|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
Тошкент давлат университетининг 75 йиллиги тўғрисида
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Таълим фан тизимини ривожлантиришда, республика учун юқори малакали мутахассислар тайёрлашда Тошкент давлат университети катта ҳисса қўшганлигини ҳисобга олиб ҳамда жамиятнинг маънавий ҳаётида, ёшлар тарбиясида, мустақил Ўзбекистоннинг ақл-заковат имкониятлари шаклланишида университетнинг тутган ўрнига катта аҳамият бериб, шунингдек, 1995 йил сентябрь ойида университет ташкил топганлигига 75 йил тўлиши муносабати билан Вазирлар Маҳкамаси қарор қилади:
1. 1995 йил сентябрь ойида республика ва хорижий мамлакатларнинг илмий жамоатчилиги, таълим ходимлари, маданият арбоблари жалб қилинган ҳолда Тошкент давлат университети ташкил топганлигининг 75 йиллигига бағишланган юбилей тадбирлари ўтказилсин.
2. Тошкент давлат университетининг 75 йиллик юбилейини тайёрлаш ва ўтказиш бўйича ташкилот қўмитасининг таркиби 1-иловага мувофиқ тасдиқлансин.
3. Ташкилот қўмитаси бир ой муддатда Тошкент давлат университетининг 75 йиллигига бағишланган юбилей тадбирлари дастурини ишлаб чиқсин ва тасдиқласин, унда қуйидагилар назарда тутилсин:
Тошкент, Нукус шаҳарларида, вилоят марказларида университетлар негизида Тошкент давлат университетининг етакчи олимлари ва ижодкор зиёлилар иштирокида тантанали йиғилишлар ва илмий конференциялар ўтказиш;
Фанлар академияси билан биргаликда университет таълими ва фанининг мустақил Ўзбекистон давлати ҳаётидаги аҳамиятига бағишланган халқаро илмий конференция ўтказиш;
талабаларда масъулият ҳиссини, ўз Ватанидан ғурурланиш ва унга муҳаббат туйғуларини шакллантириш мақсадида уларнинг таниқли олимлар, устоз — муаллимлар, маданият ва санъат арбоблари билан учрашувларини ўтказишга оид тадбирлар мажмуи;
Тошкент давлат университетининг 75 йиллик юбилейига бағишланган махсус расмли китоб чиқариш.
4. Тошкент давлат университети ташкил топганлигининг 75 йиллигига бағишланган эсдалик нишони таъсис этилсин.
Олий ва ўрта махсус таълим вазирлиги бир ой муддатда эсдалик нишонининг эскизи ва моделини тайёрласин.
«Маҳаллий саноат» давлат корпорацияси Олий ва ўрта махсус таълим вазирлигининг буюртманомаси бўйича эсдалик нишонини тайёрласин.
5. Ташкилот қўмитаси ва Ўзбекистон Республикаси Олий ва ўрта махсус таълим вазирлигининг буюртманомаларига мувофиқ:
«Ўзбекистон ҳаво йўллари» миллий авиакомпанияси, Ўрта Осиё Темир йўл бошқармаси юбилей тадбирлари қатнашчиларига транспорт хизмати кўрсатилишини таъминласинлар;
«Ўзавтотранс» давлат корпорацияси юбилей тадбирлари қатнашчилари бўлган делегацияларга хизмат кўрсатиш учун автомобиль транспорти ажратилишини назарда тутсин.
6. Тошкент шаҳар ҳокимлиги:
юбилей тадбирлари қатнашчилари жойлаштирилишини;
Тошкент давлат университетининг сметаси ва маблағлари ҳисобига университет ўқув биноларининг олд томонини тузатиш, университетга туташиб кетган ҳудудни ободонлаштириш бўйича ишлар бажарилишини таъминласин.
7. «Ўзбекмебель» давлат-акционерлик бирлашмаси Ўзбекистон Республикаси Олий ва ўрта махсус таълим вазирлигининг буюртманомаси бўйича Тошкент давлат университети учун 1994-1995 йилларда ўқув-лаборатория мебели етказиб берилишини таъминласин.
8. «Ўзистиқболстат» давлат қўмитаси, Ўзбекистон Республикаси Молия вазирлиги Олий ва ўрта махсус таълим вазирлигига 1995 йилдан бошлаб Тошкент давлат университети биология факультети биносининг иккинчи навбати қурилишига 2-иловага мувофиқ сармоя қўйилмалари ажратилишини ва унинг маблағ билан таъминланишини назарда тутсинлар.
9. Ўзбекистон Республикаси Молия вазирлиги:
1995 йилги бюджет истиқболини белгилашда Тошкент давлат университетининг юбилей тадбирларини тайёрлаш ва ўтказиш учун Ўзбекистон Республикаси Олий ва ўрта махсус таълим вазирлигига зарур маблағлар ажратилишини назарда тутсин;
1994 йилда Ўзбекистон Республикаси Олий ва ўрта махсус таълим вазирлигига Тошкент давлат университетининг ўқув бинолари ва ётоқхоналарини мукаммал тузатиш ва жиҳозлашга аниқ мақсадларга мўлжалланган 1 млрд сўм купон ажратсин.
Республика валюта фонди харажатлари прогнозларида 1995-1996 йилларда Тошкент давлат университетига компьютер техникаси сотиб олиш учун 300 минг АҚШ доллари ажратишни назарда тутсин.
10. Ўзбекистон Республикаси Молия вазирлиги ва Марказий банки Олий ва ўрта махсус таълим вазирлигининг 1995 йилда Тошкент давлат университетига ўқув-илмий ускуналар ва даврий илмий журналлар харид қилиш учун Россия рублларини ажратиш тўғрисидаги таклифларини кўриб чиқсинлар.
11. Ўзбекистон Республикаси Давлат телевидение ва радиоэшиттириш компанияси, газеталар ва журналлар таҳририятлари Олий ва ўрта махсус таълим вазирлиги ва Тошкент давлат университети ректорати билан биргаликда Тошкент давлат университети юбилейга тайёргарлик кўришнинг қандай бораётганлигини ва юбилей тадбирлари ўтказилишини кенг ёритсинлар.
12. Ўзбекистон Республикаси Олий ва ўрта махсус таълим вазирлиги юбилей тадбирларига тайёргарлик кўриш ва уни ўтказиш ҳамда Тошкент давлат университети объектлари қурилишининг бориши тўғрисида йилнинг ҳар чорагида Вазирлар Маҳкамасига ахборот берсин.
13. Мазкур қарорнинг бажарилишини назорат қилиш Бош вазирнинг ўринбосари М.Қ. Қорабоев зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1994 йил 3 май,
235-сон
Вазирлар Маҳкамасининг 1994 йил 3 майдаги 235-сонли қарорига
1-ИЛОВА
1-ИЛОВА
Тошкент давлат университетининг 75 йиллик юбилейига тайёргарлик кўриш ва ўтказиш бўйича
ТАШКИЛОТ ҚЎМИТАСИ
| О.У. Салимов | — | Ўзбекистон Республикаси Олий ва ўрта махсус таълим вазири, ташкилот қўмитаси раиси |
| Т.Ж. Жўраев | — | Тошкент давлат университети ректори, ташкилот қўмитаси раисининг ўринбосари |
|
Ташкилот қўмитаси аъзолари | ||
| Ш.Ю. Абдуллаев | — | Ўзбекистон Республикаси молия вазирининг ўринбосари |
| А. Орипов | — | Ўзбекистон Республикаси халқ шоири |
| Ш. Болабеков | — | «Ёшлик» талабалар шаҳарчаси ҳокими |
| Х.Г. Жўраев | — | Ўзбекистон Республикаси Президентининг Давлат маслаҳатчиси |
| П.Х. Носиров | — | «Ўзистиқболстат» давлат қўмитаси раисининг ўринбосари |
| М.С. Салоҳитдинов | — | Ўзбекистон Республикаси Фанлар академиясининг Президенти |
| Т.А. Саримсоқов | — | академик |
| У.А. Усмонов | — | Ўзбекистон Республикаси олий ва ўрта махсус таълим вазирининг ўринбосари |
| А.И. Фозилбеков | — | Тошкент шаҳар ҳокими |
| Э.Ҳ. Ҳайитбоев | — | Ўзбекистон Республикаси Маданият ишлари вазири |
| Ю.Ш. Шодиметов | — | Ўзбекистон Республикаси Вазирлар Маҳкамасининг ижтимоий масалалар, фан ва маданият бўлими мудири |
| Г.Ш. Шоғуломов | — | Ўзбекистон Республикаси Давлат матбуот қўмитаси раиси |
| Ж.Г. Йўлдошев | — | Ўзбекистон Республикаси халқ таълими вазири |
| Г.Н. Юсупбеков | — | Ўзбекистон Республикаси Фан ва техника давлат қўмитаси раиси |
| Ш.Г. Яҳёев | — | «Ўздавтелерадио» компанияси раиси |
Вазирлар Маҳкамасининг 1994 йил 3 майдаги 235-сонли қарорига
2-ИЛОВА
2-ИЛОВА
Тошкент давлат университетининг 1994 — 2000 йилларда қуриладиган объектлари
|
(млн сўм-купон) | |||||
|
Объектнинг номи |
Қурилишнинг бошланиш ва тугалланиш йили |
Қурилишнинг 1991 йил нархларидаги смета қиймати |
Лойиҳа қуввати |
Смета қийматининг 1991 йил нархларидаги қолдиғи |
Буюртмачи |
| Биология фақультети биносининг иккинчи навбати |
1995 |
3,2 |
5,5 |
3,2 |
Олий ва ўрта махсус таълим вазирлиги |
