Ҳужжат кучини йўқотган " " 01.09.2024

Ўзбекистон Республикаси Вазирлар Маҳкамасининг

қарори

Балиқчилик тармоғини комплекс ривожлантириш чора-тадбирлари тўғрисида

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2024 йил 6 майдаги 266-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига асосан 2024 йил 1 сентябрдан ўз кучини йўқотади.

Ўзбекистон Республикаси Президентининг «Балиқчилик тармоғини бошқариш тизимини такомиллаштириш чора-тадбирлари тўғрисида» 2017 йил 1 майдаги ПҚ-2939-сон қарорини ижро этиш юзасидан, шунингдек республика балиқчилик тармоғини комплекс ривожлантириш, балиқлантириш, балиқ етиштириш ва овлаш ишларини самарали ташкил этиш, ушбу тармоққа янги технологияларни жорий қилиш ва имтиёзли кредит ресурсларини жалб этиш мақсадида Вазирлар Маҳкамаси қарор қилади:

1. Ўзбекистон Республикаси Қишлоқ ва сув хўжалиги вазирлиги томонидан Иқтисодиёт вазирлиги, Молия вазирлиги, Давлат солиқ қўмитаси, «Ўзбекбалиқсаноат» уюшмаси ҳамда бошқа манфаатдор ташкилотлар билан биргаликда ишлаб чиқилган:

2017 — 2021 йилларда балиқчилик тармоғини комплекс ривожлантириш чора-тадбирлари дастури (кейинги ўринларда Комплекс дастур деб аталади) 1-иловага мувофиқ;

2017 — 2021 йилларда балиқчилик соҳасини ривожлантиришнинг мақсадли параметрлари 2-иловага мувофиқ маъқуллансин.

2. Комплекс дастурнинг ўз вақтида ва сифатли бажарилиши юзасидан шахсий масъулият Қорақалпоғистон Республикаси Вазирлар Кенгаши Раиси, вилоятлар ва туманлар ҳокимлари ҳамда «Ўзбекбалиқсаноат» уюшмаси раиси зиммасига юклансин.

3. Ўзбекистон Республикаси Президентининг «Балиқчилик тармоғини бошқариш тизимини такомиллаштириш чора-тадбирлари тўғрисида» 2017 йил 1 майдаги ПҚ-2939-сон қарорига мувофиқ ташкил этилган ишчи гуруҳ Комплекс дастурда назарда тутилган чора-тадбирларни ўз вақтида ва сифатли бажарилиши устидан қатъий назорат ўрнатсин. Бунда:

ҳар ойда Комплекс дастурда назарда тутилган чора-тадбирлар, шу жумладан унга киритилган инвестиция лойиҳалари, шунингдек ушбу қарорнинг бажарилиши ва унинг натижалари кўриб чиқилишини таъминласин;

ҳар чоракда Вазирлар Маҳкамасига Комплекс дастурда назарда тутилган чора-тадбирлар, шу жумладан унга киритилган инвестиция лойиҳалари, шунингдек ушбу қарорнинг бажарилиши ва унинг натижалари тўғрисида ахборот, зарурат бўлганда, Комплекс дастурни ўз вақтида ва сифатли бажаришда қолоқликка ва камчиликларга йўл қўйган мансабдор шахсларнинг шахсий жавобгарлиги чоралари тўғрисида таклифлар киритсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — қишлоқ ва сув хўжалиги вазири З.Т. Мирзаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2017 йил 13 сентябрь,

719-сон

Вазирлар Маҳкамасининг 2017 йил 13 сентябрдаги 719-сон қарорига
1-ИЛОВА

2017 — 2021 йилларда балиқчилик тармоғини комплекс ривожлантириш

ЧОРА-ТАДБИРЛАРИ ДАСТУРИ

Олдинги таҳрирга қаранг.

Т/р	Амалга ошириладиган вазифалар	Ижро муддати	Молиялаштириш манбаи	Масъуллар
I. Балиқчилик тармоғининг меъёрий ҳужжатлар базасини такомиллаштириш
1.1.	Табиий ва сунъий сув ҳавзаларини балиқлантириш, балиқ етиштириш ва овлашни белгиланган тартибда амалга ошириш ҳамда балиқ етиштиришнинг технологик жараёнларини интенсивлаштириш қоидаларини ишлаб чиқиш.	2018 йил I чорак	Ўз маблағлари ва банк кредитлари ҳисобига	«Ўзбекбалиқсаноат» уюшмаси, Балиқчилик ИТИ, «Ипотека-банк» АТИБ
1.2.	Майдони 50 гектардан кам бўлган табиий сув ҳавзаларини кўл-товар хўжалигига айлантириш бўйича таклифлар тайёрлаш.	2018 йил I чорак	-	«Ўзбекбалиқсаноат» уюшмаси, Балиқчилик ИТИ, Экология ва атроф муҳитни муҳофаза қилиш давлат қўмитаси, «Ипотека-банк» АТИБ
1.3.	Табиий сув ҳавзаларининг маҳсулдорлигини ошириш мақсадида ҳавзаларнинг озуқа базасини мустаҳкамлаш ва ўсимликхўр балиқлар билан балиқлантириш ҳамда соҳада мелиорация ишларини юритиш бўйича методик қўлланмани ишлаб чиқиш.	2018 йил II чорак	Ўз маблағлари ва банк кредитлари ҳисобига	«Ўзбекбалиқсаноат» уюшмаси, Балиқчилик ИТИ, «Ипотека-банк» АТИБ
1.4.	Сув ҳавзаларида, қафас (садок) мосламаларида интенсив усулда балиқ етиштириш, уларни парваришлаш ва озиқлантириш қоидаларини ишлаб чиқиш.	2018 йил III чорак	Ўз маблағлари ва банк кредитлари ҳисобига	«Ўзбекбалиқсаноат» уюшмаси, Балиқчилик ИТИ, «Ипотека-банк» АТИБ
1.5.	Орол денгизи ҳудудидаги сув ҳавзаларида йиғиладиган артемия цисталарини чавоқ етиштирувчи балиқчилик хўжаликларига етказиб бериш механизмини ишлаб чиқиш.	2018 йил III чорак	Ўз маблағлари ва банк кредитлари ҳисобига	Қишлоқ хўжалиги вазирлиги, «Ўзбекбалиқсаноат» уюшмаси, «Ипотека-банк» АТИБ
1.6.	Ёпиқ айланма сув қурилмаларида ва сунъий сув ҳавзаларида балиқ етиштиришнинг жадал усулларини жорий этиш бўйича методик қўлланмани ишлаб чиқиш.	2018 йил IV чорак	Ўз маблағлари ва банк кредитлари ҳисобидан	«Ўзбекбалиқсаноат» уюшмаси Балиқчилик ИТИ, «Ипотека-банк» АТИБ
II. Балиқ етиштириш ва овлашни кўпайтириш ҳамда балиқчилик тармоғининг озуқа базасини мустаҳкамлаш бўйича
2.1.	Табиий сув ҳавзалари 2018 йилдан бошлаб белгиланган тартибда танҳо фойдаланиш учун «Ўзбекбалиқсаноат» уюшмасига берилишини таъминлаш.	2017 йил 15 октябрь	-	Қорақалпоғистон Республикаси Вазирлар Кенгаши ва вилоятлар ҳокимликлари, «Ўзбекбалиқсаноат» уюшмаси
2.2.	Табиий сув ҳавзалари Вазирлар Маҳкамасининг «Табиий сув ҳавза участкаларини балиқ овлаш хўжаликларига ижарага бериш ва Балиқчиликни ривожлантириш жамғармасини ташкил этиш чора-тадбирлари тўғрисида» 2017 йил 7 августдаги 593-сон қарорига мувофиқ белгиланган тартибда ижарага берилишини ташкил этиш.	2017 йил 15 декабрь	-	«Ўзбекбалиқсаноат» уюшмаси, Қорақалпоғистон Республикаси Вазирлар Кенгаши ва вилоятлар ҳокимликлари, ҳудудий «Балиқсаноат» МЧЖлар
2.3.	Табиий ва сунъий сув ҳавза майдонларини хатловдан ўтказиш ва ягона маълумотлар базасини шакллантириш.	2018 йил 1 январь	-	«Ўзбекбалиқсаноат» уюшмаси, Қорақалпоғистон Республикаси Вазирлар Кенгаши ва вилоятлар ҳокимликлари, «Ипотека-банк» АТИБ, ҳудудий «Балиқсаноат» МЧЖлар
2.4.	Қорақалпоғистон Республикасининг Мўйноқ туманидаги табиий кўлларда (33 та) балиқ овлаш ишларининг мавсумийлик ҳисобга олинган намунавий бошқарув (овлаш, қайта ишлаш, сақлаш) тизимини йўлга қўйиш.	2018 йил 1 март	-	Қорақалпоғистон Республикаси Вазирлар Кенгаши, «Ўзбекбалиқсаноат» уюшмаси, «Ипотека-банк» АТИБ, «Мўйноқ аквасаноат» ДУК
2.5.	Ҳудудий «Балиқсаноат» МЧЖлар томонидан инкубация цехлари ва чавоқ етиштиришга ихтисослашган питомникларни қуриш бўйича тармоқ жадвалларини ишлаб чиқиш ва унинг бажарилишини таъминлаш.	2017 — 2021 йиллар	Тижорат банклари кредити ва ўз маблағлари ҳисобига	Қорақалпоғистон Республикаси Вазирлар Кенгаши ва вилоятлар ҳокимликлари, «Ўзбекбалиқсаноат» уюшмаси
2.6.	Республика бўйича балиқ овлаш ҳажмини 2021 йилгача 160 минг тоннага етказиш мақсадида инкубация цехларини қуриш, уларни модернизация қилиш, янги сунъий сув ҳавзаларини ташкил этиш ҳисобига балиқ чавоқлари ва балиқ етиштириш ҳажмларини кўпайтириш ҳамда етиштирилган балиқ маҳсулотларини қайта ишлаш бўйича ушбу қарорга 2-иловада белгиланган мақсадли параметрлар бажарилишини таъминлаш.	2017 — 2021 йиллар	Ўз маблағлари ва тижорат банклари кредитлари ҳисобига	Қорақалпоғистон Республикаси Вазирлар Кенгаши, вилоятлар ҳокимликлари, Давлат солиқ қўмитаси, Ер ресурслари, геодезия, картография ва давлат кадастри давлат қўмитаси, «Ўзбекбалиқсаноат»уюшмаси, «Ипотека сармояси» ИК, ҳудудий «Балиқсаноат» МЧЖлар
2.7.	Балиқчилик хўжаликларини балиқ чавоқлари билан мунтазам таъминлаш мақсадида балиқ чавоқлари етиштирувчи репродуктор хўжаликларини ташкил этиш учун ер майдонл?ри ажратиш. Тадбиркорлик субъектларининг маблағлари ва банк кредитлари ҳисобига балиқ чавоқлари етиштирувчи репродуктор хўжаликларини ишга тушириш ҳамда модернизация қилиш ҳисобига 2021 йилгача личинка етиштиришни 2,2 млрд донага ва балиқ чавоқлари ишлаб чиқариш ҳажмини 162 млн донага етказиш.	2017 — 2021 йиллар	Ўз маблағлари ва тижорат банклари кредитлари ҳисобига	Қорақалпоғистон Республикаси Вазирлар Кенгаши, вилоятлар ҳокимликлари, Давлат солиқ қўмитаси, Ер ресурслари, геодезия, картография ва давлат кадастри давлат қўмитаси, «Ўзбекбалиқсаноат» уюшмаси, «Ипотека сармояси» ИК, ҳудудий «Балиқсаноат» МЧЖлар
2.8.	Балиқлар учун махсус омихта ем ишлаб чиқариш қувватларни таҳлил қилиш, балиқчилик соҳаси ривожланган хорижий мамлакатларнинг илғор тажрибасини ўрганиш, балиқлар учун четдан омихта ем компонентларини келтириш ҳамда омихта ем ишлаб чиқариш қувватларини янада ошириш бўйича таклиф тайёрлаш.	2017-2018 йиллар	«Ипотека-банк» АТИБ кредити ва ўз маблағлари ҳисобига	«Ўзбекбалиқсаноат» уюшмаси, «Ипотека-банк» АТИБ, Давлат солиқ қўмитаси, ҳудудий «Балиқсаноат» МЧЖлар
2.9.	«Ўздонмаҳсулот» АЖ ва балиқлар учун омихта ем ишлаб чиқарувчи ташкилотлар қувватларидан самарали фойдаланиш ҳамда балиқлар учун махсус рецептуралар асосида ва турли ўлчамдаги омихта ем ишлаб чиқариш қувватларини кенгайтириш.	2017 — 2021 йиллар	«Ўздонмаҳсулот» АЖ ва омихта ем ишлаб чиқарувчи ташкилотлар маблағлари	«Ўздонмаҳсулот» АЖ, «Ўзстандарт» агентлиги, «Ўзбекбалиқсаноат» уюшмаси
2.10.	Табиий ва сунъий кўллардан овланадиган балиқ маҳсулотлари ҳажмини ҳисобга олган ҳолда балиқ маҳсулотларини сақлаш ва қайта ишлаш қувватларини ишга тушириш.	2017 — 2021 йиллар	Тижорат банклари кредити ва ўз маблағлари ҳисобига	Қорақалпоғистон Республикаси Вазирлар Кенгаши ва вилоятлар ҳокимликлари, «Ўзбекбалиқсаноат» уюшмаси
2.11.	Ҳудудий «Балиқсаноат» МЧЖлар томонидан инкубация цехлари ва чавоқ етиштиришга ихтисослаштирилган питомникларни қуриш бўйича тармоқ жадвалларини ишлаб чиқиш ва унинг бажарилишини таъминлаш.	2017 — 2021 йиллар	Тижорат банклари кредити ва ўз маблағлари ҳисобига	Қорақалпоғистон Республикаси Вазирлар Кенгаши ва вилоятлар ҳокимликлари, «Ўзбекбалиқсаноат» уюшмаси
III. Сув омборлари ва Айдар-Арнасой кўллар тизимида балиқ етиштириш, овлаш ва қайта ишлашни ташкил этиш бўйича
3.1.	Сув омборлари ва табиий сув ҳавзаларида ўрнатилган қафас (садок) мосламаларини инвентаризациядан ўтказиш, келгуси йиллар учун садок мосламаларини ишлаб чиқариш учун зарур бўлган материаллар билан корхоналарни таъминлаш юзасидан таклифлар тайёрлаш.	Ҳар йили 10 ноябргача	Тижорат банклари кредитлари, «Ипотека сармояси» ИК ва ўз маблағлари ҳисобига	Сув хўжалиги вазирлиги, «Ипотека сармояси» ИК, «Ўзбекбалиқсаноат» уюшмаси, ҳудудий «Балиқсаноат» МЧЖлар
3.2.	Сув омборларида илмий тадқиқотларни амалга ошириш ҳисобига 2018 — 2021 йилларда қафас (садок) мосламаларида балиқ етиштиришни ташкил этиш ҳамда мосламаларни сув ҳавзаларида жойлаштириш чора-тадбирларини белгилаш. Сув омборларида қафас (садок) мосламаларида балиқ етиштириш ҳажмларини кўпайтириш орқали сув омборлари фаолиятини қўшимча молиялаштириш ҳамда ишчилар ва ходимларни озиқ-овқат маҳсулотлари билан ўзини ўзи таъминлаш механизмини ишлаб чиқиш.	2017-2018 йиллар	«Ипотека-банк» АТИБ, «Ипотека сармояси» ИК ва ўз маблағлари ҳисобига	Сув хўжалиги вазирлиги, Давлат солиқ қўмитаси, «Ипотека-банк» АТИБ, «Ўзбекбалиқсаноат» уюшмаси
3.3.	Айдар-Арнасой кўллар тизими ҳавзалари ҳосилдорлигини ошириб бориш мақсадида 1 млрд дона личинка ишлаб чиқариш қувватига эга бўлган инкубация цехлари ҳамда 40 млн дона балиқ чавоқлари ишлаб етиштирувчи репродукторларни ишга тушириш.	2017 — 2021 йиллар	«Ипотека-банк» АТИБ кредитлари, ва «Айдар-Арнасой кўллар тизими дирекцияси» ДУК маблағлари ҳисобига	Давлат солиқ қўмитаси, «Айдар-Арнасой кўллар тизими дирекцияси» ДУК, «Ипотека-банк» АТИБ
3.4.	Айдар-Арнасой кўллар тизимида балиқ ва балиқ маҳсулотларини қайта ишлаш, сақлаш ва қадоқлаш лойиҳаларини ишга тушириш.	2017 — 2021 йиллар	Тижорат банклари кредитлари ва ўз маблағлари ҳисобига	Давлат солиқ қўмитаси, «Айдар-Арнасой кўллар тизими дирекцияси» ДУК
IV. Балиқчилик хўжаликларининг моддий-техника базасини мустаҳкамлаш бўйича
4.1.	Балиқчилик хўжаликларига моддий-техник ресурслар (чавоқлар, тўрлар ва инвентарлар) сотиб олиш учун кредитлар ажратиш.	2017 — 2021 йиллар	Тижорат банклари кредитлари	«Ипотека сармояси» ИК, Давлат солиқ қўмитаси, «Ўзбекбалиқсаноат» уюшмаси, ҳудудий «Балиқсаноат» МЧЖлар
4.2.	«Ўзбекбалиқсаноат» уюшмаси буюртманомаси бўйича унинг таркибига кирувчи балиқчилик хўжаликларини минерал ўғитлар (аммофос) ва юқори оқсилли гранулланган омихта ем билан таъминлаш.	2017 — 2021 йиллар	Тижорат банклари кредитлари, «Ипотека сармояси» ИК, ўз маблағлари ҳисобига	«Ўзагрокимёсаноат» АЖ, «Ўздонмаҳсулот» АК, «Ўзбекбалиқсаноат» уюшмаси, ҳудудий «Балиқсаноат» МЧЖлар, «Ипотека сармояси» ИК
4.3.	«Ўзбекистон темир йўллари» АЖ томонидан табиий кўллар тизимида балиқчилик хўжаликлари ходимларининг вақтинчалик яшаши учун махсус кўчма уйлар (вагонлар) ишлаб чиқаришни ташкил этиш.	2017 йил октябрь	«Ўзбекистон темир йўллари» АЖ маблағлари ҳисобига	«Ўзбекистон темир йўллари» АЖ, Давлат солиқ қўмитаси, «Ўзбекбалиқсаноат» уюшмаси, «Ипотека-банк» АТИБ, ҳудудий «Балиқсаноат» МЧЖлар
4.4.	Балиқчилик хўжаликлари томонидан амалга ошириладиган тадбирлар учун талаб этиладиган ёқилғи-мойлаш материаллари ҳудудий «Балиқсаноат» МЧЖлар томонидан тақдим этилган рўйхат бўйича белгиланган тартибда хўжаликларга сотилишини ташкил этиш.	2017 — 2021 йиллар	Тижорат банклари кредити ва ўз маблағлари ҳисобига	«Ўзбекбалиқсаноат» уюшмаси, «Ўзнефтмаҳсулот» АЖ, ҳудудий «Балиқсаноат» МЧЖлар
4.5.	Республикадаги барча туман ва шаҳарлар деҳқон бозорларида ҳудудий «Балиқсаноат» МЧЖларнинг балиқ ва балиқ маҳсулотларини сотишга ихтисослашган шохобчаларни ташкил этиш.	2017-2018 йиллар	Ўз маблағлари ва «Ипотека-банк» АТИБ кредитлари ҳисобига	Қорақалпоғистон Республикаси Вазирлар Кенгаши, вилоятлар ҳокимликлари, Давлат солиқ қўмитаси, «Ипотека-банк» АТИБ, «Ўзбекбалиқсаноат» уюшмаси, ҳудудий «Балиқсаноат» МЧЖлар
V. Балиқчилик соҳасида илмий-тадқиқот ишларини амалга ошириш, соҳага илғор технологияларни жорий этиш ва кадрлар тайёрлаш бўйича
5.1.	Балиқларнинг янги турлари ва зотларини (Венгрия карпи, тиляпия, камалак форели, лососсимонлар, осетрсимонлар ва бошқалар) иқлимлаштириш ва ўстириш бўйича илмий тадқиқотлар олиб бориш.	2017 — 2021 йиллар	Давлат грантлари, «Ўзбекбалиқсаноат» уюшмасининг «Балиқчиликни ривожлантириш жамғармаси» маблағлари ҳисобига	Ветеринария ва чорвачиликни ривожлантириш давлат қўмитаси, «Ўзбекбалиқсаноат» уюшмаси Балиқчилик ИТИ, ҳудудий «Балиқсаноат» МЧЖлар
5.2.	Балиқларни интенсив ўстириш ҳамда қайта ишлаш бўйича ривожланган мамлакатларнинг (Хитой, Вьетнам ва бошқалар) илғор технологиялари ва тажрибаларини мамлакатимизда татбиқ этиш.	2017 — 2021 йиллар	Ҳудудий «Балиқсаноат» МЧЖлар маблағи ва тижорат банклари кредитлари ҳисобига	«Ўзбекбалиқсаноат» уюшмаси, ҳудудий «Балиқсаноат» МЧЖлар, Балиқчилик ИТИ
5.3.	Қайта ишланган балиқ маҳсулотларини (музлатилган, дудланган, филе, котлет ва бошқа ярим тайёр маҳсулотлар) сақлаш, сотиш ва истеъмолга чиқаришнинг техник шартларини ишлаб чиқиш.	2017 — 2021 йиллар	Ўз маблағлари ва банк кредитлари ҳисобига	«Ўзстандарт» агентлиги, «Ўзбекбалиқсаноат» уюшмаси Балиқчилик ИТИ
5.4.	Ҳудудий «Балиқсаноат» МЧЖлардаги кадрларнишакллантириш, уларни ўқитиш, қайта тайёрлаш ва доимий фаолият юритиши учун қулай шароитлар яратиш.	Доимий	«Ўзбекбалиқсаноат» уюшмаси маблағлари, «Ипотека сармояси» ИК ҳисобига	«Ўзбекбалиқсаноат» уюшмаси, Давлат солиқ қўмитаси, «Ипотека сармояси» ИК
5.5.	Балиқчилик соҳаси учун юқори малакали кадрларни ўқитиш ва қайта тайёрлаш мақсадида Тошкент давлат аграр университетида балиқчилик факультетини ташкил этиш ва ушбу факультетни тамомлаган мутахассисларни иш билан таъминлаш.	2017 — 2021 йиллар	Грантлар ва контракт тўлов шартномалари ҳисобига	Олий ва ўрта махсус таълим вазирлиги, «Ўзбекбалиқсаноат» уюшмаси
5.6.	Жиззах вилояти Арнасой қишлоқ хўжалиги ва транспорт коллежи негизида балиқчилик соҳаси учун кадрлар тайёрлашни ва коллеждаги ўқув жараёнларини Тошкент давлат аграр университетининг профессор — ўқитувчилари тажрибаси асосида амалга ошириш.	2017-2018 йиллар	Грантлар ва контракт тўлов шартномалари ҳисобига	Олий ва ўрта махсус таълим вазирлиги, «Ўзбекбалиқсаноат» уюшмаси, «Ипотека-банк» АТИБ
5.7.	Балиқчилик соҳасидаги ташкилотларни ривожлантириш учун халқаро донор ташкилотларнинг техник кўмаклашиш лойиҳаларини, хорижий инвесторлар ва малакали мутахассисларни жалб этиш бўйича расмий таклифномалар юбориш.	Доимий	Грантлар ва ўз маблағлари ҳисобига	«Ўзбекбалиқсаноат» уюшмаси, Давлат солиқ қўмитаси, ҳудудий «Балиқсаноат» МЧЖ, Балиқчилик ИТИ
5.8.	Балиқчилик илмий-тадқиқот институти докторантлари, олимлари ва илмий ходимларини арзон уй-жойлар билан таъминлаш бўйича таклифлар тайёрлаш.	2017-2018 йиллар	«Ипотека-банк» АТИБ ва ўз маблағлари ҳисобига	Қишлоқ хўжалиги ва озиқ-овқат таъминоти илмий-ишлаб чиқариш маркази, Балиқчилик ИТИ, «Ипотека-банк» АТИБ
5.9.	Балиқчилик хўжаликлари раҳбарлари ва ходимларининг балиқчилик соҳасидаги амалий кўникмаларини ошириш бўйича жадвал асосида ўқув-семинарларини ташкил этиш.	2017 — 2021 йиллар	Тижорат банклари кредити ва ўз маблағлари ҳисобига	«Ўзбекбалиқсаноат» уюшмаси, Балиқчилик ИТИ, Тошкент давлат аграр университети, Қорақалпоғистон Республикаси Вазирлар Кенгаши ва вилоятлар ҳокимликлари

(1-илова Ўзбекистон Республикаси Вазирлар Маҳкамасининг 2021 йил 4 майдаги 274-сонли қарори таҳририда — Қонун ҳужжатлари маълумотлари миллий базаси, 05.05.2021 й., 09/21/274/0414-сон)

Вазирлар Маҳкамасининг 2017 йил 13 сентябрдаги 719-сон қарорига
2-ИЛОВА

2017 — 2021 йилларда балиқчилик соҳасини ривожлантиришнинг мақсадли

параметрлари

Амалга ошириладиган тадбирлар	Ўлчов бирлиги	Номланиши	2016 йил (мавжуд)	2017 йил	2018 йил	2019 йил	2020 йил	2021 йил	2021 йилда, 2016 йилга нисбатан, ўсиш суръати %
Табиий ва сунъий ҳавзаларида балиқ овлашни кўпайтириш	тонна	жами	75 897	105 113	115 117	130 327	145 133	160 441	211
		табиий	27 097	44 745	48 500	54 000	60 000	65 000	240
		сунъий	48 800	60 368	66 617	76 327	85 133	95 441	196
Сунъий сув ҳавзаларини кенгайтириш	гектар	жами	27 900	29 600	31 570	33 820	36 185	38 740	139
		товар балиқ учун	25 400	26 800	28 350	30 050	31 900	33 820	133
		балиқ чавоқлари етиштириш учун	2 500	2 800	3 220	3 770	4 285	4 920	197
Балиқ чавоқлари етиштириш ҳажмини ошириш	млн дона	жами	60,5	111,1	121,4	134	144,2	162,3	268
Сув ҳавзаларини балиқлантириш ишларини ташкил этиш	млн дона	жами	60,5	111,1	121,4	134	144,2	162	268
		табиий	2,5	13,1	20,7	24,9	31,0	47	18,6 м
		сунъий	58,0	98,0	100,7	109	113	116	200
Инкубация цехларини қуриш ва личинка ишлаб чиқаришни кўпайтириш	бирликда	сони	22	27	30	34	36	38	173
	млн дона	қуввати	940	1 200	1 480	1 770	1 970	2 220	236
Балиқ маҳсулотларини қайта ишлаш ташкилотларини ташкил этиш ва қувватларини ошириш	бирликда	сони	7	21	38	57	78	101	14,4 м
	тонна	қуввати	2 100	5 000	8 100	11 400	14 900	18 650	8,9 м

(Ўзбекистон Республикаси қонун ҳужжатлари тўплами, 2017 й., 37-сон, 1001-модда; Қонун ҳужжатлари маълумотлари миллий базаси, 10.12.2018 й., 09/18/995/2287-сон; 05.05.2021 й., 09/21/274/0414-сон)