1. Вазирлар Маҳкамасининг «Маҳсулотларни идентификация воситалари ёрдамида маркировкалаш ва келгусида кузатиш тартибини босқичма-босқич жорий этиш чора-тадбирлари тўғрисида» 2019 йил 23 ноябрдаги 944-сон қарорига мувофиқ амалга оширилаётган маҳаллий ишлаб чиқарувчилар ва импорт қилувчилар учун маҳсулотларни идентификация воситалари ёрдамида маркировкалаш ва келгусида кузатиш тартибини босқичма-босқич жорий этиш бўйича тажриба лойиҳаси (кейинги ўринларда — тажриба лойиҳаси) доирасида:
маркировкаланган сигарет қутиси муваффақиятли ишлаб чиқилганлиги, шунингдек, тамаки ишлаб чиқариш фабрикаларини махсус сервер ускуналари билан қўшимча жиҳозлаш ва уларни корхоналарни бошқаришнинг автоматлаштирилган тизимларига интеграция қилиш орқали тамаки маҳсулотларини кузатиб бориш механизми ишга туширилганлиги;
алкоголь маҳсулотлари учун синов тариқасида маркировкаланган ёрлиқлар ишлаб чиқилганлиги, маркировкалаш ахборот тизимининг таркибий қисмлари ўрнатилганлиги ҳамда маълумотларни қайта ишлаш маркази фаолияти йўлга қўйилганлиги маълумот учун қабул қилинсин.
2. Ўзбекистон Республикаси Давлат солиқ қўмитаси ва Молия вазирлигининг айрим турдаги маҳсулотларни идентификация воситалари орқали мажбурий рақамли маркировкалаш тизимини босқичма-босқич жорий қилиш тўғрисидаги таклифи қабул қилинсин.
Идентификация воситалари билан мажбурий рақамли маркировкалаш талаби жорий қилинадиган маҳсулотлар рўйхати 1-иловага мувофиқ;
(3-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 23 январдаги 23-сонли қарори таҳририда — Қонунчилик маълумотлари миллий базаси, 23.01.2026 й., 09/26/23/0070-сон)
Айрим турдаги маҳсулотларни мажбурий маркировкалаш тизимини самарали жорий қилиш бўйича «йўл харитаси» 2-иловага мувофиқ тасдиқлансин.
4. Ўзбекистон Республикаси Давлат солиқ қўмитаси:
2020 йил 10 декабрга қадар алкоголь ва тамаки маҳсулотларини маркировкалаш ва кузатиш тартиби тўғрисидаги низомни;
2021 йил 30 декабрга қадар тажриба лойиҳаси якунларига кўра бошқа товарларни маркировкалаш ва кузатиш тартиби тўғрисидаги низомни тасдиқлаш учун Вазирлар Маҳкамасига киритсин.
рақамли маркировкаланиши лозим бўлган маҳсулотларни маркировкалаш мажбурияти ишлаб чиқарувчилар ва импорт қилувчилар зиммасига юкланади;
рақамли маркировкаланиши лозим бўлган маҳсулотларнинг ишлаб чиқарувчи, импорт қилувчи ҳамда чакана ёки улгуржи савдоси билан шуғулланувчи корхоналарга, шу жумладан, маркетплейсларга маҳсулотларни маркировкалаш ва кузатиб бориш миллий ахборот тизимига уланиш мажбурияти юкланади.
Бунда улгуржи савдо фаолияти билан шуғулланаётган тадбиркорлик субъектлари томонидан мажбурий рақамли маркировкаланган товарларни реализация қилишда чакана тарзда сотилишига йўл қўйилмайди;
рақамли маркировкаланиши лозим бўлган маҳсулотларнинг улгуржи савдоси билан шуғулланувчи корхоналарга мазкур маҳсулотларни фақат нақд пулсиз шаклда банк ҳисобварақлари орқали реализация қилишга рухсат этилади;
агрегацияланган импорт коди бўйича маълумотлар божхона юк декларациясида кўрсатилмасдан «эркин муомалага чиқариш (импорт)» божхона режимига расмийлаштириш тақиқланади. Бунда маркировкаланмаган алкоголь ва тамаки маҳсулотларига идентификация воситаларини божхона омбори ҳудудида елимлаш талаб қилинади;
рақамли маркировкаланиши лозим бўлган маҳсулотларни маркировкалаш тартиби жорий этилган санадан бошлаб ўн икки ой муддат ўтгандан кейин Ўзбекистон Республикаси ҳудудида мазкур маҳсулотларни маркировкасиз сотиш тақиқланади;
маркировкаланмаган маҳсулотларни ишлаб чиқариш ва сотиш устидан жамоатчилик назоратини ўрнатиш мақсадида маҳсулотларни мажбурий рақамли маркировкалаш соҳасидаги қонунчилик ҳужжатлари бузилганлиги тўғрисида ваколатли органларни реал вақт режимида хабардор қилиш имкониятини берувчи дастурий маҳсулотлар ҳамда мобил иловалар жорий этилади;
рақамли маркировкаланиши лозим бўлган маҳсулотлар айланмасининг иштирокчилари (ишлаб чиқарувчи ва импорт қилувчи, чакана ёки улгуржи савдоси билан шуғулланувчи корхоналар, шу жумладан, маркетплейслар) томонидан ушбу маҳсулотлар реализация қилинганда, электрон ҳисобварақ- фактураларда ва назорат-касса техникалари чекларида тегишли (рақамли маркировкаланадиган) маҳсулотлар ва хизматлар идентификация кодларини танланиши талаб қилинади;
рақамли маркировкаланиши лозим бўлган маҳсулотлар воситачилик ва (ёки) агентлик шартномалари доирасида реализация қилинганда, электрон ҳисобварақ-фактураларда ва (ёки) назорат-касса техникалари чекларида маркировка кодлари тўғрисидаги маълумотларни акс эттириш мажбурияти комиссионер зиммасига юкланади.
(5-банд Ўзбекистон Республикаси Вазирлар Маҳкамасининг 2026 йил 23 январдаги 23-сонли қарори таҳририда — Қонунчилик маълумотлари миллий базаси, 23.01.2026 й., 09/26/23/0070-сон)
6. Ўзбекистон Республикаси Давлат солиқ қўмитасига:
рақамли маркировка қилиниши лозим бўлган маҳсулотлар рўйхатини кенгайтириш ва уларни жорий қилиш муддатларини белгилаш;
рақамли маркировка қилиниши лозим бўлган маҳсулотлар рўйхатини кенгайтириш мақсадида маҳсулотларни маркировкалаш бўйича ихтиёрий экспериментларни амалга ошириш ваколати берилсин.
7. Ўзбекистон Республикаси Давлат солиқ қўмитаси Ахборот технологиялари ва коммуникацияларини ривожлантириш вазирлиги билан биргаликда 2020 йил 1 декабрга қадар «Asl belgisi» маҳсулотларни маркировкалаш ва кузатиб бориш миллий ахборот тизимини (кейинги ўринларда — «Asl belgisi» МАТ) жорий қилсин.
Қуйидагилар «Asl belgisi» МАТнинг асосий вазифалари этиб белгилансин:
маҳсулот айланмаси юзасидан барча босқичларни рўйхатдан ўтказиш орқали идентификация воситалари ёрдамида маркировка қилиниши лозим бўлган маҳсулотлар айланмаси тўғрисидаги маълумотларни йиғиш ва қайта ишлашни автоматлаштириш;
маълумотларни сақлаш, олиш, ўтказиш, тарқатиш, қайта ишлаш, нашр этиш, фойдаланиш ва «Asl belgisi» МАТ эгаси ёки у томонидан жалб қилинган шахснинг бошқа ҳаракатларига ҳамда мазкур маълумотларни ҳимоялаш режимига нисбатан Давлат солиқ қўмитаси томонидан тасдиқланадиган тартибда талаблар белгилаш орқали сақланадиган маълумотларнинг чекланганлигини таъминлаш.
8. Қуйидагилар:
«Давлат-хусусий шериклик тўғрисида»ги Ўзбекистон Республикаси Қонунининг 25-моддасига асосан давлат-хусусий шериклик лойиҳасини амалга оширишнинг зарур шарти ҳисобланган интеллектуал фаолият натижаларига доир мутлақ ҳуқуқлар, бошқа мутлақ ҳуқуқлар, ер участкаси, бошқа кўчмас мол-мулк объекти ва ўзга мол-мулк муайян шахсга тегишли бўлганда тарафлар давлат-хусусий шериклик тўғрисидаги битимни давлат шеригининг қарорига мувофиқ тўғридан-тўғри музокаралар ўтказиш асосида тендер ўтказмасдан тузиши мумкинлиги;
Вазирлар Маҳкамасининг 2020 йил 26 апрелдаги 259-сон қарори билан тасдиқланган Давлат-хусусий шериклик лойиҳаларини амалга ошириш тартиби тўғрисидаги низомнинг 57-бандига мувофиқ мазкур мезон давлат-хусусий шериклик лойиҳасини амалга оширишнинг зарур шарти ҳисобланган интеллектуал фаолият натижаларига доир мутлақ бўлмаган ҳуқуқларни ҳам ўз ичига олиши мумкинлиги инобатга олинсин.
9. Ўзбекистон Республикаси Давлат солиқ қўмитаси:
айрим турдаги маҳсулотларни мажбурий маркировкалаш соҳасида давлат-хусусий шериклик лойиҳаси концепцияси, Лойиҳа баҳолаш ҳужжати (ЛБҲ), битим лойиҳасини ишлаб чиқиш ҳамда давлат-хусусий шериклик соҳасидаги ваколатли давлат органига келишиш учун бир ҳафта муддатда тақдим этсин;
алкоголь ва тамаки маҳсулотларини маркировкалаш юзасидан жорий қилинган тажриба лойиҳаси натижаларини ҳисобга олган ҳолда «Asl belgisi» МАТни ишлаб чиқиш, ундан фойдаланиш ва унга техник хизмат кўрсатиш учун «CRPT TURON» МЧЖ (кейинги ўринларда — «Asl belgisi» МАТ оператори) билан биргаликда икки ҳафта муддатда тўғридан-тўғри музокаралар асосида давлат-хусусий шериклик битимини тузсин.
давлат-хусусий шериклик битими асосида «Asl belgisi» МАТни ишлаб чиқиш ва уни «Электрон ҳукумат» тизимининг идоралараро интеграцион платформаси воситасида Солиқ қўмитасининг маълумотлар базаси билан интеграция қилиш орқали йўлга қўйиш;
(10-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 23 январдаги 23-сонли қарори таҳририда — Қонунчилик маълумотлари миллий базаси, 23.01.2026 й., 09/26/23/0070-сон)
«Asl belgisi» МАТда сақланадиган маълумотлардан уларни ҳимоя қилиш талабларини ҳисобга олган ҳолда фойдаланиш имкониятини яратиш;
Солиқ қўмитасининг Маълумотларни қайта ишлаш маркази қувватлари асосида «Asl belgisi» МАТ ишлаши учун зарур бўлган захира сервер, телекоммуникация ва бошқа асбоб-ускуналарнинг «Asl belgisi» МАТ оператори маблағлари ҳисобидан ўрнатилишини таъминлаш;
(10-банднинг тўртинчи хатбошиси Ўзбекистон Республикаси Вазирлар Маҳкамасининг 2026 йил 23 январдаги 23-сонли қарори таҳририда — Қонунчилик маълумотлари миллий базаси, 23.01.2026 й., 09/26/23/0070-сон)
Бунда «Asl belgisi» МАТ оператори томонидан тегишли асбоб-ускуналарни эксплуатацияси учун ҳар ойлик тўловлар Солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармасига тўлиқ йўналтирилади.
(10-банд Ўзбекистон Республикаси Вазирлар Маҳкамасининг 2026 йил 23 январдаги 23-сонли қарорига асосан бешинчи хатбоши билан тўлдирилган — Қонунчилик маълумотлари миллий базаси, 23.01.2026 й., 09/26/23/0070-сон)
Вазирлар Маҳкамаси томонидан тасдиқланадиган тарифлар бўйича тадбиркорлик субъектларига белгиланган тартибда маркировка кодларини тақдим этиш.
LexUZ шарҳи
Қаранг: Вазирлар Маҳкамасининг 2020 йил 31 декабрдаги 833-сон «Айрим турдаги маҳсулотларни мажбурий рақамли маркировкалаш тизими босқичма-босқич жорий этилишини таъминлаш чора-тадбирлари тўғрисида»ги қарори.
11. Ўзбекистон Республикаси Давлат солиқ қўмитаси 2020 йил 10 декабрга қадар:
«Asl belgisi» МАТга техник хизмат кўрсатиш ва фойдаланиш тартиби тўғрисидаги низомни;
мажбурий маркировкаланадиган маҳсулотларни ишлаб чиқарувчилар ва импорт қилувчиларга маркировка кодларини тақдим этиш юзасидан хизматлар кўрсатиш учун ягона тўлов (тариф) миқдорини тасдиқлаш учун Вазирлар Маҳкамасига киритсин.
12. Ўзбекистон Республикаси Давлат солиқ қўмитаси Молия вазирлиги, Алкоголь ва тамаки бозорини тартибга солиш ҳамда виночиликни ривожлантириш агентлиги ва «Asl belgisi» МАТ оператори билан биргаликда:
уч кун муддатда ҳудудларда рақамли маркировкалаш тизими билан ишлаш тартиби юзасидан ўқитиш дастурини ва режа-жадвални тасдиқласин;
2021 йил 1 январга қадар ҳудудларга чиққан ҳолда давлат солиқ ва божхона хизмати органлари, алкоголь ва тамаки маҳсулотларини ишлаб чиқариш ва сотиш соҳасидаги барча тадбиркорлик субъектлари масъул ходимларининг рақамли маркировкалаш тизими билан ишлаш тартиби юзасидан ўқитилишини таъминласин.
13. Ўзбекистон Республикаси Давлат солиқ қўмитаси Савдо-саноат палатаси, Соғлиқни сақлаш вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа манфаатдор идоралар билан биргаликда мазкур қарорнинг мазмун-моҳияти ҳамда уни амалга ошириш жараёнларининг оммавий ахборот воситаларида кенг ёритилишини таъминласин.
14. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси Давлат солиқ қўмитаси раиси Ш.Д. Кудбиев зиммасига юклансин.
Идентификация воситалари билан мажбурий рақамли маркировкалаш талаби жорий қилинадиган маҳсулотлар
РЎЙХАТИ
(1-илованинг номи Ўзбекистон Республикаси Вазирлар Маҳкамасининг 2026 йил 23 январдаги 23-сонли қарори таҳририда — Қонунчилик маълумотлари миллий базаси, 23.01.2026 й., 09/26/23/0070-сон)
Бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюс, таркибида никотин мавжуд суюқликлар ва никотинли электрон сигареталар.
Минерал ўғитлар ва ўсимликларни ҳимоя қилиш учун фойдаланиладиган кимёвий воситалари
2814 20 000 0 дан
2827 10 000 0 дан
2834 29 800 0 дан
3101 дан
3102 дан
2510 20 000 0дан
2835 25 000 0 дан
2835 26 000 0 дан
3103 дан
2827 39 850 0 дан
2833 29 800 0 дан
3104 дан
2834 21 000 0 дан
2835 24 000 0 дан
3105 дан 2810 00 дан
2827 дан
2833 дан
2840 дан
2841 70 000 0 дан
2903 39 110 0
3808
3808 52 000 0
3808 59 000
3808 59 000 1
3808 59 000 2
3808 59 000 3
3808 59 000 4
3808 59 000 5
3808 59 000 8
3808 59 000 9
3808 61 000
3808 61 000 1
3808 61 000 2
3808 61 000 3
3808 62 000
3808 62 000 1
3808 62 000 2
3808 62 000 3
3808 69 000
3808 69 000 1
3808 69 000 2
3808 69 000 3
3808 91
3808 91 100 0
3808 91 200 0
3808 91 300 0
3808 91 400 0
3808 91 900 0
3808 92
3808 92 100 0
3808 92 200 0
3808 92 300 0
3808 92 400 0
3808 92 500 0
3808 92 600 0
3808 92 900 0
3808 93
3808 93 110 0
3808 93 130 0
3808 93 150 0
3808 93 170 0
3808 93 210 0
3808 93 230 0
3808 93 270 0
3808 93 300 0
3808 93 900 0
3808 99
3808 99 100 0
3808 99 900 0
2026 йил 1 май
8.
Электр аккумуляторлар, шу жумладан, улар учун сепараторлар, тўғрибурчак (шу жумладан, квадрат шаклидаги) ёки бошқа шаклдагилар
8507
2026 йил 1 январь
* Мажбурий рақамли маркировкалаш бўйича талаб 6 ойдан кам бўлмаган муддат мобайнида амалга ошириладиган тажриба лойиҳаси якунлари асосида жорий этилади.
(1-илова Ўзбекистон Республикаси Вазирлар Маҳкамасининг 2026 йил 23 январдаги 23-сонли қарори таҳририда — Қонунчилик маълумотлари миллий базаси, 23.01.2026 й., 09/26/23/0070-сон)
Вазирлар Маҳкамасининг 2020 йил 20 ноябрдаги 737-сон қарорига 2-ИЛОВА
Айрим турдаги маҳсулотларни мажбурий маркировкалаш тизимини самарали жорий қилиш бўйича
Ишлаб чиқариш ҳажмини, омборлардаги қолдиқларни ва маҳсулот реал вақт режимида жўнатилишини назорат қилиш мақсадида истеъмол ва техник этил спирти, шунингдек, алкоголь маҳсулотларини ишлаб чиқариш ускуналарини ҳисобга олиш ўлчов воситалари билан жиҳозлаш.
1. Истеъмол ва техник этил спиртини, шунингдек, алкоголь маҳсулотларини ишлаб чиқариш ускуналарини, шу жумладан рухсатсиз қуйишнинг олдини олиш мақсадида рақамланган ноёб ҳимоялаш тамғаларини жойлаштириш юзасидан техник регламентга ўзгартиришлар киритиш.
2. Ускуналарга, ташиш қоидаларига, масофадан бошқаришга ва видеокузатувга, масъул идораларнинг ахборот тизимларига интеграциялаш ва бошқа талабларни кўрсатган ҳолда истеъмол ва техник этил спирти ҳамда алкоголь маҳсулотларини ишлаб чиқариш тартибини ишлаб чиқиш.
3. Aвтоматлаштирилган ўлчаш мосламаларини, техник регламентларда ҳамда истеъмол ва техник этил спирти ҳамда алкоголь маҳсулотларини ишлаб чиқариш тартибида кўрсатилган бошқа махсус мосламаларни ўрнатиш.
4. Давлат солиқ қўмитасининг маълумотлар ахборот базаси билан интеграциялаш.
2021 йил 15 январь
2021 йил 15 март
2021 йил 1 июль
2021 йил 1 август
Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Агентлик) (Р. Бобоев), «Ўзстандарт» агентлиги (Д. Саттаров), Давлат солиқ қўмитаси (Ш. Кудбиев)
2.
Истеъмол ва техник этил спирти, шунингдек, алкоголь маҳсулотлари ишлаб чиқарувчиларига нисбатан ўлчаш мосламаларини мажбурий равишда ўрнатиш нуқтаи назаридан лицензиялаш талабларини кучайтириш.
1. Ҳисобга олиш мосламалари ўрнатилишини белгилайдиган талабларни назарда тутувчи намунавий лицензия шартномаси лойиҳасини ишлаб чиқиш.
2. Ҳисобга олиш мосламаларига талабларни белгилашни назарда тутувчи намунавий лицензия шартномаси лойиҳасини Давлат солиқ қўмитаси билан келишиш.
3. Истеъмол ва техник этил спирти, шунингдек, алкоголь маҳсулотларини ишлаб чиқарувчи корхоналарда лицензия шартномалари янгиланишини таъминлаш.
2021 йил 15 январь
2021 йил 1 июль
2021 йил 1 август
Агентлик (Р. Бобоев), «Ўзстандарт» агентлиги (Д. Саттаров), Давлат солиқ қўмитаси (Ш. Кудбиев)
3.
Тайёр алкоголь маҳсулотларини мажбурий агрегациялаш тизимини жорий этиш.
1. Тайёр алкоголь маҳсулотларини агрегациялаш юзасидан ихтисослаштирилган апликаторларга техник талабларни ишлаб чиқиш.
2. Истеъмол ва техник этил спирти ҳамда алкоголь маҳсулотларини ишлаб чиқарувчи корхоналарда ихтисослаштирилган апликаторларни ўрнатиш.
Агентлик (Р. Бобоев), «Ўзстандарт» агентлиги (Д. Саттаров), Давлат солиқ қўмитаси (Ш. Кудбиев)
4.
Чакана ва улгуржи савдо субъектлари томонидан мажбурий рақамли маркировка қилиниши лозим бўлган маҳсулотларнинг муомалага киритилишининг ишончлилигини текшириш юзасидан талабларни белгилаш.
Чакана ва улгуржи савдо қоидаларига ўзгартиришлар киритишни назарда тутувчи норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш.
2021 йил 1 февраль
Давлат солиқ қўмитаси (Ш. Кудбиев), Молия вазирлиги (Т. Ишметов)
5.
Айрим турдаги маҳсулотларни мажбурий маркировкалаш ва ишлаб чиқариш линияларини ҳисобга олиш мосламалари ҳамда бошқа мосламалар билан жиҳозлаш талаблари бузилганлиги юзасидан жавобгарликни белгилаш.
Айрим турдаги маҳсулотларни мажбурий маркировкалаш, муомалага киритиш, муомалада айланиши ва уларнинг муомаладан чиқарилиши юзасидан белгиланган талабларни бузганлик учун жавобгарликни белгилашни назарда тутувчи қонун лойиҳасини Вазирлар Маҳкамасига киритиш.
Бунда мазкур ҳуқуқбузарлик содир этганлик учун маркировкаланиши лозим бўлган маҳсулотларни сотишдан олдинги чоракда олинган тушумнинг юз фоизигача миқдорда молиявий жарима ҳамда мансабдор шахсларга нисбатан базавий ҳисоблаш миқорининг икки юз бараваригача жарима солишни назарда тутиш.
2021 йил
15 январь
Давлат солиқ қўмитаси (Ш. Кудбиев), Молия вазирлиги (Т. Ишметов)
Изоҳ. Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоровга зарур ҳолларда «йўл харитаси»да назарда тутилган топшириқларни амалга ошириш муддати ҳамда масъул ижрочиларига ўзгартириш киритиш ҳуқуқи берилсин.
(2-илова Ўзбекистон Республикаси Вазирлар Маҳкамасининг 2022 йил 5 августдаги 431-сонли қарори таҳририда — Қонунчилик маълумотлари миллий базаси, 06.08.2022 й., 09/22/431/0716-сон)
LexUZ шарҳи