Ўзбекистон Республикаси Президентининг
Фармони
Аҳолининг ичимлик суви билан таъминланганлик даражасини ошириш ва унинг сифатини яхшилаш учун Ўзбекистон Республикасининг сув ресурсларини бошқаришни такомиллаштириш чора-тадбирлари тўғрисида
Сўнгги йилларда мамлакатимизда сувдан оқилона фойдаланиш, унинг сифати ва хавфсизлигини таъминлаш, шунингдек, сув истеъмолини ҳисобга олишнинг замонавий инновацион тизимларини жорий этиш бўйича комплекс чора-тадбирлар кўрилган ҳолда сувдан фойдаланиш, шу жумладан сув таъминоти ва сув чиқариш соҳасида изчил ислоҳотлар амалга оширилмоқда.
Сувдан фойдаланишни самарали тартибга солишни таъминлаш учун сув ресурсларини бошқариш бўйича янги тузилмалар яратилган, сув таъминоти ва сув чиқариш соҳасига хусусий секторни жалб қилиш бўйича фаол ишлар олиб борилмоқда.
Бироқ, глобал иқлим ўзгариши туфайли республикада қуруқ фаслларнинг давомийлиги ошиб бормоқда, тоғларда қор захиралари майдони камаймоқда, камсувлик такрорланиши тобора кўпаймоқда, бу эса ўз навбатида сув танқислиги келиб чиқиш хавфининг ошишига олиб келади.
Шу билан бирга, мамлакат сув балансини бошқаришда ваколатли давлат органларининг фаолиятини мувофиқлаштириш зарур даражада олиб борилмаяпти, шунингдек, сув ресурслари сифати ва хавфсизлиги мониторингини амалга оширишнинг самарали тизими яратилмаган.
Сувдан оқилона фойдаланишни таъминлаш, аҳоли ва иқтисодиёт тармоқларининг хавфсиз ва сифатли сув ресурсларига бўлган эҳтиёжларини қаноатлантириш, сув балансини бошқаришнинг самарали тизимини яратиш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси вазифаларига мувофиқ:
1. Ўзбекистон Республикаси Уй-жой коммунал хизмат кўрсатиш вазирлиги (кейинги ўринларда — Вазирлик) томонидан етакчи хорижий экспертларни жалб қилган ҳолда, қуйидагиларни назарда тутувчи Ўзбекистон Республикасининг сув таъминоти ва сув чиқариш тизимини ривожлантириш стратегияси концепцияси ишлаб чиқилаётгани маълумот учун қабул қилинсин:
Олдинги таҳрирга қаранг.
республиканинг Ягона давлат сув фонди сувларини ҳисобга олиш, мониторинг қилиш, хавфсизлиги ва сифатини таъминлашнинг ягона марказлаштирилган тизимини яратиш;
(1-банднинг иккинчи хатбошиси Ўзбекистон Республикаси Президентининг 2021 йил 6 апрелдаги ПФ-6200-сонли Фармони таҳририда — Қонун ҳужжатлари маълумотлари миллий базаси, 07.04.2021 й., 06/21/6200/0310-сон)
республика сув таъминоти корхоналари негизида сув таъминоти ва сув чиқариш тизимлари объектларини эксплуатация қилишда ягона оператор функциясини бажаришни амалга оширадиган алоҳида корпоратив тузилмани ташкил этиш;
республиканинг сув ресурсларини бошқариш тизимини автоматлаштиришни ва ушбу соҳадаги барча бизнес жараёнларини рақамли форматга ўтказишни таъминлайдиган «Рақамли сув таъминоти корхонаси» тизимини жорий этиш;
соҳа корхоналарини модернизация қилиш ва техник қайта жиҳозлашни амалга ошириш мақсадида инвестицияларни, шу жумладан давлат-хусусий шериклик шартлари асосида жалб этиш;
замонавий талаб ва стандартларни ҳисобга олган ҳолда соҳа мутахассисларини тайёрлаш, қайта тайёрлаш ва малакасини ошириш тизимини тубдан такомиллаштириш.
Олдинги таҳрирга қаранг.
2. Ўзбекистон Республикаси Сув хўжалиги вазирлиги (кейинги ўринларда — Сув хўжалиги вазирлиги) Ягона давлат сув фонди сувларини ҳисобга олиш, мониторинг қилиш, хавфсизлиги ва сифатини таъминлашни мувофиқлаштириш соҳасида ваколатли давлат органи этиб белгилансин ва унинг зиммасига қуйидаги қўшимча вазифалар юклансин:
(2-банднинг биринчи хатбошиси Ўзбекистон Республикаси Президентининг 2022 йил 24 майдаги ПФ-140-сонли Фармони таҳририда — Қонунчилик маълумотлари миллий базаси, 25.05.2022 й., 06/22/140/0450-сон)
Олдинги таҳрирга қаранг.
сув балансининг ягона ахборот тизимини яратган ҳолда Ягона давлат сув фонди сувларининг миқдорий ва сифат кўрсаткичлари тўғрисида ваколатли органлар ва ташкилотларнинг маълумотларини тўплаш, умумлаштириш ва тизимлаштириш;
(2-банднинг иккинчи хатбошиси Ўзбекистон Республикаси Президентининг 2021 йил 6 апрелдаги ПФ-6200-сонли Фармони таҳририда — Қонун ҳужжатлари маълумотлари миллий базаси, 07.04.2021 й., 06/21/6200/0310-сон)
сувни ҳисобга олишнинг ҳолати, унинг хавфсизлиги ва сифатини таъминлаш тўғрисида ваколатли органлар ва ташкилотлар томонидан тақдим этилаётган маълумотларнинг ишончлилиги мониторингини ўтказиш, зарур бўлганда аниқланган камчиликларни бартараф этиш чораларини ишлаб чиқиш;
Ягона давлат сув фонди сувларини ҳисобга олиш, мониторинг қилиш, хавфсизлиги ва сифатини таъминлаш бўйича ваколатли органлар ва ташкилотлар фаолиятини мувофиқлаштириш;
Олдинги таҳрирга қаранг.
(2-банднинг бешинчи хатбошиси Ўзбекистон Республикаси Президентининг 2022 йил 24 майдаги ПФ-140-сонли Фармонига асосан чиқарилган — Қонунчилик маълумотлари миллий базаси, 25.05.2022 й., 06/22/140/0450-сон)
сувдан фойдаланиш соҳасида замонавий инновацион технологияларни, шу жумладан сувнинг миқдори ва сифатини ҳисобга олишнинг автоматлаштирилган тизимини жорий этишни мувофиқлаштириш, уларнинг республика сув балансининг ягона ахборот тизимига интеграциялашувини таъминлаш.
Олдинги таҳрирга қаранг.
3. Вазирликнинг марказий аппарати таркибига ичимлик сувларини ҳисобга олиш, мониторинг қилиш, хавфсизлиги ва сифатини ҳамда стратегик захиралари яратилишини таъминлаш, шунингдек, сув таъминоти ва сув чиқариш тизимига замонавий технологияларни жорий этишни ташкил қилиш ва мувофиқлаштиришга масъул бўлган вазирнинг биринчи ўринбосари лавозими киритилсин.
(3-банд Ўзбекистон Республикаси Президентининг 2022 йил 24 майдаги ПФ-140-сонли Фармони таҳририда — Қонунчилик маълумотлари миллий базаси, 25.05.2022 й., 06/22/140/0450-сон)
Олдинги таҳрирга қаранг.
(4-банд Ўзбекистон Республикаси Президентининг 2022 йил 24 майдаги ПФ-140-сонли Фармонига асосан ўз кучини йўқотган — Қонунчилик маълумотлари миллий базаси, 25.05.2022 й., 06/22/140/0450-сон)
5. Вазирлик, Ўзбекистон Республикаси Иқтисодиёт ва саноат вазирлиги, Молия вазирлиги, Давлат активларини бошқариш агентлигининг:
Ўзбекистон Республикаси Вазирлар Маҳкамаси ҳузуридаги Ичимлик сувидан фойдаланишни назорат қилиш давлат инспекциясини Ўзбекистон Республикаси Уй-жой коммунал хизмат кўрсатиш вазирлиги ҳузуридаги Ичимлик сувидан фойдаланишни назорат қилиш инспекцияси сифатида қайта ташкил этиб, амалдаги вазифа ва функцияларини, шунингдек, молиялаштириш тартибини сақлаб қолган ҳолда Вазирлик таркибига ўтказиш;
«Ўзсувтаъминот» акциядорлик жамиятини ташкил этиш ва унинг устав капиталини мазкур Фармоннинг 1-иловасида кўрсатилган Вазирликнинг давлат унитар корхоналари устав капиталидаги давлат активлари ва улушларини топшириш ҳисобига шакллантириш, шунингдек, ушбу корхоналарни масъулияти чекланган жамиятлар сифатида қайта тузиш;
2020 йил 1 январдан Ўзбекистон Республикаси Бош прокуратураси ҳузуридаги Мажбурий ижро бюросининг кўрсатилаётган сув таъминоти ва сув чиқариш хизматлари учун тўловларнинг тўлиқлиги ва ўз вақтида амалга оширилишини таъминлаш, истеъмолчиларнинг қарздорлигини камайтириш бўйича функцияларини «Ўзсувтаъминот» АЖ ва унинг таркибига кирувчи ташкилотларга ўтказиш тўғрисидаги таклифларига розилик берилсин.
Олдинги таҳрирга қаранг.
6. Шундай тартиб ўрнатилсинки, унга мувофиқ:
Сув хўжалиги вазирлиги томонидан Ягона давлат сув фондининг барча сувлар турларига нисбатан миқдорий ва сифат кўрсаткичлари тўғрисидаги маълумотларни акс эттирувчи республика сув балансининг ягона ахборот тизими юритилади;
Олдинги таҳрирга қаранг.
Тоғ-кон саноати ва геология вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Иқтисодиёт ва молия вазирлиги ҳузуридаги Кадастр агентлиги ва «Ўзсувтаъминот» АЖ Ягона давлат сув фондининг барча сувлар турларига нисбатан миқдорий ва сифат кўрсаткичлари тўғрисидаги ҳисоб маълумотларини тизимли равишда Сув хўжалиги вазирлигига тақдим этиб боради;
(6-банднинг учинчи хатбошиси Ўзбекистон Республикаси Президентининг 2024 йил 17 январдаги ПФ-14-сонли Фармони таҳририда — Қонунчилик маълумотлари миллий базаси, 20.01.2024 й., 06/24/14/0052-сон)
Сув хўжалиги вазирлиги сувни ҳисобга олишнинг тўғрилигини, унинг хавфсизлиги ва сифатини тасдиқланган ва янгиланган маълумотларни ягона маълумотлар базасига киритган ҳолда мониторинг қилади, шунингдек, аниқланган камчиликларни бартараф этиш чораларини ишлаб чиқади ҳамда уларни сувдан фойдаланишни тартибга солиш соҳасидаги ваколатли органлар ва ташкилотларга жўнатади;
Сув хўжалиги вазирлиги тизимли равишда Ўзбекистон Республикаси Президенти Администрациясига ва Вазирлар Маҳкамасига сувни ҳисобга олиш ҳолати, унинг хавфсизлиги ва сифатини таъминлаш, шунингдек, республиканинг ягона сув балансини шакллантириш тўғрисидаги ҳисоботни аниқ таклифлар билан тақдим этиб боради.
(6-банд Ўзбекистон Республикаси Президентининг 2022 йил 24 майдаги ПФ-140-сонли Фармони таҳририда — Қонунчилик маълумотлари миллий базаси, 25.05.2022 й., 06/22/140/0450-сон)
7. Ўзбекистон Республикаси Вазирлар Маҳкамаси икки ой муддатда Ўзбекистон Республикаси Уй-жой коммунал хизмат кўрсатиш вазирлиги ҳузуридаги Ичимлик сувидан фойдаланишни назорат қилиш инспекцияси тўғрисидаги низом ва республика аҳолисини сув таъминоти ва сув чиқариш хизматлари билан таъминлаш тизимини янада такомиллаштириш бўйича «Йўл харитаси»ни тасдиқласин.
8. Молия вазирлиги Вазирлик билан биргаликда бир ой муддатда сув таъминоти корхоналарининг халқаро молия институтлари олдидаги қарздорлигини хатловдан ўтказсин ва Ўзбекистон Республикаси Давлат бюджетига молиявий юкни камайтирган ҳолда уни қоплаш тўғрисида Вазирлар Маҳкамасига таклифлар киритсин.
9. Ўзбекистон Республикаси Инвестициялар ва ташқи савдо вазирлиги Вазирлик билан биргаликда бир ой муддатда келгуси йилларда халқаро молия институтларининг кредит маблағлари ҳисобидан амалга ошириладиган сув таъминоти ва сув чиқариш тизимини яхшилаш бўйича лойиҳалар рўйхатини шакллантириш, шунингдек, паст рентабелли лойиҳалар ва тақдим этилаётган хизматлардан кредит қопланиши 50 фоиздан кам бўлган лойиҳаларнинг амалга оширилишига йўл қўймаган ҳолда улар бўйича техник-иқтисодий асосларни ишлаб чиқишни таъминласин.
10. Вазирлик Ўзбекистон Республикаси Инвестициялар ва ташқи савдо вазирлиги, Молия вазирлиги ҳузуридаги Давлат-хусусий шерикликни ривожлантириш агентлиги, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда бир ой муддатда хорижий маслаҳатчиларни жалб этган ҳолда Қорақалпоғистон Республикаси ва вилоятлар сув таъминоти ва сув чиқариш тизимларини модернизация қилиш ва бошқариш бўйича давлат-хусусий шериклик шартлари асосида лойиҳаларни амалга ошириш чораларини кўрсин.
11. Ўзбекистон Республикаси Президенти ҳузуридаги Лойиҳа бошқаруви миллий агентлиги, Ахборот технологиялари ва коммуникацияларини ривожлантириш вазирлиги бошқа манфаатдор идоралар билан биргаликда уч ой муддатда сувдан фойдаланишнинг стратегик йўналишлари, ягона ёндашув, автоматлаштириш механизмлари ва босқичларини ишлаб чиқиш ва унинг барча жараёнларини рақамли форматга ўтказишни таъминласин.
12. Ўзбекистон Республикаси Президентининг айрим ҳужжатларига 2-иловага мувофиқ қўшимча ва ўзгартиришлар киритилсин.
13. Вазирлик манфаатдор идоралар билан биргаликда бир ой муддатда:
Ўзбекистон Республикаси Президентининг республика сув таъминоти тизимини янада такомиллаштириш тўғрисидаги қарори лойиҳасини;
қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
14. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти маслаҳатчиси Р.А. Гулямов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 26 ноябрь,
ПФ-5883-сон
Ўзбекистон Республикаси Президентининг 2019 йил 26 ноябрдаги ПФ-5883-сон Фармонига
1-ИЛОВА
1-ИЛОВА
Ўзбекистон Республикаси Уй-жой коммунал хизмат кўрсатиш вазирлигининг масъулияти чекланган жамиятлар сифатида қайта тузиладиган, давлат активлари ва улушлари «Ўзсувтаъминот» АЖ устав капиталини шакллантириш учун топшириладиган давлат унитар корхоналари
РЎЙХАТИ
|
Т/р |
Корхоналар номи |
Давлат улуши (%) |
|
1. |
«Туямўйин — Нукус» минтақалараро сув қувурларидан фойдаланиш бошқармаси» ДУК |
100 |
|
2. |
«Туямўйин — Урганч» минтақалараро сув қувурларидан фойдаланиш бошқармаси» ДУК |
100 |
|
3. |
«Дамхўжа» минтақалараро сув қувурларидан фойдаланиш бошқармаси» ДУК |
100 |
|
4. |
«Тошкент вилояти Чимён — Чорвоқ рекреацион зонаси минтақалараро сув қувурларидан фойдаланиш бошқармаси» ДУК |
100 |
|
5. |
Андижон вилояти «Сувоқова» ДУК |
100 |
|
6. |
Бухоро вилояти «Сувоқова» ДУК |
100 |
|
7. |
Жиззах вилояти «Сувоқова» ДУК |
100 |
|
8. |
Қашқадарё вилояти «Сувоқова» ДУК |
100 |
|
9. |
Навоий вилояти «Сувоқова» ДУК |
100 |
|
10. |
Наманган вилояти «Сувоқова» ДУК |
100 |
|
11. |
Самарқанд вилояти «Сувоқова» ДУК |
100 |
|
12. |
Сурхондарё вилояти «Сувоқова» ДУК |
100 |
|
13. |
Сирдарё вилояти «Сувоқова» ДУК |
100 |
|
14. |
Фарғона вилояти «Сувоқова» ДУК |
100 |
|
15. |
Тошкент вилояти «Сувоқова» ДУК |
100 |
|
16. |
Тошкент шаҳар «Сувсоз» ДУК |
100 |
Ўзбекистон Республикаси Президентининг 2019 йил 26 ноябрдаги ПФ-5883-сон Фармонига
2-ИЛОВА
2-ИЛОВА
Ўзбекистон Республикаси Президентининг айрим ҳужжатларига киритилаётган қўшимча ва ўзгартиришлар
1. Ўзбекистон Республикаси Президентининг 2017 йил 18 апрелдаги «Уй-жой коммунал хизмат кўрсатиш тизимини бошқаришни янада такомиллаштириш чора-тадбирлари тўғрисида»ги ПФ-5017-сон Фармонининг 2-банди:
қуйидаги мазмундаги учинчи хатбоши билан тўлдирилсин:
«Ягона давлат сув фонди сувларини ҳисобга олиш, мониторинг қилиш, хавфсизлик ва сифатини таъминлаш, шунингдек, ягона сув балансини шакллантиришни мувофиқлаштириш»;
учинчи — ўнинчи хатбошилар тегишинча тўртинчи — ўн биринчи хатбошилари деб ҳисоблансин;
қуйидаги мазмундаги еттинчи хатбоши билан тўлдирилсин:
«ҳудудларни ободонлаштириш соҳаси муаммоларини ўрганиш ва методологик таъминлаш»;
еттинчи — ўн биринчи хатбошилар тегишинча саккизинчи — ўн иккинчи хатбошилар деб ҳисоблансин.
2. Ўзбекистон Республикаси Президентининг 2017 йил 18 апрелдаги «Ўзбекистон Республикаси Вазирлар Маҳкамаси ҳузурида Ичимлик сувидан фойдаланишни назорат қилиш давлат инспекциясини ташкил этиш тўғрисида»ги ПФ-5018-сон Фармонининг 3 ва 4-бандлари ўз кучини йўқотган деб ҳисоблансин.
3. Ўзбекистон Республикаси Президентининг 2017 йил 29 майдаги «Электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш, шунингдек, ижро иши юритиш тизимини тубдан такомиллаштириш чора-тадбирлари тўғрисида»ги ПФ-5059-сон Фармонида:
а) 2-бандида:
учинчи хатбошидаги «, водопровод ва канализация тармоқларига, сув қувурларига» сўзлари «тармоқларига» сўзи билан алмаштирилсин;
тўртинчи — еттинчи хатбошилардан «ва сув» сўзлари чиқариб ташлансин;
саккизинчи хатбошидаги «ҳамда сув таъминоти ва сув чиқариш хизмати» сўзлари чиқариб ташлансин;
б) 6-бандида:
олтинчи хатбоши чиқариб ташлансин;
еттинчи — ўн еттинчи хатбошилар тегишинча олтинчи — ўн олтинчи хатбошилар деб ҳисоблансин.
4. Ўзбекистон Республикаси Президентининг 2017 йил 16 ноябрдаги «Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида»ги ПФ-5241-сон Фармонида:
1 — 3-бандлар ўз кучини йўқотган деб ҳисоблансин;
8-бандда «Вазирлар Маҳкамаси ҳузуридаги Ичимлик сувидан фойдаланишни назорат қилиш давлат инспекцияси» сўзлари «Уй-жой коммунал хизмат кўрсатиш вазирлиги ҳузуридаги Ичимлик сувидан фойдаланишни назорат қилиш инспекцияси» сўзлари билан алмаштирилсин.
Олдинги таҳрирга қаранг.
(5-банд Ўзбекистон Республикаси Президентининг 2023 йил 28 августдаги ПФ-151-сонли Фармонига асосан ўз кучини йўқотган — Қонунчилик маълумотлари миллий базаси, 29.08.2023 й., 06/23/151/0661-сон)
6. Ўзбекистон Республикаси Президентининг 2017 йил 18 апрелдаги «Ўзбекистон Республикаси Уй-жой коммунал хизмат кўрсатиш вазирлиги фаолиятини ташкил этиш тўғрисида»ги ПҚ-2900-сон қарорида:
Олдинги таҳрирга қаранг.
(6-бандининг «а» кичик банди Ўзбекистон Республикаси Президентининг 2023 йил 28 августдаги ПФ-151-сонли Фармонига асосан чиқарилган — Қонунчилик маълумотлари миллий базаси, 29.08.2023 й., 06/23/151/0661-сон)
б) 7-бандда:
иккинчи хатбоши «инспекцияси» сўзидан кейин «ва Ичимлик сувидан фойдаланишни назорат қилиш инспекцияси» сўзлари билан тўлдирилсин;
тўртинчи — саккизинчи хатбошилар қуйидаги мазмундаги тўртинчи — тўққизинчи хатбошилар билан алмаштирилсин:
«Ўзбекистон Республикаси ҳудудида атроф-муҳитни ифлослантирганлик ва чиқиндиларни жойлаштирганлиги учун оқова сувга тааллуқли қисми бўйича компенсация тўловларининг 74 фоизи;
халқаро донорларнинг грантлари, хайрия маблағлари;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ҳудудий молия органлари билан келишилган ҳолда белгиланадиган ичимлик сув таъминоти ва оқова сув хизматлари тарифларига махсус устама ҳақ суммаси;
Жамғарманинг вақтинча бўш маблағларини жойлаштиришдан олинадиган даромадлар ва қонун ҳужжатларида тақиқланмаган бошқа тушумлар.
Белгилансинки, ичимлик сув таъминоти ва оқова сув хизматлари тарифларига махсус устама ҳақ суммаси мақсадли тушум ҳисобланади, барча турдаги солиқлар ва бошқа мажбурий тўловларни ҳисоблашда солиқ солинадиган базага киритилмайди, шунингдек, сув таъминоти ва оқова сув ташкилотларининг молиявий натижалари тўғрисидаги ҳисоботда акс эттирилмайди.
Ўзбекистон Республикаси Уй-жой коммунал хизмат кўрсатиш вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда хизмат кўрсатувчи банкларда сув таъминоти ташкилотларига ичимлик сув таъминоти ва оқова сув хизматлари тарифларига махсус устама ҳақ маблағларини жамлаш учун махсус ҳисобварақ очилишини таъминласин ва маблағларни Ўзбекистон Республикаси Уй-жой коммунал хизмат кўрсатиш вазирлигининг Уй-жой коммунал хизмат кўрсатишни ривожлантириш жамғармасига йўналтирилсин»;
Олдинги таҳрирга қаранг.
(6-бандининг «в» кичик банди Ўзбекистон Республикаси Президентининг 2023 йил 28 августдаги ПФ-151-сонли Фармонига асосан чиқарилган — Қонунчилик маълумотлари миллий базаси, 29.08.2023 й., 06/23/151/0661-сон)
Олдинги таҳрирга қаранг.
(6-бандининг «г» кичик банди Ўзбекистон Республикаси Президентининг 2023 йил 28 августдаги ПФ-151-сонли Фармонига асосан чиқарилган — Қонунчилик маълумотлари миллий базаси, 29.08.2023 й., 06/23/151/0661-сон)
д) 2-илова қуйидаги таҳрирда баён этилсин:
«Ўзбекистон Республикаси Уй-жой коммунал хизмат кўрсатиш вазирлиги марказий аппаратининг
ТУЗИЛМАСИ
ТУЗИЛМАСИ
|
|
||||||||||||||||||||||||||||||||||||||||||||||||||||||||||||||
|
Йиғма ахборот-таҳлил бошқармаси 1 |
||||||||||||||||||||||||||||||||||||||||||||||||||||||||||||||
|
Вазирлик ҳайъати |
Вазир |
Ёрдамчи |
||||||||||||||||||||||||||||||||||||||||||||||||||||||||||||
|
Ахборот-таҳлил бўлими 2 |
||||||||||||||||||||||||||||||||||||||||||||||||||||||||||||||
|
Вазирнинг биринчи ўринбосари |
Вазир ўринбосари |
Вазир ўринбосари |
Вазир ўринбосари |
УЖКХ ва ҳудудларни ободонлаштириш соҳаларининг методологик базасини такомиллаштириш бошқармаси 4 |
||||||||||||||||||||||||||||||||||||||||||||||||||||||||||
|
Ягона сув балансини шакллантириш ва мониторинг қилиш бош бошқармаси 8 |
Инвестиция дастурларини шакллантириш ва иқтисодий таҳлил бош бошқармаси 13 |
Кўп хонадонли уйларни бошқариш органларини мувофиқлаштириш ва ривожлантириш бошқармаси 13 |
Иссиқлик таъминоти тизимларини комплекс ривожлантириш бошқармаси 9 |
|||||||||||||||||||||||||||||||||||||||||||||||||||||||||||
|
Канцелярия 3 |
||||||||||||||||||||||||||||||||||||||||||||||||||||||||||||||
|
Ягона давлат сув фонди сувларининг хавфсизлиги ва сифатини таъминлаш бошқармаси 8 |
Иссиқлик таъминоти тизимларини сақлаш ва эксплуатация қилиш бошқармаси 8 |
|||||||||||||||||||||||||||||||||||||||||||||||||||||||||||||
|
«Коммунхизмат» агентлиги |
||||||||||||||||||||||||||||||||||||||||||||||||||||||||||||||
|
Кўп хонадонли уй-жой фондидан фойдаланишни назорат қилиш инспекцияси |
Жисмоний ва юридик шахсларнинг мурожаатлари билан ишлаш бўлими 2 |
|||||||||||||||||||||||||||||||||||||||||||||||||||||||||||||
|
«Кўп хонадонли уйлар, иссиқлик таъминоти объектлари қурилиши бўйича инжиниринг компанияси» ДУК |
||||||||||||||||||||||||||||||||||||||||||||||||||||||||||||||
|
Сув таъминоти ва сув чиқариш тизимига замонавий технологияларни жорий этиш бошқармаси 5 |
«Коммуналўқув» ўқув-методика маркази» ДУК |
|||||||||||||||||||||||||||||||||||||||||||||||||||||||||||||
|
Матбуот хизмати 3 |
||||||||||||||||||||||||||||||||||||||||||||||||||||||||||||||
|
«Сув таъминоти ва канализация объектлари қурилиши бўйича инжиниринг компанияси» ДУК |
||||||||||||||||||||||||||||||||||||||||||||||||||||||||||||||
|
Юридик бўлим 2 |
||||||||||||||||||||||||||||||||||||||||||||||||||||||||||||||
|
Кадрлар бошқармаси 4 |
||||||||||||||||||||||||||||||||||||||||||||||||||||||||||||||
|
Ичимлик сувдан фойдаланишни назорат қилиш инспекцияси |
||||||||||||||||||||||||||||||||||||||||||||||||||||||||||||||
|
«Ўзбеккоммуналлойиҳа-қурилиш» ДУК |
||||||||||||||||||||||||||||||||||||||||||||||||||||||||||||||
|
Бухгалтерия 4 |
||||||||||||||||||||||||||||||||||||||||||||||||||||||||||||||
|
«Ўзсувтаъминот» АЖ |
||||||||||||||||||||||||||||||||||||||||||||||||||||||||||||||
|
Биринчи бўлим 2 |
||||||||||||||||||||||||||||||||||||||||||||||||||||||||||||||
|
Ишлар бошқармаси 1 |
||||||||||||||||||||||||||||||||||||||||||||||||||||||||||||||
|
Автомобиль ва махсус техникадан фойдаланиш, АКТ ва диспетчерлаштириш бошқармаси 8 |
||||||||||||||||||||||||||||||||||||||||||||||||||||||||||||||
|
|
УЖКХ фондини ривожлантириш бўлими 2 |
|||||||||||||||||||||||||||||||||||||||||||||||||||||||||||||
Ўзбекистон Республикаси Уй-жой коммунал хизмат кўрсатиш вазирлиги марказий аппарати бошқарув ходимларининг чекланган сони — 108 нафар.»;
е) 3-илова қуйидаги таҳрирда баён этилсин:
«Қорақалпоғистон Республикаси Уй-жой коммунал хизмат кўрсатиш вазирлиги
ТУЗИЛМАСИ
ТУЗИЛМАСИ
|
|
||||||||||||||||||||||||||||||||||||||||||||||||||||||||||||
|
Вазир |
||||||||||||||||||||||||||||||||||||||||||||||||||||||||||||
|
Вазир ўринбосари |
Сув таъминоти ва канализация тизимларини прогнозлаштириш ва ривожлантириш бошқармаси 2 |
Матбуот хизмати 1 |
||||||||||||||||||||||||||||||||||||||||||||||||||||||||||
|
Бухгалтер 1 |
||||||||||||||||||||||||||||||||||||||||||||||||||||||||||||
|
УЖМШ ва профессионал бошқарув компаниялари, биноларнинг бевосита мулкдорлари фаолиятини мувофиқлаштириш ва ривожлантириш бўлими 2 |
Иссиқлик таъминоти тизимларини ривожлантириш бўлими 2 |
|||||||||||||||||||||||||||||||||||||||||||||||||||||||||||
|
Молия-иқтисодиёт бўлими 2 |
||||||||||||||||||||||||||||||||||||||||||||||||||||||||||||
|
Автомобиль ва махсус техникадан фойдаланиш бўлими 2 |
Кадрлар бўйича бош мутахассис 1 |
|||||||||||||||||||||||||||||||||||||||||||||||||||||||||||
|
«ТТХ» ДУКни мувофиқлаштириш ва ривожлантириш бўйича бош мутахассис 1 |
||||||||||||||||||||||||||||||||||||||||||||||||||||||||||||
|
Бош юрисконсульт 1 |
||||||||||||||||||||||||||||||||||||||||||||||||||||||||||||
|
Туман (шаҳар) уй-жой коммунал хизмат кўрсатиш бўлимлари |
||||||||||||||||||||||||||||||||||||||||||||||||||||||||||||
|
«ЯҲКМ» ДУКни мувофиқлаштириш ва ривожлантириш бўлими 2 |
|
Жисмоний ва юридик шахсларнинг мурожаатлари билан ишлаш бўйича мутахассис 1 |
||||||||||||||||||||||||||||||||||||||||||||||||||||||||||
|
Иссиқлик таъминоти давлат ташкилотлари |
||||||||||||||||||||||||||||||||||||||||||||||||||||||||||||
|
«Таъмирлаш-тиклаш хизмати» ДУК |
||||||||||||||||||||||||||||||||||||||||||||||||||||||||||||
|
Умумий бўлим 1 |
||||||||||||||||||||||||||||||||||||||||||||||||||||||||||||
|
«Ягона ҳисоб-китоб маркази» ДУК |
||||||||||||||||||||||||||||||||||||||||||||||||||||||||||||
|
Меҳнат муҳофазаси, техника хавфсизлиги, сафарбарлик, фуқаро ҳимояси ва фавқулодда вазиятлар бўйича мутахассис 1 |
||||||||||||||||||||||||||||||||||||||||||||||||||||||||||||
|
УЖМШ ва профессионал бошқарув компаниялари, биноларнинг бевосита мулкдорлари |
||||||||||||||||||||||||||||||||||||||||||||||||||||||||||||
|
АКТ, автоматлаштириш ва диспетчерлаштириш бўлими 2 |
||||||||||||||||||||||||||||||||||||||||||||||||||||||||||||
Бошқарув ходимларининг чекланган сони — 24 нафар.»;
ж) 4-илова қуйидаги таҳрирда баён этилсин:
«Вилоятлар уй-жой коммунал хизмат кўрсатиш бошқармаларининг намунавий
ТУЗИЛМАСИ
ТУЗИЛМАСИ
|
|
||||||||||||||||||||||||||||||||||||||||||||||||||||||||||||
|
Бошқарма бошлиғи |
||||||||||||||||||||||||||||||||||||||||||||||||||||||||||||
|
Бошқарма бошлиғининг ўринбосари |
Сув таъминоти ва канализация тизимларини прогнозлаштириш ва ривожлантириш бошқармаси 1 — 3 |
Матбуот хизмати 1 |
||||||||||||||||||||||||||||||||||||||||||||||||||||||||||
|
Бухгалтер 1 |
||||||||||||||||||||||||||||||||||||||||||||||||||||||||||||
|
УЖМШ ва профессионал бошқарув компаниялари, биноларнинг бевосита мулкдорлари фаолиятини мувофиқлаштириш ва ривожлантириш бўлими 3 |
Иссиқлик таъминоти тизимларини ривожлантириш бўлими 2–3 |
|||||||||||||||||||||||||||||||||||||||||||||||||||||||||||
|
Кадрлар бўйича бош мутахассис 1 |
||||||||||||||||||||||||||||||||||||||||||||||||||||||||||||
|
Автомобиль ва махсус техникадан фойдаланиш ва диспетчерлаштириш бўлими 2 |
Бош юрисконсульт 1 |
|||||||||||||||||||||||||||||||||||||||||||||||||||||||||||
|
«ТТХ» ДУКни мувофиқлаштириш ва ривожлантириш бўйича бош мутахассис 1 |
||||||||||||||||||||||||||||||||||||||||||||||||||||||||||||
|
Жисмоний ва юридик шахсларнинг мурожаатлари билан ишлаш бўйича мутахассис 1 |
||||||||||||||||||||||||||||||||||||||||||||||||||||||||||||
|
Туман (шаҳар) уй-жой коммунал хизмат кўрсатиш бўлимлари |
||||||||||||||||||||||||||||||||||||||||||||||||||||||||||||
|
«ЯҲКМ» ДУКни мувофиқлаштириш ва ривожлантириш бўлими 2-3 |
| |||||||||||||||||||||||||||||||||||||||||||||||||||||||||||
|
Иссиқлик таъминоти давлат ташкилотлари |
||||||||||||||||||||||||||||||||||||||||||||||||||||||||||||
|
Умумий бўлим 1 |
||||||||||||||||||||||||||||||||||||||||||||||||||||||||||||
|
«Таъмирлаш-тиклаш хизмати» ДУК |
||||||||||||||||||||||||||||||||||||||||||||||||||||||||||||
|
«Ягона ҳисоб-китоб маркази» ДУК |
||||||||||||||||||||||||||||||||||||||||||||||||||||||||||||
|
УЖМШ ва профессионал бошқарув компаниялари, биноларнинг бевосита мулкдорлари |
||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||
Бошқарув ходимларининг чекланган сони — 19 — 23 нафар.
Бошқарув ходимларининг умумий чекланган сони — 240 нафар, шу жумладан:
Тошкент ва Фарғона вилоятларида — 23 нафардан;
Бухоро, Жиззах, Қашқадарё ва Самарқанд вилоятларида — 20 нафардан;
Андижон, Навоий, Наманган, Сирдарё, Сурхондарё ва Хоразм вилоятларида — 19 нафардан.»
з) 8-иловада:
4-банд қуйидаги таҳрирда баён этилсин:
«4. Жамғарма маблағлари қуйидаги манбалар ҳисобидан шакллантирилади:
Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси ва Ичимлик сувдан фойдаланишни назорат қилиш инспекцияси томонидан солинадиган жарималардан тушадиган маблағлар;
уй-жой коммунал хўжалигини ривожлантиришга жалб этиладиган кредитлар, шу жумладан халқаро молия институтлари ва Ўзбекистон Республикаси тижорат банкларининг имтиёзли кредитлари;
канализация чиқиндилари қисмида Ўзбекистон Республикаси ҳудудида атроф муҳитни ифлослантирганлик ва чиқиндилар жойлаштирилганлиги учун компенсация тўловларининг 74 фоизи;
халқаро донорларнинг грантлари, хайрия маблағлари;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ҳудудий молия органлари билан келишилган ҳолда белгиланган ичимлик сув таъминоти ва оқова сув хизматлари тарифларига махсус устама ҳақ суммаси;
Жамғарманинг вақтинча бўш маблағларини жойлаштиришдан олинадиган даромадлар ва қонунчиликда тақиқланмаган бошқа тушумлар.»;
5-банд қуйидаги таҳрирда баён этилсин:
«5. Кўрсатилган хизматлар учун истеъмолчилар билан ҳисоб-китобларни амалга оширишда тарифлар билан бир вақтда ичимлик сув таъминоти ва канализация хизматлари учун истеъмолчилардан ундириладиган тарифларга махсус устама ҳақ (кейинги ўринларда — махсус устама ҳақ) ҳудудий молия органлари билан келишилган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланади.
Махсус устама ҳақ мақсадли тушум ҳисобланади, барча солиқ турларини ва бошқа мажбурий тўловларни ҳисоблашда солиққа тортиладиган базага киритилмайди, шунингдек, сув таъминоти ва канализация ташкилотларининг молиявий натижалари тўғрисидаги ҳисоботда акс эттирилмайди.»
7. Ўзбекистон Республикаси Президентининг 2017 йил 20 апрелдаги «2017 — 2021 йилларда ичимлик суви таъминоти ва канализация тизимларини комплекс ривожлантириш ҳамда модернизация қилиш дастури тўғрисида»ги ПҚ-2910-сон қарорида:
а) 8-банднинг биринчи хатбоши ва 10-банддаги «Соф ичимлик суви» сўзлари «Сув таъминоти ва канализация тизимларини ривожлантириш» сўзлари билан алмаштирилсин;
б) 8-илованинг рус тилидаги матнида:
сарлавҳадаги, 1 ва 9-бандлардаги ҳамда 10-банднинг биринчи хатбошидаги «Чистая питьевая вода» сўзлари «Развития систем водоснабжения и канализации» сўзлари билан алмаштирилсин;
16-банддаги «открываемые Министерством финансов» сўзлари «открываемые в информационной системе Министерства финансов» сўзлари билан алмаштирилсин.
8. Ўзбекистон Республикаси Президентининг 2017 йил 30 майдаги «Ўзбекистон Республикаси Бош прокуратураси ҳузуридаги Мажбурий ижро бюроси фаолиятини ташкил этиш тўғрисида»ги ПҚ-3016-сон қарорида:
а) 1 ва 2-иловалардаги «сув таъминоти, сув чиқариш ва» ҳамда «ва сув» сўзлари чиқариб ташлансин;
б) 3-иловадан «сув» сўзи чиқариб ташлансин;
в) 4-иловада:
учинчи хатбошидаги «, водопровод ва канализация тармоқларига, сув қувурларига» сўзлари «тармоқларига» сўзлари билан алмаштирилсин;
тўртинчи хатбошидаги «сув» сўзи чиқариб ташлансин;
саккизинчи хатбошидан «ҳамда сув таъминоти ва сув чиқариш хизмати» сўзлари чиқариб ташлансин;
«б) электр, газ узатиш ва газ тақсимлаш тармоқларига ноқонуний уланиш, талон-торож ҳолатларини аниқлаш, бартараф этиш ва олдини олиш соҳасида:
электр, газ узатиш ва газ тақсимлаш тармоқларига ноқонуний уланиш, талон-торож қилиш, энергия ресурсларини ноқонуний истеъмол қилишнинг бошқа ҳолатларини, шунингдек, уларни содир этишга имкон берувчи сабаб ва шарт-шароитларни аниқлаш, бартараф этиш ва олдини олиш чораларини кўради;
электр, газ узатиш ва газ тақсимлаш тармоқларига ноқонуний уланиш, талон-торож қилиш ҳамда энергия ресурсларини ноқонуний истеъмол қилишнинг бошқа ҳолатларини аниқлаш, бартараф этиш ва олдини олиш мақсадида тезкор-қидирув фаолиятни амалга оширади;
бевосита истеъмолчилар томонидан фойдаланилган ҳамда тегишли ҳудудлар чегарасидаги тармоқларга етказиб берилган энергия ресурслари ҳажми ўртасидаги тафовутларни аниқлаш, бартараф этиш ва олдини олиш чораларини кўради;
электр, газ узатиш ва газ тақсимлаш тармоқларига ноқонуний уланиш, талон-торож қилиш ҳолатларини аниқлаш, бартараф этиш ва олдини олишда ички ишлар органлари, бошқа ҳуқуқни муҳофаза қилувчи ва назорат идоралари билан ҳамкорлик қилади;
в) энергия ресурслари учун тўловлар, қаттиқ маиший чиқиндиларни тўплаш ва олиб чиқиш учун мажбурий тўловларнинг ўз вақтида ва тўлиқ ундирилишини, истеъмолчиларнинг қарздорлигини камайтиришни таъминлаш соҳасида:
истеъмолчилар, истеъмол қилинган энергия ресурслари, улар учун амалга оширилган тўловлар, юзага келган қарздорлик, шунингдек, қаттиқ маиший чиқиндиларни тўплаш ва олиб чиқиш учун аҳоли томонидан амалга оширилган мажбурий тўловлар ҳисобини шакллантириш ва юритишда қатнашади;
истеъмолчилар, электр ва газ тармоқларига уланиш нуқталари тўғрисида, шунингдек, истеъмол қилинган энергия ресурслари ҳажмларини аниқлашда электр ва газ таъминоти ҳамда бошқа ташкилотлар билан маълумотлар алмашинувини амалга оширади;
энергия ресурслари учун тўловларни, шунингдек, қаттиқ маиший чиқиндиларни тўплаш ва олиб чиқиш учун аҳолидан мажбурий тўловларнинг тўлиқ ва ўз вақтида ундирилишини ташкил қилади;
истеъмолчи — юридик шахслар ва якка тартибдаги тадбиркорларнинг қарздорлиги сўзсиз ундирилишини амалга оширади, электр ва газ таъминоти корхоналари манфаатида қарздорликни ундириш бўйича талабнома-даъво ишларини олиб боради;
ижро ҳужжатлари асосида энергия ресурслари учун қарздорликлар, шунингдек, қаттиқ маиший чиқиндиларни тўплаш ва олиб чиқиш учун мажбурий тўловлар бўйича қарздорликни мажбурий ундиришни амалга оширади;
г) энергия ресурслари истеъмолини назорат қилиш ва ҳисобга олишнинг замонавий автоматлаштирилган тизимлари, шунингдек, муқобил энергия манбаларининг жорий этилиши устидан мониторинг ўтказиш соҳасида:
энергия ресурслари истеъмолини назорат қилиш ва ҳисобга олишнинг замонавий автоматлаштирилган тизимларини, шунингдек, муқобил энергия манбаларини жорий қилиш бўйича лойиҳа ва дастурларнинг ўз муддатида, тўлиқ ва сифатли амалга оширилиши устидан мониторинг олиб боради;
вазирликлар, идоралар ва бошқа ташкилотлардан энергия ресурслари истеъмолини назорат қилиш ва ҳисобга олишнинг замонавий автоматлаштирилган тизимларини, шунингдек, муқобил энергия манбаларини жорий қилиш билан боғлиқ маълумотларни талаб қилиб олади;
энергия ресурслари истеъмолини назорат қилиш ва ҳисобга олишнинг замонавий автоматлаштирилган тизимларини, шунингдек, муқобил энергия манбаларини жорий қилиш бўйича лойиҳа ва дастурларнинг ижросини ўз вақтида ҳамда сифатли таъминламаган мансабдор шахсларга нисбатан тегишли чоралар кўради;
д) энергия ресурсларини сотиш ва истеъмоли ҳисобини юритишда иштирок этиш соҳасида:
энергия ресурсларини тақсимлаш, сотиш ва истеъмол қилиш ҳажмларини, шу жумладан, назорат қилиш ва ҳисобга олишнинг автоматлаштирилган тизимлари орқали мониторинг қилади;
белгиланган муддатларда истеъмолчиларнинг ҳисобга олиш ускуналари кўрсаткичларини олади, уларнинг шахсий варақларига маълумотларни киритади, энергия ресурсларини истеъмол қилишнинг ойлик ҳажмларини аниқлайди (электр энергиясини назорат қилиш ва ҳисобга олишнинг автоматлаштирилган тизимига уланган истеъмолчилар бундан мустасно);
истеъмол қилинган энергия ресурслари учун тўловларнинг ҳар бир истеъмолчига тўлиқ ва ўз вақтида ҳисобланишини ўрганади;
энергия ресурсларини тақсимлаш ва сотишнинг белгиланган тартибини бузган шахсларни жавобгарликка тортиш бўйича ўз ваколатлари доирасида чораларни кўради;
е) энергия ресурсларини эҳтиёт қилиш ва улардан оқилона фойдаланиш, шунингдек, қаттиқ маиший чиқиндилар билан боғлиқ ишларни амалга ошириш бўйича истеъмолчиларнинг масъулияти ва ҳуқуқий маданиятини ошириш чораларини кўриш соҳасида:
энергия ресурслари учун тўловларнинг, шунингдек, қаттиқ маиший чиқиндиларни тўплаш ва олиб чиқиш учун мажбурий тўловларнинг ўз вақтида ва тўлиқ амалга оширилиши, суд ҳужжатлари ва бошқа органлар ҳужжатлари сўзсиз ва ихтиёрий ижро этилиши юзасидан истеъмолчиларнинг маданиятини юксалтириш бўйича комплекс чора-тадбирлар кўради;
оммавий ахборот воситалари ва кенг жамоатчилик билан ҳамкорлик қилади, уларни ўз фаолияти натижалари тўғрисида хабардор қилади, ушбу мақсадларда семинарлар, брифинглар, пресс-конференциялар, давра суҳбатлари ва бошқа тадбирлар ўтказади;
ж) комплекс таҳлил ўтказиш, тизимли муаммоларни аниқлаш, энергия ресурслари учун тўловлар ҳисоб-китоб қилинишини, қаттиқ маиший чиқиндиларни тўплаш ва олиб чиқиш учун аҳолидан келиб тушадиган мажбурий тўловларнинг тўланишини таъминлаш, мажбурий ижро тизимини такомиллаштириш бўйича таклифлар ишлаб чиқиш соҳасида:
суд ҳужжатлари ва бошқа органлар ҳужжатларини ижро этиш, энергия ресурслари учун тўловлар ҳисоб-китоб қилинишини, қаттиқ маиший чиқиндиларни тўплаш ва олиб чиқиш учун аҳолидан мажбурий тўловларни ундиришни таъминлаш соҳасида ҳуқуқни қўллаш амалиётини таҳлил қилади ва умумлаштиради, шунингдек, уни такомиллаштириш бўйича таклифлар киритади;
Бюро фаолиятининг натижалари, ижро иши юритиш ва энергия ресурслари учун тўловларнинг, шунингдек, қаттиқ маиший чиқиндиларни тўплаш ва олиб чиқиш учун мажбурий тўловларнинг ундирилиши ҳақида статистик маълумотлар базасини шакллантиради ҳамда уларнинг ҳаққонийлигини таъминлайди;
энергия ресурсларидан фойдаланиш, қаттиқ маиший чиқиндилар соҳасида шартнома-тўлов интизомини мустаҳкамлаш, шунингдек, ижро иши юритиш тизимини такомиллаштиришга қаратилган норматив-ҳуқуқий ҳужжатлар лойиҳаларини ишлаб чиқади ва уларни тайёрлашда иштирок этади;
самарали иш услубларини ишлаб чиқади ва амалиётга жорий қилади, ходимларнинг касб маҳоратини ошириш чораларини кўради;
Бюро фаолиятига замонавий ахборот-коммуникация технологияларини жорий қилади ва ахборот хавфсизлигини таъминлайди»;
11-банднинг «б» кичик банди ва 12-банд қуйидаги таҳрирда баён этилсин:
«б) энергия ресурслари учун тўловлар, шунингдек, қаттиқ маиший чиқиндиларни тўплаш ва олиб чиқиш учун мажбурий тўловларнинг тўлиқ ва ўз вақтида ундирилишини таъминлаш соҳасида:
энергия ресурслари етказиб берилиши ва истеъмолини ҳисобга олишнинг тўлиқлиги ҳамда ҳаққонийлиги, ҳисоб-китобларнинг ўз вақтида амалга оширилиши юзасидан, шу жумладан хўжалик юритувчи субъектларда Назорат қилувчи органлар фаолиятини мувофиқлаштирувчи Республика кенгаши билан келишмаган ҳолда текширишлар ўтказиш;
энергия ресурслари учун тўловларнинг ўз вақтида ва тўлиқлигини назорат қилиш ва мониторингини амалга ошириш, шунингдек, қаттиқ маиший чиқиндиларни тўплаш ва олиб чиқиш учун мажбурий тўловларни тўловчи жисмоний шахсларнинг ҳамда улар томонидан киритилган тўловларнинг ҳисоби тўғри олиб боришини назорат қилиш учун зарур бўлган маълумотларни вазирликлар, идоралар, бошқа ташкилотлар ва фуқаролардан талаб қилиб олиш;
жисмоний ва юридик шахсларга энергия ресурслари бўйича қарздорлик, шунингдек, қаттиқ маиший чиқиндиларни тўплаш ва олиб чиқиш учун мажбурий тўловлар бўйича қарздорликни бартараф этиш ҳақида бажарилиши мажбурий бўлган талабномалар юбориш;
энергия ресурслари учун ҳисоб-китоблар ўз вақтида амалга оширилмаган, Бюро талабномалари ижро этилмаган ҳолларда, шунингдек, электр, газ узатиш ва газ тақсимлаш тармоқларига ноқонуний уланиш, талон-торож ҳолатлари аниқланганда, истеъмолчиларни электр ҳамда газ тармоқларидан узиш;
электр энергияси учун тўловлар ўз вақтида амалга оширилмаган ҳамда Бюронинг талабномалари ижро этилмаган ҳолларда алоҳида истеъмолчиларни 6 — 10 кВ ва ундан юқори кучланишли электр энергия тармоқларидан узиш ҳақида электр таъминот корхоналарига талабномалар бериш;
энергия ресурсларидан фойдаланиш қоидаларини бузиш ҳолатлари бартараф этилган ҳамда тўловлар тўлиқ амалга оширилганда, илгари электр ва газ тармоқларидан узиб қўйилган истеъмолчиларни қайта улаш (алоҳида истеъмолчиларни улаш ҳақида талабномалар юбориш);
электр ва газ тармоқларига қайта улаб берилганлиги учун қонун ҳужжатларида белгиланган тартибда тўлов ундириш;
энергия ресурслари истеъмолини ҳисобга олиш ускуналарини пломбалашда иштирок этиш;
вазирликлар, идоралар, бошқа ташкилотлар, шу жумладан, фуқароларнинг ўзини ўзи бошқариш органларига энергия ресурсларини етказиб бериш ҳамда истеъмол қилиш, қаттиқ маиший чиқиндиларни тўплаш ва олиб чиқиш бўйича хизмат кўрсатиш соҳасидаги ҳуқуқбузарликлар содир этилишига имкон бераётган сабаб ва шарт-шароитларни бартараф этиш, шунингдек, энергия ресурслари учун тўловлар ҳамда қаттиқ маиший чиқиндиларни тўплаш ва олиб чиқиш учун мажбурий тўловлар бўйича ҳисоб-китобларни мунтазам равишда амалга оширмаётган истеъмолчиларга нисбатан жамоат таъсир чораларини кўриш ҳақида тақдимномалар киритиш;
етказиб берилган энергия ресурслари учун қарздорликни истеъмолчилар — юридик шахслар ва якка тартибдаги тадбиркорларнинг банк ҳисобрақамларидан сўзсиз ундириш ҳақида бажарилиши мажбурий бўлган инкассо топшириқномалари қўйиш;
етказиб берилган энергия ресурслари, шунингдек, қаттиқ маиший чиқиндиларни тўплаш ва олиб чиқиш учун мажбурий тўловлар бўйича энг кам ойлик иш ҳақининг икки бараваридан кўп бўлмаган миқдордаги қарздорликни ходим — истеъмолчиларнинг иш ҳақидан ушлаб қолиш ҳақида иш берувчиларга бажарилиши мажбурий бўлган талабномалар юбориш;
етказиб берилган энергия ресурслари учун тўловлар ҳамда қаттиқ маиший чиқиндиларни тўплаш ва олиб чиқиб кетиш учун мажбурий тўловлар учун ҳар ойда энг кам иш ҳақининг икки бараваридан кўп бўлмаган миқдордаги қарздорликни истеъмолчиларнинг пластик карталарига хизмат кўрсатиладиган банк ҳисобрақамларидан низосиз тартибда ҳисобдан чиқариш;
маъмурий ҳуқуқбузарликлар тўғрисидаги ишларни юритиш, Бюро ваколатига тааллуқли ишларни кўриб чиқиш ва маъмурий жазо қўллаш;
Бюро ваколатига тааллуқли ишлар бўйича терговга қадар текширув ва суриштирув ўтказиш ҳамда тезкор-қидирув фаолиятини амалга ошириш, шунингдек, ҳуқуқбузарлик оқибатида етказилган мулкий зарарни ундириш бўйича судларга даъво аризалари киритиш;
давлат органларига ва бошқа ташкилотларга, шунингдек, мансабдор шахслар ва фуқароларга ўзига тааллуқли ваколатлар доирасида бажарилиши мажбурий бўлган кўрсатмалар бериш.
Бюро қонун ҳужжатларига мувофиқ бошқа ҳуқуқларга ҳам эга бўлиши мумкин.
12. Бюро қуйидагилар учун жавобгардир:
суд ҳужжатлари ва бошқа органлар ҳужжатларнинг ўз вақтида ва тўлиқ ижро этилишини таъминлаш;
энергия ресурслари учун тўловлар, шунингдек, қаттиқ маиший чиқиндиларни тўплаш ва олиб чиқиш учун мажбурий тўловларнинг ўз вақтида ва тўлиқ ундирилишини, истеъмолчиларнинг қарздорлиги камайтирилишини таъминлаш;
энергия ресурсларидан ноқонуний фойдаланиш ҳолатларини, шунингдек, бевосита истеъмолчилар томонидан фойдаланилган ва тегишли ҳудудлар чегарасидаги тармоқларга етказиб берилган энергия ресурслари ҳажми ўртасидаги тафовутларни аниқлаш, бартараф этиш ва олдини олиш;
энергия ресурслари ҳажми ўртасидаги аниқланган тафовутларни бартараф қилиш механизми бўйича таклифлар киритиш ҳамда айбдор шахсларни жавобгарликка тортиш чораларини кўриш;
юклатилган бошқа вазифаларни самарали бажариш.»;
21-банднинг олтинчи хатбоши қуйидаги таҳрирда баён этилсин:
«Бюронинг бошқа ходимлари фаолиятни меҳнат шартномаларига асосан, прокуратура органларига қабул қилишда қўйиладиган талаблар ҳисобга олинган ҳолда амалга оширади. Бюронинг туман (шаҳар) бўлимлари энергия ресурслари ва маиший чиқиндилар бўйича қарздорликни ундириш ва назорат қилиш гуруҳлари (шуъбалари)нинг давлат инспекторлари, қоида тариқасида, олти ой муддатга тузиладиган меҳнат шартномаларига асосан ишга қабул қилинади. Ушбу ходимлар билан меҳнат муносабатларини давом эттиришнинг асосий шарти — бириктирилган ҳудудда энергия ресурслари учун қарздорлик, шунингдек, қаттиқ маиший чиқиндилар тўплаш ва олиб чиқиш учун мажбурий тўловлардан қарздорликнинг 80 фоиздан кам бўлмаган миқдорда ундирилишини таъминлаш ҳисобланади.».
(Қонун ҳужжатлари маълумотлари миллий базаси, 27.11.2019 й., 06/19/5883/4074-сон; 07.04.2021 й., 06/21/6200/0310-сон; Қонунчилик маълумотлари миллий базаси, 25.05.2022 й., 06/22/140/0450-сон; 29.08.2023 й., 06/23/151/0661-сон; 20.01.2024 й., 06/24/14/0052-сон)
