Ўзбекистон Республикаси Вазирлар Маҳкамасининг
қарори
Олдинги таҳрирга қаранг.
Ўзбекистон Республикаси Рақамли технологиялар вазирлиги тизимидаги айрим ташкилотларнинг фаолиятини ташкил этиш чора-тадбирлари тўғрисида
(қарор номи Ўзбекистон Республикаси Вазирлар Маҳкамасининг 2023 йил 14 мартдаги 107-сонли қарори таҳририда — Қонунчилик маълумотлари миллий базаси, 14.03.2023 й., 09/23/107/0146-сон)
Ўзбекистон Республикаси Президентининг «Рақамли иқтисодиёт ва электрон ҳукуматни кенг жорий этиш чора-тадбирлари тўғрисида» 2020 йил 28 апрелдаги ПҚ-4699-сон қарори ижросини таъминлаш мақсадида Вазирлар Маҳкамаси қарор қилади:
Олдинги таҳрирга қаранг.
1. Ўзбекистон Республикаси Президентининг «Рақамли иқтисодиёт ва электрон ҳукуматни кенг жорий этиш чора-тадбирлари тўғрисида» 2020 йил 28 апрелдаги ПҚ-4699-сон қарорига мувофиқ «Электрон ҳукумат лойиҳаларини бошқариш маркази», шунингдек, Ўзбекистон Республикаси Президентининг «Сунъий интеллект технологияларини 2030 йилга қадар ривожлантириш стратегиясини тасдиқлаш тўғрисида» 2024 йил 14 октябрдаги ПҚ-358-сон қарори билан «Сунъий интеллект ва рақамли иқтисодиётни ривожлантириш маркази» давлат муассасаси (кейинги ўринларда — Марказлар) ташкил этилганлиги ва уларнинг асосий вазифалари белгиланганлиги маълумот учун қабул қилинсин.
(1-банд Ўзбекистон Республикаси Вазирлар Маҳкамасининг 2025 йил 10 июлдаги 425-сонли қарори таҳририда — Қонунчилик маълумотлари миллий базаси, 11.07.2025 й., 09/25/425/0597-сон)
2. Марказларнинг асосий вазифаларидан келиб чиққан ҳолда:
Олдинги таҳрирга қаранг.
а) «Рақамли ҳукумат лойиҳаларини бошқариш маркази» давлат муассасасининг функциялари этиб қуйидагилар белгилансин:
(2-банд «а» кичик бандининг биринчи хатбошиси Ўзбекистон Республикаси Вазирлар Маҳкамасининг 2023 йил 28 декабрдаги 688-сонли қарори таҳририда — Қонунчилик маълумотлари миллий базаси, 29.12.2023 й., 09/23/688/0996-сон)
электрон ҳукумат ва рақамли иқтисодиёт лойиҳаларини амалга оширишда ягона технологик ёндашувни таъминлаш, шу жумладан лойиҳавий-техник ҳужжатларни комплекс экспертизадан ўтказиш;
ахборот технологияларидан фойдаланишнинг самарадорлиги ва электрон давлат хизматларини жорий этишни таҳлил қилиш орқали давлат органлари ва ташкилотларида рақамли ривожланишнинг устувор йўналишларини ишлаб чиқиш;
рақамли иқтисодиёт ва электрон ҳукуматни ривожлантириш бўйича давлат органлари ва ташкилотларга услубий-амалий ёрдам кўрсатиш;
давлат органлари ва ташкилотларида ижро интизомининг идоралараро ягона электрон тизимини, идоралараро ахборот тизимларини, манбалар ва бошқа дастурий маҳсулотларни жорий этиш;
электрон ҳукумат ва рақамли иқтисодиёт соҳасидаги лойиҳаларни самарали амалга ошириш учун норматив-ҳуқуқий базани такомиллаштириш бўйича таклифлар тайёрлаш;
электрон ҳукумат ва рақамли иқтисодиёт соҳасидаги лойиҳаларни амалга ошириш босқичларини мувофиқлаштириш, шунингдек давлат органлари ва ташкилотлари фаолиятида ахборот технологияларининг жорий этилишини мониторинг қилиш ва баҳолаш;
электрон ҳукумат ва рақамли иқтисодиёт соҳасидаги лойиҳаларни амалиётга татбиқ этиш бўйича мақсадли индикаторлар ва самарадорлик кўрсаткичларини ишлаб чиқиш;
электрон ҳукумат инфратузилмасини янада ривожлантиришни таъминлаш, шу жумладан Ягона интерактив давлат хизматлари портали, давлат хизматлари ва бошқа электрон ҳукумат ахборот тизимлари хизматларини кўрсатганлик учун тўланган давлат божи ва йиғимлар миқдорини ҳисобга олишнинг ягона биллинг тизимини ривожлантириш;
Олдинги таҳрирга қаранг.
«Digital office» тизимини техник жиҳатдан қўллаб-қувватлаш, узлуксиз ишлаши ва ахборот хавфсизлигини таъминлаш;
«Электрон ҳукумат» тизимининг маълумотларни қайта ишлаш маркази фаолиятини мувофиқлаштириш, давлат ахборот тизимлари ва ресурсларини жойлаштириш, сақлаш ва қайта ишлаш;
(2-банднинг «а» кичик банди Ўзбекистон Республикаси Вазирлар Маҳкамасининг 2023 йил 14 мартдаги 107-сонли қарорига асосан хатбошилар билан тўлдирилган — Қонунчилик маълумотлари миллий базаси, 14.03.2023 й., 09/23/107/0146-сон)
Олдинги таҳрирга қаранг.
б) «Сунъий интеллект ва рақамли иқтисодиётни ривожлантириш маркази» давлат муассасасининг функциялари этиб қуйидагилар белгилансин:
(5-банд «б» кичик бандининг биринчи хатбошиси Ўзбекистон Республикаси Вазирлар Маҳкамасининг 2025 йил 10 июлдаги 425-сонли қарори таҳририда — Қонунчилик маълумотлари миллий базаси, 11.07.2025 й., 09/25/425/0597-сон)
ҳар томонлама таҳлилий ва амалий тадқиқотлар асосида рақамлаштириш жараёнларининг ишлаб чиқариш ва иқтисодиёт тармоқларига таъсирини баҳолаш ҳамда келгусида мамлакат иқтисодиётининг рақамли трансформациясини кенгайтириш бўйича таклифлар ишлаб чиқиш;
давлат органлари ва иқтисодиёт тармоқлари фаолиятида рақамли иқтисодиётни кенг жорий этишда юзага келадиган муаммоларни ўрганиш, таҳлил қилиш ва уларнинг ечимлари бўйича ҳар томонлама асосланган таклифлар тайёрлаш;
экспертлар ҳамжамияти билан биргаликда давлат органлари ва ташкилотларининг фаолиятига рақамли иқтисодиёт ва электрон ҳукумат соҳаларидаги янги йўналиш ва замонавий технологияларни чуқур ўрганиш орқали кенг жорий этиш бўйича таклифлар ишлаб чиқиш;
рақамли иқтисодиёт ва электрон ҳукуматнинг ривожланганлик даражаси бўйича етакчи мамлакатлар тажрибасини ўрганиш ҳамда уларни давлат органлари, ташкилотлар ва иқтисодиёт тармоқларига татбиқ этиш юзасидан таклифлар тайёрлаш;
«ақлли» ва бошқа истиқболли технологияларни, шунингдек иқтисодиётнинг турли соҳаларида катта ҳажмдаги маълумотларни қайта ишлаш технологияларини жорий қилишнинг концептуал ва услубий асосларини шакллантириш;
рақамли технологияларни жорий этишнинг устувор йўналишлари бўйича илмий-техник ва тадқиқот фаолиятини амалга оширишга асосланган электрон ҳукумат ва рақамли иқтисодиётни ривожлантиришнинг узоқ муддатли истиқболларини ишлаб чиқиш;
Олдинги таҳрирга қаранг.
сунъий интеллект технологияларини жорий этиш ва рақамли иқтисодиётни ривожлантириш, шу жумладан, норматив-ҳуқуқий базани шакллантириш, халқаро стандартлар ва методологияларни жорий этиш бўйича ягона технологик ёндашувни таъминлаш;
маълумотларни қайта ишлаш учун технологик инфратузилмани ривожлантириш ҳамда ижтимоий ва иқтисодий соҳаларида сунъий интеллект технологиялари асосида устувор лойиҳаларни амалга ошириш;
сунъий интеллект технологиялари асосида рақобатбардош дастурий маҳсулотлар ишлаб чиқаришни рағбатлантириш ҳамда уларнинг ташқи бозорларга чиқишини қўллаб-қувватлаш бўйича таклифлар тайёрлаш;
электрон давлат хизматларини кўрсатиш тизимида сунъий интеллект технологияларини жорий этишнинг устувор йўналишларини белгилаш юзасидан таклифларни ишлаб чиқиш;
сунъий интеллект соҳасида кадрлар салоҳиятини ривожлантириш, аҳолини сунъий интеллект имкониятларидан амалий фойдаланишга кенг ўргатиш, шунингдек, ушбу йўналишда илмий салоҳиятни ривожлантириш бўйича таклифлар ишлаб чиқиш.
(2-банднинг «б» кичик банди Ўзбекистон Республикаси Вазирлар Маҳкамасининг 2025 йил 10 июлдаги 425-сонли қарорига асосан хатбошилар билан тўлдирилган — Қонунчилик маълумотлари миллий базаси, 11.07.2025 й., 09/25/425/0597-сон)
Олдинги таҳрирга қаранг.
3. Қуйидагилар:
Олдинги таҳрирга қаранг.
Ўзбекистон Республикаси Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг тузилмаси 1-иловага мувофиқ;
(3-банднинг иккинчи хатбошиси Ўзбекистон Республикаси Вазирлар Маҳкамасининг 2023 йил 28 декабрдаги 688-сонли қарори таҳририда — Қонунчилик маълумотлари миллий базаси, 29.12.2023 й., 09/23/688/0996-сон)
Олдинги таҳрирга қаранг.
Ўзбекистон Республикаси Рақамли технологиялар вазирлиги ҳузуридаги «Сунъий интеллект ва рақамли иқтисодиётни ривожлантириш маркази» давлат муассасасининг тузилмаси 2-иловага мувофиқ тасдиқлансин.
(3-банднинг учинчи хатбошиси Ўзбекистон Республикаси Вазирлар Маҳкамасининг 2025 йил 10 июлдаги 425-сонли қарори таҳририда — Қонунчилик маълумотлари миллий базаси, 11.07.2025 й., 09/25/425/0597-сон)
Ўзбекистон Республикаси Рақамли технологиялар вазирига Марказларнинг тузилмаларига ходимларнинг белгиланган умумий чекланган сони доирасида ўзгартиришлар киритиш ҳуқуқи берилсин.
(3-банд Ўзбекистон Республикаси Вазирлар Маҳкамасининг 2023 йил 14 мартдаги 107-сонли қарори таҳририда — Қонунчилик маълумотлари миллий базаси, 14.03.2023 й., 09/23/107/0146-сон)
Олдинги таҳрирга қаранг.
4. Ўзбекистон Республикаси Рақамли технологиялар вазирлиги ҳузурида давлат муассасаси шаклида «Бинолардан фойдаланиш ва капитал қурилиш дирекцияси» (кейинги ўринларда — Дирекция) ташкил этилсин.
(4-банднинг биринчи хатбошиси Ўзбекистон Республикаси Вазирлар Маҳкамасининг 2023 йил 14 мартдаги 107-сонли қарори таҳририда — Қонунчилик маълумотлари миллий базаси, 14.03.2023 й., 09/23/107/0146-сон)
Қуйидагилар Дирекциянинг асосий вазифалари этиб белгилансин:
Олдинги таҳрирга қаранг.
Ўзбекистон Республикаси Рақамли технологиялар вазирлиги (кейинги ўринларда — Вазирлик) ва унинг тизимидаги ташкилотларнинг бино ва иншоотларини қуриш, реконструкция қилиш ва капитал таъмирлаш ишларига буюртмачи вазифасини бажариш;
(4-банднинг учинчи хатбошиси Ўзбекистон Республикаси Вазирлар Маҳкамасининг 2023 йил 14 мартдаги 107-сонли қарори таҳририда — Қонунчилик маълумотлари миллий базаси, 14.03.2023 й., 09/23/107/0146-сон)
Вазирлик ва унинг таркибидаги ташкилотларнинг бино ва иншоотларидан фойдаланиш ва уларга хизмат кўрсатиш;
Вазирлик ва унинг таркибидаги ташкилотларни транспорт хизмати билан таъминлаш ҳамда уларнинг моддий-техник таъминотини ташкил қилиш.
Олдинги таҳрирга қаранг.
5. Қуйидагилар:
а) «Рақамли ҳукумат лойиҳаларини бошқариш маркази» давлат муассасасининг фаолиятини молиялаштириш манбалари этиб белгилансин:
Рақамли технологияларни ривожлантириш жамғармасининг мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўланадиган тўлов суммасининг тақсимлангунига қадар бўлган 35 фоизидан шакллантириладиган махсус ҳисобварағига келиб тушган маблағлар;
Ягона интерактив давлат хизматлари портали орқали давлат хизматларини кўрсатганлик учун тўланган давлат божлари, йиғимлар ва барча турдаги тўловларнинг 11,75 фоизи (шундан 0,5 фоизи — Ягона биллинг тизими орқали давлат хизматлари кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига келиб тушган маблағлар;
халқаро молия институтлари ва бошқа институтлар, хорижий ташкилотларнинг грантлари;
қонунчилик ҳужжатлари билан тақиқланмаган бошқа манбалар;
Олдинги таҳрирга қаранг.
б) «Сунъий интеллект ва рақамли иқтисодиётни ривожлантириш маркази» давлат муассасасининг фаолиятини молиялаштириш манбалари этиб белгилансин:
Рақамли технологияларни ривожлантириш жамғармаси;
хўжалик шартномалари доирасида кўрсатилган хизматлар ҳамда лойиҳаларни амалга оширишдан тушган маблағлар;
зарур техник инфратузилмани тақдим этиш эвазига шартномавий асосда стартап-лойиҳалардаги ўз улушларини сотишдан тушган маблағлар;
халқаро молия институтлари ва бошқа институтлар, хорижий ташкилотларнинг грантлари;
қонунчилик ҳужжатлари билан тақиқланмаган бошқа манбалар;
(5-банднинг «б» кичик банди Ўзбекистон Республикаси Вазирлар Маҳкамасининг 2025 йил 10 июлдаги 425-сонли қарори таҳририда — Қонунчилик маълумотлари миллий базаси, 11.07.2025 й., 09/25/425/0597-сон)
в) Дирекциянинг фаолиятини молиялаштириш манбалари этиб белгилансин:
Рақамли технологияларни ривожлантириш жамғармаси ҳамда Вазирлик тизимидаги ташкилотлар маблағлари;
хўжалик фаолиятидан олинган маблағлар;
қонунчилик ҳужжатлари билан тақиқланмаган бошқа манбалар.
(5-банд Ўзбекистон Республикаси Вазирлар Маҳкамасининг 2023 йил 28 декабрдаги 688-сонли қарори таҳририда — Қонунчилик маълумотлари миллий базаси, 29.12.2023 й., 09/23/688/0996-сон)
Олдинги таҳрирга қаранг.
51. Белгилаб қўйилсинки, 2030 йил 1 январдан бошлаб «Сунъий интеллект ва рақамли иқтисодиётни ривожлантириш маркази» давлат муассасаси ўзи кўрсатган хизматлар доирасидаги тушумлар ҳисобидан босқичма-босқич мустақил молиялаштиришга ўтади.
(51-банд Ўзбекистон Республикаси Вазирлар Маҳкамасининг 2025 йил 10 июлдаги 425-сонли қарорига асосан киритилган — Қонунчилик маълумотлари миллий базаси, 11.07.2025 й., 09/25/425/0597-сон)
6. Белгилансинки, Марказлар ва Дирекция ходимларининг меҳнатини моддий рағбатлантириш, Вазирлик билан келишилган ҳолда, Марказлар ва Дирекция томонидан тасдиқланадиган тегишли низомларга мувофиқ харажатлар сметалари доирасида амалга оширилади.
Бунда, Марказлар ва Дирекция ходимларининг меҳнатини рағбатлантириш тўғрисидаги низомларда уларнинг лавозим маошларига 100 фоиз қўшимча ойлик устама қўлланилиши назарда тутилади.
7. Вазирлик:
бир ой муддатда Марказларнинг ва Дирекциянинг уставларини ишлаб чиқсин ва тасдиқласин, шунингдек уларнинг белгиланган тартибда давлат рўйхатидан ўтказилишини таъминласин;
Марказларни ва Дирекцияни зарур мутахассисликка эга тажрибали кадрлар билан тўлдириш, шунингдек уларнинг моддий-техника базасини шакллантириш чораларини кўрсин.
Олдинги таҳрирга қаранг.
8. Марказлар қуйидаги манзилдаги биноларда текин фойдаланиш ҳуқуқи асосида жойлаштирилсин:
«Рақамли ҳукумат лойиҳаларини бошқариш маркази» давлат муассасаси Тошкент шаҳрининг, Мирзо Улуғбек тумани И. Мўминова кўчасидаги 4-уй;
«Сунъий интеллект ва рақамли иқтисодиётни ривожлантириш маркази» давлат муассасаси Тошкент шаҳрининг Яшнобод тумани Махтумқули кўчасидаги 114А-уй.
Бунда, биноларни сақлаш бўйича жорий харажатлар фойдаланувчилар томонидан қопланади.
(8-банд Ўзбекистон Республикаси Вазирлар Маҳкамасининг 2025 йил 10 июлдаги 425-сонли қарори таҳририда — Қонунчилик маълумотлари миллий базаси, 11.07.2025 й., 09/25/425/0597-сон)
9. Вазирлар Маҳкамасининг 2012 йил 19 декабрдаги 356-сон қарори (Ўзбекистон Республикаси ҚТ, 2012 й., 12-сон, 87-модда) билан тасдиқланган Ахборот-коммуникация технологияларини ривожлантириш жамғармаси тўғрисидаги низом 5-бандининг «б» кичик бандига қуйидаги мазмундаги йигирма олтинчи хатбоши қўшилсин:
«электрон ҳукумат ва рақамли иқтисодиётнинг идоралараро лойиҳаларини молиялаштириш мақсадида «Электрон ҳукумат лойиҳаларини бошқариш маркази» ва «Рақамли иқтисодиёт тадқиқотлари маркази» давлат муассасаларининг жорий таъминоти, моддий-техник базасини мустаҳкамлаш ҳамда уларнинг ходимлари меҳнатини қўшимча моддий рағбатлантириш бўйича ажратиладиган харажатлар ҳамда «Бинолардан фойдаланиш ва капитал қурилиш дирекцияси» давлат муассасаси фаолиятини молиялаштириш».
10. Вазирлик бошқа манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг маслаҳатчиси — IТ-технологиялар, телекоммуникациялар ва инновацион фаолиятни ривожлантириш масалалари департаменти бошлиғи О.М. Умаров ҳамда Ўзбекистон Республикаси ахборот технологиялари ва коммуникацияларини ривожлантириш вазири Ш.М. Садиков зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 25 июнь,
409-сон
Олдинги таҳрирга қаранг.
Вазир Маҳкамасининг 2020 йил 25 июндаги 409-сон қарорига
1-ИЛОВА
Олдинги таҳрирга қаранг.
Ўзбекистон Республикаси Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг
ТУЗИЛМАСИ
(1-илованинг номи Ўзбекистон Республикаси Вазирлар Маҳкамасининг 2023 йил 28 декабрдаги 688-сонли қарори таҳририда — Қонунчилик маълумотлари миллий базаси, 29.12.2023 й., 09/23/688/0996-сон)

Директор

Директорнинг биринчи ўринбосари

Директор ўринбосари

Директор ўринбосари

Директор ўринбосари

Директор ўринбосари

Назорат ва ижро интизоми бўлими

2

Ахборот тизимлари ва ресурсларини ривожлантириш бошқармаси

1

Ташқи иқтисодий алоқалар, молия, инвестициялар ва банк ишлари соҳасида рақамли технологияларни жорий этиш бўлими

6

Транспорт, ёқилғи-энергетика комплекси ва уй-жой, коммунал хўжалик соҳасида рақамли технологияларни жорий этиш бўлими

8

Ижтимоий, таълим ва соғлиқни сақлаш тизимида рақамли технологияларни жорий этиш бўлими

8

Маълумотлар маркази инфратузилмасини қўллаб-қувватлаш ва эксплуатация қилиш бўлими


8

Юридик бўлим

3

Кадрлар бўлими

2

Марказлашган маълумотлар базалари ва ахборот тизимларини ривожлантириш бўлими



5

Илм-фан, ёшлар, оила ва маҳаллани қўллаб-қувватлаш тизимида рақамли иқтисодиётни жорий этиш бўлими

6

Маълумотлар марказининг муҳандислик инфратузилмасини қўллаб-қувватлаш бўлими

10

Харидлар, бюджет, божхона ва солиқ соҳасида рақамли технологияларни жорий этиш бўлими

6

Бухгалтерия

2

Кўчмас мулк, кадастр, геология ва қурилиш соҳасида рақамли технологияларни жорий этиш бўлими


6

 

Махсус ишлар бўлими

2

Маълумотлар марказининг ахборот ва ички хавфсизлик бўлими


4

Маълумотномалар ва таснифлагичларни ривожлантириш бўлими


4

Давлат бошқаруви ва адлия органларида рақамли технологияларни жорий этиш бўлими

6

Маданият, таълим соҳаси ва кутубхона ишларида рақамли технологияларни жорий этиш бўлими

4

Харид ва шартномалар бўлими

2

Қишлоқ ва сув хўжалиги, озиқ-овқат хавфсизлиги соҳасида рақамли технологияларни жорий этиш бўлими

6

Маълумотлар маркази тизимлари мониторинги бўлими

7

Электрон давлат хизматларини ривожлантириш бошқармаси

1

Экология ва атроф муҳитни муҳофаза қилиш соҳасида рақамли технологияларни жорий этиш бўлими

4

Электрон парламент тизимини ривожлантириш бўлими

4

Ҳудудларда рақамли технологияларни жорий этишни мувофиқлаштириш бўлими

5

Операцион ва функционал жараёнларни мувофиқлаштириш бўлими


4

Меҳнат ва архив иши соҳасида рақамли технологияларни жорий этиш бўлими

4

Ягона интерактив давлат хизматлари порталини ривожлантириш бўлими

4

Рақамли иқтисодиёт ва электрон ҳукумат лойиҳаларини аудит ва экспертиза қилиш бўлими

10

Марказ ходимларининг умумий чекланган сони (хизмат кўрсатувчи ходимлардан ташқари) — 150 нафар.
Хизмат кўрсатувчи ходимлар сони қонунчилик ҳужжатларига мувофиқ белгиланади.
(1-илова матни Ўзбекистон Республикаси Вазирлар Маҳкамасининг 2023 йил 14 мартдаги 107-сонли қарори таҳририда — Қонунчилик маълумотлари миллий базаси, 14.03.2023 й., 09/23/107/0146-сон)
Олдинги таҳрирга қаранг.
Вазир Маҳкамасининг 2020 йил 25 июндаги 409-сон қарорига
2-ИЛОВА
Ўзбекистон Республикаси Рақамли технологиялар вазирлиги ҳузуридаги «Сунъий интеллект ва рақамли иқтисодиётни ривожлантириш маркази» давлат муассасасининг
ТУЗИЛМАСИ

Директор

Директорнинг биринчи ўринбосари

Директорнинг ўринбосари

Маркетинг ва савдолар бўлими

2

Маъмурий-хўжалик ишлари бўйича бош мутахассис

1

Инфратузилма бўлими

4

Стратегик ривожлантириш ва рейтинглар бўлими

3

Бухгалтерия

2

Иқтисодий ишлар бўйича бош мутахассис

1

Катта маълумотларни шакллантириш бўлими

4

«Рақамли иқтисодиёт» илмий-электрон журнали таҳририяти

3

Кадрлар бўлими

2

Ички аудит ва коррупцияга қарши курашиш бўйича бош мутахассис

1

Давлат ва хўжалик секторларига сунъий интеллектни жорий этиш бўлими

4

Рақамли иқтисодиёт бўлими

3

Юридик бўлим

2

Техника хавфсизлиги ва меҳнат муҳофазаси бўйича бош мутахассис

1

IТ-компаниялар ва стартаплар билан ишлаш бўлими

3

Сунъий интеллект соҳасида саводхонликни ошириш бўлими

3

Назорат ва ижро интизоми бўлими

2

Махсус ишлар бўйича бош мутахассис

1

Ахборот хавфсизлиги бўлими

2

Харидлар бўйича бош мутахассис

1

Халқаро муносабатлар бўйича бош мутахассис

1

Ахборот хизмати

1

Изоҳ. Марказ ходимларининг умумий чекланган сони (ёрдамчи персонал ходимлардан ташқари) — 50 нафар.
Ёрдамчи персонал ходимлар сони қонунчилик ҳужжатларига мувофиқ белгиланади.
(2-илованинг матни Ўзбекистон Республикаси Вазирлар Маҳкамасининг 2025 йил 10 июлдаги 425-сонли қарори таҳририда — Қонунчилик маълумотлари миллий базаси, 11.07.2025 й., 09/25/425/0597-сон)

(Қонун ҳужжатлари маълумотлари миллий базаси, 26.06.2020 й., 09/20/409/0955-сон; 14.03.2023 й., 09/23/107/0146-сон; Қонунчилик маълумотлари миллий базаси, 29.12.2023 й., 09/23/688/0996-сон; 11.07.2025 й., 09/25/425/0597-сон)