ЎЗБЕКИСТОН РЕСПУБЛИКАСИ МОЛИЯ ВАЗИРИНИНГ
буйруғи
Суғурталовчининг, суғурта брокерининг ҳамда улар алоҳида бўлинмаларининг раҳбарига ва бош бухгалтерига қўйиладиган малака талаблари тўғрисидаги Низомни тасдиқлаш ҳақида
[Ўзбекистон Республикаси Адлия вазирлиги томонидан 2013 йил 30 майда рўйхатдан ўтказилди, рўйхат рақами 2462]
Ўзбекистон Республикасининг «Суғурта фаолияти тўғрисида»ги Қонуни (Ўзбекистон Республикаси Олий Мажлисининг Ахборотномаси, 2002 й., 4-5-сон, 68-модда) ва Ўзбекистон Республикаси Президентининг 2010 йил 26 ноябрдаги ПҚ–1438-сонли «2011 — 2015 йилларда республика молия-банк тизимини янада ислоҳ қилиш ва барқарорлигини ошириш ҳамда юқори халқаро рейтинг кўрсаткичларига эришишнинг устувор йўналишлари тўғрисида»ги қарорига (Ўзбекистон Республикаси қонун ҳужжатлари тўплами, 2010 й., 48-сон, 442-модда) мувофиқ буюраман:
1. Суғурталовчининг, суғурта брокерининг ҳамда улар алоҳида бўлинмаларининг раҳбарига ва бош бухгалтерига қўйиладиган малака талаблари тўғрисидаги низом иловага мувофиқ тасдиқлансин.
2. Ўзбекистон Республикаси молия вазирининг 2008 йил 11 июндаги 61-сонли «Суғурталовчининг (суғурта брокерининг) раҳбарига ва бош бухгалтерига қўйиладиган малака талаблари тўғрисидаги низомни тасдиқлаш ҳақида»ги буйруғи (рўйхат рақами 1827, 2008 йил 18 июнь) (Ўзбекистон Республикаси қонун ҳужжатлари тўплами, 2008 й., 24-25-сон, 241-модда) ўз кучини йўқотган деб ҳисоблансин.
3. Мазкур буйруқ расмий эълон қилинган кундан эътиборан кучга киради.
Вазир Р. АЗИМОВ
Тошкент ш.,
2013 йил 30 апрель,
42-сон
Ўзбекистон Республикаси молия вазирининг 2013 йил 30 апрелдаги 42-сонли буйруғига
ИЛОВА
ИЛОВА
Суғурталовчининг, суғурта брокерининг ҳамда улар алоҳида бўлинмаларининг раҳбарига ва бош бухгалтерига қўйиладиган малака талаблари тўғрисидаги
Мазкур Низом Ўзбекистон Республикасининг «Суғурта фаолияти тўғрисида»ги Қонуни (Ўзбекистон Республикаси Олий Мажлисининг Ахборотномаси, 2002 й., 4-5-сон, 68-модда) ва Ўзбекистон Республикаси Президентининг 2010 йил 26 ноябрдаги ПҚ–1438-сонли «2011 — 2015 йилларда республика молия-банк тизимини янада ислоҳ қилиш ва барқарорлигини ошириш ҳамда юқори халқаро рейтинг кўрсаткичларига эришишнинг устувор йўналишлари тўғрисида»ги қарорига (Ўзбекистон Республикаси қонун ҳужжатлари тўплами, 2010 й., 48-сон, 442-модда) мувофиқ суғурталовчининг, суғурта брокерининг ҳамда улар алоҳида бўлинмаларининг раҳбарига ва бош бухгалтерига қўйиладиган малака талабларини белгилайди.
1-боб. Умумий қоидалар
1. Мазкур Низомда қуйидаги асосий тушунчалардан фойдаланилади:
Олдинги таҳрирга қаранг.
суғурталовчининг (суғурта брокерининг) раҳбари — қонунчилик ҳужжатлари ва суғурталовчининг (суғурта брокерининг) таъсис ҳужжатларига мувофиқ тайинланиши ёки сайланиши натижасида, тузилган меҳнат шартномасига асосан суғурталовчининг (суғурта брокерининг) ягона ижро этувчи органи бўлиб ҳисобланадиган ёки суғурталовчининг (суғурта брокерининг) коллегиал ижро этувчи органи устидан бошқарадиган жисмоний шахс;
(1-банднинг иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
суғурталовчининг (суғурта брокерининг) алоҳида бўлинмасининг раҳбари — тайинланиши натижасида, тузилган меҳнат шартномаси ва берилган ишончномага асосан суғурталовчининг (суғурта брокерининг) алоҳида бўлинмасининг ягона ижро этувчи органи бўлиб ҳисобланадиган жисмоний шахс;
суғурталовчининг (суғурта брокерининг) бош бухгалтери — суғурталовчининг (суғурта брокерининг) бухгалтерия ҳисоби ва молиявий бошқаруви функцияларини амалга оширувчи, бухгалтерия ҳисобини юритишни ҳамда моддий ва молиявий ресурсларни оқилона, тежамкорлик билан ишлатилишини назорат қилишни таъминлайдиган жисмоний шахс;
суғурталовчининг (суғурта брокерининг) алоҳида бўлинмасининг бош бухгалтери — суғурталовчининг (суғурта брокерининг) алоҳида бўлинмасининг бухгалтерия ҳисоби ва молиявий бошқаруви функцияларини амалга оширувчи, бухгалтерия ҳисобини юритишни ҳамда моддий ва молиявий ресурсларни оқилона, тежамкорлик билан ишлатилишини назорат қилишни таъминлайдиган жисмоний шахс;
алоҳида бўлинма — суғурталовчининг (суғурта брокерининг) Қорақалпоғистон Республикаси, вилоятлар ва Тошкент шаҳридаги филиали (ваколатхонаси).
2. Суғурталовчиларнинг, суғурта брокерларининг ҳамда улар алоҳида бўлинмаларининг раҳбарлари ва бош бухгалтерлари лавозимларига тавсия этилаётган номзодлар (бундан буён матнда номзодлар деб юритилади) мазкур Низомда белгиланган малака талабларига мос келган тақдирда тайинланади (сайланади).
Олдинги таҳрирга қаранг.
3. Суғурталовчи (суғурта брокери) Ўзбекистон Республикаси Истиқболли лойиҳалар миллий агентлиги (бундан буён матнда Истиқболли лойиҳалар миллий агентлиги деб юритилади) номзоднинг мазкур Низомда белгиланган малака талабларига мос келишини тасдиқловчи ҳужжатларни у суғурталовчининг, суғурта брокерининг ҳамда улар алоҳида бўлинмаларининг раҳбари ва бош бухгалтери лавозимларига тайинланишидан (сайланишидан) аввал тақдим этишга мажбур.
(3-банд Ўзбекистон Республикаси адлия вазирининг 2024 йил 25 декабрдаги 34-мҳ-сонли буйруғи (рўйхат рақами 3595, 27.12.2024 й.) таҳририда — Қонунчилик маълумотлари миллий базаси, 28.12.2024 й., 10/24/3595/1086-сон)
4. Суғурталовчининг алоҳида бўлинмаларининг штатдаги сони 2 тадан кам бўлмаслиги лозим (суғурталовчининг алоҳида бўлинмасининг раҳбари ва бош бухгалтери).
5. Суғурталовчининг, суғурта брокерининг ҳамда улар алоҳида бўлинмаларининг раҳбари ва бош бухгалтерининг бўш ўринлари 3 ой муддат ичида бутланиши лозим.
2-боб. Малака талаблари
6. Суғурталовчининг (суғурта брокерининг) раҳбари қуйидаги малака талабларига мос келиши лозим:
Олдинги таҳрирга қаранг.
а) Ўзбекистон Республикаси олий таълим муассасаларида олинган олий маълумотга ёки хорижий давлатларнинг таълим муассасаларида олинган, ҳамда қонунчилик ҳужжатларига мувофиқ, Ўзбекистон Республикасида тан олинган олий маълумотга эга бўлиши;
(6-банднинг «а» кичик банди Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
б) суғурта соҳасида 3 йилдан кам бўлмаган иш стажига эга бўлиши (суғурта агенти сифатидаги, шунингдек ёрдамчи, техник ва хизмат кўрсатувчи ходимлар лавозимларидаги иш стажи ҳисобга олинмайди);
в) қуйидаги йўналишлардаги билимларга эга бўлиши:
Ўзбекистонда демократик жамият қуриш назарияси ва амалиёти;
Олдинги таҳрирга қаранг.
суғурта фаолияти тўғрисидаги қонунчилик ҳужжатлари.
(6-банднинг «в» кичик банди учинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
7. Суғурталовчининг (суғурта брокерининг) бош бухгалтери қуйидаги малака талабларига мос келиши лозим:
Олдинги таҳрирга қаранг.
а) Ўзбекистон Республикаси олий таълим муассасаларида олинган олий (бухгалтерлик, молиявий, иқтисодий) маълумотга ёки хорижий давлатларнинг таълим муассасаларида олинган, ҳамда қонунчилик ҳужжатларига мувофиқ, Ўзбекистон Республикасида тан олинган олий (бухгалтерлик, молиявий, иқтисодий) маълумотга эга бўлиши;
(7-банднинг «а» кичик банди Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
б) бухгалтер сифатида 4 йилдан кам бўлмаган иш стажига эга бўлиши, шундан суғурта соҳасида бухгалтер сифатида 2 йилдан кам бўлмаган иш стажига эга бўлиши;
в) қуйидаги йўналишлардаги билимларга эга бўлиши:
Олдинги таҳрирга қаранг.
суғурта фаолияти тўғрисидаги қонунчилик ҳужжатлари;
(7-банднинг «в» кичик банди иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
Олдинги таҳрирга қаранг.
бухгалтерия ҳисоби тўғрисидаги қонунчилик ҳужжатлари.
(7-банднинг «в» кичик банди учинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
8. Суғурталовчининг (суғурта брокерининг) алоҳида бўлинмасининг раҳбари қуйидаги малака талабларига мос келиши лозим:
Олдинги таҳрирга қаранг.
а) Ўзбекистон Республикаси олий таълим муассасаларида олинган олий маълумотга ёки хорижий давлатларнинг таълим муассасаларида олинган, ҳамда қонунчилик ҳужжатларига мувофиқ, Ўзбекистон Республикасида тан олинган олий маълумотга эга бўлиши;
(8-банднинг «а» кичик банди Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
б) суғурта соҳасида 1 йилдан кам бўлмаган иш стажига эга бўлиши (суғурта агенти сифатидаги, шунингдек ёрдамчи, техник ва хизмат кўрсатувчи ходимлар лавозимларидаги иш стажи ҳисобга олинмайди).
9. Суғурталовчининг (суғурта брокерининг) алоҳида бўлинмасининг бош бухгалтери қуйидаги малака талабларига мос келиши лозим:
Олдинги таҳрирга қаранг.
а) Ўзбекистон Республикаси олий таълим муассасаларида олинган олий (бухгалтерлик, молиявий, иқтисодий) маълумотга ёки хорижий давлатларнинг таълим муассасаларида олинган, ҳамда қонунчилик ҳужжатларига мувофиқ, Ўзбекистон Республикасида тан олинган олий (бухгалтерлик, молиявий, иқтисодий) маълумотга эга бўлиши;
(9-банднинг «а» кичик банди Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
б) бухгалтер сифатида 1 йилдан кам бўлмаган иш стажига эга бўлиши.
10. Суғурталовчининг, суғурта брокерининг ҳамда улар алоҳида бўлинмаларининг раҳбари (бош бухгалтери) этиб, раҳбар (бош бухгалтер) томонидан амалга оширилган ҳаракатлар юридик шахсни банкротликка ёки уни мажбурий тугатиш тўғрисида суд томонидан қарор чиқарилишига олиб келганлиги бўйича маълумотлар мавжуд бўлган ҳолларда, банкрот деб топилган ёки суд томонидан уни мажбурий тугатиш тўғрисидаги қарор чиқарилган пайтгача 1 йил мобайнида юридик шахснинг раҳбари (бош бухгалтери) бўлиб ҳисобланган шахс тайинланиши (сайланиши) мумкин эмас.
3-боб. Номзодларнинг малака талабларига мос келишини аниқлаш
Олдинги таҳрирга қаранг.
11. Суғурталовчи (суғурта брокери) Истиқболли лойиҳалар миллий агентлигига қуйидаги ҳужжатларни тақдим этади:
(11-банднинг биринчи хатбошиси Ўзбекистон Республикаси адлия вазирининг 2024 йил 25 декабрдаги 34-мҳ-сонли буйруғи (рўйхат рақами 3595, 27.12.2024 й.) таҳририда — Қонунчилик маълумотлари миллий базаси, 28.12.2024 й., 10/24/3595/1086-сон)
мазкур Низомнинг иловасига мувофиқ келтирилган шакл бўйича тўлдирилган анкета;
Олдинги таҳрирга қаранг.
олий маълумот тўғрисидаги дипломнинг иш жойида тасдиқланган нусхаси ёки олий маълумот тўғрисидаги хорижий ҳужжатнинг тан олиш тўғрисида ваколатли давлат органи гувоҳномасининг иш жойида тасдиқланган нусхаси (хорижий давлатларнинг таълим муассасаларида олинган олий маълумот мавжуд бўлган тақдирда);
(11-банднинг учинчи хатбошиси Ўзбекистон Республикаси молия вазирининг 2020 йил 13 августдаги 37-сонли буйруғи (рўйхат рақами 2462-1, 25.08.2020 й.) таҳририда — Қонун ҳужжатлари маълумотлари миллий базаси, 25.08.2020 й., 10/20/2462-1/1221-сон)
меҳнат дафтарчасининг иш жойида тасдиқланган нусхаси. Ўриндошлик бўйича меҳнат стажи мавжуд бўлган тақдирда, бу ҳақда меҳнат дафтарчасида қайд қилинган бўлиши лозим.
Кўрсатилган ҳужжатлар бир нусхада тақдим қилинади.
Олдинги таҳрирга қаранг.
12. Номзоднинг мазкур Низом билан белгиланган малака талабларига мос келишини аниқлаш учун Истиқболли лойиҳалар миллий агентлиги томонидан Комиссия ташкил этилади.
(12-банд Ўзбекистон Республикаси адлия вазирининг 2024 йил 25 декабрдаги 34-мҳ-сонли буйруғи (рўйхат рақами 3595, 27.12.2024 й.) таҳририда — Қонунчилик маълумотлари миллий базаси, 28.12.2024 й., 10/24/3595/1086-сон)
Олдинги таҳрирга қаранг.
13. Суғурталовчининг (суғурта брокерининг) раҳбарлари ва бош бухгалтерлари лавозимларига тавсия этилаётган номзодлар мазкур Низом билан белгиланган малака талабларига мос келиши тақдим этилган ҳужжатларни кўриб чиқиш ва номзодлар билан суҳбат ўтказиш йўли билан аниқланади. Номзодлар билан суҳбат Истиқболли лойиҳалар миллий агентлиги томонидан тасдиқланган ва Истиқболли лойиҳалар миллий агентлигининг веб-сайтида жойлаштирилган саволнома асосида ўтказилади.
(13-банднинг биринчи хатбошиси Ўзбекистон Республикаси адлия вазирининг 2024 йил 25 декабрдаги 34-мҳ-сонли буйруғи (рўйхат рақами 3595, 27.12.2024 й.) таҳририда — Қонунчилик маълумотлари миллий базаси, 28.12.2024 й., 10/24/3595/1086-сон)
Суғурталовчининг (суғурта брокерининг) алоҳида бўлинмаларининг раҳбари ва бош бухгалтери лавозимларига тавсия этилаётган номзодлар мазкур Низом билан белгиланган малака талабларига мос келиши тақдим этилган ҳужжатларни кўриб чиқиш орқали аниқланади.
14. Комиссия раис, раис ўринбосари ва камида учта аъзодан иборат бўлади, шу жумладан котиб.
Олдинги таҳрирга қаранг.
Комиссияси таркибига Истиқболли лойиҳалар миллий агентлиги ходимлари киритилади.
(14-банднинг иккинчи хатбошиси Ўзбекистон Республикаси адлия вазирининг 2024 йил 25 декабрдаги 34-мҳ-сонли буйруғи (рўйхат рақами 3595, 27.12.2024 й.) таҳририда — Қонунчилик маълумотлари миллий базаси, 28.12.2024 й., 10/24/3595/1086-сон)
Олдинги таҳрирга қаранг.
15. Комиссия тўғрисидаги низом ва унинг шахсий таркиби Истиқболли лойиҳалар миллий агентлиги директорининг буйруғи билан тасдиқланади.
(15-банднинг биринчи хатбошиси Ўзбекистон Республикаси адлия вазирининг 2024 йил 25 декабрдаги 34-мҳ-сонли буйруғи (рўйхат рақами 3595, 27.12.2024 й.) таҳририда — Қонунчилик маълумотлари миллий базаси, 28.12.2024 й., 10/24/3595/1086-сон)
Комиссия, Комиссиянинг 50 фоиздан кам бўлмаган таркибда Комиссия раиси ёки раис ўринбосарининг мажбурий иштирокида йиғилишларни ўтказишга ҳақлидир.
16. Комиссия иши йиғилиш шаклида амалга оширилади ва баённомалар билан расмийлаштирилади. Баённомалар Комиссия раиси томонидан тасдиқланади (у бўлмаган тақдирда эса — унинг ўринбосари томонидан) ва йиғилишларда иштирок этган Комиссия аъзолари томонидан имзоланади.
Олдинги таҳрирга қаранг.
17. Комиссиянинг ишини ташкил этиш масалалари бўйича Комиссия котиби тайинланади.
(17-банд Ўзбекистон Республикаси молия вазирининг 2020 йил 13 августдаги 37-сонли буйруғи (рўйхат рақами 2462-1, 25.08.2020 й.) таҳририда — Қонун ҳужжатлари маълумотлари миллий базаси, 25.08.2020 й., 10/20/2462-1/1221-сон)
18. Тақдим этилган ҳужжатлар ишчи органга келиб тушган кундан бошлаб 2 кун муддатда Комиссияга кўриб чиқиш учун киритилади.
Комиссия 10 кун муддатда тақдим этилган ҳужжатларни кўриб чиқади (суҳбат ўтказади) ва номзоднинг мазкур Низом билан белгиланган малака талабларга мос келиши ёки мос келмаслиги ҳақида қарор қабул қилади.
19. Мазкур Низомнинг 11-бандида кўрсатилган ҳужжатлар тақдим этилмаган ва/ёки ўрнатилган тартибда расмийлаштирилмаган ҳолда тақдим этилган тақдирда (улардан бири ёки бир нечтаси), тақдим этилган ҳужжатлар суғурталовчи (суғурта брокери) барча зарур ҳужжатларни ўрнатилган тартибда расмийлаштирилган ҳолда тақдим этмагунига қадар Комиссияга кўриб чиқиш учун киритилмайди, бу ҳақда ишчи орган 2 кун муддатда суғурталовчини (суғурта брокерини) ёзма равишда огоҳлантиради.
4-боб. Якуний қоидалар
Олдинги таҳрирга қаранг.
20. Номзодлар мазкур Низомда белгиланган малака талабларига мос келган тақдирда, Истиқболли лойиҳалар миллий агентлиги бу ҳақда суғурталовчига (суғурта брокерига) Комиссия қарор қабул қилган кундан бошлаб 3 кун муддатда ёзма равишда хабар беради.
(20-банд Ўзбекистон Республикаси адлия вазирининг 2024 йил 25 декабрдаги 34-мҳ-сонли буйруғи (рўйхат рақами 3595, 27.12.2024 й.) таҳририда — Қонунчилик маълумотлари миллий базаси, 28.12.2024 й., 10/24/3595/1086-сон)
Олдинги таҳрирга қаранг.
21. Номзодлар мазкур Низомда белгиланган малака талабларига мос келмаган тақдирда, Истиқболли лойиҳалар миллий агентлиги бу ҳақда суғурталовчига (суғурта брокерига) мос келмаганлик сабабларини кўрсатган ҳолда Комиссия томонидан қарор қабул қилинган кундан бошлаб 3 кун муддатда ёзма равишда хабар беради.
(21-банд Ўзбекистон Республикаси адлия вазирининг 2024 йил 25 декабрдаги 34-мҳ-сонли буйруғи (рўйхат рақами 3595, 27.12.2024 й.) таҳририда — Қонунчилик маълумотлари миллий базаси, 28.12.2024 й., 10/24/3595/1086-сон)
Олдинги таҳрирга қаранг.
22. Суғурталовчи (суғурта брокери) мазкур Низом талабларини бузган тақдирда, суғурталовчига (суғурта брокерига) қонунчилик ҳужжатларига мувофиқ чоралар кўрилади.
(22-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
Олдинги таҳрирга қаранг.
23. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгарликка тортиладилар.
(23-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)
Суғурталовчининг, суғурта брокерининг ҳамда улар алоҳида бўлинмаларининг раҳбарига ва бош бухгалтерига қўйиладиган малака талаблари тўғрисидаги низомга
ИЛОВА
ИЛОВА
Олдинги таҳрирга қаранг.
| ____________________________________________ |
Фотосурат | ||||||||
|
(суғурталовчининг (суғурта брокерининг) номи | |||||||||
| | | | | | | | | ||
| ____________________________________________ | |||||||||
|
(лавозимнинг тўлиқ номи)) | |||||||||
| | |||||||||
| | |||||||||
|
лавозимига тавсия этилаётган номзод |
| | |||||||
| | |||||||||
|
Биринчи қисм. Анкетани тўлдириш қоидалари |
| | |||||||
| | |||||||||
|
Анкетанинг барча саволларига тўлиқ ва аниқ жавоблар берилиши, ҳамда анкетанинг бирор қисми тўлдирилмасдан қолмаслиги шарт. Ҳатто битта тўлдирилмай қолган қисмининг мавжудлиги, бутун анкетанинг тўлиқ тўлдирилмаганлигини англатади ва у суғурталовчига (суғурта брокерига) қайтарилади. Зарур бўлган тақдирда, тўлиқ маълумот келтириш учун анкетага қўшимча варақлар илова қилиниши мумкин. | |||||||||
|
Анкетага сўнгги 6 ой мобайнида қилинган 3 х 4 ўлчамида рангли фотосурат бириктирилади. | |||||||||
| Иккинчи қисм. Анкета | ||
| | ||
| 1. Анкета тўлдирувчининг шахси тўғрисидаги маълумотлар | ||
| | ||
|
Код |
Саволлар |
Жавоблар |
|
1. |
Фамилияси | |
|
2. |
Исми | |
|
3. |
Отасининг исми | |
|
4. |
Аввалги фамилияси (агар фамилия ўзгарган бўлса) | |
|
5. |
Туғилган йили | |
|
6. |
Туғилган жойи | |
|
7. |
Паспорт рақами ва серияси | |
|
8. |
Яшаш жой манзили | |
|
9. |
Телефон рақамлари (уй, иш, уяли алоқа) | |
| | ||
|
2. Охирги 10 йил мобайнида иш билан таъминланганлиги тўғрисидаги маълумотлар (маълумотлар ҳар бир | ||
| | ||
| Код |
Саволлар |
Жавоблар |
| 10. | Ташкилот номи | |
| 11. |
Ташкилотнинг анкета тўлдирувчига маълум бўлган охирги манзили |
|
| 12. | Лавозим (лавозимлар) | |
| 13. | Иш даври |
«___» _________ йилдан |
| 14. | Иш билан таъминланганлик тавсифи (керагини белгиланг) | а) меҳнат шартномаси бўйича; б) якка тартибдаги тадбиркор; в) ишламаган. |
|
«б» ва «в» бандлари бўйича батафсил маълумот |
| |
| | ||
|
3. Маълумоти тўғрисидаги маълумотлар (фақат олий таълим муассасаларидаги таълим кўрсатилади, | ||
| Код |
Саволлар |
Жавоблар |
| 15. | Олий таълим муассасасининг номи | |
| 16. | Ушбу муассасанинг анкета тўлдирувчига маълум бўлган охирги манзили | |
| 17. | Таълим шакли (керагини белгиланг) | а) кундузги; б) сиртқи; в) кечки. |
| 18. | Кирган сана | |
| 19. | Ўқишни якунлаган сана | |
| 20. | Олган даражаси | |
| 21. | Олган мутахассислиги | |
| 22. | Таълим муассасасида ўқишни якунлаганлиги тўғрисидаги диплом ёки бошқа ҳужжат серияси ва рақами | Серияси _______ Рақами ________ |
| 23. | Агар анкета тўлдирувчи ушбу таълим муассасасида ўқишни якунламаган бўлса, сабабини кўрсатинг | |
|
4. Қўшимча маълумотлар | ||
| | ||
| Код |
Саволлар |
Жавоблар |
| 24. |
Анкета тўлдирувчи у томонидан амалга оширилган ҳаракатлар юридик шахсни банкротликка ёки уни мажбурий тугатиш тўғрисида |
а) йўқ; б) ҳа. |
| «б» жавоби белгиланган тақдирда, ташкилот номи ва анкета тўлдирувчининг лавозимини кўрсатинг | | |
| Мен: ушбу анкетада келтирилган маълумотлар ҳақиқийлиги ва тўлиқлигини; ушбу анкетани тўлдириш қоидалари билан танишганлигимни тасдиқлайман | ||
| Анкета тўлдирувчининг тўлиқ фамилияси, исми, отасининг исми |
| |
| Анкета тўлдирувчининг имзоси | | |
| Имзо санаси | | |
| Анкета тўлдирувчи менинг ҳузуримда анкетанинг ҳар бир варағини ўз қўли билан имзолаганлигини тасдиқлайман. |
| |
| Суғурталовчининг (суғурта брокерининг) масъул ходимининг тўлиқ фамилияси, исми, отасининг исми | ||
| Суғурталовчининг (суғурта брокерининг) масъул ходимининг имзоси | ||
| Имзо санаси | ||
| | ||
| | | |
(илова Ўзбекистон Республикаси молия вазирининг 2020 йил 13 августдаги 37-сонли буйруғи (рўйхат рақами 2462-1, 25.08.2020 й.) таҳририда — Қонун ҳужжатлари маълумотлари миллий базаси, 25.08.2020 й., 10/20/2462-1/1221-сон)
(Ўзбекистон Республикаси қонун ҳужжатлари тўплами, 2013 й., 22-сон, 296-модда; Қонун ҳужжатлари маълумотлари миллий базаси, 25.08.2020 й., 10/20/2462-1/1221-сон; Қонунчилик маълумотлари миллий базаси, 30.11.2021 й., 10/21/3338/1117-сон; 28.12.2024 й., 10/24/3595/1086-сон)
