450-сон 23.07.2020. Цемент импорти тартибини соддалаштириш ҳамда ички бозорни сифатли цемент билан таъминлаш чора-тадбирлари тўғрисида

Ўзбекистон Республикаси Вазирлар Маҳкамасининг

қарори

Цемент импорти тартибини соддалаштириш ҳамда ички бозорни сифатли цемент билан таъминлаш чора-тадбирлари тўғрисида

Цементни импорт асосида республикага олиб киришда хўжалик юритувчи субъектларга қулайлик яратиш ҳамда ички бозорни сифатли цемент билан узлуксиз таъминлаш мақсадида Вазирлар Маҳкамаси қарор қилади:

1. Қуйидагилар:

Цемент маҳсулотлари ишлаб чиқариш ҳажмини ошириш ҳамда ички бозорни сифатли цемент билан таъминлаш бўйича «Йўл харитаси» 1-иловага мувофиқ.

Олдинги таҳрирга қаранг.

(1-банднинг учинчи хатбошиси Ўзбекистон Республикаси Вазирлар Маҳкамасининг 2024 йил 1 июлдаги 371-сонли қарорига асосан чиқарилган — Қонунчилик маълумотлари миллий базаси, 12.07.2024 й., 09/24/371/0499-сон)

Олдинги таҳрирга қаранг.

2. Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Божхона қўмитаси, Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг республикага олиб кириладиган цементни соддалаштирилган тартиб асосида эркин муомалага чиқариш амалиётини қўллаш тўғрисидаги таклифи маъқуллансин. Бунда:

(2-банднинг биринчи хатбошиси Ўзбекистон Республикаси Вазирлар Маҳкамасининг 2024 йил 1 июлдаги 371-сонли қарори таҳририда — Қонунчилик маълумотлари миллий базаси, 12.07.2024 й., 09/24/371/0499-сон)

Олдинги таҳрирга қаранг.

цемент республика ҳудудига олиб кирилгунга қадар импорт қилувчи хўжалик юритувчи субъект ва жисмоний шахс (кейинги ўринларда — импорт қилувчи) томонидан ихтиёрийлик асосида унинг намуналари техник жиҳатдан тартибга солиш соҳасидаги норматив ҳужжатлар талабларига мувофиқлигини баҳолаш учун сертификатлаштириш органига тақдим этилади, бунда маҳсулотни эркин муомалага чиқариш («ИМ 40» режимига ўтказиш) давлат божхона хизмати органлари томонидан тегишли мувофиқлик сертификати асосида амалга оширилади, божхона қонунчилик ҳужжатлари бузилиши хавфи белгилари аниқланган ҳолатлар бундан мустасно;

(2-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

Олдинги таҳрирга қаранг.

цемент ва цемент клинкер маҳсулоти импорт қилувчи томонидан республика ҳудудига олиб кирилган ҳолларда, ҳар бир партияси учун «Ягона дарча» божхона ахборот тизимида мувофиқлигини баҳолаш учун тақдим этилган цемент ва цемент клинкерининг техник жиҳатдан тартибга солиш соҳасидаги норматив ҳужжатларда маълум бир марка учун 28 суткалик синов натижаларининг ижобий хулосалари олинганда, сертификатлаштириш органининг ариза бўйича қабул қилган қарори божхона хизмати органлари томонидан маҳсулотни эркин муомалага чиқаришга асос бўлади, божхона қонунчилик ҳужжатларининг бузилиш хавфи белгилари аниқланган ҳолатлар бундан мустасно. Бунда аризада кўрсатилган миқдордаги цемент сифати бўйича даврий равишда лаборатория синовлари амалга оширилади ва натижалари бўйича импорт қилувчига синов баённомаси тақдим этилади.

(2-банднинг учинчи хатбошиси Ўзбекистон Республикаси Вазирлар Маҳкамасининг 2024 йил 1 июлдаги 371-сонли қарори таҳририда — Қонунчилик маълумотлари миллий базаси, 12.07.2024 й., 09/24/371/0499-сон)

Ҳар бир божхона юк декларацияси бўйича маълумот сертификатлаштириш органига «Ягона дарча» божхона ахборот тизими орқали юборилади ва цемент эркин муомалага чиқарилганда сертификатлаштириш органи билан импорт қилувчи ўртасида тузилган шартнома доирасида цементни хавф-хатарларни таҳлил қилиш асосида даврий равишда лаборатория синовларидан ўтказилади.

3. Белгилаб қўйилсинки:

Олдинги таҳрирга қаранг.

лаборатория синови натижаларига кўра цемент белгиланган талабларга номувофиқ деб топилган тақдирда, бу ҳақда бир кун муддатда сертификатлаштириш органи томонидан импорт қилувчи, Ўзбекистон Республикаси Қурилиш вазирлиги, Давлат божхона қўмитаси, Монополияга қарши курашиш қўмитаси ва Ўзбекистон техник жиҳатдан тартибга солиш агентлиги хабардор қилинади;

(3-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 11 мартдаги 114-сонли қарори таҳририда — Қонунчилик маълумотлари миллий базаси, 12.03.2022 й., 09/22/114/0209-сон)

белгиланган талабларга номувофиқ деб топилган цементни олиб кирган импорт қилувчи олти ой муддат давомида ушбу маҳсулотни эркин муомалага чиқаришда соддалаштирилган тизимдан фойдаланиш ҳуқуқига эга бўлмайди;

Олдинги таҳрирга қаранг.

Ўзбекистон техник жиҳатдан тартибга солиш агентлигининг Техник жиҳатдан тартибга солиш, стандартлаштириш, сертификатлаштириш ва метрология соҳасида давлат назорати департаменти (кейинги ўринларда ― Департамент) сертификатлаштириш органларининг хабарномасига кўра белгиланган талабларга номувофиқ бўлган маҳсулотни сотишни ва ундан фойдаланишни тўхтатиб қўйиш тўғрисида импорт қилувчига бажарилиши мажбурий бўлган кўрсатма беради.

(3-банднинг тўртинчи хатбошиси Ўзбекистон Республикаси Вазирлар Маҳкамасининг 2022 йил 11 мартдаги 114-сонли қарори таҳририда — Қонунчилик маълумотлари миллий базаси, 12.03.2022 й., 09/22/114/0209-сон)

4. Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги Департамент билан биргаликда ички бозордаги цемент маҳсулотлари сифатини ўрганиш мақсадида чакана савдо шохобчаларида назорат харидларини амалга оширсин ва маҳсулотнинг техник жиҳатдан тартибга солиш соҳасидаги норматив ҳужжатлар талабларига мувофиқлигини ўрганиб борсин.

5. «Ўзстандарт» агентлиги бир ой муддатда Ўзбекистон Республикаси Вазирлар Маҳкамасига қуйидагиларни назарда тутувчи тегишли қонун лойиҳасини киритсин:

техник жиҳатдан тартибга солиш соҳасидаги норматив ҳужжатлар талабларига жавоб бермайдиган цементни олиб кирганлиги;

ички бозорда цемент маҳсулотларини чакана сотишда истеъмолчилар ҳуқуқларини ҳимоя қилиш тўғрисидаги қонунчилик талабларини бузганлиги учун жарималар қўллаш.

6. Департамент ва Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги техник жиҳатдан тартибга солиш соҳасидаги норматив ҳужжатларга номувофиқ бўлган цемент маҳсулоти ҳамда истеъмолчилар ҳуқуқларини ҳимоя қилиш тўғрисидаги қонунчилик талаблари бузилишига олиб келган ҳолатлар оммавий ахборот воситаларида кенг ёритилишини таъминласин.

7. Вазирлар Маҳкамасининг «Ўзбекистон стандартлаштириш, метрология ва сертификатлаштириш агентлигининг фаолиятини янада такомиллаштириш чора-тадбирлари тўғрисида» 2019 йил 24 апрелдаги 348-сон қарорига 3-иловага мувофиқ ўзгартириш ва қўшимчалар киритилсин.

8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари ― Ўзбекистон Республикаси иқтисодий тараққиёт ва камбағалликни қисқартириш вазири Ж.А. Қўчқоров зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2020 йил 23 июль,

450-сон

Вазирлар Маҳкамасининг 2020 йил 23 июлдаги 450-сон қарорига
1-ИЛОВА

Цемент маҳсулотлари ишлаб чиқариш ҳажмини ошириш ҳамда ички бозорни сифатли цемент билан таъминлаш бўйича

«ЙЎЛ ХАРИТАСИ»

Т/р	Тадбир номи	Амалга ошириш механизми	Ижро муддати	Масъул ижрочилар
I. Республикада цемент ишлаб чиқариш ҳажмини янада кўпайтириш бўйича
1.	Республикада фаолият юритаётган цемент ишлаб чиқарувчи корхоналар томонидан 2020 йил II ярмида 9060,2 минг тонна (I ярим йилликка нисбатан 166% кўп) цемент (1-иловага мувофиқ график асосида) ишлаб чиқаришни таъминлаш.	Клинкер ва цемент маҳсулотларини узлуксиз ишлаб чиқаришни таъминлаш	Ҳар бир корхона бўйича ишлаб чиқилган графикка мувофиқ (1-илова)	«Ўзсаноатқурилишматериаллари» уюшмаси (Б. Зарипов), Давлат активларини бошқариш агентлиги (С. Бекенов), «Олмалиқ КМК» АЖ (А. Хурсанов)
2.	2020-2021 йилларда 1129 млн АҚШ доллари миқдорида инвестиция киритиш ҳисобига 14,5 млн. тонна цемент ишлаб чиқариш бўйича янги қувватларни (2-иловага мувофиқ рўйхат асосида) ишга тушириш, шу жумладан: 2020 йил ― 7 та лойиҳа (395 млн АҚШ долл., 5410 минг тонна); 2021 йил ― 11 та лойиҳа (734 млн АҚШ долл., 9100 минг тонна).	Ускуналарнинг етказилишини таъминлаш Қурилиш-монтаж ишларни амалга ошириш Ишлаб чиқаришни йўлга қўйиш	Ҳар бир корхонанинг техник-иқтисодий асосномасига мувофиқ	«Ўзсаноатқурилишматериаллари» уюшмаси (Б. Зарипов), Инвестициялар ва ташқи савдо вазирлиги (Умурзаков), Давлат активларини бошқариш агентлиги (С. Бекенов)
3.	Маҳаллий цемент ишлаб чиқарувчилар томонидан (3-иловага мувофиқ) цементни биржа савдоларига қўйиб бориш. Тасдиқланган ойлик графиклар (савдо кунларига тенг тақсимланган) бўйича цементнинг биржа совдаларига қўйилишини доимий назорат қилиш.	6 та йирик ва кичик корхоналар томонидан цементни биржа савдоларига 2020 йил 1 августидан бошлаб кунига 40 минг тоннадан кам бўлмаган ҳажмда қўйиш, Ҳар бир йирик цемент ишлаб чиқарувчи корхоналарга масъул вакиллар бириктириб, кунлик мониторинг олиб бориш.	Кунлик график асосида	«Ўзсаноатқурилишматериаллари» уюшмаси (Б. Зарипов), Монополияга қарши курашиш қўмитаси (Н. Шарипов), Ўзбекистон Республика товар-хом ашё биржаси (З. Бадриддинов), Давлат активларини бошқариш агентлиги (С. Бекенов), «Олмалиқ КМК» АЖ (А. Хурсанов)
4.	Биржа савдоларига қўйиладиган цемент ҳақида ҳар бир ҳудуд (туман, шаҳар), шу жумладан цемент маҳсулоти ишлаб чиқарувчилар кесимида ҳамда биржа савдоларида харид қилинган цемент ҳажмлари, уларнинг ўртача нархлари ва маркалари тўғрисидаги маълумотларни Республика товар-хом ашё биржасининг расмий веб-сайтида жойлаштириб бориш.	Амалий чора-тадбирлар	Июль ― декабрь	Ўзбекистон Республика товар-хом ашё биржаси (З. Бадриддинов), Монополияга қарши курашиш қўмитаси (Н. Шарипов)
5.	Республикадаги цемент ишлаб чиқариш корхоналарининг узлуксиз ишлашини таъминлаш учун зарур бўлган ҳажм ва сифатдаги табиий газ ҳамда электр энергиясини (4-иловага мувофиқ) етказиб бериш.	897,0 млн куб м. газ ва 1112,7 млн кВт/с. электр энергиясини етказиб бериш	2020 йил июль ― декабрь	Энергетика вазирлиги (А. Султанов), «Ўзтрансгаз» АЖ (У. Сайидов), «Ҳудудгазтаъминот» АЖ (Б. Эшмуратов), «Ҳудудий электр тармоқлари» АЖ (У. Мустафоев)
6.	Биржада сотилган юқори ликвидли маҳсулотларни харидорларга етказиб бериш бўйича логистик хизматларни кўрсатишга мўлжалланган махсус электрон савдо майдончасини ташкил этиш. Бунда биржа иштирокчилари учун логистика хизматлари бўйича 24/7 режимида ишлайдиган call-марказ ҳамда юк ҳаракати тўғрисидаги SMS огоҳлантируви хизматини ташкил этиш ва маҳсулотни электрон навбат бўйича юклаш назарда тутилсин.	Дастур таъминотини ишлаб чиқиш Компьютер ва бошқа техник ускуналарни харид қилиш Тизимни ишга тушириш	2020 йил 1 сентябрь	Ўзбекистон Республика товар-хом ашё биржаси (З. Бадриддинов), Транспорт вазирлиги (Э. Ганиев)
7.	Фарғона вилоятининг Ўзбекистон туманидаги 9 та цемент заводига («Шўрсув» МФЙ ва «Қўқон» ЭИЗ) 37 км ва «Farg'ona Yasin qurilish mollari» МЧЖга 15 км; Андижон вилоятининг Қўрғонтепа туманидаги «Ишончли посбон текстиль» МЧЖга 4,5 км, Хўжаобод туманидаги «Rash milk» МЧЖга 20 км узунликда оптимал логистика схемасини ишлаб чиқиш ва тасдиқлаш.	Амалий чора-тадбирлар	2020 йил 1 октябрь	Транспорт вазирлиги (Э. Ганиев), «Ўзсаноатқурилишматериаллари» уюшмаси (Б. Зарипов), корхона раҳбарлари
II. Республикага соддалаштирилган тартибда хориждан цемент олиб кирилишини ташкил қилиш
8.	Цемент импорт қилувчи субъектлар, сертификатлаштириш органлари, Давлат божхона қўмитаси, Қурилиш вазирлиги, «Ўзстандарт» агентлиги, Монополияга қарши курашиш қўмитаси ўртасида электрон ахборот алмашинуви майдончасини ташкил қилиш. Бунда импорт қилинган цемент маҳсулотларининг белгиланган меъёрлар ва мазкур қарор талабларига мос (ёки мос эмаслиги), олиб кирилган цемент ҳажми, соддалаштирилган тартибда цемент олиб кириш ва сертификатлаштириш ҳуқуқига эга бўлган ҳамда «қора рўйхат»га кирган субъектлар тўғрисида маълумотлар бўлишини назарда тутиш.	Компьютер ва бошқа техник ускуналарини харид қилиш, Тизимни ишга тушириш	2020 йил сентябрь	Давлат божхона қўмитаси (М. Азимов), «Ўзстандарт» агентлиги (Д. Саттаров), Монополияга қарши курашиш қўмитаси (Н. Шарипов)
9.	Ички бозордаги цемент маҳсулотлари сифатини ўрганиш мақсадида назорат харидларини амалга ошириш ҳамда уларнинг техник жиҳатдан тартибга солиш соҳасидаги норматив ҳужжатлар талабларига мувофиқлигини ўрганиб бориш.	Амалий чора-тадбирлар	Доимий	Монополияга қарши курашиш қўмитаси (Н. Шарипов), «Ўзстандарт» агентлиги (Д. Саттаров)
III. Норматив-ҳуқуқий ҳужжатларни такомиллаштириш
10.	Қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритиш.	Норматив-ҳуқуқий ҳужжат	2020 йил август	«Ўзстандарт» агентлиги (Д. Саттаров), Монополияга қарши курашиш қўмитаси (Н. Шарипов), Адлия вазирлиги (Р. Давлетов)
11.	Ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштириш.	Норматив-ҳуқуқий ҳужжат	2020 йил август	«Ўзстандарт» агентлиги (Д. Саттаров), Монополияга қарши курашиш қўмитаси (Н. Шарипов), Адлия вазирлиги (Р. Давлетов), манфаатдор вазирликлар ва идоралар
IV. Оммавий ахборот воситалари орқали аҳолига мазкур қарор мазмунини кенг ёритиш
12.	Цемент импорт қилувчи субъектларга ва сертификатлаштириш органларига, шу жумладан трейдер, қурилиш ташкилотлари ва йирик тадбиркорларга цементни соддалаштирилган тартибда республикага олиб кириш тизимини тушунтириш ва уларга буклетлар тарқатиш, учрашувлар ўтказиш.	Амалий чора-тадбирлар	2020 йил июль ― сентябрь	Давлат божхона қўмитаси (М. Азимов), «Ўзстандарт» агентлиги (Д. Саттаров), Монополияга қарши курашиш қўмитаси (Н. Шарипов)
13.	Биржага қўйилаётган цемент ҳажмлари, ушбу савдоларда иштирок этаётган талабгорлар ва харидорлар сони, шунингдек, биржа савдоларида шаклланаётган кунлик цемент маҳсулоти котировкалари тўғрисидаги маълумотларни оммавий ахборот воситаларида кенг ёритиш.	Оммавий ахборот воситалари ва ижтимоий тармоқларда мақолалар бериб бориш	Ҳар ҳафта	Монополияга қарши курашиш қўмитаси (Н. Шарипов), Ўзбекистон Республика товар-хом ашё биржаси (З. Бадриддинов), ЎзМТРК (А. Хаджаев)

Цемент маҳсулотлари ишлаб чиқариш ҳажмини ошириш ҳамда ички бозорни сифатли цемент билан таъминлаш бўйича «Йўл харитаси»га
1-ИЛОВА

Ўзбекистон Республикасида фаолият юритаётган цемент ишлаб чиқарувчи корхоналар томонидан 2020 йил якунига қадар цемент ишлаб чиқариш

ГРАФИГИ

Олдинги таҳрирга қаранг.

Т/р	Тадбир номи	Амалга ошириш механизми	Ижро муддати	Масъул ижрочилар
I. Республикада цемент ишлаб чиқариш ҳажмини янада кўпайтириш бўйича
1.	Республикада фаолият юритаётган цемент ишлаб чиқарувчи корхоналар томонидан 2020 йил II ярмида 9060,2 минг тонна (I ярим йилликка нисбатан 166% кўп) цемент (1-иловага мувофиқ график асосида) ишлаб чиқаришни таъминлаш.	Клинкер ва цемент маҳсулотларини узлуксиз ишлаб чиқаришни таъминлаш	Ҳар бир корхона бўйича ишлаб чиқилган графикка мувофиқ (1-илова)	«Ўзсаноатқурилишматериаллари» уюшмаси (Б. Зарипов), Давлат активларини бошқариш агентлиги (С. Бекенов), «Олмалиқ КМК» АЖ (А. Хурсанов)
2.	2020-2021 йилларда 1129 млн АҚШ доллари миқдорида инвестиция киритиш ҳисобига 14,5 млн. тонна цемент ишлаб чиқариш бўйича янги қувватларни (2-иловага мувофиқ рўйхат асосида) ишга тушириш, шу жумладан: 2020 йил ― 7 та лойиҳа (395 млн АҚШ долл., 5410 минг тонна); 2021 йил ― 11 та лойиҳа (734 млн АҚШ долл., 9100 минг тонна).	Ускуналарнинг етказилишини таъминлаш Қурилиш-монтаж ишларни амалга ошириш Ишлаб чиқаришни йўлга қўйиш	Ҳар бир корхонанинг техник-иқтисодий асосномасига мувофиқ	«Ўзсаноатқурилишматериаллари» уюшмаси (Б. Зарипов), Инвестициялар ва ташқи савдо вазирлиги (Умурзаков), Давлат активларини бошқариш агентлиги (С. Бекенов)
3.	Маҳаллий цемент ишлаб чиқарувчилар томонидан (3-иловага мувофиқ) цементни биржа савдоларига қўйиб бориш. Тасдиқланган ойлик графиклар (савдо кунларига тенг тақсимланган) бўйича цементнинг биржа совдаларига қўйилишини доимий назорат қилиш.	6 та йирик ва кичик корхоналар томонидан цементни биржа савдоларига 2020 йил 1 августидан бошлаб кунига 40 минг тоннадан кам бўлмаган ҳажмда қўйиш, Ҳар бир йирик цемент ишлаб чиқарувчи корхоналарга масъул вакиллар бириктириб, кунлик мониторинг олиб бориш.	Кунлик график асосида	«Ўзсаноатқурилишматериаллари» уюшмаси (Б. Зарипов), Монополияга қарши курашиш қўмитаси (Н. Шарипов), Ўзбекистон Республика товар-хом ашё биржаси (З. Бадриддинов), Давлат активларини бошқариш агентлиги (С. Бекенов), «Олмалиқ КМК» АЖ (А. Хурсанов)
4.	Биржа савдоларига қўйиладиган цемент ҳақида ҳар бир ҳудуд (туман, шаҳар), шу жумладан цемент маҳсулоти ишлаб чиқарувчилар кесимида ҳамда биржа савдоларида харид қилинган цемент ҳажмлари, уларнинг ўртача нархлари ва маркалари тўғрисидаги маълумотларни Республика товар-хом ашё биржасининг расмий веб-сайтида жойлаштириб бориш.	Амалий чора-тадбирлар	Июль ― декабрь	Ўзбекистон Республика товар-хом ашё биржаси (З. Бадриддинов), Монополияга қарши курашиш қўмитаси (Н. Шарипов)
5.	Республикадаги цемент ишлаб чиқариш корхоналарининг узлуксиз ишлашини таъминлаш учун зарур бўлган ҳажм ва сифатдаги табиий газ ҳамда электр энергиясини (4-иловага мувофиқ) етказиб бериш.	897,0 млн куб м. газ ва 1112,7 млн кВт/с. электр энергиясини етказиб бериш	2020 йил июль ― декабрь	Энергетика вазирлиги (А. Султанов), «Ўзтрансгаз» АЖ (У. Сайидов), «Ҳудудгазтаъминот» АЖ (Б. Эшмуратов), «Ҳудудий электр тармоқлари» АЖ (У. Мустафоев)
6.	Биржада сотилган юқори ликвидли маҳсулотларни харидорларга етказиб бериш бўйича логистик хизматларни кўрсатишга мўлжалланган махсус электрон савдо майдончасини ташкил этиш. Бунда биржа иштирокчилари учун логистика хизматлари бўйича 24/7 режимида ишлайдиган call-марказ ҳамда юк ҳаракати тўғрисидаги SMS огоҳлантируви хизматини ташкил этиш ва маҳсулотни электрон навбат бўйича юклаш назарда тутилсин.	Дастур таъминотини ишлаб чиқиш Компьютер ва бошқа техник ускуналарни харид қилиш Тизимни ишга тушириш	2020 йил 1 сентябрь	Ўзбекистон Республика товар-хом ашё биржаси (З. Бадриддинов), Транспорт вазирлиги (Э. Ганиев)
7.	Фарғона вилоятининг Ўзбекистон туманидаги 9 та цемент заводига («Шўрсув» МФЙ ва «Қўқон» ЭИЗ) 37 км ва «Farg'ona Yasin qurilish mollari» МЧЖга 15 км; Андижон вилоятининг Қўрғонтепа туманидаги «Ишончли посбон текстиль» МЧЖга 4,5 км, Хўжаобод туманидаги «Rash milk» МЧЖга 20 км узунликда оптимал логистика схемасини ишлаб чиқиш ва тасдиқлаш.	Амалий чора-тадбирлар	2020 йил 1 октябрь	Транспорт вазирлиги (Э. Ганиев), «Ўзсаноатқурилишматериаллари» уюшмаси (Б. Зарипов), корхона раҳбарлари
II. Республикага соддалаштирилган тартибда хориждан цемент олиб кирилишини ташкил қилиш
8.	Цемент импорт қилувчи субъектлар, сертификатлаштириш органлари, Давлат божхона қўмитаси, Қурилиш вазирлиги, «Ўзстандарт» агентлиги, Монополияга қарши курашиш қўмитаси ўртасида электрон ахборот алмашинуви майдончасини ташкил қилиш. Бунда импорт қилинган цемент маҳсулотларининг белгиланган меъёрлар ва мазкур қарор талабларига мос (ёки мос эмаслиги), олиб кирилган цемент ҳажми, соддалаштирилган тартибда цемент олиб кириш ва сертификатлаштириш ҳуқуқига эга бўлган ҳамда «қора рўйхат»га кирган субъектлар тўғрисида маълумотлар бўлишини назарда тутиш.	Компьютер ва бошқа техник ускуналарини харид қилиш, Тизимни ишга тушириш	2020 йил сентябрь	Давлат божхона қўмитаси (М. Азимов), «Ўзстандарт» агентлиги (Д. Саттаров), Монополияга қарши курашиш қўмитаси (Н. Шарипов)
9.	Ички бозордаги цемент маҳсулотлари сифатини ўрганиш мақсадида назорат харидларини амалга ошириш ҳамда уларнинг техник жиҳатдан тартибга солиш соҳасидаги норматив ҳужжатлар талабларига мувофиқлигини ўрганиб бориш.	Амалий чора-тадбирлар	Доимий	Монополияга қарши курашиш қўмитаси (Н. Шарипов), Ўзбекистон техник жиҳатдан тартибга солиш агентлиги (Д. Саттаров)
III. Норматив-ҳуқуқий ҳужжатларни такомиллаштириш
10.	Қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритиш.	Норматив-ҳуқуқий ҳужжат	2020 йил август	«Ўзстандарт» агентлиги (Д. Саттаров), Монополияга қарши курашиш қўмитаси (Н. Шарипов), Адлия вазирлиги (Р. Давлетов)
11.	Ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштириш.	Норматив-ҳуқуқий ҳужжат	2020 йил август	«Ўзстандарт» агентлиги (Д. Саттаров), Монополияга қарши курашиш қўмитаси (Н. Шарипов), Адлия вазирлиги (Р. Давлетов), манфаатдор вазирликлар ва идоралар
IV. Оммавий ахборот воситалари орқали аҳолига мазкур қарор мазмунини кенг ёритиш
12.	Цемент импорт қилувчи субъектларга ва сертификатлаштириш органларига, шу жумладан трейдер, қурилиш ташкилотлари ва йирик тадбиркорларга цементни соддалаштирилган тартибда республикага олиб кириш тизимини тушунтириш ва уларга буклетлар тарқатиш, учрашувлар ўтказиш.	Амалий чора-тадбирлар	2020 йил июль ― сентябрь	Давлат божхона қўмитаси (М. Азимов), «Ўзстандарт» агентлиги (Д. Саттаров), Монополияга қарши курашиш қўмитаси (Н. Шарипов)
13.	Биржага қўйилаётган цемент ҳажмлари, ушбу савдоларда иштирок этаётган талабгорлар ва харидорлар сони, шунингдек, биржа савдоларида шаклланаётган кунлик цемент маҳсулоти котировкалари тўғрисидаги маълумотларни оммавий ахборот воситаларида кенг ёритиш.	Оммавий ахборот воситалари ва ижтимоий тармоқларда мақолалар бериб бориш	Ҳар ҳафта	Монополияга қарши курашиш қўмитаси (Н. Шарипов), Ўзбекистон Республика товар-хом ашё биржаси (З. Бадриддинов), ЎзМТРК (А. Хаджаев)

Изоҳ: ҳар бир корхона кесимида табиий газ ва электр энергияси ҳамда кўмир ёқилғиси кунлик, ойлик ҳажмларда тўлиқ ва ўз вақтида таъминлансагина, юқоридаги кўрсаткичлар бажарилади.

Цемент ишлаб чиқарилиши бозордаги мавжуд талабга асосан амалга оширилади ва ҳажми ишлаб чиқарилган клинкер бўйича ҳисобланади.

(1-илова Ўзбекистон Республикаси Вазирлар Маҳкамасининг 2022 йил 11 мартдаги 114-сонли қарори таҳририда — Қонунчилик маълумотлари миллий базаси, 12.03.2022 й., 09/22/114/0209-сон)

Цемент маҳсулотлари ишлаб чиқариш ҳажмини ошириш ҳамда ички бозорни сифатли цемент билан таъминлаш бўйича «Йўл харитаси»га
2-ИЛОВА

2020-2021 йилларда цемент ишлаб чиқариш бўйича янги қувватларни ишга туширадиган корхоналар

РЎЙХАТИ

Т/р	Корхоналар	Йиллик қуввати (минг тонна)	Жалб қилинадиган инвестиция (млн АҚШ долл)	Ишга тушириш муддати	2020 йил якунига қадар ишлаб чиқариш ҳажми (минг тонна)
	ЖАМИ (18 та лойиҳа)	15,710	1,129		1,808
2020 йилда ишга тушириладиган лойиҳалар		5,410	395		1,808
1.	«Бекободцемент» АЖ	500	10	2020 йил октябрь	200
2.	«Хуаксин Цемент Жиззах» МЧЖ	1,200	150	2020 йил август	626
3.	«Оҳангаронцемент» АЖ	2,400	160	2020 йил октябрь	645
4.	«Қурилиш Ашё Сифат Сервис» МЧЖ	100	25	2020 йил май	2
5.	«Жаҳон Евро Сервис» МЧЖ	150	15	2020 йил ноябрь	30
6.	«Самарқанд Афросиёб Цемент» МЧЖ	560	35	2020 йил ноябрь	20
7.	«Қувасойцемент» АЖнинг Тошкент вилоятидаги «Янгийўл цемент» тегирмони	500	-	2020 йил август	285
2021 йилда ишга тушириладиган лойиҳалар		9,100	734
1.	«Rash milk» МЧЖ	1,000	110	2021 йил I чорак
2.	«Shaffof Sement Sanoat» ҚК МЧЖ	200	25	2021 йил I чорак
3.	«Поп цемент» МЧЖ	200	28	2021 йил I чорак
4.	«Мароканд цемент инвест» МЧЖ	500	30	2021 йил II чорак
5.	«Ишончли посбон текстил» МЧЖ	500	32	2021 йил III чорак
6.	«Бухоро евро цемент» МЧЖ	750	29	2021 йил III чорак
7.	«Farg'ona Yasin qurilish mollari» МЧЖ	1,200	120	2021 йил III чорак
8.	«Қарши конч цемент» МЧЖ	1,200	150	2021 йил IV чорак
9.	«Қизилқумцемент» АЖ	1,800	110	2021 йил IV чорак
10.	«Наманган цемент» МЧЖ	750	50	2021 йил IV чорак
11.	«Қорақалпоқцемент» МЧЖ (3-босқич)	1,000	50	2021 йил IV чорак

Цемент маҳсулотлари ишлаб чиқариш ҳажмини ошириш ҳамда ички бозорни сифатли цемент билан таъминлаш бўйича «Йўл харитаси»га
3-ИЛОВА

2020 йилнинг II ярим йиллигида биржа савдоларига қўйиладиган цемент

ҳажмлари

														(минг тонна)
Т/р	Корхоналар	2020 йилнинг I ярим йиллигида биржа савдоларига қўйилган цемент ҳажмлари (минг. тонна)	2020 йилнингII ярим йиллигида биржа савдоларига қўйилган цемент ҳажмлари (минг. тонна)	3-чоракда биржа савдоларига қўйиладиган цемент ҳажмлари						4-чоракда биржа савдоларига қўйиладиган цемент ҳажмлари
Т/р	Корхоналар			июль	шу жумладан кунлик	август	шу жумладан кунлик	сентябрь	шу жумладан кунлик	октябрь	шу жумладан кунлик	ноябрь	шу жумладан кунлик	декабрь	шу жумладан кунлик
	Жами	4,292,3	5,833,8	962,4	42,5	938,7	44,7	954,0	47,7	1,008,0	48,0	980,7	46,7	990,0	45,0
	Йирик корхоналар	3,969,7	5,034,0	856,6	37,9	825,3	39,3	826,0	41,3	873,6	41,6	825,3	39,3	827,2	37,6
1.	«Қизилқумцемент» АЖ	1,603,7	1,528,3	310,0	14,0	241,5	11,5	230,0	11,5	241,5	11,5	245,7	11,7	259,6	11,8
2.	«Оҳангаронцемент» АЖ	698,3	1,205,3	157,8	6,9	212,1	10,1	212,0	10,6	252,0	12,0	193,2	9,2	178,2	8,1
3.	«Қувасойцемент» АЖ	410,8	499,0	90,0	4,0	84,0	4,0	80,0	4,0	84,0	4,0	84,0	4,0	77,0	3,5
4.	«Бекободцемент» АЖ	531,2	630,5	95,0	4,0	88,2	4,2	108,0	5,4	107,1	5,1	113,4	5,4	118,8	5,4
	«Олмалиқ КМК» АЖ	725,7	1,170,9	203,8	9,0	199,5	9,5	196,0	9,8	189,0	9,0	189,0	9,0	193,6	8,8
5.	Жиззах цемент заводи	342,7	499,5	86,0	3,8	81,9	3,9	80,0	4,0	81,9	3,9	86,1	4,1	83,6	3,8
6.	Шеробод цемент заводи	383,0	671,4	117,8	5,2	117,6	5,6	116,0	5,8	107,1	5,1	102,9	4,9	110,0	5,0
	Кичик корхоналар	322,6	799,8	105,8	4,6	113,4	5,4	128,0	6,4	134,4	6,4	155,4	7,4	162,8	7,4

Цемент маҳсулотлари ишлаб чиқариш ҳажмини ошириш ҳамда ички бозорни сифатли цемент билан таъминлаш бўйича «Йўл харитаси»га
4-ИЛОВА

Республикада цемент ишлаб чиқариш корхоналарининг узлуксиз ишлашини таъминлаш учун зарур бўлган табиий газ ва электр энергиясини етказиб бериш

ГРАФИГИ

Т/р	Корхоналар	Ёқилғи тури	Ўлчов бирлиги	3-чорак			4-чорак
Т/р	Корхоналар	Ёқилғи тури	Ўлчов бирлиги	июль	август	сентябрь	октябрь	ноябрь	декабрь
	Жами	газ	млн.куб.м.	146,5	146,5	146,5	152,5	152,5	152,5
	Жами	электр энергияси	млн. кВт.с.	169,9	169,9	169,9	201,0	201,0	201,0
	*Йирик корхоналар:*	газ	млн.куб.м.	121,8	121,8	121,8	130,2	130,2	130,2
	*Йирик корхоналар:*	электр энергияси	млн. кВт.с.	115,3	115,3	115,3	141,2	141,2	141,2
1.	«Қизилқумцемент» АЖ	газ	млн.куб.м.	35,3	35,3	35,3	33,8	33,8	33,8
1.	«Қизилқумцемент» АЖ	электр энергияси	млн. кВт.с.	48,0	48,0	48,0	49,4	49,4	49,4
2.	«Оҳангаронцемент» АЖ	газ	млн.куб.м.	25,2	25,2	25,2	42,0	42,0	42,0
2.	«Оҳангаронцемент» АЖ	электр энергияси	млн. кВт.с.	16,3	16,3	16,3	36,2	36,2	36,2
3.	«Қувасойцемент» АЖ	газ	млн.куб.м.	17,0	17,0	17,0	15,3	15,3	15,3
3.	«Қувасойцемент» АЖ	электр энергияси	млн. кВт.с.	10,1	10,1	10,1	11,2	11,2	11,2
4.	«Бекободцемент» АЖ	газ	млн.куб.м.	21,0	21,0	21,0	19,0	19,0	19,0
4.	«Бекободцемент» АЖ	электр энергияси	млн. кВт.с.	15,5	15,5	15,5	17,5	17,5	17,5
5.	Жиззах цемент заводи («Олмалиқ ТМК» АЖ)	газ	млн.куб.м.	10,0	10,0	10,0	8,4	8,4	8,4
5.	Жиззах цемент заводи («Олмалиқ ТМК» АЖ)	электр энергияси	млн. кВт.с.	10,6	10,6	10,6	11,4	11,4	11,4
6.	Шеробод цемент заводи («Олмалиқ ТМК» АЖ)	газ	млн.куб.м.	13,3	13,3	13,3	11,7	11,7	11,7
6.	Шеробод цемент заводи («Олмалиқ ТМК» АЖ)	электр энергияси	млн. кВт.с.	14,8	14,8	14,8	15,5	15,5	15,5
7.	*Бошқа корхоналар*	газ	млн.куб.м.	24,7	24,7	24,7	22,3	22,3	22,3
7.	*Бошқа корхоналар*	электр энергияси	млн. кВт.с.	54,6	54,6	54,6	59,8	59,8	59,8

Олдинги таҳрирга қаранг.

(2-илова Ўзбекистон Республикаси Вазирлар Маҳкамасининг 2024 йил 1 июлдаги 371-сонли қарорига асосан ўз кучини йўқотган — Қонунчилик маълумотлари миллий базаси, 12.07.2024 й., 09/24/371/0499-сон)

Вазирлар Маҳкамасининг 2020 йил 23 июлдаги 450-сон қарорига
3-ИЛОВА

Вазирлар Маҳкамасининг «Ўзбекистон стандартлаштириш, метрология ва сертификатлаштириш агентлигининг фаолиятини янада такомиллаштириш чора-тадбирлари тўғрисида» 2019 йил 24 апрелдаги 348-сон қарорига киритилаётган ўзгартириш ва қўшимчалар

1. 3-бандда:

қуйидаги мазмундаги учинчи хатбоши қўшилсин:

«Ўзбекистон миллий метрология институти» ва «Республика синов ва сертификатлаштириш маркази» давлат корхоналари (кейинги ўринларда — «ЎзММИ» ва «Республика ССМ» давлат корхоналари) хизмат кўрсатиш соҳалари кесимида тугатилаётган Қорақалпоғистон Республикаси, вилоятлар ва шаҳарлардаги синов ва сертификатлаштириш марказлари давлат корхоналарининг барча ҳуқуқлари, мажбуриятлари ва шартномалари бўйича хуқуқий вориси ҳисобланади;»;

учинчи хатбоши тўртинчи хатбоши деб ҳисоблансин;

тўртинчи хатбошидаги «бўлган ва «Ўзстандарт» агентлиги томонидан аниқланадиган харажатлар Қорақалпоғистон Республикасида, вилоятлар ва шаҳарлардаги синов ва сертификатлаштириш марказларининг» сўзлари «харажатлар «Ўзстандарт» агентлиги билан келишилган ҳолда «ЎзММИ» давлат корхонасининг» сўзлари билан алмаштирилсин.

2. 4-бандда:

иккинчи хатбошига «ҳамда бошқа мол-мулки ва активлари Департаментга беғараз берилсин» сўзлари қўшилсин;

учинчи хатбоши қуйидаги таҳрирда баён этилсин:

«тугатилаётган ҳудудий синов ва сертификатлаштириш марказларининг бино ва иншоотлари оператив бошқарув ҳуқуқи билан «ЎзММИ» давлат корхонасига ҳамда бошқа мол-мулклари ва активлари соҳалари бўйича «ЎзММИ» ва «Республика ССМ» давлат корхоналарига беғараз берилсин».

3. 1-илова 46-бандининг биринчи хатбошидаги «Ўзстандарт» агентлигининг марказий аппарати» сўзларидан кейин «ва Департамент» сўзлари қўшилсин.

4. 2-илованинг 12-бандига қуйидаги мазмундаги «д» кичик банд қўшилсин:

«д) давлат назорати учун бюджетдан ташқари ривожлантириш жамғармаси маблағлари ҳисобидан назорат хариди ва синов лабораторияларида синовларни ўтказиш харажатларини қоплашга йўналтириш».

(Қонун ҳужжатлари маълумотлари миллий базаси, 23.07.2020 й., 09/20/450/1092-сон; Қонунчилик маълумотлари миллий базаси, 12.03.2022 й., 09/22/114/0209-сон, 05.04.2022 й., 09/22/153/0266-сон; 12.07.2024 й., 09/24/371/0499-сон)