Ўзбекистон Республикаси Вазирлар Маҳкамасининг
қарори
ВЕТЕРИНАРИЯДА ГИЁҲВАНДЛИК ВОСИТАЛАРИ, ПСИХОТРОП МОДДАЛАР ВА ПРЕКУРСОРЛАРДАН ФОЙДАЛАНИШ ТАРТИБИНИ ТАСДИҚЛАШ ТЎҒРИСИДА
«Гиёҳвандлик воситалари ва психотроп моддалар тўғрисида»ги Ўзбекистон Республикаси Қонунини амалга ошириш мақсадида Вазирлар Маҳкамаси қарор қилади:
1. Ветеринарияда гиёҳвандлик воситалари, психотроп моддалар ва прекурсорлардан фойдаланиш тартиби иловага мувофиқ тасдиқлансин.
2. Мазкур қарорнинг бажарилишини назорат қилиш Вазирлар Маҳкамасининг Агросаноат комплекси котибиятига юклансин.
Ўзбекистон Республикасининг Бош вазири Ў. СУЛТОНОВ
Тошкент ш.,
2003 йил 12 сентябрь,
397-сон
Ветеринарияда гиёҳвандлик воситалари, психотроп моддалар ва прекурсорлардан фойдаланиш
тартиби
I. Умумий қоидалар
1. Ветеринарияда гиёҳвандлик воситалари, психотроп моддалар ва прекурсорлардан фойдаланиш тартиби «Гиёҳвандлик воситалари ва психотроп моддалар тўғрисида»ги, «Ветеринария тўғрисида»ги Ўзбекистон Республикаси қонунларига ва Ўзбекистон Республикасининг бошқа қонун ҳужжатларига мувофиқ ишлаб чиқилган.
2. Гиёҳвандлик воситалари, психотроп моддалар ва прекурсорларни тегишли фаолият турига лицензия мавжуд бўлган ва мазкур Тартибда назарда тутилган шартларга риоя қилинган тақдирда:
давлат ветеринария хизмати республика, вилоят, туман (туманлараро), шаҳар бўлинмалари, «Ўззооветтаъминотхизмат» республика ишлаб чиқариш бирлашмаси ва унинг вилоят бўлимлари, мулкчилик шаклларидан қатъи назар, уларнинг муомалада бўлишини амалга оширувчи бошқа муассасалар, ташкилотлар ва корхоналарнинг ветеринария препаратлари омборларида (базаларида) ҳамда ветеринария дорихоналарида;
ветеринария лабораторияларида;
ветеринария илмий-тадқиқот муассасалари, олий ўқув юртлари ва синов лабораторияларида;
ветеринария фармацевтика ишлаб чиқариш корхоналарида сақлаш, бериш, сотиш, тақсимлаш ва фойдаланишга рухсат берилади.
Ветеринария мақсадларидаги гиёҳвандлик воситалари, психотроп моддалар ва прекурсорлардан ветеринария даволаш-профилактика муассасаларида (шу жумладан ветеринария участкалари ва пунктларида), чорвачилик хўжаликлари ва корхоналарида фақат тайёр дори шаклида фойдаланишга рухсат берилади.
3. Ветеринария мақсадлари учун фақат Ўзбекистон Республикаси Вазирлар Маҳкамасининг 2000 йил 31 июлдаги 293-сон қарори билан тасдиқланган Ўзбекистон Республикасида назоратга олинадиган гиёҳвандлик воситалари, психотроп моддалар ва прекурсорларнинг II, III ва IV рўйхатига киритилган гиёҳвандлик воситалари, психотроп моддалар ва прекурсорлар қўлланиши мумкин.
Ўзбекистон Республикасида қўллашга рухсат берилмаган гиёҳвандлик воситалари, психотроп моддалар ва прекурсорларни ветеринария омборларида (базаларида), ветеринария дорихоналарида ва бошқа ветеринария муассасаларида ва ташкилотларида сақлаш тақиқланади.
Гиёҳвандлик воситалари, психотроп моддалар ва прекурсорларни сақлаш бўйича техник талаблар Ўзбекистон Республикаси Соғлиқни сақлаш вазирлиги ҳамда Ички ишлар вазирлигининг 2001 йил 17 июндаги 2-сон қўшма қарори билан тасдиқланган, Ўзбекистон Республикаси Адлия вазирлиги томонидан 2001 йил 11 июлда 1048-сон билан рўйхатдан ўтказилган Гиёҳвандлик воситалари, психотроп моддалар ва прекурсорларни сақлаш бўйича техник талаблар тўғрисидаги Низом билан тартибга солинади.
II. Гиёҳвандлик воситаларини сақлаш, бериш, сотиш, тақсимлаш ва ҳисобга олиш тартиби
Гиёҳвандлик воситаларини ветеринария препаратлари омборларида (базаларида) сақлаш, бериш, ҳисобга олиш
4. Ветеринария препаратлари омборларида (базаларида) гиёҳвандлик воситалари иш куни тамом бўлгандан кейин бекиладиган ва сўрғичланадиган, алоҳида жиҳозланган биноларда жойлашган сейфларда ёки металл шкафларда сақланади.
5. Гиёҳвандлик воситалари сақланаётган бинога киришга фақат бевосита у билан ишлайдиган ва омбор (база) раҳбари буйруғи билан расмийлаштирилган шахсларга рухсат берилади.
6. Ўзбекистон Республикасида ветеринарияда қўлланишга рухсат берилмаган гиёҳвандлик воситаларини омборларда (базаларда) сақлаш тақиқланади.
7. Гиёҳвандлик воситалари келтирилган омбор (база) мудири ёки унга ваколатли бўлган шахс илова қилинган ҳужжатларида кўрсатилган миқдори ва оғирлигига уларнинг миқдори ва оғирлигининг мувофиқлигини шахсан текшириши шарт.
8. Порошок ҳолидаги гиёҳвандлик воситалари омборлардан (базалардан) фақат сўрғичланган ҳолда берилади.
9. Гиёҳвандлик воситаларини бериш ветеринария муассасаси раҳбари ёки унинг ўринбосари томонидан имзоланган, ушбу муассасанинг гербли муҳри билан тасдиқланган талабномалар бўйича амалга оширилиши керак.
10. Гиёҳвандлик воситаларига барча талабномалар бошқа ветеринария препаратларига талабномалардан алоҳида ёзилиши керак, бунда уларнинг миқдори сўз билан ёзиб кўрсатилади.
11. Гиёҳвандлик воситалари олинган воситаларнинг номи ва уларнинг сўз билан ёзилган миқдори кўрсатилган ҳолда белгиланган тартибда расмийлаштирилган алоҳида ишончнома бўйича берилади.
12. Гиёҳвандлик воситаларини беришдан олдин муассаса буйруғи бўйича унинг сақланиши учун жавобгар шахс, бериш учун асосларни, берилаётган гиёҳвандлик воситасининг илова қилинган ҳужжатларга мувофиқлигини, ўрамининг тўғрилигини шахсан текшириши ва омборда (базада) қоладиган товар-транспорт юк ҳужжатининг нусхасига имзо қўйиши шарт.
13. Гиёҳвандлик воситалари омборлардан (базалардан) фақат ветеринария мақсадлари учун юридик шахсларга гиёҳвандлик воситаларидан фойдаланиш ҳуқуқига лицензияси мавжуд бўлганда берилади.
15. Гиёҳвандлик воситаларининг кирими ва чиқими бўйича барча ҳужжатлар омборларда (базада) унинг сақланиши учун масъул бўлган шахсда белгиланган сақланиш муддатларига мувофиқ равишда, ушбу ҳужжатларнинг сақланиши тўлиқ кафолатланган шароитларда сақланади.
Кўрсатилган ҳужжатларнинг сақланиш муддати 5 йил.
Ветеринария дорихоналарида гиёҳвандлик воситаларини сақлаш, бериш, сотиш ва ҳисобга олиш
16. Ветеринария дорихоналарида гиёҳвандлик воситалари сейфларда сақланади. Сейфлар ёпиқ ҳолатда бўлиши керак. Иш куни тамом бўлгандан кейин сейфлар қулфланиши ва сўрғичланиши, калитлар, муҳр, пломбир эса — унинг сақланиши учун жавобгар бўлган, буйруқ билан ваколатланган шахсда бўлиши керак.
17. Ўзига хизмат вазифаларига кўра гиёҳвандлик воситалари бўйича бевосита рухсати бўладиган шахсларни ишга қабул қилишда ушбу шахсларни «Гиёҳвандлик воситалари ва психотроп моддалар тўғрисида»ги Ўзбекистон Республикаси Қонуни билан таништириш, шунингдек у билан тузиладиган меҳнат шартномасига (контрактга) мазкур Тартибга риоя этмаганлик учун жавобгарлик тўғрисидаги қоидалар киритилиши зарур.
18. Гиёҳвандлик воситаларини жорий ишлар учун ассистент хонасига бериш фақат ветеринария дорихонаси мудири ёки бунга ваколати бўлган шахс томонидан гиёҳвандлик воситалари сақланадиган хонадан амалга оширилиши керак.
19. Ветеринария дорихонасининг ассистент хонасида гиёҳвандлик воситалари тунда қолдирилиши мумкин эмас.
20. Гиёҳвандлик воситалари мазкур Тартибга 5-иловага мувофиқ шакл бўйича рақамланган, ип ўтказиб тикилган ва муассаса ёки юқори ташкилот раҳбарининг имзоси ҳамда муҳр билан тасдиқланган махсус дафтарда ашёвий-миқдорий ҳисобда туриши керак.
21. Ҳар ойнинг 1-кунида ветеринария дорихонасида унинг ихтиёрида бўлган гиёҳвандлик воситалари белгиланган тартибда хатловдан ўтказилади ҳамда баланс тузилади. Балансда тафовут нормадан юқори сарфлаш ёки ўтказилган хатлов натижасида баланс маълумотларининг номувофиқлиги тўғрисида маълумотлар аниқланган тақдирда, дорихона мудири уч кун муддатда бу тўғрида ички ишлар органларига хабар беради.
Олдинги таҳрирга қаранг.
Гиёҳвандлик воситалари талон-торож қилинган ва ўғирланган тақдирда мазкур Тартибга 4-иловага мувофиқ шакл бўйича дорихона мудири зудлик билан бу тўғрида ички ишлар органларига ва Ўзбекистон Республикаси Ветеринария ва чорвачиликни ривожлантириш давлат қўмитасига бу тўғрида хабар берадиган, давлат ветеринария хизмати юқори органига хабар қилиши шарт.
(21-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 27 июндаги 532-сонли қарори таҳририда — Қонун ҳужжатлари маълумотлари миллий базаси, 28.06.2019 й., 09/19/532/3344-сон)
22. Дорихона мудири ёки унинг ўринбосари ветеринария дорихоналаридан жисмоний шахсларга гиёҳвандлик воситаларини бериш ҳуқуқига эга.
23. Таркибига гиёҳвандлик воситалари кирадиган дориларга рецептларни қабул қилишда, дорихона мудири (ёки унинг ўринбосари) касал ҳайвоннинг тури ва ёшини аниқлаши, дозанинг тўғри белгиланганлигини, дори шаклида ёзилган ингридиентларнинг мослигини текшириши ва гиёҳвандлик воситалари номининг тагига чизиб қўйиши (ажратиши) шарт.
24. Дори таркибига кирувчи гиёҳвандлик воситалари унинг сақланиш жойида тарозида тортилиши керак, сўнгра штанглас сейфга жойланади. Рецептнинг орқа томонига дорихона мудири (ёки унинг ўринбосари) гиёҳвандлик воситасининг номи ва миқдорини кўрсатган ҳолда, унинг талаб қилинган миқдорини берганлиги, жисмоний шахс эса олганлиги тўғрисида имзо қўяди.
Таркибида гиёҳвандлик воситалари бўлган дориларни тарозида тортиш ва тайёрлаш учун мўлжалланган приборлар, асбоб ва идишлар сейфларда сақланиши керак, уларни ювиш ва ишлов бериш дорихона мудири ва унинг ўринбосари назоратида алоҳида амалга оширилиши керак. Гиёҳвандлик воситаларидан иборат бўлган дорилар тайёрланадиган идишда тегишли маркировка бўлиши керак.
25. Агар рецептда, бошқа ингридиентлар билан бирга, гиёҳвандлик воситалари ёзилган бўлса, бу ҳолда уларни алоҳида (тайёрланган дори таркибидан алоҳида) бериш тақиқланади.
26. Гиёҳвандлик воситаларини такроран олиш учун ветеринар врач ҳайвон эгасига янги рецепт ёзиб бериши шарт.
27. Шаҳар ёки қишлоқ маъмурий туманлари доирасидаги ветеринария дорихоналари томонидан гиёҳвандлик воситалари улар ҳудудида жойлашган ветеринария даволаш-профилактика муассасаларининг рецептлари бўйича берилади.
28. Таркибида гиёҳвандлик воситалари бўлган дорилар учун фойдаланилган рецептура бланкалари ойлар ва йиллар бўйича ип ўтказиб тикилган, сўрғичланган ҳолда 5 йил мобайнида сақланиши керак.
Улар бўйича гиёҳвандлик воситалари берилган рецептлар гиёҳвандлик воситалари сақланадиган хоналарда сақланади. Сақлаш муддати тугаган рецептлар тегишли далолатнома (мазкур Тартибга 7-илова) расмийлаштирилган ҳолда ёқиб йўқ қилинади.
Ветеринария даволаш-профилактика муассасаларида, чорвачилик хўжаликлари ва корхоналарида гиёҳвандлик воситаларини сақлаш, ҳисобга олиш, бериш ва қўлланиш
29. Ветеринария даволаш-профилактика муассасалари, чорвачилик хўжаликлари ва корхоналари гиёҳвандлик воситаларини фақат қўллашга тайёр ҳолда саноатда, ветеринария ёки тиббий дорихоналарда тайёрланган дори шаклларида олиши керак.
30. Ветеринария даволаш-профилактика муассасалари, чорвачилик хўжаликлари ва корхоналари дорихоналарида гиёҳвандлик воситалари сейфларда сақланади.
Ветеринария дорихоналари учун (2-банд) назарда тутилган гиёҳвандлик доривор воситаларни ҳисобга олиш ва бериш тартиби ветеринария даволаш-профилактика муассасалари, чорвачилик хўжаликлари ва корхоналари дорихоналарига ҳам жорий этилади.
31. Ветеринария даволаш-профилактика муассасалари, чорвачилик хўжаликлари ва корхоналари томонидан ветеринария ёки тиббий дорихоналардан олинадиган таркибида гиёҳвандлик воситалари бўлган дорилар сигнатурасида ёки ёрлиғида аниқ ва тушунарли ҳолдаги «Ичиш учун», «Суртиш учун», «Инъекциялар учун», «Кўзга томизиладиган малҳам» ва бошқа ёзувлар, шунингдек дори тайёрланган дорихона номери (номи), дорининг талабномада кўрсатилган ёзувларга мос таркиби, дори тайёрланган сана ва дорини тайёрловчи ва уни дорихонадан берган шахснинг имзоси бўлиши керак.
Гиёҳвандлик воситаларининг ўрамларида санаб ўтилган белгилар мавжуд бўлмаганда ветеринария даволаш-профилактика муассасаларида, чорвачилик хўжаликлари ва корхоналарида уларни сақлаш ва қўлланишга рухсат берилмайди. Қадоқлаш, жойлаш, ўлчаб тайёрлаш, бошқа идишга қуйиш ва жойлаш, шунингдек ёрлиқларини алмаштириб қўйиш қатъиян тақиқланади.
32. Ветеринария даволаш-профилактика муассасалари, чорвачилик хўжаликлари ва корхоналари дорихоналарида гиёҳвандлик воситалари захираси уларга бўлган ойлик эҳтиёждан ошмаслиги керак.
Ветеринария даволаш-профилактика муассасалари, чорвачилик фермалари ҳамда хўжаликлари ва корхоналари даволовчи ветеринар врачлари ва фельдшерларидаги гиёҳвандлик воситалари захиралари уларга бўлган уч кунлик жорий эҳтиёждан ошмаслиги керак.
Даволаш-профилактика муассасалари, чорвачилик фермалари ва хўжаликлар ҳамда корхоналар бўлимларининг даволовчи ветеринар врачлари ва фельдшерларига кечки ва тунги вақтларда шошилинч ёрдам кўрсатиш учун гиёҳвандлик воситаларининг беш кунлик захирасини ташкил этишга рухсат берилади.
33. Ветеринария даволаш-профилактика муассасаси мудири, чорвачилик хўжалиги ёки корхонаси бош ветеринар врачлари (ёки уларнинг ўринбосарлари), шунингдек муассаса, хўжалик ёки корхона бўйича буйруқ билан белгиланган шахслар гиёҳвандлик воситаларини сақлаш, ҳисобга олиш, бериш ва касал ҳайвонларга қўллашни ташкил этиш учун масъул ҳисобланадилар.
34. Таркибида гиёҳвандлик воситалари бўлган дориларни касал ҳайвонларга қўллаш ветеринар врач ёки фельдшер томонидан бошқа дорилардан алоҳида амалга оширилиши керак.
35. Даволаш-профилактика муассасалари, чорвачилик фирмалари ва хўжаликлари бўлимлари ҳамда корхоналарининг даволовчи врачлари ва фельдшерларидаги гиёҳвандлик воситалари мазкур Тартибга 8-иловада кўрсатилган шакл бўйича ип билан тикилган, номерланган ва ветеринария даволаш-профилактика муассасаси, хўжалик ёки корхона ветеринария хизмати раҳбарининг имзоси билан тасдиқланган ҳолда махсус дафтарда ашёвий-миқдор бўйича ҳисобга олинади.
36. Ветеринария даволаш-профилактика муассасалари, чорвачилик хўжаликлари ва корхоналари зарур махсус рецептура бланкаларини давлат ветеринария хизмати бошқармасининг туман (шаҳар) органлари орқали оладилар.
37. Гиёҳвандлик воситаларига махсус рецептура бланкалари ветеринария даволаш-профилактика муассасаларига келиб тушганда комиссия томонидан далолатнома бўйича қабул қилинади ва мазкур Тартибга 9-иловага мувофиқ шакл бўйича Гиёҳвандлик воситаларига махсус рецептура бланкаларини ҳисобга олиш дафтарида кирим қилинади.
Гиёҳвандлик воситаларига махсус рецептура бланкалари саҳифалари номерланиши, ип ўтказиб тикилиши ва ветеринария даволаш-профилактика муассасаси, чорвачилик хўжалиги ёки корхонаси ветеринария хизмати раҳбари имзоси ва муҳр билан тасдиқланиши керак бўлган кўрсатиб ўтилган Дафтарда ҳисобга олинади.
38. Гиёҳвандлик воситалари учун махсус рецептура бланкалари ветеринария даволаш-профилактика муассасаси, чорвачилик хўжалиги ёки корхонаси ветеринария хизмати раҳбарида ёки раҳбарнинг буйруғи билан тайинланган рецептура бланкаларини олиш, сақлаш, ҳисобга олиш ва бериш учун масъул шахсда сейфда ёки металл шкафда сақланиши керак.
39. Ветеринария даволаш-профилактика муассасаси, чорвачилик хўжалиги ёки корхонаси ветеринария хизмати раҳбарининг кўрсатмаси бўйича гиёҳвандлик препаратлари учун рецептура бланкалари икки ҳафталик эҳтиёж миқдорида, лекин 10 донадан кўп бўлмаган миқдорда (гиёҳвандлик препаратлари учун кўп миқдорда рецептура бланкаларига эҳтиёж туғилганда уларнинг миқдори раҳбарнинг фармойиши бўйича кўпайтирилиши мумкин) рецептлар ёзиш ҳуқуқига эга бўлган даволовчи ветеринар врачга берилади.
40. Ветеринария даволаш-профилактика муассасаларида, чорвачилик хўжаликлари ёки корхоналарида жорий эҳтиёж учун махсус рецептура бланкалари захираси ойлик эҳтиёждан ошмаслиги керак. Уларнинг ортиқчаси давлат ветеринария хизмати бошқармасининг ҳудудий органларига топширилиши керак.
41. Гиёҳвандлик воситалари учун махсус рецептура бланкалари ветеринария муассасаси, хўжалик ва корхонанинг ветеринария хизмати раҳбарида ёки бунга буйруқ билан ваколатланган шахсда калити турадиган металл шкафларда сақланиши керак.
42. Ҳар бир ветеринария даволаш-профилактика муассасасида, чорвачилик хўжалиги ёки корхонасида гиёҳвандлик воситаларини даволовчи врачлар томонидан буюришнинг мақсадга мувофиқлигини, муассаса, хўжалик ёки корхонада гиёҳвандлик воситаларини сақлаш ҳолатини, ҳисобга олиниши ва сарфланишини ҳар ойда камида бир марта текширишни амалга оширадиган, муассаса, хўжалик ёки корхонанинг ветеринария хизмати раҳбари буйруғи билан тайинланадиган доимий ишловчи комиссия тузилади. Текширув натижалари далолатномалар билан расмийлаштирилади.
Гиёҳвандлик воситалари ва махсус рецептура бланкаларининг дафтарда қайд этилган қолдиғи амалда мавжуд бўлган миқдорига мос бўлмаган тақдирда комиссия бир сутка мобайнида бу тўғрида давлат ветеринария хизмати бошқармаси органини, зарурат бўлганда ички ишлар органини ёзма равишда хабардор қилиши шарт.
43. Ветеринария даволаш-профилактика муассасалари, хўжаликлар ҳамда корхоналар ветеринария хизмати раҳбарлари гиёҳвандлик воситаларининг ва гиёҳвандлик воситаларига ёзиб бериш учун махсус рецептура бланкаларининг оқилона қўлланиши, ҳисобга олиниши ва сақланиши учун жавоб берадилар.
44. Давлат ветеринария хизмати ҳудудий органлари ветеринария даволаш-профилактика муассасаларини, чорвачилик хўжаликлари ва корхоналарини текширишда гиёҳвандлик воситалари учун махсус рецептура бланкаларининг сақланишини таъминлашни назорат қиладилар.
Гиёҳвандлик воситалари учун рецепт ёзиш қоидалари
45. Амбулаторияда даволаш зарур бўлган касал ҳайвонлар учун, дори-дармонлар шакллари (жумладан, тайёр дори-дармон воситалари) туридан қатъи назар, соф ҳолдаги ёки индифферент тўлдиргичлар билан биргаликдаги гиёҳвандлик воситаларига рецепт фақат ветеринария даволаш-профилактика муассасаси, хўжалик ва корхоналар ветеринария хизматининг штампи ва думалоқ муҳри қўйилган ҳолда, белгиланган намунадаги (мазкур Тартибга 5 ва 6-иловалар) махсус рецептура бланкаларига ёзиб берилиши керак.
46. Гиёҳвандлик воситалари учун махсус бланкага ёзилган рецепт уни имзолаган ветеринар врач томонидан ёзилиши керак. Бундан ташқари, ушбу рецепт, шунингдек гиёҳвандлик воситаларини касал ҳайвонларга буюриш учун жавоб берадиган ветеринария даволаш-профилактика муассасаси ёки хўжалик ёхуд корхонанинг ветеринария хизмати раҳбари томонидан ҳам имзоланиши керак.
Ветеринария даволаш-профилактика муассасаси ва хўжалик ёки корхона ветеринария хизматининг даволовчи ветеринария врачлари муассаса, хўжалик ёки корхона ветеринария хизмати раҳбари томонидан олдинги гал ёзиб берилган миқдорга мувофиқ равишда фойдаланилган ампулалар топширилган тақдирда гиёҳвандлик воситаларига рецептни қайта ёзиб бериш ҳуқуқига эга.
47. Тўлдирилмаган махсус рецептура бланкаларини муҳр билан расмийлашлаштириш тақиқланади.
48. Ветеринария врачлари гиёҳвандлик воситаларининг номини рецептнинг бошига, ундан кейин эса — қолган барча ингредиентларни ёзиши керак.
Ветеринария даволаш-профилактика муассасалари ва хўжалик ҳамда корхоналарнинг ветеринария хизматлари талабномаларида рецептлар ва гиёҳвандлик воситалари номи фақат лотин тилида, муассаса ёки хўжалик ёхуд корхона ветеринария хизмати раҳбарининг имзоси, штамп ва муҳр қўйилган алоҳида бланкаларга ёзиб берилиши керак. Талабномада дорининг нимага буюрилганлиги албатта (инъекциялар, суриш, ичиш, кўзга томизиш учун ва ҳоказо) кўрсатилиши керак, дори-дармон воситалари буюрилган ҳайвонларнинг тури ва ёши ҳамда жинси бўйича гуруҳи, уларнинг инвентарь рақами, касал ҳайвонлар эгаларининг фамилияси, исми ва отасининг исми (ферма мудирлари, бригадирлар, бош молбоқар ва бошқалар) кўрсатилади.
49. Битта рецептура бланкасига фақат битта гиёҳвандлик воситасини, унга даволовчи врач белгилайдиган етти кунлик эҳтиёждан ошмайдиган миқдорда ёзиб беришга рухсат этилади. Рецептда қабул қилиш частотаси ва унинг давом этиш муддати кўрсатилиши керак.
50. Гиёҳвандлик воситалари учун рецептлар ўн кун мобайнида ҳақиқий ҳисобланади.
51. Гиёҳвандлик воситалари учун рецептлар дорихоналардан гиёҳвандлик воситалари берилган вақтдан ўн кундан кейин, гиёҳвандлик воситаларидан бўшаган фойдаланилган ампулаларни мажбурий равишда кўрсатгандан кейин қайта ёзиб берилиши мумкин.
52. Гиёҳвандлик воситалари учун рецептларни ўрта махсус маълумотли ветеринария мутахассислари ёзиб бериш ҳуқуқига эга эмас.
53. Санаб ўтилган талаблардан ҳатто биттасига жавоб бермайдиган ёки номувофиқ дори-дармонлар ёзилган рецептлар ҳақиқий ҳисобланмайди.
54. Нотўғри ёзиб берилган рецептлар барча дорихонада қолади, «Рецепт ҳақиқий эмас» штампи билан бекор қилинади, махсус дафтарларда рўйхатдан ўтказилади, улар тўғрисидаги ахборот рецептларни ёзиб бериш қоидасини бузган ходимга нисбатан қаттиқ интизомий чоралар кўриш учун давлат ветеринария хизматининг тегишли ҳудудий органига берилади.
55. Улар бўйича таркибида гиёҳвандлик воситалари бўлган дорилар олинган рецептлар дорихона муассасаларида сейфларда ёки металл шкафларда 5 йил мобайнида сақланади.
Ветеринария илмий-тадқиқот муассасаларида, олий ўқув юртларида ва синов лабораторияларида гиёҳвандлик воситаларини сақлаш, бериш ва ҳисобга олиш
56. Илмий-тадқиқот институтларида, олий ўқув юртларида ва синов лабораторияларида фойдаланиладиган гиёҳвандлик воситалари алоҳида жиҳозланган хоналарда сақланади. Бунда гиёҳвандлик воситаларининг ёпиқ, сўрғичланган сейфларда сақланиши таъминланади.
57. Текшириш учун масъул ижрочига берилган гиёҳвандлик воситалари ёки таркибида улар мавжуд бўлган дорилар текширувчида бошқа воситалардан ажратилган ҳолда сақланади.
58. Гиёҳвандлик воситаларини сақлаш учун лаборатория (бўлим) мудири ёки муассаса бўйича тегишли буйруқ билан бунга ваколатланган шахс жавобгар ҳисобланади.
Олдинги таҳрирга қаранг.
59. Ҳар бир ветеринария илмий ташкилоти, олий таълим муассасаси (ташкилоти) ва синов лабораториясида бир ойда камида бир марта муассасаларда гиёҳвандлик воситаларини сақлаш ҳолатини, ҳисобга олиниши ва сарфланишини текширадиган, муассаса раҳбари буйруғи билан тайинланадиган доимий ишловчи комиссия тузилади. Текширишлар натижалари далолатномалар билан расмийлаштирилади.
(59-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
Гиёҳвандлик воситаларининг дафтарда қайд этилган қолдиғи амалда мавжуд бўлган миқдорига мос бўлмаган тақдирда комиссия бир сутка мобайнида бу тўғрида давлат ветеринария хизмати бошқармаси органини, зарурат бўлганда ички ишлар органини ёзма равишда хабардор қилиши шарт.
60. Гиёҳвандлик воситалари текшириш учун ветеринария фармацевтика ташкилотлари (ветеринария препаратлари омбори (базаси)дан, дорихонадан) ва корхоналаридан тўлиқ уч марта текширув ўтказиш учун зарур бўлган миқдорда келиб тушиши керак. Гиёҳвандлик воситаларини текшириш тугагандан кейин уларнинг қолдиғи 3 ой мобайнида сақланади, сўнгра улар далолатнома бўйича фармацевтика ташкилотлари ва корхоналарига қайтарилади.
61. Жорий ишлар учун гиёҳвандлик воситаларини бериш фақат масъул ижрочи буюртманомасига биноан лаборатория (бўлим) мудири ёки кафедра мудирининг ёзма рухсати бўйича амалга оширилади.
62. Гиёҳвандлик воситалари ветеринария илмий-тадқиқот муассасаларида, олий ўқув юртларида ва синов лабораторияларида мазкур Тартибга 10 ва 11-иловага мувофиқ шакл бўйича, алоҳида, номерланган ва ип ўтказиб тикилган дафтарда ташкилот раҳбарининг имзоси ва муҳр билан тасдиқланган ашёвий-миқдор бўйича ҳисобга олиниши керак.
Ветеринария фармацевтика ишлаб чиқариш корхоналарида гиёҳвандлик воситаларини сақлаш, бериш, ҳисобга олиш ва сотиш
63. Ветеринария фармацевтика ишлаб чиқариш корхоналарида гиёҳвандлик воситалари алоҳида жиҳозланган, иш куни тугагандан кейин ёпиладиган хоналарда жойлашган, муҳрланадиган ёки сўрғичланадиган сейфларда ёки металл шкафларда сақланади.
64. Гиёҳвандлик воситаларини сақлаш учун корхона раҳбари ёки корхона бўйича буйруқ билан ваколатланган шахс жавобгар ҳисобланади.
65. Гиёҳвандлик воситалари келиб тушганда корхона раҳбари (ёки бунга ваколатли шахс) олинган воситалар миқдорининг илова қилинган ҳужжатларга мувофиқлигини шахсан текшириши шарт.
66. Ишлаб чиқариш бўлимига (цехга) гиёҳвандлик воситалари корхона раҳбари ёки унинг ўринбосари рухсати билан, бир туркумдаги маҳсулотлар ишлаб чиқариш учун зарур бўлган миқдорда, юк хати бўйича берилади.
67. Гиёҳвандлик воситалари, дори-дармон воситалари туридан қатъи назар, омборларда ва бўлимларда (цехларда) номерланган ва ип ўтказиб тикилган, юқори ташкилот раҳбарининг имзоси ва муҳр билан тасдиқланган дафтарда ҳисобга олинади. Омбордаги ҳисобга олиш дафтари ветеринария препаратлари омборлари (базалари) учун тасдиқланган шакл бўйича, бўлимларда (цехларда) эса — ишлаб чиқариш жараёнида маҳсулотларни ҳисобга олишнинг белгиланган шакллари бўйича юритилади.
68. Таркибида гиёҳвандлик воситалари бўлган нотугал ишлаб чиқарилган дори-дармонлар (эритмалар, таблеткалар учун аралашмалар ва бошқалар)ни сақлаш учун бўлим (цех) мудири жавоб беради.
Тайёрланган ва ички идоравий назорат хизмати томонидан сотишга рухсат берилган таркибида гиёҳвандлик воситалари бўлган маҳсулотлар шу куннинг ўзида корхонанинг тайёр маҳсулотлар омборига берилиши керак.
III. Психотроп моддаларни сақлаш, бериш, сотиш ва ҳисобга олиш тартиби
Ветеринария препаратлари омборларида (базаларида), ветеринария дорихоналарида, ветеринария даволаш-профилактика муассасаларида, чорвачилик хўжаликлари ва корхоналарида, ветеринария илмий-тадқиқот муассасаларида, олий ўқув юртларида ва синов лабораторияларида психотроп моддаларни сақлаш, ҳисобга олиш ва бериш
69. Ўзбекистон Республикасида назорат қилинадиган психотроп моддалар ветеринария препаратлари омборларида (базаларида) сейфларда ёки металл шкафларда сақланади. Ишлар тугагандан кейин шкафлар ва кириш эшиги қулфланади, муҳрланади ёки сўрғичланади.
70. Ветеринария дорихоналарида, ветеринария даволаш-профилактика муассасаларида, чорвачилик хўжаликлари ва корхоналарида, ветеринария илмий-тадқиқот муассасаларида ва синов лабораторияларида психотроп моддалар қулфланган металл шкафларда сақланади.
Ветеринария даволаш-профилактика муассасалари, чорвачилик фермалари ҳамда хўжаликлар ва корхоналар бўлимларининг даволовчи ветеринария врачлари ва фельдшерларида психотроп моддалар қулфланадиган шкафда сақланиши мумкин.
Психотроп моддалар сақланадиган шкафлар иш куни тугагандан кейин қулфланиши, муҳрланиши ёки сўрғичланиши керак.
71. Психотроп моддалар учун рецептлар ветеринария даволаш-профилактика муассасаси, хўжалик ёки корхона ветеринария хизмати штампи ва муҳри, уни ёзиб берган врачнинг имзоси мавжуд бўлган, рецептлар лицензияга эга бўлган хусусий равишда ишлайдиган ветеринария врачи томонидан ёзиб берилганда эса — унинг шахсий муҳри, манзили ва телефон рақами мавжуд бўлган рецептура бланкаларига ёзилади. Битта рецептура бланкасига Ўзбекистон Республикасида назоратда бўлган фақат битта психотроп модда унга бўлган ойлик эҳтиёждан ошмайдиган миқдорда ёзиб берилишига рухсат этилади.
72. Таркибида психотроп моддалар бўлган дори-дармон воситалари учун рецептлар ёзиб беришда, ветеринария врачлари психотроп моддаларнинг номини рецептнинг бошига, ундан кейин эса қолган бошқа ингредиентларни ёзиши керак.
73. Ветеринария даволаш-профилактика муассасалари, чорвачилик фермалари, хўжаликлар ва корхоналар бўлимларининг даволовчи ветеринария врачларидаги психотроп моддалар захираси уларга бўлган икки ҳафталик эҳтиёждан ошмаслиги керак.
74. Ветеринария даволаш-профилактика муассасаларида, чорвачилик хўжаликлари ва корхоналарида Ўзбекистон Республикасида назоратда бўлган психотроп моддаларни сақлаш ва даволовчи ветеринария врачларига ва фельдшерларга бериш учун муассаса, хўжалик ёки корхона ветеринария хизмати раҳбари, ветеринария препаратлари омборларида (базаларида), ветеринария дорихоналарида — моддий жавобгар шахс масъул ҳисобланади. Ветеринария илмий-тадқиқот муассасаларида, олий ўқув юртларида ва синов лабораторияларида психотроп моддаларни сақлаш, ҳисобга олиш учун уларнинг раҳбари буйруғи билан тайинланган шахслар масъул ҳисобланади.
75. Психотроп моддалар дорихоналардан қатъий равишда ветеринария врачи рецепти бўйича берилади. Психотроп моддалар учун рецептлар бир ой мобайнида ҳақиқий ҳисобланади.
76. Ўзбекистон Республикасида назоратда бўлган психотроп моддалар учун рецептлар дорихоналарда қолади ва бир йил мобайнида сақланади. Сақлаш муддати тугагандан кейин рецептлар далолатнома тузган ҳолда йўқ қилинади.
77. Дорихонада таркибида психотроп моддалар бўлган дорилар учун рецептларни қабул қилишда касал ҳайвоннинг тури ва ёшини ҳамда дозалашнинг тўғрилигини аниқлаш зарур.
78. Ўзбекистон Республикасида назоратда бўлган психотроп моддалар номерланган, ип ўтказиб тикилган, раҳбарнинг имзоси ва муассаса ёки юқори ташкилот муҳри билан тасдиқланган (мазкур Тартибга 12-илова) махсус дафтарда ашёвий-миқдор бўйича ҳисобда туриши керак. Ҳар ойнинг 1-кунида уларнинг ихтиёридаги мавжуд психотроп моддалар белгиланган тартибда хатловдан ўтказилади ва баланс тузилади. Балансдаги маълумотларда нормадан ортиқча сарфлашлар ёки ўтказилган хатлов натижаси билан баланс маълумотларида номувофиқлик аниқланган тақдирда, дорихона мудири уч кун муддатда бу тўғрида юқори ташкилотга ва ички ишлар органларига хабар беради.
Ўзбекистон Республикасида назоратда бўлган психотроп моддаларни ветеринария фармацевтика ишлаб чиқариш корхоналарида сақлаш, ҳисобга олиш, бериш ва сотиш
79. Ўзбекистон Республикасида назоратда бўлган психотроп моддаларни ва уларни ишлаб чиқаришдаги ярим тайёр маҳсулотлар ветеринария фармацевтика ишлаб чиқариш корхоналарида иш тамом бўлгандан кейин моддий жавобгар шахс томонидан қулфланадиган, муҳрланадиган ёки сўрғичланадиган, алоҳида жиҳозланган хоналарда жойлашган сейфларда ёки металл шкафларда сақланади.
80. Кўрсатиб ўтилган корхоналарда психотроп моддалар ашёвий-миқдор бўйича ҳисобда туриши керак. Ўзбекистон Республикасида назоратда бўлган психотроп моддалар ҳисоби номерланган, корхона раҳбарининг ёки корхона бўйича буйруқ билан ваколатланган лавозимли шахснинг имзоси ва муҳр билан тасдиқланган алоҳида дафтарларда юритилади. Омборларда ҳисобга олиш дафтари мазкур Тартибга 13-иловага мувофиқ шакл бўйича, бўлимларда (цехларда) эса — ишлаб чиқариш жараёнида маҳсулотларни ҳисобга олишнинг белгиланган шакли бўйича юритилади.
81. Ўзбекистон Республикасида назоратда бўлган психотроп моддалар тайёр дори-дармонлар тайёрлаш учун омборлардан корхона раҳбарининг рухсати билан, цех бошлиғининг юк хати бўйича берилади.
IV. Прекурсорларни сақлаш, бериш, ҳисобга олиш ва сотиш тартиби
Ветеринария препаратлари омборларида (базаларида), ветеринария дорихоналарида, лабораторияларда, илмий-тадқиқот муассасаларида, олий ўқув юртларида, даволаш-профилактика муассасаларида, чорвачилик хўжаликлари ва корхоналарида прекурсорларни сақлаш, бериш, ҳисобга олиш ва сотиш
82. Ветеринария препаратлари омборларида (базаларида), ветеринария дорихоналарида, лабораторияларда, илмий-тадқиқот муассасаларида, олий ўқув юртларида, даволаш-профилактика муассасаларида, чорвачилик хўжаликлари ва корхоналарида қўлланиладиган прекурсорлар уларнинг сақланишини таъминлайдиган хоналарда сақланиши керак. Бир қатор агрессив ва тез ўт оладиган прекурсорларни (сирка кислотаси ангидриди, ацетон, этил эфири, хлорид кислота, фенилсирка кислотаси, сульфат кислота, толуолни) сақлашда уларнинг физик-кимёвий хоссалари ҳам ҳисобга олиниши керак.
83. Тайёр доривор воситалар ҳисобланадиган прекурсорлар металл шкафларда сақланиши керак.
84. Лабораторияларда, илмий-тадқиқот муассасаларида прекурсорларни сақлаш, ҳисобга олиш ва улардан оқилона фойдаланиш учун — лаборатория (бўлим) раҳбари, олий ўқув юртларида — кафедра мудири, дорихонада — дорихона мудири, даволаш-профилактика муассасаларида, чорвачилик хўжаликлари ва корхоналарида —муассасанинг ёки хўжалик ёхуд корхона ветеринария хизмати раҳбари масъул ҳисобланади. Омборларда (базаларда) сақлаш учун масъул шахс (омбор мудири) масъул ҳисобланади.
85. Тез ўт оладиган прекурсорлар зич ёпилган, пишиқ шиша ёки металл идишларда сақланади.
86. Прекурсорлар жойланган бутилкалар, баллонлар ва бошқа йирик идишлар баландлиги бўйича бир қаторда стеллаж полкаларида сақланиши керак. Уларни баландлиги бўйича бир неча қаторда сақлаш тақиқланади. Ушбу моддаларни иситиш приборлари ёнида жойлаштиришга йўл қўйилмайди. Стеллаж ёки штабелдан иситувчи элементгача бўлган масофа камида 1 метр бўлиши керак.
87. Тез ўт оладиган суюқликлар лабораторияларда ички томони асбест ёки шишатола билан қопланган металл яшикларда сақланади. Уларнинг ички томонида сақланаётган моддаларнинг лаборатория (бўлим) раҳбари имзолаган рўйхати ёпиштирилган бўлиши керак. Идишларнинг кўпи билан учдан икки қисми суюқлик билан тўлдирилган бўлиши керак. Яшик қопқоғининг ташқи томонида «Тез ўт оладиган суюқлик» ёзуви бўлиши, яшик қулфланиши керак.
88. Тез ўт оладиган прекурсорларни минерал кислоталар (айниқса олтингугурт ва азот кислоталари), қисилган ва суюлтирилган газлар, ёнувчи моддалар (ўсимлик ёғи, олтингугурт, боғлаш материаллари), шунингдек органик моддалар билан биргаликда портловчи аралашмалар (калий хлорат, калий перманганат, калий хромат ва бошқалар) ҳосил қилувчи ноорганик тузлар билан бирга сақлашга йўл қўйилмайди.
89. Прекурсорлар билан ишлашда (қадоқлаш, ташиш, юклаш ва бошқалар) эҳтиёт бўлиш, шунингдек идишнинг ҳолатини, унинг зичлиги ва созлигини доимо кузатиб бориш зарур. Идишда нуқсон ва носозликлар мавжуд бўлганда дарҳол уларни бартараф этиш чоралари кўрилиши ёки ундаги моддалар бошқа нуқсонсиз идишга қайта жойланиши керак.
90. Бочкалар қопқоқларининг фақат урилганда учқун чиқармайдиган юмшоқ металлдан тайёрланган асбоблар билан очилиши ва ёпилишига йўл қўйилади. Бочкаларни юмалатишда ва уларни омборга жойлашда бочкага урилиш ва учқун ҳосил бўлишига йўл қўймаслик учун эҳтиёт бўлиш зарур. Полга тўкилган суюқлик дарҳол йўқотилиши керак.
91. Айрим тез ўт оладиган прекурсорлар (этил эфири ва бошқалар) сақлаш чоғида статик электр ҳосил қилиш хусусиятига эгадир, унинг учқуни суюқликни ёндириши мумкин. Шу сабабли омборда бундай суюқликларни қадоқлаш ёнғиндан сақлаш воситалари билан жиҳозланган алоҳида хоналарда амалга оширилиши лозим. Уларни қуйиш ва металл идишларга жойлашда идишлар ерга тегиб туриши керак.
92. Прекурсорлар жойланган идишлар (штангласлар, тунука барабанлар, шиша идишлар ва бошқалар) ушбу моддалар буғларининг ҳавога тарқалишига йўл қўймаслик учун зич ёпилиши зарур.
93. Этил эфири фабрика идишида, қоронғи, салқин жойда (оловдан ва иситиш приборларидан узоқда) сақланади.
94. Этил эфири билан ишлашда силкинишга, урилишга, ишқаланишга ва шу кабиларга йўл қўйилмайди.
95. Калий перманганатни омборларда махсус бўлмада тунука барабанларда, дорихоналарда эса — тиқинли штангласларда, юқорида қайд этилган воситалардан алоҳида сақлаш лозим. Унинг тез ўт оладиган ва ёнилғи моддалари билан бирга сақланишига йўл қўйилмайди. Калий перманганат жойланган тунука барабанлар ва штангласлар ишқаланишга йўл қўймаган ҳолда, чангдан эҳтиёткорлик билан ўз вақтида тозаланади.
96. Олтингугурт кислотасини сақлашда унинг ёғоч қириндиси, похол ва бошқа органик моддаларга тегиб туришига йўл қўймаслик чораларини кўриш керак.
97. Лаборатория хоналарининг ёнғин хавфсизлигини баҳолаш уларда сақланадиган ва фойдаланиладиган кимёвий моддаларнинг портлаш ва ёнувчанлик хоссаларига асосланади. Лабораторияларда ёнувчан инвентарлар (шкафлар, столлар ва шу кабилар)нинг мавжуд бўлиши уларда алоҳида хавф туғдиради. Бундай хоналар ёнғинга хавфли ҳисобланади, улар ўт ўчиргичлар билан таъминланган бўлиши керак. Ўт ўчиргич лабораториянинг ҳар бир хонасида бўлиши керак. Бундан ташқари, ҳар қайси лабораторияда прекурсорларни сўндиришда фойдаланиладиган қуруқ қум тўлдирилган яшик бўлиши керак.
98. Дорихоналарда табиий перманганатни 5 граммгача ва сульфат кислотанинг 1—6 фоизли эритмасини 250 миллиграммгача миқдорда рецептсиз беришга рухсат этилади.
99. Ветеринария мақсадларида қўлланиладиган бошқа прекурсорлар фақат ветеринария врачи рецептлари бўйича берилиши ҳамда махсус дафтарда ашёвий-миқдор бўйича ҳисобга олиниши, номерланган, ип ўтказиб тикилган, муҳрланган ва ташкилот раҳбари имзоси қўйилган бўлиши керак (ушбу Тартибга 14-илова).
100. Илмий-тадқиқот институтлари, лабораториялар, олий-ўқув юртлари, дорихоналар ва бошқа ташкилотлар омборларида илмий текшириш ва диагностика мақсадларида қўлланиладиган прекурсорлар номерланган, ип ўтказиб тикилган, муҳрланган ва ташкилот раҳбари имзоси қўйилган махсус дафтарда ҳисобга олиниши керак (ушбу Тартибга 15-илова).
101. Ҳар қайси ойнинг 1-кунида прекурсорлар белгиланган тартибда хатловдан ўтказилади ва баланс тузилади. Балансдаги маълумотларда нормадан ортиқча сарфланганлик ёки баланс маълумотларининг ўтказилган хатлов натижаларига номувофиқлиги аниқланган тақдирда муассаса раҳбари улар қайд этилгандан кейин уч кун муддатда бу ҳақда ўзининг юқори ташкилотига ва ички ишлар органларига хабар қилади.
Ветеринария фармацевтика ишлаб чиқариш корхоналарида прекурсорларни сақлаш, ҳисобга олиш ва бериш
102. Ветеринария фармацевтика ишлаб чиқариш корхоналарида прекурсорларни ишлаб чиқариш, сақлаш, фойдаланиш, бериш билан боғлиқ ишларни ташкил этиш амалдаги технологик регламентга, прекурсорнинг мазкур тури бўйича стандартга (ГОСТ, РСТ, ОСТ, ТУ ва СТПга) ҳамда бошқа норматив-техник ҳужжатларга мувофиқ кимёвий ва физик-кимёвий хоссаларга, моддаларнинг хавфлилик даражасига боғлиқ ҳолда амалга оширилади.
103. Прекурсорлар сақланадиган идишлар пломбаланган бўлиши керак.
104. Прекурсорлар ҳисобланадиган кимёвий моддалар ишлаб чиқариладиган ва сақланадиган ишлаб чиқариш хоналари корхона майдончаларида жойлашган бўлиши ҳамда бошқа ишлаб чиқаришлардан норматив ҳужжатларда назарда тутилган масофада ажратилган бўлиши керак.
105. Бир-бирига ўзаро таъсир кўрсатувчи прекурсорларнинг битта омборда бирга сақланишига йўл қўйилмайди. Мазкур прекурсорларни фақат битта омборнинг алоҳида бўлинмаларида (секцияларида) сақлашга рухсат этилади.
106. Ишлаб чиқаришда фойдаланиладиган прекурсорлар омборларда ёки уларнинг сақланишини таъминлайдиган махсус ажратилган хоналарда сақланади. Агар ушбу объектларда ишлар узлуксиз хусусиятга эга бўлса ёки уларнинг фаолияти ноаниқ вақтга тўхтатиб қўйилса корхона раҳбарлари уларни қўриқлаш чораларини кўриши, омборлар эса моддий жавобгар шахс томонидан муҳрлаб қўйилиши керак.
107. Прекурсорларни сақлашда уларнинг портлашига сабаб бўлиши мумкин бўлган чанглар билан ифлосланишига қарши чоралар кўрилиши лозим.
108. Корхона раҳбари прекурсорларни ишлаб чиқариш, сақлаш ва улардан фойдаланишнинг тўғри ташкил этилиши учун масъул ҳисобланади.
109. Корхоналарнинг прекурсорлар сақланадиган омборларида прекурсорнинг ҳар бир тури учун ҳисобга олиш карточкаси юритилиши керак, унда мажбурий тартибда модданинг миқдори, келтирилган санаси, етказиб берувчининг номи, кимга, қачон ва қанча миқдорда берилгани тўғрисидаги маълумотлар акс эттирилади.
110. Омборда барча материаллар, хом ашё, маҳсулотлар рўйхати бўлиши керак. Ашёларни сақловчи идишларнинг ташқи ҳолатини ва упаковкасини (бутунлигини, зичлигини, маркаланганлигини) мунтазам равишда назорат қилиб бориши керак.
111. Ҳар қайси омборда кўринарли жойда ГОСТ 12.4.026 «Сигнал ранглари ва хавфсизлик белгилари»га мувофиқ хавфсизлик белгилари, омборда сақланадиган материалларни жойлашда хавфсизлик техникаси бўйича йўриқнома, ушбу материалларни жойлаш ва сақлаш билан боғлиқ бахтсиз ҳодисалар чоғида биринчи ёрдам кўрсатиш бўйича йўриқнома осиб қўйилган бўлиши керак.
112. Хом ашё ва маҳсулотларни сақлаш учун майдончалар ёғин-сочинлардан ва қуёш нурларининг бевосита таъсиридан ҳимояланган бўлиши, юриладиган қисми сатҳидан камида 15 см баландликда бўлиши ҳамда суюқликлар, ёғин-сочинлар ва оқова сувларнинг эркин оқиб келишини чеклайдиган қурилмалар билан жиҳозланган бўлиши керак.
113. Кислоталар сақланадиган омбор бошқа материаллар омборларидан алоҳида жойлашган бўлиши керак. Кислоталарнинг ертўлаларда сақланишига йўл қўйилмайди. Кислоталар омборларини шамоллатиш учун табиий вентиляциядан фойдаланилади.
114. Барча омбор майдончаларига эркин кириб бориш таъминланган бўлиши керак.
115. Хом ашё ва тайёр маҳсулотни махсус майдончаларда идишларда сақлаш ҳар қайсисида кўпи билан 100 та идиш бўлган гуруҳлар ҳолида амалга оширилади, гуруҳлар ўртасидаги оралиқ 1 метрдан кам бўлмаслиги керак. Ҳар қайси гуруҳда муайян турдаги маҳсулот сақланиши лозим.
116. Сақлаш жараёнида прекурсорларнинг ҳолати устидан доимий назорат ўрнатилиши керак.
117. Саноат корхоналари цехларида прекурсорларни ҳисобга олиш белгиланган тартибда иш дафтарларида — ҳар сменада, цехнинг техник ҳисоботларида — ҳар ойда, йил натижаси бўйича — ҳар чоракда юритилади. Техник ҳисоботларда тасдиқланган нормалар бўйича сарфланиш ва ҳисобот давридаги прекурсор сарфи акс эттирилади.
V. Махсус дафтарларни юритиш ва сақлаш тартиби
Гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ операцияларни рўйхатдан ўтказиш махсус дафтарларини юритиш ва сақлаш
118. Ветеринарияда гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолиятни амалга оширувчи юридик шахслар мажбурий тартибда рўйхатдан ўтказиш дафтарини юритишади.
119. Юридик шахслар рўйхатдан ўтказиш дафтаридаги ёзувлар асосида белгиланган тартибда гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ ўз фаолияти тўғрисида маълумотлар тақдим этишади.
120. Рўйхати Ўзбекистон Республикаси Вазирлар Маҳкамасининг 2000 йил 31 июлдаги 293-сон қарори билан тасдиқланган гиёҳвандлик воситалари, психотроп моддалар, прекурсорларнинг муомалада бўлиши билан боғлиқ фаолиятни амалга оширишдаги ҳар қандай операциялар рўйхатдан ўтказиш дафтарида қайд этилиши керак.
121. Рўйхатдан ўтказиш дафтарининг шакли юридик шахс раҳбари томонидан тасдиқланади. Рўйхатдан ўтказиш дафтарида юридик шахс фаолияти хусусиятларини ҳисобга олувчи ва ушбу Тартибда назарда тутилган барча зарур маълумотларни акс эттирувчи устунлар бўлади.
122. Юридик шахс раҳбари рўйхатдан ўтказиш дафтарини, шу жумладан таркибий бўлинмаларда ва филиалларда сақланиши учун масъул бўлган, зиммасига рўйхатдан ўтказиш дафтарининг юритилиши ва сақланишини назорат қилиш юкланадиган шахсларни тайинлайди.
123. Рўйхатдан ўтказиш дафтари ип ўтказиб боғланган, раҳбарнинг имзоси ва юридик шахснинг муҳри қўйилган, унинг саҳифалари номерланган бўлиши керак.
124. Рўйхатдан ўтказиш дафтаридаги ёзувлар унинг юритилиши ва сақланиши учун масъул бўлган шахс томонидан, бевосита ҳар қайси операциядан кейин хронологик тартибда, мазкур операциянинг бажарилганлигини тасдиқловчи ҳужжатлар асосида амалга оширилади (рўйхатдан ўтказиш дафтарининг алоҳида устунида ушбу ҳужжатларнинг номи, тартиб рақами ва санаси кўрсатилади).
Кўрсатиб ўтилган ҳужжатлар ёки уларнинг белгиланган тартибда тасдиқланган нусхалари алоҳида папкага тикилади, у рўйхатдан ўтказиш дафтари билан бирга сақланади.
125. Рўйхатдан ўтказиш дафтарида гиёҳвандлик воситалари, психотроп моддалар ва прекурсорларнинг номи Ўзбекистон Республикаси Вазирлар Маҳкамаси томонидан тасдиқланган гиёҳвандлик воситалари, психотроп моддалар ва прекурсорларнинг рўйхатларига мувофиқ равишда белгиланган тартибда кўрсатилади, қавсларда эса — улар юридик шахс томонидан олинган фирманинг номи қайд этилади.
126. Рўйхатдан ўтказиш дафтаридаги ёзувларнинг тартиб рақами календарь йил доирасида ортиб борувчи тартиб рақамлари бўйича амалга оширилади.
Янги рўйхатдан ўтказиш дафтаридаги ёзувларнинг тартиб рақами тўлган дафтардаги охирги тартиб рақамидан кейинги рақамдан бошланади.
Рўйхатдан ўтказиш дафтарининг жорий календарь йилда фойдаланилмаган саҳифаларидан навбатдаги календарь йилда фойдаланилади. Бунда ёзувларнинг тартиб рақами 1 рақамидан бошланади.
127. Рўйхатдан ўтказиш дафтаридаги ҳар бир ёзув унинг юритилиши ва сақланиши учун масъул бўлган шахснинг имзоси билан, унинг фамилияси, исми ва отасининг исми кўрсатилган ҳолда тасдиқланади.
128. Рўйхатдан ўтказиш дафтаридаги тузатишлар унинг юритилиши ва сақланиши учун масъул бўлган шахс имзоси билан тасдиқланади.
Рўйхатдан ўтказиш дафтарида ўчириб ёзишларга ва тасдиқланмаган тузатишларга йўл қўйилмайди.
129. Рўйхатдан ўтказиш дафтари шкафда сақланади, унинг калити дафтарнинг юритилиши ва сақланиши учун масъул бўлган шахсда туради.
Тўлган рўйхатдан ўтказиш дафтари белгиланган тартибда сақланади.
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
1-ИЛОВА
психотроп моддалар ва прекурсорлардан
фойдаланиш тартибига
1-ИЛОВА
Ветеринария препаратлари омборлари (базалари)даги гиёҳвандлик воситаларини ҳисобга олиш
дафтари
|
________________________________________________________________________________________________________ | |||||||||||
| Воститанинг номи _____________________________ | | ||||||||||
| Ўлчов бирлиги ________________________________ | | ||||||||||
|
Ой |
Ой бошига қолдиқ |
КИРИМ |
Бутун ой бўйича қолдиқ билан бирга кирим |
ЧИҚИМ |
Бир ойдаги жами чиқим |
Қолдиқ |
Моддий жавобгар шахснинг имзоси | ||||
|
Кимдан олинган |
Ҳужжатнинг рақами ва санаси |
миқдори |
Кимга берилди |
Ҳужжатнинг рақами ва сана |
Миқдори | ||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|
|
|
|
|
|
|
|
|
|
|
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
2-ИЛОВА
психотроп моддалар ва прекурсорлардан
фойдаланиш тартибига
2-ИЛОВА
Ветеринария препаратлари омборлари (базалари)даги гиёҳвандлик воситаларига махсус доринома бланкаларини ҳисобга олиш
журнали
|
________________________________________________________________________________________________________ | |||||||||||
| Воситанинг номи _____________________________ | | ||||||||||
| Ўлчов бирлиги ________________________________ | | ||||||||||
|
Т/р |
КИРИМ |
ЧИҚИМ |
Қолдиқ | ||||||||
|
Тушган санаси |
Қаердан олинган ҳужжатнинг рақами |
Бланкаларнинг умумий сони |
Серия рақами |
Миқдори |
Берилган санаси |
Серия рақами |
Миқдори |
Кимга берилган, Ф.И.О |
Олган шахснинг имзоси | ||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|
|
|
|
|
|
|
|
|
|
|
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
3-ИЛОВА
психотроп моддалар ва прекурсорлардан
фойдаланиш тартибига
3-ИЛОВА
Ветеринария дорихоналарида гиёҳвандлик воситаларини ҳисобга олиш
дафтари
| Доривор воситанинг номи _________________________________ | |||||||||||||||||||
|
Моддий жавобгар шахс____________________________________(ФИ.О.) | |||||||||||||||||||
|
Ой |
1-кунга қолдиқ |
КИРИМ |
ЧИҚИМ |
Дафтарда қайд этилган қолдиқ | |||||||||||||||
|
Ҳужжатнинг рақами ва санаси |
Миқдори |
Бутун ой бўйича қолдиқ билан бирга кирим |
Чиқим турлари |
1 |
2 |
3 |
4 |
5 |
6 |
7 |
8 |
9 |
10 |
ва ҳоказо |
Ҳар бир тур бўйича алоҳида бир ойдаги чиқим |
Чиқим турлари бўйича бир ойдаги жами чиқим | |||
| Январь | | | | |
Амбулатория дориномалари бўйича даволаш-профилактика муассасаларига хўжаликлар ва корхоналарнинг ветеринария хизматларига, дорихоналарнинг бўлимларига |
| | | | | | | | | | | | | |
|
(Моддий жавобгар шахснинг имзоси) | |||||||||||||||||||
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
4-ИЛОВА
психотроп моддалар ва прекурсорлардан
фойдаланиш тартибига
4-ИЛОВА
Олдинги таҳрирга қаранг.
Ўзбекистон Республикаси Ветеринария ва чорвачиликни ривожлантириш давлат қўмитасига тақдим этиладиган ветеринария препаратлари омборлари (базалари)дан, ветеринария дорихоналаридан, даволаш-профилактика ветеринария муассасаларидан, хўжаликлар ва корхоналардан гиёҳвандлик воситалари, психотроп моддалар ва прекурсорларнинг талон-торож қилиниши ва ўғирланиши тўғрисидаги навбатдан ташқари
МАЪЛУМОТ
(4-илова номи Ўзбекистон Республикаси Вазирлар Маҳкамасининг 2019 йил 27 июндаги 532-сонли қарори таҳририда — Қонун ҳужжатлари маълумотлари миллий базаси, 28.06.2019 й., 09/19/532/3344-сон)
|
№ |
Нима ҳақида маълумот берилмоқда |
Маълумотнинг мазмуни |
Маълумотни ким тақдим этмоқда |
Тақдим этиш тартиби |
| |
Ветеринария препаратлари омборлари (базалари)дан, ветеринария дорихоналаридан, даволаш-профилактика ветеринария муассасаларидан, хўжаликлар ва корхоналардан гиёҳвандлик воситалари, психотроп моддалар ва прекурсорларнинг талон-торож қилиниши ва ўғирланиши тўғрисида билдириш |
Муассасанинг номи ва унинг манзили. Гиёҳвандлик моддалари сақланишини таъминлайдиган махсус воситалар мавжудлиги (қўриқлаш сигнализацияси, идорадан ташқари қўриқлаш, соқчи орқали қўриқлаш, қўриқлаш йўқ). Бинонинг тавсифи (намунавий лойиҳа бўйича қурилган, мослаштирилган бино, ғишт бино, ёғоч бино). Гиёҳвандлик воситаларини сақлаш усуллари (махсус жиҳозланган жойда, сейфда, металл жавонда ва бошқаларда) бинонинг деразаларида панжара бор-йўқлиги (ҳа, йўқ). Ўғирлик содир этилган сана, жиноятчиларнинг бинога кириш усуллари, ўғирланган гиёҳвандлик воситалари, психотроп моддалар ва прекурсорларнинг номи ҳамда уларнинг сони, ўғирлик тўғрисида ички ишлар органларига хабар берилган сана |
Давлат ветеринария хизмати ҳудудий органи раҳбари |
Билдиришнома Ўзбекистон Республикаси Соғлиқни сақлаш вазирлигига ички ишлар бошқармасининг ҳудудий органларига хабар бериш нусхаси илова қилинган ҳолда юборилади. |
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
5-ИЛОВА
психотроп моддалар ва прекурсорлардан
фойдаланиш тартибига
5-ИЛОВА
Ветеринария мақсадлари учун доривор гиёҳвандлик воситаларига махсус доринома бланкаси
шакли
|
ТАРКИБИДА ГИЁҲВАНД МОДДА МАВЖУД БЎЛГАН ВЕТЕРИНАРИЯ ПРЕПАРАТИНИ ОЛИШ ҲУҚУҚИНИ БЕРУВЧИ ДОРИНОМА | |||
|
ZZ № XXXXXX | |||
|
АЛОҲИДА |
Rp.___________________________________________________________________________________________________________________________________________________________________________________________________________________________________________________________________________________________________________________________________________________________________ |
ДОРИХОНАДА ҚОЛАДИ | |
| Қўлланилиши | _________________________ | ||
| Ҳайвоннинг эгаси | _________________________ | ||
| Ҳайвоннинг тури ва жинс-ёш гуруҳи, тартиб рақами | _________________________ | ||
| Ветеринар врач | _________________________ | ||
| |
(Имзо ва фамилия тушунарли ёзилсин) | ||
| | |||
| М.Ў. | |||
|
Сиёҳ билан тўлдирилади | |||
|
Тузатишларга йўл қўйилмайди | |||
| | | ||
| | | ||
Изоҳ: Бланка пушти ранг сув қоғозда тайёрланади.
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
6-ИЛОВА
психотроп моддалар ва прекурсорлардан
фойдаланиш тартибига
6-ИЛОВА
| Бланканинг орқа томони | | | | |
| |
______-сон ВЕТЕРИНАРия дорихонаси |
| ||
|
_____________________________________________________________________________________________ | ||||
|
Сана |
Модданинг номи |
Миқдори |
Тарозида тортдим ва бердим (фамилия ва имзо) |
Олдим ва тайёрладим (фамилия ва имзо) |
|
| | | |
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
7-ИЛОВА
психотроп моддалар ва прекурсорлардан
фойдаланиш тартибига
7-ИЛОВА
| «ТАСДИҚЛАЙМАН» Раҳбар Имзо Муҳр 200 __ й. «____» _______________ |
| |
|
Гиёҳвандлик воситалари ва психотроп моддаларга | ||
| |
ДАЛОЛАТНОМАСИ |
|
| Қуйидаги таркибдаги комиссия (камида 3 киши) Ф.И.О., лавозими |
| |
| Йил, кун, ой | | |
| Гиёҳвандлик воситалари ва психотроп моддаларга дориномаларни йўқ қилдим: | ||
|
Серия рақами |
Миқдори (ёзув билан) | |
| | | |
| | | |
| | | |
| | | |
| | | |
| Дориномалар ёқиш йўли билан йўқ қилинди. | ||
| Комиссия аъзоларининг имзолари: | | |
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
8-ИЛОВА
психотроп моддалар ва прекурсорлардан
фойдаланиш тартибига
8-ИЛОВА
Даволаш-профилактика муассасалари, чорвачилик фермалари ҳамда хўжаликлар ва корхоналар бўлимларининг даволовчи ветеринария врачлари ва фельдшерларидаги гиёҳвандлик воситаларини ҳисобга олиш
дафтари
| Воситаларнинг номи___________________________________ | ||||||||
| Ўлчов бирлиги ________________________________________ | ||||||||
|
КИРИМ |
ЧИҚИМ |
Қолдиқ |
Имзо | |||||
|
Олинган санаси |
Қаердан олинган ва ҳужжатнинг рақами |
Миқдори |
Ф.И.О., имзо |
Берилган санаси |
Касал ҳайвон эгасининг Ф.И.О., жинс-ёш гуруҳи, инвентарь рақами, № 2-вет шаклидаги журналда рўйхатдан ўтказиш рақами |
Миқдори | ||
|
1 |
2 |
3 |
4 |
5 |
6 |
7 |
8 |
9 |
|
| | | | | | | |
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
9-ИЛОВА
психотроп моддалар ва прекурсорлардан
фойдаланиш тартибига
9-ИЛОВА
Гиёҳвандлик воситаларига махсус доринома бланкаларини ҳисобга олиш
журнали
|
Т/р |
КИРИМ |
ЧИҚИМ |
Қолдиқ | ||||||||
|
Ҳужжат тушган сана |
Қаердан олинган ва ҳужжатнинг рақами |
Бланкаларнинг умумий сони |
Серия рақами |
Миқдори |
Берилган вақти |
Серия рақами |
Миқдори |
Кимга берилди (ветеринар |
Олувчи шахснинг имзоси | ||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|
|
|
|
|
|
|
|
|
|
|
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
10-ИЛОВА
психотроп моддалар ва прекурсорлардан
фойдаланиш тартибига
10-ИЛОВА
Текшириш учун қабул қилинаётган гиёҳвандлик воситаларини ҳисобга олиш
дафтари
| Номи __________________________ | ||||||||||
| Ўлчов бирлиги __________________ | ||||||||||
|
КИРИМ |
БЕРИЛДИ |
ЧИҚИМ | ||||||||
|
Тушган санаси |
Ҳужжат-нинг рақами, кимдан олинган |
Серия/ёки намуна рақами |
Миқдори |
Миқдори ва текшириш учун текширувчига берилган сана ва текширув-чининг имзоси |
Текши-риш учун сарф-ланган восита миқдори |
Текшириш бажарилган сана ва текши-рувчининг имзоси |
Текши-риш натижаси |
Текши-ришдан қолган қолдиқ |
Текши-ришдан қолган қолдиқни омборга бериш ёки йўқ қилиш тўғрисида-ги қайд |
Лаборато-рия мудири имзоси |
|
1 |
2 |
3 |
4 |
5 |
6 |
7 |
8 |
9 |
10 |
11 |
|
| | | | | | | | | |
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
11-ИЛОВА
психотроп моддалар ва прекурсорлардан
фойдаланиш тартибига
11-ИЛОВА
Ветеринария илмий-текшириш муассасалари, олий ўқув юртлари ва синов лабораторияларида гиёҳвандлик воситаларини ҳисобга олиш
дафтари
| Номи ___________________ | |||||||||
| Ўлчов бирлиги ______________ | |||||||||
|
КИРИМ |
ЧИҚИМ |
Қолдиқ | |||||||
|
Олинган санаси |
Қаердан олинган ва ҳужжатнинг рақами |
Миқдори |
Моддий жавобгар шахснинг Ф.И.О ва имзоси |
Берилган сана |
Кимга берилган, нимага сарфланган |
Миқдори |
Имзо | ||
|
Бердим |
Олдим | ||||||||
|
1 |
2 |
3 |
4 |
5 |
6 |
7 |
8 |
9 |
10 |
| |
| | | | | | | | |
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
12-ИЛОВА
психотроп моддалар ва прекурсорлардан
фойдаланиш тартибига
12-ИЛОВА
Ветеринария дорихоналарида психотроп моддаларни ҳисобга олиш
дафтари
| Доривор воситанинг номи _______________________________ | |||||||||||||||||||
|
Моддий жавобгар шахс ____________________________________ |
| ||||||||||||||||||
|
Ой |
1-кунга қолдиқ |
КИРИМ |
ЧИҚИМ |
Дафтардаги қолдиқ | |||||||||||||||
|
Ҳужжатнинг рақами ва сана |
Миқдори |
Қолдиқ билан бирга бир ойдаги жами кирим |
чиқим турлари |
1 |
2 |
3 |
4 |
5 |
6 |
7 |
8 |
9 |
10 |
ва ҳоказо |
Ҳар бир тур бўйича алоҳида бир ойдаги чиқим |
Чиқим турлари бўйича бир ойда жами | |||
|
Январь |
|
|
|
|
Амбулатория дориномалари бўйича |
|
|
|
|
|
|
|
|
|
|
|
|
|
|
|
(Моддий жавобгар шахснинг имзоси) | |||||||||||||||||||
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
13-ИЛОВА
психотроп моддалар ва прекурсорлардан
фойдаланиш тартибига
13-ИЛОВА
Ветеринария препаратлари ва фармацевтика ишлаб чиқариш корхоналарининг омборлари (базалари)даги психотроп моддаларни ҳисобга олиш
дафтари
|
________________________________________________________________________________________________________ | |||||||||||
| Модданинг номи ___________________________ Ўлчов бирлиги _____________________________ | |||||||||||
|
Ой |
Ой бошига қолдиқ |
КИРИМ |
Қолдиқ билан бирга бир ойдаги жами кирим |
ЧИҚИМ |
Бир ойдаги жами чиқим |
Қолдиқ |
Моддий жавобгар шахснинг имзоси | ||||
|
Кимдан олинган |
Ҳужжат-нинг рақами ва сана |
Миқдори |
Кимга берилган |
Ҳужжат-нинг рақами ва сана |
Миқ-дори | ||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|
|
|
|
|
|
|
|
|
|
|
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
14-ИЛОВА
психотроп моддалар ва прекурсорлардан
фойдаланиш тартибига
14-ИЛОВА
Ветеринария дорихоналарида прекурсорларни ҳисобга олиш
дафтари
| Доривор воситанинг номи _______________________________ | |||||||||||||||||||
|
Моддий жавобгар шахс ____________________________________ |
| ||||||||||||||||||
|
Ой |
1-кунга қолдиқ |
КИРИМ |
ЧИҚИМ |
Дафтардаги қолдиқ | |||||||||||||||
|
Ҳужжатнинг рақами ва сана |
Миқдори |
Қолдиқ билан бирга бир ойдаги жами кирим |
чиқим турлари |
1 |
2 |
3 |
4 |
5 |
6 |
7 |
8 |
9 |
10 |
ва ҳоказо |
Ҳар бир тур бўйича алоҳида бир ойдаги чиқим |
Чиқим турлари бўйича бир ойда жами | |||
|
Январь |
|
|
|
|
|
|
|
|
|
|
|
|
|
|
|
|
|
|
|
|
(Моддий жавобгар шахснинг имзоси) | |||||||||||||||||||
Ветеринарияда гиёҳвандлик воситалари,
психотроп моддалар ва прекурсорлардан
фойдаланиш тартибига
15-ИЛОВА
психотроп моддалар ва прекурсорлардан
фойдаланиш тартибига
15-ИЛОВА
Илмий, таҳлил ва ташхис лабораторияларида қўлланиладиган прекурсорларни ҳисобга олиш
дафтари
|
________________________________________________________________________________________________________ | |||||||||||
| Модданинг номи ___________________________ Ўлчов бирлиги _____________________________ | |||||||||||
|
Ой |
Ой бошига қолдиқ |
КИРИМ |
Қолдиқ билан бирга бир ойдаги жами кирим |
ЧИҚИМ |
Бир ойдаги жами чиқим |
Қолдиқ |
Моддий жавобгар шахснинг имзоси | ||||
|
Кимдан олинган |
Ҳужжат-нинг рақами ва сана |
Миқдори |
Кимга берилган |
Ҳужжат-нинг рақами ва сана |
Миқдори | ||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|
|
|
|
|
|
|
|
|
|
|
(Ўзбекистон Республикаси қонун ҳужжатлари тўплами, 2003 й., 17-18-сон, 147-модда; 2017 й., 33-сон, 857-модда; Қонун ҳужжатлари маълумотлари миллий базаси, 28.06.2019 й., 09/19/532/3344-сон; Қонунчилик маълумотлари миллий базаси, 04.06.2021 й., 09/21/345/0522-сон)
