Ҳужжат кучини йўқотган " " 03.12.2021
Ўзбекистон Республикаси Иқтисодиёт вазирлиги
Ўзбекистон Республикаси Молия вазирлиги
Ўзбекистон Республикаси Ташқи савдо вазирлиги
Ўзбекистон Республикаси Давлат божхона қўмитасининг
Қарори
Ўзбекистон Республикаси ҳудудига олиб киришда импорт божхона божи ва қўшилган қиймат солиғидан озод қилинадиган технологик жиҳозлар рўйхатига ўзгартиришлар киритиш ҳақида
[Ўзбекистон Республикаси Адлия вазирлиги томонидан 2018 йил 11 январда рўйхатдан ўтказилди, рўйхат рақами 2436-8]
 LexUZ шарҳи
Мазкур қарор Ўзбекистон Республикаси адлия вазирининг 2021 йил 2 декабрдаги 21-мҳ-сонли «Айрим идоравий норматив-ҳуқуқий ҳужжатларни Идоравий норматив-ҳуқуқий ҳужжатларнинг давлат реестридан чиқариш тўғрисида»ги бўйруғига (рўйхат рақами 3340, 03.12.2021 й.) асосан давлат реестридан чиқарилган.
Ўзбекистон Республикаси Президентининг 2007 йил 14 мартдаги ПФ-3860-сон «Ишлаб чиқаришни модернизациялаш, техник ва технологик қайта жиҳозлашни рағбатлантиришга оид қўшимча чора-тадбирлар тўғрисида»ги Фармонига мувофиқ Ўзбекистон Республикаси Иқтисодиёт вазирлиги, Молия вазирлиги, Ташқи савдо вазирлиги ва Давлат божхона қўмитаси қарор қилади:
1. Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги ва Давлат божхона қўмитасининг 2013 йил 15 февралдаги 21, 16, 3-02, 01-02/8-44-сон қарори (рўйхат рақами 2436, 2013 йил 20 март) (Ўзбекистон Республикаси қонун ҳужжатлари тўплами, 2013 й., 12-сон, 157-модда) билан тасдиқланган Ўзбекистон Республикаси ҳудудига олиб киришда импорт божхона божи ва қўшилган қиймат солиғидан озод қилинадиган технологик жиҳозлар рўйхатига иловага мувофиқ ўзгартиришлар киритилсин.
2. Мазкур қарор расмий эълон қилинган кундан эътиборан кучга киради.
Иқтисодиёт вазири Б. ХОДЖАЕВ
Тошкент ш.,
2017 йил 30 декабрь,
155-сон
Молия вазири Д. КУЧКАРОВ
Тошкент ш.,
2017 йил 30 декабрь,
192-сон
Ташқи савдо вазири Ж. ХОДЖАЕВ
Тошкент ш.,
2017 йил 30 декабрь,
2017/09-01-сон
Давлат божхона қўмитаси раиси М. ТОХИРИЙ
Тошкент ш.,
2017 йил 30 декабрь,
01-02/8-48-сон
Ўзбекистон Республикаси Иқтисодиёт вазирлиги, Молия вазирлиги, Ташқи савдо вазирлиги ва Давлат божхона қўмитасининг 2017 йил 30 декабрдаги 155, 192, 2017/09-01 ва 01-02/8-48-сон қарорига
ИЛОВА
Ўзбекистон Республикаси ҳудудига олиб киришда импорт божхона божи ва қўшилган қиймат солиғидан озод қилинадиган технологик жиҳозлар рўйхатига киритилаётган ўзгартиришлар
1. 27-позиция қуйидаги таҳрирда баён этилсин:

«

27.

8429

(қуввати 200 от кучидан кам бўлган бошқа гусеницали бульдозерлар — 8429 11 009 0;
ковшининг ҳажми 5 метр кубдан кам бўлган бошқа фронтал бир ковшли юк ортувчилар — 8429 51 990 0,

ковши ҳажми 2 метр кубдан кам бўлган бошқа гусеницали экскаваторлар — 8429 52 100 9,

ковши ҳажми 5 метр кубдан кам бўлган бошқа тўлиқ айланма машиналар — 8429 52 900 0 дан ташқари)

Бурилмайдиган ва буриладиган ағдаргичли бульдозерлар,

грейдерлар, режалаштирувчи ўзиюрар йўл катоклари

».

2. Изоҳнинг «а» кичик бандидаги «Ўзбектуризм» МК» деган сўзлар «Туризмни ривожлантириш давлат қўмитаси» деган сўзлар билан алмаштирилсин.
(Қонун ҳужжатлари маълумотлари миллий базаси, 11.01.2018 й., 10/18/2436-8/0547-сон)