|
Ҳужжат кучини йўқотган " " 19.04.2019
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИНИНГ ХАЛҚАРО ШАРТНОМАЛАРИНИ ЭЪЛОН ҚИЛИШ ТАРТИБИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2019 йил 18 апрелдаги 331-сонли «Ўзбекистон Республикаси Ҳукуматининг айрим қарорларига ўзгартириш киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикасининг «Ўзбекистон Республикасининг халқаро шартномалари тўғрисида» 2019 йил 6 февралдаги ЎРҚ-518-сон Қонуни)»ги қарорига асосан ўз кучини йўқотган.
«Ўзбекистон Республикасининг халқаро шартномалари тўғрисида»ги Қонунга мувофиқ Вазирлар Маҳкамаси қарор қилади:
1. «Ўзбекистон Республикасининг халқаро шартномаларини эълон қилиш тартиби» тасдиқлансин (илова қилинади).
2. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А. Азизхўжаев зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1997 йил 28 апрель,
214-сон
Вазирлар Маҳкамасининг 1997 йил 28 апрелдаги 214-сон қарорига
ИЛОВА
ИЛОВА
Ўзбекистон Республикасининг халқаро шартномаларини эълон қилиш
ТАРТИБИ
1. Ўзбекистон Республикаси Президенти томонидан имзоланиб, Ўзбекистон Республикаси учун кучга кирган давлатлараро шартномалар, Ўзбекистон Республикаси Президенти қарорига асосан қўшилишилган шартномалар Ўзбекистон Республикаси Ташқи ишлар вазирлиги тақдими бўйича Ўзбекистон Республикаси Президенти девонининг «Хабарномаси»да эълон қилинади.
2. Ўзбекистон Республикаси учун кучга кирган ҳукуматлараро шартномалар, Ўзбекистон Республикаси ҳукуматининг қарорларига асосан қўшилишилган шартномалар Ўзбекистон Республикаси Ташқи ишлар вазирлиги тақдими бўйича Ўзбекистон Республикаси Вазирлар Маҳкамасининг қарорлари тўпламида эълон қилинади.
3. Ўзбекистон Республикаси Олий Мажлиси томонидан ратификация қилиниб, Ўзбекистон Республикаси учун кучга кирган халқаро шартномалар ва Ўзбекистон Республикаси Олий Мажлиси қарорларига асосан қўшилишилган шартномалар Ўзбекистон Республикаси Ташқи ишлар вазирлиги тақдими бўйича Ўзбекистон Республикаси Олий Мажлисининг Ахборотномасида эълон қилинади.
4. Ўзбекистон Республикаси учун кучга кирган Ўзбекистон Республикасининг идоралараро тусдаги халқаро шартномалари, шундай шартномалар тузган Ўзбекистон Республикаси вазирликлари ва идораларининг қарори бўйича идоравий нашрларда Ўзбекистон Республикаси Ташқи ишлар вазирлиги билан келишилган ҳолда эълон қилинади.
5. Ўзбекистон Республикаси Ташқи ишлар вазирлиги ҳузуридаги «Жаҳон» ахборот агентлиги Ўзбекистон Республикасининг давлатлараро ва ҳукуматлараро халқаро шартномаларининг ҳар йилги расмий тўпламларини чиқаради.
6. Ўзбекистон Республикасининг асл матнлари хорижий тилларда тузилган халқаро шартномалари давлат тилида эълон қилинади. Ўзбекистон Республикасининг халқаро шартномалари бошқа тилларда ҳам эълон қилиниши мумкин.
7. Ўзбекистон Республикасининг халқаро шартномасини имзолаш тўғрисида қарор қабул қилган органнинг тақдими бўйича шу шартнома белгиланган тартибда Ўзбекистон Республикасининг оммавий ахборот воситаларида эълон қилиниши мумкин.
8. Ўзбекистон Республикаси номидан, Ўзбекистон Республикаси Ҳукумати, шунингдек, Ўзбекистон Республикасининг вазирликлари ва идоралари номидан тузилган халқаро шартномаларнинг амал қилишини тўхтатиш, денонсация қилиш ёки тўхтатиб туриш тўғрисидаги расмий ахборотлар ҳам юқорида баён этилган қоидаларга мувофиқ эълон қилинади.
