|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
Шиша идишлар ишлаб чиқариш заводи қурилишини тугаллаш ва фойдаланишга топширишга оид қўшимча чора-тадбирлар тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Жаҳон стандартларига жавоб берадиган шиша идишлар ишлаб чиқаришни таъминлаш, мана шу асосда рақобатбардошли мева-сабзавот ва вино-ароқ маҳсулотлари ишлаб чиқариш ҳажмини кўпайтириш, тармоқнинг экспорт салоҳиятини кенгайтириш, шунингдек шиша идишлар заводи қурилишини тугаллаш ва фойдаланишга топшириш мақсадида Вазирлар Маҳкамаси қарор қилади:
1. «Ўзвиносаноат-холдинг» ХКнинг «Asl Oyna» ОАЖ (Тошкент шаҳри) устав фондининг 80 фоизи миқдоридаги ўзига тегишли акцияларини харидор томонидан қуйидагилар бўйича инвестиция мажбуриятлари қабул қилиниши шарти билан «Mehnat» (Тошкент вилояти) агрофирмаси МЧЖга номинал қиймати бўйича сотиш тўғрисидаги таклифига розилик берилсин:
1-иловага* мувофиқ жадвалга биноан шиша идишлар заводи қурилишини тугаллаш ва уни 2009 йил август ойида фойдаланишга топшириш учун 6,8 млрд сўм маблағни инвестиция қилиш;
2010 йилга бориб сифатли шиша идиш ишлаб чиқариш ҳажмини бир йилда 124,6 млн шиша идишга, тайёр маҳсулот экспортини — ишлаб чиқариш ҳажмининг 50 фоизигача етказиш ва 190 та иш ўрни ташкил этиш;
2 ва 3-иловаларга* мувофиқ жадвалларга биноан Ўзбекистон Республикаси Ташқи иқтисодий фаолият миллий банкининг кредити ва «Ўзвиносаноат-холдинг» ХКнинг қарзи қайтарилишини таъминлаш.
2. Ўзбекистон Республикаси Ташқи иқтисодий фаолият миллий банки:
«Asl Oyna» ОАЖнинг 21,9 млн евро суммасидаги кредит бўйича ва 2,95 млн евро суммасидаги ҳисобланган фоизлар бўйича мажбуриятларини 10 йил муддатга реструктуризация қилсин, кредит реструктуризация қилинган пайтда ҳосил бўлган муддати ўтказиб юборилган асосий қарзга фоизлар ҳисобланмайдиган 3 йиллик имтиёзли давр ҳам шу жумлага киради;
хорижий банкка бўлажак тўловларнинг етишмаётган қисми бўйича шаклланган захира ҳисобига ҳақ тўланишини таъминласин, кейинчалик улар 2-иловага* мувофиқ жадвалга биноан «Mehnat» агрофирмаси МЧЖ томонидан қайтарилади.
3. Белгилаб қўйилсинки, «Mehnat» агрофирмаси МЧЖ учун «Asl Oyna» ОАЖдан сотиб олинадиган акцияларга мулкчилик ҳуқуқи:
шиша идишлар заводи учун инвестициялар киритилгандан, 1-иловадаги жадвалга мувофиқ уни қуриш ҳамда саноат йўли билан ишга тушириш амалга оширилгандан;
«Ўзвиносаноат-холдинг» Холдинг компаниясининг қарзи 3-иловага мувофиқ узилгандан кейин бошланади.
* 1 — 3-иловалар рус тилидаги матнда берилган.
4. Мазкур қарорнинг бажарилишини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2008 йил 20 ноябрь,
251-сон
