Ўзбекистон Республикаси Президентининг
Қарори
Шошилинч тиббий ёрдам хизматининг фаолиятини ташкил этишни янада такомиллаштириш ва моддий-техника базасини мустаҳкамлаш чора-тадбирлари тўғрисида
Ўзбекистон Республикаси Президентининг «Шошилинч тиббий ёрдам тизимини янада такомиллаштириш чора-тадбирлари тўғрисида» 2017 йил 16 мартдаги ПФ-4985-сон Фармонини ижро этиш юзасидан, шунингдек шошилинч тиббий ёрдам тизими муассасаларининг моддий-техника базасини мустаҳкамлаш ва уларнинг фаолиятини ташкил этишни такомиллаштириш мақсадида:
Олдинги таҳрирга қаранг.
1. 2017 йил 1 апрелдан бошлаб ҳудудий соғлиқни сақлаш бошқармаси аппарати тузилмасида бошқарма раҳбарининг ўринбосари — Республика шошилинч тиббий ёрдам илмий маркази филиалининг директори лавозими жорий этилсин.
(1-банд Ўзбекистон Республикаси Президентининг 2020 йил 2 октябрдаги ПҚ-4847-сонли қарори таҳририда — Қонун ҳужжатлари маълумотлари миллий базаси, 03.10.2020 й., 07/20/4847/1347-сон)
2. Қуйидагилар:
шошилинч тиббий ёрдам кўрсатиш тизимининг ташкилий тузилмаси 1-иловага мувофиқ;
Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий марказининг тузилмаси 2-иловага мувофиқ;
Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий маркази минтақавий филиалининг намунавий тузилмаси 3-иловага мувофиқ;
Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий маркази тўғрисидаги низом 4-иловага мувофиқ тасдиқлансин.
3. Тез тиббий ёрдам хизмати фаолиятини янада такомиллаштириш чора-тадбирлари дастури (кейинги ўринларда Чора-тадбирлар дастури деб аталади) 5-иловага мувофиқ маъқуллансин. Чора-тадбирлар дастури қуйидаги устувор вазифаларни амалга оширишга йўналтирилган:
фуқароларнинг малакали тиббий хизмат кўрсатишга бўлган ҳуқуқларини таъминлашга йўналтирилган норматив-ҳуқуқий базани такомиллаштириш, тез тиббий ёрдамнинг сифатини ошириш учун ташкилий, иқтисодий ва ҳуқуқий шарт-шароитлар яратиш;
тез тиббий ёрдамнинг тезкорлигини, сифати ва ундан фойдаланиш даражасини ошириш;
тез тиббий ёрдам хизматининг кадрлар салоҳиятини мустаҳкамлаш ҳамда маҳаллий ва илғор хорижий илмий ишланмалар натижаларини миллий амалиётга жорий этиш, шошилинч тиббиёт тизимини ташкил этиш соҳасида халқаро ҳамкорликни кенгайтириш;
тез тиббий ёрдам хизматининг моддий-техника базасини яхшилаш, унинг амалиётига замонавий илмий-техник воситаларни ва ахборот-коммуникация технологияларини кенг жорий этиш.
4. Ўзбекистон Республикаси Вазирлар Маҳкамаси:
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда Чора-тадбирлар дастуридан келиб чиқувчи тадбирлар тўлиқ даражада ва белгиланган муддатларда амалга оширилишини таъминласин;
Ўзбекистон Республикаси Давлат бюджети параметрларини шакллантиришда ҳар йили Чора-тадбирлар дастурида назарда тутилган тадбирларни бажаришга зарур маблағлар ажратилишини назарда тутсин.
5. 2017 йилдан апрель ойидан бошлаб соғлиқни сақлаш муассасаларининг эскирган ва фойдаланилмаётган автотранспорт воситаларини кимошди савдоларида сотишдан тушган маблағлар маҳаллий бюджет даромадига тақсимланмасдан, тез тиббий ёрдам хизмати учун республикада ишлаб чиқарилган ихтисослаштирилган автотранспорт воситаларини сотиб олишга мақсадли йўналтирилган ҳолда тўлиқ ҳажмда Ўзбекистон Республикаси Соғлиқни сақлаш вазирлигининг бюджетдан ташқари ҳисоб рақамида жамланиши механизми жорий этилсин.
6. 2017 йил 1 апрелдан бошлаб:
тез тиббий ёрдам хизматининг ихтисослаштирилган автотранспорт воситаларига техник ва сервис хизмати кўрсатиш уларни тегишли ҳудудий ихтисослаштирилган автобазага бериш йўли билан ҳудудий даражада марказлаштирилсин;
дори воситалари ва тиббиёт буюмлари Республика шошилинч тиббий ёрдам илмий марказининг филиаллари орқали сотиб олиниши ва туман (шаҳар) тиббиёт бирлашмаларининг тез тиббий ёрдам кўчма бригадаларини таъминлаш марказлаштирилсин, Республика шошилинч тиббий ёрдам илмий марказининг Тошкент шаҳар тез тиббий ёрдам станцияси бундан мустасно.
7. Ўзбекистон Республикаси Соғлиқни сақлаш вазирлиги бир ой муддатда Молия вазирлиги билан биргаликда Дори воситалари ва тиббиёт буюмларини марказлаштирилган тартибда сотиб олиш ва тез тиббий ёрдамнинг кўчма бригадаларини таъминлаш тўғрисидаги низомни ишлаб чиқсин ва тасдиқласин.
8. Ўзбекистон Республикаси Соғлиқни сақлаш вазирлиги манфаатдор вазирликлар ва идоралар билан биргаликда бир ой муддатда улар томонидан қабул қилинган норматив-ҳуқуқий ҳужжатларни ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси А.Н. Юнусходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 16 март,
ПҚ-2838-сон
Ўзбекистон Республикаси Президентининг 2017 йил 16 мартдаги ПҚ-2838-сон қарорига
1-ИЛОВА
Шошилинч тиббий ёрдам кўрсатиш тизимининг
ТАШКИЛИЙ ТУЗИЛМАСИ
Ўзбекистон Республикаси Президентининг 2017 йил 16 мартдаги ПҚ-2838-сон қарорига
2-ИЛОВА
Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий маркази
ТУЗИЛМАСИ
Олдинги таҳрирга қаранг.
* Тошкент шаҳар тез тиббий ёрдам станцияси юридик шахс мақомига эга.
Марказ ходимлари, шу жумладан бошқарув ходимлари умумий чекланган сони тегишли штат меъёрларига мувофиқ белгиланади.
(2-илова Ўзбекистон Республикаси Президентининг 2020 йил 2 октябрдаги ПҚ-4847-сонли қарори таҳририда — Қонун ҳужжатлари маълумотлари миллий базаси, 03.10.2020 й., 07/20/4847/1347-сон)
Ўзбекистон Республикаси Президентининг 2017 йил 16 мартдаги ПҚ-2838-сон қарорига
3-ИЛОВА
Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий маркази минтақавий филиалининг
НАМУНАВИЙ ТУЗИЛМАСИ
Ўзбекистон Республикаси Президентининг 2017 йил 16 мартдаги ПҚ-2838-сон қарорига
4-ИЛОВА
Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий марказининг
низоми
1-боб. Умумий қоидалар
1. Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий маркази (кейинги ўринларда Марказ деб аталади) шошилинч, тез ва кечиктириб бўлмайдиган тиббий ёрдамни ташкил этиш ва кўрсатиш бўйича даволаш ва илмий-методик муассаса, шунингдек шошилинч тиббий ёрдам кўрсатиш соҳасида ихтисослашиш турлари бўйича тиббиёт кадрларини тайёрлаш, қайта тайёрлаш ва уларнинг малакасини ошириш бўйича ўқув база ҳисобланади.
2. Марказ ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлисининг палаталари қарорларига, Ўзбекистон Республикаси Президентининг фармонлари қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа қонун ҳужжатларига ва ушбу Низомга амал қилади.
3. Марказ давлат муассасаси шаклида юридик шахс ҳисобланади, мустақил балансга, банкларда ҳисоб рақамларига, Марказнинг тўлиқ номи кўрсатилган муҳрга эгадир.
4. Марказнинг тўлиқ номи:
давлат тилида — Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий маркази;
рус тилида — Республиканский научный центр экстренной медицинской помощи Министерства здравоохранения Республики Узбекистан.
5. Марказ Тошкент шаҳри, Чилонзор тумани, Фарҳод кўчаси, 2-уй манзилида жойлашган.
2-боб. Марказнинг асосий вазифалари ва функциялари
6. Қуйидагилар Марказнинг асосий вазифалари ҳисобланади:
аҳолига бепул асосда юқори малакали ихтисослаштирилган, юқори технологик шошилинч, тез ва кечиктириб бўлмайдиган тиббий ёрдамни ташкил этиш ва кўрсатиш;
тезкорликнинг замонавий жаҳон талабларига, юқори технологик ва самарадорликка мувофиқ бўлган шошилинч тиббий ёрдам тизими фаолиятига ташкилий-методик раҳбарлик қилиш;
шошилинч тиббий ёрдам кўрсатиш тизимини янада ривожлантириш ва такомиллаштириш, аҳолининг ногиронлиги ва ўлимини пасайтириш бўйича дастурларни ишлаб чиқиш ва амалга ошириш;
шошилинч тиббий ёрдам кўрсатиш соҳасида илм-фанни ва илмий тадқиқотларни ривожлантиришнинг устувор йўналишларини шакллантириш;
кечиктириб бўлмайдиган ҳолатлар профилактикаси, ташхис қўйиш ва даволашнинг янги, самарали технологияларини яратиш ва уларни соғлиқни сақлаш амалиётига жорий этиш бўйича илмий тадқиқотлар олиб бориш;
шифокорлар ва ўрта тиббиёт ходимларини қайта тайёрлаш ва уларнинг малакасини ошириш, шошилинч тиббий ёрдам кўрсатиш тизимининг илмий ва илмий-педагог кадрларини тайёрлаш;
шошилинч тиббиёт соҳасида етакчи хорижий ихтисослашган ташкилотлар билан яқин ҳамкорликни ўрнатиш, қўшма тадқиқотлар олиб бориш ва икки томонлама муносабатларни ташкил этиш йўли билан тажриба алмашишни йўлга қўйиш.
7. Марказ юкланган вазифаларни бажариш учун қуйидаги функцияларни амалга оширади:
республика аҳолисининг шошилинч, тез ва кечиктириб бўлмайдиган тиббий ёрдам кўрсатишнинг энг самарали ва юқори малакали усулларига бўлган эҳтиёжини таъминлайди;
Ўзбекистон Республикаси Фавқулодда вазиятлар вазирлигининг бўлинмалари билан мустаҳкам ўзаро ҳамкорликда табиий ва техноген ҳалокатларнинг тиббий оқибатларини бартараф этишда иштирок этади;
манфаатдор вазирликлар, идоралар ва бошқа ташкилотлар билан биргаликда шошилинч ҳолатлар профилактикаси ва бирламчи тиббий ёрдам кўрсатиш масалалари бўйича аҳоли орасида санитария-маърифий иш олиб боришда қатнашади;
Марказнинг Қорақалпоғистон Республикаси ва вилоятлардаги филиаллари фаолиятига раҳбарлик қилади ва улар билан маслаҳат бериш юзасидан ўзаро ҳамкорлик қилади, шунингдек улар мониторингини олиб боради ва назорат қилади;
Ўзбекистон Республикаси Соғлиқни сақлаш вазирлигининг шошилинч тиббий ёрдам кўрсатиш тизимига кирадиган тиббиёт муассасалари фаолиятига ташкилий-методик раҳбарлик қилишни таъминлайди;
шошилинч тиббий ёрдам кўрсатишнинг ягона стандартлари ишлаб чиқилиши ва тиббиёт муассасалари амалиётига жорий этилишида иштирок этади;
илғор хорижий тажриба ҳисобга олинган ҳолда шошилинч, тез ва кечиктириб бўлмайдиган тиббий ёрдамнинг илғор самарали усуллари ва технологияларини жорий этади;
шошилинч ва кечиктириб бўлмайдиган тиббий ёрдам кўрсатиш соҳасида республика мақсадли дастурларини ишлаб чиқиш ва амалга оширишда қатнашади;
шошилинч ва кечиктириб бўлмайдиган тиббиёт соҳасида илмий тадқиқотлар ва ишланмаларни ривожлантиришнинг устувор йўналишлари бўйича таклифларни Ўзбекистон Республикаси Соғлиқни сақлаш вазирлигининг кўриб чиқиши учун киритади;
тиббиёт илмий-тадқиқот ва олий таълим муассасаларининг тегишли бўлинмалари томонидан бажариладиган шошилинч ва кечиктириб бўлмайдиган тиббий ёрдам муаммолари бўйича илмий тадқиқотларни мувофиқлаштиради (Диссертациялар ҳимояси бўйича ихтисослаштирилган кенгаш);
Марказнинг таркибий ва минтақавий бўлинмаларининг илмий-тадқиқот фаолиятини ташкил этади ва мувофиқлаштиради;
дори воситалари ва тиббиёт буюмларини, шунингдек шошилинч ва кечиктириб бўлмайдиган ва тез тиббий ёрдам кўрсатиш усулларини клиник синовлардан ўтказади;
ўзининг илмий ва технологик ютуқларини чет элда тиббиёт ҳамжамияти олдида намойиш қилади;
шошилинч ва тез тиббий ёрдам бўйича ўзининг илмий, ўқув-методик ва ахборот-маълумотнома материалларини тайёрлайди ва нашр этади;
илмий-тадқиқот ишлари натижаларини, шу жумладан шошилинч тиббий ёрдам кўрсатишнинг замонавий усуллари ва технологияларини тиббий фаолиятга кенг жорий этади;
ўз ихтисослиги бўйича юқори малакали мутахассислар мактабини шакллантиради ва ривожлантиради;
шошилинч тиббиёт соҳасида тиббиёт кадрлари тайёрлаш, уларни ихтисослаштириш ва уларнинг малакасини ошириш учун ўз клиник базасини тақдим этади;
шу жумладан клиник ординатура, катта илмий ходимлар институти (стажерлар-изланувчилар) орқали тиббиёт кадрларини тайёрлайди, қайта тайёрлайди ва малакасини оширади;
назарий билимларни ўзлаштириб олишнинг амалий кўникмаларни мустаҳкамлаш билан мустаҳкам алоқаси асосида «шошилинч тиббий ёрдам» мутахассислиги бўйича тиббиёт таълим муассасаларида таълим сифатининг ошишига фаол кўмаклашади.
3-боб. Марказнинг ҳуқуқлари ва жавобгарлиги
8. Марказ ўзига юкланган вазифалар ва функцияларни бажариш учун:
Марказ фаолиятини таъминлаш учун зарур бўлган асбоб-ускуналар, дори воситалари ва бошқа моддий-техник воситаларни мавжуд молиявий ресурслар доирасида, мустақил равишда, белгиланган тартибда харид қилиш;
Марказ фаолиятини амалга ошириш учун зарур бўлган статистик ва таҳлилий ахборотни тегишли вазирликлар ва идоралардан Ўзбекистон Республикаси Соғлиқни сақлаш вазирлиги орқали сўраш ва олиш;
шошилинч тиббий ёрдам тизимини такомиллаштиришга, шошилинч ва кечиктириб бўлмайдиган оммавий ҳолатларига олиб келувчи фавқулодда вазиятлар пайдо бўлишининг олдини олиш ва хавфини камайтиришга йўналтирилган таклифларни Соғлиқни сақлаш вазирлигига киритиш;
шошилинч тиббий ёрдам бўйича илмий тадқиқотлар олиб бориш учун Ўзбекистон Республикаси Давлат бюджетидан грантлар олиш учун танловларда қатнашиш;
ўз фаолиятини амалга ошириш жараёнида ташкил этилган интеллектуал мулк объектларига муаллифлик ҳуқуқини олиш ва ундан фойдаланиш;
Ўзбекистон Республикасининг қонун ҳужжатларига ва халқаро шартномаларига мувофиқ етакчи хорижий ихтисослашган ташкилотлар билан илмий ва илмий-техник ҳамкорликни ва ташқи иқтисодий фаолиятни амалга ошириш;
илмий, методик ва амалий конференциялар, семинарлар ўтказиш;
шошилинч тиббий ёрдамни ташкил этиш соҳасида масалаларни ҳал этиш учун хорижий мутахассисларни шартнома асосида жалб этиш;
белгиланган тартибда ноширлик фаолиятини амалга ошириш, профессионал тиббий таълим соҳасидаги илмий-методик, ўқув ва ахборот материалларини чоп этиш ва тарқатиш;
 LexUZ шарҳи
Қаранг: Ўзбекистон Республикасининг «Ноширлик фаолияти тўғрисида»ги Қонуни.
қонун ҳужжатларида белгиланган тартибда бюджетдан ташқари маблағлар жамғармаларини шакллантириш;
ўз ходимларини ижтимоий муҳофаза қилиш чораларини кўриш ҳуқуқига эгадир.
Марказ қонун ҳужжатларига мувофиқ бошқа ҳуқуқларга ҳам эга бўлиши мумкин.
 LexUZ шарҳи
8-банднинг иккинчи қисми норасмий таржима.
9. Марказ:
шошилинч тез тиббий ёрдам кўрсатиш соҳасида диагностика ва даволашнинг замонавий халқаро стандартлари даражасида даволаш-диагностика ишларининг тезкорлиги ва юқори сифати таъминланиши;
Марказнинг Қорақалпоғистон Республикаси ва вилоятлардаги филиалларига, шунингдек Тошкент шаҳридаги Тез тиббий ёрдам станциясига маслаҳат, методик ва техник ёрдам кўрсатилиши ташкил этилиши;
кечиктириб бўлмайдиган ҳолатлар профилактикаси, диагностикаси ва даволашнинг янги технологияларини ташкил этиш бўйича илмий тадқиқотларнинг юқори даражаси таъминланиши;
шошилинч тиббий ёрдам кўрсатиш тизимининг шифокорларини ва ўрта тиббиёт ходимларини қайта тайёрлаш ва уларнинг малакасини ошириш, илмий ва илмий-педагог кадрлар тайёрланиши учун жавоб беради.
4-боб. Марказ фаолиятини ташкил этиш
10. Марказга белгиланган тартибда лавозимга тайинланадиган ва лавозимдан озод этиладиган бош директор бошчилик қилади.
Марказни жорий бошқаришни бош директорнинг тақдимномаси бўйича Ўзбекистон Республикаси соғлиқни сақлаш вазири томонидан лавозимга тайинланадиган ва лавозимдан озод этиладиган директор амалга оширади.
11. Бош директор:
Марказ фаолиятига умумий раҳбарлик қилади ва Марказга юкланган вазифалар ва функциялар бажарилиши учун шахсан жавоб беради;
Илмий-методик кенгаш таркибини шакллантиради;
Марказ директорининг ўринбосарларини ва Тошкент шаҳридаги Тез тиббий ёрдам станцияси бош шифокорини лавозимга тайинлайди ва лавозимдан озод қилади;
Марказнинг таркибий бўлинмалари тўғрисидаги низомни белгиланган тартибда тасдиқлайди;
Марказ ходимларининг лавозим мажбуриятларини белгиланган тартибда тасдиқлайди;
Бош директор қонун ҳужжатларига мувофиқ бошқа ваколатларни ҳам амалга ошириши мумкин.
12. Директор:
Марказ номидан ўз фаолиятини амалга оширади, Марказнинг молия-хўжалик фаолиятига раҳбарлик қилади, Марказ номидан шартномалар тузади, Марказнинг жорий фаолияти билан боғлиқ бошқа масалаларни ҳал этади;
Марказ ишини ташкил этади ва бошқаради, ўз ваколатлари доирасида Марказ ходимлари бажариши мажбурий бўлган буйруқлар чиқаради, уларни лавозимга тайинлайди ва эгаллаб турган лавозимидан озод этади;
республика аҳолисига шошилинч тиббий ёрдам кўрсатиш соҳасида ўз бўлинмалари ва филиалларининг фаолиятини тизимли равишда тиббий-статистик таҳлил қилади;
Директор қонун ҳужжатларига мувофиқ бошқа ваколатларни ҳам амалга ошириши мумкин.
13. Қуйидагилар Марказнинг мол-мулкини молиялаштириш манбалари ҳисобланади:
давлат мулкини ташкил этадиган асосий воситалар;
бюджет маблағлари ва ўз фаолиятини амалга ошириш учун жалб этиладиган бошқа маблағлар;
мурувват, хайрия, ҳомийлик, меценатлик, техник ва бошқа ёрдам йўналишида тушадиган маблағлар;
қонун ҳужжатларида тақиқланмаган бошқа йўналишлар бўйича тушадиган маблағлар.
14. Марказнинг мол-мулки асосий ва айланма маблағлардан, шунингдек қиймати унинг мустақил балансида акс эттириладиган бошқа бойликлардан иборат бўлади.
15. Асосий воситалар фойдаланиш ва тезкор бошқариш ҳуқуқи Марказга биркитиладиган бинолар, иншоотлар, асбоб-ускуналар, транспорт воситалари ва бошқа мол-мулкдан ҳосил бўлади.
Олдинги таҳрирга қаранг.
16. Марказ қонун ҳужжатларида белгиланган тартибда бухгалтерия ҳисоби ва ҳисоботини юритади, уларни Ўзбекистон Республикаси Соғлиқни сақлаш вазирлиги ва Миллий статистика қўмитасига тақдим этади, ҳужжатлар сақлаши ва уларнинг келишилган рўйхат бўйича давлат томонидан сақланишга берилиши учун жавоб беради.
(16-банд Ўзбекистон Республикаси Президентининг 2025 йил 24 февралдаги ПФ-27-сонли Фармони таҳририда — Қонунчилик маълумотлари миллий базаси, 01.03.2025 й., 06/25/27/0196-сон)
 LexUZ шарҳи
Қаранг: Ўзбекистон Республикаси «Бухгалтерия ҳисоби тўғрисида»ги Қонуни, «Расмий статистика тўғрисида»ги Қонуни, Ўзбекистон Республикаси Марказий банки бошқарувининг 2008 йил 3 майдаги 11/5-сонли қарори билан тасдиқланган Ўзбекистон Республикаси банкларида бухгалтерия ҳисобини юритиш ва бухгалтерия ишларини ташкил қилиш тартиби тўғрисидаги йўриқнома (рўйхат рақами 1834, 11.07.2008 й.).
17. Марказни қайта ташкил этиш ва тугатиш қонун ҳужжатларида белгиланган тартибда амалга оширилади.
Ўзбекистон Республикаси Президентининг 2017 йил 16 мартдаги ПҚ-2838-сон қарорига
5-ИЛОВА
Тез тиббий ёрдам хизмати фаолиятини янада такомиллаштириш
ЧОРА-ТАДБИРЛАРИ ДАСТУРИ
Олдинги таҳрирга қаранг.

Т/р

Тадбирлар номи

Амалга ошириш шакли

Бажариш муддатлари

Суммаси

Молиялаштириш манбалари

Бажарувчилар

I. Фуқароларнинг малакали тиббий хизматдан фойдаланишга бўлган ҳуқуқларини таъминлашга йўналтирилган норматив-ҳуқуқий базани такомиллаштириш, тез тиббий ёрдамнинг сифатини ошириш учун ташкилий, иқтисодий ва ҳуқуқий шарт-шароитлар яратиш

1.

Қуйидагиларни тасдиқлашни назарда тутувчи Ўзбекистон Республикаси Ҳукумати қарори лойиҳасини ишлаб чиқиш ва киритиш:

Тез тиббий ёрдам хизмати тўғрисида низом;

жиҳозлаш табеллари ҳамда дори воситалари ва тиббий буюмлар билан таъминлаш нормативлари;

тез тиббий ёрдам хизматини ихтисослаштирилган автотранспорт билан таъминлаш нормативлари, ундан фойдаланиш ва ҳисобдан чиқаришнинг чекланган муддатлари.

Вазирлар Маҳкамаси қарори лойиҳаси

2017 йил III чорак

-

-

Соғлиқни сақлаш вазирлиги, Молия вазирлиги, Иқтисодиёт вазирлиги,

манфаатдор вазирликлар ва идоралар

2.

Қуйидагиларни тасдиқлашни назарда тутувчи Ўзбекистон Республикаси Ҳукумати қарори лойиҳасини ишлаб чиқиш ва киритиш:

Мувофиқлаштириш-диспетчерлик хизматлари фаолиятини ташкил этиш бўйича тадбирларнинг комплекс режаси, шу жумладан ягона ахборот базаси ва маълумотлар узатиш тармоғини ташкил этиш, Мувофиқлаштириш-диспетчерлик хизматларининг ҳудудларнинг давлат кадастри ресурсларини ўз ичига оладиган миллий геомакон маълумотлардан фойдаланишини таъминлаш;

Мувофиқлаштириш-диспетчерлик хизматларининг Ўзбекистон Республикаси Ички ишлар вазирлиги, Фавқулодда вазиятлар вазирлиги ва «Ўзтрансгаз» АКнинг шошилинч хизматлари билан ўзаро ҳамкорлиги тартиби тўғрисидаги низом.

Вазирлар Маҳкамаси қарори лойиҳаси

2017 йил II чорак

-

-

Соғлиқни сақлаш вазирлиги, Ахборот технологиялари ва ком-муникацияларини ривожлантириш вазирлиги, Молия вазирлиги, Иқтисодиёт вазирлиги,

ИИВ,

ФВВ,

«Ўзтрансгаз» АК, «Ергеодезкадастр» давлат қўмитаси, манфаатдор вазирликлар ва идоралар

3.

Ўзбекистон Республикаси Соғлиқни сақлаш вазирлиги муассасалари ва тез тиббий ёрдам кўрсатувчи бошқа ташкилотлар учун статистика ҳисоботининг ягона электрон шаклини яратиш.

Комплекс чора- тадбирлар

2017 йил II чорак

-

-

Соғлиқни сақлаш вазирлиги, манфаатдор вазирликлар ва идоралар

4.

Илғор хорижий тажрибани ҳисобга олган ҳолда тез тиббий ёрдам кўрсатишнинг ягона стандартларини тасдиқлаш.

Соғлиқни сақлаш вазирининг буйруғи

2017 йил I чорак

-

-

Соғлиқни сақлаш вазирлиги, Молия вазирлиги, Иқтисодиёт вазирлиги

5.

Ихтисослаштирилган ва умумий тармоқли кўчма бригадалар ҳамда фавқулодда вазиятларда ҳаракат қилувчи бригадалар учун тез тиббий ёрдам кўрсатишнинг ягона стандартларидан келиб чиқиб клиник протоколларни тасдиқлаш.

Соғлиқни сақлаш вазирининг буйруғи

2017 йил IV чорак

-

-

Соғлиқни сақлаш вазирлиги

II. Тез тиббий ёрдам хизматининг тезкорлигини, сифатини ва ундан фойдаланиш даражасини ошириш

6.

Ўзбекистон Республикаси Соғлиқни сақлаш вазирлиги муассасалари ва тез тиббий ёрдам кўрсатувчи бошқа ташкилотлар учун тез тиббий ёрдам кўрсатишнинг ягона стандартларини жорий этиш.

Соғлиқни сақлаш вазирининг буйруғи

2017 йил II чорак

-

-

Соғлиқни сақлаш вазирлиги

7.

Тез тиббий ёрдам хизматининг диспетчерлари учун чақириқларни қабул қилиш протоколларини ишлаб чиқиш ва тасдиқлаш.

Соғлиқни сақлаш вазирининг буйруғи

2017 йил I чорак

-

-

Соғлиқни сақлаш вазирлиги

8.

Тез тиббий ёрдам хизматининг бирламчи тиббий-санитария ёрдами муассасалари билан самарали ўзаро ҳамкорлиги механизмларини жорий этиш.

Соғлиқни сақлаш вазирининг буйруғи

2017 йил I чорак

-

-

Соғлиқни сақлаш вазирлиги

9.

Шу жумладан оммавий ахборот воситалари орқали ахборот-маърифий ишларни ташкил этиш йўли билан тез тиббий ёрдам хизмати фаолиятини кенг ёритиш.

Комплекс чора-тадбирлар

Доимо

-

-

Соғлиқни сақлаш вазирлиги, Ўзбекистон матбуот ва ахборот агентлиги,
МТРК

III. Тез тиббий ёрдам хизматининг кадрлар салоҳиятини мустаҳкамлаш ҳамда маҳаллий ва илғор хорижий илмий ишланмалар натижаларини миллий амалиётга жорий этиш, шошилинч тиббиёт тизимини ташкил этиш соҳасида халқаро ҳамкорликни кенгайтириш

10.

Халқаро тажрибани ҳисобга олган ҳолда «тез тиббий ёрдам» фани бўйича олий тиббиёт таълим муассасаларининг ўқув дастурларини қайта кўриб чиқиш.

Ўқув дастурлари

2017 йил II чорак

-

-

Соғлиқни сақлаш вазирлиги, Олий ва ўрта махсус таълим вазирлиги

11.

«Тез тиббий ёрдам» йўналишини ишлаб чиқиш ва клиник ординатуранинг ўқув дастурларига жорий этиш.

Клиник ординатурада йўналиш ташкил этиш

2017 йил II чорак

-

-

Соғлиқни сақлаш вазирлиги, Олий ва ўрта махсус таълим вазирлиги

12.

Жаҳон стандартлари асосида тез тиббий ёрдам врачларини профессионал тайёрлаш даражасини яхшилашни назарда тутувчи уларнинг малакасини ошириш тизимининг ўқув дастурларини такомиллаштириш.

Янгиланган ўқув дастурлари

2017 йил I чорак

-

-

Соғлиқни сақлаш вазирлиги, Олий ва ўрта махсус таълим вазирлиги

13.

Илғор хорижий тажрибани ҳисобга олган ҳолда Мувофиқлаштирувчи-диспетчерлик хизмати диспетчерлари малакасини ошириш ва уларни қайта тайёрлаш курсларини ташкил этиш.

Соғлиқни сақлаш вазирининг буйруғи

2017 йил I чорак

-

-

Соғлиқни сақлаш вазирлиги, Олий ва ўрта махсус таълим вазирлиги

14.

Халқаро тажриба ва замонавий технологиялар асосида шошилинч тиббий ёрдам хизмати ходимларининг узлуксиз тиббий таълими тизимини такомиллаштириш.

Соғлиқни сақлаш вазирининг буйруғи

2017 йил III чорак

-

-

Соғлиқни сақлаш вазирлиги

15.

Тез тиббий ёрдам кўрсатиш тизимини такомиллаштириш бўйича аниқ таклифларни ишлаб чиққан ҳолда «Шошилинч тиббий ёрдамни ташкил этишнинг долзарб масалалари» мавзусида ҳар йилги халқаро илмий-амалий конференция ўтказиш.

Тадбирлар режаси

Ҳар йили

-

-

Соғлиқни сақлаш вазирлиги

16.

Маҳаллий ва илғор хорижий илмий ишланмалар натижаларини ўрганиш ва профилактика, диагностика ва даволаш усуллари ва технологиялари самарадорлигини кучайтириш ва ошириш мақсадида шошилинч тиббиёт соҳасига кенг жорий этиш.

Тадбирлар режаси

2017 йил IV чорак

-

-

Соғлиқни сақлаш вазирлиги

IV. Тез тиббий ёрдам хизматининг моддий-техника базасини яхшилаш, унинг амалиётига замонавий илмий-техник воситаларни ва ахборот-коммуникация технологияларини кенг жорий этиш

17.

Тасдиқланган нормативларга мувофиқ тез тиббий ёрдамнинг кўчма бригадаларини дори воситалари, тиббиёт буюмлари ва сарфлаш материаллари билан босқичма-босқич таъминлаш, шу жумладан ушбу мақсадлар учун уларнинг ҳажмини 2017 йилда 2016 йилдагига қараганда камида 2 баравар кўпайтириш.

Ҳар йили тасдиқланадиган смета харажатлари

2017 — 2020 йиллар

Шу жумладан

2017 йил

49 393,0 млн сўм

8 516,2 млн сўм

Ҳар йили ажратиладиган бюджет маблағлари доирасида

Соғлиқни сақлаш вазирлиги, Молия вазирлиги

18.

2017-2020 йилларда:

240 та объектни мукаммал таъмирлаш;

369 та объектни жорий таъмирлаш йўли билан тез тиббий ёрдам хизмати бинолари ва хоналарининг моддий-техника базасини янада мустаҳкамлаш.

Манзилли рўйхатлар

2017 — 2019 йиллар

12 000,0 млн сўм

7 380,0 млн сўм

Ҳар йили ажратиладиган бюджет маблағлари доирасида

Соғлиқни сақлаш вазирлиги, Иқтисодиёт вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

19.

1200 та ихтисослаштирилган автотранспорт, шу жумладан:

«Саломатлик 3» лойиҳаси доирасида Жаҳон банки маблағлари ҳисобига 231 та;

Молия вазирлиги ҳузуридаги бюджетдан ташқари жамғармалар маблағлари ҳисобига 619 та;

Давлат бюджети маблағлари ҳисобига 50 та;

150 та (эскирган автомашиналарни сотишдан);

грант ва донорлик маблағлари ҳисобига 150 та ихтисослаштирилган автотранспорт сотиб олиш йўли билан тез тиббий ёрдам хизматининг (шу жумладан туман (шаҳар) тиббиёт бирлашмаларининг) автопаркини янгилаш.

Ихтисослаштирилган автотранспортнинг техник тавсифини тасдиқлаш

2017 йил

6 525,8 минг АҚШ доллари

21 479,3 млн сўм

1 735,0 млн сўм

5 205,0 млн сўм

4 237,5 минг АҚШ доллари

Жаҳон банки

«Саломатлик 3» лойиҳаси доирасида

Ўзбекистон Республикаси Молия вазирлиги ҳузуридаги Бюджетдан ташқари Таълим ва тиббиёт муассасаларининг моддий-техника базасини ривожлантириш жамғармаси маблағлари

Давлат бюджети маблағлари

Бюджетдан ташқари маблағлар

Халқаро молиявий институтлар ва донорлар грантлари

Соғлиқни сақлаш вазирлиги, Молия вазирлиги, Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги,
«Ўзавтосаноат» АК

20.

Тез тиббий ёрдам хизматининг 420 та ихтисослаштирилган автотранспортини мукаммал таъмирлаш.

Ихтисослаштирилган автотранспортни мукаммал таъмирлаш

2018 — 2020 йиллар

4 200,0 млн сўм

Давлат бюджети маблағлари

Соғлиқни сақлаш вазирлиги, Молия вазирлиги, Иқтисодиёт вазирлиги

21.

Тез тиббий ёрдам хизматининг 465 та ихтисослаштирилган автотранспортини тиббий ускуналар комплектлари билан жиҳозлаш (тўлиқ жиҳозлаш).

Тиббиёт асбоб-ускуналарининг техник тавсифини тасдиқлаш

2017 — 2020 йиллар

16 871,4 млн сўм

4 848,5 минг АҚШ доллари

Ўзбекистон Республикаси Молия вазирлиги ҳузуридаги Бюджетдан ташқари Таълим ва тиббиёт муассасаларининг моддий-техника базасини ривожлантириш жамғармаси маблағлари

Жаҳон банки

«Саломатлик 3» лойиҳаси доирасида

Соғлиқни сақлаш вазирлиги, Молия вазирлиги, Иқтисодиёт вазирлиги

22.

Тезкор бошқаришни, кўчма бригадалар фаолиятини мувофиқлаштиришни, ахборотни қабул қилиш ва уни қайта ишлашни, шунингдек Ички ишлар вазирлиги, Фавқулодда вазиятлар вазирлиги ва «Ўзтрансгаз» АКнинг шошилинч хизматлари билан ўзаро ҳамкорликни назарда тутувчи тез тиббий ёрдам хизмати учун ахборот тизимини ва маълумотлар узатиш тармоғини яратиш.

Тадбирлар режаси

2018 йил I чорак

12 000,0 млн сўм

3 000,0 млн сўм

1 500,0 минг АҚШ доллари

Ўзбекистон Республикаси Молия вазирлиги ҳузуридаги Бюджетдан ташқари Таълим ва тиббиёт муассасаларининг моддий-техника базасини ривожлантириш жамғармаси маблағлари

Ҳар йили ажратиладиган бюджет маблағлари доирасида

Халқаро молиявий институтлар ва халқаро донорлар кредитлари ва грантлари

Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, Молия вазирлиги, Иқтисодиёт вазирлиги,

ИИВ
ФВВ,

«Ўзтрансгаз» АК

23.

Мувофиқлаштирувчи-диспетчерлик хизматлари иши самарадорлигини таъминлаш мақсадида тез тиббий ёрдам станциялари ва кичик станцияларини, шунингдек тез тиббий ёрдамнинг ихтисослаштирилган автотранспорти ва бригадаларини компьютер ва телекоммуникация ускуналари, алоқа воситалари ва GPS-кузатиш билан жиҳозлаш, шунингдек республиканинг бутун ҳудуди бўйича тез тиббий ёрдамни шошилинч чақиришнинг ягона телефон рақами узлуксиз ишлашини таъминлаш.

Тадбирлар режаси

2017 — 2021 йиллар

15 510,0 минг АҚШ доллари

Халқаро молиявий институтлар ва донорлар кредитлари ва грантлари

Соғлиқни сақлаш вазирлиги, Молия вазирлиги, Иқтисодий тараққиёт ва камбағалликни қисқартириш вазирлиги

Изоҳ: Норматив-ҳуқуқий ҳужжатлар тегишли ҳуқуқий муносабатларни тартибга солиш предмети ва соҳасига боғлиқ равишда қайта кўриб чиқилиши ёки ягона ҳужжатга бирлаштирилиши мумкин.

Чора-тадбирлар дастурини амалга оширишга харажатларнинг жами: 133 263,7 млн сўм ва эквивалентда 32 621,8 минг АҚШ доллари, ундан:

Давлат бюджети маблағлари

77 708,0

млн сўм

Ўзбекистон Республикаси Молия вазирлиги ҳузуридаги Бюджетдан ташқари Таълим ва тиббиёт муассасаларининг моддий-техника базасини ривожлантириш жамғармаси маблағлари

50 350,7

млн сўм

Бажарувчиларнинг бюджетдан ташқари маблағлари

5 205,0

млн сўм

Халқаро молиявий институтлар ва донорларнинг маблағлари

32 621,8

минг АҚШ доллари

(5-илова Ўзбекистон Республикаси Президентининг 2021 йил 28 июлдаги ПҚ-5199-сонли қарори таҳририда — Қонунчилик маълумотлари миллий базаси, 29.07.2021 й., 07/21/5199/0721-сон)
(Ўзбекистон Республикаси қонун ҳужжатлари тўплами, 2017 й., 11-сон, 159-модда, 35-сон, 923-модда; Қонун ҳужжатлари маълумотлари миллий базаси, 03.10.2020 й., 07/20/4847/1347-сон; Қонунчилик маълумотлари миллий базаси, 29.07.2021 й., 07/21/5199/0721-сон; 01.03.2025 й., 06/25/27/0196-сон)