Ҳужжат кучини йўқотган " " 05.07.2022
Ўзбекистон Республикаси Вазирлар Маҳкамасининг
қарори
Ўзбекистон Республикаси Жисмоний тарбия ва спорт вазирлиги ҳузурида Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази фаолиятини янада такомиллаштириш тўғрисида
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2022 йил 4 июлдаги 355-сонли «Жисмоний тарбия ва спорт бўйича мутахассисларни қайта тайёрлаш ва малакасини ошириш тизимини янада такомиллаштириш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида» 2018 йил 5 мартдаги ПФ-5368-сон Фармони ижросини таъминлаш, шунингдек, жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тизимини янада такомиллаштириш мақсадида Вазирлар Маҳкамаси қарор қилади:
1. Ўзбекистон давлат жисмоний тарбия институти қошидаги Жисмоний тарбия ва спорт бўйича мутхассисларни илмий-методик таъминлаш, қайта тайёрлаш ва малакасини ошириш маркази (кейинги ўринларда Марказ деб аталади) Ўзбекистон Республикаси Жисмоний тарбия ва спорт вазирлиги тасарруфига берилганлиги, Нукус, Самарқанд ва Фарғона шаҳарларида унинг филиаллари (кейинги ўринларда филиаллар деб аталади) ташкил қилинганлиги маълумот учун қабул қилинсин.
2. Қуйидагилар:
Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази бошқарув ходимларининг чекланган умумий сони 28 нафардан иборат тузилмаси 1-иловага мувофиқ;
Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази Нукус, Самарқанд ва Фарғона филиалларининг тузилмаси 2-иловага мувофиқ;
Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази тўғрисида низом 3-иловага мувофиқ;
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисидаги низом 4-иловага мувофиқ тасдиқлансин.
Ўзбекистон Республикаси жисмоний тарбия ва спорт вазирига, зарурат бўлганда, Марказ ва унинг филиаллари тузилмаларига ходимларнинг чекланган умумий сони доирасида ўзгартиришлар киритиш ҳуқуқи берилсин.
3. Қуйидагилар Марказнинг асосий вазифалари этиб белгилансин:
давлат мактабгача таълим муассасалари жисмоний тарбия инструкторлари, умумтаълим мактаблари ва академик лицейларнинг жисмоний тарбия фани ўқитувчилари, профессионал таълим ва олий таълим муассасаларининг кафедра мудирлари ҳамда жисмоний тарбия фани ўқитувчилари, шунингдек, олий таълим муассасаларининг жисмоний тарбия ва жисмоний маданият, спорт фаолияти йўналишлари бўйича раҳбар ва педагог кадрларни, олимпия захиралари коллежлари, давлат ихтисослаштирилган мактаб-интернатлари, спорт мактабларининг раҳбар кадрларини, инструктор-методистлари ва тренерларини ҳамда жисмоний тарбия ва спорт соҳасидаги бошқа мутахассисларни (кейинги ўринларда жисмоний тарбия ва спорт бўйича мутахассислар деб аталади) қайта тайёрлаш ва малакасини ошириш;
(3-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
давлат таълим стандартлари ҳамда касбга доир билим ва кўникмаларга қўйилган талаблар асосида меҳнат бозори эҳтиёжларини ҳисобга олган ҳолда, касбий маълумотга эга бўлмаган спорт таълим муассасалари ходимлари учун қўшимча ихтисослик бўйича пулли асосда қайта тайёрлаш ва қисқа муддатли махсус курсларни ташкил этиш;
(3-банд Ўзбекистон Республикаси Вазирлар Маҳкамасининг 2019 йил 15 январдаги 32-сонли қарорига асосан учинчи хатбоши билан тўлдирилган — Қонун ҳужжатлари маълумотлари миллий базаси, 16.01.2019 й., 09/19/32/2481-сон)
жисмоний тарбия ва спорт бўйича мутахассисларни касбий, маънавий-ахлоқий савиясини ошириш, спорт таълим тизимини илмий-методик таъминлаш, илғор педагогик технологияларни жорий этиш;
ўқув-машғулот жараёнига, хусусан, спорт таълим муассасалари амалиётига замонавий инновацион педагогик технологияларни, ўқитишнинг самарали шакллари ва усулларини жорий этиш;
спорт таълим муассасалари фаолиятининг самарадорлигини ошириш, филиаллар фаолиятини мувофиқлаштириш ҳамда илмий-методик ишларни ташкил этиш;
халқаро алоқаларни кенгайтириш ва мустаҳкамлаш, конференциялар, кўргазмалар ва бошқа тадбирлар ўтказиш орқали жисмоний тарбия ва спорт соҳасида мамлакатимиз ютуқларини халқаро даражада кенг ёритиш, хорижий спорт таълим муассасалари билан ҳамкорлик қилиш.
4. Белгилаб қўйилсинки:
Марказ юридик шахс мақомига эга бўлган, спортчиларни тайёрлашнинг барча даражаларида ўқув-машғулот жараёнини илмий-методик таъминлашни, жисмоний тарбия ва спорт фаолияти бўйича педагог кадрларни қайта тайёрлаш ва малакасини оширишга ихтисослаштирилган илмий-методик ва таълим муассасаси ҳисобланади;
филиаллар Марказнинг юридик шахс мақомидаги таркибий тузилмаси ҳисобланади;
Марказ ва филиаллар фаолиятини молиялаштириш Ўзбекистон Республикаси Давлат бюджети маблағлари, хўжалик фаолиятидан ва шартномалар асосида хизматлар кўрсатишдан тушадиган тушумлар, жисмоний ва юридик шахсларнинг ҳомийлик хайриялари, халқаро молия ташкилотларининг грантлари ҳамда қонун ҳужжатларида тақиқланмаган бошқа манбалар ҳисобидан амалга оширилади.
5. Ўзбекистон Республикаси Мактабгача таълим вазирлиги, Халқ таълими вазирлиги, Олий ва ўрта махсус таълим вазирлиги, тасарруфида мактабгача, умумий ўрта, ўрта махсус, олий таълим муассасалари бўлган вазирлик ва идоралар ҳар йили 15 ноябрга қадар таълим муассасаларида фаолият юритаётган жисмоний тарбия ва спорт бўйича мутахассисларнинг эгаллаб турган лавозимига кўра малака ошириш курсларидан ўтиши бўйича белгиланган даврийликни инобатга олган ҳолда кейинги календарь йилда малака ошириш курсларига ўқишга юбориладиган тингловчилар контингентини шакллантириб Ўзбекистон Республикаси Жисмоний тарбия ва спорт вазирлигига тақдим этиб борсинлар.
6. Ўзбекистон Республикаси Олий ва ўрта махсус таълим вазирлигининг Касб-ҳунар таълим маркази Жисмоний тарбия ва спорт вазирлиги, Қорақалпоғистон Республикаси Вазирлар Кенгаши, Самарқанд ва Фарғона вилоятлари ҳокимликлари ҳамда Касб-ҳунар таълими тизимини янада такомиллаштиришни мувофиқлаштириш республика комиссияси билан биргаликда икки ой муддатда келгусида фаолияти тугатилиши режалаштирилаётган касб-ҳунар коллежларининг бино ва иншоотлари, моддий-техник воситалари, ўқув ускуналари ва бошқа мулклари билан бирга оператив бошқариш ҳуқуқи билан Марказнинг Нукус, Самарқанд ва Фарғона шаҳарлари филиалларига бепул берилишини таъминласин.
7. Ўзбекистон Республикаси Жисмоний тарбия ва спорт вазирлиги икки ой муддатда:
филиалларнинг уставлари тасдиқланиши ҳамда белгиланган тартибда давлат рўйхатидан ўтказилишини таъминласин;
танлов асосида Марказ ва филиалларни юқори малакали профессор-ўқитувчилар билан тўлдириш чораларини кўрсин;
Ўзбекистон Республикаси Олий ва ўрта махсус таълим вазирлиги билан биргаликда Марказ ва филиалларда таълим жараёнини ташкил этишнинг ўзига хос хусусиятларини ҳисобга олган ҳолда, профессор-ўқитувчиларга педагогик юклама ҳажмини белгиланган тартибда тасдиқласин.
8. Ўзбекистон Республикаси Молия вазирлиги:
2018 йил учун тасдиқланган Ўзбекистон Республикаси Давлат бюджети параметрларида Марказ ва филиаллар фаолияти ҳамда уларга юкланган вазифаларни бажариш билан боғлиқ харажатларнинг «Таълим» соҳасига ажратилган маблағлар доирасида молиялаштирилишини таъминласин, 2019 йилдан бошлаб эса ушбу харажатларни Ўзбекистон Республикаси Давлат бюджетининг параметрларини шакллантиришда назарда тутсин;
Марказга 3 та, шу жумладан 1 та хизмат, 1 та навбатчи ва 1 та махсус автотранспорт воситасини сақлашга лимит ажратсин.
9. Ўзбекистон Республикаси Жисмония тарбия ва спорт вазирлиги, Иқтисодиёт вазирлиги, Молия вазирлиги ва Инвестициялар бўйича давлат қўмитаси билан биргаликда уч ой муддатда Марказ ва филиалларнинг бино ва иншоотларини реконструкция қилиш, мукаммал таъмирлаш ҳамда жиҳозлаш ишларини 2019 йил ва кейинги йилларга мўлжалланган Ўзбекистон Республикасининг ривожлантириш давлат дастурлари доирасида амалга оширилиши бўйича асосланган таклифлар ишлаб чиқсин.
10. Ўзбекистон Республикаси Ҳукуматининг айрим қарорлари 5-иловага мувофиқ ўз кучини йўқотган деб ҳисоблансин.
11. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.А. Абдухакимов ҳамда Ўзбекистон Республикаси жисмоний тарбия ва спорт вазири Д.Х. Набиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 14 август,
658-сон
Вазирлар Маҳкамасининг 2018 йил 14 августдаги 658-сон қарорига
1-ИЛОВА
Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази
ТУЗИЛМАСИ
Ходимларнинг чекланган умумий сони (техник, хизмат кўрсатувчи, ўқув-ёрдамчи ходимлар ва профессор-ўқитувчилар таркибидан ташқари) — 28 нафар, шу жумладан бошқарув ходимлари — 15 нафар.
* Марказ хўжалик бўлимининг техник ва хизмат кўрсатувчи ходимлари ҳамда кафедраларининг ўқув-ёрдамчи ходимлари сони қонун ҳужжатларида олий таълим муассасалари учун белгиланган нормативларга мувофиқ белгиланади.
Вазирлар Маҳкамасининг 2018 йил 14 августдаги 658-сон қарорига
2-ИЛОВА
Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази Нукус, Самарқанд ва Фарғона филиалларининг
ТУЗИЛМАСИ
Ходимларнинг чекланган умумий сони (техник, хизмат кўрсатувчи, ўқув-ёрдамчи ходимлар ва профессор-ўқитувчилар таркибидан ташқари) — 13 нафар, шу жумладан бошқарув ходимлари — 9 нафар.
Нукус, Самарқанд ва Фарғона филиаллари ходимларнинг чекланган умумий сони (техник, хизмат кўрсатувчи, ўқув-ёрдамчи ходимлар ва профессор-ўқитувчилар таркибидан ташқари) — 39 нафар, шу жумладан бошқарув ходимлари — 27 нафар.
* Марказ филиали хўжалик бўлимининг техник ва хизмат кўрсатувчи ходимлари ҳамда кафедраларининг ўқув-ёрдамчи ходимлари сони қонун ҳужжатларида олий таълим муассасалари учун белгиланган нормативларга мувофиқ белгиланади.
Вазирлар Маҳкамасининг 2018 йил 14 августдаги 658-сон қарорига
3-ИЛОВА
Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази тўғрисида
НИЗОМ
1-боб. Умумий қоидалар
1. Ушбу Низом Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази (кейинги ўринларда Марказ деб аталади) мақомини, асосий вазифалари ва функцияларини, ҳуқуқларини тартибга солади, шунингдек, фаолиятини ташкил этиш тартибини белгилайди.
2. Марказ Ўзбекистон Республикаси Жисмоний тарбия ва спорт вазирлигининг (кейинги ўринларда Вазирлик деб аталади) таркибий тузилмаси ҳисобланади ҳамда давлат мактабгача таълим муассасалари жисмоний тарбия инструкторларини, умумтаълим мактаблари ва академик лицейларнинг жисмоний тарбия фани ўқитувчиларини, профессионал таълим ва олий таълим муассасаларининг кафедра мудирларини ҳамда жисмоний тарбия фани ўқитувчилари, шунингдек, олий таълим муассасаларининг жисмоний тарбия ва жисмоний маданият, спорт фаолияти йўналишлари бўйича раҳбар ва педагог кадрларни, олимпия захиралари коллежлари, давлат ихтисослаштирилган мактаб-интернатлари, спорт мактабларининг раҳбар кадрлари, инструктор-методистлари ва тренерларини ҳамда жисмоний тарбия ва спорт соҳасидаги бошқа мутахассисларни (кейинги ўринларда жисмоний тарбия ва спорт бўйича мутахассислар деб аталади) қайта тайёрлайди ва малакасини оширади, янги илғор педагогик технологияларни жорий этади, жисмоний тарбия ва спорт тизимида ахборот-коммуникация технологияларидан самарали фойдаланиш масалаларида узлуксиз методик хизмат кўрсатади шунингдек, тренерларни аттестациядан ўтказиш ҳамда уларга рухсатнома бериш.
(2-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
3. Марказнинг расмий номи:
а) давлат тилида — Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази;
б) рус тилида — Центр научно-методического обеспечения, переподготовки и повышения квалификации специалистов по физической культуре и спорту;
в) инглиз тилида — The Center of scientifically–methodical providing for retraining and professional development of specialists in physical culture and sport;
4. Марказ тингловчилари кундузги ўқиш, масофавий ўқитиш шакллари ва қонун ҳужжатларида назарда тутилган бошқа шаклларда ўқитилади.
5. Марказ ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонун ҳужжатларига амал қилади.
6. Марказ давлат муассасаси шаклидаги юридик шахс ҳисобланади ҳамда жисмоний тарбия ва спорт бўйича мутахассисларни қайта тайёрлаш ва малакасини ошириш, ушбу йўналишда ўқув, илмий-методик, илмий-тадқиқот, маънавий-маърифий ва ташкилий-методик ишларни амалга ошириш фаолияти билан шуғулланади.
7. Марказнинг жойлашган жойи (почта манзили): Тошкент шаҳар, Шайхонтоҳур тумани, Кўкча Дарвоза кўчаси, 27-уй.
2-боб. Марказнинг вазифалари ва функциялари
8. Қуйидагилар Марказнинг асосий вазифалари ҳисобланади:
жисмоний тарбия ва спорт соҳасидаги мутахассисларни қайта тайёрлаш ва малакасини ошириш шунингдек, тренерларни аттестациядан ўтказиш ҳамда уларга рухсатнома бериш;
(8-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 19 ноябрдаги 918-сонли қарори таҳририда — Қонун ҳужжатлари маълумотлари миллий базаси, 20.11.2019 й., 09/19/918/4038-сон)
жисмоний тарбия ва спорт бўйича мутахассисларни касбий, маънавий-ахлоқий савиясини ошириш, спорт таълим тизимини илмий-методик таъминлаш, илғор педагогик технологияларни жорий этиш;
ўқув-машғулот жараёнига, хусусан спорт таълим муассасалари амалиётига замонавий инновацион педагогик технологияларни, ўқитишнинг самарали шакллари ва усулларини жорий этиш;
спорт таълим муассасалари фаолиятининг самарадорлигини ошириш, филиаллар фаолиятини мувофиқлаштириш ҳамда илмий-методик ишларни ташкил этиш;
халқаро алоқаларни кенгайтириш ва мустаҳкамлаш, конференциялар, кўргазмалар ва бошқа тадбирлар ўтказиш орқали жисмоний тарбия ва спорт соҳасида мамлакатимиз ютуқларини халқаро даражада кенг ёритиш, хорижий спорт таълим муассасалари билан ҳамкорлик қилиш.
9. Марказ унга юклатилган вазифаларга мувофиқ қуйидаги функцияларни бажаради:
а) жисмоний тарбия ва спорт бўйича мутахассисларни қайта тайёрлаш ва малакасини ошириш йўналишида:
жисмоний тарбия ва спорт бўйича мутахассисларни қайта тайёрлаш ва малакасини ошириш тизимини такомиллаштириш бўйича илмий-тадқиқот ишлари олиб бориш, юқори малакали педагог мутахассисларни тайёрлаш;
давлат таълим стандартлари ҳамда касбга доир билим ва кўникмаларга қўйилган талаблар асосида меҳнат бозори эҳтиёжларини ҳисобга олган ҳолда касбий маълумотга эга бўлмаган спорт таълим муассасалари ходимлари учун қўшимча ихтисослик бўйича қайта тайёрлаш ва қисқа муддатли махсус курсларни ташкил этиш;
жисмоний тарбия ва спорт бўйича мутахассисларни қайта тайёрлаш ва малакасини оширишни ривожлантириш истиқболларини прогнозлаштириш, давлат дастурларини ишлаб чиқишда қатнашиш;
мутахассислик бўйича ва спорт таълимини бошқариш соҳасида раҳбарлар ва мутахассисларнинг билимларини ошириш;
илғор хорижий тажрибани жорий этиш мақсадида жисмоний тарбия ва спорт бўйича мутахассислар малакасини мунтазам равишда ошириб бориш учун қисқа муддатли ва мақсадга йўналтирилган курсларни ташкил этиш;
қайта тайёрлаш ва малака ошириш курсларининг ўқув режалари ва дастурлари тизимли равишда такомиллаштирилишини таъминлаш;
б) жисмоний тарбия ва спорт бўйича мутахассисларни касбий, маънавий-ахлоқий савиясини ошириш, спорт таълим тизимини илмий-методик таъминлаш, илғор педагогик технологияларни жорий этиш йўналишида:
ўқув-тарбия жараёнига замонавий таълим дастурлари ва технологияларни жорий этиш;
ўқув жараёнига замонавий педагогик ва ахборот-коммуникация технологияларини кенг жорий этишни ҳисобга олган ҳолда ўқув режалари ва дастурлари тизимли равишда такомиллаштирилишини таъминлаш;
илмий-педагог кадрларни тайёрлаш мазмуни ва сифатини такомиллаштиришга, касбий, маънавий-ахлоқий савиясини ошириш, спорт таълим тизимини методик таъминлаш, илғор педагогик технологияларни жорий этишга қаратилган норматив-ҳуқуқий ҳужжатлар лойиҳаларини белгиланган тартибда Вазирликка киритиш;
в) ўқув-машғулот жараёнига, хусусан, спорт таълим муассасалари амалиётига замонавий инновацион педагогик технологияларни, ўқитишнинг самарали шакллари ва усулларини жорий этиш йўналишида:
жисмоний тарбия ва спорт бўйича мутахассисларни қайта тайёрлаш ва малакасини ошириш жараёнларининг илмий муаммоларига йўналтирилган фундаментал, амалий ва инновацион илмий изланишлар олиб борилишини мувофиқлаштириш;
таълим дастурларининг узлуксизлиги ва изчиллигини ҳисобга олган ҳолда ижодий тафаккурни ривожлантиришга қаратилган ўқитишнинг интерактив усулларидан фойдаланиш орқали жисмоний тарбия ва спорт бўйича мутахассисларни қайта тайёрлаш ва малакасини ошириш бўйича ўқув режалари ва дастурларни, ўқув-методик ва норматив ҳужжатларни ишлаб чиқиш;
жисмоний тарбия ва спорт бўйича мутахассисларни қайта тайёрлаш ва малакасини ошириш бўйича халқаро тажрибани, шунингдек, жаҳоннинг энг яхши спорт таълим муассасалари ютуқларини умумлаштириш асосида илмий асосланган инновацияларни жорий этиш;
жисмоний тарбия ва спорт бўйича мутахассисларни тайёрлашнинг барча босқичларида спорт маҳоратидан сабоқ беришнинг инновацион методикаларини ишлаб чиқиш ва жорий этишга йўналтирилган илмий-тадқиқотлар ўтказиш ҳамда илмий-амалий ва тадқиқот ишлари учун хорижий мутахассисларини жалб этиш;
жисмоний тарбия ва спорт бўйича мутахассисларни қайта тайёрлаш ва малакасини оширишда таълим жараёнининг юқори даражасини таъминлаш, илмий тадқиқотларга интилиш, мустақил фикрлаш кўникмалари ва ижодий маҳоратни ривожлантириш;
г) спорт таълим муассасалари фаолиятининг самарадорлигини ошириш, филиаллар фаолиятини мувофиқлаштириш ҳамда илмий-методик ишларни ташкил этиш йўналишида:
ўқитишнинг замонавий шаклларини, инновацион педагогик ва ахборот-коммуникация технологияларини қўллаган ҳолда ўқув-машғулот жараёнини ташкил этишда спорт таълим муассасаларига методик ёрдам кўрсатиш;
ўқув-машғулот жараёни сифатини оширишга, спортчилар қобилиятларини ривожлантириш ва рағбатлантиришга қаратилган тадбирлар (конференциялар, спорт мусобақалари, семинар-тренинглар, танловлар) ташкил этиш;
жисмоний тарбия ва спорт бўйича мутахассисларнинг ўз соҳасини билишини ривожлантириш ва оширишда ўқитишнинг интерактив ва замонавий усулларини, методик материаллар, ёрдам кўрсатишнинг самарали шаклларини ишлаб чиқиш, синаб кўриш ва ўқув-машғулот жараёнига жорий этиш;
қайта тайёрлаш ва малака оширишнинг самарали шаклларини (тўғридан-тўғри малака ошириш, илмий-тадқиқот муассасасида тажриба орттириш, хорижда тажрибага эга бўлиш, мустақил ўқиб билим олиш, масофавий таълим, ва бошқа шаклларини) жорий этишнинг илмий ва ташкилий-методик асосларини ишлаб чиқиш;
турли хил методик материаллар тайёрлаш, педагогик ва илмий-методик ахборотни умумлаштириш ва тарқатиш, журналлар, газеталар, тўпламлар, тавсияномалар ва қўлланмалар нашр этиш;
миллий ва халқаро илғор тажрибадан фойдаланган ҳолда жисмоний тарбия ва спорт бўйича мутахассислар маҳоратини ошириш дастурлари, методик тавсияномалар, қўлланма ҳамда илмий-методик ишланмалар билан таъминлаш;
давлат таълим стандартлари, ўқув режалари, дарсликлар ва ўқув-методик материалларни ўрганиш ҳамда муҳокама қилиш, таклифлар киритиш ва Марказнинг илмий-методик кенгашида хулосалар қабул қилиш;
жисмоний тарбия ва спорт бўйича мутахассисларни қайта тайёрлаш ва малакасини ошириш курсларининг ўқув-методик базасини шакллантириш ҳамда филиаллар фаолиятини мувофиқлаштириш ҳамда уларга ташкилий-методик раҳбарликни амалга ошириш;
филиаллар фаолиятини мувофиқлаштириш, натижадорлигини мунтазам ўрганиб бориш ва тегишли таклифлар ишлаб чиқиш;
қайта тайёрлаш ва малака ошириш курслари фаолиятини самарали ташкил этиш бўйича филиаллар раҳбарларининг ҳисоботлари муҳокамасини ташкил этиш, муҳокама натижалари юзасидан филиалларни ривожлантириш чораларини кўриш;
д) халқаро алоқаларни кенгайтириш ва мустаҳкамлаш, конференциялар, кўргазмалар ва бошқа тадбирлар ўтказиш орқали жисмоний тарбия ва спорт соҳасида мамлакатимиз ютуқларини халқаро майдонда кенг ёритиш, хорижий спорт таълим муассасалари билан ҳамкорлик қилиш йўналишида:
соҳадаги халқаро тажрибаларни жисмоний тарбия ва спорт бўйича мутахассисларни қайта тайёрлаш ва малакасини ошириш жараёнига татбиқ этиш;
хорижий ва мамлакатимизнинг малакали амалиётчи мутахассислари, тренерларини таълим жараёнига жалб этган ҳолда жисмоний тарбия ва спорт бўйича мутахассислар ҳамда филиалларда дарс берадиган профессор-ўқитувчилар таркибининг касбий тайёргарлигини узлуксиз ривожлантириб бориш;
қайта тайёрлаш ва малака ошириш курслари тингловчиларининг замонавий ахборот-коммуникация технологиялари ва хорижий тилларни самарали ўзлаштиришлари учун тегишли шарт-шароитлар яратиш;
халқаро спорт майдонларида муносиб иштирок этувчи иқтидорли ёш профессионал спортчилар тайёрлаш учун уларнинг кўникма ва билимларини ривожлантиришга йўналтирилган замонавий ўқитиш дастурлари ва услубларини жорий этиш;
халқаро алоқаларни кенгайтириш ва мустаҳкамлаш, спорт таълим соҳасида мамлакатимиз ютуқларини халқаро даражада кенг ёритиш;
конференциялар, кўргазмалар ва бошқа тадбирлар ўтказиш, хорижий спорт таълим муассасалари билан ҳамкорлик қилиш;
жисмоний тарбия ва спорт бўйича мутахассисларни қайта тайёрлаш ва малакасини ошириш соҳасида маҳаллий ва халқаро ташкилотлар билан белгиланган тартибда шериклик фаолиятини юритиш.
е) тренерларни аттестациядан ўтказиш ҳамда уларга рухсатнома бериш йўналишида:
тренерларнинг спорт тури бўйича касбий билим, кўникма ва малакаси, методологик маданияти, шахсий, касбий ўсишини, амалий кўникмаларига эга бўлиши, шунингдек уларнинг замонавий педагогик технологиялардан фойдаланишни билиш даражасини аниқлаш;
спорт тури бўйича малакаси, спорт машғулотини ўтказиш маҳорати, меҳнат самарадорлиги ва ижтимоий-сиёсий билимларини оширган педагог кадрларни рағбатлантириш.
(9-банд Ўзбекистон Республикаси Вазирлар Маҳкамасининг 2019 йил 19 ноябрдаги 918-сонли қарорига асосан «е» кичик банд тўлдирилган — Қонун ҳужжатлари маълумотлари миллий базаси, 20.11.2019 й., 09/19/918/4038-сон)
3-боб. Марказнинг ҳуқуқлари
10. Марказ ўзига юклатилган функциялар ва вазифаларни амалга ошириш учун қуйидаги ҳуқуқларга эга:
Вазирликка таълим мазмунини такомиллаштириш ва самарадорлигини ошириш бўйича таклифлар киритиш;
жисмоний тарбия ва спорт бўйича мутахассисларини қайта тайёрлаш ва малакасини ошириш бўйича дастурлар, ўқув қўлланмалари, илмий асарлар тўпламлари, илмий-амалий конференциялар материаллари, методик кўрсатмалар ҳамда қўлланмалар тайёрлаш ва нашр этиш;
аҳолига, турли ташкилотларга пуллик таълим хизматлари ва бошқа хизматлар кўрсатиш, шунингдек, қонун ҳужжатларида тақиқланмаган ва асосий фаолиятга зид бўлмаган фаолиятнинг барча турларини амалга ошириш;
кафедралар ва бўлимларни ўзгартириш, янгиларини ташкил этиш, мавжуд кафедра ва бўлимларни тугатиш, тасдиқланган штат жадвали доирасида штат бирликларини бир бўлинмадан бошқа бўлинмага ўтказиш бўйича Вазирликка таклифлар киритиш;
профессор-ўқитувчилар таркибига, бошқа ходимларга белгиланган тартибда рағбатлантирувчи устамалар тайинлаш;
юқори меҳнат кўрсаткичлари учун Марказ ходимларини давлат ва идоравий мукофотлар билан мукофотлаш тўғрисида Вазирликка таклифлар киритиш;
қайта тайёрлаш ва малака ошириш бўйича фаолият сифати ва самарадорлигини таъминлаш чора-тадбирларини кўриш;
ҳамкорлик доирасида муаллифлик ишларини ишлаб чиқишга тажрибали мутахассислар, педагоглар ва ходимларни жалб қилиш (зарур бўлса шартномалар асосида);
қонун ҳужжатларига киритилган ўзгартишларга мувофиқ ўқув дастурларига тузатишлар киритиш;
ўз ваколатлари доирасида халқаро ва хорижий ташкилотлар билан ҳамкорлик қилиш;
хорижлик тажрибали мутахассисларни жалб қилган ҳолда илғор хорижий тажрибани жорий этиш мақсадида жисмоний тарбия ва спорт бўйича мутахассислар малакасини мунтазам ошириш учун қисқа муддатли ва аниқ мақсадга йўналтирилган курсларни ташкил этиш;
ходимларни ўқитиш, семинарлар ва конференцияларда қатнашиш учун хорижга тажриба алмашиш ва инновацион педагогика технологияларини ва илғор методикаларни ўрганиш бўйича тажриба орттиришга юбориш;
ўз фаолиятини оммавий ахборот, шу жумладан Интернет тармоқларида кенг ёритиш.
тренерларни аттестациядан ўтказиш ҳамда уларга рухсатнома бериш;
(10-банд Ўзбекистон Республикаси Вазирлар Маҳкамасининг 2019 йил 19 ноябрдаги 918-сонли қарорига асосан ўн бешинчи хатбоши билан тўлдирилган — Қонун ҳужжатлари маълумотлари миллий базаси, 20.11.2019 й., 09/19/918/4038-сон)
Марказ қонун ҳужжатларига мувофиқ бошқа ҳуқуқларга ҳам эга бўлиши мумкин.
4-боб. Марказ фаолиятини ташкил этиш
11. Марказ ўз фаолиятида бевосита Вазирликка бўйсунади ва унга ҳисобот беради.
12. Марказга Ўзбекистон Республикаси Жисмоний тарбия ва спорт вазири томонидан қонун ҳужжатларида белгиланган тартибда лавозимга тайинланадиган ва лавозимдан озод этиладиган директор раҳбарлик қилади.
13. Қуйидагилар Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази директорининг (кейинги ўринларда Марказ директори деб аталади) асосий функционал вазифалари ҳисобланади:
Ўзбекистон Республикаси Конституцияси ва қонунлари талабларига, шунингдек, бошқа норматив-ҳуқуқий ҳужжатларга риоя қилиш;
Марказ фаолиятига, ўқув-методик, илмий-тадқиқот, маънавий-маърифий ишлар самарали ташкил этилишига умумий раҳбарлик қилиш;
ташкилотлар билан Марказ номидан хўжалик шартномалари тузиш, Вазирликда Марказ манфаатларини ифодалаш, шунингдек, ўз фаолияти тўғрисида ҳисоботлар тақдим этиш;
Марказ Илмий-методик кенгаши тавсиялари асосида ўқув-мавзу режалари, дастурлар ва илмий-методик ишлар режаларини тасдиқлаш;
ўз ваколатлари доирасида буйруқлар чиқариш ва ишончномалар бериш;
ходимларни рағбатлантириш, интизомий жазо қўллаш тўғрисида қарор қабул қилиш;
қайта тайёрлаш ва малака оширишга қўйилган давлат таълим талаблари, ўқув режалари ва дастурлар, бошқа ўқув-методик ҳужжатларнинг ўқув жараёнига жорий этилишини таъминлаш;
(13-банднинг саккизинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
Марказда олиб борилаётган илмий-тадқиқот ва илмий-методик ишларни мувофиқлаштириш;
тингловчиларга маиший хизмат кўрсатиш, Марказнинг ўқув-методик ва моддий-техник базасини мустаҳкамлаш бўйича ишларни ташкил этиш;
Марказ ички тартиб қоидаларини тасдиқлаш ҳамда ушбу қоидалар ходимлар ва тингловчлар томонидан бажарилишини назорат қилиш;
жамоада соғлом маънавий ва ижодий муҳитни шакллантириш чора-тадбирларини кўриш.
Марказ директори қонун ҳужжатларига мувофиқ бошқа вазифаларга ҳам эга бўлиши мумкин.
14. Марказда ўқув-методик ишларга директорнинг ўқув ишлари бўйича ўринбосари, илмий-методик ишларга директорнинг илмий-методик ишлар бўйича ўринбосари раҳбарлик қилади.
Марказ директори ўринбосарлари, филиаллар директорлари ва ўринбосарлари Ўзбекистон Республикаси Жисмоний тарбия ва спорт вазири билан келишилган ҳолда Марказ директори томонидан лавозимга тайинланадилар ва лавозимдан озод этиладилар.
15. Фаолиятнинг асосий масалаларини кўриб чиқиш учун Марказда директор раислигида Илмий-методик кенгаш ташкил этилади.
Илмий-методик кенгаш таркиби Марказ директорининг буйруғи билан тасдиқланади. Илмий-методик кенгаш таркибига директор ўринбосарлари, кафедралар ва бўлимлар раҳбарлари, шунингдек, етакчи профессорлар ва ўқитувчилар, спорт федерациялари вакиллари киритилиши мумкин.
Илмий-методик кенгаш қарорлари Марказ директорнинг буйруқлари билан амалга оширилади.
Илмий-методик кенгаш раиси ва котиби кенгаш қарорлари бажарилишининг мунтазам равишда мониторингини олиб боради ва қабул қилинган қарорлар ижроси тўғрисида кенгаш аъзоларига ҳисобот беради.
Илмий-методик кенгаш аъзолари кенгаш мажлисида кўриб чиқилган масалалар юзасидан қабул қилинган қарорлар тўғри ва аниқ бажарилиши учун жавоб беради.
Илмий-методик кенгашнинг иш тартиби Марказнинг йиллик иш режасига мувофиқ ташкил этилади.
16. Қуйидагилар Илмий-методик кенгашнинг вазифалари ҳисобланади:
Марказ, унинг кафедралари ва бўлимлари режалари ва ҳисоботларини кўриб чиқиш, Марказ фаолиятини такомиллаштириш бўйича ўқув иш режалари ва курслар дастурларини, тавсияларни муҳокама қилиш;
Марказ илмий-методик ва ташкилий ишларининг асосий йўналишларини таъминлаш ва белгилаш, самарали қайта тайёрлаш ва малака ошириш, илмий-тадқиқот фаолиятини таҳлил қилиш ва мувофиқлаштириш, маънавий-маърифий ишларни такомиллаштириш;
қайта тайёрлаш ва малака оширишнинг давлат таълим талаблари, ўқув режалари ва дастурлар бажарилишини кўриб чиқиш;
(16-банднинг тўртинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
Марказ кафедралари ва бўлимларини очиш, уларнинг фаолиятини ўзгартириш ва тугатиш билан боғлиқ масалаларни кўриб чиқиш;
дарсликлар, ўқув қўлланмалари, илмий, ўқув-методик адабиётларни эълон қилиш масалаларини кўриб чиқиш;
Марказни ривожлантиришнинг жорий (йиллик) ва истиқболли режаларини тасдиқлаш.
5-боб. Марказни молиялаштириш ва моддий-техник таъминлаш, унинг ходимлари меҳнатига ҳақ тўлаш ва уларни моддий рағбатлантириш
17. Марказ Ўзбекистон Республикаси давлат бюджети, шунингдек, қонун ҳужжатларида тақиқланмаган бошқа манбалар ҳисобидан молиялаштирилади.
18. Марказ ходимларининг иш ҳақи лавозим маоши, мукофотлар, қўшимча ҳақлар, устамалардан ва қонун ҳужжатларида назарда тутилган бошқа тўловлардан иборат бўлади.
19. Марказ ходимлари лавозим маошларига ҳар ойда қўшиладиган рағбатлантириш хусусиятига эга бўлган устамалар ва қўшимча ҳақлар Вазирлик томонидан тасдиқланадиган низомга мувофиқ тўланади.
20. Меҳнатга ҳақ тўлаш жамғармаси, Бюджет ташкилотларини ривожлантириш жамғармаси маблағлари ва қонун ҳужжатларида тақиқланмаган бошқа манбалар Марказ ходимларига иш ҳақи тўлаш ва уларни моддий рағбатлантириш манбалари ҳисобланади.
6-боб. Якунловчи қоида
21. Марказни қайта ташкил этиш ва тугатиш қонун ҳужжатларида белгиланган тартибда амалга оширилади.
Вазирлар Маҳкамасининг 2018 йил 14 августдаги 658-сон қарорига
4-ИЛОВА
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисида
НИЗОМ
1-боб. Умумий қоидалар
1. Мазкур Низом давлат мактабгача таълим муассасалари жисмоний тарбия инструкторларини, умумтаълим мактаблари ва академик лицейларнинг жисмоний тарбия фани ўқитувчиларини, профессионал таълим ва олий таълим муассасаларининг кафедра мудирларини ҳамда жисмоний тарбия фани ўқитувчилари, шунингдек, олий таълим муассасаларининг жисмоний тарбия ва жисмоний маданият, спорт фаолияти йўналишлари бўйича раҳбар ва педагог кадрларни, олимпия захиралари коллежлари, давлат ихтисослаштирилган мактаб-интернатлари, спорт мактабларининг раҳбар кадрлари, инструктор-методистлари ва тренерларини ҳамда жисмоний тарбия ва спорт соҳасидаги бошқа мутахассисларни (кейинги ўринларда жисмоний тарбия ва спорт бўйича мутахассислар деб аталади) қайта тайёрлаш ва малакасини ошириш тартибини белгилайди.
(1-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
2. Олий таълим муассасаларининг жисмоний тарбия ва спорт бўйича мутахассисларини қайта тайёрлаш ва малакасини ошириш Вазирлар Маҳкамасининг «Олий таълим муассасаларининг раҳбар ва педагог кадрларини қайта тайёрлаш ва уларнинг малакасини оширишни ташкил этиш чора-тадбирлари тўғрисида» 2015 йил 20 августдаги 242-сон қарори асосида амалга оширилади.
3. Ушбу Низомда қуйидаги асосий тушунчалар қўлланилади:
педагогик қайта тайёрлаш — олий ва ўрта махсус маълумотга эга педагог бўлмаган мутахассисларнинг базавий касбий маълумотини таълимнинг тегишли тури малака талаблари билан белгиланадиган ўқув-тарбия жараёнининг талаб этиладиган сифатини таъминловчи даражада педагогик фаолиятни юритиш учун зарур ва етарли бўлган тайёргарликка мувофиқлаштириш мақсадида мутахассисларни қайта тайёрлаш;
касбий қайта тайёрлаш — олий ва ўрта махсус педагогик маълумотга эга мутахассислар томонидан таълимнинг тегишли тури малака талаблари билан белгиланадиган, ўқитишнинг талаб этиладиган сифатини таъминлайдиган даражада ўқув фани ёки курс бўйича педагогик фаолиятни юритиш учун зарур ҳажмда янги касбий билимлар, малака ва кўникмаларни ўқитиш;
махсус ўқув курсларида ўқитиш — спорт фаолиятини якунлаган спортчиларнинг тренерлик фаолияти билан шуғулланишлари, педагогик фаолиятни юритиш, зарур ва етарли ҳажмда янги билим, малака ва кўникмаларни ўргатиш;
(3-банднинг тўртинчи хатбошиси Ўзбекистон Республикаси Вазирлар Маҳкамасининг 2019 йил 15 январдаги 32-сонли қарори таҳририда — Қонун ҳужжатлари маълумотлари миллий базаси, 16.01.2019 й., 09/19/32/2481-сон)
тўғридан-тўғри малака ошириш — таълим дастурлари ва меҳнат бозорининг таклифлари асосида, таълимнинг тегишли тури ўқув-тарбия жараёнининг мониторинги натижалари ва мутахассислар тайёрлаш сифатини ҳисобга олган ҳолда давлат таълим талабларига мувофиқ ишлаб чиқилган модуллар бўйича мақсадли касбий таълим дастурларини ўзлаштириш;
(3-банднинг бешинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
илмий-тадқиқот муассасаларида тажриба орттириш — Ўзбекистон давлат жисмоний тарбия ва спорт университети, марказлар, лабораториялар ва бошқа муассасаларда мутахассисларни фаннинг замонавий ютуқлари, тегишли мутахассисликлар бўйича ривожлантиришнинг устувор йўналишлари, илмий тадқиқот услубларини ўрганиш;
хорижда тажриба орттириш — Ўзбекистон Миллий олимпия қўмитаси, хорижий мамлакатлар ва халқаро ташкилотлар томонидан мамлакатимиз таълим тизимини ривожлантириш ва такомиллаштиришга кўмаклашиш учун ажратилган грантларга мувофиқ, шунингдек, таълимни бошқариш органлари билан таълим ва спорт таълими муассасалари ҳамда спорт ташкилотлари тажрибаларини ўрганиш;
мустақил ўқиб билим орттириш — таълим даражаси ва сифатига қўйиладиган давлат таълим талабларига мувофиқ ўқитиладиган модуллар бўйича янги билимлар, малака ва кўникмаларни мустақил ўзлаштириш;
(3-банднинг саккизинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
масофавий таълим — онлайн (видеомаърузалар, маслаҳатлар, назорат турларини масофадан туриб реал вақт режимида ўтказиш) ва оффлайн (масофавий таълим тизимидаги тегишли ўқув-методик ресурсларни мустақил равишда ўзлаштириш) шаклида амалга ошириладиган таълим тури.
4. Жисмоний тарбия ва спорт бўйича мутахассисларни қайта тайёрлаш ва малакасини ошириш йўналишлари Ўзбекистон Республикаси Жисмоний тарбия ва спорт вазирлиги (кейинги ўринларда Вазирлик деб аталади) томонидан тасдиқланади.
5. Хорижий давлатларда таълим муассасаларини тамомлаган жисмоний тарбия ва спорт бўйича мутахассисларни қайта тайёрлаш ва малакасини ошириш уларнинг базавий маълумоти тўғрисидаги ҳужжатини белгиланган тартибда нострификациядан ўтказгандан кейин амалга оширилади.
6. Вазирликлар ва идоралар тасарруфидаги таълим муассасаларининг жисмоний тарбия ва спорт бўйича мутахассислари Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази (кейинги ўринларда Марказ деб аталади) ва унинг филиалларида вазирлик томонидан тасдиқланган режага асосан, нодавлат таълим муассасаларининг ходимлари ва жисмоний шахслар эса улар билан тузилган шартнома асосида қайта тайёрлаш ва малака ошириш курсларидан ўтадилар.
7. Жисмоний тарбия ва спорт бўйича мутахассисларни илмий-методик таъминлаш, қайта тайёрлаш, махсус ўқув ва малака ошириш курслари ушбу Низомнинг 1 — 4-иловаларига мувофиқ ташкил этилади.
2-боб. Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини оширишнинг мақсад ва вазифалари
8. Жисмоний тарбия ва спорт бўйича мутахассисларни эгаллаб турган лавозимлари, мутахассислиги ёки дарс берадиган модуллари (фанлари) бўйича касбий ва педагогик маҳоратини доимий равишда ошириб бориш, уларнинг илғор педагогик ва ахборот технологиялари, шунингдек, жисмоний тарбия ва спорт бўйича мутахассисларни материаллар ва илмий-ўқув адабиётлар билан таъминлаш, ўқитишнинг инновацион усуллари бўйича касбий билимлари, малака ва кўникмаларини мунтазам равишда янгилаб бориш илмий-методик таъминлаш, қайта тайёрлаш ва малака оширишнинг мақсади ҳисобланади.
9. Қуйидагилар жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини оширишнинг вазифалари ҳисобланади:
жисмоний тарбия ва спорт бўйича мутахассисларнинг касбий билими, кўникмаси ва маҳоратини ошириш, замон талабларига мувофиқ таълим сифатини таъминлаш учун зарур даражада касбий тайёргарлигини ривожлантириш;
илмий-методик адабиётлар билан таъминлаш;
мустақил фикрлаш кўникмаларини шакллантириш, педагогик янгиликка интилишни ривожлантириш, замонавий ахборот-коммуникация технологияларидан фойдаланиш;
жисмоний тарбия ва спорт бўйича мутахассисларнинг ўқув машғулотлари, ўқув-тарбиявий ишларни амалга оширишда илғор таълим технологиялари ва халқаро тажрибадан фойдаланиш, илмий ва ўқув-методик тадқиқотлар олиб бориш ҳамда амалиётга жорий этиш кўникмаларини мустаҳкамлаш.
3-боб. Жисмоний тарбия ва спорт бўйича мутахассисларни қайта тайёрлаш ва малакасини ошириш мазмуни ҳамда сифатига қўйиладиган умумий талаблар
10. Қуйидагилар қайта тайёрлаш ва малака ошириш бўйича таълим дастурлари мазмунига қўйиладиган умумий талаблар ҳисобланади:
касблар ва лавозимларга бўлган малака талабларига мувофиқлик;
таълим ва кадрлар тайёрлаш соҳасидаги давлат сиёсатининг асосий йўналишларини, таълим турлари ва босқичлари бўйича давлат таълим талабларининг узлуксизлиги ва узвийлигини таъминлашга, тингловчиларнинг билимларини янгилаш ва чуқурлаштиришга, замонавий ахборот технологияларидан фойдалана олишга, касбий малака ва кўникмаларни ҳосил қилишга, таълимнинг самарали усуллари ҳамда технологияларини эгаллаш ва такомиллаштиришга қаратилганлик;
(10-банднинг учинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
давлат таълим талаблари ҳажми ва мазмунининг қайта тайёрлаш ва малака ошириш муддатларига мувофиқлиги.
(10-банднинг тўртинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
11. Қайта тайёрлаш ва малака ошириш сифати жисмоний тарбия ва спорт бўйича мутахассислар тайёргарлигининг зарур ва етарли даражаси, билим, амалий ва касбий маҳоратнинг мазкур мутахассисларга қўйиладиган талабларига мувофиқлиги билан белгиланади.
12. Қайта тайёрлаш ва малака ошириш курсларидаги ўқув жараёни ўқув режалари ва дастурлари асосида амалга оширилади ҳамда унинг мазмуни ва сифатига қўйиладиган талаблар тегишли таълим дастурлари билан белгиланади.
4-боб. Жисмоний тарбия ва спорт бўйича мутахассисларни қайта тайёрлаш шакллари
13. Жисмоний тарбия ва спорт бўйича мутахассисларни қайта тайёрлаш ўқитиш сифатига қўйиладиган талабларни оширишни ва меҳнат бозори эҳтиёжларини ҳисобга олган ҳолда ишлаб чиқилган таълим дастурлари бўйича янги касб билимлари, малака ва кўникмаларни ўзлаштириш орқали амалга оширилади.
14. Жисмоний тарбия ва спорт бўйича мутахассисларни қайта тайёрлаш қуйидаги шаклларда амалга оширилади:
педагогик қайта тайёрлаш;
касбий қайта тайёрлаш;
махсус ўқув курсларда ўқитиш.
15. Жисмоний тарбия ва спорт бўйича мутахассисларни қайта тайёрлаш курслари юридик ва жисмоний шахсларнинг буюртмалари ёки меҳнат бозорининг талаблари билан белгиланадиган айрим педагогларнинг қайта ихтисослашуви ёки янги мутахассисликка эга бўлиши муносабати билан Марказ ташаббусига кўра шартнома асосида ташкил этилади.
5-боб. Жисмоний тарбия ва спорт бўйича мутахассислар малакасини оширишнинг шакллари
16. Жисмоний тарбия ва спорт бўйича мутахассисларнинг малакасини ошириш тўғридан-тўғри (таълим дастурлари бўйича ўқитиш) ташкил этилади.
17. Жисмоний тарбия ва спорт бўйича мутахассисларнинг малакасини ошириш қуйидаги шаклларда амалга оширилади:
тўғридан-тўғри малака ошириш (таълим дастурлари бўйича ўқитиш);
илмий-тадқиқот муассасасида тажриба орттириш;
хорижда тажриба орттириш;
мустақил ўқиб билим орттириш;
масофавий таълим.
6-боб. Жисмоний тарбия ва спорт бўйича мутахассисларни қайта тайёрлаш ва малака ошириш курсининг давомийлиги ҳамда ўқув юкламасининг ҳажми
18. Жисмоний тарбия ва спорт бўйича мутахассисларнинг малакасини ошириш давомийлиги уни ташкил этиш шаклларига ҳамда касбий малака даражаси ва индивидуал касбий эҳтиёжи тасарруфида жисмоний тарбия ва спорт бўйича мутахассислари мавжуд бўлган вазирликлар, идоралар ва бошқа ташкилотлар (кейинги ўринларда буюртмачи деб аталади) талабларини ҳисобга олган ҳолда аниқланади.
Жисмоний тарбия ва спорт бўйича мутахассислар беш йилда камида бир марта малака оширишлари шарт.
Малака ошириш тўғридан-тўғри шаклларининг умумий давомийлиги камида 4 ҳафта (144 соат) этиб белгиланади.
Малака оширишнинг тўғридан-тўғри шакллари учун аудитория машғулотлари ва мустақил ишларнинг энг юқори ҳажми ҳафтасига 36 соат этиб белгиланади.
Айрим ҳолларда малака оширишнинг тўғридан-тўғри шакллари умумий давом этиш муддати, асосий ишдан ажралган ҳолда ўқитишда, камида 3 ҳафта (144 соат), аудитория машғулотларининг ва мустақил ишларнинг энг юқори ҳажми ҳафтасига 48 соат этиб белгиланиши мумкин.
19. Жисмоний тарбия ва спорт бўйича мутахассисларни қайта тайёрлаш давомийлиги ва ўқув юкламасининг ҳажми:
педагогик қайта тайёрлаш — камида 4 ой (576 соат);
касбий қайта тайёрлаш — камида 4 ой, (576 соат);
махсус ўқув курсларда ўқитиш — 3 ой (432 соат), 6 ой (864 соат), 10 ой (1440 соат) этиб белгиланади.
спорт фаолиятини якунлаган спортчилар тренерлик фаолияти билан шуғулланишлари учун спорт тиббиёти, педагогика ва психологияси бўйича 3 ойлик (олий маълумотли спортчилар учун) ва 6 ойлик (ўрта ва ўрта махсус маълумотли спортчилар учун) махсус ўқув курсларида, шунингдек, спорт ҳакамлигига тайёрлаш (спортнинг футбол туридан ташқари) бўйича 3 ойлик (олий маълумотли спортчилар учун) ва 6 ойлик (ўрта ва ўрта махсус маълумотли спортчилар учун) махсус ўқув курсларида пулли асосда ўқитилади.
(19-банднинг бешинчи хатбошиси Ўзбекистон Республикаси Вазирлар Маҳкамасининг 2019 йил 15 январдаги 32-сонли қарори таҳририда — Қонун ҳужжатлари маълумотлари миллий базаси, 16.01.2019 й., 09/19/32/2481-сон)
20. Аудитория машғулотлари ва мустақил ишларнинг ҳафталик юкламаси энг юқори ҳажми ҳафтасига 36 соат этиб белгиланади.
21. Аудитория машғулотларининг барча турлари 80 дақиқа давом этади, ўқув машғулотлари оралиғидаги танаффус камида 10 дақиқани ташкил этади.
7-боб. Жисмоний тарбия ва спорт бўйича мутахассисларни қайта тайёрлаш махсус ўқув ва малака ошириш курсларини ташкил этиш ва ўтказиш
22. Қайта тайёрлаш, махсус ўқув ва малака ошириш курсларидаги ўқув жараёнлари 15 — 20 нафар тингловчидан иборат академик гуруҳларда ташкил этилади.
Истисно тариқасида, тингловчилар контингенти етарли бўлмаган йўналишларда, шу жумладан рус тилида дарс олиб бориладиган гуруҳларда, тингловчилар контингенти гуруҳ таркибида йиғилмайдиган кам сонли алоҳида спорт турларида ўқув жараёнини ташкил этишда тингловчилар сони камида 5 нафар этиб белгиланиши мумкин. Махсус ўқув курслари учун гуруҳ талаб этилган таркибда шаклланмаган тақдирда, тингловчилар контингентини ўқитиш қайта тайёрлаш ёки малака ошириш курслари бўйича гуруҳлар таркибида амалга оширилади.
23. Касбий қайта тайёрлаш ўтказилиши мумкин бўлган турдош мутахассисликлар рўйхати вазирлик томонидан белгиланади.
24. Курсларга тингловчиларни қабул қилиш тасдиқланган режага мувофиқ Марказ ва филиаллар раҳбарининг буйруғи билан курслар бошланиши санасидан бошлаб 3 кун мобайнида расмийлаштирилади.
25. Қайта тайёрлаш ёки малака оширишга юборилган жисмоний тарбия ва спорт бўйича мутахассислар Марказ ва филиаллар раҳбарларининг буйруғи билан тингловчилар сафига қабул қилинади. Тингловчилар гуруҳини шакллантиришда, курснинг ўқув режа ва дастурларини тайёрлашда базавий маълумот, мутахассислик, тоифа ва эгаллаб турган лавозими, шунингдек, буюртмачининг талаблари ҳисобга олинади.
26. Қайта тайёрлаш ва малака ошириш курслари бошлангандан кейин уч кун мобайнида келмаган тингловчилар, сабабларидан қатъи назар, курсларга қўйилмайди.
27. Тингловчиларнинг қайта тайёрлаш, махсус ўқув ва малака ошириш курсларига ўз вақтида келмаганлигининг ҳужжат билан тасдиқланган узрли сабаблари бўлган тақдирда уларга ўқишнинг тегишли йўналиши (мутахассислиги) бўйича навбатдаги курсларда ўқишга рухсат берилади.
28. Марказ ва филиаллар тингловчиларининг малака ошириш ва қайта тайёрлаш курсларига ўз вақтида келмаганлиги ҳолатлари тўғрисида буюртмачи ва вазирликка дарҳол хабар беради.
29. Қайта тайёрлаш ва малака ошириш курсларидаги ўқув машғулотлари маъруза, амалий машғулот, семинар, тренинг, кўчма машғулот, маҳорат сабоқлари, интерфаол ва бошқа шаклларда олиб борилади.
30. Кўчма, амалий машғулотлар илғор таълим муассасалари, спорт мажмуалари ва бошқа ташкилотлар негизида ташкил этилади.
31. Қайта тайёрлаш ва малака ошириш курсларини ташкил этиш, уларни талаб даражасида ўтказиш, таълим самарадорлигини таъминлаш учун шароитлар яратиш масъулияти Марказ ва филиалларга юкланади.
32. Жорий йилда режага киритилмаган жисмоний тарбия ва спорт бўйича мутахассислар Марказ ва филиаллар билан тузилган шартнома асосида малака ошириш курсларидан ўтишлари мумкин.
33. Шартнома асосида жисмоний тарбия ва спорт бўйича мутахассисларни ҳамда касбий маълумотга эга бўлмаган спорт таълим муассасалари ходимларини қайта тайёрлаш ва малакасини ошириш курслари буюртмачи талаби ва меҳнат бозорининг эҳтиёжларидан келиб чиққан ҳолда Марказда ташкил этилади.
(33-банд Ўзбекистон Республикаси Вазирлар Маҳкамасининг 2019 йил 15 январдаги 32-сонли қарори таҳририда — Қонун ҳужжатлари маълумотлари миллий базаси, 16.01.2019 й., 09/19/32/2481-сон)
34. Марказ ва филиаллар буюртмачи томонидан тақдим этилган ҳужжатларни ўрганиб чиқиб, малака ошириш ва қайта тайёрлаш курсларини ташкил этади.
35. Марказда 3, 6 ва 10 ойлик махсус ўқув курслар мурожаат этилган йўналишлардан келиб чиққан ҳолда ташкил этилади.
36. Қайта тайёрлаш ва малака ошириш курсларида ўқув жараёни тегишли йўналишлар бўйича тасдиқланган намунавий ўқув режаси ва дастурларига мувофиқ ишлаб чиқилган ишчи ўқув режаси ва дастурлар асосида амалга оширилади ҳамда машғулотлар жадвали билан тартибга солинади.
37. Намунавий ўқув режаси ва дастурлар спорт, фан, техника, технологиялар ҳамда соҳани ривожлантиришнинг устувор йўналишлари асосида такомиллаштирилади.
38. Марказ ва филиаллар ходимларига олий таълим муассасаларининг тегишли лавозимлари учун белгиланган меҳнатига ҳақ тўлаш миқдорлари ва шартлари татбиқ этилади. Бунда, бир нафар ўқитувчи ҳисобига тўғри келадиган тингловчилар нисбатининг чекланган нормативлари олий таълим муассасалари учун белгиланган бир нафар ўқитувчи ҳисобига талабалар сони нисбатининг чекланган нормативларидан 25 фоиз паст этиб белгиланади.
8-боб. Малака ошириш курсларининг тингловчилари
39. Вазирлик томонидан тасдиқланган режага киритилган малака ошириш курслари тингловчилари учун ўқишнинг барча даврида уларнинг асосий иш жойи бўйича эгаллаган лавозими ва ўртача иш ҳақи сақланади, уларнинг ўқув юкламаси эса бошқа аъзолар ўртасида тақсимланади.
40. Ишдан ажралган ҳолда Марказ ва унинг филиалларида малака оширишга юборилган тингловчилар учун қонун ҳужжатларида белгиланган тартибда ўқишга бориш ва ундан қайтиш бўйича бир марталик йўл ҳақи харажатлари сафарга юборувчи ташкилот ҳисобидан қопланади.
41. Тингловчи қуйидаги сабабларга кўра курсдан четлаштирилади:
ўз хоҳишига биноан;
касаллиги туфайли (тиббий комиссия маълумотномаси асосида);
ўқув интизомини ва таълим муассасасининг ички тартиб-қоидаларини мунтазам равишда ёки бир маротаба қўпол равишда бузганлиги учун;
малака ошириш курсида 18 академик соатдан ортиқ, қайта тайёрлашда 36 академик соатдан ортиқ ўқув машғулотларини сабабсиз қолдиргани учун;
шартнома асосида ўқиётган тингловчилар шартнома билан боғлиқ мажбуриятларни бажармагани учун;
суд томонидан озодликдан маҳрум этилганлиги сабабли;
вафот этганлиги сабабли.
42. Тингловчилар малака ошириш ёки қайта тайёрлаш курсидан четлатилганда сабаблари кўрсатилган ҳолда буюртмачига маълум қилинади.
43. Малака ошириш курсидан четлатилган ёки якуний назоратдан ўта олмаган тингловчи малака ошириш курсида бир йил мобайнида такроран ўқийди. Малака ошириш курсида такроран ўқиш тингловчининг ўз ҳисобидан шартнома асосида амалга оширилади ва бунда, буюртмачи ташкилот томонидан унга иш ҳақи сақланмаган ҳолда, таътил бериш тартибида малака оширишга қайта юборилади.
Малака ошириш курсига қайта юборилган жисмоний тарбия ва спорт бўйича мутахассислар ўқиш якунлари бўйича якуний аттестациядан такроран ўтмаган бўлса, шартнома бўйича тўланган тўлов маблағлари қайтарилмайди.
Малака ошириш курсларида ўқиш якунлари бўйича аттестациядан такроран ўтмаган ёки асосий иш жойи бўйича белгиланган муддатда малака ошириш курсларидан такроран ўтмаган тақдирда, ушбу ходимлар билан тузилган меҳнат шартномасининг амал қилиш муддатидан ҳамда бўш турган педагог лавозимини эгаллаш танлови даврининг тугаган муддатидан қатъий назар, меҳнат шартномаси белгиланган тартибда икки ой мобайнида бекор қилинади. Улар ўз фаолиятини бошқа таълим муассасаларида (олий таълим муассасаларидан ташқари) давом эттириши ёхуд бошқа ташкилотларда ишлаши ҳамда ўзининг касбий малакасини мустақил равишда ошириши мумкин.
(43-банд Ўзбекистон Республикаси Вазирлар Маҳкамасининг 2019 йил 19 ноябрдаги 918-сонли қарорига асосан учинчи хатбоши билан тўлдирилган — Қонун ҳужжатлари маълумотлари миллий базаси, 20.11.2019 й., 09/19/918/4038-сон)
9-боб. Жисмоний тарбия ва спорт бўйича мутахассисларни қайта тайёрлаш ва малакасини ошириш тизими ва уни бошқариш
44. Жисмоний тарбия ва спорт бўйича мутахассисларни қайта тайёрлаш ва малакасини ошириш тизимига қуйидагилар киради:
Ўзбекистон Республикаси Жисмоний тарбия ва спорт вазирлиги;
буюртмачи;
тасарруфида жисмоний тарбия ва спорт бўйича мутахассислари мавжуд вазирликлар, идоралар ҳамда бошқа ташкилотлар.
45. Ўзбекистон Республикаси Жисмоний тарбия ва спорт вазирлиги:
Марказ ва филиаллар тизимига умумий раҳбарлик қилади ҳамда уларнинг фаолиятини мувофиқлаштиради;
кейинги календарь йил учун Ўзбекистон Республикаси Давлат бюджетидан молиялаштириладиган малака ошириш курслари бўйича тақдим этилган буюртмалар асосида режа ва жадвалларни тасдиқлайди;
Марказ ва унинг филиаллари томонидан буюртма ва режалар бажарилиши юзасидан умумий назоратни амалга оширади;
ҳар йили 15 ноябрга қадар буюртмачиларнинг буюртманомалари асосида ҳамда вазирлик томонидан қайта тайёрлаш ва малака ошириш курсларидан ўтиш даврийлигига мувофиқ кейинги календарь йил учун ойлар ва таълим йўналишлари режаси ва рўйхатини шакллантиради;
қайта тайёрлаш ва малака ошириш йиллик режаси ҳамда рўйхатини ҳар йили 5 декабрга қадар тасдиқлайди;
махсус ўқув курсларда ўқитиш бўйича мурожаатларни қабул қилади, ўрганиб чиқади, контингентини шакллантиради ҳамда курсларни ташкил этиш муддатини белгилайди;
қайта тайёрлаш ва малака ошириш курсларининг намунавий ўқув режа ва дастурларини тасдиқлайди;
Марказ ва филиаллар ходимлари ҳамда педагоглар таркибининг хорижий давлатларнинг етакчи таълим ва илмий муассасаларида малакасини ошириш чораларини кўради.
46. Буюртмачи:
навбатдаги календарь йилга жисмоний тарбия ва спорт бўйича мутахассислар ҳақида маълумотларни уларнинг фамилияси, исми ва отасининг исми, қачон ва қайси таълим муассасасини битирганлиги, диплом бўйича мутахассислиги, иш жойи ва стажи, лавозими, охирги малака оширган вақти кўрсатган ҳолда вазирликка тақдим этади;
тасдиқланган режа ва жадвал асосида жисмоний тарбия ва спорт бўйича мутахассисларни белгиланган муддатда Марказ ва филиалларга ўқишга етиб боришларини таъминлайди.
47. Марказ ва филиаллар жисмоний тарбия ва спорт бўйича мутахассисларни қайта тайёрлаш ва малакасини ошириш тренерлик фаолияти билан шуғулланишга талабгорларни аттестациядан ўтказиш фаолиятини амалга оширади.
(47-банд Ўзбекистон Республикаси Вазирлар Маҳкамасининг 2019 йил 19 ноябрдаги 918-сонли қарори таҳририда — Қонун ҳужжатлари маълумотлари миллий базаси, 20.11.2019 й., 09/19/918/4038-сон)
10-боб. Қайта тайёрлаш ва махсус ўқув курслари тингловчиларини аттестациядан ўтказиш ва баҳолаш
48. Тингловчилар қайта тайёрлаш ва махсус ўқув курслари таълим дастурларини ўзлаштириб бўлгандан сўнг, Марказ томонидан аттестациядан ўтказилади. Аттестация якуний онлайн тест синовлари ва битирув малакавий иш ҳимояси ва суҳбатдан иборат бўлади.
49. Аттестация комиссияси таркиби камида 5 кишидан иборат таркибда Марказ томонидан тузилади ва тасдиқланади.
50. Аттестация комиссияси таркибига Марказ, олий таълим муассасалари, олий спорт маҳорати мактаблари, федерациялар, уюшмалар вакиллари жалб қилиниши мумкин.
51. Аттестация комиссияси таркибининг учдан икки қисми иштирок этганда ваколатли ҳисобланади.
52. Якуний онлайн тест қайта тайёрлаш ўқув режасидаги барча модуллар бўйича саволларни қамраб олган ҳолда тайёрланган тест саволлари асосида ўтказилади. Якуний онлайн тест асосида тингловчининг билим даражаси 80 дақиқа давомида 80 тест саволлари асосида 80 баллик баҳолаш тизими орқали аниқланади. Онлайн тест натижаси тест якунланиши билан дарҳол экранда акс эттирилади. Ушбу тест синовларини ўтказиш Марказнинг серверида жойлаштирилган электрон тизимга филиаллар компьютерларининг уланиши ва тест синовларини марказлашган ҳолда видеокузатувини ёзиб бориш орқали амалга оширилади.
53. Якуний онлайн тест қайта тайёрлаш курслари тингловчилари учун белгиланган умумий 80 баллдан камида 44,8 балл (56 фоиз) миқдорида тўплаган тингловчи тест синовларидан муваффақиятли ўтган ҳисобланади ва битирув малакавий ишни ҳимоя килишга рухсат берилади.
Махсус ўқув курслари тингловчилари битирув малакавий ишни ҳимоя килади. Битирув малакавий иши жами 50 балл билан баҳоланади, умумий баллдан камида 28 балл (56 фоиз) миқдорида тўплаган тингловчи битирув малака ҳимоясидан муваффақиятли ўтган ҳисобланади ва тингловчига якуний аттестация комиссияси суҳбатига киришга рухсат берилади.
54. Қайта тайёрлаш курслари тингловчилари учун битирув малакавий ишининг ҳимояси умумий 20 балл билан баҳоланади.
Махсус ўқув курслари тингловчилари учун якуний аттестация комиссияси суҳбати тасдиқланган савол-жавоблар ва тингловчининг спортда эришган натижалари ҳамда касбий билими максимал 50 балл билан баҳоланади.
Курс синовларида умумий 100 баллдан камида 56 балл (56 фоиз) миқдорида тўплаган тингловчи курсларни ва якуний аттестацияси синовларини муваффақиятли ўтган ҳисобланади ҳамда тингловчига мазкур Низомнинг 5 ва 6-иловаларда келтирилган давлат намунасидаги диплом берилади.
Спорт ҳакамлигига тайёрлаш бўйича махсус ўқув курсининг битирув малака ҳимоясидан ва махсус ўқув курслари тингловчилари учун якуний аттестация комиссияси суҳбатидан муваффақиятли ўтган тингловчига мазкур Низомга 8-иловада келтирилган спорт ҳакамлиги ҳақида давлат намунасидаги гувоҳнома берилади.
(54-банд Ўзбекистон Республикаси Вазирлар Маҳкамасининг 2019 йил 15 январдаги 32-сонли қарорига асосан тўртинчи хатбоши билан тўлдирилган — Қонун ҳужжатлари маълумотлари миллий базаси, 16.01.2019 й., 09/19/32/2481-сон)
Курс синовларида 100 баллдан 56 балл (56 фоиз) миқдорида кам тўплаган тингловчи курс синовларидан ўтмаган ҳисобланади.
11-боб. Малака ошириш курслари тингловчиларини аттестациядан ўтказиш ва баҳолаш
55. Тингловчиларнинг малака ошириш курси давомида олган билимларини баҳолаш мақсадида Марказ ва филиаллар томонидан аттестациядан ўтказилади.
56. Аттестация якуний онлайн тест синовлари ва суҳбатдан иборат бўлади.
57. Аттестацияни ўтказиш учун Аттестация комиссияси камида 5 кишидан иборат таркибда Марказ ва филиаллари томонидан тузилади ва тасдиқланади.
58. Аттестация комиссияси таркибига Марказ ва филиаллари, олий таълим муассасалари, олий спорт маҳорати мактаблари, федерациялар, уюшмалар вакиллари жалб қилиниши мумкин.
59. Аттестация комиссияси таркибининг учдан икки қисми иштирок этса ваколатли ҳисобланади.
60. Аттестация комиссияси ўз қарорини онлайн тест синовлари, тингловчининг якуний суҳбат натижаларини ҳисобга олган ҳолда қабул қилади.
61. Аттестация комиссиясининг қарори малака ошириш таълим муассасаси раҳбарининг курсларни муваффақиятли якунлаган тингловчиларга белгиланган намунадаги сертификат бериш тўғрисидаги буйруғини расмийлаштириш учун асос ҳисобланади.
62. Якуний онлайн тест малака ошириш ўқув режасидаги ҳар бир модул бўйича саволларни қамраб олган ҳолда тайёрланган тест саволлари асосида ўтказилади. Якуний онлайн тест асосида тингловчининг билим даражаси 50 дақиқа давомида 50 та тест саволлари асосида 50 баллик баҳолаш тизими орқали аниқланади. Онлайн тест натижаси тест якунланиши билан дарҳол экранда акс эттирилади. Ушбу тест синовларини ўтказиш Марказнинг серверида жойлаштирилган электрон тизимга филиаллар компьютерларининг уланиши ва тест синовларини марказлашган ҳолда видеокузатувини ёзиб бориш орқали амалга оширилади.
63. Якуний онлайн тест учун белгиланган умумий 50 баллдан камида 28 балл (56 фоиз) тўплаган тингловчи тест синовларидан муваффақиятли ўтган ҳисобланади ва якуний аттестация комиссияси суҳбатига киришига рухсат берилади.
64. Якуний аттестация комиссияси суҳбати тасдиқланган савол-жавоблар, тингловчининг охирги 5 йиллик фаолияти давомида ҳамда унинг ўқувчилари (шогирдлари) томонидан эришилган натижалар, шунингдек, спорт ва таълим соҳаларига оид меъёрий-ҳуқуқий ҳужжатлар бўйича ва касбий билим даражаси максимал 50 балллик тизимда баҳоланади. Якуний онлайн тест ва аттестация комиссияси суҳбати жами 100 балллик тизимда баҳоланади.
65. Курс синовларида умумий 100 баллдан камида 56 балл (56 фоиз) миқдорида тўплаган тингловчи курслар ва якуний аттестация синовларидан муваффақиятли ўтган ҳисобланади ҳамда унга мазкур Низомнинг 7-иловасида келтирилган давлат намунасидаги сертификат берилади.
Якуний онлайн тестга ажратилган 50 баллдан 28 балл (56 фоиз) миқдоридан ва курс синовларида 56 баллдан (100 баллнинг 56 фоизи) кам тўплаган тингловчи курс синовларидан ўтмаган ҳисобланади.
66. Жисмоний тарбия ва спорт бўйича мутахассисларнинг малака тоифаларини олиши (ўзгартириши) ва эгаллаб турган лавозимларига мослиги аттестациядан ўтказишда улар қайта тайёрлаш ёки малака ошириш курсларидан ўтганлиги тўғрисида ҳужжатнинг (диплом, сертификат) мавжудлиги талаб этилади.
12-боб. Якунловчи қоида
67. Мазкур Низом талабларининг бузилишида айбдор бўлган шахслар қонунчиликда белгиланган тартибда жавобгарликка тортилади.
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисидаги низомга
1-ИЛОВА
Жисмоний тарбия ва спорт бўйича мутахассисларни илмий-методик таъминотини ташкил этиш
СХЕМАСИ
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисидаги низомга
2-ИЛОВА
Жисмоний тарбия ва спорт бўйича мутахассисларга қайта тайёрлаш курсларини ташкил этиш
СХЕМАСИ
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисидаги низомга
3-ИЛОВА
Жисмоний тарбия ва спорт бўйича мутахассисларга махсус ўқув курсларини ташкил этиш
СХЕМАСИ
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисидаги низомга
4-ИЛОВА
Жисмоний тарбия ва спорт бўйича мутахассисларни малакасини ошириш курсларини ташкил этиш
СХЕМАСИ
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисидаги низомга
5-ИЛОВА
Қайта тайёрлаш ҳақида давлат намунасидаги
ДИПЛОМ
(тавсифи)
Қайта тайёрлаш тўғрисидаги диплом А4 форматли оқ қоғозда офсет усулида беш хил рангдан фойдаланган ҳолда: матн учун – қора рангда, расмлар тасвири учун — яшил, кўк, қизил рангларда, фон учун — оч пушти рангда босиб чиқарилади.
Варақнинг чап қисмида четидан 10 мм чекинган ҳолда эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.
Варақнинг қолган қисмида юқорида лотин ёзуви билан давлат тилида «O‘ZBEKISTON RESPUBLIKASI. Qayta tayyorlash haqida DIPLOM» сўзлари босилади. Диплом икки лотин ҳарфи — QТ ва олти рақамли сондан иборат тартиб рақами билан таъминланган. Барча матн нақшли растрдан иборат оч пушти ранг фонда босиб чиқарилади.
Диплом:
- босиб чиқаришнинг икки усули — офсет ва юқори усули;
- ёруғлик воситасида нусха кўчиришни қийинлаштириш учун очиқ ранглар;
- нақшли растр;
- ҳар хил рангли растрлардан фойдаланиш йўли билан турли рангларни ташкил этиш;
- махсус қоғозлар;
- ўзгарадиган рақамлардан иборат тартиб рақами қўлланган ҳолда олтита ҳимояга эга.
‎ ‎
‎

‎‎(Ўзбекистон Республикаси Давлат гербининг тасвири)‎ ‎

‎
‎ ‎ ‎ ‎ ‎
‎

O‘zbekiston Respublikasi

‎
‎

‎‎Qayta tayyorlash haqida

 ‎
‎ ‎

DIPLOM‎

 ‎ ‎
‎ ‎

QT № 000000‎

 ‎ ‎
‎ ‎ ‎ ‎ ‎

‎‎_____________________________________________________________________________

‎

‎‎(Familiyasi, ismi, otasining ismi)

 ‎

‎‎20___ yil __________________________________________ dan 20____ yil __________ gacha

‎ ‎ ‎ ‎ ‎
‎‎__________________________________________________________________________ da
‎

‎‎(Ta’lim muassasasining nomi)

 ‎
‎‎_____________________________________________________________ soatga mo‘ljallangan
‎‎________________________________________________________________ qayta tayyorlash
‎

‎‎(Qayta tayyorlash kursining nomi)

 ‎
‎‎kursida ta’lim olib, Yakuniy davlat attestatsiyasi xulosasiga ko’ra____________________________
‎‎_____________________________________________________________ mutaxassisligi berildi
‎ ‎ ‎ ‎ ‎
Muhr o’rni‎ ‎ ‎ ‎ ‎
‎ ‎ ‎ ‎ ‎
‎‎Direktor ___________ ‎ ‎ ‎
‎ ‎ ‎ ‎ ‎
‎‎Sana ____________ ‎

‎‎Qayd raqami __________

‎ ‎ ‎ ‎ ‎
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисидаги низомга
6-ИЛОВА
Махсус ўқув курси ҳақида давлат намунасидаги
ДИПЛОМ
(тавсифи)
Махсус ўқув курси тўғрисидаги диплом А4 форматли оқ қоғозда офсет усулида беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч пушти рангда босиб чиқарилади.
Варақнинг чап қисмида четидан 10 мм чекинган ҳолда эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.
Варақнинг қолган қисмида юқорида лотин ёзуви билан давлат тилида «O‘ZBEKISTON RESPUBLIKASI. Maxsus o’quv kursi haqida DIPLOM» сўзлари босилади. Диплом икки лотин ҳарфи — MK ва олти рақамли сондан иборат тартиб рақами билан таъминланган. Барча матн нақшли растрдан иборат оч пушти ранг фонда босиб чиқарилади.
Диплом:
- босиб чиқаришнинг икки усули — офсет ва юқори усули;
- ёруғлик воситасида нусха кўчиришни қийинлаштириш учун очиқ ранглар;
- нақшли растр;
- ҳар хил рангли растрлардан фойдаланиш йўли билан турли рангларни ташкил этиш;
- махсус қоғозлар;
- ўзгарадиган рақамлардан иборат тартиб рақами қўлланган ҳолда олтита ҳимояга эга.
‎ ‎ ‎ ‎ ‎
‎

‎‎(Ўзбекистон Республикаси Давлат гербининг тасвири)

 ‎
‎ ‎ ‎ ‎ ‎
‎

‎‎O‘zbekiston Respublikasi

 ‎
‎

‎‎Maxsus o’quv kursi haqida

 ‎
‎ ‎

DIPLOM‎

 ‎ ‎
‎ ‎

MK № 000000‎

 ‎ ‎
‎ ‎ ‎ ‎ ‎
‎‎_____________________________________________________________________________
‎

‎‎(Familiyasi, ismi, otasining ismi)

 ‎
‎‎20___ yil ______________________________________ dan 20___ yil _______________ gacha
___________________________________________________________________________da
‎

(Ta’lim muassasasining nomi)

 ‎
‎‎____________________________________________________________ soatga mo’ljallangan
‎‎_________________________________________________________________ qisqa muddatli
‎

‎‎(Maxsus o’quv kursining nomi)

 ‎
‎‎kursda ta’lim olib, Yakuniy davlat attestatsiyasi xulosasiga ko’ra____________________________
‎‎__________________________________________________________________ huquqi berildi
‎ ‎ ‎ ‎ ‎
Muhr o’rni‎ ‎ ‎ ‎ ‎
‎ ‎ ‎ ‎ ‎
‎‎Direktor ___________ ‎ ‎ ‎
‎ ‎ ‎ ‎ ‎
Sana ____________ ‎‎ ‎

Qayd raqami __________‎‎

‎ ‎ ‎ ‎ ‎
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисидаги низомга
7-ИЛОВА
Малака ошириш ҳақида давлат намунасидаги
СЕРТИФИКАТ
(тавсифи)
Малака ошириш тўғрисидаги сертификат А4 форматли оқ қоғозда офсет усулида беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч кул рангда босиб чиқарилади.
Варақнинг чап қисмида четидан 10 мм чекинган ҳолда эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.
Варақнинг қолган қисмида юқорида лотин ёзуви билан давлат тилида «O‘ZBEKISTON RESPUBLIKASI. Malaka oshirish haqida SERTIFIKAT» сўзлари босилади. Сертификат икки лотин ҳарфи — MO ва олти рақамли сондан иборат тартиб рақами билан таъминланган. Барча матн нақшли растрдан иборат оч кул ранг фонда босиб чиқарилади.
Сертификат:
- босиб чиқаришнинг икки усули — офсет ва юқори усули;
- ёруғлик воситасида нусха кўчиришни қийинлаштириш учун очиқ ранглар;
- нақшли растр;
- ҳар хил рангли растрлардан фойдаланиш йўли билан турли рангларни ташкил этиш;
- махсус қоғозлар;
- ўзгарадиган рақамлардан иборат тартиб рақами қўлланган ҳолда олтита ҳимояга эга.
‎ ‎ ‎ ‎ ‎
‎

(Ўзбекистон Республикаси Давлат гербининг тасвири)‎‎

 ‎
‎ ‎ ‎ ‎ ‎
‎

‎‎Malaka oshirish haqida

 ‎
‎ ‎

SERTIFIKAT ‎

 ‎ ‎
‎ ‎

MO № 000000 ‎

 ‎ ‎
‎‎_____________________________________________________________________________
‎

(Familiyasi, ismi, otasining ismi)‎‎

 ‎
‎‎_______20___ yil _________________________________ dan 20___ yil______________gacha
‎‎___________________________________________________________________________da
‎

‎‎(Ta’lim muassasasining nomi)

 ‎
‎‎jami _____________________________________________________________________ soatli
‎ ‎ ‎ ‎ ‎
‎ ‎ ‎ ‎ ‎
‎‎____________________________________________________________________________
‎

‎‎(Malaka oshirish kursining nomi)

 ‎
‎‎bo‘yicha malakasini oshirdi. ‎ ‎ ‎
‎ ‎ ‎ ‎ ‎
Muhr o’rni‎ ‎ ‎ ‎ ‎
‎ ‎ ‎ ‎ ‎
‎‎Direktor ______________ ‎ ‎ ‎
‎ ‎ ‎ ‎ ‎
‎‎Sana _______________ ‎

‎‎Qayd raqami ________

‎ ‎ ‎ ‎ ‎
Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш тартиби тўғрисида низомга
8-ИЛОВА

‎‎Спорт ҳакамлиги ҳақида давлат намунасидаги
‎ГУВОҲНОМА
‎(тавсифи)

‎‎Спорт ҳакамлиги ҳақидаги гувоҳнома А4 форматли оқ қоғозда офсет усулида беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч кул рангда босиб чиқарилади.
‎ Варақнинг чап қисмида четидан 10 мм чекинган ҳолда эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.
‎ Варақнинг қолган қисмида юқорида лотин ёзуви билан давлат тилида «O‘ZBEKISTON RESPUBLIKASI. Sport hakami haqida GUVOНNOMA» сўзлари босилади. Гувоҳнома икки лотин ҳарфи — SН ва олти рақамли сондан иборат тартиб рақами билан таъминланган. Барча матн нақшли растрдан иборат оч кул ранг фонда босиб чиқарилади.
‎ Гувоҳнома:
‎босиб чиқаришнинг икки усули — офсет ва юқори усули;
‎ёруғлик воситасида нусха кўчиришни қийинлаштириш учун очиқ ранглар;
‎нақшли растр;
‎ҳар хил рангли растрлардан фойдаланиш йўли билан турли рангларни ташкил этиш;
‎махсус қоғозлар;
‎ўзгарадиган рақамлардан иборат тартиб рақами қўлланган ҳолда олтита ҳимояга эга.

‎‎(Ўзбекистон Республикаси Давлат гербининг тасвири)
‎Sport hakami haqida
‎GUVOНNOMA
‎SН № 000000
‎_________________________________________________________________________________________________
‎(Familiyasi, ismi, otasining ismi)
‎_________________________________________________________________________________________________
‎(sport turi nomi)
‎Asos_____________________________________________________________________________________________
‎_________________________________________________________________________________________________

‎‎20____y. ________________ da berilgan.
‎Muhr o’rni
‎Direktor ______________
‎Qayd raqami ________». 		‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎
(8-илова Ўзбекистон Республикаси Вазирлар Маҳкамасининг 2019 йил 15 январдаги 32-сонли қарорига асосан киритилган — Қонун ҳужжатлари маълумотлари миллий базаси, 16.01.2019 й., 09/19/32/2481-сон)
Вазирлар Маҳкамасининг 2018 йил 14 августдаги 658-сон қарорига
5-ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари
РЎЙХАТИ
1. Вазирлар Маҳкамасининг 2014 йил 18 декабрдаги «Жисмоний тарбия ва спорт мутахассисларини қайта тайёрлаш ва уларнинг малакасини ошириш тартиби тўғрисидаги низомни тасдиқлаш ҳақида»ги 347-сон қарори (Ўзбекистон Республикаси ҚҲТ, 2014 й., 51-сон, 609-модда).
2. Вазирлар Маҳкамасининг 2017 йил 16 майдаги «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида»ги 288-сон қарори иловасининг 26-банди (Ўзбекистон Республикаси ҚҲТ, 2017 й., 20-сон, 367-модда).
3. Вазирлар Маҳкамасининг «Ўзбекистон давлат жисмоний тарбия институти ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази фаолиятини такомиллаштириш тўғрисида» 2017 йил 31 майдаги 329-сон қарори (Ўзбекистон Республикаси ҚҲТ, 2017 й., 22-сон, 433-модда).
(Қонун ҳужжатлари маълумотлари миллий базаси, 14.08.2018 й., 09/18/658/1705-сон; 16.01.2019 й., 09/19/32/2481-сон, 20.11.2019 й., 09/19/918/4038-сон; 13.08.2020 й., 09/20/480/1168-сон; Қонунчилик маълумотлари миллий базаси, 04.06.2021 й., 09/21/345/0522-сон)