Республиканинг ижтимоий-иқтисодий аҳволини барқарорлаштириш ва бозор муносабатларини шакллантириш учун шарт-шароит яратиш мақсадида Вазирлар Маҳкамаси қарор қилади:

1. 1992 йил 16 январдан ишлаб чиқариш-техника мақсадларидаги маҳсулотларга, халқ истеъмоли товарларига, ишлар ва хизматларга талаб ва таклиф асосида шаклланадиган шартномавий (эркин) нархлар ва тарифларга асосан ўтиш амалга оширилсин.

2. Аҳолининг, энг аввало ижтимоий жиҳатдан муҳтож аҳоли талабаларининг манфаатларини ҳимоя қилиш зарурлигини эътиборга олиб, 1—3-иловаларга мувофиқ озиқ-овқат ва саноат (болалар) товарларининг чегараланган доирасига чекланган нархлар миқдорлари, шунингдек, аҳолига кўрсатиладиган хизматларга тарифларнинг чекланган миқдорлари белгилансин.

3. Қишлоқ хўжалиги маҳсулотлари етиштиришни кўпайтиришни рағбатлантириш ва энг муҳим озиқ-овқат товарларининг белгиланадиган чекланган чакана нархлари билан боғлиқликни таъминлаш мақсадида дон, гуруҳ, чорва моллари, парранда, сут ва тухум учун 4-иловага мувофиқ бошқариладиган харид нархларининг чегараси белгилансин. Бунда хўжаликларга белгиланадиган топшириқдаги маҳсулотнинг 15 фоизининг ва топширишдан ошиқча барча маҳсулотнинг нархи ишлаб чиқарувчилар томонидан белгиланади, яъни кўрсатилган маҳсулот ҳажмлари эркин нархларда сотилади.

4. Ўзбекистон Республикаси Молия вазирлиги, Савдо вазирлиги, моддий-техника таъминоти давлат-кооператив қўмитаси, Давлат ташқи савдо ва хорижий мамлакатлар билан алоқалар қўмитаси ва Ўзбекбирлашувга маҳаллий Кенгашлар ижроия қўмиталари билан биргаликда республика ташқарисидан олиб келинадиган товарларнинг шартномавий нархлари ҳамда озиқ-овқат ва ноозиқ-овқат товарларининг чекланган чакана нархлари ўртасидаги тафовутни 1, 2-иловаларга мувофиқ кўриб чиқиш ва белгиланган тартибда ҳал қилиш топширилсин.

5. Ўзбекистон Республикаси Савдо вазирлиги, Ўзбекбирлашув ўн кун муддат ичида Давлат нархлар қўмитаси билан биргаликда умумий овқатланиш корхоналари учун устама нархларнинг чекланган даражаларини ишлаб чиқсинлар, Қорақалпоғистон Республикаси Вазирлар Кенгаши, вилоят ижроия қўмиталари ва Тошкент шаҳар ижроия қўмитаси эса уларни тасдиқласинлар.

6. Ўзбекистон Республикаси Давлат нархлар қўмитаси, Қорақалпоғистон Республикаси Вазирлар Кенгаши, вилоят ижроия қўмиталари ва Тошкент шаҳар ижроия қўмитасига нархларни таҳлил қилиш асосида ўзининг яккаҳукмронлик ҳолатидан фойдаланувчи ва нархларни асосланмаган холда оширишга йўл қўювчи корхоналарни шартномавий (эркин) нархлар ва тарифларни қўллаш ҳуқуқидан маҳрум қилишга ҳамда уларнинг маҳсулотларига нархларнинг чекланган даражаларини жорий қилишга рухсат берилсин.

7. Концернларга, бирлашмаларга; корхоналар ва хўжаликларга Қорақалпоғистон Республикаси, вилоятлар ва Тошкент шаҳри ҳудудида зарурият бўлганда ўз маблағлари ҳисобидан, энг аввало ўз ходимлари ва хизматчилари учун қуйидагича компенсациялар ажратиш ҳисобига нархларнинг чекланган даражаларини камайтириш имкониятларини қидириб топиш тавсия қилинсин:

умумий овқатланиш корхоналари маҳсулотларига (мактаб, студентлар, ишчилар ошхоналари ва бошқалар);

транспорт, маиший, Коммунал ва бошқа хизмат турларига.

9. Концернлар, корхоналар ва ташкилотлар (мулкчилик шаклидан қатъи назар) ишлаб чиқариш-техника мақсадларидаги маҳсулотлар ва истеъмол товарларининг қолдиқларини қайта баҳоласинлар, ошириб баҳоланган сумма миқдорининг 50 фоизи аҳолини ижтимоий ҳимоя қилиш учун республика бюджетига ва 50 фоизи ўзининг оборот маблағларини тўлдиришга ўтказилсин,

10. Калиш ишлаб чиқаришнинг моддий-техника базасини мустаҳкамлаш мақсадида «Ўзбекрезинотехника» бирлашмасига ишлаб чиқарилган маҳсулот ҳажмининг 15 фоизини тузилган шартномалар бўйича валютага сотишга рухсат берилсин.

11. Аҳолининг айрим тоифаларини ижтимоий ҳимоя қилиш мақсадида Вазирлар Маҳкамасининг 1991 йил 2 апрелдаги 82-сон, 1991 йил 12 апрелдаги 97-сон, 1991 йил 22 майдаги 140-сон қарорлари билан белгиланган амалдаги имтиёзлар сақлаб қолинсин.

12. Ўзбекистон Республикаси Молия вазирлиги вазирликлар, идоралар, корхоналар ва ташкилотларнинг ҳисоб-китоблари бўйича 1992 йилги бюджетда аҳолига айрим озиқ-овқат ва ноозиқ-овқат товарларини белгиланган норма бўйича сотишдан, шаҳар автомобиль ва шаҳар электр транспортида йўловчилар ташиш, шунингдек, иссиқлик таъминоти ва квартира ҳақи хизматларидан дотацияларни назарда тутсин.

13. Ўзбекистон Республикаси Давлат нархлар қўмитаси ўн кун муддат ичида ишлаб чиқариш-техника мақсадларидаги маҳсулотга, халқ истеъмоли товарлари ва хизматларга шартномавий (эркин) нархларни қўлланиш тартиби тўғрисида Вақтинчалик низом ишлаб чиқсин.

14. Ўзбекистон Республикаси Давлат нархлар қўмитаси, Давлат солиқ хизмати, Қорақалпоғистон Республикаси Вазирлар Кенгаши, вилоят ижроия қўмиталари ва Тошкент шаҳар ижроия қўмитаси халқ истеъмоли товарлари, ишлаб чиқариш-техника мақсадларидаги маҳсулотлар ва хизматлар учун нарх интизомига риоя қилиш устидан назоратни кучайтирсинлар.

15. Мазкур қарорнинг бажарилишини назорат қилиш Вазирлар Маҳкамаси Раисининг ўринбосарлари — комплексларнинг раҳбарларига юклансин.