Норасмий таржима

Ўзбекистон Республикаси Вазирлар Маҳкамасининг

қарори

Ўзбекистон Республикаси Давлат рақобат қўмитаси ҳудудий органларини жойлаштириш тўғрисида

Ўзбекистон Республикаси Давлат рақобат қўмитаси ҳудудий органлари фаолиятини самарали ташкил этиш мақсадида Вазирлар Маҳкамаси қарор қилади:

1. Ўзбекистон Республикаси Давлат рақобат қўмитаси ҳудудий органлари 1-иловага мувофиқ бинолар ва хоналарда жойлаштирилсин.

2. Мулкий комплекслар тегишли давлат органларининг оператив бошқарув ҳуқуқи асосида 2-иловага мувофиқ бепул берилсин.

3. Ўзбекистон Республикаси Давлат рақобат қўмитаси, Иқтисодиёт вазирлиги ва Молия вазирлигининг қуйидагиларни амалга ошириш тўғрисидаги таклифига розилик берилсин:

«Қишлоққурилишбанк» АТБга Тошкент шаҳри, А. Навоий кўчаси, 18А-уй манзилида жойлашган мулкий комплексни мустақил баҳоловчи ташкилот томонидан аниқланган қийматда тўғридан-тўғри шартнома асосида;

мулкий комплекс ва асосий воситалар учун белгиланган тартибда 3-иловага мувофиқ реализация қилиш.

4. Белгилансинки, қуйидагиларнинг сотилишидан тушган маблағлар:

Тошкент шаҳри, А. Навоий кўчаси, 18А-уй манзилида жойлашган бинолар ва иншоотлардан тушган маблағлар, Ўзбекистон Республикаси Давлат рақобат қўмитаси ихтиёрида қоладиган маблағлардан ташқари, тўлиқ ҳажмда Ўзбекистон Республикаси Давлат бюджетига ўтказилади, кўрсатилган маблағлар Ўзбекистон Республикаси Молия вазирлиги томонидан «Қишлоққурилишбанк» АТБнинг қўшимча чиқариладиган акцияларини номинал қийматда сотиб олишга мақсадли йўналтирилади;

3-иловада кўрсатилган мулкий комплекс ва асосий воситалардан тушган маблағлар Давлат рақобат қўмитаси ва унинг ҳудудий органларида таъмирлаш-қурилиш ишларини олиб бориш ҳамда моддий-техника базасини мустаҳкамлашга мақсадли фойдаланиш учун Давлат рақобат қўмитаси ихтиёрида қолади.

5. Ўзбекистон Республикаси Давлат рақобат қўмитаси икки ой муддатда мазкур қарорнинг 2 ва 3-иловаларида кўрсатилган мулкий комплексларни қабул қилиш-топшириш ва сотишни ташкил этиш бўйича чора-тадбирларни амалга оширсин.

6. Мазкур қарор ижросини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклатилсин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2013 йил 11 апрель,

104-сон

Вазирлар Маҳкамасининг 2013 йил 11 апрелдаги 104-сон қарорига
1-ИЛОВА

Давлат рақобат қўмитаси ҳудудий органлари жойлашган бинолар ва хоналар

Т/р	Давлат рақобат қўмитаси ҳудудий органи	Манзил
1.	Қорақалпоғистон Республикаси Хусусийлаштирилган корхоналарга кўмаклашиш ва рақобатни ривожлантириш қўмитаси	Қорақалпоғистон Республикаси, Нукус ш., А. Темур кўчаси, 112 «А» уй
2.	Андижон вилояти ҳудудий бошқармаси	Андижон вилояти, Андижон ш. А. Навоий кўчаси, 30-уй
3.	Бухоро вилояти ҳудудий бошқармаси	Бухоро вилояти, Бухоро, Мустақиллик кўчаси, 10-уй
4.	Жиззах вилояти ҳудудий бошқармаси	Жиззах вилояти, Жиззах шаҳри, Ш. Рашидов кўчаси, 63-уй
5.	Қашқадарё вилояти ҳудудий бошқармаси	Қашқадарё вилояти, Қарши ш., А. Темур кўчаси, 43-уй
6.	Навоий вилояти ҳудудий бошқармаси	Навоий вилояти, Навоий ш., П. Очилов кўчаси, 24-уй
7.	Наманган вилояти ҳудудий бошқармаси	Наманган вилояти, Наманган ш., А. Навоий кўчаси, 72-уй
8.	Самарқанд вилояти ҳудудий бошқармаси	Самарқанд вилояти, Самарқанд ш., Мир Саид Барака кўчаси, 49-уй
9.	Сурхондарё вилояти ҳудудий бошқармаси	Сурхондарё вилояти, Термиз ш., М. Қошғарий кўчаси, 36 «А» уй
10.	Сирдарё вилояти ҳудудий бошқармаси	Сирдарё вилояти, Гулистон ш., 3-массив, Ўзбекистон кўчаси, 3-уй
11.	Тошкент вилояти ҳудудий бошқармаси	Тошкент ш., Мустақиллик кўчаси, 107-уй, 1-қават
12.	Фарғона вилояти ҳудудий бошқармаси	Фарғона вилояти, Фарғона шаҳри, А. Навоий кўчаси, 17-уй
13.	Хоразм вилояти ҳудудий бошқармаси	Хоразм вилояти, Урганч шаҳри, Ал-Хоразмий кўчаси, 23-уй, 3-қават
14.	Тошкент шаҳар ҳудудий бошқармаси	Тошкент ш., А. Темур кўчаси, 16 «а» уй

Вазирлар Маҳкамасининг 2013 йил 11 апрелдаги 104-сон қарорига
2-ИЛОВА

Тегишли давлат органларига оператив бошқарув ҳуқуқи асосида бепул бериладиган мулкий комплекслар

Т/р	Мулкий комплекснинг балансда сақловчисининг номи	Жойлашган жойи	Қабул қилувчи органлар	Фойдаланиш мақсади
1.	Тугатилган Монополиядан чиқариш ва рақобатни ривожлантириш давлат қўмитаси Қорақалпоғистон Республикаси қўмитаси	Қорақалпоғистон Республикаси, Нукус ш., А. Темур кўчаси, 129 «А» уй	Қорақалпоғистон Республикаси Вазирлар Кенгаши	Қорақалпоғистон Республикаси Ички ишлар вазирлиги ҳузуридаги Қўриқлаш бўлимини жойлаштириш
2.	Тугатилган Монополиядан чиқариш ва рақобатни ривожлантириш давлат қўмитасининг Бухоро вилояти ҳудудий бошқармаси	Бухоро вилояти, Бухоро ш., Ғиждувон кўчаси, 17-уй	Ўзбекистон Республикаси Адлия вазирлиги	Бухоро вилояти адлия бошқармаси бўлинмаларини жойлаштириш *
3.	Тугатилган Монополиядан чиқариш ва рақобатни ривожлантириш давлат қўмитасининг Қашқадарё вилояти ҳудудий бошқармаси	Қашқадарё вилояти, Қарши ш., Ўзбекистон кўчаси, 184-уй	Қашқадарё вилояти ҳокимлиги	Солиқ, валюта жиноятларига қарши курашиш ва жиноий даромадларни легаллаштиришга қарши курашиш Қашқадарё вилояти департаментини жойлаштириш
4.	Тугатилган Давлат мулки қўмитасининг Наманган вилояти ҳудудий бошқармаси	Наманган вилояти, Наманган ш., Банковская кўчаси, 9-уй	Ўзбекистон Республикаси Давлат архитектура ва қурилиш қўмитаси	«ЎзГАШКЛИТИ» ДУКнинг Устав фондига маъмурий бино сифатида фойдаланиш учун топшириш
5.	Тугатилган Давлат мулки қўмитасининг Самарқанд вилояти ҳудудий бошқармаси	Самарқанд вилояти, Самарқанд ш., Бўстонсарой кўчаси, 85 «А» уй	Ўзбекистон Республикаси Давлат божхона қўмитаси	Давлат божхона қўмитасининг Самарқанд вилояти ҳудудий бошқармасини жойлаштириш **
6.	Тугатилган Давлат мулки қўмитасининг Хоразм вилояти ҳудудий бошқармаси	Хоразм вилояти, Урганч ш., Ал-Хоразмий кўчаси, 30-уй	Хоразм вилояти ҳокимлиги	Хоразм тарихи ва маданияти музейини жойлаштириш

* Бухоро вилояти адлия бошқармаси ҳисоб рақамидан Бухоро вилояти ҳокимлигининг «Ягона буюртмачи хизмати» инжиниринг компанияси ҳисоб рақамига Бухоро шаҳридаги «Бахт уйи» объекти қурилиши учун илгари йўналтирилган 344,0 млн сўм миқдоридаги маблағлар Бухоро вилояти ҳокимлигининг хайрия эҳсони деб ҳисоблансин, ушбу маблағлар 2013 йил давомида Бухоро шаҳри, Мустақиллик кўчаси, 10-уй манзилида жойлашган Давлат рақобат қўмитасининг Бухоро вилояти ҳудудий бошқармаси биносида таъмирлаш-қурилиш ишларини амалга оширишга мақсадли йўналтирилсин.

** Кейинчалик режим чоралари ва хавфсизликни таъминлаш мақсадида асосий бинога туташган қўшимча иморат бузиб ташлаш шарти билан.

Вазирлар Маҳкамасининг 2013 йил 11 апрелдаги 104-сон қарорига
3-ИЛОВА

Давлат рақобат қўмитаси томонидан сотиладиган мулкий комплекслар ва асосий воситалар

рўйхати

Т/р	Реализация қилинадиган мулк	Жойлашган жойи
1.	Тугатилган Монополиядан чиқариш ва рақобатни ривожлантириш давлат қўмитаси Сурхондарё вилояти ҳудудий бошқармасининг мулкий комплекси	Сурхондарё вилояти, Термиз ш., Н. Хўжаев кўчаси, 5-уй
2.	Тугатилган Монополиядан чиқариш ва рақобатни ривожлантириш давлат қўмитаси биносидаги мебель, инвентарь ва ускуналар*	Тошкент ш., А. Навоий кўчаси, 18А-уй

* «Қишлоққурилишбанк» АТБ томонидан мустақил баҳоловчи ташкилот томонидан аниқланган қиймат бўйича тўғридан-тўғри шартнома асосида сотилади.