|
Ҳужжат кучини йўқотган " " 22.02.2021
|
Ўзбекистон ССЖ Вазирлар Кенгашининг
қарори
Улуғ ватан уруши йилларидаги меҳнат фронти қатнашчиларига имтиёзлар бериш тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Улуғ Ватан уруши йилларидаги меҳнат фронти қатнашчиларининг моддий-маиший шароитларини яхшилаш мақсадида Ўзбекистон ССЖ Вазирлар Кенгаши қарор қилади:
1. Қорақалпоғистон МССЖ Вазирлар Кенгаши, вилоят ижроия қўмиталари ва Тошкент шаҳар ижроия қўмитаси, вазирликлар ва идоралар, корхоналар ва ташкилотлар, колхозлар ва совхозларнинг раҳбарлари советлар ва касаба уюшмалари қўмиталари, меҳнат коллективлари иштирокида Улуғ Ватан уруши йилларидаги меҳнат фронти қатнашчиларига қуйидаги имтиёзларни жорий қилсинлар:
Олдинги таҳрирга қаранг.
(1-банднинг иккинчи хатбошиси Ўзбекистон Республикаси Вазирлар Маҳкамасининг 2001 йил 18 апрелдаги 178-сонли қарорига асосан ўз кучини йўқотган — ЎР ҚҲТ, 2001 й., 8-сон, 40-модда)
врачлар рецепти бўйича сотиб олинадиган дорилар қийматини 50 фоиз камайтириш;
боғдорчилик ширкатларига қабул қилишда устун даражада ҳуқуқ бериш;
телефон ўрнатиш, квартиралар олиш ва уларни ремонт қилишда устун даражада ҳуқуқ бериш;
пенсияга чиқишда ишлаган даврида биркитиб қўйилган поликлиникалардан фойдаланиш ҳуқуқини сақлаб қолиш.
Меҳнат ветеранларига илгари ишлаган корхоналарида, ташкилотларида ва муассасаларида, колхоз ва совхозларда илгари фойдаланиб келинган барча имтиёзларни сақлаган ҳолда, оталиқ қилишни ўрнатиш.
2. 1-пунктнинг иккинчи ва учинчи хатбошларида назарда тутилган имтиёзларни бериш бўйича харажатлар маҳаллий бюджетлар маблағлари ҳисобидан амалга оширилсин.
3. Кўрсатилган имтиёзлар 1991 йилнинг 1 январидан жорий қилинсин.
Ўзбекистон ССЖ Вазирлар Кенгашининг Раиси Ш. МИРСАИДОВ
Ўзбекистон ССЖ Вазирлар Кенгашининг Ишлар Бошқарувчиси Р. АБДУҚОДИРОВ
Тошкент ш.,
1990 йил 21 сентябрь,
315-сон
