Ҳужжат кучини йўқотган " " 21.11.2020
Ўзбекистон Республикаси Вазирлар Маҳкамасининг
қарори
УМИДСИЗ СОЛИҚ ҚАРЗИНИ ҲИСОБДАН ЧИҚАРИШ ТАРТИБИ ТЎҒРИСИДАГИ НИЗОМНИ ТАСДИҚЛАШ ҲАҚИДА
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2020 йил 20 ноябрдаги 736-сонли «Солиқ маъмуриятчилигини янада такомиллаштириш бўйича қўшимча чора-тадбирлар тўғрисида»ги қарорига асосан ўз кучини йўқотган.
Ўзбекистон Республикаси Президентининг «Ишбилармонлик муҳитини янада тубдан яхшилаш ва тадбиркорликка янада кенг эркинлик бериш чора-тадбирлари тўғрисида» 2012 йил 18 июлдаги ПФ-4455-сон Фармонини амалга ошириш мақсадида Вазирлар Маҳкамаси қарор қилади:
1. Умидсиз солиқ қарзини ҳисобдан чиқариш тартиби тўғрисидаги Низом иловага мувофиқ тасдиқлансин.
2. Ўзбекистон Республикаси Давлат солиқ қўмитаси Адлия вазирлиги ва бошқа манфаатдор вазирликлар ва идоралар билан биргаликда икки ой муддатда:
қонун ҳужжатларига ушбу қарордан келиб чиқувчи ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;
идоравий норматив-ҳуқуқий ҳужжатларни ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2012 йил 24 октябрь,
307-сон
Вазирлар Маҳкамасининг 2012 йил 24 октябрдаги 307-сон қарорига
ИЛОВА
Умидсиз солиқ қарзини ҳисобдан чиқариш тартиби тўғрисида
НИЗОМ
I. Умумий қоидалар
1. Ушбу Низом Фуқаролик кодекси, Солиқ кодекси ва «Банкротлик тўғрисида»ги Ўзбекистон Республикаси Қонунига мувофиқ давлат солиқ хизмати органлари томонидан умидсиз солиқ қарзини ҳисобдан чиқариш тартибини белгилайди.
Умидсиз деб эътироф этилган солиқ қарзи ҳисобдан чиқарилиши керак.
2. Тугатилаётган юридик шахснинг мол-мулки етарли бўлмаганлиги учун қониқтирилмаган солиқ қарзи умидсиз солиқ қарзи деб эътироф этилади.
3. Жисмоний шахснинг умидсиз солиқ қарзи деб қуйидагилар эътироф этилади:
вафот этган жисмоний шахснинг солиқ қарзи — жисмоний шахсларнинг даромадларига солинадиган солиқ қатъий белгиланган солиққа ва 2019 йил 1 январга қадар бўлган давр учун фуқароларнинг бюджетдан ташқари Пенсия жамғармасига суғурта бадалларига ҳисобланган пеня ва (ёки) жарималар, вафот этган жисмоний шахснинг солиқлари ва бошқа мажбурий тўловларини тўлаш бўйича солиқ мажбурияти суммасининг мерос қилиб қолдириладиган мол-мулк қийматидан ортиғи юзасидан. Вафот этган жисмоний шахснинг қарздорлиги меросхўр мавжуд бўлмаган тақдирда ҳам умидсиз ҳисобланади;
(3-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 21 октябрдаги 889-сонли қарори таҳририда — Қонун ҳужжатлари маълумотлари миллий базаси, 22.10.2019 й., 09/19/889/3945-сон)
суд томонидан бедарак йўқолган ёки муомалага лаёқатсиз деб эътироф этилган жисмоний шахснинг солиқ қарзи, — ушбу жисмоний шахснинг мол-мулки қийматидан ортиқ бўлган қисми юзасидан. Жисмоний шахсни бедарак йўқолган ёки муомалага лаёқатсиз деб эътироф этишни бекор қилиш тўғрисида белгиланган тартибда қарор қабул қилинган ёхуд жисмоний шахсни муомалага лаёқатли деб эътироф этиш тўғрисида қарор қабул қилинган тақдирда илгари ҳисобдан чиқарилган солиқ қарзи амал қилиши даъво муддатидан қатъи назар тикланади;
банкрот деб эътироф этилган якка тартибдаги тадбиркорнинг солиқ қарзи, мол-мулк етарли бўлмаганлиги учун қониқтирилмаган қисми юзасидан.
II. Юридик шахсларнинг умидсиз солиқ қарзини ҳисобдан чиқариш
4. Тугатиш бошқарувчиси тугатиш иши натижалари бўйича қопланмаган солиқ қарзи мавжуд бўлган тақдирда банкрот юридик шахс рўйхатдан ўтказилган жой бўйича давлат солиқ хизмати органига хўжалик судига ҳисобот тақдим этиш санасидан кечикмай тугатишга доир иш юритиш таомилини ўтказиш натижалари тўғрисидаги ҳисоботнинг нусхасини тақдим этиши шарт.
5. Хўжалик судининг банкрот деб эътироф этилган юридик шахснинг тугатиш иши тамомланганлиги тўғрисидаги ажрими давлат солиқ хизмати органи томонидан ушбу юридик шахснинг солиқ қарзини ҳисобдан чиқариш тўғрисида қарор қабул қилиш учун асос ҳисобланади.
6. Юридик шахсларнинг умидсиз солиқ қарзини ҳисобдан чиқариш ушбу Низомнинг 1-иловасига мувофиқ шакл бўйича давлат солиқ хизмати органи раҳбарининг ёки раҳбар ўринбосарининг қарори асосида амалга оширади.
Умидсиз солиқ қарзини ҳисобдан чиқариш тўғрисидаги қарорга:
хўжалик судининг банкрот юридик шахсни тугатишга доир иш юритиш тамомланганлиги тўғрисидаги ажрими нусхаси;
тугатишга доир иш юритиш таомилини ўтказиш натижалари тўғрисидаги ҳисоботнинг нусхаси;
ушбу Низомнинг 2-иловасига мувофиқ шакл бўйича солиқ қарзи суммаси тўғрисидаги маълумотнома;
жорий йил учун солиқ тўловчининг шахсий карточкалари илова қилинади.
7. Умидсиз солиқ қарзини ҳисобдан чиқариш тўғрисидаги қарор хўжалик судининг банкрот юридик шахсни тугатишга доир иш юритиш тамомланганлиги тўғрисидаги ажрими нусхаси олинган санадан бошлаб уч иш кунидан кечикмай қабул қилинади.
8. Давлат солиқ хизмати органлари томонидан умидсиз солиқ қарзи суммасини ҳисобдан чиқариш, умидсиз солиқ қарзини ҳисобдан чиқариш тўғрисида қарор қабул қилинган санадан бошлаб кейинги иш кунидан кечикмай солиқ тўловчининг шахсий карточкасига тегишли ёзувни киритган ҳолда амалга оширилади.
III. Солиқ тўловчи жисмоний шахсларнинг умидсиз солиқ қарзини ҳисобдан чиқариш
9. Банкрот деб эътироф этилган якка тартибдаги тадбиркорнинг умидсиз солиқ қарзи хўжалик судининг тугатишга доир иш юритиш тамомланганлиги тўғрисидаги ажрими асосида ҳисобдан чиқарилади.
10. Солиқ тўловчи жисмоний шахсларнинг умидсиз солиқ қарзи суднинг қарздор жисмоний шахсни бедарак йўқолган ёки муомалага лаёқатсиз деб эътироф этиш тўғрисидаги қарори, шунингдек қарздор жисмоний шахснинг вафот этганлиги тўғрисидаги гувоҳнома асосида ҳисобдан чиқарилади.
11. Солиқ тўловчи жисмоний шахсларнинг ва якка тартибдаги тадбиркорларнинг умидсиз солиқ қарзини ҳисобдан чиқариш ушбу Низомнинг 1-иловасига мувофиқ шакл бўйича давлат солиқ хизмати органи раҳбарининг ёки раҳбарнинг ўринбосарининг қарори асосида амалга оширилади.
Якка тартибдаги тадбиркорларнинг умидсиз солиқ қарзини ҳисобдан чиқариш тўғрисидаги қарорга:
банкрот бўлган якка тартибдаги тадбиркорнинг тугатишга доир иш юритиш тамомланганлиги тўғрисидаги хўжалик судининг ажрими;
ушбу Низомнинг 2-иловасига мувофиқ шакл бўйича солиқ қарзи суммаси тўғрисидаги маълумотнома;
жорий йил учун солиқ тўловчининг шахсий карточкалари илова қилинади.
Жисмоний шахсларнинг умидсиз солиқ қарзини ҳисобдан чиқариш тўғрисидаги қарорга:
солиқ тўловчининг вафот этганлиги тўғрисидаги гувоҳнома нусхаси;
меросга бўлган ҳуқуқ тўғрисидаги гувоҳнома нусхаси (мерос мавжуд бўлган тақдирда);
суднинг солиқ тўловчини бедарак йўқолган ёки муомалага лаёқатсиз деб эътироф этиш тўғрисидаги қарори;
ушбу Низомнинг 2-иловасига мувофиқ шакл бўйича солиқ қарзи суммаси тўғрисидаги маълумотнома;
жорий йил учун солиқ тўловчининг шахсий карточкалари илова қилинади.
12. Умидсиз солиқ қарзини ҳисобдан чиқариш тўғрисидаги қарор ушбу Низомнинг 9 ва 10-бандларида кўрсатилган тасдиқловчи ҳужжатлар олинган санадан бошлаб уч иш кунидан кечикмай қабул қилинади.
13. Давлат солиқ хизмати органлари томонидан умидсиз солиқ қарзи суммасини ҳисобдан чиқариш, умидсиз солиқ қарзини ҳисобдан чиқариш тўғрисида қарор қабул қилинган санадан бошлаб кейинги иш кунидан кечикмай солиқ тўловчининг шахсий карточкасига тегишли ёзувни киритган ҳолда амалга оширилади.
IV. Ҳисобдан чиқарилган умидсиз солиқ қарзи суммасини ҳисобга олиш ва улар тўғрисида ҳисобот бериш
14. Давлат солиқ инспекциялари ҳисобдан чиқарилган умидсиз солиқ қарзи суммаси ҳисобини юритадилар.
Ҳисобдан чиқарилган умидсиз солиқ қарзи бўйича ҳужжатлар қонун ҳужжатларида белгиланган тартибда ва муддатларда сақланади.
15. Кейинги ойнинг 10-кунигача ҳар ойда Ўзбекистон Республикаси Давлат солиқ қўмитаси ҳисобдан чиқарилган умидсиз солиқ қарзи тўғрисидаги маълумотни Ўзбекистон Республикаси Молия вазирлигига солиқлар ва бошқа мажбурий тўловларнинг турлари бўйича тақдим этади.
V. Томонларнинг жавобгарлиги
16. Давлат солиқ хизмати органларининг мансабдор шахслари ушбу Низом қоидаларига риоя этилиши ва уларнинг бажарилиши учун шахсан жавоб берадилар.
17. Солиқ тўловчилар ва қонун ҳужжатларига мувофиқ уларнинг манфаатларини ифодалашга вакил қилинган шахслар, тугатиш бошқарувчиси бузилган ва нотўғри маълумотлар ва ҳужжатлар тақдим этганликлари учун қонун ҳужжатларида белгиланган тарзда жавоб берадилар.
Умидсиз солиқ қарзини ҳисобдан чиқариш тартиби тўғрисидаги Низомга
 1-ИЛОВА

‎‎Умидсиз солиқ қарзини ҳисобдан чиқариш тўғрисида
‎ҚАРОР

‎‎

‎20__ йил «__» _________ № ________

‎‎

‎‎________________________________________________________________ (умидсиз солиқ қарзини ҳисобдан чиқариш учун

‎‎__________________________________________________________асосида

‎‎асос бўлган ҳужжатнинг номи, рақами ва санаси)

‎‎________________________________________________________

‎‎(юридик шахснинг номи, СТИР / жисмоний шахснинг фамилияси, исми, отасининг исми)

‎‎____________________________________________________________нинг
‎‎__________ сўм __ тийин умидсиз солиқ қарзи ҳисобдан чиқарилсин.
‎‎
‎‎____________________________________

давлат солиқ инспекцияси раҳбари ‎

‎‎(туман / шаҳар)

(раҳбар ўринбосари) ‎

‎‎
‎‎______________________ /________________________________________/

(имзо) ‎

‎‎(Ф. И. О.)

‎‎

М.Ў. ‎

 ‎ ‎
Умидсиз солиқ қарзини ҳисобдан чиқариш тартиби тўғрисидаги Низомга
2-ИЛОВА

Солиқ қарзи суммаси тўғрисида маълумотнома‎‎

‎‎

‎‎____________________________________________________ (юридик шахснинг номи, СТИР;

‎‎____________________________________________________
‎жисмоний шахснинг фамилияси, исми, отасининг исми, СТИР)

‎‎

‎‎______ йил «____» __________даги ҳолати бўйича

‎‎

(сўмда)‎‎

Т/р ‎‏

Солиқлар ва мажбурий тўловлар турлари

Қарздорлик:‎‎

Ҳаммаси‎

солиқлар ва бошқа мажбурий тўловлар бўйича‎ ҳисобланган пенялар бўйича‎ жарималар бўйича‎
‎ ‎ ‎ ‎ ‎ ‎
‎ ‎ ‎ ‎ ‎ ‎
‎ ‎ ‎ ‎ ‎ ‎
‎ ‎ ‎ ‎ ‎ ‎

‎‎Жами:

 ‎ ‎ ‎ ‎
‎‎

___________________‎

давлат солиқ инспекцияси раҳбари ‎‎

(туман / шаҳар) ‎‎

(раҳбар ўринбосари)‎‎

‎‎
‎‎_____________ /_______________________________/

‎‎(имзо)

‎‎(Ф. И. О.)

‎‎

‎‎______________________
‎‎‎(туман / шаҳар)

‎‎давлат солиқ инспекциясининг Солиқлар ва мажбурий тўловлар тушумларини ҳисобга олиш, таҳлил қилиш, маълумотлар базасига хизмат кўрсатиш бўлими бошлиғи

‎‎____________ /______________________________________/

‎‎(имзо)

‎‎(Ф. И. О.)

‎‎
‎‎

М.Ў.‎‎‎

 ‎ ‎ ‎ ‎
(Ўзбекистон Республикаси қонун ҳужжатлари тўплами, 2012 й., 43-сон, 497-модда; 2016 й., 17-сон, 176-модда; Қонун ҳужжатлари маълумотлари миллий базаси, 22.10.2019 й., 09/19/889/3945-сон)