Ҳужжат кучини йўқотган " " 07.01.2013
Ўзбекистон Республикаси Вазирлар Маҳкамасининг
қарори
Олдинги таҳрирга қаранг.
Деҳқон ва фермер хўжаликларини қўллаб-қувватлаш жамғармаси ТЎҒРИСИДАГИ НИЗОМНИ ҲАМДА УНИНГ МАБЛАҒЛАРИНИ ЖАМҒАРИШ ВА УЛАРДАН ФОЙДАЛАНИШ ТАРТИБИНИ ТАСДИҚЛАШ ҲАҚИДА
(қарорнинг номи Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2012 йил 29 декабрдаги 369-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистонда фермерлик фаолиятини ташкил қилишни янада такомиллаштириш ва уни ривожлантириш чора-тадбирлари тўғрисида» 2012 йил 22 октябрдаги ПФ-4478-сон Фармони)» қарорига асосан ўз кучини йўқотган.
Ўзбекистон Республикаси Президентининг «Шахсий ёрдамчи ва деҳқон хўжаликларини давлат йўли билан қўллаб-қувватлаш ҳамда мамлакатни озиқ-овқат билан таъминлашда уларнинг ролини кучайтириш борасидаги чора-тадбирлар тўғрисида» 1997 йил 18 мартдаги Фармонининг 4-бандини бажариш мақсадида Вазирлар Маҳкамаси қарор қилади:
1. Қуйидагилар:
Олдинги таҳрирга қаранг.
Деҳқон ва фермер хўжаликларини қўллаб-қувватлаш жамғармаси тўғрисида Низом 1-иловага мувофиқ;
(1-банднинг иккинчи хатбошиси Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
Олдинги таҳрирга қаранг.
Деҳқон ва фермер хўжаликларини қўллаб-қувватлаш жамғармаси маблағларини жамғариш ва улардан фойдаланиш тартиби 2-иловага мувофиқ тасдиқлансин.
(1-банднинг учинчи хатбошиси Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
Олдинги таҳрирга қаранг.
2. Деҳқон ва фермер хўжаликларини қўллаб-қувватлаш жамғармаси ижро этувчи аппарати тузилмасига 3-иловага мувофиқ розилик берилсин.
(2-банд Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
Олдинги таҳрирга қаранг.
3. Тошкент шаҳар ҳокимлиги Деҳқон ва фермер хўжаликларини қўллаб-қувватлаш жамғармаси ижро этувчи аппаратини Тошкент шаҳри, А.Қодиров кўчаси, 5а-уйга жойлаштирсин.
(3-банд Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
4. Ўзбекистон почта ва телекоммуникациялар агентлиги Жамғармани буюртманомасига мувофиқ алоқа, шу жумладан ҳукумат алоқа воситалари билан таъминласин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари М.З. Усмонов ва А.И. Муҳитдинов зиммасига юклансин.
Ўзбекистон Республикаси Бош вазири Ў. СУЛТОНОВ
Тошкент ш.,
1997 йил 25 октябрь,
486-сон
Вазирлар Маҳкамасининг 1997 йил 25 октябрдаги 486-сон қарорига
1-ИЛОВА
Олдинги таҳрирга қаранг.
Деҳқон ва фермер хўжаликларини қўллаб-қувватлаш жамғармаси тўғрисида
(1-илованинг номи Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
НИЗОМ
I. Умумий қоидалар
Ушбу Низом Ўзбекистон Республикаси Президентининг «Шахсий ёрдамчи ва деҳқон хўжаликларини давлат йўли билан қўллаб-қувватлаш ҳамда мамлакатни озиқ-овқат билан таъминлашда уларнинг ролини кучайтириш борасидаги чора-тадбирлар тўғрисида» 1997 йил 18 мартдаги 1737-сон Фармонининг 4-бандига мувофиқ ишлаб чиқилган.
Олдинги таҳрирга қаранг.
Деҳқон ва фермер хўжаликларини қўллаб-қувватлаш жамғармаси (бундан кейин Жамғарма деб аталади) Деҳқон ва фермер хўжаликлари уюшмаси аъзоларини қўллаб-қувватлаш ҳамда уларга молиявий ёрдам кўрсатиш мақсадида ташкил этилган.
(I бўлимнинг иккинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Жамғарма ўз фаолиятида Ўзбекистон Республикаси Конституциясига, Ўзбекистон Республикасининг қонунларига ва бошқа қонун ҳужжатларига, Ўзбекистон Республикаси Президентининг фармонлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига ҳамда ушбу Низомга амал қилади.
Жамғарма юридик шахс ҳисобланади, ўз балансига, миллий ва хорижий валютадаги ҳисоб-китоб ва бошқа банк счётларига, ўз рамзи тасвирланган ва номи ёзилган муҳрга, штамплар, бланклар ҳамда бошқа атрибутларга эга бўлади.
Жамғармани тугатиш ва қайта ташкил қилиш Ўзбекистон Республикасининг қонун ҳужжатларига мувофиқ амалга оширилади.
Жамғарма ўз мажбуриятлари бўйича ўзининг барча активлари билан жавоб беради.
Жамғарма маблағлари ушбу Низомда назарда тутилган мақсад ва вазифаларни бажаришга йўналтирилади.
II. Жамғарма маблағларини шакллантириш манбалари
Қуйидагилар Жамғарма маблағларини шакллантириш манбалари ҳисобланади:
Ким ошди савдосида ер майдонларини фуқароларнинг меросга қолдириладиган умрбод эгалик қилишлари учун сотишдан олинадиган тушумнинг 5,5 фоизи;
Олдинги таҳрирга қаранг.
деҳқон хўжаликларидан ундириладиган ер солиғи суммасининг 5 фоизи ва фермер хўжаликларидан ундириладиган ягона ер солиғи суммасининг 2,5 фоизи;
(II бўлимнинг учинчи хатбошиси Ўзбекистон Республикаси Вазирлар Маҳкамасининг 2001 йил 10 сентябрдаги 366-сонли қарори таҳририда — ЎР ҚҲТ, 2001 й., 17-сон, 126-модда)
Ўзбекистон Республикаси резидентлари бўлган юридик шахслар, шунингдек хорижий юридик шахслар ва халқаро молия ташкилотларининг маблағлари;
Жамғармага бир йўла бериладиган 500 млн. сўм миқдоридаги, шу жумладан Ўзбекистон Республикаси Давлат мулки қўмитаси маблағлари ҳисобидан — 200 млн. сўм, Меҳнат вазирлиги маблағлари ҳисобидан — 50 млн. сўм, Вазирлар Маҳкамасининг захира жамғармасидан — 250 млн. сўм миқдоридаги молиявий ёрдам;
Жамғарманинг вақтинчалик бўш маблағларини банк депозитлари шаклида ёки Ўзбекистон Республикаси Молия вазирлигининг тавсияси бўйича, Ўзбекистон Республикасининг амалдаги қонунчилигига мувофиқ бошқа шаклларда жойлаштиришдан олинадиган даромадлар.
III. Жамғарманинг вазифалари ва фаолиятининг асосий йўналишлари
Қуйидагилар Жамғарманинг вазифалари ва фаолиятининг асосий йўналишлари ҳисобланади:
Олдинги таҳрирга қаранг.
улар томонидан кредитни тўлашнинг зарур гаров, суғурта ва бошқа кафолатлари таъминланган ҳолда, шахсий деҳқон ва фермер хўжаликларининг эгаларига имтиёзли кредитлар бериш;
(III бўлимнинг иккинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
мазкур хўжаликларга агротехника, транспорт ва зооветеринария хизмати кўрсатиш бўйича Уюшма барпо этадиган инфратузилма объектларини, қишлоқ хўжалиги маҳсулотларини қайта ишлаш ва сотиш бўйича кичик корхоналарни лойиҳалаш ҳамда қуриш;
Олдинги таҳрирга қаранг.
Деҳқон ва фермер хўжаликлари уюшмаси таркибига кирувчи ташкил қилинадиган кичик корхоналарни, қайтариш асосида, айланма маблағлар билан таъминлаш;
(III бўлимнинг тўртинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Олдинги таҳрирга қаранг.
деҳқон ва фермер хўжаликларини ривожлантириш ва такомиллаштиришга инвестицияларни, шу жумладан хорижий инвестицияларни жалб этиш учун шароитлар яратиш;
(III бўлимнинг бешинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
маҳсулот ишлаб чиқариш ва хизматлар кўрсатишнинг янги турларини ишлаб чиқиш ва ишлаб чиқаришга жорий этиш билан боғлиқ дастурларни маблағ билан таъминлаш;
Олдинги таҳрирга қаранг.
Деҳқон ва фермер хўжаликлари уюшмаси аъзоларига маслаҳат ҳамда ахборот хизматлари кўрсатиш;
(III бўлимнинг еттинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Олдинги таҳрирга қаранг.
фаолиятнинг ҳар хил турлари бўйича деҳқон ва фермер хўжаликлари соҳаси ходимларини тайёрлаш ҳамда тайёрлаш тизимини яратиш ва ривожлантиришда қатнашиш;
(III бўлимнинг саккизинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Олдинги таҳрирга қаранг.
деҳқон ва фермер хўжаликлар муаммолари бўйича конференциялар, семинарлар ўтказишга доир тадбирларни молиявий қўллаб-қувватлаш.
(III бўлимнинг тўққизинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Олдинги таҳрирга қаранг.
хорижий микрокредитлар олиш шарт-шароитларини таъминлаш учун уларнинг гаровга қўйиладиган мол-мулки етишмаган тақдирда деҳқон ва фермер хўжаликлари устав жамғармаларини шакллантиришга улуш қўшиш.
(III бўлим Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарорига асосан хатбоши билан тўлдирилган)
Олдинги таҳрирга қаранг.
янгидан ташкил этилган деҳқон ва фермер хўжаликларининг дастлабки (бошланғич) сармоясини шакллантириш учун уларга 3 йилгача муддатга кредитлар ажратиш.
(III бўлим Ўзбекистон Республикаси Вазирлар Маҳкамасининг 2001 йил 10 сентябрдаги 366-сонли қарорига асосан хатбоши билан тўлдирилган — ЎР ҚҲТ, 2001 й., 17-сон, 126-модда)
IV. Жамғарманинг ҳуқуқлари
Жамғарма ўз вазифаларни бажариш учун қуйидаги ҳуқуқларга эгадир:
Ушбу Низомнинг II қисмида белгиланган манбалардан тушадиган маблағларни ўзининг банк счётларида жамғариш;
Олдинги таҳрирга қаранг.
ўз маблағларидан деҳқон ва фермер хўжаликларига агротехника, транспорт ва зооветеринария хизмати кўрсатиш бўйича Уюшма барпо этадиган инфратузилма объектларини, қишлоқ хўжалиги маҳсулотларини қайта ишлаш ва сотиш бўйича кичик корхоналарни лойиҳалаш ҳамда қуришда фойдаланиш;
(IV-бўлимнинг учинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Олдинги таҳрирга қаранг.
ўз маблағларидан деҳқон ва фермер хўжаликларини қўллаб-қувватлаш ҳамда ривожлантириш бўйича дастурларни маблағ билан таъминлашда фойдаланиш;
(IV-бўлимнинг тўртинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Олдинги таҳрирга қаранг.
деҳқон ва фермер хўжаликлари эгаларига, улар томонидан тижорат банклари орқали кредитни тўлашнинг зарур кафолатлари таъминланган, кредитларни банклар балансида акс эттирган ҳолда, имтиёзли кредит бериш;
(IV-бўлимнинг бешинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Олдинги таҳрирга қаранг.
Деҳқон ва фермер хўжаликлари уюшмаси таркибига кирувчи кичик корхоналарни, қайтариш асосида, айланма маблағлар билан таъминлаш;
(IV-бўлимнинг олтинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Жамғарма томонидан ажратиладиган маблағлардан белгиланган мақсадда фойдаланилишини назорат қилиш, қоида бузишлар аниқланган тақдирда маблағ билан таъминлашни тўхтатиб қўйиш ёки ажратилган маблағларни қайтариб олиш;
маблағларни НИОКР, конференциялар, семинарлар, Уюшма аъзоларининг реклама-ноширлик фаолиятига сарфлаш;
Жамғарма Кенгаши билан келишган ҳолда:
Уюшма аъзолари фойдасига Жамғарма томонидан берилган кафолатлар ва кафилликларни таъминлаш сифатида маблағларни тижорат банклари счётларига депонентга қўйиш;
вақтинчалик бўш маблағларни қисқа муддатли ликвидли молиявий воситаларга жойлаштириш (депозитлар, қарз қимматли қоғозлар ва шу кабилар).
Жамғарма фақат Уюшмага ҳамда унинг аъзоларига ва фақат банклар балансида акс эттирган ҳолда, тўлов муддатини кечиктириш ҳуқуқсиз, фақат хизмат кўрсатувчи банклар орқали ва кўпи билан 3 йил муддатга кредитлар беришга ҳақлидир.
Олдинги таҳрирга қаранг.
Жамғарма савдо-воситачилик, лизинг, траст, ипотека операцияларини амалга ошириш, қарз маблағларни жалб этиш, шуъба корхоналарга эга бўлиш ёки уларни ташкил этиш, шунингдек бошқача тарзда ўзга юридик шахслар сармоясида қатнашиш ҳуқуқига эга эмас, мазкур Низомнинг III бўлимида назарда тутилган ҳолларда деҳқон ва фермер хўжаликларининг устав фондларини шакллантиришда улушли қатнашиш бундан мустасно.
(IV-бўлимнинг ўн учинчи хатбошиси Ўзбекистон Республикаси Вазирлар Маҳкамасининг 2001 йил 10 сентябрдаги 366-сонли қарори таҳририда — ЎР ҚҲТ, 2001 й., 17-сон, 126-модда)
Жамғарма маблағларини жойлаштириш ва сарфлаш бўйича барча операциялар Жамғарма Кенгаши билан келишилган ҳолда, Кенгаш тасдиқлаган Жамғарма даромадлари ва харажатлари сметаси (бюджети) доирасида амалга оширилади.
V. Жамғарманинг мажбуриятлари
Жамғарма қуйидагиларга мажбурдир:
ресурслардан самарали фойдаланишни таъминлаш;
Жамғарма маблағларидан белгиланган мақсадда фойдаланилишини назорат қилиш;
Олдинги таҳрирга қаранг.
деҳқон ва фермер хўжаликлари фаолиятини ривожлантиришга кўмаклашиш;
(V-бўлимнинг тўртинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
ҳар йили 1 декабрдан кечиктирмай, уни йил чоракли, шунингдек даромадлар ва харажатлар моддалари бўйича тақсимлаган ҳолда навбатдаги йилга ўз бюджетини тузиш ва уни тасдиқлаш учун Жамғарма Кенгашига киритиш;
Олдинги таҳрирга қаранг.
ҳар календарь чорак тугагандан сўнг 10 кун давомида Молия вазирлигига, Давлат мулки қўмитасига ва Деҳқон ва фермер хўжаликлари уюшмасига ўтган чорак учун молия-хўжалик фаолияти тўғрисида ҳисобот тақдим этиш;
(V-бўлимнинг олтинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
ҳар йили 1 февралдан кечиктирмай Ўзбекистон Республикаси Вазирлар Маҳкамасига ўтган давр учун Жамғарма фаолияти тўғрисида батафсил ҳисобот тақдим этиш.
VI. Жамғармани бошқариш
Олдинги таҳрирга қаранг.
Молия вазирлиги, Меҳнат ва аҳолини ижтимоий муҳофаза қилиш вазирлиги, Давлат мулки қўмитаси, Марказий банк ва Деҳқон ва фермер хўжаликлари уюшмаси раҳбарлари ўринбосарларидан ташкил топган ва Жамғарма Кенгаши Раиси бошчилик қиладиган Жамғарма Кенгаши Жамғармани бошқаришнинг юқори органи ҳисобланади.
(VI-бўлимнинг биринчи хатбошиси Ўзбекистон Республикаси Вазирлар Маҳкамасининг 2001 йил 6 апрелдаги 162-сонли қарори таҳририда — ЎР ҚҲТ, 2001 й., 7-сон, 36-модда)
Олдинги таҳрирга қаранг.
Деҳқон ва фермер хўжаликлари уюшмасининг раиси Жамғарма Кенгашининг раиси ҳисобланади.
(VI-бўлимнинг иккинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Жамғарма Кенгашининг раиси ва унинг аъзолари ўз мажбуриятларини жамоатчилик асосида бажарадилар.
Жамғарма Кенгаши:
Жамғарма маблағларидан фойдаланишнинг устувор йўналишлари ва шартларини белгилайди;
ҳар йили 25 декабргача Жамғарманинг келгуси йил учун даромадлар ва харажатлар сметаси (бюджет) ни тасдиқлайди. Жамғарма бюджети Молия вазирлигининг Жамғарма Кенгашидаги вакили билан келишилган ҳолдагина тасдиқланади;
Жамғарма аудиторини тасдиқлайди.
Олдинги таҳрирга қаранг.
Жамғарма маблағларининг белгиланган мақсадлар учун фойдаланилиши устидан назоратни Жамғарма Кенгаши ҳамда Деҳқон ва фермер хўжаликлари уюшмаси амалга оширади.
(VI-бўлимнинг саккизинчи хатбошиси Ўзбекистон Республикаси Вазирлар Маҳкамасининг 1998 йил 24 июлдаги 312-сонли қарори таҳририда)
Жамғарма фаолиятига жорий раҳбарликни ва жамғарма Кенгаши қарорларининг бажарилишини Жамғарма Кенгаши томонидан лавозимга тайинланадиган ва лавозимдан бўшатиладиган директор амалга оширади.
Жамғарма директори:
Жамғарманинг жорий фаолиятини ташкил этади ва Жамғармага юкланган вазифаларнинг бажарилиши учун жавоб беради;
давлат органлари, муассасалар ва корхоналар, юридик ва жисмоний шахслар, шу жумладан, хорижий юридик ва жисмоний шахслар, шунингдек, халқаро ташкилотларда Жамғарма номидан вакиллик қилади;
юридик ва жисмоний шахслар билан Жамғарма фаолиятига тегишли шартномалар тузади, Жамғарма номидан ишонч қоғозисиз ҳаракат қилади;
Жамғарманинг штатлар жадвалини, даромадлар ҳамда харажатлар сметасини тузади ва тасдиқлаш учун Жамғарма Кенгашига тақдим этади;
Жамғарманинг лавозим йўриқномаларини ва бошқа ички ҳужжатларини тасдиқлайди;
Жамғарма номидан даъволар билдиради;
Жамғарма ходимларини ишга қабул қилади ҳамда уларни бўшатади;
Жамғарма ходимлари томонидан бажарилиши мажбурий бўлган буйруқлар ва фармойишлар чиқаради;
мазкур Низомга ва амалдаги қонунчиликка мувофиқ бошқа масалалар юзасидан қарорлар қабул қилади.
Вазирлар Маҳкамасининг 1997 йил 25 октябрдаги 486-сон қарорига
2-ИЛОВА
Олдинги таҳрирга қаранг.
Деҳқон ва фермер хўжаликларини қўллаб-қувватлаш жамғармаси маблағларини жамғариш ва улардан фойдаланиш
(2-илованинг номи Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
тартиби
Олдинги таҳрирга қаранг.
1. Мазкур Тартиб Ўзбекистон Республикаси Президентининг «Шахсий ёрдамчи ва деҳқон хўжаликларини давлат йўли билан қўллаб-қувватлаш ҳамда мамлакатни озиқ-овқат билан таъминлашда уларнинг ролини кучайтириш борасидаги чора-тадбирлар тўғрисида» 1997 йил 18 мартдаги 1737-сон Фармонининг 4-бандига мувофиқ ишлаб чиқилган ҳамда Деҳқон ва фермер хўжаликларини қўллаб-қувватлаш жамғармаси (кейинги ўринларда Жамғарма деб аталади) маблағларини жамғариш ва улардан фойдаланиш тартибини белгилайди.
(1-банд Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
2. Жамғарма маблағлари қуйидагилар ҳисобига ташкил топади:
Кимошди савдосида ер майдонларини фуқароларнинг меросга қолдириладиган умрбод эгалик қилишлари учун сотишдан олинадиган тушумнинг 5,5 фоизи;
Олдинги таҳрирга қаранг.
деҳқон хўжаликларидан ундириладиган ер солиғи суммасининг 5 фоизи ва фермер хўжаликларидан ундириладиган ягона ер солиғи суммасининг 2,5 фоизи;
(2-банднинг учинчи хатбошиси Ўзбекистон Республикаси Вазирлар Маҳкамасининг 2001 йил 10 сентябрдаги 366-сонли қарори таҳририда — ЎР ҚҲТ, 2001 й., 17-сон, 126-модда)
Ўзбекистон Республикаси резидентлари бўлган юридик шахслар, шунингдек хорижий юридик шахслар ва халқаро молия ташкилотларининг маблағлари;
Жамғармага Ўзбекистон Республикаси Давлат мулки қўмитасининг 200 млн. сўм, Ўзбекистон Республикаси Меҳнат вазирлигининг 50 млн. сўм, Вазирлар Маҳкамасининг захира жамғармасидан 250 млн. сўм миқдорида текин ва бир йўла бериладиган молиявий ёрдам;
Жамғарманинг вақтинча бўш маблағларини жойлаштиришдан олинадиган даромадлар.
Олдинги таҳрирга қаранг.
3. Жамғарма маблағлари Ўзбекистон Республикаси Вазирлар Маҳкамасининг қарори билан тасдиқланган Деҳқон ва фермер хўжаликларини қўллаб-қувватлаш жамғармаси тўғрисидаги Низомда назарда тутилган мақсадларга тақсимланади ва фойдаланилади.
(3-банд Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
4. Жамғарма ихтиёрига тушувчи барча маблағлар Жамғарманинг махсус счётида жамланади.
5. Жамғармага мўлжалланган кимошди савдосида ер участкаларини фуқароларнинг меросга қолдириладиган умрбод эгалик қилишлари учун сотишдан олинадиган тушумнинг 5,5 фоизи, деҳқон хўжаликларидан ундириладиган ер солиғи суммаси маблағларининг 5 фоизи ва фермер хўжаликларидан ундириладиган ягона ер солиғининг 2,5 фоизи миқдоридаги маблағлар ўтказилиши, улар устидан назорат қилиш қуйидаги тартибда амалга оширилади:
Ўзбекистон Республикаси Давлат мулки қўмитаси кимошди савдосида ер участкаларини фуқароларнинг меросга қолдириладиган умрбод эгалик қилишлари учун сотишдан тушадиган маблағларнинг 5,5 фоизи миқдоридаги маблағларини ўтказиш тартиби ва шартлари тўғрисида Жамғарма билан шартнома тузади. Кўрсатиб ўтилган шартнома асосида Давлат мулки қўмитаси ва унинг ҳудудий бўлинмалари ҳар ойда ҳисобот ойи тамом бўлгандан кейинги ойнинг 10-кунигача 5,5 фоиз миқдоридаги маблағларни Жамғарманинг махсус ҳисоб рақамига ўтказадилар. Давлат мулки қўмитаси ва Жамғарма ўзаро ҳисоб-китоблар устидан назоратни таъминлаш мақсадида ҳар ойда Жамғармага ўтказилиши керак бўлган ва амалда ўтказилган маблағларни солиштиради.
Деҳқон хўжаликларидан ундириладиган ер солиғи ва фермер хўжаликларидан ундириладиган ягона ер солиғи миқдорини ҳисоблаб чиқиш ва ҳисоб-китоб қилиш тартиби солиқлар тўғрисидаги амалдаги қонунларга мувофиқ амалга оширилади;
Олдинги таҳрирга қаранг.
Солиқ тўловчи фермер хўжаликлари Жамғармага тўланиши керак бўлган маблағларни ягона ер солиғи тўлаш учун белгиланган тартибда ва муддатларда тўлайдилар. Улар давлат солиқ хизмати органларига тақдим этадиган ягона ер солиғи бўйича ҳисоб-китобларда Жамғармага бадал сифатида тўланиши керак бўлган 2,5 фоиз миқдоридаги маблағлар алоҳида сатрда акс эттирилади. Фермер хўжаликлари ягона ер солиғи жами суммасини битта тўлов топшириқномаси билан махсус транзит ҳисоб рақамига ўтказадилар.
(5-банднинг тўртинчи Ўзбекистон Республикаси Вазирлар Маҳкамасининг 2003 йил 13 февралдаги 76-сонли қарори таҳририда—ЎР ҚҲТ, 2003 й., 3-сон, 28-модда)
Олдинги таҳрирга қаранг.
Юридик шахс ҳисобланадиган солиқ тўловчи деҳқон хўжаликлари ер солиғини фермер хўжаликлари каби, маблағларни битта тўлов топшириқномаси билан махсус транзит ҳисоб рақамига ўтказган ҳолда тўлайдилар.
(5-банднинг бешинчи Ўзбекистон Республикаси Вазирлар Маҳкамасининг 2003 йил 13 февралдаги 76-сонли қарори таҳририда — ЎР ҚҲТ, 2003 й., 3-сон, 28-модда)
Олдинги таҳрирга қаранг.
Юридик шахс ҳисобланмайдиган солиқ тўловчи деҳқон хўжаликлари ўзлари эгаллаб турган ер участкалари учун ер солиғини ва Жамғармага ажратмаларни давлат солиқ хизмати органлари томонидан, махсус транзит ҳисоб рақами кўрсатилган ҳолда ёзиладиган тўлов билдиришномалари асосида тўлайдилар.
(5-банднинг олтинчи Ўзбекистон Республикаси Вазирлар Маҳкамасининг 2003 йил 13 февралдаги 76-сонли қарори таҳририда—ЎР ҚҲТ, 2003 й., 3-сон, 28-модда)
Олдинги таҳрирга қаранг.
Махсус транзит ҳисоб рақамига тушган ер солиғи ва ягона ер солиғи суммасининг бир қисми (ер солиғининг 5 фоизи ва ягона ер солиғининг 2,5 фоизи) белгиланган нормаларга мувофиқ Жамғарманинг тегишли ҳисоб рақамларига ўтказилади
(5-банднинг олтинчи Ўзбекистон Республикаси Вазирлар Маҳкамасининг 2003 йил 13 февралдаги 76-сонли қарори таҳририда—ЎР ҚҲТ, 2003 й., 3-сон, 28-модда)
Маблағлар тўғри тушиши устидан назоратни таъминлаш мақсадида Давлат солиқ қўмитаси ва Жамғарма бир йилда икки марта 1 январдаги ҳолатига ва 1 июлдаги ҳолатига кўра Жамғармага ўтказилиши керак бўлган ва амалда ўтказилган маблағларни солиштиради».
(5-банд Ўзбекистон Республикаси Вазирлар Маҳкамасининг 2001 йил 10 сентябрдаги 366-сонли қарори таҳририда — ЎР ҚҲТ, 2001 й., 17-сон, 126-модда)
6. Жамғарманинг вақтинча бўш маблағлари банк депозитлари шаклида ёки Ўзбекистон Республикаси Молия вазирлиги билан келишилган ҳолда, амалдаги қонун ҳужжатларига мувофиқ бошқа шаклларда жойлаштирилиши мумкин.
7. Маблағларни тижорат банкларида депозитга жойлаштириш шартномалар асосида 9 ойгача бўлган муддатга амалга оширилади. Шартнома Жамғарма номидан Жамғарма директори томонидан имзоланади. Шартномада мажбурий тартибда қуйидаги шартлар қайд этилади:
шартнома бўйича жойлаштириладиган маблағлар миқдори;
маблағларни жойлаштириш даври;
асосий қарз ва фоизларни ҳисоблаш тартиби;
банк томонидан депозитни қайтариш жадвали;
фоиз тўловлари жадвали, фоиз ставкаси ва уни қайта кўриб чиқиш тартиби;
тўлов муддати ўтказиб юборилган қарзларни ва жарима фоизларини ҳисоблаш тартиби;
томонларнинг банк реквизитлари.
Депозит шартнома шартларига ҳар бир ўзгартириш фақат томонларнинг ёзма розилигига кўра киритилади.
Жамғарма счётига маблағларнинг ҳар бир ўтказилиши маблағлар банк томонидан ўтказилгандан кейинги иш кунида бажарилганлиги тўғрисида банк белгиси қўйилган тўлов топшириғи нусхасини тақдим этиш йўли билан тасдиқланиши керак.
Агар банк тузилган шартнома бўйича тўловларни белгиланган муддатда ўтказмаса, тўланмаган сумма ўша куннинг ўзида тўлов муддати ўтказиб юборилган қарзлар жумласига киритилади.
8. Навбатдаги чорак давомида Жамғарманинг вақтинча бўш маблағлари жойлаштирилиши мумкин бўлган тижорат банклари рўйхати, шунингдек депозитлар бўйича фоиз ставкалари диапазонлари Жамғарма Кенгаши томонидан тасдиқланади ва келишилади.
9. Жамғарма Кенгаши билан келишган ҳолда Жамғарманинг вақтинча бўш маблағлари 6 ойгача бўлган муддатга бошқа шаклларда ҳам қўйилиши мумкин.
10. Жамғарма фаолиятидан олинган даромадлар ва тушумлар унинг ихтиёрида қолади ҳамда Жамғарманинг даромадлари ва харажатлари сметаси (бюджет) га мувофиқ Жамғарма тўғрисидаги Низомда назарда тутилган мақсадлар ва вазифаларни амалга оширишга йўналтирилади.
11. Жамғарма кредитларни фақат Уюшмаган ва унинг аъзоларига муддатлик, қайтариш ва ҳақ тўлаш принципларида ҳамда банклар балансида акс эттирилган ҳолда, тўлов муддатини кечиктириш ҳуқуқсиз, фақат хизмат кўрсатувчи банклар орқали уч йилдан кўп бўлмаган муддатга беришга ҳақлидир. Бунда Жамғарма маблағлари Ушбу банкларда кредит ресурслари сифатида ёки бир қарздор ёки қарздорлар гуруҳнинг мажбуриятлари бўйича таъминланган ҳолда жойлаштирилади.
12. Жамғарма маблағларини жойлаштириш ва тақсимлашга доир барча операциялар Жамғарма Кенгаши билан келишган ҳолда Кенгаш томонидан тасдиқланган Жамғарма даромадлари ва харажатлари сметаси (бюджет) доирасида амалга оширилади.
13. Жамғарма ҳар бир календарь чорак тамом бўлгандан кейин 10 кун ичида Молия вазирлигига ва Давлат мулки қўмитасига, шунингдек Жамғарма Кенгашининг барча аъзоларига ўтган чорак учун молия-хўжалик фаолияти тўғрисида ҳисобот тақдим этади. Кўрсатиб ўтилган ҳисоботга мажбурий тартибда қуйидагилар киритилади:
Жамғарма баланси;
ҳар бир счёт бўйича маблағлар харажати ёйиб кўрсатилган ҳолда тушумлар ва харажатлар тўғрисидаги маълумотлар (бунда Жамғарманинг ўз эҳтиёжларига харажатлар алоҳида кўрсатилади);
депозитлар бўйича операциялар ва вақтинча бўш маблағларни жойлаштириш бўйича бошқа операциялар тўғрисидаги маълумотлар;
минтақалар бўйича берилган барча кредитлар тўғрисидаги маълумотлар.
Бунда барча депозитлар, берилган кредитлар ва бошқа қўйилмалар бўйича қуйидагилар алоҳида кўрсатилади:
асосий сумма;
ҳисоблаб қўшилган фоизлар;
қарздорларнинг асосий қарзни ва муддати ўтказиб юборилган қарзларни тўлаши ҳисобига тўловлар, шунингдек фоиз тўловлари;
муддати ўтказиб юборилган қарзларнинг (агар бўлса) ўзгариши;
қарздорликни қайта ташкил этиш.
Вазирлар Маҳкамасининг 1997 йил 25 октябрдаги 486-сон қарорига
3-ИЛОВА
Олдинги таҳрирга қаранг.
Деҳқон ва фермер хўжаликларини қўллаб-қувватлаш жамғармаси аппаратининг
(3-илованинг номи Ўзбекистон Республикаси Вазирлар Маҳкамасининг 1998 йил 22 апрелдаги 168-сонли қарори таҳририда)
ташкилий тузилмаси