Ҳужжат кучини йўқотган " " 10.12.2018
Ўзбекистон Республикаси Вазирлар Маҳкамасининг
қарори
Ўзбекистон Республикаси Қишлоқ ва сув хўжалиги вазирлиги тўғрисидаги низомга ўзгартиришлар киритиш ҳақида
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2018 йил 7 декабрдаги 995-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида» 2018 йил 17 апрелдаги ПФ-5418-сон Фармони, Ўзбекистон Республикаси Президентининг «Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3671-сон қарори, «Ўзбекистон Республикаси Сув хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3672-сон қарори)»ги қарорига асосан ўз кучини йўқотган.
Ўзбекистон Республикаси Президентининг «Франция Республикаси Ҳукумати иштирокида «Навоий вилоятидаги «Навоий» ва «Учқора» насос станцияларини реконструкция қилиш» лойиҳасини амалга оширишга доир келгусидаги чора-тадбирлар тўғрисида» 2013 йил 23 августдаги ПҚ-2029-сон қарорига мувофиқ «Навоий вилоятидаги «Навоий» ва «Учқора» насос станцияларини реконструкция қилиш» лойиҳасининг ўз вақтида амалга оширилишини таъминлаш, шунингдек Ўзбекистон Республикаси Қишлоқ ва сув хўжалиги вазирлиги ҳузуридаги «Лойиҳаларни амалга ошириш маркази» давлат муассасасининг молиялаштирилишини ташкил этиш мақсадида Вазирлар Маҳкамаси қарор қилади:
1. Вазирлар Маҳкамасининг 2003 йил 28 июндаги 290-сон қарори (Ўзбекистон Республикаси ҚТ, 2003 й., 6-сон, 51-модда) билан тасдиқланган Ўзбекистон Республикаси Қишлоқ ва сув хўжалиги вазирлиги тўғрисидаги низомга иловага мувофиқ ўзгартиришлар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2014 йил 5 декабрь,
336-сон
Вазирлар Маҳкамасининг 2014 йил 5 декабрдаги 336-сон қарорига
ИЛОВА
Ўзбекистон Республикаси Қишлоқ ва сув хўжалиги вазирлиги тўғрисидаги низомга киритилаётган ўзгартиришлар
1. 25-банднинг иккинчи хатбошидаги «ва вазирликнинг ҳудудий бўлинмаларини» сўзлари «Ўзбекистон Республикаси Қишлоқ ва сув хўжалиги вазирлигини, Қорақалпоғистон Республикаси Қишлоқ ва сув хўжалиги вазирлигини, қишлоқ ва сув хўжалиги вилоятлар бошқармаларини ва туманлар бўлимларини, вазирлик ҳузуридаги Лойиҳаларни амалга ошириш марказини» сўзлари билан алмаштирилсин.
2. 26-банднинг биринчи хатбошидаги «ва унинг ҳудудий бўлинмаларини» сўзлари «Ўзбекистон Республикаси Қишлоқ ва сув хўжалиги вазирлигини, Қорақалпоғистон Республикаси Қишлоқ ва сув хўжалиги вазирлигини, қишлоқ ва сув хўжалиги вилоятлар бошқармаларини ва туманлар бўлимларини» сўзлари билан алмаштирилсин.
(Ўзбекистон Республикаси қонун ҳужжатлари тўплами, 2014 й., 50-сон, 595-модда)