх қисмининг экспертизаси маҳаллий ишлаб чиқарувчилар товарлари (ишлари, хизматлари) бозорининг конъюнктурасини ўрганиш натижаларидан, бевосита маҳаллий ишлаб чиқарувчилардан (етказиб берувчилардан) ёки уларнинг расмий дилерларидан (дистрибьюторларидан) олинган маълумотлардан фойдаланиб, шунингдек, иштирокчи-ишлаб чиқарувчиларнинг ишлаб чиқариш қувватлари мавжудлигининг ишончлилигини текширган ҳолда амалга оширилади.
Бунда, давлат буюртмачиси аризада давлат харидлари уч ёки ундан ортиқ маҳаллий ишлаб чиқарувчилар ўртасида амалга оширилишини кўрсатиши ҳамда маҳаллий ишлаб чиқарувчилар товарлари (ишлари, хизматлари) мавжудлигини тасдиқловчи маълумотларни тақдим этиши керак.
15. Шартнома лойиҳаси Ўзбекистон Республикасининг амалдаги қонунчилиги ва халқаро тижорат ҳуқуқи талабларига мос келиши лозим.
16. Экспертиза учун тақдим этилган тендер ҳужжатлари ва техник топшириқнинг тўлиқлиги ҳамда ишончлилиги учун давлат буюртмачиси масъулдир.
5-боб. Тендер ҳужжатлари ёки техник топшириқни экспертизадан ўтказганлик учун тўлов
17. Тендер ҳужжатларини экспертизадан ўтказганлик учун Марказ томонидан тўлов ундирилади ва у Марказнинг ҳисоб рақамига ўтказиб берилади.
Давлат буюртмачиси (ариза берувчи) томонидан шартнома мажбуриятлари бузилган, рад этилган ёки бекор қилинган тақдирда, Марказ ҳисоб рақамига тушган тўлов суммаси қайтарилмайди.
18. Ариза берувчи томонидан комплекс экспертизадан ўтказилиши рад этилган (эътироз билан қайтарилган) тендер ҳужжатларини ёки техник топшириқ олти ой ичида қайта комплекс экспертизага киритилганда тўлов ундирилмайди.
Бунда, ариза берувчи томонидан дастлабки комплекс экспертизадан ўтказилиши рад этилган (эътироз билан қайтарилган) тендер ҳужжатларини ёки техник топшириқни олти ой ичида қайта киритилаётганлиги тақдим этилган аризада кўрсатилади.
19. Дастлабки эътироз берилган хулоса тақдим этилган кундан олти ой муддат ўтгандан сўнг, тендер ҳужжатлари ва техник топшириқлар янги ҳужжат сифатида кўриб чиқилади.
20. Бинолар, иншоотлар ва муҳандислик коммуникацияларини капитал қуриш ва таъмирлаш бўйича товарларнинг (ишларнинг, хизматларнинг) давлат харидининг техник топшириқларини комплекс экспертизадан ўтказиш учун тўлов қурилиш ва таъмирлаш ишларининг манзилли рўйхати тасдиқлангандан сўнг амалга оширилади.
6-боб. Тендер ҳужжатлари ёки техник топшириқни экспертизадан ўтказиш муддатлари
Олдинги таҳрирга қаранг.
21. Марказ:
а) мазкур Низомнинг 6-бандида кўрсатилган ҳужжатлар тақдим этилган ва кўрсатиладиган хизматлар учун тўлов амалга оширилган кундан бошлаб қуйидаги муддатларда тендер ҳужжатларини экспертизадан ўтказади ва хулосани QR-код билан тасдиқлаган ҳолда давлат буюртмачисига (ариза берувчи)га тақдим этади:
«кичик харид» қиймати 6 000 базавий ҳисоблаш миқдоридан (БҲМ) 25 000 БҲМгача бўлган харидларда товарлар (хизматлар) позициялари сони:
1 — 20 бўлганда - экспертиза муддати 10 календарь кунгача;
21 ва ундан кўп бўлганда - экспертиза муддати 15 календарь кунгача;
«ўрта харид» қиймати 25 000 БҲМдан 100 000 БҲМгача бўлган харидларда товарлар (хизматлар) позициялари сони:
1 — 20 бўлганда - экспертиза муддати 15 календарь кунгача;
21 ва ундан кўп бўлганда - экспертиза муддати 20 календарь кунгача;
«мураккаб харид» қиймати 100 000 БҲМ ва ундан кўп бўлган харидларда товарлар (хизматлар) позициялари сони:
1 — 20 бўлганда - экспертиза муддати 20 календарь кунгача;
21 ва ундан кўп бўлганда- экспертиза муддати 25 календарь кунгача;
б) мазкур Низомнинг 7-бандида кўрсатилган ҳужжатлар тақдим этилган ва кўрсатиладиган хизматлар учун тўлов амалга оширилган кундан бошлаб қуйидаги муддатларда техник топшириқни экспертизадан ўтказади, хулосани QR-код билан тасдиқлаган ҳолда давлат буюртмачисига (ариза берувчи)га тақдим этади:
«кичик харид» қиймати 6 000 БҲМдан 25 000 БҲМгача бўлган харидларда товарлар (хизматлар) позициялари сони:
1 — 20 бўлганда - экспертиза муддати 10 календарь кунгача;
21 ва ундан кўп бўлганда- экспертиза муддати 15 календарь кунгача;
«ўрта харид» қиймати 25 000 БҲМдан 100 000 БҲМгача бўлган харидларда товарлар (хизматлар) позициялари сони:
1 — 20 бўлганда - экспертиза муддати 15 календарь кунгача;
21 ва ундан кўп бўлганда - экспертиза муддати 20 календарь кунгача;
«мураккаб харид» қиймати 100 000 БҲМ ва ундан кўп бўлган харидларда товарлар (хизматлар) позициялари сони:
1 — 20 бўлганда - экспертиза муддати 18 календарь кунгача;
21 ва ундан кўп бўлганда - экспертиза муддати 25 календарь кунгача.
Марказнинг ижобий хулосаси Марказнинг электрон ахборот платформаси орқали автоматик равишда порталга жўнатилади (қонунчиликда белгиланган бошқача талаблар бундан мустасно).
Тендер ҳужжатларини экспертиза қилиш якунлари бўйича хулосаси билан бирга, Марказ томонидан ўрганилган товарлар (ишлар, хизматлар)нинг бозор нархлари (тижорат таклифлари, биржа нархлари, интернет ва сунъий интеллект маълумотлари) тўғрисидаги маълумотлар нусхалари/кўчирмалари ҳам (электрон ёки қоғоз шаклда) тақдим этилади.
(21-банд Ўзбекистон Республикаси Президентининг 2025 йил 26 декабрдаги ПФ-259-сонли Фармони таҳририда — Қонунчилик маълумотлари миллий базаси, 27.12.2025 й., 06/25/259/1224-сон)
22. Тендер ўтказиш тўғрисидаги эълон Марказнинг ижобий хулосаси олингандан кейин порталда жойлаштирилади.
23. Тендер ҳужжатлари ёки техник топшириқни экспертизадан ўтказиш жараёнида экспертизага тегишли маълумотлар (изоҳ ва хулосалар) Марказнинг электрон ахборот платформаси орқали ариза берувчига юборилади.
7-боб. Тендер ҳужжатлари ёки техник топшириқни экспертизадан ўтказиш бўйича ижобий хулоса беришни рад этиш
24. Қуйидагилар тендер ҳужжатлари ёки техник топшириқ экспертизаси бўйича ижобий хулоса беришни рад этиш учун асос бўлади:
давлат буюртмачиси томонидан экспертиза ўтказиш учун зарур ҳужжатларнинг тўлиқ тақдим этилмаганлиги;
давлат буюртмачиси томонидан тақдим этилган ҳужжатларда нотўғри ёки ишончсиз маълумотлар мавжудлиги;
тақдим этилган ҳужжатларнинг ушбу Низом ва бошқа қонунчилик ҳужжатларига мувофиқ эмаслиги;
товарларни (ишларни, хизматларни) сотиб олиш бўйича тендер ёки танлаш бўйича харид қилиш ҳужжатларидаги бошланғич нарх худди шундай хусусиятлар ва сифатга эга бўлган товарларнинг (ишларнинг, хизматларнинг) ариза берилаётган пайтдаги ўртача нархлар ва шаклланган бозор конъюнктурасига нисбатан ошириб юборилганлиги.
25. Ижобий хулоса беришни рад этиш тўғрисидаги хабарнома (эътироз билан қайтарилган хулоса) рад этиш сабаблари кўрсатилган ҳолда давлат буюртмачисига (ариза берувчига) Марказнинг электрон ахборот платформаси орқали юборилади.
26. Давлат буюртмачиси қайта ишланган тендер ҳужжатлари ёки техник топшириқни такроран киритиш ҳуқуқига эга.
27. Ижобий хулоса беришни рад этиш учун асос бўлган сабаблар давлат буюртмачиси томонидан бартараф этилган тақдирда, Марказ томонидан ҳужжатларни қайта кўриб чиқиш, ижобий хулоса бериш ёки уни рад этиш қайта ишланган тендер ҳужжатлари ёки техник топшириқ ва рад этиш сабаблари бартараф этилганини тасдиқловчи тегишли ҳужжатлар олинган кундан бошлаб кўпи билан 10 календарь кун ичида амалга оширилади.
8-боб. Якунловчи қоидалар
28. Давлат буюртмачиси хулоса беришни рад этилиши, шунингдек Марказ мансабдор шахсининг ҳаракати (ҳаракатсизлиги) юзасидан юқори турувчи орган — Ўзбекистон Республикаси Иқтисодий тараққиёт ва камбағалликни қисқартириш вазирлигига (Марказ таъсисчисига) шикоят қилишга ҳақли.
29. Тендер ҳужжатларини ёки техник топшириқни экспертизадан ўтказиш соҳасидаги низолар давлат буюртмачиси ва Марказ (тендер ҳужжатларини ёки техник топшириқни комплекс экспертизадан ўтказиш юзасидан хизматлар кўрсатиш шартномаси тарафлари) ўртасида музокаралар ўтказиш йўли билан ҳал этилади.
Низоларни музокаралар ўтказиш йўли билан ҳал этишнинг иложи бўлмаса, давлат буюртмачиси ёки Марказ судга мурожаат қилишлари мумкин.
30. Ушбу Низом талабларини бузишда айбдор бўлган шахслар қонунчиликка мувофиқ жавобгарликка тортилади.
Давлат харидига доир тендер бўйича харид қилиш ҳужжатларини ва техник топшириқларни комплекс экспертизадан ўтказиш тартиби тўғрисидаги низомга
1-ИЛОВА
1-ИЛОВА
Тендер бўйича харид қилиш ҳужжатларини комплекс экспертизадан ўтказиш
СХЕМАСИ
Олдинги таҳрирга қаранг.
Босқичлар | Иштирокчилар | Чора-тадбирлар | Ижро муддатлари | ||||||
1-босқич | Ариза берувчи | Зарур ҳужжатлар тўпламини тайёрлаш ва Марказга ариза юбориш | Заруратга кўра | ||||||
2-босқич | Марказ | Тақдим этилган ҳужжатларнинг тўлиқлигини ўрганиш ҳамда «Янги сўровнома» ҳолатини «Ҳужжатлар тўлиқ юкланмаган», «Тўлов кутилмоқда» ёки «Кўриб чиқилмоқда» ёхуд «Рад этиш» ҳолатларига ўзгартириш | 5 (беш) иш куни ичида | ||||||
3-босқич | Ариза берувчи | Кўрсатиладиган экспертиза хизматлари учун қонунчиликка мувофиқ тўловни амалга ошириш | 5 (беш) иш куни ичида | ||||||
4-босқич | Марказ | «Кўриб чиқилмоқда» ҳолатидаги аризалар асосида тендер ҳужжатларини комплекс экспертизадан ўтказиш | 25 (йигирма беш) календарь кун ичида | ||||||
АГАР ЭЪТИРОЗЛАР БЎЛСА | Тендер ҳужжатларининг комплекс экспертизаси якунларига кўра | ||||||||
АГАР ЭЪТИРОЗЛАР БЎЛМАСА | |||||||||
5-босқич | Марказ | Тендер ҳужжатлари бўйича ижобий хулосани ариза берувчига юбориш | - | ||||||
6-босқич | Марказ | Тендер ҳужжатлари бўйича эътирозлар кўрсатилган хулосани ариза берувчига қайта ишлаш учун юбориш | - | ||||||
7-босқич | Ариза берувчи | Эътирозларни ҳисобга олган ҳолда тендер ҳужжатларини қайта ишлаб чиқиш ва уни такроран кўриб чиқиш учун юбориш | 6 (олти) ой ичида* | ||||||
8-босқич | Марказ | 1. Билдирилган эътирозлар ва камчиликларни бартараф этилгани нуқтаи назаридан қайта кўриб чиқиш. 2. Эътирозлар ва камчиликлар бартараф этилган тақдирда ижобий хулосани ариза берувчига юбориш. | 10 (ўн) календарь кун ичида | ||||||
* Тендер ҳужжатлари 6 (олти) ой муддат ўтгандан кейин қайта киритилганда, янги ҳужжат ҳисобланади.
(1-илова Ўзбекистон Республикаси Президентининг 2025 йил 26 декабрдаги ПФ-259-сонли Фармони таҳририда — Қонунчилик маълумотлари миллий базаси, 27.12.2025 й., 06/25/259/1224-сон)
Давлат харидига доир тендер бўйича харид қилиш ҳужжатларини ва техник топшириқларни комплекс экспертизадан ўтказиш тартиби тўғрисидаги низомга
2-ИЛОВА
2-ИЛОВА
Техник топшириқни комплекс экспертизадан ўтказиш
СХЕМАСИ
Олдинги таҳрирга қаранг.
м
Босқичлар | Иштирокчилар | Чора-тадбирлар | Ижро муддатлари | ||||||
1-босқич | Ариза берувчи | Зарур ҳужжатлар тўпламини тайёрлаш ва Марказга ариза юбориш | Заруратга кўра | ||||||
2-босқич | Марказ | Тақдим этилган ҳужжатларнинг тўлиқлигини ўрганиш ҳамда «Янги сўровнома» ҳолатини «Ҳужжатлар тўлиқ юкланмаган», «Тўлов кутилмоқда» ёки «Кўриб чиқилмоқда» ёхуд «Рад этиш» ҳолатларига ўзгартириш | 5 (беш) иш куни ичида | ||||||
3-босқич | Ариза берувчи | Кўрсатиладиган экспертиза хизматлари учун қонунчиликка мувофиқ тўловни амалга ошириш | 5 (беш) иш куни ичида | ||||||
4-босқич | Марказ | «Кўриб чиқилмоқда» ҳолатидаги аризалар асосида техник топшириқни комплекс экспертизадан ўтказиш | товар сони ва суммасидан келиб чиқиб 10 (ўн) календарь кунидан 25 (йигирма беш) календарь кунигача | ||||||
АГАР ЭЪТИРОЗЛАР БЎЛСА | Техник топшириқнинг комплекс экспертизаси якунларига кўра | ||||||||
АГАР ЭЪТИРОЗЛАР БЎЛМАСА | |||||||||
5-босқич | Марказ | Техник топшириқ бўйича ижобий хулосани ариза берувчига юбориш | - | ||||||
6-босқич | Марказ | Техник топшириқ бўйича эътирозлар кўрсатилган хулосани ариза берувчига қайта ишлаш учун юбориш | - | ||||||
7-босқич | Ариза берувчи | Эътирозларни ҳисобга олган ҳолда техник топшириқни қайта ишлаб чиқиш ва уни такроран кўриб чиқиш учун юбориш | 6 (олти) ой ичида* | ||||||
8-босқич | Марказ | 1. Билдирилган эътирозлар ва камчиликларни бартараф этилгани нуқтаи назаридан қайта кўриб чиқиш. 2. Эътирозлар ва камчиликлар бартараф этилган тақдирда техник топшириқ бўйича ижобий хулосани ариза берувчига юбориш. | 10 (ўн) календарь кун ичида | ||||||
* Техник топшириқ 6 (олти) ой муддат ўтгандан кейин қайта киритилганда, янги ҳужжат ҳисобланади.
(2-илова Ўзбекистон Республикаси Президентининг 2025 йил 26 декабрдаги ПФ-259-сонли Фармони таҳририда — Қонунчилик маълумотлари миллий базаси, 27.12.2025 й., 06/25/259/1224-сон)
Давлат харидига доир тендер бўйича харид қилиш ҳужжатларини ва техник топшириқларни комплекс экспертизадан ўтказиш тартиби тўғрисидаги низомга
3-ИЛОВА
3-ИЛОВА
Олдинги таҳрирга қаранг.
| | | | | | | | | | | «Лойиҳалар ва харидлар самарадорлигини ошириш маркази» ДМга | |||||||||
| | 20___ йил _______________ __________-сон | ||||||||||||||||||
АРИЗА | |||||||||||||||||||
| | | ______________________________ лойиҳаси доирасида ______________________________ | |||||||||||||||||
| товарларнинг (ишларнинг, хизматларнинг) давлат хариди тендери бўйича харид қилиш ҳужжатларини кўриб чиқишингизни сўраймиз. | |||||||||||||||||||
| | | Бозор конъюнктурасини ўрганиш натижаларига кўра харид қилинадиган товарларнинг (ишларнинг, | |||||||||||||||||
| хизматларнинг) бошланғич нархи (ҚҚС билан/ҚҚСсиз) __________________________ни ташкил этади. | |||||||||||||||||||
| | | Давлат харидлари қуйидаги иштирокчилар ўртасида ўтказилади: | |||||||||||||||||
| | | | | товарлар (ишлар, хизматлар)нинг маҳаллий ишлаб чиқарувчилари; | |||||||||||||||
| | | | | товарлар (ишлар, хизматлар)ни ишлаб чиқарувчи, етказиб берувчи барча иштирокчилар (маҳаллий ва хорижий). | |||||||||||||||
| | | Давлат харидини молиялаштириш манбаси (қуйида санаб ўтилганлардан бири кўрсатилади): | |||||||||||||||||
| | | | | ўз маблағларимиз; | |||||||||||||||
| | | | | бюджет маблағлари; | |||||||||||||||
| | | | | кредитлар (қарз маблағлари); | |||||||||||||||
| | | | | бошқа манбалар (кўрсатилади) ҳисобидан. | |||||||||||||||
| | | Тендер ҳужжатларини экспертизадан ўтказиш учун олдиндан тўловни кафолатлаймиз. | |||||||||||||||||
| | | Аризачининг/буюртмачининг почта манзили (жойлашуви): _______________________________ | |||||||||||||||||
| | | Аризачининг / буюртмачининг банк реквизитлари: | |||||||||||||||||
| | | ________________________________ (МФО, СТИР, ҳисобрақам, банк номи) | |||||||||||||||||
| | | Аризачи/буюртмачи билан боғланиш рақамлари (ижрочи кўрсатилсин) | |||||||||||||||||
| | | ______________________________________________________________________. | |||||||||||||||||
| | | Аризага қуйидаги ҳужжатлар илова қилинмоқда (ушбу Низом талабларига мувофиқ) | |||||||||||||||||
| | | _____________________ | | | | | | | | | | | | | | ||||
| | | _____________________ | | | | | | | | | | | | | | ||||
| | | Аризачининг мансабдор шахси | | | | _______________ | | | Ф.И.Ш. | ||||||||||
| | | | | | | | | | | | имзо ёки QR код | | | | | | |||
| | | | | | | | | М. Ў. | | | | | | | | | | ||
| | | | | | | | | | | | | | | | | | | | |
| | | | | | | | | | | | | | | | | | | | |
(3-илова Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Давлат харидига доир тендер бўйича харид қилиш ҳужжатларини ва техник топшириқларни комплекс экспертизадан ўтказиш тартиби тўғрисидаги низомга
4-ИЛОВА
4-ИЛОВА
Олдинги таҳрирга қаранг.
| | | | | | | | | | | «Лойиҳалар ва харидлар самарадорлигини ошириш маркази» ДМга | |||||||||
| | |||||||||||||||||||
| | | 20___ йил _______________ __________-сон | |||||||||||||||||
АРИЗА | |||||||||||||||||||
| | |||||||||||||||||||
| | ____________________________________________________ лойиҳаси доирасида | ||||||||||||||||||
______________________________ товарларнинг (ишларнинг, хизматларнинг) давлат хариди бўйича техник топшириқни кўриб чиқишингизни сўраймиз. (агар техник топшириқ ихтиёрий ва шартнома асосида киритилаётган бўлса, бу ҳақда аризада кўрсатилади) | |||||||||||||||||||
| | | Бозор конъюнктурасини ўрганиш натижаларига кўра харид қилинадиган товарларнинг (ишларнинг, | |||||||||||||||||
| хизматларнинг) бошланғич нархи (ҚҚС билан/ҚҚСсиз) __________________________ни ташкил этади. | |||||||||||||||||||
| | | Давлат харидлари қуйидаги иштирокчилар ўртасида ўтказилади: | |||||||||||||||||
| | | | товарлар (ишлар, хизматлар)нинг маҳаллий ишлаб чиқарувчилари; | ||||||||||||||||
| | | | товарлар (ишлар, хизматлар)ни ишлаб чиқарувчи, етказиб берувчи барча иштирокчилар (маҳаллий ва хорижий). | ||||||||||||||||
| | | Давлат харидини молиялаштириш манбаси (қуйида санаб ўтилганлардан бири кўрсатилади): | |||||||||||||||||
| | | | ўз маблағларимиз; | ||||||||||||||||
| | | | бюджет маблағлари; | ||||||||||||||||
| | | | кредитлар (қарз маблағлари); | ||||||||||||||||
| | | | бошқа манбалар (кўрсатилади) ҳисобидан. | ||||||||||||||||
| | | Техник топшириқни экспертизадан ўтказиш учун олдиндан тўловни кафолатлаймиз. | |||||||||||||||||
| | | Аризачи/буюртмачи билан боғланиш рақамлари (ижрочи кўрсатилсин): | |||||||||||||||||
| | | ____________________________________________________________________________. | |||||||||||||||||
| | | Аризага қуйидаги ҳужжатлар илова қилинмоқда (ушбу Низом талабларига мувофиқ | |||||||||||||||||
| | | ___________________ | | | | | | | | | | | | | | ||||
| | | ___________________ | | | | | | | | | | | | | | ||||
| | | Аризачининг мансабдор шахси | | | _______________ | | | Ф.И.Ш. | | ||||||||||
| | | | | | | | | | | имзо ёки QR код | | | | | | | |||
| | | | | М. Ў. | | | | | | | | | | | | | | ||
| | | | | | | | | | | | | | | | | | | | |
| | | | | | | | | | | | | | | | | | | | |
(4-илова Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Ўзбекистон Республикаси Президентининг 2022 йил 25 июлдаги ПҚ-332-сон қарорига
3-ИЛОВА
3-ИЛОВА
Шартномалар, импорт контрактлари ва уларга қўшимча келишувлар лойиҳаларини экспертизадан ўтказиш ва рўйхатга олиш тартиби тўғрисидаги
НИЗОМ
1-боб. Умумий қоидалар
Олдинги таҳрирга қаранг.
1. Ушбу Низом «Лойиҳалар ва харидлар самарадорлигини ошириш маркази» ДМ (кейинги ўринларда — Марказ)да шартномалар, импорт контрактлари ва уларга қўшимча келишувлар лойиҳаларини экспертизадан ўтказиш ҳамда рўйхатга олиш тартибини белгилайди.
(1-банд Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
2. Мазкур Низомда қуйидаги асосий тушунчалардан фойдаланилади:
Марказнинг электрон ахборот платформаси — Марказнинг буюртмачилар шартномалар, импорт контрактлар ва қўшимча келишув лойиҳаларини, шунингдек, экспертизадан ўтказиш ва рўйхатга олиш натижалари тўғрисидаги ахборотни жойлаштиришни таъминловчи Интернет тармоғидаги махсус электрон ахборот платформаси;
давлат харидлари — давлат буюртмачиларининг товарларга (ишларга, хизматларга) бўлган эҳтиёжларини пуллик асосда таъминлаш жараёни;
буюртмачилар — ушбу Низомнинг 5-бандида назарда тутилган ҳолларда шартномалар, импорт контрактлари ва уларга қўшимча келишувлар лойиҳаларини экспертизадан ўтказиш учун Марказга мурожаат қилувчи шахслар;
шартнома лойиҳаси — буюртмачи билан Ўзбекистон Республикаси резиденти ўртасида миллий валютада товарлар (ишлар, хизматлар) сотиб олиш тўғрисида тузиладиган шартнома лойиҳаси;
импорт контракти лойиҳаси — тўлов валютасидан қатъи назар товарларни (ишларни, хизматларни) импорт қилиш тўғрисида буюртмачи билан Ўзбекистон Республикаси норезиденти ўртасида тузиладиган шартнома лойиҳаси;
қўшимча келишув лойиҳаси — томонлар ўртасида илгари тузилган шартномага ҳамда импорт контрактига ўзгартириш ва қўшимчалар киритилишини назарда тутувчи ҳужжат лойиҳаси;
бенефициар мулкдор — пировардида мулкий ҳуқуқларга эгалик қиладиган ёки контракт бўйича товарлар (ишлар, хизматлар) етказиб берувчини амалда назорат қиладиган жисмоний шахс.
3. Шартномалар, импорт контрактлари ва/ёки қўшимча келишувлар лойиҳаларини экспертизадан ўтказганлик учун ҳақ ундирилади ва унинг суммаси Марказ ҳисоб рақамига ўтказиб берилади.
4. Ушбу Низомда кўзда тутилган шартнома, импорт контракти ва/ёки қўшимча келишувлар белгиланган тартибда уларнинг лойиҳалари экспертизадан ўтказилгандан, имзолангандан, кучга киргандан ва Марказда рўйхатга олингандан сўнг ижро этилиши лозим. Бунда томонларнинг шартнома мажбуриятлари тўлиқ ёки қисман бажарилган шартномалар, импорт контрактлари ва уларга қўшимча келишувлар, шунингдек, лойиҳаси аввал Марказда экспертизадан ўтмаган шартнома ва импорт контрактига тузилган қўшимча келишувлар лойиҳалари Марказда экспертизадан ўтказилмайди.
2-боб. Марказда экспертизадан ўтказилиши ва рўйхатга олиниши лозим бўлган шартномалар, импорт контрактлари ва қўшимча келишувлар лойиҳалари
5. Қуйидагилар Марказда комплекс экспертизадан ўтказилиши лозим:
Олдинги таҳрирга қаранг.
товарларнинг (ишларнинг, хизматларнинг) давлат харидини тўғридан-тўғри шартнома асосида амалга оширишга рухсат берилган Ўзбекистон Республикасининг «Давлат харидлари тўғрисида»ги Қонунининг 71-моддаси биринчи қисмининг 2, 5, 8, 12, 13, 15 — 21-бандлари асосида тузиладиган, товарларнинг (ишларнинг, хизматларнинг) қиймати бир шартнома бўйича базавий ҳисоблаш миқдорининг йигирма беш минг (бюджет буюртмачилари учун олти минг) баравари миқдоридан юқори бўлган шартномалар, импорт контрактлари ва уларга қўшимча келишувлар лойиҳалари, қонунчиликда белгиланган ҳоллар бундан мустасно;
(5-банднинг иккинчи хатбошиси Ўзбекистон Республикаси Президентининг 2025 йил 26 декабрдаги ПФ-259-сонли Фармони таҳририда — Қонунчилик маълумотлари миллий базаси, 27.12.2025 й., 06/25/259/1224-сон)
давлат ташқи қарзи (халқаро молия институтлари ва хорижий ҳукумат молия ташкилотлари қарз маблағлари бундан мустасно) ҳисобидан молиялаштириладиган лойиҳаларни амалга ошириш доирасида тендер ҳужжатлари Марказда комплекс экспертизадан ўтказилмасдан тузиладиган қиймати 1 миллион АҚШ доллари эквивалентига тенг ва ундан юқори бўлган импорт шартномалари ва уларга қўшимча келишувлар лойиҳалари.
6. Мазкур Низомнинг 5-бандида кўрсатилмаган давлат буюртмачилари ва тадбиркорлик субъектлари қиймати базавий ҳисоблаш миқдорининг олти минг бараваридан ошган шартномалар, импорт контрактлари ва уларга қўшимча келишувлар лойиҳаларини Марказга комплекс экспертизадан ўтказиш учун ихтиёрий равишда шартнома асосида киритишлари мумкин.
7. Мазкур Низомнинг амал қилиши Ўзбекистон Республикасининг халқаро шартномалари ва инвестициявий битимларида ўзгача тартиб назарда тутилган тақдирда, шартномалар ва импорт контрактлари лойиҳаларига татбиқ этилмайди.
3-боб. Шартномалар, импорт контрактлари ва/ёки қўшимча келишувлар лойиҳаларини экспертизадан ўтказиш ҳамда рўйхатга олиш учун тақдим этиладиган ҳужжатлар
8. Буюртмачи шартномалар, импорт контрактлари лойиҳаларини экспертизадан ўтказиш ва рўйхатга олиш учун Марказга қуйидаги ҳужжатларни тақдим этади:
ушбу Низомнинг 1-иловасига мувофиқ шаклдаги ариза;
мазкур Низомнинг 4-бобидаги талабларга мувофиқ ишлаб чиқилган шартнома, импорт контракти лойиҳасининг нусхаси (рўйхатга олиш учун — ҳар бир бети буюртмачининг ваколатли шахси томонидан муҳр ва имзо қўйиб тасдиқланган шартнома, импорт контрактининг асл нусхаси);
шартнома, импорт контракти лойиҳасининг Ўзбекистон Республикаси қонунчилигига мувофиқлиги бўйича юридик хулоса (юридик хизмат визаси);
шартнома, импорт контрактини имзолашга томонларнинг ваколати борлигини тасдиқловчи (улар биринчи раҳбардан бошқа шахслар томонидан имзоланадиган тақдирда) ҳужжатнинг белгиланган тартибда тасдиқланган нусхаси;
шартномалар, импорт контрактлари лойиҳалари экспертизага тақдим этилган даврда амал қилувчи ҳужжатлар (сўровномалар, тижорат таклифлари, биржа ёки ассоциациялар котировкалари, прайс-варақлар ва ҳоказолар) тақдим этилган ҳолда контракт, импорт контракти нархини белгилаш бўйича буюртмачининг биринчи раҳбари имзоси билан тасдиқланган асослантиришлар. Бунда тақдим этилган барча таклифлар юридик ёки жисмоний шахслар, шу жумладан муқобил таклифларни тақдим этган хорижий юридик ва жисмоний шахсларнинг юридик манзиллари ҳамда алоқа маълумотларини ўз ичига олган бўлиши лозим. Шартнома ёки импорт контракти лойиҳаси қонунчиликда белгиланган тартибда харид жараёнларини ўтказиш натижасида тузилган ҳолларда нарх белгилаш бўйича асослантиришлар ўрнига харид комиссияси ёки идоравий харид комиссияси баённомасининг нусхаси тақдим этилади;
LexUZ шарҳиҚаранг: Ўзбекистон Республикасининг «Давлат харидлари тўғрисида»ги Қонуни.
капитал қурилиш ҳамда бино, иншоот ва муҳандислик коммуникацияларини таъмирлаш билан боғлиқ бўлган шартнома, импорт контракти лойиҳаларини экспертизадан ўтказишда — ўрнатилган тартибда тасдиқланган лойиҳа-смета ҳужжатлари;
давлат буюртмачилари томонидан инвестициявий ва инфратузилмавий лойиҳалар бўйича лойиҳаолди ва лойиҳа ҳужжатларига, шунингдек, жорий фаолият бўйича — ишлаб чиқариш нормативларига мувофиқ шартнома, импорт контрактини тузиш зарурлигининг асосланиши;
товарларни (ишларни, хизматларни) харид қилиш учун тасдиқланган техник топшириқнинг нусхаси;
шартнома, импорт контракти харид қилинадиган товарларнинг (ишларнинг, хизматларнинг) аниқ етказиб берувчилари ва қиймати белгилаб қўйилган Ўзбекистон Республикаси Президентининг ва Ўзбекистон Республикаси Ҳукуматининг қарорлари асосида имзоланадиган тақдирда — тегишли қарорларнинг нусхаси;
лойиҳани молиялаштириш манбаи тўғрисида тасдиқловчи хат.
Тақдим этилган ҳужжатларнинг ишончлилиги ва айнан бир хиллиги юзасидан жавобгарлик буюртмачи зиммасига юкланади.
Ўзбекистон Республикасига импорт қилинаётган товарларнинг сифати, миқдори ва нархлари Марказда рўйхатга олинган импорт контракти лойиҳаларининг шартларига мос бўлишини таъминлаш бўйича зарур чораларни кўриш юзасидан жавобгарлик буюртмачининг мансабдор шахслари зиммасига юкланади.
9. Буюртмачи шартномалар, импорт контрактларига қўшимча келишувлар лойиҳаларини экспертизадан ўтказиш ва рўйхатга олиш учун қуйидаги ҳужжатларни тақдим этади:
ушбу Низомнинг 1-иловасига мувофиқ шаклдаги ариза;
мазкур Низомнинг 4-бобидаги талабларга мувофиқ ишлаб чиқилган қўшимча келишув лойиҳасининг нусхаси (рўйхатга олиш учун — ҳар бир бети буюртмачининг ваколатли шахси томонидан муҳр ва имзо қўйиб тасдиқланган қўшимча келишувнинг асл нусхаси);
шартнома, импорт контракти ва рўйхатга олинган ёки экспертизадан ўтказилган илгари тузилган қўшимча келишувларнинг нусхалари, шунингдек, илгари берилган хулосаларнинг нусхалари;
қўшимча келишув лойиҳасининг Ўзбекистон Республикаси қонунчилигига мувофиқлиги бўйича юридик хулоса (юридик хизмат визаси);
қўшимча келишувни имзолашга томонларнинг ваколати борлигини тасдиқловчи (улар биринчи раҳбардан бошқа шахслар томонидан имзоланадиган тақдирда) ҳужжатнинг белгиланган тартибда тасдиқланган нусхаси;
қўшимча келишув харид қилинадиган товарларнинг (ишларнинг, хизматларнинг) аниқ етказиб берувчилари ва қиймати белгилаб қўйилган Ўзбекистон Республикаси Президентининг ва Ўзбекистон Республикаси Ҳукуматининг қарорлари асосида имзоланадиган тақдирда — тегишли қарорларнинг нусхаси;
Товарларнинг (ишларнинг, хизматларнинг) ҳажми кўпайган, уларнинг номенклатураси, товарнинг келиб чиқиш мамлакати, нархи ва тўлов шартлари ўзгарган тақдирда қуйидаги ҳужжатлар қўшимча равишда тақдим этилади:
қўшимча келишув лойиҳаси экспертизага тақдим этилган даврда амал қилувчи ҳужжатлар (сўровномалар, тижорат таклифлари, биржа ёки ассоциациялар котировкалари, прайс-варақлар ва ҳоказолар) тақдим этилган ҳолда қўшимча келишув нархини белгилаш бўйича буюртмачининг биринчи раҳбари имзоси билан тасдиқланган асослантиришлар. Бунда тақдим этилган барча таклифлар юридик ёки жисмоний шахслар, шу жумладан муқобил таклифларни тақдим этган хорижий юридик ва жисмоний шахсларнинг юридик манзиллари ҳамда алоқа маълумотларини ўз ичига олган бўлиши лозим. Асосий шартнома ёки импорт контракти қонунчиликда белгиланган тартибда харид тартиб-таомилларини ўтказиш натижасида тузилган ҳолларда нарх белгилаш бўйича асослантиришлар ўрнига харид комиссияси ёки идоравий харид комиссияси баённомасининг нусхаси тақдим этилади;
капитал қурилиш ҳамда бино, иншоот ва муҳандислик коммуникацияларини таъмирлаш билан боғлиқ бўлган шартнома, импорт контрактига қўшимча келишув лойиҳасини экспертизадан ўтказишда — ўрнатилган тартибда тасдиқланган лойиҳа-смета ҳужжатлари;
давлат буюртмачилари томонидан инвестициявий ва инфратузилмавий лойиҳалар бўйича лойиҳаолди ва лойиҳа ҳужжатларига, шунингдек, жорий фаолият бўйича — ишлаб чиқариш нормативларига мувофиқ қўшимча келишув тузиш зарурлигининг асосланиши;
товарларни (ишларни, хизматларни) харид қилиш учун тасдиқланган техник топшириқнинг нусхаси.
Тақдим этилган ҳужжатларнинг ишончлилиги ва айнан бир хиллиги юзасидан жавобгарлик буюртмачи зиммасига юкланади.
10. Буюртмачи Марказнинг талабига кўра шартнома, импорт контракти ва/ёки қўшимча келишув лойиҳаси бўйича маҳсулот етказиб берувчиларни идентификация қилиш учун зарур бўлган қуйидаги маълумотларни тақдим этади:
солиқ тўловчининг идентификация рақами;
жойлашган жойи (почта манзили) ва телефон рақамлари;
имзолаш ҳуқуқига эга бўлган ёки юридик шахс номидан иш олиб борувчи жисмоний шахсларни идентификациялаш тўғрисидаги маълумотлар;
юридик шахс муассислари (акциядорлар, иштирокчилар) ҳамда уларнинг устав фондидаги (капиталидаги) улушли иштироки тўғрисидаги маълумот;
юридик шахснинг бошқарув органлари (юридик шахс бошқарув органларининг тузилмаси ва шахсий таркиби) тўғрисидаги маълумот;
импорт контракти бўйича товарлар етказиб берувчининг бенефициар мулкдори тўғрисидаги маълумот;
Ms Word ёки Ms Excel форматидаги барча иловалари билан бирга электрон шаклдаги шартнома, импорт контракти ва/ёки унга қўшимча келишув лойиҳаси.
11. Буюртмачи шартномалар, импорт контрактлари ва/ёки қўшимча келишув лойиҳаларини экспертизадан ўтказиш ва рўйхатга олиш учун ариза ва бошқа ҳужжатларни Марказнинг электрон ахборот платформаси орқали киритади.
4-боб. Шартномалар, импорт контрактлари ва қўшимча келишувлар лойиҳаларига қўйиладиган талаблар
12. Шартномалар, импорт контрактлари ва уларга қўшимча келишувлар лойиҳаларининг мазмуни Ўзбекистон Республикаси қонунчилигида белгиланган талабларга мувофиқ бўлиши лозим.
13. Шартномалар ва импорт контрактлари лойиҳалари қуйидагиларни ўз ичига олиши лозим:
Муқаддима. Кириш қисми шартнома ва импорт контрактининг тузилган жойи ва санаси, юридик шахсларнинг тўлиқ номланиши, шартнома ва импорт контрактини тузувчи шахсларнинг лавозими, фамилияси ва исмини ўз ичига олади. Агарда шахс шартнома ва импорт контрактини ишончнома асосида тузаётган бўлса, бу муқаддимада кўрсатилади.
Предмет. Ушбу бўлимда товарларнинг (ишларнинг, хизматларнинг) номи, техник тавсифлари, миқдори ва сифати ҳамда бутланганлиги кўрсатилади.
Товарларнинг (ишларнинг, хизматларнинг) миқдори метрик ўлчов тизимида қабул қилинган халқаро бирликларда ифодаланади. Ўзбекистон Республикасида қабул қилинган ўлчов ва оғирликлар тизими миқдорларини белгилаш тартибига мувофиқ ўлчов бирликларида белгилашга йўл қўйилади.
Товарнинг сифат тавсифи фойдаланишга яроқлилигини акс эттирувчи хусусиятлар йиғиндисидан иборат. Шунингдек, импорт контрактлари лойиҳаларида товарнинг ТИФ ТН кодини ҳам кўрсатиб ўтиш зарур.
Товарга қўйиладиган талаблар. Қоидага кўра, товар янги ва ишлатилмаган бўлиши лозим.
14. Қуйидагилар товар сифатини белгилашнинг асосий методлари ҳисобланади:
стандарт бўйича — барча томонидан қабул қилинган халқаро стандартлар, Ўзбекистон Республикасида амал қилувчи давлат стандартлари;
спецификация бўйича — техник параметрларни кўрсатиш;
асосий моддаларнинг мавжудлиги бўйича — минимум кўрсаткич, аралашмалар бўйича — максимум кўрсаткич;
товарнинг ўзига тегишли хоссалар бўйича — шакл, модель, марка, нав, тур.
Машиналар, ускуналар ва технологик линияларни етказиб бериш бўйича шартнома, импорт контракти лойиҳаларида уларнинг янгилигига, чиқарилган йилига нисбатан талаб кўрсатилади.
15. Маҳсулот етказиб беришнинг базис шартлари халқаро ИНКОТЕРМС қоидаларига мувофиқ белгиланади.
ИНКОТЕРМС қоидаларидан фойдаланганда қисқартма ном билан бир қаторда етказиб бериш жойи (темир йўл станцияси, порт, аэропорт ва ҳоказоларнинг номлари) кўрсатилади.
16. Товарни етказиб бериш, ишларни бажариш ва хизмат кўрсатиш муддати ёки санаси.
Товарни етказиб бериш, ишларни бажариш ва хизмат кўрсатиш муддати ёки санаси деганда ижрочи томонидан ўз мажбуриятларини товар етказиб бериш, ишларни бажариш ва хизматлар кўрсатишнинг шартнома ва импорт контрактлари лойиҳаларида кўрсатилган базис етказиб бериш шартларга мувофиқ бажариш санаси тушунилади.
17. Нарх ва умумий сумма. Шартнома ва импорт контракти лойиҳаларида товарларнинг (ишларнинг, хизматларнинг) нархини белгилашда товарларнинг (ишларнинг, хизматларнинг) ўлчов бирлиги, нарх базиси, қайд этиш усули, бир дона товар нархи ҳамда шартнома ва импорт контракти лойиҳасининг умумий суммаси кўрсатилади.
Қайд этиш усулига кўра нарх қатъий (ўзгармас, бозор конъюнктурасига боғлиқ бўлмаган), сирғалувчан (томонларнинг келишувига биноан ўзгартириладиган), ўзгарувчан (бозор конъюнктурасига, инфляция даражасига боғлиқ) бўлиши мумкин.
Шартнома ва импорт контракти лойиҳасининг умумий суммаси товарларнинг (ишларнинг, хизматларнинг) тўлиқ қийматини англатади.
Ҳадли шартнома ва импорт контрактини тузиш ва товарларнинг (ишларнинг, хизматларнинг) аниқ қийматини белгилашнинг имкони бўлмаган тақдирда, шартнома ва импорт контракти лойиҳасининг тахминий чекланган суммаси кўрсатилади.
Етказиб берувчилар томонидан монтаж ва/ёки ишга тушириш-созлаш ишлари амалга оширилиши, ходимларни ўқитиш ва бошқа хизматлар кўрсатиш, роялти тўлаш назарда тутилган ускуналар, қурилмалар, машина ва механизмлар, маҳсулотларни харид қилиш бўйича шартнома ва импорт контрактлари лойиҳаларида (спецификацияда) роялти суммаси, шунингдек, бажарилаётган ишлар ва кўрсатилаётган хизматларнинг суммаси алоҳида-алоҳида кўрсатилади.
18. Товарларнинг (ишларнинг, хизматларнинг) нарх параметрларини белгилашда қуйидагилар ҳисобга олинади:
юк ортиш ва қадоқлашнинг алоҳида шарт-шароитлари, буюртма миқдори, лицензия йиғимлари, битимни суғурталаш, интеллектуал мулк билан боғлиқ сарф-харажатлар;
товарлар ҳақини тўлаш шартлари ва муддатлари, уларни тайёрлаш (узоқ вақт тайёрланадиган товарлар, стандарт товарлар), ишларни бажариш, хизматлар кўрсатишнинг хусусиятлари, етказиб бериш шартлари, қўшимча шартлар ва етказиб берувчилардан (сотувчилар, ижрочилар ва пудратчилардан) талаб қилинадиган кафолатлар, мавсумий ўзгаришларнинг таъсиридан келиб чиқиб, нархларнинг ўзгарувчанлиги;
кафолат муддатидан кейинги хизмат ва сервис хизмати кўрсатиш, бутловчи буюмлар, эҳтиёт қисмлар, узел ва агрегатларнинг бир-бирини алмаштира олишини эътиборга олганда нарх параметрларининг мақбуллиги;
ишлаб чиқариладиган маҳсулотнинг унумдорлиги, сифати, рақобатдошлигидан, харид қилинаётган товарнинг энергия ресурс тежамкорлиги, экологик софлигидан, умумий эгалик қилиш қиймати ҳамда нарх белгилашга таъсир ўтказувчи бошқа омиллардан келиб чиқиб, қийматларнинг хилма-хиллиги.
19. Тўлов шартлари. Шартнома ва импорт контракти лойиҳаларидаги тўлов шартларида тўлов валютаси, шакли ва муддати кўрсатилади.
Агарда тўлов валютаси импорт контракти лойиҳаси валютасидан фарқ қилса, у ҳолда валюта курсини қайта ҳисоблаш тартиби кўрсатилади.
20. Товар ишлаб чиқарилган, ишлар бажариладиган ва хизматлар кўрсатиладиган жой. Шартнома ва импорт контракти лойиҳасида товар ишлаб чиқарилган мамлакат ҳамда етказиб берилаётган товарларнинг (ишларнинг, хизматларнинг) ишлаб чиқарувчиси номи кўрсатилади.
21. Томонларнинг жавобгарлиги. Томонлар ўз зиммасига олган мажбуриятларни бажаришини таъминлайдиган шартлар сифатида импорт контракти лойиҳасида, қоида тариқасида, бир томоннинг шартнома мажбуриятларини бажармаганлиги ёки лозим даражада бажармаганлиги учун пеня ва/ёки жарима тарзидаги санкциялар назарда тутилади. Айбдор томонга зарар кўрган томоннинг талаби бўйича унга неустойка тўлаш мажбурияти юклатилади.
Жарима санкцияларини тўлаш томонларни шартномавий мажбуриятларни бажаришдан озод қилмайди.
22. Кафолатлар. Мувофиқлик сертификатини олиш лозим бўлган товарларни (ишларни, хизматларни) етказиб бериш бўйича импорт контракти лойиҳаларида импорт контрактининг ижрочиси томонидан бериладиган кафолат муддатлари, ҳажмлари белгиланади. Ижрочи зиммасига муайян кафолат муддати давомида товар (ишлар, хизматлар) сифати бўйича жавобгарлик юкланади ва тегишли равишда ижрочи томонидан ўзининг кафолат мажбуриятларини амалга ошириш тартиби белгиланади.
Шартнома ва импорт контракти лойиҳаси шартларига биноан ижрочининг кафолат мажбурияти амал қила бошлайдиган вақт белгилаб қўйилади.
23. Қўлланиладиган ҳуқуқ. Томонлар ўзаро муносабатларини тартибга солувчи ҳуқуқни белгилаши ва кўрсатиши шарт.
24. Низоларни ҳал этиш. Импорт контракти лойиҳасида томонлар ўртасида юзага келиши мумкин бўлган ва музокаралар йўли билан бартараф этиб бўлмайдиган низоларни ҳал этиш тартиби белгиланади. Бунда ушбу импорт контракти бўйича низолар кўриб чиқиладиган жой ва орган кўрсатиб ўтилади.
25. Томонларнинг реквизитлари. Шартнома ва импорт контракти лойиҳасининг матнида томонларнинг реквизитлари келтирилади. Почта реквизитлари, манзил, банк ва юк ортиб жўнатиш реквизитлари кўрсатилади.
26. Шартнома, импорт контракти ва/ёки қўшимча келишув саҳифаларига буюртмачининг ваколатли шахслари томонидан виза қўйилади (тасдиқланади).
27. Шартнома, импорт контракти лойиҳасининг матни давлат тили ёки рус тилида баён этилади. Агарда импорт контракти лойиҳасининг матни бошқа тилда тузилган бўлса, импорт контракти лойиҳаси давлат тили ёки рус тилига таржима қилиниши ҳамда қонунчиликда ўрнатилган тартибда тасдиқланиши лозим. Шартнома, импорт контракти лойиҳаси икки тилда тузилган ҳолларда, шартнома ва импорт контракти лойиҳаси саҳифаларининг ўнг ва чап томонларида параллель таржима ҳолида расмийлаштирилади ва ҳар бир тилдаги матн бир хил юридик кучга эга бўлади. Бунда шартнома, импорт контракти лойиҳаси матнида фарқ юзага келган ҳолларда қайси матн устувор бўлиши лозимлиги назарда тутилади.
LexUZ шарҳиҚаранг: Ўзбекистон Республикаси «Давлат тили ҳақида» ги Қонунининг 23-моддаси ва «Ўзбекистон Республикасининг халқаро шартномалари тўғрисида»ги Қонуни.
5-боб. Шартномалар, импорт контрактлари ва/ёки қўшимча келишувлар лойиҳаларини экспертизадан ўтказиш ҳамда рўйхатга олиш тартиби ва муддати
28. Шартномалар, импорт контрактлар ва/ёки қўшимча келишувлар лойиҳаларини экспертизадан ўтказиш ва рўйхатга олиш ушбу Низомга 2-иловага мувофиқ схема бўйича амалга оширилади.
29. Марказ:
кўрсатилаётган хизматлар учун зарур ҳужжатлар ва тўлов амалга оширилган кундан бошлаб йигирма иш куни мобайнида шартнома, импорт контракти ва/ёки қўшимча келишув лойиҳасини экспертизадан ўтказади;
зарур ҳужжатлар ва кўрсатилаётган хизматлар учун тўлов амалга оширилганлиги тасдиқномаси тақдим этилган кундан бошлаб беш иш куни мобайнида харид қилинаётган товарларни (ишларни, хизматларни) етказиб берувчилар ва уларнинг қиймати белгиланган Ўзбекистон Республикаси Президенти ва Ўзбекистон Республикаси Ҳукуматининг қарорлари асосида ёки инвестиция лойиҳасининг ўрнатилган тартибда тасдиқланган техник-иқтисодий асоси параметрлари доирасида тузиладиган шартнома, импорт контракти ва/ёки қўшимча келишув лойиҳаларини экспертизадан ўтказади.
30. Марказ томонидан шартномалар, импорт контрактлари ва/ёки қўшимча келишувлар лойиҳаларини экспертизадан ўтказишда:
экспертизага ариза берилган пайтда тўлов валютасига, товарлар (ишлар, хизматлар) келиб чиққан мамлакатга қараб шартномавий нархларнинг ҳам халқаро бозорлар конъюнктурасига, ҳам бир хил параметрлар ва сифатга эга бўлган товарларнинг (ишларнинг, хизматларнинг) маҳаллий бозорлардаги талаб ва таклифларининг амалдаги ҳолатига асосланган нархлари даражасига мувофиқлиги ўрганилади;
экспертизадан ўтказиш ва рўйхатга олиш учун тақдим этилган ҳужжатларнинг мазкур Низом талабларига мувофиқлиги текширилади;
шартнома, импорт контракти ва/ёки қўшимча келишув лойиҳасининг шартлари халқаро ва ички савдонинг умумқабул қилинган меъёрларига мослиги ўрганилади.
31. Шартномалар, импорт контрактлари ва/ёки қўшимча келишув лойиҳалари экспертизаси:
товарлар (ишлар, хизматлар) бозорининг конъюнктурасини ўрганиш натижаларидан;
оммавий ахборот воситалари ва жаҳон Интернет тармоғидаги нашрлардан;
бевосита маҳсулот тайёрловчи заводлар, етказиб берувчилар, ишлаб чиқарувчилардан ёки уларнинг расмий дилерлари (дистрибьюторлари)дан олинган маълумотлардан фойдаланган ҳолда амалга оширилади.
32. Харид қилинаётган товарларни (ишларни, хизматларни) етказиб берувчилар ва уларнинг қиймати белгиланган Ўзбекистон Республикаси Президенти ва Ўзбекистон Республикаси Ҳукумати қарорлари асосида тузилган шартномалар, импорт контрактлари ва/ёки қўшимча келишув лойиҳаларини экспертизадан ўтказишда уларнинг Ўзбекистон Республикаси Президенти ва Ўзбекистон Республикаси Ҳукумати томонидан қабул қилинган қарорларга мувофиқлиги текширилади.
33. Ўтказилган экспертиза натижалари бўйича буюртмачига шартнома, импорт контракти ва/ёки қўшимча келишув лойиҳаси бўйича эътирозлар йўқлиги ҳақида Марказнинг электрон ахборот платформаси орқали хат берилади ёки ҳужжатлар қайтарилиш сабабларини кўрсатган ҳолда қайтариб берилади.
34. Буюртмачи Марказнинг эътирозлар йўқлиги ҳақидаги хатини олгандан сўнг бир ой муддат ичида шартнома, импорт контракти ва/ёки қўшимча келишувни ўрнатилган тартибда томонлар имзоси қўйилган ва расмийлаштирилган ҳолда асл нусхасини ва уларнинг аввал Марказда экспертизадан ўтказилган лойиҳалари нусхаларини кузатув хати билан Марказга киритади (бир вақтнинг ўзида Марказнинг электрон ахборот платформасига жойлайди).
Ҳужжатлар тақдим этилгандан сўнг беш иш куни ичида шартнома, импорт контракти ва/ёки қўшимча келишув Марказ томонидан рўйхатга олинади ва мазкур Низомнинг 3-иловасига мувофиқ шаклда хулоса ҳужжатларнинг асл нусхалари билан берилади. Шартнома, импорт контракти ва/ёки қўшимча келишув асл нусхасининг ҳар бир варағида Марказнинг шартнома, импорт контракти ва/ёки қўшимча келишувларни рўйхатга олиш бўлинмаси штампи қўйилади.
Шартнома, импорт контракти ва/ёки қўшимча келишувга идентификация рақами берилади.
Рўйхатдан ўтказилган шартнома, импорт контракти ва/ёки қўшимча келишув ҳамда унга берилган хулоса бир вақтнинг ўзида Марказнинг электрон ахборот платформаси жойланади.
Буюртмачининг мансабдор шахслари имзоланган шартнома, импорт контракти ва/ёки қўшимча келишув уларнинг аввал Марказда экспертизадан ўтказилган лойиҳаларига айнан мувофиқ бўлишига жавобгар бўладилар.
Марказнинг тегишли лойиҳа бўйича эътирозлар йўқлиги ҳақидаги хати берилгандан сўнг бир ойлик муддат ичида имзоланган шартнома, импорт контракти ва/ёки қўшимча келишув Марказга киритилмаган тақдирда, буюртмачи шартнома, импорт контракти ва/ёки қўшимча келишув бўйича хулоса олиш ҳуқуқига эга бўлмайди.
35. Марказ томонидан шартнома, импорт контракти ва/ёки қўшимча келишув юзасидан берилган хулоса шартнома, импорт контракти ва/ёки қўшимча келишувнинг амал қилиш муддати тугагунга қадар ҳақиқий ҳисобланади.
6-боб. Шартнома, импорт контракти ва/ёки қўшимча келишув лойиҳасини экспертизадан ўтказиш ва рўйхатга олишни рад этиш
36. Қуйидагилар шартнома, импорт контракти ва/ёки қўшимча келишув лойиҳасини экспертизадан ўтказиш ва рўйхатга олишни рад этиш учун асос ҳисобланади:
агар импорт контракти лойиҳаси бўйича тўлов имтиёзли солиқ тартибини тақдим этадиган ва/ёки молиявий операцияларни ўтказишда ахборот ошкор этилиши ва берилишини назарда тутмайдиган давлатларда ёки ҳудудларда (оффшор зоналарида) рўйхатга олинган норезидент фойдасига, шунингдек, оффшор зоналарида жойлашган банклардаги норезидентларнинг ҳисобрақамларига ўтказиладиган бўлса;
буюртмачи экспертиза ўтказиш ва/ёки рўйхатга олиш учун зарур ҳужжатларни тўлиқ ҳажмда тақдим этмаганлиги;
буюртмачи томонидан тақдим этилган ҳужжатларда ишонарсиз ёки нотўғри маълумотлар мавжудлиги;
харид тартиб-таомиллари жараёнининг бузилиши;
шартнома/импорт контракти/қўшимча келишув лойиҳасини экспертизадан ўтказиш ва рўйхатга олишга ариза берилган пайтда айнан бир хил товарлар (ишлар, хизматлар) бозорида ҳосил бўлган конъюнктура ва ўртача бозор нархи даражасига нисбатан харид қилинаётган товарлар (ишлар, хизматлар) нархларининг ошириб юборилганлиги;
тақдим этилган ҳужжатларнинг мазкур Низом талаблари ва шартларига мувофиқ эмаслиги.
Шартнома, импорт контракти ва/ёки уларга қўшимча келишув Марказнинг эътирозларини ҳисобга олмаган ҳолда имзоланган ва амалга оширилган тақдирда буюртмачининг мансабдор шахслари улар юзасидан қабул қилинган қарорлар учун қонунчилик ҳужжатларида белгиланган тартибда жавобгар бўладилар.
LexUZ шарҳиҚаранг: Ўзбекистон Республикаси Жиноят кодексининг 175-моддаси.
37. Буюртмачи шартнома, импорт контракти ва/ёки қўшимча келишув лойиҳасини экспертизадан ўтказиш ва рўйхатга олишни рад қилган тақдирда, тўланган сумма қайтариб берилмайди.
38. Рад этиш тўғрисидаги билдиришнома буюртмачига рад этиш сабабларини кўрсатган ҳолда ёзма (электрон) шаклда, шу жумладан Марказнинг электрон ахборот платформаси орқали электрон кўринишда юборилади.
39. Буюртмачи рад этишга асос бўлган сабабларни бартараф этгандан сўнг шартнома, импорт контракти ва/ёки қўшимча келишув лойиҳасини экспертизадан ўтказиш ва рўйхатга олиш учун такроран киритади.
40. Рад этишга асос бўлган сабаблар буюртмачи томонидан бартараф этилган тақдирда, экспертиза ва рўйхатга олиш Марказ томонидан шартнома, импорт контракти ва/ёки қўшимча келишув лойиҳаси ҳамда рад этиш сабаблари бартараф этилганлигини тасдиқловчи тегишли ҳужжатлар олинган кундан бошлаб кўпи билан беш иш куни мобайнида амалга оширилади.
41. Такроран тақдим этилган ҳужжатлар Марказнинг эътирозли хулосаси олинган кундан бошлаб олти ой ичида киритилган тақдирда, шартнома, импорт контракти ва/ёки қўшимча келишув лойиҳасини такроран кўриб чиқиш учун ҳақ ундирилмайди.
Такроран тақдим этилган ҳужжатлар Марказнинг эътирозли хулосаси олинган кундан бошлаб олти ой муддат ўтгандан сўнг киритилган тақдирда, шартнома, импорт контракти ва/ёки қўшимча келишув лойиҳасини такроран кўриб чиқиш учун янги ҳужжат экспертизасига белгиланган миқдорда ҳақ ундирилади.
7-боб. Хулосанинг амал қилишини тўхтатиб туриш, тугатиш, тиклаш, қайта расмийлаштириш ва бекор қилиш
42. Буюртмачи шартнома, импорт контракти ва/ёки қўшимча келишув шартларини, шунингдек, қонунчилик ҳужжатларида белгиланган рухсат берувчи бошқа талаблар ва шартларни бажармаган ҳолларда Марказ томонидан берилган хулосанинг амал қилиши тўхтатиб қўйилиши мумкин.
43. Хулосанинг амал қилишини тўхтатиб қўйиш тўғрисидаги Марказ қарори буюртмачига ёзма ва (ёки) электрон шаклда хулоса амал қилишининг тўхтатилиш сабаблари кўрсатилган ҳолда етказилади.
44. Хулоса амал қилишининг тўхтатилишига олиб келган ҳолатлар (сабаблар) бартараф этилганлиги факти буюртмачи томонидан тасдиқланган тақдирда, мазкур ҳолатлар (сабаблар) бартараф этилганлиги тўғрисидаги тасдиқнома олинган кундан бошлаб беш иш куни мобайнида Марказ хулосанинг амал қилишини тиклаш тўғрисида қарор қабул қилади.
45. Хулосанинг амал қилиши асоссиз тўхтатилган ҳолларда Марказ буюртмачи олдида унга етказилган зарарлар миқдорида жавобгар бўлади, хулосанинг амал қилиши эса у Марказ қарори билан тўхтатилган пайтдан бошлаб қайта тикланган ҳисобланади.
46. Хулосанинг амал қилиши қуйидаги ҳолатларда тугатилади:
қайта ташкил этилаётган юридик шахсларда янгидан юзага келган юридик шахсни давлат рўйхатидан ўтказиш санасида айнан бир хил ҳаракатлар ва/ёки фаолиятни амалга оширишга рухсатнома характеридаги ҳужжат мавжуд бўлганида қайта ташкил этиш, шунингдек, қўшилишни истисно қилганда қайта ташкил этиш натижасида буюртмачининг фаолияти тугатилганда ёки тўхтатилганда;
буюртмачи томонидан рухсатнома талаблари ва шартлари бир йил мобайнида мунтазам (икки ва ундан кўпроқ) ёки бир маротаба қўпол равишда бузилганида, агар бу қоидабузарликлар фуқароларнинг ҳуқуқлари ва қонуний манфаатларига, ҳаёти ва соғлигига, жамоат хавфсизлигига ва атроф муҳитга зарар етказилишига олиб келган бўлса;
хулосанинг амал қилиши тўхтатилишига олиб келган ҳолатлар (сабаблар) буюртмачи томонидан бартараф этилмаганда.
47. Буюртмачи қайта ташкил этилган, номи ёки жойлашган жойи (почта манзили) ўзгарган тақдирда, буюртмачи ёки унинг ҳуқуқий вориси қайта рўйхатга олингандан кейин етти кун ичида кўрсатилган маълумотларни тасдиқловчи ҳужжатлар илова қилинган ҳолда, хулосани қайта расмийлаштириш тўғрисидаги аризани Марказга топшириши шарт.
48. Хулосани қайта расмийлаштириш ва топшириш Марказ томонидан тегишли ҳужжатлар илова қилинган хулосани қайта расмийлаштириш тўғрисидаги ариза олинган кундан бошлаб кўпи билан беш иш куни мобайнида амалга оширилади.
49. Хулосани қайта расмийлаштириш учун тўлов ундирилмайди.
50. Берилган хулоса йўқотилган ёки бузилган ҳолларда буюртмачининг аризасига кўра унинг дубликати берилади.
Хулосанинг асл нусхаси бузилган тақдирда унинг дубликатини бериш тўғрисидаги мурожаат олинган кундан бошлаб кўпи билан уч кун ичида Марказ хулосанинг дубликатини беради (юборади). Хулоса дубликати берилганлиги учун базавий ҳисоблаш миқдорининг 10 фоизи миқдорида ҳақ ундирилади.
51. Шартномалар, импорт контрактлари ва/ёки қўшимча келишувлар бўйича хулоса қуйидаги ҳолларда бекор қилинади:
Марказ томонидан — буюртмачининг ёзма равишдаги талаби бўйича;
суд томонидан — сохта ҳужжатлардан фойдаланган ҳолда хулоса олинганлик факти аниқланган тақдирда.
8-боб. Шартномалар, импорт контрактлари ва/ёки қўшимча келишувлар бўйича берилган хулосалар реестри
52. Марказ шартномалар, импорт контрактлари ва/ёки қўшимча келишувлар бўйича берилган хулосалар реестрини юритади.
53. Шартномалар, импорт контрактлари ва/ёки қўшимча келишувлар бўйича берилган хулосалар реестрида қуйидагилар кўрсатилади:
буюртмачининг номи, унинг ташкилий-ҳуқуқий шакли;
шартнома, импорт контракти ва/ёки қўшимча келишув бўйича берилган хулоса санаси ва рақами;
хулоса берилаётган шартнома, импорт контракти ва/ёки қўшимча келишувнинг деталлари, товарнинг номланиши, шартнома, импорт контракти ва/ёки қўшимча келишув лойиҳасининг қиймати, маҳсулот етказиб берувчининг номи ва мамлакати;
шартнома, импорт контракти ва/ёки қўшимча келишув бўйича хулосанинг амал қилиши тўхтатилганлигига асос ва унинг санаси;
шартнома, импорт контракти ва/ёки қўшимча келишув бўйича хулоса бекор қилинганлигига асос ва унинг санаси;
шартнома, импорт контракти ва/ёки қўшимча келишув бўйича хулоса дубликати берилишига асос ва унинг санаси.
9-боб. Якунловчи қоидалар
54. Давлат буюртмачиси хулоса беришнинг рад этилиши, шунингдек, Марказ мансабдор шахсининг ҳаракати (ҳаракатсизлиги) юзасидан Марказ таъсисчиси — Ўзбекистон Республикаси Иқтисодий тараққиёт ва камбағалликни қисқартириш вазирлигига шикоят қилишга ҳақли.
55. Шартномалар, импорт контрактлари ва қўшимча келишув лойиҳаларини экспертизадан ўтказиш соҳасидаги низолар, давлат буюртмачиси ва Марказ (шартномалар, импорт контрактлари ва қўшимча келишув лойиҳаларини комплекс экспертизадан ўтказиш юзасидан хизматлар кўрсатиш шартномаси тарафлари) ўртасидаги музокаралар йўли билан ҳал этилади.
Низоларни музокаралар йўли билан ҳал этишнинг иложи бўлмаса, давлат буюртмачиси ёки Марказ судга мурожаат қилиши мумкин.
56. Ушбу Низом талабларини бузишда айбдор бўлган шахслар қонунчиликка мувофиқ жавобгарликка тортилади.
Шартномалар, импорт контрактлари ва уларга қўшимча келишувлар лойиҳаларини экспертизадан ўтказиш ва рўйхатга олиш тартиби тўғрисидаги низомга
1-ИЛОВА
1-ИЛОВА
Олдинги таҳрирга қаранг.
«Лойиҳалар ва харидлар самарадорлигини ошириш маркази» ДМга | |||
20____ йил «____»_________________-сон | |||
АРИЗА | |||
Сиздан______________________________________ (ташкилотнинг тўлиқ номи, мамлакати) билан _____________________________________ (ташкилотнинг тўлиқ номи, мамлакати) ўртасида _________________________________________________________ (товар, ишлар, хизматлар номланиши) етказиб бериш бўйича тузиладиган шартнома/импорт контракти/қўшимча келишув лойиҳаси бўйича хулоса беришингизни сўраймиз. Ушбу шартнома/импорт контракти/қўшимча келишув __________________(Ўзбекистон Республикаси Президенти ва/ёки Ҳукумати қарори ҳамда унинг тегишли банди кўрсатилади) асосида тўғридан-тўғри тузилмоқда. | |||
Шартнома/импорт контракти/қўшимча келишув лойиҳасининг умумий қиймати __________________. | |||
Шартнома/импорт контрактига қўшимча келишув лойиҳаси асосида киритилаётган ўзгартиришлар _______________________________. (қўшимча келишув киритилаётган ҳолатларда) | |||
Шартнома/импорт контракти/қўшимча келишув лойиҳаси бўйича молиялаштириш манбалари (қуйидагилардан бири кўрсатилади): | |||
ўз маблағлари; бюджет маблағлари; кредитлар (қарзлар); бошқа манбалар (кўрсатиб ўтилади). | |||
Шартнома/импорт контракти/қўшимча келишув лойиҳасини экспертизадан ўтказганлик учун тўловни амалга оширишга кафолат берамиз. | |||
Аризачининг почта манзили (жойлашган жойи) ____________________________________________________; | |||
Аризачининг банк реквизитлари _________________________________________ ____; | |||
Аризачи билан боғланиш учун алоқа рақамлари __________________________; | |||
Аризага қуйидаги ҳужжатлар илова қилинади (низом талабларига мувофиқ): __________ | |||
Аризачи | ________________ | Ф.И.Ш. | ________________ |
М. Ў. | |||
(1-илова Ўзбекистон Республикаси Президентининг 2026 йил 13 мартдаги ПҚ-104-сонли қарори таҳририда — Қонунчилик маълумотлари миллий базаси, 16.03.2026 й., 07/26/104/0241-сон)
Шартномалар, импорт контрактлари ва уларга қўшимча келишувлар лойиҳаларини экспертизадан ўтказиш ва рўйхатга олиш тартиби тўғрисидаги низомга
2-ИЛОВА
2-ИЛОВА
Шартномалар, импорт контрактлари ва/ёки уларга қўшимча келишувлар лойиҳаларини экспертизадан ўтказиш ва рўйхатга олиш
СХЕМАСИ
|
|
Босқичлар |
Иштирокчилар |
Чора-тадбирлар |
Ижро муддатлари | |||||
|
1-босқич |
Буюртмачи |
Ҳужжатлар тўпламини тайёрлаш ва Марказга юбориш. |
Заруратга кўра | ||||||
|
2-босқич |
Марказ |
Тақдим этилган ҳужжатларнинг тўлиқлигини ўрганиш ҳамда «Янги сўровнома» ҳолатини «Тўлов кутилмоқда» ёки «Кўриб чиқилмоқда» ёхуд «Рад этиш» ҳолатларига ўзгартириш. |
5 (беш) иш куни ичида | ||||||
|
3-босқич |
Буюртмачи |
Кўрсатиладиган экспертиза хизматлари учун қонунчиликка мувофиқ тўловни амалга ошириш. |
5 (беш) иш куни ичида | ||||||
|
4-босқич |
Марказ |
«Кўриб чиқилмоқда» ҳолатидаги сўровномалар асосида шартномалар, импорт контрактлари ва уларга қўшимча келишувлар лойиҳаларини комплекс экспертизадан ўтказиш. |
20 (йигирма) иш куни ичида | ||||||
|
|
|||||||||
|
АГАР ЭЪТИРОЗЛАР БЎЛСА |
Шартномалар, импорт контрактлари ва уларга қўшимча келишувлар лойиҳаларининг комплекс экспертизаси якунларига кўра |
||||||||
|
АГАР ЭЪТИРОЗЛАР БЎЛМАСА |
|||||||||
|
|
|
|
|
|
|
|
| ||
|
|
|
|
|
|
|
|
|
|
|
|
5-босқич |
Марказ |
Шартномалар, импорт контрактлари ва уларга қўшимча келишувлар лойиҳалари бўйича эътирозлар йўқлиги тўғрисидаги хатни буюртмачига юбориш. |
- | ||||||
|
6-босқич |
Буюртмачи |
Шартнома, импорт контракти ва/ёки қўшимча келишувни ўрнатилган тартибда томонлар имзоси қўйилган ва расмийлаштирилган ҳолда асл нусхасини ва уларнинг аввал Марказда экспертизадан ўтказилган лойиҳалари нусхаларини кузатув хати билан Марказга киритади. |
Марказнинг эътирозлар йўқлиги ҳақидаги хатини олгандан сўнг бир ой муддат ичида | ||||||
|
7-босқич |
Марказ |
Шартнома, импорт контракти ва/ёки қўшимча келишув Марказ томонидан рўйхатга олинади ва мазкур Низомнинг 3-иловасига мувофиқ шаклда хулоса ҳужжатларнинг асл нусхалари билан берилади. |
5 (беш) иш куни ичида | ||||||
|
8-босқич |
Марказ |
Шартномалар, импорт контрактлари ва уларга қўшимча келишувлар лойиҳалари бўйича эътирозлар кўрсатилган хулосани буюртмачига қайта ишлаш учун юбориш. |
- | ||||||
|
9-босқич |
Буюртмачи |
Эътирозларни ҳисобга олган ҳолда шартномалар, импорт контрактлари ва уларга қўшимча келишувлар лойиҳаларини қайта ишлаб чиқиш ва уни такроран кўриб чиқиш учун юбориш. |
6 (олти) ой ичида* | ||||||
|
10-босқич |
Марказ |
1. Билдирилган эътирозлар ва камчиликларни бартараф этилгани нуқтаи назаридан қайта кўриб чиқиш. 2. Эътирозлар ва камчиликлар бартараф этилган тақдирда шартномалар, импорт контрактлари ва уларга қўшимча келишувлар лойиҳалари бўйича эътирозлар йўқлиги тўғрисидаги хатни буюртмачига юбориш. |
5 (беш) иш куни ичида | ||||||
|
11-босқич |
Буюртмачи |
Шартнома, импорт контракти ва/ёки қўшимча келишувни ўрнатилган тартибда томонлар имзоси қўйилган ва расмийлаштирилган ҳолда асл нусхасини ва уларнинг аввал Марказда экспертизадан ўтказилган лойиҳалари нусхаларини кузатув хати билан Марказга киритади. |
Марказнинг эътирозлар йўқлиги ҳақидаги хатини олгандан сўнг бир ой муддат ичида | ||||||
|
12-босқич |
Марказ |
Шартнома, импорт контракти ва/ёки қўшимча келишув Марказ томонидан рўйхатга олинади ва мазкур Низомнинг 3-иловасига мувофиқ шаклда хулоса ҳужжатларнинг асл нусхалари билан берилади. |
5 (беш) иш куни ичида | ||||||
* Шартномалар, импорт контрактлари ва уларга қўшимча келишувлар лойиҳалари 6 (олти) ой муддат ўтгандан кейин қайта киритилганда, янги ҳужжат ҳисобланади.
Шартномалар, импорт контрактлари ва уларга қўшимча келишувлар лойиҳаларини экспертизадан ўтказиш ва рўйхатга олиш тартиби тўғрисидаги низомга
3-ИЛОВА
3-ИЛОВА
|
Шартнома/импорт контракти/қўшимча келишув лойиҳаларини экспертизадан ўтказиш |
|
Buyurtmachi/Заказчик |
|
Shartnoma mazmuni/Описание контракта |
|
Shartnoma raqami va sanasi/Номер и дата контракта |
|
Shartnoma umumiy summasi/Общая сумма контракта |
|
Kontraktor va mamlakat/Контрактор и страна |
|
Moliyalashtirish manbai/Источник финансирования |
|
Imzolar/Подписи |
Ўзбекистон Республикаси Президентининг 2022 йил 25 июлдаги ПҚ-332-сон қарорига
4-ИЛОВА
4-ИЛОВА
Лойиҳаларнинг техник-иқтисодий асоси ва техник-иқтисодий ҳисоб-китобини, давлат харидига доир тендер бўйича харид ҳужжатлари ва техник топшириқларни комплекс экспертизадан ўтказиш хизмати қийматини аниқлаш тартиби бўйича
ЙЎРИҚНОМА
Ушбу Йўриқнома лойиҳаларнинг техник-иқтисодий асоси ва техник-иқтисодий ҳисоб-китобини (кейинги ўринларда — ТИА/ТИҲК), давлат харидига доир тендер бўйича харид ҳужжатлари ва техник топшириқларни комплекс экспертизадан ўтказиш бўйича кўрсатилган хизматлар қийматини аниқлаш тартибини белгилайди.
I. Лойиҳаларнинг ТИА/ТИҲКни комплекс экспертизадан ўтказиш бўйича кўрсатилган хизматларнинг қийматини аниқлаш тартиби
Лойиҳаларнинг ТИА/ТИҲКни комплекс экспертизадан ўтказиш бўйича кўрсатилган хизматларнинг қийматини аниқлашда лойиҳанинг умумий суммаси асос сифатида олинади.
1. Лойиҳаларнинг ТИАни комплекс экспертизадан ўтказиш бўйича кўрсатилган хизматлар қиймати лойиҳа умумий суммасининг 0,03 фоизи миқдорида, бироқ эквиваленти 4 минг АҚШ долларидан кам бўлмаган ва 50 минг АҚШ долларидан кўп бўлмаган миқдорда ҳисобланади. Бунда, қўшилган қиймат солиғи (кейинги ўринларда — ҚҚС) алоҳида қўшилган ҳолда ундирилади.
Лойиҳанинг ТИАни комплекс экспертизадан ўтказиш бўйича кўрсатилган хизматлар қиймати қуйидаги формула бўйича ҳисобланади:
Ц тиа. экс=Ц уқ*0,03%, бу ерда:
Ц тиа. экс — лойиҳанинг ТИАни комплекс экспертизадан ўтказиш бўйича кўрсатилган хизматлар қиймати;
Ц уқ — Марказга экспертизадан ўтказиш учун киритилган лойиҳанинг ТИАда кўрсатилган, барча сарфларни (шу жумладан солиқларни) ҳисобга олган ҳолда шакллантирилган умумий суммаси.
2. Лойиҳаларнинг ТИҲКни комплекс экспертизадан ўтказиш бўйича кўрсатилган хизматлар қиймати ушбу Йўриқноманинг 1-бандида кўрсатилган тўлов суммасининг 50 фоизи миқдорида ҳисобланади. Бунда:
кўрсатилган хизматлар қиймати эквивалентда 2 минг АҚШ долларидан кам ва 25 минг АҚШ долларидан кўп бўлиши мумкин эмас;
ҚҚС алоҳида қўшилган ҳолда ундирилади.
Лойиҳанинг ТИҲКни комплекс экспертизадан ўтказиш бўйича кўрсатилган хизматлар қиймати қуйидаги формула бўйича ҳисобланади:
Ц тиҳк. экс=Ц уқ*Ктиҳк* 0,03%, бу ерда:
Ц тиҳк.экс — лойиҳанинг ТИҲКни комплекс экспертизадан ўтказиш бўйича кўрсатилган хизматлар қиймати;
Ц уқ — Марказга экспертизадан ўтказиш учун киритилган лойиҳанинг ТИҲКда кўрсатилган, барча сарфларни (шу жумладан солиқларни) ҳисобга олган ҳолда шакллантирилган умумий суммаси;
Ктиҳк — ТИҲК таркибини ҳисобга олувчи камайтирувчи коэффициент (Ктиҳк = 0,5).
3. Кўрсатилган хизматлар қийматини миллий валютада аниқлаш мақсадида шартнома бўйича хизматлар учун тўлов варақаси тақдим этилган санадаги чет эл валютасининг Ўзбекистон Республикаси Марказий банки томонидан миллий валютага нисбатан белгиланган курс қўлланилади.
II. Лойиҳаларнинг лойиҳаолди ҳужжатларини комплекс экспертизадан ўтказиш бўйича кўрсатилган хизматларнинг қийматини аниқлашга доир мисоллар
4. Лойиҳаларнинг ТИАни комплекс экспертизадан ўтказиш бўйича кўрсатилган хизматлар қийматини аниқлаш.
Лойиҳа: «Сурхондарё вилояти Тўпаланг дарёсида Зарчоб 3-КГЭСни қуриш».
Лойиҳаолди ҳужжати: лойиҳанинг техник-иқтисодий асоси (ТИА).
1-ҳолат. Лойиҳанинг умумий суммаси барча сарфларни (шу жумладан солиқларни) ҳисобга олган ҳолда эквивалентда 30 760,0 минг АҚШ долларини ташкил этади.
Лойиҳанинг ТИАни комплекс экспертизадан ўтказиш бўйича кўрсатилган хизматлар қиймати ҳисоб-китоби:
Ц тиа экс= экв. 30 760,0 минг АҚШ доллари*0,03% = 9,228 минг АҚШ доллари (ҚҚС ҳисобга олинмаган ҳолда).
Бунда, кўрсатилган хизматлар қиймати ҚҚСни (15% ставкада) ҳисобга олган ҳолда эквивалентда 10,612 минг АҚШ долларини ташкил этади.
2-ҳолат. Лойиҳанинг умумий қиймати барча сарфларни (шу жумладан солиқларни) ҳисобга олган ҳолда эквивалентда 170 000,0 минг АҚШ долларини ташкил этади.
Лойиҳанинг ТИАни комплекс экспертизадан ўтказиш бўйича кўрсатилган хизматлар қиймати ҳисоб-китоби:
Ц тиа. экс= экв. 170 000,0 минг АҚШ доллари*0,03% = 51,0 минг АҚШ доллари (ҚҚС ҳисобга олинмаган ҳолда).
Кўрсатилган хизматларнинг ҳисобланган қиймати эквивалентда 51,0 минг АҚШ долларини ташкил этганлиги учун (50,0 минг АҚШ долларидан кўп бўлгани учун), ушбу қиймат ҚҚСни ҳисобга олмаган ҳолда эквивалентда 50 минг АҚШ долларигача камайтирилади. Бунда, кўрсатилган хизматлар қиймати ҚҚСни (15 % ставкада) ҳисобга олган ҳолда эквивалентда 57,5 минг АҚШ долларини ташкил этади.
5. Лойиҳанинг ТИҲКни комплекс экспертизадан ўтказиш бўйича кўрсатилган хизматлар қийматини аниқлаш.
Лойиҳа: «Сурхондарё вилояти телерадиокомпаниясини замонавий студия комплекси ва кўчма телевизион станция билан жиҳозлаш».
Лойиҳаолди ҳужжати: лойиҳанинг техник-иқтисодий ҳисоб-китоби (ТИҲК).
1-ҳолат. Лойиҳанинг умумий суммаси барча сарфларни (шу жумладан солиқларни) ҳисобга олган ҳолда эквивалентда 20 000,0 минг АҚШ долларини ташкил этади.
Лойиҳанинг ТИҲКни комплекс экспертизадан ўтказиш бўйича кўрсатилган хизматлар қиймати ҳисоб-китоби:
Ц тиҳк. экс= экв. 20 000,0 минг АҚШ доллари*0,5*0,03% = 3,0 минг АҚШ доллари (ҚҚС ҳисобга олинмаган ҳолда).
Бунда кўрсатилган хизматлар қиймати ҚҚСни (15% ставкада) ҳисобга олган ҳолда эквивалентда 3,45 минг АҚШ долларини ташкил этади.
2-ҳолат. Лойиҳанинг умумий суммаси барча сарфларни (шу жумладан солиқларни) ҳисобга олган ҳолда эквивалентда 200 000,0 минг АҚШ долларини ташкил этади.
Лойиҳанинг ТИҲКни комплекс экспертизадан ўтказиш бўйича кўрсатилган хизматлар қиймати ҳисоб-китоби:
Ц тиҳк. экс= экв. 200 000,0 минг АҚШ доллари*0,5*0,03% = 30,0 минг АҚШ доллари (ҚҚС ҳисобга олинмаган ҳолда).
Кўрсатилган хизматларнинг ҳисобланган қиймати эквивалентда 30,0 минг АҚШ долларини ташкил этганлиги учун (25,0 минг АҚШ долларидан кўп бўлгани учун), ушбу қиймат ҚҚСни ҳисобга олмаган ҳолда эквивалентда 25 минг АҚШ долларигача камайтирилади. Бунда ҚҚСни ҳисобга олган ҳолда кўрсатилган хизматлар қиймати (15 % ставкада) эквивалентда 28,75 минг АҚШ долларини ташкил этади.
III. Товарларнинг (ишларнинг, хизматларнинг) давлат харидига доир тендер бўйича харид ҳужжатлари, техник топшириқлар, контрактлар, импорт контрактлари ва уларга қўшимча келишувлар лойиҳаларини комплекс экспертизадан ўтказиш хизматининг қийматини аниқлаш тартиби
6. Давлат харидига доир тендер бўйича харид ҳужжатларини (кейинги ўринларда — тендер ҳужжатлари), техник топшириқларни ва контрактларни, импорт контрактларини ва уларга қўшимча келишувлар лойиҳаларини (контракт ва импорт контрактлари қиймати оширилганда) комплекс экспертизадан ўтказиш учун тўловлар (тендер ҳужжатлари ва техник топшириқлар бўйича — ҳар бир лотнинг бошланғич нархидан, қўшимча келишувлар бўйича — қўшимча келишув суммасидан келиб чиққан ҳолда) харид предмети нархининг ҚҚСни инобатга олмаган ҳолда 0,1 фоизи миқдорида, бироқ базавий ҳисоблаш миқдорининг 100 бараваридан ортиқ бўлмаган миқдорда ҳисобланиб, ушбу миқдорга ҚҚС алоҳида қўшилган ҳолда ундирилади.
7. Товарларнинг (ишларнинг, хизматларнинг) давлат хариди учун тендер ҳужжатлари ва техник топшириқларни комплекс экспертизадан ўтказиш бўйича хизматлар қиймати қуйидаги формула бўйича аниқланади:
Ц тендер тт экс.= Ц хр*0,1 %*ҚҚС ставкаси
бунда:
Ц тендер тт экс. — тендер ҳужжатлари ва техник топшириқларни комплекс экспертизадан ўтказиш бўйича хизматларнинг қиймати (ҚҚС билан);
Ц хр — хариднинг ҚҚС ҳисобга олинмаган қиймати.
IV. Товарларнинг (ишларнинг, хизматларнинг) давлат харидига доир тендер ҳужжатлари ёки техник топшириқларни комплекс экспертизадан ўтказиш хизматининг қийматини аниқлашга доир мисоллар
8. Давлат буюртмачиси томонидан «Мебель ва компьютер техникасини харид қилиш» тендери бўйича харид қилиниши режалаштирилган товарларнинг бошланғич нархи (ҚҚС билан) жами 92 000,0 млн сўмни, бунда хариднинг 1-лот «Мебель харид қилиш» қиймати 23 000,0 млн сўмни ва 2-лот «Компьютер техникасини харид қилиш» қиймати 69 000,0 млн сўмни ташкил этади. Бундай ҳолатда харид қилиш тартиб-таомили шартларига кўра ғолиб ҳар бир товар учун алоҳида-алоҳида аниқланади ва тендер ҳужжатларини (ёки техник топшириқларни) комплекс экспертизадан ўтказиш хизматининг қиймати қуйидагича аниқланади:
а) «Мебель ва компьютер техникасини харид қилиш» тендери бўйича харид ҳужжатларига мувофиқ 1-лот «Мебель харид қилиш» қиймати ҚҚСни ҳисобга олган ҳолда 23 000,0 млн сўмни ташкил этади.
Ц хр = 23 000,0 млн сўм / 1,15 = 20 000,0 млн сўм;
Ц экс. тендер, тт = 20 000,0 млн сўм *0,1 % = 20,0 млн сўм (ҚҚС ҳисобга олинмаган ҳолда).
Бунда хизматларнинг ҚҚС (15% ставкада) ҳисобга олинган қиймати 23,0 млн сўмни ташкил этади.
б) «Мебель ва компьютер техникасини харид қилиш» тендери бўйича харид ҳужжатларига мувофиқ 2-лот «Компьютер техникасини харид қилиш» қиймати ҚҚСни ҳисобга олган ҳолда 69 000,0 млн сўмни ташкил этади.
Цхр = 69 000,0 млн сўм / 1,15 = 60 000,0 млн сўм;
Ц тендер тт экс. =60 000,0 млн сўм *0,1 % = 60,0 млн сўм (ҚҚС ҳисобга олинмаган ҳолда).
Бунда кўрсатилган хизматларнинг ҳисобланган қиймати 60,0 млн сўмни ташкил этгани учун (базавий ҳисоблаш миқдоринг 100 бараваридан кўп бўлган учун), ушбу қиймат ҚҚСни ҳисобга олмаган ҳолда, базавий ҳисоблаш миқдорининг 100 баравари миқдоригача, яъни 30,0 млн сўмгача камайтирилади.
Бунда кўрсатилган хизматлар қиймати ҚҚСни (15 % ставкада) ҳисобга олган ҳолда 34,5 млн сўм миқдорида ундирилади.
Ўзбекистон Республикаси Президентининг 2022 йил 25 июлдаги ПҚ-332-сон қарорига
5-ИЛОВА
5-ИЛОВА
Ўзбекистон Республикаси Президентининг ўз кучини йўқотган деб эътироф этилаётган айрим қарорлари
РЎЙХАТИ
1. Ўзбекистон Республикаси Президентининг 2018 йил 20 февралдаги «Лойиҳаолди, лойиҳа, тендер ҳужжатлари ва контрактларни экспертизадан ўтказиш тартибини такомиллаштириш чора-тадбирлари тўғрисида»ги ПҚ-3550-сон қарори.
3. Ўзбекистон Республикаси Президентининг 2018 йил 19 июлдаги «2018-2019 йилларда инвестициявий ва инфратузилмавий лойиҳаларни амалга оширишни жадаллаштиришга оид қўшимча чора-тадбирлар тўғрисида»ги ПҚ-3874-сон қарорининг 12-банди ва қарорга 9-илова.
4. Ўзбекистон Республикаси Президентининг 2019 йил 22 октябрдаги «Давлат томонидан товарлар (ишлар, хизматлар) харид қилиш учун тендер ҳужжатларини ва техник вазифаларни комплекс экспертизадан ўтказиш тартиби тўғрисидаги низомга қўшимча киритиш тўғрисида»ги ПҚ-4493-сон қарори.
5. Ўзбекистон Республикаси Президентининг 2020 йил 15 апрелдаги «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида»ги ПҚ-4678-сон қарорига илованинг 2-банди.
(Қонунчилик маълумотлари миллий базаси, 26.07.2022 й., 07/22/332/0677-сон; 19.12.2023 й., 07/23/397/0948-сон; 03.05.2024 й., 06/24/71/0322-сон; 22.04.2025 й., 07/25/147/0367-сон; 27.12.2025 й., 06/25/259/1224-сон; 13.02.2026 й., 07/25/59/0135-сон; 16.03.2026 й., 07/26/104/0241-сон)
