Республиканинг ишлаб чиқариш ва ресурс салоҳиятидан фойдаланган ҳолда замонавий қурилиш материаллари ишлаб чиқариш бўйича юқори технологияли ишлаб чиқаришларни ривожлантиришни янада рағбатлантириш мақсадида ҳамда Ўзбекистон Республикаси Президентининг «Жиззах» эркин иқтисодий зонасини ташкил этиш тўғрисида» 2013-йил 18-мартдаги ПФ-4516-сон Фармонига мувофиқ Вазирлар Маҳкамаси қарор қилади:

1. «Жиззах» МИЗ Маъмурий кенгашининг 2015-йил 29-апрелдаги (11-сон баённома) ва 2015-йил 2-июндаги (12-сон баённома) қарорлари билан «Peng Sheng» МЧЖ ҚКнинг керамик плиткалар ишлаб чиқариш фаолиятини модернизация қилиш,» «Sirdarya Ceramic Production» МЧЖ ХКда керамик плиткалар ишлаб чиқаришни ташкил этиш» ва «Ceramic Raw Materials» МЧЖ ҚКда керамик плиткалар учун ялтироқлар ишлаб чиқаришни ташкил этиш» инвестиция лойиҳалари бўйича инвестиция буюртманомалари маъқулланганлиги маълумот учун қабул қилинсин.

2. «Жиззах» ЭИЗ ҳудудида инвестиция лойиҳаларини амалга ошириш доирасида олиб келинадиган, республикада ишлаб чиқарилмайдиган асбоб-ускуналар, бутловчи буюмлар ва материаллар рўйхати 1-иловага* мувофиқ, «Sirdarya Ceramic Production» МЧЖ ХК — божхона тўловларидан (божхона йиғимларидан ташқари) озод қилинган ҳолда 7 йил муддатга, «Peng Sheng» МЧЖ ҚК ва «Ceramic Raw Materials» МЧЖ ҚК — 5 йил муддатга 2 ва 3-иловаларга* мувофиқ тасдиқлансин.

3. «Peng Sheng» МЧЖ ҚК, «Sirdarya Ceramic Production» МЧЖ ХК ва «Ceramic Raw Materials» МЧЖ ҚК томонидан мавжуд ишлаб чиқариш комплексларини реконструкция қилиш ва янгиларини қуриш учун 4-иловага* мувофиқ рўйхат бўйича олиб келинадиган, республикада ишлаб чиқарилмайдиган машиналар, махсус техника ва механизмлар, қурилиш материаллари ва конструкциялар божхона тўловларидан (божхона йиғимларидан ташқари) озод қилинсин.

4. Ўзбекистон Республикаси Давлат солиқ қўмитаси Давлат божхона қўмитаси билан биргаликда ушбу қарорнинг 1 — 4-иловаларига мувофиқ «Peng Sheng» МЧЖ ҚК, «Sirdarya Ceramic Production» МЧЖ ХК ва «Ceramic Raw Materials» МЧЖ ҚК томонидан олиб келинадиган товарлардан мақсадли фойдаланилиши устидан қатъий назорат ўрнатсин.

Белгилаб қўйилсинки, ушбу қарорда назарда тутилган рўйхатларга мувофиқ олиб келинадиган товарлардан бошқа мақсадларда фойдаланилган тақдирда, божхона имтиёзлари берилиши муносабати билан тўланмаган божхона тўловлари суммаси қонун ҳужжатларида белгиланган молиявий санкциялар қўлланилган ҳолда Ўзбекистон Республикаси Давлат бюджетига ундириб олинади.

5. Установить, что льготы по таможенным платежам, предусмотренные указами ва 2016-йил 26-октябрдаги ПФ-4853-сон «Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида»ги фармонлари «Жиззах» ЭИЗ иштирокчилари учун воситачилик (топшириқ) шартномалари асосида олиб келинадиган товарларга ҳам татбиқ этилади.

6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.